رواية شمس تتحدي الغيوم الجزء الثاني (للعشق كلمته الاخيرة) الفصل الواحد والعشرون
كل جنى مازرع من غرس فى الأرض خيرا حصده فرحا وسعاده ومن زرع الاشواك لم يحصد سوى الآهات والدموع
تنهمك فى عملها بكل جد ونشاط فلقد ألقت بكل همومها عرض الحائط وقررت ان تفتح صفحه جديده مع الدنيا واولها ان تجتهد فى عملها وتحقق كل ماتريد
بينما بجلس هو الاخر يمارس عمله فى صمت
يدخل عليهما وهو لا يعرف ماذا يفعل وكيف يبدأ الكلام فلقد وكلته ايمان بتلك المهمه التي لم يبداها بعد وتتابعه باستمرار
الله يخرببيت سنينك ياايمان ويخرببيت معرفتك السوده يعني انتي تمشي وتسيبيلي عفاريتك يطلعوا علية
هوانا ياربي كنت عارف اعمل حاجه فموضوعي انا واعهد لما حعمل مع دول وبعدين دول شبه الاصنام ححركهم ازاي دول
احم احم صباح الخير ياجماعه
رنا ورامي :صباح النور يابشمهندس
سيف :لا انا مبحبش الرسميات دي احنا هنا كلنا اخوات يعني انا سيف
رامي:اجدع سيف فى الدنيا
سيف :عاملين ايه طمنوني عليكم
رنا:الحمد لله والله بخير
سيف :هاه وانت يارامي ايه اخبارك يامعلم
سيف :تمام والله هو فى حاجه
سيف :ده في حاجات مش حاجه
بقولكم ايه هو انتوا طول الوقت كده بتشتغلوا
رامي:ايوه والله احنا مبنضيعش وقت خالص
سيف :ياسيدي وحد قالكم متضيعوش وقت انا عاوزكم تضيعوا وقت
رنا:انا مش فاهمه حاجه
سيف :اقسم بالله ولا أنا بصوا انا حفهمكم اصل الشغل مش حيخلص فاحنا بقى نعمل ايه نريح شويه نشرب حاجه ناخد وندي كده مع بعض فى الكلام
بقولكم ايه ماتيجوا اعزمكم نفطر سوا فى اى مكان
رنا:لا ربنا يخليك متشكرة اوى
سيف :اه صح مش حينفع طب وبعدين بس ياربي اتصرف ازاى دلوقتى يادي الواقعه السوده اشوف فيكي يوم ياايمان
😂😂😂😂😂😂😂
يعود الى بيته مع أذان المغرب منهك القوى فى حاجه شديده الى الراحه والطعام يفتح باب شقته فتخترق أنفه مزيج من الروائح الطيبه التي تجمع مابين رائحة العطر ورائحة الطعام الشهيه
يجدها مقبله عليه وهي تمسك الصغيرة من يديها لتعلمها المشي:بابا جه بابا جه
مرام :بابا بابا
عصام وهو يمد يديه إليها ويحملها:حبيبة قلبي بابا الله ايه الريحه الحلوة دي وايه الفستان الجميل ده
سلمى :اصلنا واخدين دش ومغيرين هدومنا عشان بابا ييجي يلاقينا بنات حلوين وطعمين
عصام وهو يضع يديه على كتفها :حبيبة قلبي ربنا يخليكي لينا يارب شفتي ماما بتحبك اد ايه يادودي
سلمى :حبايبي انتوا انا معنديش اغلى منكم
عصام :امممممم انا شامم ريحه اكل تجنن ياترى دي عندنا واللا عند الجيران
سلمى :طب قللي الاول شامم ايه وانا اقولك
عصام :شامم ريحة بيتزا وهي غرقانه فى الموتزاريللا
سلمى :حبيب قلبي جعان ياناس
عصام :حموت من الجوع ياقلبي
المهم طمنيني الريحه دي عندنا واللا ايه
