رواية غموض الحب عائلة الرفاعى الفصل السادس و الستون بقلم لولا
كلهم اتأثروا ودموعهم نزلت فمسح سيف دموعها بواحده من ايديه وابتسم بوجع وتابع سيف ايه بقى
قصدك فارس
امنيه اتفاجئت وغمضت عينيها بوجع وعيطت اكتر وتابعت انا مبقتش فاهمه حاجه .. انت بتقول ايه ولا ايه اللي بيحصل وعيطت اكتر وتابعت قولتلي فاهمك وفضلت تسألني على اساس هتريحني بس انت تعبتني اكتر يا سيف وحطت ايديها على بوقها وعيطت اكتر وتابعت طب ليه ?? ليه سبتني كل السنين دي طلما انت كمان حبتني ?? ليه سبتهم يقولوا علياا مريضه ومسكت قميصه وتابعت بعياط هونت عليك ?? هانت عليك امنيه ?? وتقولي خوفت عليكي من حياتي طب منا بردو دخلت حياتك منا بردو بقيت مراتك كاان ليه كل ده من الاول كاان لييه وعيطت اكتر وتابعت ليه كنت اناني ومفكرتش اني هعاني فى بعادك وقررت منك لنفسك تبعد عني وتسبني اتعلق باخوك ويحصلي كده وسندت راسها على صدره وعيطت وتابعت انا كنت بصارع نفسي كل يوم وكل دقيقه فإن ازاي في حد بيطاردني طول الوقت وحاسه بيه والواقع غيير كده خاالص واتعصبت بعياط وتابعت لدرجه فكرت اني مرييضه وروحت اتعاالج وبردو مرتااحتش انا مبقتش فاهمه حاجه خاالص .. انا حبيت فارس واتخطبت لحسام واتجوزت سيف على انه حسااام بعدين طلع اخوه واخوه ده حبيبي الاولاني وحطت ايديها على راسها وتابعت بعياط انا مش قااادره لا حقيقي مش قااادره انت فاهم حاجه ?? حد فاهم حاجه ?? انا كده بحب مين قولي انا مفروض قلبي لمين دلوقتي????
سيف تنهد بعمق وبصلها وتابع الاجابه وضحت لما سألتك وانتي رديتي .. انتي حبيتي فارس وفارس حبك واعتقد ان الحب قلوب وروح اكتر من كونه شكل او اسم لان انا لو ليا اسمين مثلا وسيف ده التاني هل مكنتش هبقى حبيبك ?? او عملت حادثه واضطريت اعمل عمليه اغير وشي هل هتكرهيني وتقولي ده مش جوزي ?? فاهنا الموضوع متعلق بلقلب والروح وانتي رغم احساسك العالي بس دي فاتتك .. انك تحسي انك فعلا جنب حبيبك فانا لو وافقت اتجوزك واسمع كلام اهلك فا ده قبل مايكون علشان خاطرهم فاهو علشان خاطري انا لاني مقدرش اشوف فيكي حاجه وحشه وكنتي حلم بعيد اوي بنسبالي وقرب فمعرفتش مختارش احققه واتجوزتك ومشوفتيش مني غير كل خير بس اخرتها ايه ??
