رواية شمس تتحدي الغيوم الجزء الثاني (للعشق كلمته الاخيرة) الفصل العشرون
فى احدى الدول الاوروبيه يفتح عينيه فيجدها نائمه فى احضانه متشبثه به وكانها تحتمي به متختبئه بداخل صدره ولما لا وهو مصدر أمامها مصدر قوتها محط امالهاواحلامها
الهديه التي أهداها القدر لها
يبتسم لها ويتامل فى ملامحها الجميله التي تبعث فى نفسه السعاده والهناء
يتذكر ليلة امس وكيف قضاها سويا وكل منهما يحاول على قدر طاقته اسعاد الطرف الاخر وتعويضه واشفاء لجروحه
مشاعر واحاسيس جديده عليه حياة جديده تحمل له الامل والتفاؤل فى مستقبل آت
اخذ يلمس بشرتها البيضاء يريد ان يدخلها فى احضانه ولا يراها سواه
تفتح عينيها ببطء فتجده ناظرا اليها فتشعر بالاحراج نعم فبرغم زواجها من قبل الا انها فى وضع مختلف تماما فهي الان مع يزيد من كان لها رئيسا فى العمل اما الان فهو زوجها وحبيها بكل ماتحمل الكلمه من معنى
تبتسم له:صباح الخير ياحبيبي
يزيد':صباح الفل ياروح حبيبك
ايمان :'هى الساعه كام دلوقتي
مش عاوزك تسالي عن الساعه عاوزين ننسى الزمان والمكان
منفتكرش غير اننا مع بعض وبس
ايمان:بتحبني اوي كده يايزيد
يزيد:بحبك دي كلمة قليله اوي على احساسي بيكي ايمان انتي حبيبتي ومراتي وكل دنيتي الدنيا الجميله اللي ربنا يقدرتي واعيشهالك
ايمان:ياحبيبي يايزيد ربنا يخليك لية يارب ويقدرني اني اسعدك
يزيد: انتي اسعدتيني فعلا بوجودك فحياتي يامنتي ياااه ياايمان انا مش عارف اشكر القدر ازاي انه جمعني بيكي
ايمان فجأة : الولاد
يزيد: مالهم يخرببيتك
ايمان:عاوزة اطمن عليهم يايزيد من وقت ماجينا ماكلمنهمش
يزيد: طيب بالراحه خضيتيتي مجنونه وربنا
تتصل على تليفون عشق:قلبي عامله ايه ياروحي
عشق:ايمي حبيبتي وحشتي اوي
ايمان:وانتي كمان وحشتيتي اوى قليلي بقى بتعملي ايه
عشق:بلعب مع هلا
ايمان: ياروحي بوسيهالي
عشق:حاضر ياايمي
ايمان:لولى وسولي غاملين ايه
عشق:تيته قاعده معاهم هي وجدو بياكلوهم
ايمان: خدي بالك من اخواتك ياعشق ياحبيبتي
عشق:حاضر ياايمي
ايمان: الورد ياعشق اوعوا تنسوه
عشق:متخافيش ياايمي انا وانس بنرويه كل يوم وشكله بقى حلو اوى
ايمان:بابي عاوز يكلمك ياقلبي
يزيد: اميرة قلبي وحبيبتي عامله ايه
عشق:بابي حبيبي وحشتنى اوي
يزيد: انتي وحشتيني اكتر ياقلب بابي خللي بالك من نفسك ومن اخواتك
عشق:حاضر يابابي بس انا كان نفسي اسافر معاكم
يزيد: تسافري معانا لا مينفعش خالص ياعشقي انا
هو انا كنت عارف اعمل حاجه وانتي معانا لما حجيبك هنا ده يبقى شهر عنب مش شهر عسل
بصي يانور عيوني اوعدك لما نرجع حاخدكم كلكم ونطلع كلنا رحله حلوة اوي ماشي ياقلبي
عشق:ماشي يابابي
يغلق معها الهاتف:سيدتي الجميله ممكن تسمحيلي انا دبت فتسبيله ونهاري بقى ليلي
قلبي حبك انتي سماكي حبيبتي والشوق يااميرتي ليله بالف ليل
إيمان :ياريتني قابلتك مااقابل حد ياريت مشوار عمرنا يتمد ياريتني عرفتك من زمان من زمان