سلمى :عندنا ياروح قلبي طبعا انا عامله النهارده بيتزا حتاكل صوابعك وراها
عصام :بس انا عاوز اكل وراها حاجه تانيه
سلمى :ههههههه بس بقى متكسفنيش
عصام :بموت فيكي وانتي مكسوفه ياست الستات
بس قوليلي صحيح منزلتيش منها للجماعه تحت
سلمى :وهو انا اقدر اعمل حاجه ومنزلش منها ده علاء يفضحنى فى العمارةوهوكمان بيموت فى البيتزا نزلتلهم طبعا
عصام :ياحبيبتي ياسلمى ربنا يخليكي لينا يارب
سلمى:ويخليك لينا ياحبيبي ياللا بقى غير هدومك وعالحمام خد دش على مااحط الأكل عالسفرة
عصام :بس انا كنت عاوزك تدلكيلي رجلي شويه اصل ايدك حنينه اوي يابنتي
سلمى :ههههههه من عيوني ناكل وبعد كده اعملك مساج يفكلك كل عضلاتك وانا اشتريت من العطار شوية زيوت طبيعيه حتريحك اوي ياحبيبي
عضام وهويقبل يدها:ربنا يريح قلبك زي مابتريحبني ياحبيبتي
سلمى :انا راحتي اني اشوفك مبسوط ياعصام
عصام:انا مدقتش الراحه وعرفت طعمها غير بعد مادخلتي حياتي ياحبيبة قلبي
سلمى :طب ياللا بقى عشان تحكيلي يومك كان ازاي
عصام :حاضر أخلص واجي اقعد على كرسي الاعتراف واحكيلك كل حاجه بالتفصيل
يجدون من يشد ملابسهم من الأسفل فيضحكون:ههههههه
عصام وهو يحملها ثانية :حبيبة قلبي الصغيرة ياناس
😘😘😘😘😘😘😘😘
يفترش الأرض ويجلس أمامهم يضحكهم بحركاته التي يفعلها معهم
تدخل اليهم وهي تحمل في يديها الببرونه المخصصه لكل منهما
خد ياقلبي ادي الولد الرضعه
عمر:ادهومي حبيب بابي ياناس تعالى ارضعك ياحبيبي
تحمل شمس هلا لتضع الببرونه فى فمها قلب مامي ياناس
شمس :اخبار الشغل ايه ياحبيبي
عمر:صدقيني لو قلتلك من وقت مانتي وايمان سيبتوا الشركه والشغل بقى دمه تقيل اوى
شمس :ليه ياروحي مفيش حد بتهزر معاه كده واللا كده
عمر:منين ياحسرة هو يزيد مخللي عندي وقت ده هادد حيلي فى الشغل
شمس :ورنا عامله ايه معاكم يايزيد طمني عليها
عمر :بصراحه بنت مجتهده جدا ياشموستي بتوصل الشركه من قبل معادها وتفضل تشتغل من وقت ماتدخل المكتب لحد ماتخرح ومتخرجش من وراها غلطه
شمس :طب الحمد لله طمنت قلبي انا كنت خايفه تكون مقصرة فشغلها معاكم
عمر:لا والله ابدا ده حتى يزيد مبسوط منها أوي هي ورامي اللي معاها
شمس :ربنا يوفقهم يارب
عمر :شموستي بقولك ايه
شمس :قول ياقلب شموستك
عمر:انا عاوز ادي العيال ده لماما وبابا يلعبوا بيهم شويه وانا استفرد بيكي ياقلبي
شمس :هههههه يخرببيت سنينك ياعمر طب ماهما كده حيفهموا وشكلنا حيبقى وحش
عمر:مايفهموا هو انا شاقطك من الشارع ده انتي مراتي يابت
العشق العشق الشوق الشوق
شمس :ههههههه ههههههه
عمر :وبعدين دول المفروض يفرحوا ان ابنهم قايم بمهامه على اتم وجه
شمس :ماشي لو كده يبقى معنديش مانع ياقلبي
