رواية شمس تتحدي الغيوم الجزء الثاني (للعشق كلمته الاخيرة) الفصل الثاني والعشرون
يجتمع جميع أفراد العائلة على المائده يتحدثون ويتبادلون الحوارات
يزيد :بابا كنت عاوز اقول لحضرتك على حاجه
شاكر :خير يا حبيبي
يزيد :كنا عاوزين ناخد العائله الكريمه دي كلها ونطلع نحج السنه دي
شاكر :عمرك أطول من عمري والله انا كنت حطلب منك نفس الطلب
لأني من بعد آخر مره حجينا فيها لما عاليه الله يرحمها كانت معانا تعبت
وبعدها الدكتور مكنش بيوافق اني اطلع الحج وانا اشتقت اوي يابني للحرم اشتقت لجبل عرفه ونفسي احج مرة كمان قبل مااقابل وجه كريم
هاله:ألف بعد الشر عنك ياحبيبي ان شاء الله حتعيش الف سنه
شاكر :ههههههه الف سنه ايه بس ياهاله هو انا كنت سيدنا نوح انا اللي فيه نفسي بجد وهو ده اللي بدعي ربنا بيه دايماً انه يسترد وديعته بعد ماافرح بعشق وأنس امنية حياتي اشوفهم فى الكوشه مع بعض
مروة:ياحبيبي يابابا ربنا يخليك لينا يارب وربنا يطول فعمرك لحد ماتجوزهم وتشوف ولادهم
عمر:ياسلام يعني تشوف بنت يزيد وابن مروة عرسان طيب وولادي يعني هما ولاد البطه السوده البت الغلبانه دي اللي مسميها على اسم المزة بتاعتك مش عاوز تطمن عليها
والواد ادهم اللي شبهك بالظبط ده مش عاوز تشوفه عريس هو كمان
شاكر :هاله الصغيرة دي حبيبة قلب جدها طبعا مش كفايه اسمها على اسم الغاليه
وادهم ده روح قلبي من جوة ومليكه وعاليه وسليم ومرام بنت عهد ولادكم كلهم غاليين علية اوى دول نور عينيه
ده انا الفرحه مش سايعاني وانا شايفهم كلهم فى البيت والبيت بقى ليه حس وفيه روح
بس يابني هو انا حاخد زمني وزمن غيري واللا انت عاوز ابوك يتحط فى المتحف المصري
يزيدوهو يقبل يد ابيه :حبيبي يابابا ربنا يديك الصحه والعافيه يارب العالمين وبخليك لينا يارب احنا كلنا عايشين بحسك فى الدنيا النفس اللي بيطلع منك هو اللي بيدينا القوة اننا نعيش
يلمح شاكر دمعه تنزل من عين علي:على ياحبيبي مالك فى حاجه
على:سلامتك ياعمى والف سلامه عليك من اي حاجه وحشه ربنا يخليك لينا كلنا يارب ويديمك نعمه فحياتنا احنا من غيرك مانسواش حاجه
شاكر :ربنا يخليكم لولادكم ياحبايبي يارب ويجعل بيوتكم مفتوحه بحسكم وبحس ولادكم يارب
ومحدش كبير عالموت كلنا حنموت محدش حيخلد فيها ده النبي عليه الصلاة والسلام مات
الجميع :عليه افضل الصلاة والسلام
عهد وهي تقوم وتقبله:ياحبيبي ياعمو ربنا يخليك لينا يارب ده وجود حضرتك هو اللي مصبرنا على غياب الغاليين
شاكر :حبيبتي ياعهد ربنا يحميكي ياقلبي وتفرحي بمرام وتشوفيها عروسه يارب
ياللا بقى يايزيد جهز كل حاجه واتفق مع الشركه وكل واحد هنا يجهز باسبوره واللا فى حد عنده اعتراض
الجميع:موافقون طبعا
يزيد :تمام خلاص حجهز كل حاجه
عمر:طب والولاد يابابا حنسيبهم هنا لوحدهم
شاكر :ونسيبهم ليه ناخدوهم معانا
شمس لايمان:هههيييه ياايمان حنطلع كلنا الحج
ايمان:ياااه ده انا حعمل عمايل
عمر:حتعملي ايه يخرببيت سنينك ده حج مش دريم بارك
إيمان :دايما كده تفكيرك شمال قصدي حدعي ربنا ياعمر
عمر:وحتدعي ربنا بايه بقى
إيمان :حاجه بيني وبين ربنا ياعمر
شمس :وانت مالك ياحشري
لاحظ يزيد ان سيف يغمز بعينيه لايمان
يزيد :هي عينك وجعاك واللا حاجه ياسيف
سيف :انا لا خالص ليه يعني
يزيد بصوت منخفض لايمان :ركزي مع التحفه بتاعك ده عمال يغمزلك بعينه حيخللي الكل ياخد باله خديه من هنا بدل مايفضحنا حتى اللي بتعتمدي عايهم تحف بس شكله جايبلك اخبار جديده وطبعا مش حيعرف يتكلم ادام الكل
إيمان :اصلي انا كنت مستحلفاله انه لو مجبليش الخبر اليقين فى خلال يومين حخللي وقعته سوده وهو ياعيني تلاقيه مرعوب مني