ماكنش امل فحياتي اتهد ماكنش الدمع جرحلي الخد مكنتش حعرف احزان احزان
يزيد :ولا كان عدى العمر وفات ولا كان تعب القلب اهات كنت هويتك وانت هويتني كنت لقيتك وانت لقيتني ياريتني
ايمان ويزيد :هههههههه
ايمان:ياريت محدش كان دخل حياتي قبلك يايزيد ياريتك كنت اول حد فحياتي
يزيد :كل شئ باوان ياايمان انسي كل اللي فات اعتبريه مكنش موجود أصلا
ان شاء الله كل اللي جاي يبقى فرح وسعاده وحب لا حيكون فى اهات ولا احزان واوعدك ياقلبي ان طول مانا عايش على وش الدنيا حتكوني اسعد إنسانه فى الدنيا
ايمان :ياحبيبي يايزيد ربنا يخليك لية يارب انت أحلى حاجه حصلتلي انت اجمل هديه هداني بيها القدر
ثم تقف على الفراش :بحبك بحبببببك يايزيد بحبببببك
يزيد يقف بجواىها ويحتصنها:بحبك وبموت فيكي يامجنونه
إيمان :انا مجنونه
يزيد :احلى واجمل مجنونه فى الدنيا كلها ههههههههه
مولاتي تحب تنزل تفطر تحت واللا نطلب الفطار هنا
ايمان:توء توء مولاي وسيدي جاريتك زمرده تريد الاشباع منك يامولاى فلقد اشتقت لك حبك ظمات لك شرابا اريدك لي وحدي لا أريد طعاما تأكله بفمك يشاركني فيك ولن استطيع رؤية الشراب وانت ترشفه يلمس شفاهك
فأنا اغار عليك سيدي من كل ماتمسكه يدك او تلمسه أصابعك
يزيد: سيدتي ومولاتى الجميله انا لكي بكل جوارحي لن يتملكني غيرك لن يستطيع شيئا ان يجعلك تغارين لانكي تعلمين تمام اليقبن بأنه ليس هناك مكانه ولا منزله لأحد غيرك
فلقد استوليتي على قلبي فلتاخذيه بيديكي انتزعيه من بين ضلوعي كي يطمئن قلبك بانه لن يشاركك احد فيه فى يوم من الايام
فمادامت الانهار تفيض بمائها ومادامت السماء تمطر علينا من غيثها فسوف يجري حبك فى كياني ولن يستطع شيئا انتزاعه من داخلي ولتفعلي به ماتشائين
فهو ليس له القدرة على شئ سوى النطق باسمك
إيمان :كلا يامولاي فلقد سلمتك امري وروحي ووجداني ولو بيدي لوهبتك حياتي وانا اثق بك تمام الثقه بأنك من تستحق حبي وادعو الله ان يوفقني لطاعتك سيدي ومولاي الملك الذي تربع على عرش قلبي
يزيد :برافو هايل يافنانه هههههههه هههههه حبيبتي تعرفي اننا ممكن نمثل مسرحيه سوا
إيمان :وتبقى انت البطل وانا البطله عارف لو اختارت بطله غيري حدبحك
يزيد :انا مقدرش اختار بطله غيرك انتي حبيبتي يامنتي انتي بطلة حياتي كلها
إيمان :وانت حبيبي ياقلب منتك بطلي اللي حخوض يه كل المعارك
يزيد :طب ماتيجي نخوض معركه بقى ونشوف مين اللي حيغلب
إيمان :هههههههه هههههههه لا انا بعلن استسلامي من دلوقتى يابطلي
يزيد :بحبك يامجنونه
💙وانا بحبكم والله ومبسوطه عشانكم اوي انتوا تستاهلوا كل خير ربنا يهنيكم ببعض
👋👋👋👋👋👋👋
تجلس على شاطئ البحر تنظر للامواج
تستمع لصوته خلفها:تسمحيلي اقعد معاكي شويه
ماسه:حسن اتفضل طبعا
يجلس بجوارها:ايه اللي مقعدك فى الوقت المتأخر ده والجو كمان برد عليكي اوي