امنيه بصت للارض بحرج وعيطت وتابعت سيف انا مقصدش منا بردو غصب عني انا لحد دلوقتي تايهه ااه فهمت انك انسان كويس وعملت كل ده علشاني وانك بتحبني بس انا .. انا مش مستوعبه انك فاارس ده انا كنت نسيت شكله وكنت نسيت حلمي اللي قالي هيكون ليكي وعشت حياتي طبيعي بس فاجاه كل حاجه اتشقلبت ويمكن كده فهمت ليه انا علطول كنت بحس معاك بامان وراحه رغم انك مش حسام بس ده لان قلبي حس بيك والله وعرفك وانا اللي كنت غبيه
سيف ابتسم بوجع وتابع واظن دلوقتي عرفتي كل حاجه عن اذنكم
ورايح يطلع مسكت ايديه امنيه وتابعت بوجع وعياط رايح فين
سيف تنهد بعمق وتابع رايح اناام لان انا للاسف اختارت واحده لففتتني الدنيا كلها ورفعت ضغطي وتعبتني وانا لسه راجع من سفر صعب ومفروض ارتاح بس هي مقدرتش كده
امنيه بعياط انا بجد مقصدش كل ده ومش معنى كده اني قادره اقولك مشاعري وضحت لا هي مش دوسه زرار بس انا معترفه اني ظلمتك وجيت عليك
سيف بتنهيده مش هتفرق يا امنيه .. صدقيني بعد اللي اتقاال وحصل حتى لو رتبتي افكارك وهديتي وقولتيلي بحبك مش هصدقك وابتسم وتابع وانا مبقتش محتاجها لان الاول كانت بتتقال وبيتعمل بمعناها وانتي فكراني حسام ودلوقتي لما الحقيقه بانت شوفت منك قله اصل وتربيه مشوفتهاش في حياتي وبص لمحمد وتابع انا اسف طبعا
محمد بحرج لا والله يا ابني انت مغلطش
امنيه بعياط ايوه بس انا حقي كنت اعمل كده ودلوقتي شكل الموضوع اختلف خاالص فارجوك افهمني
سيف ابتسم وتابع وانا بردو حقي اقولك مبقتش محتاجها لان دي الحقيقه وانتي كل افعالك مسحت كل الايام الحلوه اللي كانت بينا وبلعكس ده انا الوحيد اللي فهمتك ويارب تكوني ارتاحتي
ورايح يمشي مسكته وتابعت بعياط انا مرتاحتش يا سيف ومش هرتاح ومفروض انك تساعدني اتخطى ده واتقبل الواقع
سيف بسخريه دلوقتي عايزه تتقبلي الواقع ومش هتطلقي ???وتنهد بوجع وتابع فرضنا اني ساعدتك تتخطي انا مين هيساعدني اتخطى وقاال وهو بيعد على صوابعه اني حيوان ومش راجل وزباله ومعنديش دم ولا احساس واتجوزتك علشان رغبتي وبس وفضلت اقربلك وانتي بتنطقي اسم اخويا واني ماليش كلمه ومبعرفش احكم على مراتي قوليلي انتي انا بقى مفروض اتخطى كل ده ازاي علشان انتي ياحراام مش قادره تتخطي ان سيف الرفاعي حبك واتجوزك وخلاكي اميره وانتي فكراه حد تاني
امنيه بصتله بصدمه ووجع وتابعت سيف انت بتقولي انا كده !! لامنيه !! وعيطت وتابعت انا مقصدش اوصلك لكده وقولتلك اني لسه مش قادره اسامحك او اتقبل وعايزه وقتي افكر فكل اللي حصلي بس الاكيد اني عايزاك تسامحني ومستعده ابوس على راسك قدامهم كلهم لان انت ليك عليا حق كبير ولازم اعتذرلك انا اسفه والله وعيطت ورايحه تبوس راسه بعد خطوه لورا فبصتله بوجع وصدمه
نرمين بحزن سيف بص يحبيبي
سيف بمقاطعه هششش علشان خاطري محدش يتدخل انا كبرتلك ومكلمتهاش بس الباقي بقى بتاعي انا وبص لامنيه وتابع لا ده انا اللي اسف صدقيني لان انا مش هقدر اقبل اسفك
امنيه بعياط طب قولي انت عايز ايه يرضيك وانا هراضيك والله
سيف تنهد بوجع وتابع تسبيني في حالي … بالله عليكي سبيني في حالي انا اصلا مكنتش ناقص علشان تزوديها عليا .. وتكسير كلمتي كان واجب وراه علطول كسرك انتي نفسك تحت رجلي بس اللي في بطنك رحمك مني ولاجل خاطر امي سكت دلوقتي ومردتش افتح بوقي بأي حاجه ومش مستني منك تراضيني واللي عملتيه وقولتيه مش سهل عليا انسااه يا امنيه
امنيه بدموع ووجع حتى لو انا مش قادره احدد مشاعري فين من كل اللي حصل ده لاني بجد تايهه ..حطت ايديها على خده وتابعت بعياط بس اللي متاكده منه اني حبيبتك واللي بيحب حد بيسامحه
سيف نزل ايديها وتابع حبيبتي اه وليوم ما اموت على فكره عمري ما احب غيرك بس صدقيني هو ده السبب اللي مش هيخليني انسى لانه طلع من “حبيبتي ” بالك انتي لو حد غيرك قال كلمه عني وحشه انا كنت عدمته العافيه ده لو قدر ينطق اصلا بس مكنش هيطلع من تحت ايدي سليم بعدها .. وكنت هضربه لاجل انه جاب سيرتي انما هو ميفرقليش وهو والجزمه واحد .. انما انتي بصلها بوجع وتابع علشان حبيبتي فا الكلام قهرني وضعفي قدامك كاسرني اكترر وحقيقي استاهل منك كل اللي جرالي ليه بقى ?? لاني دلعتك كتير يا امنيه دلعتك وحبيتك وميزتك عن الكل من البدايه
امنيه بعياط انا اسفه بجد وحقك بس والله مش هتقرر و..