يزيد :حرام عليكي ياايمان ده الواد قاعد مش على بعضه الكل بيتكلم ويضحك وهو ياعيني منطقش بحرف حرام عليكي انتي عملتي فى الواد ايه
إيمان :ولا حاجه والله ده انا غلبانه
انا حريحك :سيف
سيف :ايوة ياايمان
إيمان :انت اكلت خلاص واللا لسه
سيف :اه اكلت خلاص عاوزة حاجه
ايمان:عاوزة سلامتك ياسيف كنت عاوزة بس اقولك على شوية حاجات تجيبهالي معاك من الشركه اعملها انا وشمس هنا فى البيت
عمر:طب مامتطلبيها مني انا وانا اجيبلك اللي عاوزاه
سيف :اه والنبي اطلبي منه هو ده حتى هو أولى
إيمان :لا ياسيف مقدرش اعتمد على حد غيرك ياابو مرام ياللا تعالى نقعد فى المكتب جوة عشان احنا حنتكلم فى كلام هام ده مستقبل الشركه يابني
سيف :حنين متسيبينيش معاه لوحدي تبقى تعالي بصي علية ياعهد
إيمان :ياللا ياسيف هو انا حتحايل عليك
سيف :حاضر جاي اهوه يادي النيله على سيف وسنين سيف
يقوم معها ويدخلان الحجرة:انت عمال تغمز بعينك كل شويه ليه حتفضحنا ياتحفه
سيف :مانا عمال اغمزلك اغمزلك وانتي ولا معبراني اعملك ايه يعني
ايمان :طب قول ياللا هات اللي عندك على الله بس تكون فلحت
سيف :عيب عليكي ده انتي معتمده على سيف رجل المهام الصعب
إيمان :واد ياسيف اوعى تقول انك عملت حاجه بجد وربنا لاء متقولش
سيف :يعني اقول واللا مااقولش جنيتي امي الله يحرقك
ايمان:الله يحرقني انت بتدعي علية ياسيف وانا عندي ولاد عاوزة اربيهم وجمايلي عليك مغرقاك من ساسك لراسك ده انا كنت خدماك خدمة العبد للسيد وجاي تدعي علية ده انت سنتك سوده ان شاء الله
يزيد وهو يدخل عليهم ويقوم بالجلوس امامهم:اتلموا شويه الله يخرببيت سنينكم الكل برة بيتصنت عليكم وبابا دلوقتى حيسال في ايه
ماهودخولكم هنا وصوتكم بيقول انكم بتحضروا لكارثه قوميه
ايمان:بيدعي على مراتك حبيبتك يازيزو
سبف وهو يمسح على وجهه:والله مادعيت دي هي اللي بتتلكك عشان تمسك فخناقي وتبهدلني وخلاص بشمهندس انا الست دي من وقت ماسابت الشركه مبقاش فى بيننا عمار ودي اخر عمليه حتتم بيننا وبعد كده كل واحد فينا يروح لحاله
ايمان :بقى كده أظهر على حقيقتك طبعا ماخلاص خلصت حاجتي من جارتي واخدت مني اللي انت عاوزه اشتغلتلك وريحتك وساعدتك وظبطتك ودلوقتى خلاص ايمان مبقاش ليها عازة
لكن لا ياحبيبي مش ايمان اللي تتاخد لحم وتترمي عضم ده انا حولع فيك وانت واقف قدامي
يقف سيف خلف يزيد :الحقني الله يخليك يابشمهندس دي تحولت وشكلها ناويه على شر
إيمان :الله يحرقكم انتوا الاتنين والله شكلي انا اللي حولع فيكم اللي يسمعكم كده يقول ان انتوا متجوزين واللا حاجه وبتتطلقوا
سيف :ماهي اللي بستفزني يابشمهندس
يزيد :الله يخرببيتكم حتودونا فداهيه ويبقى زي المثل مابيقول ماشافوهمش وهما بسرقوا شافوهم وهما بيقسموا
ماتقوللها فيه ايه واخلص بقى وانفد بحياتك
سيف :حاضر حاضر
يزيد :الله يخليكي ياحبيبتي ابوس ايدك بلاش فضايح
إيمان :حبيبي ياناس ده انت تؤمرني ياقلبي اقعد ياسيف يابني متخافش ده انت بردو زي اخويا الصغير
سيف :اخوكي الصغير ده ايه انا اكبر منك
يزيد :يااخي اتنيل واقعد بقى خلينا نخلص ماكنتش جوازه دي عارفه ياايمان لو قمتي بدور الخاطبه ده تاني وديني
ايمان وهو تلف يديها حول رقبته:حتعمللي ايه ياروح ايمان
يزيد :حساعدك طبعا ياقلبي ويابخت من وفق راسين فى الحلال
إيمان :هههههههه حبيبي ياناس
مالك يابني بتبصلنا كده ليه
سيف :عاوز الطم على وشي منكم واللا اجيب لطامه بكهربا احسن
حرام عليكي ياشيخه اللي بتعمليه فية ده هو انتي بتعملي معايا كده ليه يعني ده جزائي اني جايبلك الخبر اليقين
ايمان :طب قول بقى ياسيف وانا حروح اعملك كوباية عصير مانجه
سيف :لاء انا عاوز عصير ليمون اروق دمي