ماسه: متقلقش علية انا كويسه انت ايه اللي جابك دلوقتي
حسن:مش عارف حسيت نفسي زهقان قلت انزل اتمشى شويه
وبصراحه انا كان عندي احساس اني حاجي حلاقيكي هنا قلت اجي اقعد معاكي شويه
ماسه :عارف ياحسن زمان كنت باجي هنا بالليل دايما وانت مكنتش بتشوفني ولا بتحس بوجودي اصلا كان كل اللي شاغلك وقتها كلامك مع ايمان وبس مكنتش بتبقى حاسس باي حاجه ولا شايف حد وانت معاها
حسن: ايمان كانت حاجه حلوة وجميله اوى وهي معايا مكنتش بحتاج افكر فاي حاجه تانيه ربنا يهنيها ويفرح قلبها يارب
ماسه:من قلبك ياحسن
حسن:طبعا ياماسه من كل قلبي انا مشفتش منها غير كل خير ايمان حتفضل ذكرى حلوه جوايا وموقف اتعلمت منه كويس وحفظت الدرس خلاص
ماسه: وحبها ياايمان نسيته
حسن:ماسه انا مش من حقي دلوقتى احس باي حاجه ناحية ايمان هي بالنسبه لي مش اكتر من مجرد ذكرى جميله وانا بحاول على اد مااقدر اني امنع نفسي من التفكير فيها لان انا نفسي مرضاش ان حد يفكر فحبيبتي واللي مرضهوش على نفسي مرضهوش على غيري
ماسه: ربنا يكتبلها الخير يارب
حسن:يارب ياماسه المهم طمنينى عليكي عامله ايه دلوقتي
ماسه:كويسه الحمد لله
حسن انا بجد مش عارفه اقولك ايه انا المفروض دلوقتى كنت ابقى فمكان تاني خالص لولاك ياحسن يعني لو بابي مكنش قالك تعالى معانا
حسن:ماسه فى حاجات كتير فحياتنا مينفعش نقول فيها لو لان كل شئ فحياتنا مقدر عند ربنا
يعني لو مكنش فى مشكله عند ايمان مكناش سيبنا بعض ولو مكناش سيبنا بعض كان زماني دلوقتي سيبت شرم خالص وعايش فى اسكندريه
ولو ده حصل مكنتش حشتغل مع باباكي ومكتتش حشوف يسين واحبه بالشكل ده ومكنتش حكون معاكم ومش حقدر انقذك
كل حياتنا بنقول فيها لو لو مع ان كل شئ بيكون مقدر من عند ربنا
ماسه احنا كل اللي بيحصلنا مقدر زي ماربنا قدر انك تكوني جمبي وتقفي معايا وانا حفضل مدين ليكي العمر حله
ماسه:انا اللي حفضل مدينه ليك انك اتقذت حياتي من الموت ياحسن
حسن:وانا مدين ليكي انك اتقذتيني من الضياع
ماسه :وجودي فحياتك مهم بالنسبه لك اوي كده ياحسن
حسن :ماسه انا وقت ماسمعت اشرقت بتصرخ انا كنت حاسس ان روحي بتنسحب مني ولما كنتي مش عاوة تفوقي كنت حاسس اني حموت من احساسي بالخوف عليكي
ماسه انتي ليه رفضتي مروان
ماسه:مبحبهوش
حسن:وليه كنتي بتيجي بالليل وتنزلي الشط وانا بتكلم مع إيمان
ماسه وهي تقوم لتمشي :انا ماشيه ياحسن عن اذنك
حسن :لاء ياماسه مش حسيبك تمشي او بمعنى اصح تهربي ماسه معقوله الاحساس اللي وصللي ماسه انتي بتحبيني
ماسه:عن اذنك ياحسن
حسن :مش حتمشي ياماسه انتي عاوزة تهربي مني ليه
ماسه:ارجوك بقى ياحسن سيبني انا عاوزة امشي
حسن:وانا عاوز افهم محتاج افهم
ماسه:عاوز تفهم ايه بالظبط
حسن:ماسه انتي بتحبيني
ماسه :وده حيفرق معاك حاجه
حسن :ماسه ارجوكي جاوبيني ياماسه