سيف بعصبيه كده كده مش هتقرر متقدريش تقرريها واعملي حسابك ملكيش نزول من البيت خالص ولا هنا ولا عند امك ولو شوفتك برا عتبه باب شقتك هتشوفي مني وش احقر من ما تتخيلي ومحدش يتدخل انا بنبه علي الكل اهو علشان مزعلش حد
سميه بتنهيده حزينه انت حر في مراتك يا ابني
امنيه بصدمه ودموع ااه ده انت بتعاقبني بقى
سيف بابتسامه: والله احسبيها زي ماتحسبيها بس كده كده هتنفذي اصل انا ظابط جيش اتعودت أمر وبس
امنيه تنهدت بعمق وتابعت بوجع ولو رفضت تسلطك الزياده عليااا ده ??
سيف بابتسامه لا معنديش الاوبشن ده الصراحه .. اصل انا بعيد عن السامعين متسلط من وانا عيل قد كده .. حاجه بتجري في الدم يعني مولود بيها فهي خلقه ربنا كده معلش ربنا يصبرك على ابتلائك لان الجوزاه دي كده كده كلها تقيله على قلبك
امنيه بدموع انت شايف ان كده اسلوبك صح وهيخلينا نعيش مرتاحين ونربي طفل سوي ???
سيف بتنهيده انا شايف ان كده ارضاء لرجولتي وكرامتي اللي انتي بهدلتيها قدام الكل ومعملتيش ليا اي حترام ومش مهم عندي هدفع ايه التمن لان ماعاش ولا كان اللي يكسر كلمتي ويهين كرامتي بلشكل ده يا امنيه ولو قلبي هيعارضني ده انا ارميه للكلاب ولا اسمعش كلامه وابني او بنتي هيشوفوا مني ضعف حنيتي عليكي اللي كانت في الماضي طبعاا ومش هعوزهم حاجه بس اني ارجع معاكي زي الاول .. تؤ انسي يا امنيه
امنيه بدموع ووجع طب ما طلما وصلت لكده ماتطلقني يا سيف وكفايه نتعب بعضنا .. ولا انا هقدر اشوفك فارس لانك كنت في نظري حسام .. وولا انت هتقدر تسامحني يبقي الاحسن ابني يجي يلاقينا منفصلين وبينا ود واحترام وكده كده انت بتسافر كتتير احسن مايجي يشوفنا متجاهلين بعض
سيف بتنهيده ده هيريحك يعني ??
امنيه اتصدمت من كلامه لانها كانت بتختبر غلاوتها عنده ومكنش ينفع ترجع في كلامها فتابعت بتردد : اه هيريحني
سيف بتنهيده تمام اخلص مهمتي وافضي دماغي وتولدي وتقومي بلسلامه بعدين اطلقك
كلهم اتصدموا بشده حتى امنيه فتابعت بوجع ودموع واشمعنا ماتطلقني دلوقتي
سيف بتنهيده لا انا حابب اطمن انك بخير طول منا هنا علشان ابني بس مش اكتر فمش هبعدك عن عيني طول مانا اجازه وانتي حامل ولو طلقتك هتحرمي عليا ومش هعرف اهتم بيه او اشوفك كتير
امنيه ابتسمت بوجع وتابعت بس كده ??
سيف بتنهيده اه بس كده وعن اذنكم وطلع ينام
وامنيه فضلت مصدومه زي ماهي
نرمين بدموع حقك عليا هو بيقولك كده وخلاص انما سيف عمره مايطلقك
امنيه تنهدت بوجع ودموعها نزلت وتابعت ولو طلقني انا نفسي مبقتش عارفه انا عايزاه ولالا فمش هلوم عليه صدقيني .. بلعكس بحسده انه عرف يختار هيعمل ايه لاني فعلا مستاهلوش وعيطت وتابعت غيري انا حاسه بكل حاجه تجاهو وعكسها وعايزاه ومش عايزاه فصدقيني انا تايهه توهه مش طبيعيه
ياسمين بدموع يعني انتي حتى بعد كل اللي عرفتيه ده لسه عايزه تطلقي منه يا امنيه
امنيه بوجع ودموع انا مش عارفه انا مفروض احس بايه دلوقتي صدقيني تايهه بس الاكيد اني بقيت اخاف منه وفي نفس الوقت اماني معاه انا والله تايهه اوي
شهد ولو اتجوز ??