إيمان :قول بقى
سيف :خلاص المهمه تمت على اكمل وجه وانا كلمت رامي خبط لزق كده اه ماهما شكلهم على مايتكلموا حتكون الروايه خلصت وعبير بتكتب فى روايه جديده
إيمان :يعني عملت ايه اوعى تكون عكيت الدنيا
سيف :عيب عليكي اناقلت لا مبدهاش بقى جبته من قفاه ولقحته ادامي وكلمته مباشرة وقلتله انت حتتجوز رنا يعني حتتجوزهاقلت ايه
ايمان :يخرببيتك ياسيف قلتله حتتجوز رنا يامتخلف عشان يقول ان البنت بايرة وبنرميها عليه
سيف :ماهو الحظ محصل بعضه وهو ظروفه شبهها المهم بقى يابت ياايمان اول ماقلتله لقيته ماصدق اتاريه السوسه كان عاوز يتكلم بس مش عارف يكلم مين ولا يروح فين تايه ياعيني عمال يدور عالعنوان فانا بقى قلتله النهارده يكلم عمر طبعا مش اخت مراته وجحا اولى بلحم توره
يزيد :جحا مين وتور مين يابني ادم انت
إيمان :معلش يايزيد امسحها فية انا قللي بجد ياواد ياسيف طلع عاوز يخطبها
سيف :وجد الجد كمان امال احنا بنلعب واللا ايه ده طلع بيحبها الموكوس وكان على شعرة
ايمان وهي تضربه على كتفه فاوقعته من على الكرسي:شاطر ياسيف ميجيلها الا رجالها
سيف :رجالها ايه بقى ده انا محصلتش عيالها حتى منك لله ياايمان ربنا ينتقم من الظالم والمفتري
يخرج يزيد من الغرفه وهو يكتم الضحك فيجد الكل ينظر تجاهه
مروة:خير يايزيد هو فى حاجه حصلت فى الشركه
يزيد:حاجه حصلت لا مفيش ليه
مروة:اصلي سمعت صوت ايمان علا فقلت يمكن فى مشكله واللا حاجه عند سيف وايمان بتبهدله كالعاده
عهد :ايه يامروة بتبهدله دي سيف جوزي محدش يقدر يهزؤه ابدا هما انتي عارفاهم عاملين شبه القط والفار بس
على:ياعم ياجامد ده ايه الثقه دي ربنا يهنيكم ياقلبي
بينها وبين نفسها: الله يخرببيت سنينكم انتوا الاتنبن حتكشفونا ياجذم
شاكر :تعالى يايزيد ياحبيبي اقعد جمبي
يزيد :نعم يابابا
شاكر :حبيبي يايزيد فهمني بقى في ايه وايمان وسيف و بيدبروا لايه
يزيد :ايمان وسيف بيدبروا للخير ان شاء الله
شاكر :تمام اوي اتفضل اتكلم بقى
يزيد بصوت منخفض:مش حينفع بابابا اتكلم قدام شمس عشان متضايقش
شاكر :شمس ليه يابني هو الموضوع يخصها
يزيد :حاجه زي كده بص تعالى نطلع فوق وانا حفهمك
شاكر :انا طالع استريح شويه ياولاد تعالى معايا يايزيد امسك ايدي يابني
يزيد :حاضر يابابا اتفضل
مروة لعهد:اقطع دراعي اما كنتي عارفه ايه اللي بيحصل جوة ومكتمه يابت عمي
عهد:دايما ظالماني ياقلبي يخرجان من الغرفه وسيف يديه على ظهره من الخلف
فيجدون الكل ينظر لهم ويضحكون
سيف :خديني جمبك ياعهد احسن تعبان شويه
عهد :تعالى ياحبيبي هي ايدها كانت تقيله واللا ابه
سيف :مفتريه
عهد :ههههههه معلش ياروحي تعيش وتاخد غيرها
🌺🌺🌺🌺🌺🌺🌺
يجلس معه فى الفندق يتحدث إليه :حسن اللي عاوزك تفهمه كويس ان ماسه مش بنتي لاء دي روحي ونور عيوني اغلى حاجه عندي فى الدنيا كلها
حسن :وانا عارف والله يابشمهندس
عمار :لا مش عارف ياحسن لانك لو تعرف مكنتش طلبت طلب زي ده
حسن :ليه يابشمهندس هو انا لما اطلب ماسه ابقى اجرمت
عمار :لاء مااجرمتش ياحسن وربنا يعلم غلاوتك عندي إيه وبثق فيك ازاي ده انا ماوثقتش فحد غيرك يمسكلي الشغل وجميلك اللي عملته معايا عمري ماحنساه ابدا
وكله كوم ولما انقذتها من الموت كوم تاني انت لولاك كانت ماسه راحت مننا
بس مش حقدر ياحسن غصب عني والله صدقني
حسن :جميل ايه بس اللى بتتكلم عنه انا معملتش غير الواجب وده شرف ليه انك تثق فية وانا عارف اني اكبر من ماسه بكتير وكمان ظروفي الماديه على اد حالها لكن والله انا
عمار:سن ايه وظروف ايه بس ياحسن انا مش ده اللي شاغلني خالص ولا ده سبب رفضي
حسن :طب فهمني يابشمهندس حضرتك رافضني ليه