عمر:تمام انا حاخد العيال دي اوديهم وعلى ماارجع تكوني حضرتيلنا اغنيه هابطه كده ولبستي لبس فاضح عشان ترقصيلي شويه
شمس :عمر مالك ياحبيبي هو فى حاجه
عمر:اه فى اشمعنا يعني ايمان ترقص ليزيد وانتي مترقصليش هما احسن مننا واللا ايه
شمس :يخرببيتك وانت عرفت منين ان ايمان بترقص ليزيد
عمر :ياسلام على اساس ان الاغاني اللى بتشغلها كل شويه دي بيصلوا عليها دي خلت اخويا الراجل المؤدب المحترم اللي بيضرب بيه المثل فى الطهارة والعفه والخلق العليا يتشاقى
شمس :هههههههه ايمان دي عسل دي قلبت الفيلا هنا وخلت البيت مليان بهجه وفرحه كده
عمر :انتي حتقوليلي على يدي بس تعرفي ياشمس انا مبسوط اوي وانا شايف يزيد فرحان ومتهني معاها
يااه كل مابشوفه بيضحك من قلبه ببقى عاوز اقدملها جواب شكر اصلك متعرفيش يزيد ده عندي ايه انا بعتبره ابويا مش اخويا ياشمس
شمس :مع انه مش اكبر منك بكتير ده كلهم خمس سنيين يس
عمر:بس طول عمري بحسه اب لية ربنا يخليهولنا يارب
شمس :ربنا يخليكم كلكم ياحبيبي يارب وانا كمان مبسوطه اوي ان ايمان قدرت تخرج يزيد من حالة الحزن اللي كان فيها ايام وفاة عاليه الله يرحمها
عمر :ربنا يرحمها يارب
بقولك ايه ياللا انا عاوز اغيظهم اه ماهي مش كل الليالي ليهم هاتي العيال دول ياللا ياعيال تعالوا
. شمس :عمر بالراحه عالولاد يخرببيت سنينك
يخرج من الغرفه وينزل بهما الى غرفة ابويه:السلام عليكم ورحمة الله وبركاته
هاله وشاكر :وعليكم السلام ورحمة الله وبركاته ياحبيبي
عمر:ماما بابا معلش خللوا الولاد معاكم اصل شمس عندها مغص جامد وتعبانه وعاوزها ترتاح شويه
هاله:ياحبيبتي مالها شمس تعالى اما اجي معاك اشوفها
عمر:لا تيجي فين ياماما امال انا رحت فين انا حديها الدوا وحتبقى زي الحصان خللوا بس العيال دي هنا عشان ميتعبوهاش
هاله :تعالوا ياحبايبي
شاكر :اه طبعا عشان ميتعبوهاش
سلملي على شمس وقللها سلامتك
عمر :الله يسلمك يابابا
شاكر :بس وانت بتعملها زار عشان المغص يخف بالراحه شويه راعوا ان تحتكم ناس وارحمونا شويه من الاغاني الهابطه شغلولنا كده حاجه لشاديه واللا فايزه احمد
عمر:شاديه ايه بس يابابا
شاكر :ايوة زمن الفن الاصيل زي اغنية قولوا لعين الشمس ماتحماشي
عمر:عين الشمس واللا عين الصيرة هههههه
شاكر:لا وانت الصادق عين عبعال امش ياولا اطلع برة
يخرج عمر بينما يضحك شاكر وهاله عليه
😂يدخل اليها فيجدها على اتم الاستعداد :الليله ليلتك يامعلم ايوة بقى هو ده الكلام فرجيني عالرقص ياواد ياجامد
شمس :بس عارف لو اتريقت علية
عمر :عيب عليكي ده انا حرقص معاكي انا كمان
شمس :ههههههه
عمر:يابركة دعاكي يااما
تعلو اصوات الاغاني فى البيت فيسمعاها هاله وشاكر ويضحكان عليهما ويدعوان لاولادهم بالسعاده والفرح
