رواية شمس تتحدي الغيوم الجزء الثاني (للعشق كلمته الاخيرة) الفصل الثالث والعشرون والاخير
ضيوف الشرف
يوسف يونس(بطل تضحيه بلاثمن)
الدكتور جلال والدكتورة حور (ابطال تضحية بلا ثمن)
أسر التهامي(بطل حياة أسرت قلبي)
حياة أحمد (بطلة حياة أسرت قلبي)
🌺🌺🌺🌺🌺🌺
فى فيلا علي المهدي
يجلسون جميعهم على المائده لتناول وجبة الغداء والتحدث فى بعض الموضوعات التي تخص زفاف العروسين
على :يعني كده تمام يا أنس مفيش حاجه ناقصاكم تاني
أنس :أيوة يابابا كده تمام والله مش ناقص غير انكم تجوزونا ياجدعان
على:اديكم حتتجوزوا خلاص يامعلم عشان ترحمنا من زنك ده
مروة:مليكه ياقلبي مبتاكليش ليه
مليكه :مانا باكل اهوه يامامي
علي :انتي خارجه من امتحانات ياقلب بابي وعاوزك تعوضي بقى عاوزك تبقي بطه بدل مانتي معصعصه كده
كلهاحاجه بسيطه وحتبقي فى الجامعه ان شاء الله وعاوزك تبقي حديث المدينه
أنس :ايوة طبعا لازم تبقى حديث المدينه مش الكونتيسه مليكه علي سليم
عشق :ايه ياانس مالك بمليكه بتعاكسها ليه
أنس :اعاكسها مليكه دي حبيبتي وروح قلبي والله بس بسبب امتحاناتها فرحنا اتأجل سنه كامله
حلال ده ياناس واللا حرام
مليكه:انا مكنش عندي مشكله والله ياانس بابي ومامي وخالو يزيد هما اللي عملوها قضيه
مروة:ياسلام على أساس انك كان عندك ابتدائيه ده انتي كنتي ثانويه عامه ياحبيبتى وربنا يستر ده انتي لو مجيبتيش هندسه خالك يزيد حيولع فينا
على:انتي بتقولي فيها ده عاوز العيله كلها مهندسين
أنس :يعني مش كفايه عليكم انا وعشق يابابا المفروض تسيبوا كل واحد يختار اللي هو عاوزه
على:لا ياحبيبي جدكم عاوز الأحفاد كلهم هندسة عشان الشركه ياعبقري عصرك واوانك
أنس :اه وعشان الشركه دي اديني اتحكم علية متجوزش غير بعد ماعشق تخلص ليه يعني ده كله
كان زماني دلوقتى جايبلكم دستة عيال ماليين عليكم البيت
على:عشان خالك عارف انك مش حتسيب البنت تذاكر كويس وحتضيعلها مستقبلها مانت اصك مفضوح
أنس :في دي عندكم حق اصلي بصراحه ماحصدق استفرد بيها واعوض صبر السنين
عشق:احترم نفسك يا أنس
أنس :حبيبتي عسل وهى مكسوفه ياناس
على:ولا احترم نفسك عشق مؤدبه
مروة :غريبه مع انها تربية ايمان ده انا قلت عشق دي لما تكبر حنلاقيها ماشيالنا بالساجات
على:لا ياحبيبتي ايمان صحيح بتحب الضحك والهزار ومسخرة بس عند الولاد وبتقلب بتتحول
انتي ناسيه لماكانت عشق فى الثانويه العامه كانت عامله حالة طوارئ وكانت قاطعه الزيارات العائليه ومكنتش بعرف اشوف عشق دي نهائي
عشق :ايوة والله ياخالو ده انا لو عملت اي حاجه غلط بتبرقلي تبريقه بحس ان قلبي حيقف مكانه
مروة :والله ايمان دي بنت حلال وربنا عوضها بتيم وكافئها بيه عشان التربيه اللي ربيتهالكم انتي واخواتك ياحبيبتي وهي فعلا بتخاف عليكم وبتراعي فيكم ربنا اوي دي احلى حاجه فبيت عمي
عشق :اوي اوي ياعمتو ايه ده دي جت عالسيرة بتتصل عليةالو ايوة يامامي
اه انا هنا لسه عند عمتو في ايه
إيمان :فى ان الاستاذسليم من الصبح وهو برة البيت وكان مستغفلني ومفهمني انه الحارس الشخصي لهلا تقوم هيا تيجي وهو لسه مجاش
ويطلع بيضربني على قفاية
وارن عليه الجذمه ميردش علية اتفضلي رني عليه وقوليله وقعته سوده النهارده ان شاء الله
عشق:حاضر ياموني بس ممكن تهدي ومتزعليش نفسك
إيمان :مزعلش نفسي ازاي وانا مش عارفه ابني فين
اتصلي عليه ياعشق هو حيرد عليكي انتي وخليه ييجي عالبيت حالا
تغلق معه الهاتف وتتصل عليه:انت فين ياسليم مامي قالبه عليك الدنيا مبتردش عليها ليه وعلى فكرة هلا رجعت البيت وكدبك انكشف اتفضل بقى شوف اللي حيجرالك
سليم:يالهوي هي هلا رجعت طب وبعدين اصل بصراحه انا رحت السينما مع صحابي
عشق :سينما ده انت يومك مش فايت دي مامى حتعملك بطاطس محمرة
سليم :طب اعمل إيه دلوقتي بس انا خايف أوي ساعديني ياعشق دي ماما حترنني علقه وانا خايف منها
عشق :بص انت روح البيت وقللها الحقيقه انت عارفها لما بتيجي معاها دوغري وبتقول الحقيقه هي بتسامحك
سليم :ده على أساس اني عاليه مانتي عارفاها بتعمل إيه معايا
عشق:مش خايفه عليك ياسليم وبعدين بصراحه انت تستاهل اللي يتعمل فيك عشان انت بتستعبط وربنا
وخللي بالك ان مامي اصلا هي اللي بتداري عليك بس انت زودتها أوي ولو سابتك لبابي حيمنعك من الخروج نهائي وانت عارف
سليم:عارف ياعشق عارف وعشان كده بحس اني شكلي وحش قدامها بما بعمل اي حاجه غلط