عمار :انا الموت عندي أهون من اني اشوف دمعه واحده فعيونها او اشوفها مهمومه او حزينه
حسن :وانا عمري ماحجرح ماسه ولا حسمح لدمعه واحده تنزل من عيونها بشمهندس عمار انا بحب ماسه فعلا ماسه بالنسبه لي مش مجرد سد خانه ولا عاوز انسى بيها ايمان لا والله ابدا انا فعلا بحبها
وعمري ماحجرحها ابدا وعمرك ماحتشوفها زعلانه او مهمومه اوعدك انك حتشوفها سعيده وبتضحك
صدقني والله مافى حد حيحبها وحيخاف عليها ادي
عمار : انا مش عارف اقولك إيه ياحسن انا ميهمنيش من الدنيا دى كلها غير سعادة بنتي وبس دى حباتي كلها
حسن :وانا اوعدك يابشمهندس والله أوعدك بص لو ماسه اشتكيتلك فيوم ولع فية
عمار :خلاص ياحسن سيبها على ربنا
حسن :ونعمه بالله
🌹🌹أيام وليالي تمر عليه وهو ينتظر رد عمار عليه ومحاولاتهم المستمرة لاقناع اشرقت بالموافقه على الزواج حتى أنه تحدث اليها اكثر من مرة لتوافق على هذا الزواج جتى اتى اليوم الذي اتصل فيه حسن على والدته ليعلنها بانه سيرسل لهم سيارة هي واخواته وازواجهم ووالده لحضور عرسه على ماسه🌹🌹
🌸بعد مرور حوالي شهرين فى شرم يتم الاحتفال فى جو عائلي وفى حضور بعض الأصدقاء بزواج ماسه وحسن
سماح وهى تسلم عليهم:الف مبروك ياحسن
حسن :الله يبارك فيكي يا ماما
والده :ألف مبروك ياحسن ربنا يفرح قلبك ويرزقك بالذريه الصالحه يارب
حسن :الله يبارك فيك يابابا يارب
سماح وهي تحتضن ماسه :الف مبروك ياماسه ربنا يهنيكم يابنتي يارب ويكرمم عشان ابن الهبله ده يرتاح وينبط
ماسه :ههههههه الله يبارك فيكي يا طنط
سماح :بت يابسنت انا بكرة بقى حعرفك على السياح اصحابي
بسنت:اصحابك
سماح :ايوة يابت ده انا ماكلاهم محشي وبط ورقاق واكيد طبعا لسه فكرني ووانتي عارفه امك متتنسيش
بسنت :على اساس انهم حيكونوا لسه هنا مااكيد طبعا سافروا ياماما وجه ناس تانيين
سماح :يادي الخيبه وانا اللي قلت اني حشوفهم صلحوا غلطتهم و اتجوزوا واللا لسه
بسنت :صلحوا غلطتهم على اساس انهم ساكنين فى الشارع اللي ورانا
هما دول بتوع الكلام ده ياماما
بسمه :ماما خدي الواد ده شيليه انا تعبت
سماح:وانا وربنا قرفت منكم انتوا ايه اللي جابكم معايا بقولكم ايه انا جايه احضر فرح ابني واستجم عيالكم معاكم جتكم الهم انا معرفكمش وبقولكم ايه ياريت لو بعد الفرح تاخدوا ابوكم وتروحوا
بسمه:ليه أن شاء الله انتي مش حتروحي معانا
سماح :لا انا عندي مهمه عايزة اعملها هنا
بسمه :مهمة ايه ان شاء الله
سماح:عايزة بكرة الم كل السياح اللي هنا واشوفهم عاملين ايه ومتجوزين واللا لاء واللي مش متجوزين نجوزوهم اه يابنتي
مااحنا لازم بردو نساعدهم يصلحوا غلطاتهم وربنا يرضى عنهم بلاش قلة ادب
بسنت :ههههههه هههههه لا وربنا انتي حتشيلليني ياماما
سماح :انا حشيللك ياللي تنشكي
انا ماشيه وسايبهالكم جتكم القرف
تتجه نحو أشرقت :اشرقت
أشرقت :ايوة ياسماح
سماح:بقولك ايه هما الجماعه السياح بتوع المرة اللي فاتت مشيوا واللا لسه
أشرقت :اكيد طبعا مشيوا وجه افواج تانيه انتي عاوزة حاجه
سماح :لا خلاص ياخسارة تعبي معاهم طيب بقولك ايه تعالي نروح نرقص مع الولاد كده ونفرحهم
أشرقت :لا اخاف من عمار
سماح :ياعيني يااختي ليه يعني حيعملك ايه مش فرح بنتك ده ولازم تحييه
أشرقت :لاء اصل عمار بيغير علية اوي ومحذرني اشارك ماسه فى الرقص
سماح:عيني علية وعلى بختي الا عمر المسعود جوزي ماغار علية ولا قاللي رايحه فين ولا جايه منين
مش عارفه بقى هو واثق فية واللا واثق ان محدش حيبصللي اصلا
أشرقت :ههههههه عسل ياموحه لا طبعا محدش يبصلك ايه ده انتي كل الحفله بتبصلك
ده انتي عسل ياموحه هو بس متاكد من اخلاقك ياحبيبتي
سماح:تفتكري
أشرقت :ايوة طبعا