كلهم اتصدموا من السؤال لانه مش وقته فتابعت امنيه بوجع يتجوز ازاي يعني ??
نور بدموع وارد يحصل اومال هيفضل مهموم كده العمر كله
امنيه بوجع ودموع لا ثانيه واحده بس .. ثانيه واحده هو هيعرف اصلا يحس ويعمل كل اللي عملوا معايا مع غيري
يونس قاصد يخليها تخاف علشان تحس بقيمه سيف فتابع بتنهيده بما انك عرفتي ان ده سيف فا ده اخويا وصاحب عمري وانا مكنتش اتوقع منه اصلا في يوم من الايام انه يقول البوقين اللي قالهم دول ليكي بس حقيقي اتقي شر الحليم اذا غضب ووارد جدا يقدر يتجوز ويعمل كده واكتر اه لانه هيلاقي تقدير وحب من غيرك
امنيه بعصبيه ودموع بس ده جوززي وطول ماهو جوززي باله ميروحش لغيري مهما حصل
يونس بتنهيده سبحان الله اهو رغم عشق سيف ليكي الا انه استحمل ان بالك مع غيره حتى وانتوا مع بعض وانتي مقدرتيش تستحمليها ثانيه بلكلام
امنيه بصت للارض وعيطت وتابعت انا مكنتش اعرف انه مش حسام يعني مينفعش اتلام لما انطق اسم اخوه
مازن بتنهيده محدش بيلومك علي تصرفاتك وكلامك قبل ما تعرفي احنا بنلومك على كل اللي اتقال بعد ما عرفتي
سميه بتنهيده حزينه يلا يا محمد يلا احنا نمشي انا والله ما عارفه اقول ايه ربنا يهدي سرها وتعرف تكسب جوزها من تاني
محمد تنهد بحزن وتابع السلام عليكم
معتز بتنهيده وعليكم السلام على مهلكم يا غالي
امنيه بصت عليهم وتنهدت بحزن ووجع
عمر بتنهيده انا همشي بس قبل ما امشي هقولك على حاجه سيف بيعشقك مش بيحبك بس .. ومفروض مقولكيش لان اللي يمس اخويا مسني وانتي جيتي عليه بزياده بس لاجل اللي في بطنك وان مينفعش نفسيتك تتعب زياده على التوهه اللي انتي فيها هعتبرك زي اسماء وهقولك … انا اتصدمت من اللي قالوا وحقيقي زي مايونس قال مكناش نتخيل يقولك انتي كده بس سيف بيربيكي وتربيه تقيله وصعبه بس والله مايقدر يستغنى عنك فاحلقي اكسبيه قبل مايتغير اكتر من كده
امنيه دموعها نزلت وتابعت خير باذن الله وتسلم يا عمر
عمر طبطب عليها وتابع هدي نفسك علشان ابنك وربنا يهديكم باذن الله
زينب تنهدت بضيق وتابعت يلا ياعمر علشان حسام نام ولو صحي هيسهرني وخرجت فعمر تنهد بعمق وتابع يلا تصبحوا على خير
كلهم وانت من اهله ونزل مع زينب
نرمين تنهد بوجع بصي يا امنيه هقعد معاكي بكره وهقولك كلمتين بمحبه علشان انتي زي زينب عندي وربنا يعلم انما دلوقتي اطلعي ارتاحي جنب جوزك
امنيه بوجع حاضر يا ماما عن اذنكم ومسكت شنطتها فتابع يونس لالا خليها هشيلهالك انا .. انتي مش ناقصه كفايه انك مريضه ضغط وفرهدتي انهارده ووطى شالها وتابع يلا تعالي ورايا وبص لنور وتابع اطلعي وهوصل امنيه شقتها وجايلك
نور حاضر
وطلع يونس وصل امنيه وتابع بابتسامه يلا هنزل انا تصبحي على خير يحبيبتي و واحده واحده انتي وسيف وباذن الله كل حاجه هتبقي احسن
امنيه بحزن حاضر يا يونس وانت من اهله
ونزل وهي فتحت بلمفتاح ودخلت ودخلت شنطتها ومشت العجل تدخل بيها اوضتها مكنش سيف في الاوضه فتنهدت بعمق وفتحت شنطتها ترصها زي ما كانت بعدين خدت بيجامه نص كم وبرموده ودخلت غيرت وخرجت فردت شعرها تسرحه ودخل سيف وهو بيتكلم في الفون ومتجاهل وجودها وتابع يا ندوش ده انا عنيا ليكي والله
فلفت بصتله برفعه حاجب بس هو مكنش باصصلها فتابع بضحك حسن ده ابن كلب متدخليهوش بينا علشان مزعلهوش
امنيه بحده انت بتكلم مين ??