عشق :لاء ياسيدي هي صحيح روحها فعاليه لكن انت بردو بتعرف تبلفها بكلمتين
بص حقولك خدلها الشيكولاته اللي هي بتحبها وهي حتعديلك الموضوع
سليم:ههههههه لا مانا عملتها المرة اللي فاتت رمتها فوشي واخدت العلقه بردو
عشق :خلاص روحلها بقى وانت بصراحه طيب وتستاهل كل خير
سليم :انا حروح اسلملها نفسي تسليم اهالي ادعي لاخوكي ياعشق ده انا حبيبك ياعشقي
عشق:الله معاك ومعاك قلوبنا ونروح فداك ده انت حبيبنا معاك ربنا ياقلبي لك الله
مروة:ههههههههه اهيه تربية ايمان اهيه قلتش حاجه انا
🌺🌺🌺🌺🌺🌺🌺🌺🌺🌺
تجلس معها فى مكتبها الذي أسسته منذ سنوات وقد تعبت كثيرا وبذلت مجهودا كبيرا حتى استطاعت ان تقف على قدميها وتثبت نفسها ولكنها دائما حزينه لم تذق طعم السعاده يوما ولم يعرف قلبها طريقا للفرح
ممكن تقوليلي حتفضلي كده لحد امتى يامياده
مياده :حفضل كده ازاي يعني يامريم مانا كويسه اهوه
مريم :كويسه ازاي يعني ده انتي على طول مهمومه وحزينه وبرغم ان ماشاء الله المكتب شغال كويس لكن بردو قلبك ماداقش الفرح ابدا
مياده :مش قادرة افرح يامريم غصب عني والله مش قادرة انسى الماضي صورة اهلي مبتروحش من ادام عينيه شكل ابويا وامي وهما عندي لما كنت مسجونه مبتروحش من قدام عينيه صوتهم وكلامهم لية بيرن فوداني لحد النهارده
مريم انا كل يوم اول مابحط راسي عالمخده عشان انام شريط حياتي بيمر ادام عينيه
مش قادرة انسى ازاي انا كنت وحشه اوي كده مش قادرة اسامح نفسي اني سلمت نفسي لواحده حيوانه قذرة تحركني زي اللعبه فايديها
وازاي اتهاونت فكرامتي وسمحت لنفسي اروح اتجوز عرفي من ورا اهلي
مريم :انسي يامياده انسي خلاص فاتت سنين طويله وخلاص اللي راح مبيرحعش تاني
وانتي استغفرتي ربنا كتير وربنا عالم انك فعلا اتغيرتي يبقى خلاص ارحمي نفسك بقى متبقيش قاسيه عليها كده
مياده :مش فارقه خلاص يامريم اهي أيام بنعيشها وخلاص
مريم :انتي هبله يامياده إيه الكلام ده مياده انتي لازم تفوقي بقى انتي مش اول ولا اخر واحده تغلط وعملتي اللي عليكي ونزلتي اسكندريه اكتر من مرة تدوري عليهم وانا نفسي حاولت اساعدك ونلاقيهم ومعرفناش نوصلهم
مياده انتي لسه صغيره ولسه قدامك فرصه تاسسي حياة جديده بس خللي بالك العمر بيجري واحنا مش حاسين
مياده :بس انا مرتاحه كده يامريم
مياده:بطلي هبل انتي لا مرتاحه ولا غيره انتي بتضحكي على نفسك
مياده مصطفى إنسان كويس وبيحبك وراضي بكل ظروفك
اديه وادي نفسك فرصه يامياده وافقي بقى وانسي اللي فات وابتدي معاه صفحه جديده من حياتك
الحقي نفسك يامياده الحقي جببيلك طفل يقولك ياماما بكرة السنين تجري وتلاقي نفسك لوحدك واللي انتي غلطتي فيه علميه لأولادك انهم ميعملهوش ربيهم عالصح اتعلمي من اللي حصلك يامياده واستفيدي منه فحياتك الجايه
مياده :مش عارفه والله يامريم
مريم :لا حتعرفي بصي انا مضطريه امشي دلوقتى حسام عاوزنا نقضي اليوم النهارده فى النادي احنا والولاد ويادوب بقى امشي
مياده:ربنا يخليكم لبعض يامريم
مريم :ربنا يخليكي ياحبيبتي ويصلح حالك يارب
مياده:مريم انا متشكرة اوى
مريم :متشكرة على إيه
مياده :على كل اللي عملتيه معايا انتي لولاكي مكنتش عرفت اعمل حاجه ولا كنت حعرف اوقف المكتب على رجله انتي افضالك علية كتير اوي ربنا يخليكي يارب
مريم :والله العظيم انتي هبله بجد بصي يامياده انا لو مكنتش متاكده من جوايا انك اتغيرتي فعلا مكنتش وقفت معاكي ولا ساعدتك وبعدين انا معملتش حاجه انا يادوب
ساعدتك تقفي على اول السلم لكن انتي اللي باجتهادك قدرتي توصلى للي انتي عاوزاه وانا ربنا يعلم بحبك ازاي
مياده:حبيبتي يامريم سلميلي على الكابتن حسام وبوسيلي الولاد وحشوني اوى
مريم :ان شاء الله حجيبهم معايا يوم كتب كتابك انتي ومصطفى
مياده :كتب كتاب كده على طول طب قولي خطوبه حتى
مريم :لاء هو كتب كتاب على طول هو احنا لسه حنضيع وقت
مياده:ماشي ياستي اوامرك ياحضرة الظابط
🌺🌺🌺🌺🌺🌺🌺🌺
فى شرم الشيخ نجدهما يجلسان وهما يضحكان :والله ياتيته انتي عسل
سماح:ياحبيبي ياياسين ده انت اللي سكر ياحبيبي بس زى مافهمتك
ياسين :حاضر والله ياتيته
سماح:ايوة باحبيبي عاوزاك كده تطلع مؤدب ومحترم اه مانت طول اليوم قاعدلي مع الخواجات دول وانت ياحبيبي صغير يبوظوا اخلاقك
أشرقت :متخافيش على ياسين ياسماح احنا مربيينه كويس
سماح:والنبي اسكتي والله مانتي عارفه حاجه بيبقوا ادامك ملايكه بجناحات وهما عفاريت يااختي
