رواية ولاد ابليس الفصل الرابع بقلم محمد منصور
ويهجم أمن المستشفي علي خالد وحسن ويمسكوهم فتنظر لهم بنت الدكتور وتقول لهم
سيبوهم
الدكتور صالح ينظر لبنته ويقول
انتي بتقولي أيه يسيبوهم أزاي دول حراميه
بنت الدكتور
يا بابا ده بودي أبني كل مايشوف واحد شنبه كبير يفتكره الحرامي اللي سرق البلايستيشن بتاعه من الاوضه بتاعته أنا اللي أقيل له كده علشان يذاكر
ويتركوا أمن المستشفي حسن وخالد فتنظر بنت الدكتور اليهم وتقول
أنا أسفه علي اللي عمله أبني
فيتنهد حسن ويقول
حصل خير عنده اللي في سنه
خالد يميل علي حسن ويقول
أنا عايز أعمل حمام بطني مشيت
فينظر حسن ناحيه الدكتور ويقول
الحمام اللي هنا فين
فيشاور الدكتور ناحيه الحمام فيتجه خالد ناحيه الحمام وهو في الطريق الي الحمام يضرب حفيد الدكتور بالقلم علي قفاه وهو يقول
أنا حرامي ده أنت كنت هاتخليني أعملها علي نفسي
فيبكي حفيد الدكتور فتنظر له مامته وتقول
تعالي هنا يا بودي
وينصرف حسن من أمام الدكتور وبعد مرور كام يوم كان حسن يخرج من المستشفي ومعه أخته سميره الذي كانت قد تعافت من المرض اللعين وتقول سميره لحسن
سميره
أبيه حسن هو أنا كده مش هأخد حقنه تاني
حسن
هناخد حقن لغايه ماتخفي خالص بس مش هايبقي زي الاول أنتي خلاص خفيتي يا سميره تحبي بقي تروحي فين
سميره
جنينه الحيونات
حسن
ماشى كلامك بس تفوقي من العمليه وهاوديكي كل حته أنتي عايزها
ويركب حسن التاكسي بتاعه وينطلق ويقول لنفسه
كده أنا فوقت من عمليه أختي اللي كانت معطلاني عنكم وجه الدور عليكم علشان تدفعوا التمن
وتمر الايام وفي أحدي المرات الذي كان يسوق فيها حسن لحازم يرن موبيل حازم فيمسك الموبيل ويرد بعنف قائلا
عايز أيه يا دكتور سميح
ثم يسكت للحظات ثم يقول
أجيلك ليه أحنا أتكلمنا في موضوع العمليه دي لما كنت عندك أخر مره وخلصنا الحوار أنا مش هاعمل عمليات لأميره أنسي وبحذرك لتاني مره لو أميره عرفت بالكلام ده هاقتلك
ويغلق الخط ويرمي الموبيل علي الكرسي بجانبه ثم ينظر الي حسن الذي كان يسمع الحوار ويحاول أن يفهم شي ويقول حازم لحسن
مادوس بنزين يا حيوان أنت خلينا نخلص
ويصل حازم الي فيلته وينزل من العربيه ويقول لحسن
حط العربيه في الجراج ولو عايز تروح روح
فيركن حسن العربيه في الجراج ويتصل بخالد ويقول له
خالد كمان نص ساعه قابلني في القهوه اللي بنعقد عليها ضروري
وتمر النص ساعه وكان حسن يجلس علي القهوه ومعه خالد يحكي له ما سمعه من محادثه حازم مع الدكتور سميح فيقول خالد
ماتطلب لنا شاي علشان نعرف نفكر
حسن
شاي أيه بس والله عيب عليك شنبك .....