سماح :لا بس الصراحه ليه حق جوزك يغير عليكي مانتى الصراحه قمر ياحبيبتي
أشرقت :حبيبتي ياموحه ربنا يخليكي يارب احنا بقى حنقضي كام يوم مع بعض كده حلوين اوي
سماح :ايوة ان شاء الله انا حطرق العيال وابوهم عشان اخد انا راحتي
أشرقت :ده احنا حنظبط الدنيا
سماح :وليكي علية حسيطكم وحخللي البلد بتاعتكم دي سمعتها واصله للدنيا كلها
أشرقت :ههههههه بلد ايه بس ياموحه اسمها قريه ياقلبي
سماح :قريه ده ايه هو احنا فلاحين
أشرقت :لاء ياموحه اسمها قريه سباحيه ياروحي بصي مش مهم المهم اننا حنبقى مع بعض وخلاص
سماح:حبيبتي يااشرقت والله
كان حسن يرقص مع ماسه واصحابه يشاركونهم الرقص
يوم جميل مر عليهم وهم بحتفلون بهذا الزواج الذي سيبدأ فيه حسن بتكوين اسرة جديده و
كانت الفرحه لا تسعه وخاصة بعد اقناع عمار لاشرقت ومباركتها للزواج مما اسعدهما كثيرا
دخلا جناحهما وبدأت حياتهما الزوجيه التي لم تخطر على بال ماسه يوما بعد ان ظنت ان القدر لن يجمعهما ابدا ولكن كان للقدر راي اخر ولعشقهما كلمته الأخيرة
وعد بالسعاده والأفراح يبدان بهما الحياة فليس منا يعرف ماذا يخبئ له القدر ومع من سيكمل باقي حياته
🌺🌺🌺🌺🌺🌺🌺🌺
بعد مرور عدة أشهر
يفتح الباب ويتجه نحو المطبخ :سلمى ياحبيبتي ينفع كده بردو واقفه تعملي الأكل والبنت على دراعك
سلمى :عصام حمد الله على السلامة يا حبيبي بتعيط ياعصام
عصام :ايوة بس كده غلط ياحبيبتي البيبي اللي فبطنك ده ذنبه ايه بس تتعبي كده ياسلمى
سلمى :لا ماهو البيبي مش اغلى من دارين حبيبتي انا مقدرش اسيبها تعيط
عصام :ياحبيبتي ياسلمى ربنا يخليكي لينا يارب
سلمى :ويخليك لينا ياحبيبي ياللا خد دارين على مااحضر السفرة
عصام :دودي حبيبة بابا وحشتيني اوى مش قلنا مانتعبش ماما عشان اخوكي ياحبيبتي
دارين :ماما حبيبتي
عصام :ربنا يخليلك ماما ياحبيبة بابا
♥️♥️♥️♥️♥️♥️♥️♥️♥️
فى فيلا المهدى
يدخل عليها الغرفه وهي تعدل من هيئتها ومن لفة حجابها:اللهم صلي عالنبي مراتي قمر ياناس
شمس :بجد حلو علية الحجاب ياعمر
عمر:قمر وربنا قمر ياحبيبتي يخرببيت فقرك ده انتي كنتي قمر والحجاب خلاكي قمرين
شمس :انا متشكرة اوي ياعمر مش عارفه اشكركم ازاي
عمر:ليه بتقولي كده ياحبيبتي هي اختك مش تبقى اختنا ولازم لما تيجي تفرح نشاركها فرحتها
والنهارده كتب كتابها وحتروح على بيت جوزها ولازم تفرح دي مافرحتش حرام ودي تعتبر فرحتها
شمس :انت عارف ياعمر اني كنت واخده منهم موقف ومكنتش حابه ادخلهم حياتي لكن سبحان الله موضوع رنا واللي حصللها غيرهم خالص خلاهم ناس تانيه
فعلا رب ضارة نافعه حتى طنط نجوى اتغيرت اوي صحيح عمرها ماحتكون بالنسبه لي زى خالتو او زي ماما هاله لكن مبقتش واخده منها موقف زي الأول
خصوصا لما أدهم تعب جامد واتحجزنا بيه فى المستشفى يومين ماسابتناش خالص
بس اخر حاجه كنت اتوقعها ان يزيد هو بنفسه اللي يطلب مني اننا نعمل كتب الكتاب هنا فى الفيلا عندنا
عمر :شموستي انتي عارفه غلاوتك عندهم كلهم ازاي ونفسهم تيجي اي فرصه عشان يجاملوكي ياست الكل
ومفيش اجمل من دي مناسبه
وبعدين انتي عارفه ان من زمان مااحتفلناش بأى مناسبه هنا ودي فرصه حلوة عشان نفرح شويه وبصراحه كمان يزيد مبسوط اوى من رنا ورامي وبيحبهم جدا
شمس :الحمد لله ان ربنا عوضها خير برامي ولد طيب ومحترم وهو كمان ظروفه زي ظروفها ربنا يكتبلهم الخير يارب
عمر:طب ياللا يابطتي بقى عشان الناس على وصول
♥️فى غرفة يزيد وايمان♥️
ايمان :ايه ده أن شاء الله
يزيد :مالك ياايمان فى حاجه
ايمان :ده فى حاجات مش حاجه انت مش شايف نفسك واللا ايه
يزيد :مالي ياايمان فى إيه