وسيف مرديش يرد عليها وفضل يضحك وتابع وهو لسه بيدور وبيفتح الدرج : لو عليا من عيوني يحبيبتي بس انا والله غصب عني حتى اسألي بابا هو كلمني بس انا قولتله مش هقدر بسبب انشغالي في المهمه وكل سنه وانتي طيبه ويارب اشوفك اجمل مرشده سياحيه في الدنيا
امنيه برفعه حاجب لا والله ??
سيف بضحك لالا والله زعلك على عيني انتي عارفه معزتك عندي واخلص المهمه واعوضهالك باذن الله
وخد دفتر فيه ارقام وخرج وهو بيتابع بضحك ماشي ياستي وانا موافق
امنيه اتعصبت جدا وخرجت وراه وراحت وقفت قدام البلكونه وتابعت بحده سيف لو سمحت عايزاك
سيف كان بيضحك في الفون وبيقلب في الدفتر ومتجاهل وجودها فاتعصبت اكتر وتابعت بحده يا سيف من فضلك رد عليا
سيف بصلها وبعد الفون شويه وتابع بحده خير مش شيفاني بتكلم ???
امنيه بحده عايزاك معلش ومش راضيه ادخل البلكونه علشان متعمليش حوار فالو سمحت تعالى
سيف بحده متقدريش تدخلي اسااسا بلبسك ده انتي عبيطه ولا ايه واتنيلي اقعدي في الصالون ودققتين وجايلك ورفع الفون يكمل كلامه وامنيه اتعصبت جدا وراحت قعدت على الكنبه وهي حاسه بغيره شديده وتابعت ماشي يا سيف مااشي
وبلفعل دقايق وخرج متجاهلها ومشي من قدامها فتابعت امنيه بحده سيف
سيف لفلها وتابع مبدائيا صوتك ميعلاش علشان لو عليي بضهر ايدي علطول وعلى خلقتك
امنيه قامت وقفت قدامه وتابعت بسخريه طبعا ماهي بقيت اسهل حاجه عندك
سيف بابتسامه مؤخرا ااه بقيت بعشق العنف لان في ناس معينه كده مبتجيش غير بيه
امنيه بتنهيده هو انا ممكن اعرف لما بنادي عليك بتتجاهل كلامي ليه علشان بجد ضايقتني
سيف بابتسامه سبحان الله ضايقك اني تجاهلت كلامك مع انك عملتي نفس الكلام واعتبرتيني متكلمتش اصللاا ونفذتي اللي في دماغك
امنيه تنهدت بوجع وتابعت طب معلش تعالى على نفسك وبطل تقطمني بلكلام وقولي مين دي يا سيف ???
سيف هي مين ??
امنيه غمضت بضيق وتابعت انت فاهم اقصد ايه كويس .. مين الهاانم اللي كنت بتكلمها دي ???
سيف برفعه حاجب ده فضول عادي ولا سؤال اجباري عليا اجاوبه ??
امنيه ابتسمت بوجع وتابعت انت شايف ان واحده بتسأل جوزها مين الست دي اللي بتكلمها هيكون ايه ??? اظن ده حقي
سيف بتنهيده لا انا اللي فاكر اني شوفته وسمعته كويس اوي كان ان انتي مش معتبراني جوزك اصلا فبلاش تضطري تعملي حاجه مش حساها يا منونه لمجرد اني جوزك حاليا ماشي ?? ورايح يمشي فمسكته وتابعت بضيق مين دي يا سيف والدموع اتجمعت في عينيها وتابعت وغلاوه ابنك وبحق ما بتقول يا رب تشيله مابين ايديك ترد علياا
سيف بتنهيده دي ندى بنت العميد وصديقه عزيزه وابتسم وتابع وياعالم يمكن تكون اكتر فيما بعد
امنيه بحده هو ايه اللي اكتر انت هتستعبط ??!! سيف بصلها بحده
فتابعت بدموع وتوتر انا اقصد ان يعني ايه تكون اكتر مش فاهمه
سيف لا انتي فاهمه بس انتي اللي بتستعبطي وعموما انا مش فايق وهموت وانام تصبحي على خير
امنيه مسكته وتابعت بدموع عاقبني بأي حاجه الا دي حتى لو مفيش بينا اي حاجه بس انا مراتك فاحترم وجودي على الاقل وبلاش تقهرني ب ست تانيه بلاش تحسسني اني قليله اوي كده
سيف بتنيهده لا متقلقيش مش هعمل حاجه وانتي على ذمتي مشاعرك مهمه بردو ما انتي حبيبتي مقدرش انكر
امنيه قلبها وجعها وتابعت بدموع وحبيبتك تتجوز غيرها عادي ??