فيقاطعه خالد قائلا
يخرب بيت شنبي هو اللي عندهم شنب عيب يطلبوا شاي
حسن
خلاص بطل ندب هاطلب لك شاي
وينادي حسن علي القهوجي ويقول
أتنين شاي يا سيدي
ثم ينظر حسن الي خالد ويقول
الشاي جاي ممكن بقي تركز معايا وتعالي نفكر سوي ايه العمليه اللي مش عايز أخته تعملها
خالد
ممكن تكون عمليه خطر علي حياتها وهو خايف عليها
حسن
مش حازم اللي يعمل كده ده مابيحبش الا نفسه وبعدين أيام أبوهم أحمد عابدين أميره عملت عمليتين في العمود الفقري وكان فيهم خطر علي حياتها لكن أبوها كان مصر أنها تعمل العمليتين يمكن ترجع تمشي علي رجليها
خالد
معني كده أن في عمليه تالته ممكن تخلي أميره تمشي لكن حازم مش موافق
حسن
أكيد بس لازم نتأكد أكتر أنا عايز أخش العياده بتاعات الدكتور سميح
خالد
نخشها
حسن
طيب يالا بينا
خالد
طيب والشاي
حسن
بصراحه يا خالد القهوه دي مافيهاش شاي
ويتجهوا الاثنين الي عياده الدكتور سميح ويخرج خالد الطفاشه ويفتح باب العياده ويدخل الي العياده حسن وخالد ويقول
انت أي باب كده مايخدش في أيدك وقت
خالد
أنت نسيت اني كنت شغال في محل مفاتيح وبعد كده أشتغلت نجار فأعرف أفتح أي باب ودلوقتي بعد مابقينا جوه العياده هادور علي أيه بالظبط
حسن
عياده الدكتور سميح كلها كاميرات مراقبه ده في كل أوضه كاميرا وحازم كان أخر مره عنده من تلت أيام هانجيب الفيديوهات اللي كانت في اليوم ده ممكن نوصل لحاجه تنفعنا
ويدخلوا الي كاميرا المراقبه الخاصه بكل حجره حتي يصلوا الي فيديو بين حازم والدكتور سميح فيصدم حسن وخالد مما سمعوا ثم وجد حسن فيديو أخر للدكتور سميح مع أميره ويصدم مره أخري مما سمع ويضحك حسن ويقول لخالد
سمعت اللي أنا سمعته
خالد
أزاي دول أخوات بس أاقول أيه أدي أخره المال الحرام اللي كلوا وشربوا منه
حسن
دول مالهمش خير في بعض صحيح ولاد أبليس
خالد
ودلوقتي هاتعمل أيه
حسن
هاقول لك..
و بعد ثلاث أيام كان حسن يوصل أميره الي النادي وأثناء ماكانوا واقفين في أشاره مرور دخل خالد راسه من شباك العربيه ناحيه أميره فتفزع أميره فيقول وهو يعطي لها فلاشه
الدكتور سميح بيقول لك شوف الفيديو اللي هنا وأتصلي بي ضروري
فتمسك اميره الفلاشه وتضعها في اللاب توب الخاص بها
وتشغل الفيديو الموجود في الفلاشه وكان حازم في هذا الفيديو ومعه الدكتور سميح وكان حازم يقول
بقول لك أيه يا دكتور اوعي أميره تعرف ان حالتها ليها علاج
الدكتور
ليه بس مش عايزها تعرف انت مش عايز أختك تمشي علي رجليها تاني
حازم
لا انا عايزها ديما عاجزه كده علشان ماحدش يفكر يجوزها وافضل اتحكم في فلوسها طول ما أنا عايش وهي تفضل محتاجاني
الدكتور
بس ده مخلاف لضميري المهني وضميري كده مش مرتاح
حازم
تاخد كام علشان ضميرك يرتاح
الدكتور يقول منفعلا
استاذ حازم انا مش للبيع اتفضل اخرج بره
حازم
لا للبيع وأختار سعر لنفسك بدل ماخليك مالكش سعر أنا هاديك أتنين مليون وأميره ماتعرفش حاجه
وينتهي الفيديو عند هذا الحد وتنظر اميره الي حسن وكانت مصدومه من الفيديو الذي راته وتقول اميره وعيونها تدمع
أنا مش مصدقه ان اخويا التوام مش عايزني اخف وامشي علي رجلي
حسن
أزاي أخوكي ومش عايزك تخفي
أميره
حسن أنا مش عايزه حازم يعرف أن شوفت الفيديو ده لغايه ماأشوف أنا هاعمل أيه
حسن
تحت أمرك يا أميره هانم
فتمسك أميره الموبيل الخاص بها وتتصل بالدكتور سميح
وتقول
الو دكتور سميح
فيقول دكتور سميح
الو يا أميره طالما كلمتيني يبقي الفيديو وصل لك خلي بالك من نفسك يا بنتي حازم أتسعر وهايعمل أي حاجه علشان ماتعمليش العمليه دي حازم عايزك ديما عاجزه
فتغلق اميره التيلفون وهي مصدومه وتنظر الي حسن وتقول
انا اول مره أحس اني خايفه وفرحانه في نفس الوقت ليه حازم عايز يحرمني من اني أمشي علي رجلي ده انا من يوم ما تولدت وانا قاعده القاعده دي لغايه ما كرهت نفسي وكرهت الدنيا وكرهت الناس كلها