ايمان :فى انك زي القمر حضرتك وكل الستات حيبقوا عينهم عليك حتخانق مع مين واللا مين بقى لا مينفعش كده انا اعصابي حتتعب وربنا
يزيد :هههههههه سلامة اعصابك ياحبيبتي وبعدين المهم انا شايف مين
إيمان :وانت شايف مين
يزيد :انا مش شايف غير واحده بس مجنونه وجننتني بجنانها بس بحبها وبموت فيها روحي وقلبي وعينيه عمرها ماتشوف غيرها ابدا
إيمان :ياحبيبي يايزيد ربنا يخليك لية يارب انا كمان بجبك اوي اوي بموت فيك يايزيد
يزيد :وبعدين تعالي هنا انتي اخدتيني فدوكه وعماله تقوليلي حلو وجميل امال انتي تبقي ايه ان شاء الله
إيمان :انا اهوه ست مؤدبه ومحترمه ولابسه حجابي وفستاني بيجرجر علية
يزيد :يخرببيت سنينك ده الحجاب اظهر جمالك اكتر واكتر
احلى حاجه انكم مقلعتوش الحجاب بعد مارجعنا من الحج حتى مروة لما فكرت تقلعه علي مسكها هزاها وهي كمان اتحجبت بجد انا فرحان بيكم اوي
إيمان :الحمد لله يايزيد انت عارف سبحان الله انا طول عمري بحب البس وادلع نفسي وكنت حسه ان الحجاب حيجبرني على لبس معين لكن بعد مااتحجبت لقيتني بلبس احلى من الاول وحسيت بالسترة بجد حسيت كأني كنت عريانه واتغطيت الحجاب ده حاجه حلوة اوي يايزيد
يزيد :ربنا يثبتكم يارب ناقص بقى الست عهد هي كمان تتحجب
ايمان :متخافش انا حفضل وراها لغاية ماتتحجب ان شاء الله
يزيد :حبيبتي ياايمان ربنا يديمك نعمه فحياتنا يارب انتي احلى حاجه حصلتلي ياموني
إيمان :امال انا اقول ايه بس ده انت النور اللي نورلي حياتي فعز العتمه
يحتضنها يزيد فتطرق الباب عليهم :بابي يابابي
ايمان يزيد :ههههههههه ههههههههه
عشق لا مش ممكن
إيمان :اعمل حسابك بعد الفرح محضرالك حتة سهرة انما ايه
يزيد :سهرة ياحاجه ايمان
إيمان :لا ياحبيبي ده هو ده الشرع والدين
يزيد :حبيبتي ياموني ربنا يخليكي لية يامشهيصاني
💝بعد قليل يتجمع جميع افراد العائله والأهل الاقارب وزملاء العمل
تعلو الزغاريد واصوات الموسيقى والاغاني
الحديقه مزينه بكل انواع الزينه
يلتقي الجميع ويسلمون على بعضهم البعض
عبدالله:ياحبيبتي ياشمس ربنا يفرح قلبك يارب زى مافرحتينا يابنتي
شمس :بابا رنا اختي ربنا يكمل سعادتها على خير يارب
نجوى وهي تحتضن شمس:ياحبيبتي ياشمس كل ده عشان رنا ربنا يفرحك بولادك ياحبيبتى يارب
شمس :يارب وعقبال مانعمل لاخواتها ان شاء الله
يبدأ الحفل ويلتف الجميع حول العروسين لمشاركتهما فرحتهما وكانت السعاده تملاء قلب رنا ورامي
رامي:مبسوطه يارنا
رنا:مبسوطه اوي يارامي
رامي:ربنا يقدرني واعوضك عن كل اللي فات
رنا:حبيبي يارامي وانا يقدرني واسعدك ياحبيبي
رامي:انا مش مصدق اننا خلاص من النهارده حنكون مع بعض
رنا:واحلى حاجه اننا حنكون مع بعض فى البيت وفى الشغل يعني على قلبك
رامي:على قلبي زي العسل
🌺🌺🌺🌺🌺🌺
فى احدى المستشفيات الخاصه
يقفون امام غرفة العمليات وهم فى حالة قلق شديده
نعم ولما لا يقلقون وابنتهم فى داخل غرفة العمليات تضع مولودها الأول
يخرج اليهم الدكتور:جماعه بعد اذنكم عاوز اتكلم معاكم فى حاجه
حسن :خير يادكتور فى ايه
الدكتور :انتوا لازم تبقوا فاهمين الوضع كويس الجنين فى وضع مش طبيعي وفيه خطر كبير على حياة الأم
أشرقت :بنتي لا الله يخليك يادكتور اعمل اي حاجه انا عاوزة بنتي مش مهم اي حاجه انا مش عاوزة عيال انا عاوزة بنتي يادكتور
عمار :اهدي يااشرقت الله يخليكي دكتور فهمنا بالراحه من فضلك
حسن وهو يتدخل فى الكلام :بعد اذنك يابشمهندس دكتور انا مش عاوز غير مراتي وبس
مش مهم اي حاجه تانيه انا المهم مراتي وبس
الدكتور :ربنا يعمل اللي فيه الخير
يدخل الدكتور غرفة العمليات بينما تنهار أشرقت من البكاء خوفا على ابنتها
بينما يدعو عمار ربه ان ينقذ ابنته