ماسه:حاضر ياحسن حجاوبك ايوة ياحسن بحبك حبيتك من اول لحظه شفتك فيها حبيتك اوى ولما مامي وبابي عرفوا سفروني قبل فرحك عشان خافوا علية حاولت اطلع حبك من قلبي ومقدرتش سافرت وبعدت اه حاولت اتعايش واتمنتلك الخير والله العظيم اتمنتلك الخير من كل قلبي لكن مقدرتش انساك صورتك عمرها ماغابت عني لحظه
بس لما عرفت انك سيبت ايمان لسبب هي ملهاش ذنب فيه حسيت ان مشاعري متلغبطه حسيت اني خايفه منك حسيت انك غدار وملكش امان وانك سيبت حبيبتك فعز وجعها عشان مش حتقدر تحققلك حلمك فى انك تكون اب
مشاعر مختلطه سيطرت علية خلتني حسه اني تايهه زعلانه منك ومش قادرة ابطل احبك
ببقى مش عاوزة اشوفك وفنفس الوقت بكون مبسوطه وانا بقضي وقتي معاك
بحاول ابعد عنك وفنفس تلوقت بتحجج باي حجه عشان اكون جمبك وماسيبكش
خلاص عرفت ارتحت ياحسن
كان حسن يستمع إليها وهو غير مصدق مايسمع وكيف له الا يشعر بتلك المشاعر التي تكنها له
حسن :ماسه انا مش قادر اصدق معقوله دي انتي بتحبيني لا مش ممكن
ماسه :ممكن بقى تسيبني امشي
حسن :اسيبك انا عمري ماحسيبك ابدا ياماسه انا مستعد احارب الدنيا كلها علشانك
ماسه :وده ليه أن شاء الله
حسن :عشان انا بحبك ياماسه
ماسه:حسن انت بتقول إيه
حسن :بقول الحقيقه اللي حاولت اهرب منها كتير بقالي شهور بحاول اقنع نفسي ان مشاعري ليكي مجرد صداقه اخوه
لكن الحقيقه مش كده الحقيقه اني بحبك بحبك ياماسه انا مبقتش بقدر ابعد عنك بغير عليكي من اي حد يكلمك او يبصلك بخاف عليكي اكتر من اي حد فى الدنيا
كل ده اكدلي اني بحبك ياماسه
حصل امتى معرفش مش قادر أعرف ازاي حبك اتسلل لية واحتل قلبي بالشكل ده بقيت مبشوفش غيرك ولا عاوز اقعد مع حد غيرك وجودك معايا بقى بيغنيني عن كل الناس
ماسه تتجوزيني ياماسه
ماسه:لاء لاء ياحسن انا اسفه مقدرش اتجوز واحد زيك حتى لو كانت روحي فيه
حسن :ليه ياماسه
ماسه :عشان معنديش استعداد لو طلعت مبخلفش تسيبني زي ماسيبت ايمان
حسن :انتي بتقولي ايه انا لايمكن حسيبك ابدا
ماسه :حتى لو طلعت مبخلفش
حسن :حتى لو طلعتي مبتخلفيش
ماسه :وحلمك انك تكون اب وصور الاطفال اللي على تليفونك
حسن :مش مهم كل ده مش مهم وجودك فى حياتي حيكون كافي عن الدنيا كلها
ماسه :وليه ده كله
حسن :عشان بحبك ياماسه بحبك
ماسه:وايمان مكنتش بتحبها ياحسن
حسن :ايمان طبعا كنت بحبها كانت حاجه حلوة جميله اسعدتني كتير وعندها قدرة تسعد اي حد يدخل حياتها عيشتني فدنيا جميله
بس صدقيني لو قلتلك معرفش اذا كنت انا حبيتها بجد واللا حبيت روحها الحلوة وخفة دمها اللي دايما كانت بتفكرني بأمي
كنت بحس معاها اني مستغني عن الدنيا كلها
لكن انفصالنا عن بعض اكدلي ان حبي ليها مكنش قوي بدليل انه انهار مع اول مشكله قابلته مقدرش يقف قصاد الريح
ماسه :وانا معنديش حاجه اقدمهالك اكتر من اللي ايمان اديتهالك ياحسن عشان حضرتك تتمسك بية وتتحدى بوجودي معاك اي مشكله تقابلنا
حسن :لاء معاكي ياماسه معاكي قلبي اللي حس معاكي بالامان معاكي روحي اللي كانت حتروح مني لو كان حصلك حاجه