وتبكي وتقول بصوت كله كراهيه
لازم يا حازم ادفعك التمن غالي
وفي نفس الوقت تاتي رساله علي الواتس الخاص بحازم وكان عباره عن فيديو ويفتح حازم الفيديو فيجد أخته أميره مع الدكتور سميح في العياده وكان الدكتور سميح يقول
أميره يا بنتي هو ده علاجك الوحيد بس في الحاله دي اخوكي حازم هايبقي أعمي علشان العمليه حساسه وفي المخ جنب عصب العين او أي شاب من سن أخوكي علشان السن مهم جدا في العمليه
فيصدم حازم ثم ينظر الي الفيديو مره اخري وكانت أميره تقول للدكتور
اعمل أي حاجه المهم امشي علي رجليه
الدكتور سميح
حتي لو كانت العمليه دي هاتكون السبب في عجز حازم
أميره
مش مهم أي حد المهم أنا أخف وأمشي علي رجلي وبعدين حازم بقالوا 25 سنه سليم أيه يعني لما يعيش اللي فاضل من عمره عاجز وأنا أكون سليمه
الدكتور سميح
بس مش هاقدر اعمل عمليه زي دي واكون السبب في عجز بني ادم
اميره
حتي لو دفعت لك مليون جنيه
الدكتور
حتي لو دفعتي ثروتك كلها
ويغلق الفيديو وسط دهشه وصدمه من حازم الذي يقول
أميره عايزه تخليني عاجز وتعميني أنا لازم أوقغها عند حدها
ثم يطلب رقم الدكتور سميح علي الموبيل ويرد الدكتور سميح
حازم. طالما أتصلت يبقي أنت شوفت الفيديو
حازم
انت واخد مني 3 مليون جنيه علشان أميره ماتعرفش بالعمليه وبردو قولت لها
الدكتور سميح
أميره عرفت من الدكتور المساعد ليه واللي كان معه الملف بتاعها
حازم
والمساعد بتاعك قال لها ليه يا شويه أغبيه
ويرمي الموبيل بعصبيه شديده ويقول لنفسه
وانتي يا أميره حسابك معايا عسير
وفي هذه اللحظه كان خالد ينظر للدكتور سميح ويعطي شنطه بها مليون جنيه ويقول له
فلوسك يا دكتور
الدكتور سميح
فيها كام الشنطه دي
خالد
مليون جنيه
الدكتور سميح
والمليون التاني
خالد
لما تعمل العمليه
الدكتور سميح
أتفقنا
ويتركه وينصرف وكانت أميره في هذه اللحظه تجلس علي السفره ومعها حازم وكانوا ينظروا لبعض نظره كلها خبث وتقول أميره بمكر
كل وأشبع بس ياريتك تشبع
حازم
أنا شبعان المهم انتي تشبعي
أميره
أنت بتحبني يا حازم
حازم
بحبك زي مأنتي بتحبيني
أميره وهي تضحك تقول
يبقي مابتحبنيش
حازم
من القلب للقلب
أميره
عارف مين اللي وصلنا لكده
حازم
مين
أميره
أبوك هو اللي حببنا في الفلوس أكتر ما نحب بعض
حازم
صح يبقي الفلوس الاول وبعد كده أنتي
أميره
وأنت كمان تيجي عندي بعد الفلوس
حازم
تعالي نتكلم بصراحه أنا عارف أنك عرفتي أنك ممكن تخفي بس علي حساب عينيه يريضيكي أنا اعيش أعمي
أميره
بصراحه يرضيني زي مانت عايزني أكمل حياتي علي كرسي بعجل
حازم
أنا مش هاعيش أعمي علشان خاطرك
أميره
ولا أنا هافضل علي كرسي بعجل مادام في علاج لحالتي
حازم
شوفي علاج ليكي بعيد عني ومن النهارده أنتي في طريق وأنا في طريق
وينهض حازم ويستعد للانصراف فينضم حسن لهم ويقول وهو يمسك أيد حازم
بلاش تسيب أختك وان كان علي العمليه أنا هاخلي الدكتور سميح يعملها لي أنا
أميره تقول باستغراب
أنت
حسن
أيوه أنا أنا سني من سنكم وأنا لسه جاي من عند الدكتور سميح وقال لي أني ينفع أعمل العمليه
حازم يقول باستغراب
وعارف أنك هاتبقي أعمي بعديها
حسن
عارف وموافق
اميره
وليه هاتعمل كده
حسن
علشان لازم أعمل العمليه لاختي في خلال أسبوع من النهارده ومحتاج للفلوس ضروري
حازم
وهاتعمل العمليه مقابل أيه
حسن
10 مليون جنيه وأتجوز أميره وسميره تعيش معانا في الفيلا
حازم
أنت أكيد أتجننت أنا مش ممكن أوافق علي اللي أنت بتقوله ده
حسن
وأنا هابقي أعمي بعد العمليه يعني مش هعرف اشتغل تاني ولازم أطمن علي مستقبل سميره أختي
أميره
بس أنا موافقه
حازم
يبقي خلاص غوري أنتي وهو أدفعي ال 10 مليون من نصيبك لكن أنا مش هاطلع جنيه من نصيبي
أميره
هادفعهم بس أمشي واروح واجي زي بقيت البنات
حازم يقول منفعلا
انا ماشي
ويخرج حازم من الفيلا ولكن خالد ياتي من خلفه ويخبطه علي راسه بي اله حاده فيسقط حازم مغمي عليه*****