أشرقت :يخرببيت سنينك ياسماح حتفتحي عين الولد وهو لسه صغير
سماح:صغير والله صحيح انتي حرة يااختي بكرة نقعد عالحيطه ونسمع الظيطه
يجرون عليهم:تيته تيته
أشرقت :حبايب قلب تيته
جودي:جدو فين ياتيته
أشرقت :جدو بيشتغل ياقلب تيته عاوزة حاجه
عمار الصغير : عاوزينه ياتيته فموضوع خاص
سماح:ياحلاوتكم ياجمالكم ياولاد ابني موضوع خاص خير ياحبيبتي جالك عريس واللا ايه
جودي:عريس ايه بس ياتيته
أشرقت :سماح هو انتي مفيش فراسك غير الحاجات دي
سماح:اه مش عارفه يااشرقت ياحبيبتي دايما مفيش حاجه شغلاني غير المواضيع دي
عمار الصغير :هههههههه انتي عسوله ياتيته انا بحبك اوى
سماح :وانا بحبكم اوي ياولاد حسن
يأتي اليهم وهو يحتضن كتف زوجته
الولاد تعبينكم واللا ايه ياجماعه
أشرقت :تعبينا ده ايه هو احنا عندنا اغلى منهم ربنا يخليهم يارب
ماسه :ويخليكم لينا وليهم يارب والله انا فرحانه أوي اننا كلنا بقينا عايشين مع بعض
سماح :والله ياماسه انا مبسوطه اني معاكم بس عمري ماجه فبالي اني ممكن اسيب اهلي وناسي وجيراني واجي اعيش معاكم هنا على طول
حسن:ياسلام يعني انتي كنتي عاوزاني بعد مابابا الله يرحمه اتوفى اسيبك تعيشي لوحدك وتفضلي قاعده مستنيه حد يخبط عليكي الباب
لا طبعا انتي تعيشي معانا هنا واذا كان على اخواتي انا اجيبهملك لحد عندك هنا
سماح :الله يرحمه ويغفر له ايوة بس انا مش عايزة اتقل عليكم
ماسه :إيه الكلام ده ياطنط ده حضرتك غاليه اوي علينا والله
أشرقت :طب تصدقي بقى اني زعلت منك يعني انتي مش عارفه اننا بنحبك ياسماح طب وحياة ربنا انك من وقت ماجيتي وانا بقيت مبسوطه اوي وبنقعد وبنخرج مع بعض ده انا حسه ان حتى السياح حبوكي ياموحه والله
سماح:متفكرنيش قطيعه تقطعهم ولاد الجذمه دول
جودي :تيته يعني ايه تقطعيهم دي
سماح :لا انتي مش حتفهميها دي يابت ابني
ماسه :حد زعلك منهم واللا ايه ياموحه ياعسل
سماح:ياختي الراجل اللى اسمه كلور ده
حسن :هههههههه انتي قصدك كورولس ياماما
سماح :ايوة هو المخفي ده قاعد يشرب فى المحرمات استغفر الله العظيم يرضيكم اروح اقوله ده حرام وحتدخل جهنم يقوللي حبلغ عنك الشرطه
هي الشرطه المفروض تيجي تاخده هو على قلة ادبه دي واللا تاخدني
انا ده انا وربنا لولا عاملاكم خاطر كنت قلعت اللي فرجلي ورنيته حتة علقه واديتله فوق دماغه
أشرقت :لا وعلى ايه الطيب احسن ياسماح
حسن :والله انا حاسس ان القريه دي حتتقفل على ايدك ان شاء الله يا ماما
يأتي عمار عى أصواتهم :خير ياجماعه ضحكوني معاكم
جودي:جدو ياجدو
عمار وهو يجلس ويحملها على قدمه:ايوة ياقلب جدو
جودي :تيته بتتخانق مع كورولس ههههههههه وبتقول عليه كلور ههههههه
عمار :جدتكم تعمل اللي هيا عاوزاه واللي مش على مزاجها نمشيه خالص هو احنا عندنا كام سماح
سماح :ربنا يجبر بخاطرك ياابني يارب
عمار :ويباركلنا فيكي يارب
حسن اطمنت على وصول الفوج السياحي
حسن :ايوة يابشمهندس انا وماسه لسه راجعين من عندهم وكله تمام
عمار الصغير :جدو ياجدو
عمار الكاشف :نعم ياقلب جدو
عمار الصغير:معاهم بنت صغيرة اسمها ايرين حلوة اوي ياجدو
حسن :شايف حفيدك يابشمهندس اعمل فيه ايه الولد ده انا مش عارف
عمار :محدش يقدر يعمل حاجه لعمار ده حبيبي الصغير
يضحكون جميعهم ويتحدثون فى كثير من الموضوعات
أشرقت لعمار :شايف بنتك مبسوطه ازاي ياحبيبي
عمار :الحمد لله ياحبيبتي حسن ابن حلال وبيحبها اوي وشايلها فعنيه
ربنا يهنيهم ويسعدهم ويخليلهم ولادهم يارب
🌺🌺🌺🌺🌺🌺🌺🌺
فى قريه من قرى الصعيد فى احدى بيوتها الواسعه
رجل كبير السن فى الثمانين من عمره ينادي عليها بصوته العالي:ياهاجر انتي ياهاجر
هاجر:ايوة نعم فى ايه عاوز ايه من زفته
الرجل :انتي بتردي علية كده ليه ياهاجر انتي اتجننتي واللا ايه
هاجر :انا متجننتش انا زهقت وطهقت وقرفت من عيشتي كلها انت عاوز مني إيه ياراجل انت
زوجها:لا ده انتي الظاهر انك اشتجتي لضرب زمان اللي كنتي بتاخديه كل يوم
هاجر :وانا معدتش صغيرة انا خلاص كبرت وكبرت اوي كمان
ومش حسمح لحد انه يمد علية ايده تاني واللي حيمد ايده علية حقطعهاله
زوجها :لا والله ده احنا طلعلنا حس اهوه اوعي تكون فاكرة اني عشان كبرت خلاص مش حجدر عليكي لا ده انا اجوم اكسر عضمك
هاجر :تكسر مين ياعنيه طب قوم ياللا وريني جتك القرف فيك وفشكلك ده انا قرفانه منك