😂😂😂😂😂😂😂
بينما كانت هي على الطرف الاخر تعاود الاتصال به مرارا وتكرار بدون جدوى فهو لا يرد عليها:ماشي ياسيف بقى كده ارن عليك الرن ده كله ومتردش طيب ماشي اما وريتك
عهد :سيف هو فى ايه بالظبط
سيف :هو ايه اللي في ايه مش فاهم تقصدي ايه ياقلبي
عهد :مش مطمنالك انت وايمان انتوا ايه حكايتكم بالظبط شكلكم بترتبوا لمصيبه
سيف :ليه بس ياقلبي
عهد :عماله ترن عليك دى اتصلت عليك اكتر من عشر مرات وانت مش عاوز ترد عليها افهم بقى ايه الحكايه بالظبط
تجد هاتفها يعلن عن اتصال منها:اهلا دي بتتصل علية اهيه
سيف :يالهوي بصي مترديش وكأننا مسمعناش نايمين متنا اي حاجه
عهد :لاء حرد عليها دي مجنونه وممكن تلبس وتيجي
الو ازيك ياايمان ياحبيبتي
سبف اه قاعد اهوه
مردش عليكي لا ده تليفونه جوة فى اوضة النوم واحنا برة فى الريسيبشن
لا معقوله بردو ميردش عليكي خدي اهوه معاكي ياقلبي
رد عليها يافالح شكلها ناويالك على نية سوده
سيف :يالهوي ياسوادك ياقرمط جالك الموت ياتارك الصلاه حقولها ايه دي
عهد :انا عاوزة اعرف فى ايه
سيف :اقعدي اتلقحي هنا وانتي حتسمعي بنفسك كل حاجه
موني ازيك ياقمر عامله ايه
ايمان:مبتردش علية ليه ياسيف بقى كده عاوز تكت مني مش عارف اني ممكن البس واجيلك
سيف :وحياتك التليفون كان صامت وانا قاعد برة مع المدام
إيمان :طب بس ماتحلفش بحياتي وخلص وقول ايه الجديد عندك
سيف :لا جديد ولا قديم مفيش حاجه حصلت
إيمان :مفيش ايه ياعنيه ليه مقعداك مكاني فسوخه يعني ايه مفيش حاجه تمت امال كل الوقت ده بتهبب ايه عندك
سيف :مش عارف ياايمان مانتي عارفه اني خيبه فالحاجات دي والله حاولت اظبط الدنيا معرفتش
إيمان :ماهو انا لو موجوده مكنتش اتحوجتلك بس حعمل ايه بقولك ايه زي ماساعدتك ايام حبيبة القلب جه دورك ياعنيه اه
وان كنت نسيت اللي جرى هات الدفاتر تنقرا
ده انت من غير اللي كنت بعمله معاك كان زمانك لحد دلوقتي بتجري وراها فى الجيمات وبتعزمها فى الكافيهات
الا صحيح اخبار الجيم ايه على حسكم لسه بتروحيه ياعهد واللا بطلتي ياقلبي اظنى مرام حبيبتي مخلتش عندك وقت تروحي اي مكان وبقيتي بتلعبي رياضه طبيعيه معاها
مالك ساكته ليه مش تشاركينا كده الحوار ياقلبي بدل مانتي حطه ودنك عالسماعه عالفاضي
عهد :يخرببيتك ياايمان انتي شايفاني
ايمان:شايفاكي بقلبي ياروحي
عاوزة اروح لولاد اختك اعشيهم لجوزك يتصرف والا وربي حتبقى ايامه معايا فل وهو عارفني لما بقلب عليه
عهد :مانا مش فاهمه فى ايه فهموني طيب بدل مانا عامله شبه الاطرش فى الزفه
إيمان :هو حيفهمك سيف قدامك ٤٨ساعه لو مسمعتش خبر جديد قول على روحك يارحمن يارحيم