انا بحس وانتي مش معايا كأني طفل تايه من أمه ضايع بيدور عليها فكل الوشوش
ماسه انا وايمان ماتعرضناش لمشكله تقوي حبنا
بالعكس احنا حياتنا كلها اتهدت مع اول مشكله
لكن حبي انا وانتي اتولد من وسط الدموع والاهات اتولد من قلب احزاني على ايمان واحساسي بمرارة فقدانها
وانا متاكد ان وجودك فحياتى حيساعدنا نواجه اى مشكله ممكن نتعرضلها
ماسه :خايفه ياحسن
حسن :متخافيش ياماسه مديلي ايدك واوعدك عمري ماحخذلك ابدا عمري ماحسيبك تقعي حضحي بروحي عشانك ياماسه
ماسه :مش عارفه اقولك ايه ياحسن
حسن:مش انتي للي حتقولي ياماسه عشقك لحسن وحبك ليه هو اللي حيقول وهو اللي حتكونله الكلمه الأخيرة
♥️♥️♥️♥️♥️♥️♥️
لا تعرف ماذا تفعل ولمن تلجا هي اصبحت وحيده بلا اهل بلا اصدقاء
لا تستطيع اتخاذ قرار بنفسها تقرر ان تتصل بها لعلها تجد عندها الراحه والأمان
ايوه مين معايا
مياده :ازي حضرتك انا مياده
مريم :مياده اهلا ازيك يامياده عامله ايه طمنيني عليكي
مياده:انا محتاجالك اوي انا معنديش حد بساعدني ولا يقف جمبي حسه اني ضايعه ممكن تساعديني الله يخليكي
مريم :تعاليلي حالا انا قاعده فكافيه.......
بعد قليل تجلس مياده امام مريم
مريم:خلاص يامياده ممكن متعيطيش وتهدي شويه وتحكيلي بالراحه
مياده:انا ضيعت نفسي خلاص وصديقة السوء خلصت علية
الفضيحه اللي عملتهالي خلت اسكندريه كلها بقت على علم بموضوعي مش عارفه اشتغل فاى مكان عاوزة اعمل اي حاجه اكل منها عيش مش عارفه
مريم :بصي يامياده انا حساعدك تقفي على رجلك بس بعد كده مليش دعوة بيكي وحسيبك تقفي على رجلك بنفسك وتعتمدي على نفسك
مياده :ياريت الله يخليكي
مريم:اولا انتي خلاص مينفعش تفضلي فى اسكندريه الناس مبتنساش بسهوله وكده كده انتي خلاص متعرفيش حاجه عن اهلك
انتي حتنزلي معايا القاهرة انا اصلا من هناك
حساعدك تبيعي شقتك وتشتري فى القاهرة شقه صغيرة على ادك وحساعدك تفتحي مكتب وتبدئي فيه من اول وجديد وانا كل اللي حقدر عليه اني اساعدك فى التراخيص وفتح المكتب بعد كده بقى انتي وشطارتك لازم تتعودي تعتمدي على نفسك مش حتفضلي طول عمرك معتمده عالناس
مياده :انا مش عارفه اشكرك ازاي
مريم:مش عاوزاكي تشكريني انا عاوزاكي تتعلمي من أخطائك واوعي تكرريها
مياده:انا حفظت الدرس خلاص وبدعي ربنا انه يسامحني على كل اللي عملته
مريم :وربنا مبيقفلش باب توبته فوش حد يامياده ياللا بينا
مياده:حنروح فين
مريم:حنروح لحسام وأمري لله عشان يساعدنا نبيع الشقه بسرعه
مياده خدي بالك اوعي عينك تزوغ عليه انا عارفاكي وديني ادخلك السجن متطلعيش منه العمر كله
مياده بكسرة نفس والدموع تنهمر على وجهها:لا خلاص متتعبيش نفسك انا حتصرف لوحدي
وانا اسفه لو كنت ضيعتلك وقتك
مريم :مياده انتي زعلتي انا مش قصدي والله