ومن عشرتك السوده سنين طويله وانا عايشه هنا خدامه للي فى البيت كله
بالنهار اخدم وامسح واطبخ وبالليل نايمه جمب واحد بقرف حتى من نومته معايا فى اوضه واحده
كل اللي بيربطني بيك ورقه مكتوبه وكل علاقتي بيك ان مراتاتك راميينك علية عشان يرتاحوا من خدمتك
وانا اللي عماله اخدم فيك سنين وياريته بيطمر معاك حاجه ده انا لما طلبت منك تديني قرشين اشيلهم للزمن لاني معرفش عيالك وامهاتهم حيعملوا فية ايه لما تموت رفضت وضربتني ربنا ياخدك يابعيد ويريحني منك
جتك الارف فيك ربنا يريحني مني ومن همك
زوجها :انتي بتدعي علية ياهاجر ده انى حموتك النهارده فايدي
هاجر:طب لو جدع وريني نفسك وشوف انا حعمل ايه
زوجته :لا ماهو مش انا اللي حعمل انا حبعت اجيب اللي يعملولك واني حجعد اتفرج عليكي عشان تبجي تعرفي تعلي صوتك علية وتدعي علية تاني ياهاجر
ينادي على زوجاته الثلاثه :خير ياحاج عايز حاجه
الزوج:البت دي بتعللي صوتها علية وبتدعي علية ان ربنا ياخدني وبتعايرني انها خدمتني اني صوح
تعبان ومجدرش اجوملها عايزكم انتم تاخدولي حجي منها
النساء :بس كده من عينينا ياحاج ده انت تؤمر ياسيد الرجاله
هاجر :انتوا حتعملوا فية ايه ابعدوا عني والله حوديكم فداهيه
ينقض عليها النساء الثلاثه ويكيلوها ضربا حتى انها تنتقل الى المستشفى فى حاله خطرة
الدكتور:مين اللي عمل فيها كده دي جنايه انا لازم ابلغ الشرطه
النساء :احنا منعرفش حاجه احنا لجيناها اجده وصعيت علينا وجيبناها
بس هي حالتها ايه يادكتور
الدكتور :دراعها انكسر وحيجبس وعندها ارتجاج فى المخ ولازم تفضل فى المستشفى كام يوم لحد ماتبقى كويسه
احددى الزوجات تحدث الأخرى :ام محمد انا خايفه يااختي البت تودينا فداهيه
ام محمد :متخافيش ياهبله دي كلبة فلوس لما تفوج حسكتها بجرشين وحهددها لو نطجت بكلمه وجالت علينا حاجه حخللي الولاد يرموها فى الشارع
وهي ملهاش حد يسال عنها دي من يوم ماجات عندنا من سنين ومفيش مخلوج جالها انتي فين
الزوجه الاخرة:على رأيك واهي نافعانا بردك اهي عالاجل مريحانا من خدمته وشايله همه عننا
ام محمد :ده انتي تحمدي ربك انه معدتش نافع من سنين وبجى زي خيبتها
بالك انتي ده لو كان راجل وملو هدومه اجده كانت كلت عجله واستغنى عننا بس ضعفه وجلت حيلته كاسرين عينه ومخليينه جاي عليها ونازل فيها ضرب كل شويه وده من حظنا
الزوجه الاخرى :على رأيك هي يعني كانت خدت منه ايه غير الضرب والبهدله كانت جايلنا شابه صغيرة دلوجتى بجي اللي يشوفها يجول عندها مية سنه
ام محمد :كل ده ميهمنيش المهم انها بتخدمنا كلنا الكبير والصغير
واني حدخلها دلوجتى ولو جدعه تبجى تنطج بكلمه وتشوف اللي حيحصللها
تدخلها بعد مرور بعض الوقت
حمد الله على سلامتك ياست هاجر
هاجر :انتي عايزة مني ايه ده انا حوديكم فداهيه
ام محمد :لاء بصي اسمعيني اجده انتي لو نطجتي بحرف من بكرة حتكوني مرميه فى الشارع وبتشحتي وبتجولي عشانا عليك يارب
وبعدين فى شهود جاهزين يجولوا اننا كنا عندهم ومحدش حيصدجك
لكن لو مفتحتيش حنكك ده حديلك جرشين ومسمعلكيش حس
هاجر :انا مش عاوزة حاجه انا عاوزاكم تخلوا الراجل ده يطلقني وانا حمشي
ام محمد :ههههههههه لا والنبي صحيح احنا معندناش طلاج ياحبيبة امك
وحتى لو الحاج مات بردك حتفضلي عايشه معانا لحد ماتحصليه ياغاليه
ولو ربنا كرمك جوي حيتجوزك اخوه التاني عشان تكملي خدمه فبيته هو كمان
هاجر:لاء يعني انا حعيش حياتي كلها بالشكل ده لا مش حقدر
ام محمد :تجدري واللا متجدريش مش بكيفك ياحيلتها ده مجدر ومكتوب ياهاجر
هاجر :وانا اللي كتبت قدري ومكتوبي بايدي واستاهل كل اللي يجرالي
🌺🌺🌺🌺🌺🌺
فى مساء يوم من الأيام يتحدث إلى زوجته:خلاص ياسلمى قفلتي الشنط كلها
سلمى :ايوة ياحبيبي الشنط كلها تمام
عصام :فى حاجه من حاجات حد من الولاد ناقصه الحق انزل اجيبهالهم
سلمى:لا ياحبيبي اطمن الشنطه دي فيها حاجة دودى كلها والشنطه دي فيها حاجة الولاد
عصام :ربنا يخليكي لينا ياست الكل
سلمى :حبيبي ياعصام ويخليك لينا ياقلبي
يطرق عليهم الباب ويدخل:بابا
عصام :ايوة يا محمد فى ايه عاوز حاجه
محمد :عاوز اشتكيلك من دارين
عصام :عملتلك ايه يامحمد دارين
تدخل دارين وتتحدث اليهم:انا اللي حقولك يابابا
محمد مصاحب ولد مش كويس
بيعاكس البنات وبيشرب سجاير وانا كل اللي قلته لمحمد انه يقطع علاقته بالولد ده مش اكترعشان انا خايفه عليه يابابا انا كده غلطت فحاجه