سبف:ليه هو انا فى العنايه المركزه حرام عليكي ياايمان والله ماعارف اتصرف دول جوز تماثيل بيبصوا لبعض من تحت لتحت لكن محدش فيهم عاوز ينطق وكل ماافتح معاهم موضوع يقفلوا
إيمان :خلاص يبقى نقطع عرق ونسيح دم ومادامت كده نستخدم سلاح المواجهه تقعده قدامك وتفتح معاه الكلام ونشوف اخرتها معاه ايه
سيف :طب وانتي مستعجله ليه بس ماتصبري عليهم شويه
إيمان :اصبر عليهم لحد ماتيجي واحده تلطشه
يابني الواد كويس انا مستخسراه والبنت طيبه ونفسي نوفق بينهم
سيف :حاضر ياايمان حاضر خلاص انا حتكلم معاه عشان اخلص من زنك ده
إيمان :وانا حستنى منك تليفون عارف ياسيف لو قعدت ارن عليك وانت تنفضلي حعمل فيك إيه
سيف :حرد والله حرد
إيمان :ايوة كده ناس متجيش غير بالعين الحمرا ياللا روح للاخت اللي جمبك وبوسلي مرام حبيبة قلبي
تغلق الهاتف:صحيح ماحدش بياكلها بالساهل
تلتفت فتصعق:بسم الله الرحمن الرحيم خضتني يايزيد
يزيد :خضيتك ده ايه هو انا متجوزه ريا وسكينة وانا معرفش
ايمان:حنريحوكي ياشابه هههههههه
يزيد :يابنتي هو انتي مبتضيعيش وقت مالك بيهم ماتسيبيهم فحالهم
إيمان :يالهوي وانت تعرف عني كده بردو ده حتى يبقى عيب فحقي
يزيد :مجنونه ياناس وحتجنيني معاكي بس بموت فجنانك
إيمان :وانا بموت فيك
الولاد
يزيد :مالهم يخرببيت سنينك قطعتيلي الخلف
إيمان :لا اطمن ياقلبي انا اللى مقطوع خلفي
يزيد :متقوليش كده ياحبيبتى
إيمان :ماهي دي الحقيقه يايزيد تعرف يايزيد عاوزة اقولك حاجه ومتقولش علية مجنونه
يزيد :خير ياايمان
ايمان :على الرغم اني كل الدكاترة قالولي اني عشان احمل عاوزة معجزة بس انا نفسي احمل اوي يايزيد
مش عشان حاجه انت ولادك اقسم بالله ربنا يعلم عندي ايه وانهم ولادي حبايبي اللي فحضني من يوم مااتولدوا وحيفضلوا فحضني العمر كله
لكن نفسي اوي اخلف منك نفسي اوى اشيل جوايا حته منك ياحبيبي
يزيد :ياحبيبتي ياايمان انتي بتحبيني للدرجه دي
ايمان :يالهوي يايزيد انت لسه متاكدتش من حبي ليك كل ده
يزيد :متاكد والله بس بحب اسمعها منك كل شويه
إيمان :بحبك بعشقك بموت فهواك
يزيد :ههههههه حبيبة قلبي ياناس
مفيش حاجه بعيد عن ربنا ياحبيبتي وقادر انه يديكي ادعيه على اد ماتقدري ارفعي ايدك للسما وقولي يارب ربنا مبيكسرش بخاطر عبده ابدا ياحبيبتي
إيمان :يزيد هو احنا ممكن نطلع حج عاوزة ادعي ربنا من على جبل عرفه
يزيد :ايوة طبعا ممكن اصلا بابا كان عاوز ياخدنا كلنا ونطلع الحج
ايمان :الله ياريت يايزيد
يزيد :انتي تؤمريني ياعيون يزيد
إيمان :يالهوي سيدي بيدلعني ياناس لاء خد بالك لو ستي جات وشافتك وانت بتدلعني كده يالهوي عاللي حتعمله ده انا عارفاها شرانيه
يزيد :انا ادلعك قصاد اي حد فى الدنيا ولا يهمني