سيف حط ايديه على وسطها وشدها ليه وتابع بابتسامه الله انتي بتنسي بسرعه كده ليه ده انتي ست العارفين يا منونتي .. الحب حاجه والرغبه حاجه تانيه خالص انتي اه حبيبتي وقولتلك ليوم ما اموت مش هحب غيرك كده كده معروفه .. بس الرغبه شئ تاني خالص وانا بقى راجل بيهمني الرغبه فاتجوز تاني مش احسن ما اعمل حاجه حرام ??
امنيه بصتله بوجع ودموعها نزلت وتابعت عادي كده هتقدر تعملها وتلمس واحده تانيه بعدي ???
سيف فك ايديه من على وسطها ومشي شويه وهو مديها ضهره وتابع اعتقد اني مش هيفرق معايا بعدك او قبلك المهم رغبتي وبس انا راجل بغيب بلشهور عن بيتي وعايز ارجع الاقي ست تروق بالي والصرااحه شبعت نكد انما قلبي مش لحد غيرك متقلقيش لانه غبي سواء بنكد او غيره مصمم عليكي للاسف
امنيه راحت وقفت قدامه وتابعت بدموع وصدمه انت بتقول ايه ?? انت من امتى وانت كده ?? لا انت مش هتتجوز عليا مستحيل
سيف بابتسامه لسه مكتشف منك انهارده اني كده مش بيهمني غير رغبتي واتجوزتك علشانها بس انا نفسي مكنتش اعرف صدقيني فطبعا الفضل يرجع ليكي في اكتشافك العظيم لشخصيتي ده
امنيه غمضت عينيها بوجع وتابعت بعياط ياسيف انا كان غصب عني والله وقولتلك قدام الكل اسفه بس بلاش تعاقبني كده انا مش هقدر اشوف جوزي مع واحده تانيه والله مش هقدر حتى لو انا مش قادر احدد مشاعري بس منكرش انك انت ابو ابني انت الراجل الوحيد اللي لمسني فمش هقدر اسمح لواحده تشاركني فيه وغلاه ابني صعبه اوي
سيف تنهد بعمق وتابع انا كنت ليكي لما كنت حسام انما من اللحظه دي انتي ملكيش علاقه بسيف وده قرارك قبل مايكون قراري .. بس ده مش هيغير حاجه في نقطه اني ابو ابنك وتحت امرك اي وقت العشره بردو مينفعش تهون وانا ابن اصول وبلنسبه لندى متخافيش قولتلك مش هتجوز وانتي على ذمتي وحاليا انتي بنسبالي 7 شهور يخلصوا وتولدي وكل واحد يروح لحاله
امنيه اتوجعت جدا من كلامه بس حاولت متبينش رغم ان دموعها نزلت وغلبتها فتابعت برفعه حاجب تمام براحتك ياسيف وانا كمان هتجوز كريم
سيف عارف انها عايزه تستفزه فتابع بابتسامه خير ماعملتي وساعتها انا هطالب بحضانه البيبي لان امه اتجوزت ويعيش معايا انا وندى
امنيه اتصدمت جدا وتابعت بعصبيه ودموع انت بتقول ايه ده انا اوديك انت وندى بتاعتك دي في ستين دااهيه مين دي علشان تربي ابني مش هسمحلك مستحيل ومش هعمل زيك واتجوز لان ابني عندي اهم من القرف اللي انت بتدور عليه فمش هعمل حاجه تحرمني منه بسببها والدموع اتجمعت في عينيها وبصتله بقهر في عينيه وتابعت ورغم حيرتي مش هقدر .. مش هقدر يا سيف اخلي حد تاني يلمسني بعدك انا كان قصدي اضايقك زي ماضايقتني انما لو مكنش انت يبقى مش عايزه حد خالص وحضنته وتابعت بدموع وانت حقيقي واحشتني
سيف غمض عينيه بتوتر ودقات قلبه عليت وحاول ميتأثرش وابتسم بوجع وتابع ياريت كان ينفع اقربلك زي الاول بس حالف وسيف الرفاعي متعودش يكسر حلفان حلفه
امنيه بصتله بوجع وحطت ايديها الاتنين على خده وتابعت بدموع انت بتقسى عليا ليه. ???