عصام :انت زعلان من اختك عشان خايفه عليك يامحمد
محمد :لاء يابابا انا بحب دارين اوي بس مبحبش حد يقوللي اصاحب مين ومصاحبش مبن
سلمى :تعالى يامحمد ياحبيبي احنا عارفين اخلاقك كويس واختك عارفه ده لكن ياحبيبي النبي عليه الصلاة والسلام قال ايه
كل امرئ على دين خليله فلينظر احدكم من يخالل
يعني الرسول امرنا اننا نحسن اختيار الصديق لأنه ممكن ياثر علينا من غير مانحس وتلاقي نفسك من غير ماتحس بقيت شبهه
مش ربنا قال ولا تتبعوا خطوات الشيطان وصديق السوء ده شيطان لازم نبعد عنه
يبقى لما اختك الكبيرة تقولك على حاجه فيها مصلحه ليك تشكرها وتبوسها كمان مش تيجي تشتكيلنا منها
محمد :انا اسف يادارين متزعليش مني انا بحبك أوي
دارين :حبيبي يامحمد وانا بموت فيك ياروحي انا معنديش اغلى منك انت واحمد ربنا يخليكم لية
وعقابا ليك بقى حتنزل تشتريلنا ايس كريم على حسابك
محمد :اوامرك يادكتورة دارين
تفتح سلمى ذراعها لدارين فتجري دارين على حضنها :حبيبة قلب ماما ربنا يخليكي لية ولاخواتك ياست البنات واشوفك احلى عروسه فى الدنيا يارب
دارين :ربنا يخليكي لينا يامامتي ياحبيبتي ياست الكل
عصام :ياسلام اطلع منها انا بقى
دارين :بابا ياحبيبي انا بحبك اوي بس ماما حبيبتي حاجه تانيه خالص
عصام :هههههههه وانا بموت فيكي ياروح بابا بقولك ايه ياللا بينا ننزل نشوف ولاد خالك جهزوا حاجتهم واللا لسه
يقبل سلمى من جبينها:ربنا ميحرمناش من حنيتك ياست الكل ويخليكي لينا
سلمى :ويخليك لينا ياحبيبي يارب
🌺فى شقة علاء ونيرة
علاء :يابنات جهزتوا الشنط واللا لسه خالكم لو نزل ولقانا محتاسين حيصوتلنا اهوه يالهوي بيرن شكله جه
نيرة :مالك ياعلاء، البنات حاجتهم ياما انا جهزت شنطة ابراهيم فثواني لكن شنط البنات بتاخد وقت
ادخل ياعصام تعالى
سما :خالو حبيبي انا جهزت شنطتي خلاص بس سلمى هي اللي لسه
سلمى:وانا كمان خلصت هييييه
علاء :اخيرا كفارة
عصام :حبايب قلب خالو امال ابراهيم فين مش شايفه
نيرة:نزل يجيب حاجه من تحت وطالع
عصام :ابراهيم ده سبحان الله اسمه وشكله هو جده ابراهيم الله يرحمه بيفكرني بيه فكل حاجه اكني شايف بابا الله يرحمه ادامي ربنا يرحمك يابابا يارب
نيرة :ربنا يرحمه يارب
علاء :يارب ربنا يعلم غيابه فارق معانا ازاي
سما :انت كنت بتحب جدو اوي كده يابابا
علاء :جدك ابراهيم ده ياحبيبتي كان راجل بمعنى الكلمه نادر تلاقي حد زيه فى الدنيا دي
عصام صحيح هي العربيه جايه الساعه كام
عصام :هو حسن قاللي ان العربيه حتكون عندنا الساعه خمسه الصبح
سلمى :ياااه انا مبسوطه اوي اننا حنروح شرم الشيخ ربنا يخليك لينا ياخالو
عصام :ويخليكم لينا ياقلب خالو
رفرفت السعاده وفتحت لاجنحتها السعاده على هذه الأسرة الجميله
عصام وسلمى واولادهم دارين ومحمد واحمد
وعلاء ونيرة وولادهم سما وسلمى وابراهيم ملاءت قلوبهم بالسعاده ولم يعد للاحزان مكانا
😂🌺🌺🌺🌺🌺🌺
فى أحد النوادي يجلسان سويا يتحدثان :الواد علي ده سكر وعسل نحل ياعهد
عهد :حبيب قلبي الصغنن ده
حنين :ومرام عامله إيه ومجتش معاكي ليه دي وحشتني أوى
عهد:كويسه والله قاعده على طول مع هلا مبيسببوش بعض نهائي وانتي ياحنين عامله ايه ياحبيبتي
حنين :الحمد لله والله ياعهد بس من وقت وفاة تيته الله يرحمها وانا حسه ان فى حاجه فحياتي ناقصه مش معوضني غير سامر وسيف ربنا يخليهوملي
عهد:ومامتك ياحنين لسه بردو مبتكليميهاش
حنين: بكلمها كل فترة أصلها ياستى الراجل اللي كانت متجوزاه بعد مانفضها واخد اللي وراها واللي قدامها طلقها ورماها
وهي اخدت بعضها وراحت تعيش في شقة تيته حبيبتي الله يرحمها
وولادها واحده اتجوزت وسافرت والتانيه قاعده معاها وبتشتغل
امال فرح عشق وانس امتى صحيح سيف كان بيقولنا انه قريب
عهد :ايوة ياحبيبتي بعد اسبوعين ان شاء الله اعملي حسابك بقى انتي مش غريبه ومش محتاجه دعوة طبعا
حنين:اكيد طبعا ياعهد حنيجي ان شاء الله وعقبال مرام دي ماشاء، الله كبرت وبقت قمر
عهد :مرام هي وادهم ابن عمر سارحين مع بعض فى الدروس وانا مش مرتاحلهم هما الجوز
الواد طالع مسهوك زي ابوه وهي مسهوكه زي ابوها وانا مش عارفه اعمل ايه
حنين :هههههههه حبيبتي ربنا يحميهم يارب
🌺🌺🌺🌺🌺🌺🌺
بعد مرور عدة أيام فى داخل شركة المهدي للمقاولات
يتحدث يزيد مع علي فى مكتبه:يااه يايزيد اخيرا المناقصة رسيت على شركتنا انا مش مصدق ده احنا خدناها من بوء الأسد