إيمان :طب ايه اروح اعشي الولاد وانيمهم واجي اشغلك شوية اغاني هابطه كده
يزيد :يابنتي احنا كنا لسه بنتكلم فى الحج وتقوليلي اغاني هابطه
ايمان :اه صح طب انا عاوزة افرفشك
يزيد :وجودك فحياتي فرفشه لوحده ياموني وبعدين انا خايف بابا يبلغ عننا بوليس الاداب ياحبيبتي
إيمان :ليه بس ياروحي
يزيد :طبعا مانتي موضوع رنا مخليكي مش مركزه مع الزلزال اللي فوق وزلزال هنا وبابا ان شاء الله حيطردنا كلنا من البيت
ايمان :هههههههه شموستي حبيبتي ربنا يفرحهم يارب
😂😂😂😂😂😂😂😂
يحمل احدى طفلتيه يدور بها فى الغرفه:ماما زمانها جايه جايه بعد شويه شويه جايبه لعب وحاجات
نيرة من ورائه:واك واك ههههههه
حبيبي انت رايح جاي بيها كده ليه
علاء :هي عاوزاني اشيلها والف بيها
نيرة :انت اللي عودتهم على الدلع ده ياجميل
علاء :بناتي يدلعوا زي ماهما عاوزين دول اميراتي
نيرة :ماشي ياابو الاميرات ربنا يخليهوملك ياحبيبي يارب
علاء :يارب ياحبيبتي ربنا يخليهوملنا يارب ويخليكي لينا ياست الكل
نيرة:فرحان بيهم اوي كده ياعلاء
علاء:فرحان ياااه عالفرحه اللي انا فيها انا حاسس اني اسعد انسان فى الدنيا
مش قادر اصدق ان ربنا عوضني بالشكل ده
نفسي اكبرهم واربيهم احسن تربيه واشوفهم احسن الناس يارب
نيرة :ربنا يديك الصحه وتربيهم وتفرح بيهم ياحبيبي يارب
😂😂😂😂😂
تجلس كعادتهاةعلى ساطئ، البحر وبعد ان كانت هي من تأتي وتنظر عليه من بعيد أصبح هو من ياتي وينطر عليها يتأمل فى ملامحها الرقيقه
نعم فلقد ملاء حبها قلبه واصبح يراها كما لم يراها ولم يعهدها من قبل
يقترب منها ويقرر ان يفاجئها بقراره ليرى مدى رد فعلها:ماسه
ماسه :حسن انت هنا
حسن :ايوة انا هنا وحفضل هنا على طول عمري ماحبعد عن مكان انتي موجوده فيه ونفسك بيخرج فيه
ماسه :حسن ايه الكلام اللي بتقوله ده
حسن :بقول اني بحبك ياماسه بحبك وخلاص مبقتش قادر على بعدك اكتر من كده
ماسه تقبلي تتجوزيني
ماسه :اسفه ياحسن مقدرش اقبل طلبك عن اذنك
حسن :ماسه من فضلك اسمعيني بقى حرام عليكي
هو انا كل مااجي اكلمك تسيبيني وتهربي
ليه مصممه انك تعذبي نفسك وتعذبيني معاكي انتي بتحبيني ومن قبل مانا احبك ليه رافضه اننا نرتبط ونكمل حياتنا سوا ليه
ماسه :عشان زى مانت قلت الارتباط معناه اننا نكمل حياتنا سوا مش مع اول مشكله تسيبني ياحسن اواجه الدنيا لوحدي
حسن :ومين قال اني حسيبك هو خلاص عشان غلطت مرة يبقى انا الشيطان
انا اتسرعت وغلطت واعترفت بغلطي اعمل ايه اكتر من كده هو انا حفصل طول عمري بتعاقب عالغلطه الوحيده اللي عملتها فحياتي يعني كل الناس تفرح وتنبسط وتعيش حياتها وانا النفروض عمري مااشوف الفرح ابدا
لاحسن لاء حسن لازم يتعاقب حسن لازم يحس بالوجع
حسن المفروض ميفرحش ابدا