اما حسن فلا يشغل تفكيره سوى زوجته التي احبها من كل قلبه وخوفه من ان تصاب بمكروه
يخرج اليهم الدكتور بعد مرور فترة:حمد الله على سلامة بنتكم ياجماعه
أشرقت :بنتي كويسه يادكتور بنتي بخير
الدكتور :الحمد لله انا كان كل املي انقذ الأم والجنين لكن للأسف اضطرينا نضحي بالجنين عشان ننقذ الأم ربنا يعوض عليكم يارب
حسن :الحمد لله الحمد لله
عمار :حمد الله على سلامة مراتك يابني
حسن :ألف حمد وشكر ليك يارب
اللهم اجرني فى مصيبتي واخلفني خيرا منها
أشرقت :متزعلش ياحسن ربنا حيعوضكم ان شاء الله
حسن :ازعل انا لو حزعل حزعل لو ماسه حصللها حاجه انا ماسه عندي اهم من اي حاجه فى الدنيا وسلامتها عندي بالدنيا ومافيها
بعد قليل فى احدى الغرف بالمستشفى
تبكي بشده على فقدانها لطفلها بينما هو يأخذها فى احضانه ليحتويها بحبه:ابني راح خلاص ياحسن ابني مات كان نفسي اشوفه واخده فحضني
حسن :حبيبتي متزعليش ربنا ان شاء الله حيعوضنا ياماسه
انا أهم حاجه عندي انتي ياماسه اهم حاجه عندي انك بخير ياحبيبتي
ماسه :يعني انت مش زعلان ياحسن انا عارفه انك كنت عاوزه ياحسن
حسن :انا عاوزك انتي ياحبيبتي انتي عندي اهم مليون مره
انا حعمل ايه بيه لو انتي حصلك حاجه فداكي مية عيل المهم انك معايا ياماسه المهم انك معايا ياحبيبتي
عمار:حمد الله على سلامتك ياقلبي
ماسه:الله يسلمك يابابي
اشرقت :حبيببة مامي الف حمدالله على سلامتك ياقلبي
ماسه :الله يسلمك يامامي
🌺🌺🌺🌺🌺🌺🌺🌺🌺
أيام وشهور وسنوات طويله مرت على الجميع ذاقوا فيها السعاده وتجرعوا كئوس الأحزان
نعم فمنذ متى والحياة لا تبتلينا وتذيقنا مرارتها
ولكنها تعود وتصالحنا وتعطينا افراحها
وليس بأيدينا شئ سوى الرضا بقضاء الله وقدره
هناك من استرد الله وديعته والحقوا بالرفيق الاعلى وهناك من ولدوا وكتبت لهم الحياة
هناك من أخطأ ونال عقابه وهناك من اخطا وتاب الله عليهم
هناك من أصابه الحزن والهم ثم عوضه القدر عن حزنه بالافراح
وهناك من ابتسمت له الحياة تارة واصابه الحزن تارة اخرى
الصغير يكبر والكبير يهرم وتمر الحياة ولا تتوقف عند أحد هكذا هي الحياة
قطار يسير ويتوقف فى محطاته ينزل منها من تاتي محطته ويكمل الباقي حتى يأتي ميعاده
ويحق علينا قوله تعالى ولا تدري نفس ماذا تكسب غدا ولا تدري نفس بأي ارض تموت
😘بعد مرور ثلاثة عشر عاما😘
يجلسون حولها يتحدثون وتعلو اصوات ضحكاتهم
سناء :بت يا جنى كفايه بقى يخرببيت سنينك قلبي حيقف من كتر الضحك
حبيبه :سلامة قلبك ياخالتي ربنا يديكي الصحه وطولة العمر يارب
سناء :ياحبيبتي ياحبيبه والله كنتي وحشاني اوى
فينك ياحبيبه بقالك مده مبتجيش
حبيبه :والله العظيم انتي وحشاني اكتر ياخالتي بس حعمل ايه العيال مش مخليين عندي وقت والبت الصغيره دي شقيه وعفريته
حتطير البرج اللي فاضل فدماغي
سناء :ياحبيبتي ربنا يخليهوملك يارب المهم طمنيني جوزك عامل ايه مع
جنى بقولك ايه ياحبيبتي ماتقومي تشوفي خالتك امل اتاخرت كده ليه
جنى:حاضر يا تيته
سناء :ماهر عامل ايه مع جنى ياحبيبه
حبيبه :ماهر ده نعمه من ربنا ياخالتي بيحبها وبيخاف عليها من الهوا الطاير ومبيفرقش نهائي بينها وبين اخواتهامحمد وندى
وكل شويه يديني فلوس عشان اجيبلها حاجات واشيلهالها فجهازها
وكل ماتطلب حاجه يجيبهالها على طول والله مامقصر فحقها خالص ياخالتي
سناء :ربنا يديم بينكم المحبه ياحبيبتي يارب
طب وابوها مفيش اخبار عنه
حبيبه :من وقت مااختفى فجأة محدش يعرف عنه حاجه اللي يقول اتمسك بحشيش ودخل السجن واللي يقول لايف على واحده رقاصه وبتصرف عليه
انا المهم عندي انه بعيد عن البنت ربنا يكفينا شره يارب
تدخل امل وهي تحمل صينيه
سناء :كنتي فين ده كله ياامل
أمل :كنت بعملكم حاجه حلوة ياماما