يزيد :مش لوحدينا ياعلي معانا شركة يوسف يونس للمقاولات
على:ايوة انا اعرفه يوسف شخصيه محترمه ومجتهد وسمعته زي الطبل
يزيد :والحمد لله احنا الاتنين رسيت المناقصة علينا بس المشروع كبير اوي ياعلي ده حياخد مش اقل من تلت سنين
على:بس حينقل الشركه نقله تانيه خالص ومحتاجين فرع برج العرب يتعاون معانا
يزيد :ده أكيد طبعا
علي:طب حتتفق انت ويوسف على الشغل امتى
يزيد :بعد ساعه ياعلي يوسف جاي وحنتفق على كل حاجه ان شاء الله
على:مبتضيعش وقت خالص
يزيد :مفيش وقت ياعلي خصوصا اننا الأسبوع الجاي حنكون مش فاضيين وعاوز اكون ارتحت من ناحية الموضوع ده
على:امال عمر فين مش شايفه يعني
يزيد :استئذن من شويه وراح ياخد شمس وولاده وايمان والولاد يجيبوا لبس الفرح
على:ربنا يتمم فرحتنا على خير يارب
يزيد :ياااه ياعلي انا مش مصدق ان السنين جريت بسرعه كده وان خلاص كلها كام يوم وأنس وعشق حيتجوزوا
على :ده انس على اخره مننا حسه عاوز يولع فينا
يزيد :انا عارف اننا غلسنا عليه ولولا جده مش بعيد كان ولعلنا فى البيت بس كده احسن ياعلي وانا كده مرتاح اكتر البنت خلصت دراستها وهو كمان اخد وضعه فى الشركه
تدخل اليه منى لتعلمه بوصول يوسف يونس
يزيد وهو يقوم من على كرسيه:خليه يدخل فورا ثم يقوم لاستقباله :اهلا اهلا بالبشمهندس يوسف الشركه نورت والله
يوسف:منورة باصحابها يابشمهندس وانا اتشرفت بأننا حنشتغل مع بعض
يزيد :الشرف لينا يابشهمندس اعرفك البشمهندس على ابن عمى وجوز اختي ووالد البشمهندس انس اللي حيكون مشرف معانا عالمشروع
يوسف :اهلا يابشمهندس علي
على:اهلا بيك يابشمهندس يوسف
يجلسون جميعهم ليتحدثوا فيما يخص العمل والمشروع
يزيد :بس كده احنا محتاجين مستشار قانوني المشروع كبير ومش سهل وحيبقى فيه امور متشعبه ولازم يكون معانا محامي كبير يقف معانا ويغطي اي ثغرة
يوسف :مفيش غير محامي واحد بس هو اللي ممكن نعتمد عليه انه يساعدنا بس يارب هو يوافق لأنه متخصص فى الجنايات أكتر
يزيد :تقصد مين يابشمهندس
يوسف :اسر التهامي تعرفه
يزيد :طبعا هو فى حد ميعرفش اسر التهامي ده اشهر من نار على علم وسمعته زي الطبل
وان شاء الله حيوافق بس احنا لازم منضيعش وقت ونروحله نتكلم معاه عشان نبدأ الشغل من بكرة
يوسف :تمام اوي انا حتصل دلوقتى بالمكتب عنده وان شاء الله نقدر نقابله النهارده ونتكلم معاه
😘بعد مرور حوالي ساعتين فى مكتب اسر التهامي
يجلس معهم ويتحدث إليهم فيما كل مايخص المشروع :طبعا ده شئ، يشرفني ان مكتبي يتولى الاشراف على مشروع عملاق زي ده
وبالتوفيق ان شاء الله
يزيد :الشرف لينا والله يااستاذ اسر
اسر :خلاص تمام يبقى احنا نظبط الأوراق وكل حاجه ولو فى اي تحفظات على اي حاجه نعدلها مفيش مشكله
يوسف :خلاص تمام يااستاذ اسر واحنا متشكرين جدا ليك
أسر :العفو يابشمهندس ياواجبي
يسلمان عليه وينصرفان
يزيد :انا مبسوط اوى ان الاستاذ اسر التهامي حيمسكلنا الشغل ويحضرلنا الأوراق
يوسف :بصراحه اسم اسر التهامي لما بيرتبط بأي حاجه بيعلي منها
أسر :خلاص تمام اوي يبقى ان شاء الله بكرة على معادنا ان شاء الله محتاج اخلص كل حاجه
بنتي ان شاء الله فرحها الاسبوع الجاي وعاوز اتفرغ للفرح
يوسف: بجد الف مبروك
يزيد :الله يبارك فيك عقبال ولادك ان شاء الله لازم بقى تشرفنا بامر الله وياريت لو تجيب معاك الولاد والمدام احنا خلاص بقينا شركا ولازم نكون مع بعض على طول وأكيد حنبقى اصحاب كمان
يوسف :أكيد طبعا يابشمهندس وان شاء الله نيجي والعريس على كده قريبكم
يزيد :ايه ده هو انا مقولتلكش
يوسف :لا والله مقلتليش
يزيد ويوسف :ههههههههه
يزيد :بص بقى هو العريس يبقى البشمهندس انس ابن اختى الصغيرة وباباه يبقى البشمهندس علي ابن عمى اللي انت قابلته عندي فى الشركه
يوسف :ماشاء الله ربنا يباركلهم يارب والف الف مبروك وان شاء الله حنيجي طبعا
يسلمان على بعضهما على الوعد باللقاء غدا ثم يتجه كل منهما لركوب سيارته
يزيد وهو فى السيارة يعلن هاتفه عن اتصال :ايوة ياماما
هاله :يزيد باباك تعب وانا اتصلت بالاسعاف و طالعين بيه عالمستشقى دلوقتى
يزيد :ليه ياماما بابا حصلله ايه
هاله :تعب فجاة زي كل مرة
يزيد :المستشفى ايه ياماما
هاله :عند الدكتور جلال والدكتورة حور يابني
يزيد :ماشي ياماما وانا رايحلكم دلوقتى
يلف بالسيارة ليتجه نحو المستشفى
🌺🌺🌺🌺🌺🌺🌺🌺
فى داخل أحد المولات يتحركون فى كل مكان لشراء مايحتاجونه لحفل الزفاف