سيف برفعه حاجب انا مبقساش عليكي بس دي الحقيقه انتي دلوقتي على ذمتي لاجل تفضلي حلالي لحد ماتولدي فملهاش لازمه الحاجات دي لانها بتيجي بلحب واحنا مفيش بينا حب
امنيه بصتله بتركيز في عينيه وتابعت يعني بذمتك مواحشتكش
سيف حاول ميتأثرش من قربها ونبره صوتها وتابع لا مواحشتنيش واكتشفت ان العمر بيغير ومش انتي نفس البنت اللي حبيتها ونزل ايديها من على خده ومشي
فتابعت امنيه بدموع طب ما انت مش فارس وانا مش طيقاك بسبب كدبك عليا بس مش عارفه ليه مبقدرش اقسى عليك زي ما انت قسيت عليا واديني نسيت كل حاجه وقولتلك اني مش هقدر راجل غيرك يلمسني رغم انك وجعتني وقولت هتلمس ست تانيه عادي
سيف بصلها وضحك بسخريه وتابع انتي ايه مبتقدريش تقسي ?? ايه الكلام المتخلف ده على المسااا .. اومال كل اللي عملتيه ده كسر خواطر ولا ايه ?? وابتسم وتابع بصي يا امنيه خلينا متفقين ان انتي اللي حركك لياا دلوقتي ..
امنيه بمقاطعه ووجع: متقولش رغبه علشان خاطري وتجرحني
سيف بابتسامه تؤ انا مش زيك وبحكم على الناس من وجهه نظري وبس وانا لما بحكم بحكم لاني عارف الشخص كويس وانتي اللي حركك ليا هو نفسه اللي حركك من اول يوم جواز قلبك واحساسك اللي قالك اني فارس .. حبيبك … فانا متغيرتش انما انتي مبقتيش امنيه اللي اعرفها
امنيه بوجع يمكن فعلا ده السبب لان انا نفسي معرفش ازاي حسيتلك بكل ده
سيف بتنهيده لا هو اكيد مش يكمن فاقعدي مع نفسك ورتبي افكارك علشانك بس انا عموما مش هرجع في قراري
امنيه راحتله وتابعت بوجع وهي بتبصله ياااه للدرجه دي امنيه هم تقيل عليك يا سيف
سيف تنهد بوجع وتابع لا بس انتي اللي لسه متعرفيش سيف وانا مش بمسك في حد قل مني ومن رجولتي مهما حبيته اعذريني بس زعلي وحش ومش بسامح
امنيه دموعها نزلت وتابعت حقك بس ممكن تحترم وجودي ومتتكلمش مع بنات لان انا مراتك دلوقتي
سيف بتنهيده ميخصكيش لاننا هنطلق وتصبحي على خير ودخل اوضه الاطفال
امنيه دخلت وراه وتابعت بصدمه بتهزر بجد انت هتنام هنا ??