سناء :امال وليد رجع من الشغل
أمل :من بدري واتغدى ودخل يريح شويه
حبيبه :امال فين الولاد وحشوني اوى ياامل
امل:إياد مع اصحابه وياسمين فى الدرس بتاعها
سناء :الباب بيخبط شكلها كده شمس
تقوم حبيبه لتفتح الباب:شمس ياخالتي
شمس :حبيبه ازيك يابنتي فينك مشوفناكيش من زمان
تدخل وتسلم عليهم ثم تسلم على خالتها حبيبتها وتدعو لها الله بدوام الصحه والعافيه
امل:امال فين نور ياحبيبتي مجيبتهاش معاكي ليه وحشتنا اوي
شمس :عمر راح مشوار واخدها معاه
سناء :هو عمر كل مايروح ياخدها معاه
شمس :واكله عقله ياخالتو روحه فيها الدنيا كلها كوم ونور دي كوم تاني لوحدها معاها حصانه يقدر حد يكلمها نص كلمه
مااحنا مكناش عاملين حسابها خالص دي جت كده سبحان الله
حبيبه :ياحبيبتي ربنا يخليها يارب
أمل :هلا وادهم عاملين ايه ياحبيبتي
شمس :بخير الحمد لله والله
سناء :ربنا يخليلكم ولادكم ياحبايبي يارب ويفرحكم بيهم يارب
شمس :ويخليكي لينا ياخالتو ياحبيبتى يارب
💝💝💝💝💝💝💝💝💝💝
طفل صغير فى السادسه من عمره يفتح الباب على أبيه ويجري عليه:الحقني يابابا خبيني فحضنك يابابا انا خايف
يزيد :تيم مالك ياحبيبي فى ايه وخايف من إيه
تيم :ماما يابابا ماما بتجري ورايا وعاوزة تضربني
يزيد :ليه ياحبيبي عملت ايه بس
تفتح الباب وفى يدها عصا :تعالالي ياجذمه هو انت فاكر انك لما تيجي تجري على هنا وتستخبى فحضن ابوك حتعرف تهرب مني ده انا حرنك علقه
يزيد وهو يخفيه وراءه :فى ايه ياايمان عملك ايه بس الولد
إيمان :عمايله سوده ومهببه والله ماحسيبه
يزيد :انا مش عارف انتوا ايه حكايتكم انتوا الاتنين هو انا حفضل كل يوم والتاني احوش بينكم
تيم:بابا الست دي مش ماما انا عاوزك تطلقها وتتجوز واحده تانيه يابابا
ايمان :يانهارك اسود ومنيل انت ايه اللي بتقوله ده يازفت انت
تيم:الحقني يابابا متخليهاش تضربني
يزيد:ههههههه خلاص حرام عليكي يامفتريه فهميني بس بالراحه عملك إيه
إيمان :مبيسمعش الكلام يايزيد ابنك ده حيجنني حيرفعلي الضغط
منبه عليه الجذمه ده مية مرة ملوش دعوة بعاليه ميغلسش عليها يسيبها تذاكر البنت عندها اعداديه
وده كل شويه يروحلها وهي طبعا مابتصدق عشان تسيب مذاكرتها وتقعد تلعب معاه
يزيد :يابني بلاش عاليه ابعد عنها دي الحته الجوانيه وانت كده بتلعب فعداد عمرك
بص روح العب مع سليم هو اصلا فاشل وشكله مش نافع
ايمان :ماتقولش على ابني فاشل سليم ده عبقري بس للاسف موظف عبقريته دي فى المصايب بس
يزيد :حيجيبه من برة اهوه طالع لعمه عمر
ايمان :مسابش منه حاجه هو عمر بعينه شكلا ومضمونا
يزيد :وهو فين الاستاذ دلوقتى
إيمان :ابدا اهو سارح ورا هلا بنت اخوك فى الدروس ال ايه رايح يجيبها من الدرس خايف عليها الولاد يعاكسوها
يزيد :مش بقولك مش نافع طب وعشق فين
إيمان :عشق خرجت مع انس يشتروا شوية حاجات وحيروحوا يودوها الفيلا واختك مستنياهم عالغدا
إيمان :ايه ده هو راح فين
يزيد :قلبك ابيض بقى يامنتي انا سربته من غير ماتحسي
إيمان :لا وربنا ماحسيبه غير لما اضربه الأول
يزيد :يهون عليكي بردو تيم اللي دوختينا سنين عالدكاترة وعمليات وسفر فى كل مكان كل شويه تتخانقي معاه كده
إيمان : حاضر يا حبيبي ححاول ربنا يخليك لينا ياحبيبي انا عمري ماحنسى اللي عملته عشانى وعشان اكون أم
يزيد :ياحبيبتي ياايمان ده انتي روحي ونور عينيه واهم حاجه عندي فى الدنيا اشوفك سعيده
إيمان :انا سعادتي فقربك ياحبيبي
تاخذه فى حضنها فتجد من يفتح عليهم الباب
عمو انتوا بتعملوا إيه
يزيد وايمان :ههههههههههه ههههههههههه ههههههههههه
يزيد :خلصنا من عشق زمان طلعتلنا نور دلوقتى
نور حبيبة قلب عمها ياناس تعاليلي ياقلبي