عمر :ماتخلصوا بقى ياناس انا تعبت
إيمان :تعبت من إيه ياعمر هو انت كنت عملت ايه أصلا عشان تتعب مانت كل شويه تخلع مننا
عمر:وانا اعملكم ايه مش انتوا اللي كل محل تدخلوا فيه وتنسوا نفسكم
إيمان :مش لازم نختار حاجات كويسه واللا ايه يعني ده فرح عشق ياحبيبي
عمر وهو يقبل نور:عقبالك ياقلب بابي لما افرح بيكي يارب
تيم :وانا ياعمو تفرح بية انا كمان عشان انا حتجوزها دي بتاعتي انا
عمر :اهلا يامعلم يالهوي
إيمان :اهدى ياحبيبي شويه احنا لسه عندنا حوار مع اخوك سليم وهلا نخلص منه الأول وبعدين نبقى نشوفك انت كمان ياشبر واقطع
تخرج اليهم شمس من داخل المحل :يعني انا جوة لوحدي وانتوا هنا عمالين تتخانقوا ياللا ياجماعه خلونا نخلص بقى
وانتي ياست هانم فى فساتين حلوة اوي تعالي نشوفلك واحد فيهم عاوزة اخلص منك
عمر وهو يحتضنها:مين دي اللي تخلصي منها دي نور عمر اللي الكل لازم يعمل الف حساب لأى كلمه تخرج من بؤه وهو بيكلمها اه دي ست الكل
نور وهي تحتضنه:حبيبي يابابي انا بحبك اوي
عمر:وانا بموت فيكي ياقلب بابي
تيم :وانا كمان بحبك يانور
شمس :يالهوي منك لله ياعمر بوظت اخلاق العيال
وبعدين كفاياك دلع فيها المفعوصه دي محدش حيعرف يمشي عليها كلمه
عمر:بنتي تتدلع زي ماهي عاوزة دي اميرتي
هلا :وانا يا سي بابى مش حبيبتك انا يعني واللا ايه
عمر :يالهوي يامصيبتي ياخرابي ده انتي حبي الأول والاخير حبي اللي ملوش مثيل ده انتي اول العين ماشافت ياقلب بابي
شمس :الصبر من عندك يارب البنات جننوا عمر
سليم وادهم :احنا طبعا ملناش اي قيمه فى الليله دي.
سليم :البنات اكلوا مننا الجو يابني بس مش مهم ماهما بتوعنا بردو
البت هلا دي انا حتجوزها دي خطيبتي
ادهم :وانا مرام بنت طنط عهد حخطبها انا كمان
سليم :تمام والواد تيم هو كمان ظبط مع نور
يبقى كده قشطه وحينوبنا من الحب جانب
يجد عمر اتصالا من يزيد :ايوة يايزيد
يزيد :عمر هات الجماعه وحصلوني على مستشفى الدكتور جلال بابا تعبان ماما معاه لوحدها ياللا بسرعه عالمستشفى
عمر:بابا تعبان ثواني وحنكون عندكم
🌺🌺🌺🌺🌺🌺🌺🌺
مجتمعين جميعهم داخل حجرة شاكر للاطمئنان على صحته:خير يادكتور جلال طمنا الله يخليك
دكتور جلال:والله الحاج شاكر زي الفل ده شكله بيدلع عليكم عشان يعرف غلاوته عندكم
هاله :غالي والله يادكتور جلال وأغلى من الدنيا كلها
الدكتورة حور:لا احنا كده حنغير بجد شايف يادكتور جلال انا مليش دعوة انا عاوزة دلع زي ده
يزيد وعلى:ههههههه ربنا يفرحكم باولادكم يارب
يزيد :والله يادكتور جلال من وقت ماحضرتك بقيت انت والدكتورة حور مسئولين عن حالة الحاج واحنا مطمئنين عليه جدا وهو مبقاش بيرتاح مع حد غيركم
دكتور جلال:ده شرف لينا والله يابشمهندس ده الحاج غالي علينا اوي
يدخل الباقيين عليهم:الف سلامه عليك يابابا ياحبيبي
شاكر :الله يسلمكم ياولاد
شمس :ألف سلامه عليك يا بابا
شاكر :الله يسلمك ياحبيبتي
نور وهي ترتمي فى حضنه:جدو حبيبي انت تعبان انت فيك حاجه بتوجعك ياحبيبي
شاكر :حبيبة قلب جدو انا كويس متخافيش يانور عيني
ثم يجدون الباب يفتح وتجري عليه وهي تبكي:جدو حبيبي انت كويس ياجدو جدو انت تعبان قول انك بخير ياجدو
شاكر :عشق حبيبتي انا كويس، والله
أنس وهو يقبل يده:جدو متكدبش علية قوللي الحقيقه انت كويس ياحبيبي
شاكر :زي الأسد ياولد جدك زي الفل
انس :جدو لو تعبان ياحبيبي احنا نأجل الفرح لحد ماتبقى كويس
شاكر :لا طبعا الفرح ان شاء الله حيتعمل فى ميعاده ومفيش حاجه حتتغير
ده انا مستني اليوم ده طول عمري وكنت بدعي ربنا اني اعيش لحد مااشوفكم فى الكوشه
تقوم تقوللي نأجل لا ان شاء الله كل حاجه حتتم فى معادها بأمر الله
مروة :بابا اوعى تكون تعبان ياحبيبي وبتكدب علية
جلال:جماعه مينفعش كده الحاج والله بخير بس نهدى شويه ممكن
والف مبروك ياعرسان
أنس :الله يبارك فحضرتك يادكتور
يزيد :دكتور جلال حضرتك والدكتورة حور مش محتاجين عزومه طبعا ياريت تشرفونا بالحضور ان شاء الله
جلال :اكيد طبعا لازم نشارككم فرحتكم
علي:وتجيبوا معاكم الولاد
حور:نور والله مسافرة مع جوزها فرنسا
عمر :بنتكم اسمها نور على اسم بنتي نور
حور :ايوة نور بنتي بس هي لسه متجوزه قريب من البشمهندس ماجد ابن البشمهندس كنان وابن صاحبتي فيروز وهو ماسك شغل باباه فى فرنسا وارتبط بنور وسافرت معاه
شمس :ياحبيبتي ربنا يفرح قلبهم يارب