مياده :حضرتك معاكي حق تخافي مني بس انا خلاص مبقتش عاوزه حاجه من الدنيا اصلا غير ان ربنا يسامحني و اي شغلانه اكل منها عيش واربع حيطان يلموني انا خلاص ياحضرة الظابط خدت عقابي اللي استحقه كفايه اهلي اللي اعتبروني مت والله اعلم حقدر اشوفهم تاني واللا خلاص
وسمعتي اللي بقت فى الارض تفتكري ممكن افكر تاني فاي حاجه
مريم :طب ياللا يامياده وان شاء الله ربنا حيسامحك
مياده :يارب
😑😑😑😑😑😑😑😑
تجلس على ركبتيها فى احدى المطابخ بباريس تمسح الارض
تسمع صوته خلفها:خلصتي واللا لسه
انجي:قربت اهوه ياجو
جو:انجي انتي مش حتنفعي فى الشغل ده
انجي :ليه ان شاءالله مانا غسيل اطباق وبغسل ارض وبمسحها عاوز ايه اكتر من كده
جو:عاوز اطلعك على وش الدنيا
عاوزك تطلعي فوق تقعدي مع الزباين وتظبطي امورك انتي حلوه وجسمك حيعجبهم اوي وحتاخدي في الليله اكتر من اللي بتاخديه هنا مية مرة
انجى : لا ياعنيه انا مش حشتغل الشغلانه دي اه
جو:ليه يابطه مكنتيش ماشيه على حل شعرك فمصر وكل يومين فحضن راجل واللا ايه اوعي تكوني فاكراني اهبل واللا برياله
انا مفيش واحده تشتغل معايا الا ولازم اجيب ارارها اعملي حسابك من بكرة حتطلعي مع الزباين انتي فاهمه واللا لاء
ياما تدوريلك على مكان تشتغلي فيه ماشي ياحلوة
انجي :الله يخرببيتك ياادم على بيت اليوم اللي عرفتك فيه
😑😑😑😑😑😑😑
بعد مرور شهر
اطمئن على اولاده وقبلهم ثم فتح غرفتها واستنشق رائحة عطرها التي تنتشر فى المكان جلس على حرف الفراش فوجدها جالسه امامه تنظر اليه بنفس نظرة الحب والحنان التي كانت تمنحه القوة والسعاده :انتي هنا ياحبيبتي
عاليه :انا هنا دايما ياحبيبي بطمن عليك وعلى ولادي
يزيد :انتي زعلانه مني ياعاليه
عاليه :انا مش ممكن ازعل منك ابدا يايزيد
يزيد انت عيشتني ملكه ومن حق الملك انه يكمل حياته ويعيش كفايه علية اني اخلصتلي وانا عايشه
عيش ياحبيبي وانبسط وافرح معاها كفايه اللي بتعمله مع ولادي
يزيد :ياحبيبتي ياعاليه وحشتيني اوى
عاليه:انت وحشتني اكتر بس انا مطمنه عليك ياحبيبي خللي بالك من نفسك يايزيد وخللي بالك من الولاد ياحبيبي
يزيد :عاليه استني ياعاليه
فتفتح عليه الباب:بابي
يزيد :عشق لا انا مش عارف انتي ايه حكايتك معايا انتي على طول كده مقطعه علية
عشق :بتقول حاجه يابابي
يزيد :بحبك ياعشق ياحبيبة بابي
عشق :وانا بجبك أوي يا بابي
يتجه لغرفته ويفتحها ينادي عليها فلم يجدها :ايمان موني انتي فين ياقلبي
يسمع رنه قادمه عليه ايوة ياسيدي
يلتفت للصوت ماهذا الذي يراه امامه انها لاتختلف شيئا عن الراقصات فى الموالد الشعبيه ههههههههه يخرببيت سنينك ايه اللي انتي عاملاه فنفسك ده
ايمان:ايوه عليك ياسيدي كده بردو مكنش العشم تكسفتي كده
وبعدين هو انت تعرفني اصلا عشان تتكلم معايا بالطريقه دي
يزيد:طب ماتعرفينا بنفسك ياقمر انتي
ايمان:اناخدامتك ايمي جايه هنا عشان ابسطك وافرفشك وارجعلك ضحكتك