طب مانا اتعاقبت و حسيت بالالم طب لحد امتى طيب
انا بحبك والله العظيم بحبك افهميني بقى افهميني ياماسه
ارجوكي انا مش حسيبك ولاعمري حتخللى عنك فى يوم من الأيام
فى ولاد مفيش ولاد حنفضل مع بعض ارجوكي اديني فرصه ثقي فية انا خلاص اتعلمت من الدرس كويس وعمري ماحغلط نفس الغلطه تاني
ارجوكي ياماسه انا بحبك والله بحبك وحياة سماح امي اللي عايش بدعواتها لية بموت فيكي يابت عمار واشرقت
ماسه:طب ولو
حسن :بردو مش حقدر استغنى عنك ولا عن حنيتك علية وقلبك الابيض قوليها بقى وحياة غلاوة ياسين عندك تقوليها قولي انك موافقه
واوعدك والله اوعدك انك مش حتندمي ابدا
ماسه:موافقه ياحسن
حسن :بجد بجد ياماسه
ماسه :تقدر تطلبني من بابي
حسن :ده اناحطلبك من بابي ومامي وانور وجدي
ماسه :هههههههههه
😂😂😂😂😂😂😂😂
فى الصباح فى النيابه العامه يجلس امام وكيل النيابه الذي يتولى التحقيق معه بخصوص الاوراق المقدمه للنيابه تخص ادانته بالعمل في بعض الاعمال المشبوهه
انا مش حتكلم الا فى حضور المحامي بتاعي
وكيل النيابه:حقك طبعا اكتب يابني امرنا نحن وكيل نيابة محكمة اسكندريه بحبس المتهم ادم الديب اربعة ايام على ذمة التحقيق ويراعى التجديد فى الميعاد
خده ياعسكري
ادم:انا مش حقعد مع الحراميه انت متعرفش انا مين
وكيل النيابه :محدش كبير عالقانون يااستاذ ادم خده ياعسكري
بعد مرور عدة ساعات
ياخذه العسكري لزيارة له فيتوقع ادم انه المحامي الخاص به
انت مين
الرجل:انا رسول مش اكتر
ادم:رسول من مين انطق مين اللي بعتك لية
الرجل :حتعرف حالا يقوم بالاتصال على احد الارقام ويعطيه الهاتف اتفضل وانت حتعرف
فيسمع صوتها:ادم حبيبي وحشتني اوي
ادم :انجي
انجي:هههههه طبعا انجي ياقلبي امال تفتكر مين اللي عارف كل حاجه عنك ويقدر يوديك فداهيه غيري
كنت فاكر ان انجي خلاص راحت عليها ومش حتقدر تعملك حاجه نسيت ان سمي نافذ وقرصتي والقبر
وزى ماقال الاستاذ فؤاد المهندس اكس مش ممكن يموت هههههههه
حذرتك وقلتلك لو رحت فداهيه مش حروح لوحدي غدرت بية بعد ماوقفت جمبك وخلصتك من مياده
طب اهوه اديني انا كمان وديتك فداهيه اشرب بقى ياحلو
ادم:اه يابت ال.......
ده انا حوديكي فداهيه وحخليهم يجيبوكي من قفاكي
انجى:ههههههه والنبي اتكلم على ادك وخليك فخيبتك الأول
الاوراق والمستندات اللي اتقدمت حتوديك فستين داهيه وانا ولا الجن الازرق حيعرف يوصللي سلام يا فلانتينو
تغلق الهاتف بينما ياخذه من يديها:اديني اهوه وفيت بوعدي معاكي جه دورك بقى ياحلوة
انجى:ماشي ياجو انت ساعدتني انك تخللي حد من رجالتك اللي فمصر يودوا الاوراق للنيابه
وانا لازم اكون اد كلمتي معاك وحنفذلك اللي انت عاوزه مني مانا كده كده ضعت خلاص ومبقتش فارقه