ايمان :بس هانت عليكي تسيبيها تسافر وتبعديها عنك انا عن نفسي مقدرش على بعد عشق ولا عاليه عني
حور :حعمل ايه بس بيحبوا بعض ومقدرتش اقف ادام سعادتهم
يزيد :ربنا يوفقهم يارب
انا اعرف ان ابنك ظابط مش كده
جلال:ايوة بدر الدين طلع ظابط زي جده بدر حاولت اقنعه كتير يدخل طب لكن هو صمم على الشرطه عشان يبقى زى جده بدر
علي:يبقى ييجي معاكم الفرح بقى ان شاء الله
جلال :ان شاء الله والله حنيجي بأمر الله
ايمان بلهفه:يزيد الحقني
يزيد :مالك ياايمان فى حاجه
ايمان :تيم سخن يايزيد
يزيد وهو يضع يده على جبهته:ايوة ده سخن فعلا بس ده كان كويس الصبح
ايمان :ماهو لازم يسخن طبعا مش كل شويه يدخل يقعد بالساعه فى البانيو هو انا قادرة عليه الجذمه ده
جلال :فى دكتورة اطفال هنا شاطرة اوى اسمها دكتورة حياة ياريت تلحقوها قبل ماتمشي
يزيد :تمام انا حروح اشوفها
ياللا ياايمان
إيمان :تعالى ياهمي الكبير
تيم:ماما بعد اذنك عامليني بطريقه احسن من كده
نور:ايوة ياموني مش تزعلي تيم
إيمان :لا والله شوف ازاي صحيح عيال اخر زمن امشي انجر قدامي ياجذمه
يتحرك يزيد وايمان وتيم نحو قسم الأطفال فينصدم باسر التهامي
اسر التهامي :بشمهندس يزيد مش معقول ايه الصدفه دي
يزيد :استاذ اسر مفاجاة فعلا والدي الحاج شاكر تعبان شويه والدكتور جلال والدكتورة حور هما المتابعين لحالته
اسر:اه طبعا الدكتور جلال والدكتورة حور من افضل الدكاترة هنا
يزيد :وحضرتك جاي زياره هنا لحد
أسر :لا انا مراتي دكتورة اطفال هنا وهي بتخلص شغلها دلوقتى وجاي اخدها تروح على طريقى
يزيد :مراتك دكتوره اطفال ده احنا خارجين نشوف دكتورة اطفال عشان تيم ابني سخن ودكتور جلال قاللي على دكتورة هنا اسمها حياة بيقوللي شاطرة اوي
أسر :ايوة ماهي دكتورة حياة تبقى مراتي
يزيد :ياسبحان الله طب ودينا عندها تشوفلي الولد الله يخليك
اسر:اتفضلوا معايا
فى حجرة الكشف
حياة:افتح بؤك ياحبيبي
الولد عنده احتقان فى الزور وده اللي مسببله حراره
إيمان :ياربي يعني جاي تتعب عالفرح كده
حياة :عندكم فرح مين بقى
ايمان :فرح اخته الكبيرة
أسر :بجد الف الف مبروك وده امتى ان شاء الله
يزيد :الاسبوع الجاي ان شاء الله انا والله كنت ناوي بكرة ادي لحضرتك كارت الدعوة وياريت لو تشرفونا بالحضور
اسر:مش عارف والله حشوف ظروفي ايه
إيمان :لا وربنا حنزعل منكم لو مجيتوش
يزيد :ايوة طبعا انتوا لازم تشرفونا وياريت كمان لو تجيبوا معاكم ولادكم
الفرح حيعجبكم اوى والله وحتنبسطوا معانا اوي
أسر :خلاص والله ان شاء حنحاول نيجي بامر الله
يزيد :دكتورة حياة انتي لازم تيجي انتي عسوله اوي وانا ارتحتلك حسه كأني اعرفك من زمان
حياة :حبيبتي ربنا يخليكي يا رب كلك ذوق
ايمان :ولادكم اد ايه بقى
حياة :عندي تولين وسيلين الكبار والاتنين متجوزين
والاستاذ سليم فى كلية حقوق
والباشا ادهم ده بقى لسه مخلص الثانويه العامه
ايمان :يامحاسن الصدف تعرفوا ان ابني الكبير اسمه سليم وابن عمه اسمه أدهم
أسر :ربنا يخليهم ويخلي اسماءهم يارب
يزيد :تمام اوي تبقوا بقى تشرفونا الجمعه الجايه ومعاكم سليم وادهم
أسر :خلاص والله حنيجي ان شاء الله بس سليم اكيد مش حييجي لأنه ملوش فجو الافراح وكمان هو خاطب جويرية بنت خالته ومتعودين يخرجوا يوم الجمعه
اما أدهم فده اكيد حييجي اصله طالع لعمه فارس بيموت فجو الافراح والحفلات وبالتاكيد حيوافق ييجي معانا
يزيد :تمام واحنا ان شاء الله حننتظركم فى الفرح وعقبال ماتفرحوابولادكم ان شاء الله
💙ياسلام شوف ازاي يعني انا اجمعكم على بعض واجيب كل ابطال رواياتي عشان حضرتك تعزمهم كلهم على الفرح وميهنش عليك تفتكرني وتقوللي اجي واللا انا يعني بنت البطه السوده
ايمان :هي مين دي اللي متعزمتش عالفرح مانتي صاحبة الفرح ياقلبي وصاحبة كل حاجه ولولاكي لكنت حتجوز يزيد ولاحياة حتتجوز اسر ولا حور حتتجوز جلال ولا يوسف هو كمان اتجوز بعد حور
انتي صاحبة الليله كلها ياقمر ده انتي تيجي وتنورينا وياريت تجيبي معاكي كل القراء والفانز اللي شاركونا افراحنا واحزانا
وعاشوا معانا الروايات بكل تفاصيلها وزعلوا عشاني لما سيبت حسن وفرحولي انا ويزيد
لازم كلهم ييجوا ويشاركونا فرحتنا بعشق وأنس صح ياجماعه
يزيد :ايوة طبعا كفايه حزنهم على عاليه الله يرحمها
اوعوا متجوش حنستناكم كلكم عاوز كل الفانز اللي بيحبونا وشاركونا احزانا لازم كمان يشاركونا افراحنا