يزيد: ههههههه طب خللي بالك بقى احسن مراتي حبيبتي لو دخلت دلوقتي وشافتك انا مش مسئول
ايمان:اخاف واكش من ده الوش ليه حتعمللي ايه يعني
يزيد :مراتي لا دي مبتتفاهمش دي بتعض على طول عارفه ستى قطاطه لما طلعت شعر اوشه فبؤها
ايمان:لما قالت للراجل باسني فبؤي ياحضرة الظابط
يزيد: ايوة هو كده بالظبط هههههههه
ايمان:على نفسها ياعنيه مش علية طب لو شاطرة توريني نفسها وانا اللى اجيبها من شعرها ده انت ماتعرفنيش
وبعدين ازاي حد مز زيك كده يعاشر واحده متوحشه كده
يزيد :من فضلك مسمحلكيش تتكلمي عن حبيبتي كده
ايمان وهي تقترب منه:بتحبها اوي كده ياسيدي يابختها بيك
يزيد :بحبها اوي بموت فيها وياللا بقى وريني عرض قفاكي قبل ماتيجي
إيمان :مانا قلتلك خليها تيجي انت متعرفنيش
يزيد :معرفكيش ده انا حافظك يامنتي مين يعرفك زيي انا
ايمان :عمر مافى حد فهمني زيك ولا حس بمشاعري غيرك ياسيدي وتاج راسي
يزيد :ههههههههه ههههههههه يخرب عقلك انتي ناويه على ايه
إيمان :كل خير ان شاء الله
تقوم بتشغيل اغنيه هابطه وتمسك يزيد من يديه وتجبره على الرقص معها
كم كان يزيد فرح معها يعيش فى دنيا لم يعشها من قبل ماكل تلك المشاعر الجميله التي يعيشها سعيد لدرجه لا توصف
يسمعون طرقا على الباب
يزيد :عشق اقسم بالله هي عشق انا مش عارف مالها بية حطاني فدماغها ليه
إيمان :ههههههه ههههههههههه
فيسمعون من الخارج :ياعالم ياللي جوة راعوا مشاعر الناس اللي فوقيكم مش كده البيت ده طاهر وحيفضل طول عمره طاهر
إيمان :هههههههه شفت بقى اديك ظلمت عشق حبيبتي
يزيد وهو يفتح له الباب فتحه صغيرة:عاوز ايه يازفت
عمر:انا اللي عاوز اعرف في ايه وايه اللي بيحصل هنا بالظبط
يزيد :وانت مالك يابارد
عمر:ماشي ياعم الله يسهله خفي عالباشا ياايمان احنا كلنا عاوزينه
ايمان من الداخل:عمر قول لسيف وقعته سوده ان شاء الله
عمر:ليه بس عملك ايه الغلبان ده
إيمان :مش شغال بضمير ياعمر قلله بس وهو حيفهم
عمر:ماشي يامراة الباشا
يزيد :امشي ياللا انجر على مراتك
عمر:ماشي ياعم الله يسهلله
يغلق فى وجهه الباب:هو احنا كنا بنقول ايه
ايمان:ههههههههه نحن رجال افعال لا اقوال ياباشا
يزيد :طب تعالي وانا حوريكي الافعال ياست ايمي هانم
إيمان :اوامرك ياسيدي
♥️♥️♥️♥️♥️♥️♥️
فى مساء اليوم التالي
يدخل الشقه وهو حاملها على يديه
الف مبروك ياحبيبتي
سلمى:الله يبارك فيك ياحبيبي
عصام:عجبك الفرح ياسلمى
سلمى:،عمري ماحلمت ولا اتمنيت اكتر من كده ربنا يخليك لية ياعصام
عصام:ويخليكي لية ياقلب عصام
عارفه ياسلمى اكتر حاجه فرحتني الليلادي ان كل زمايلي فى الشركه شاركوني فرحتي عمري ماتخيلت ان البشمهندس يزيد وايمان وعمر وشمس والشركه كلها تحضر فرحنا اخيرا حسيت بالراحه
سلمى :ربنا يريح قلبك يارب
عصام:انا قلبي ارتاح من يوم ماعرف الحب معاكي ياحبيبتي
سلمى :ربنا يقدرني واسعدك يارب
عصام:بحبك ياسلمى
سلمى:وانا كمان بحبك اوي ياعصام