سيف بابتسامه اه كنوع من انواع جلد الذات علشان قلبي لما حب دلق كل اللي جواه بغباء .. دلق بعشم زياده ظننا منه ان كل الناس تستاهل الحب ده وفضل يدلق من غير حساب لحد ما بقى متيم بلشخص ده وممكن نستبدلها بمسحور وماشي مغمض عينيه لحد ماخد قلم فوقه صح وخلاه يبطل غباء
امنيه بدموع بس ده مالوش علاقه تعالي نام في اوضتك حقك عليا
سيف نفخ بضيق وتابع بحده امنيه بالله عليكي هموت واتخمدد بقول رااجع من ام سفرر تعبااان قدري بقى شويه جسمي اتكسسر مش قااادر
امنيه اتنفضت وتابعت بدموع وتوتر طب انا مش هعرف انام من غيرك بخاف صدقني
سيف بحده شوفي كنتي بتهببي ايه وانا غاير يخش اغور ما ارجع وهببيه وقلع تيشرته ركنه على جنب ونام واتغطى
امنيه بدموع بعد الشر عنك متقولش كده انا كنت بحضن صورتك علشان اقدر انام والله
سيف بتنهيده طب ابسطي مش هاخد الصوره خليهالك وروحي نامي يلا
امنيه بدموع يا سيف علشان خاطري بطل قسااوه ومتبعدش عني وتسيب اوضتك
سيف اتعصب واتعدل في قعدته وتابع بعصبيه: بقولك ايه فكك مني قولت مش هتنيل معااكي يبقى مش هتنيل انا مبعيدش كلامي مرتين ومش بغير قراري ومش قسوه مني لا انا كنت طالع اراضيكي واخدك في حضني مع اني مغلطش اصلا بس انتي اللي كسرتي كلمتي وخلتيني قلبت عليكي قلبه وحشه اوي قلبه سيف الرفاعي صح اللي عمرك ماشوفتيها ولا كان نفسي اوريها ليكي انتي بلذات في يوم من الايام وببعدي عنك دلوقتي انا بعاقب نفسي معاكي لان انا بردو مبقدرش انا بره حضنك بس ده الصح وشاور على الباب وتابع بحده فاتفضلي يلا علشان حقيقي فصلت
امنيه دموعها نزلت بغزاره وسيف غمض عينيه بوجع ورجع ينام وهي دخلت اوضتهم وقفلت وقعدت اخر السرير وضمت رجليها وفضلت تعيط بشده وتابعت ازاي هونت عليه اوي كده ازاي ده مكنش بيقدر يزعلني وفضلت تعيط وهي بتفتكر
فلاااش بااك
في يوم كانوا خارجين برا ومتخانقين مع بعض بسبب انها كانت غيرانه من بنت زميله ليه ايام الكليه قبل الحربيه جات سلمت عليه بعشم وفضلت ضحك وهزار
فدخلوا شقتهم وهي بتفك الطرحه بضيق ودخلت الاوضه ورمتها على جنب وخدت هدوم ودخلت تغير وسيف قعد على السرير وتنهد بعمق ودقايق وطلعت وراحت تنام من غير ولا كلمه فتابع سيف بضحك لا شيخه
امنيه بضيق حسام لو سمحت خلاص سبني في حالي عايزه انام اتفضل اطلع براا مش ناقصه صداع
سيف راح نام جنبها بلجنب وشدها لحضنه فغمضت عينيها بضيق فتابع بضحك هو وجودي تقيل عليكي للدرجه دي ??
امنيه بضيق اه تقيل جداا
سيف بضحك خلاص نعمل لوجودي دايت انما انا مش هسيبك زعلانه
امنيه ابتسمت ومرديش توريه وسكتت فتابع بضحك شوفتك على فكره وضحكت يعني قلبها مال انا عارف
امنيه غمضت بضيق وتابعت انا هقولك حاجه واحده بس
سيف بحب يسلام ده انتي قولي مليون حاجه وانا اقعد اسمعهم كلهم طلما زعلانه وتخرجي كل اللي جواكي
امنيه ابتمست بعدين ابتسامتها اختفت وتابعت بغيره انت مبتحترمش انك خلاص بقيت متجوز ليه ها ??
سيف ليه انا عملت ايه غلط ?? دي زميله ليا اربع سنين في دفعتي وياما عملنا بروچكتس واتعاونا فمش شايف اي عيب ان الحماس خدها شويتين لما شافتني وافتكرنا اايام الجامعه
امنيه بضيق امممم والكلبه دي ملهاش مشاعر مش كده ?? وقامت علشان تسبله الاوضه فتابع بضحك خدي بس رايحه فين
امنيه خرجت وتابعت بحده غايره في داهيه
سيف بضحك خلاص انا اللي هقعد جنب الشباك
امنيه من برا بضيق: مستفززز ياباي منك
فضحك سيف وقاام وراها ودخل اوضه الاطفال لقاها نايمه فنام وخدها في حضنه وتابع بضحك ما اني انام من غيرك انسي ده انتي بتعاقبيني عقاب كبير اوي كده
امنيه ضربته في صدره وتابعت بضيق تستاهل
سيف بضحك لا مستاهلش منمش جنبك ليه عملت ايه للعقاب الكبير اوي ده
امنيه بضحك حسام انا مبهزرش
سيف بضحك والله ولا انا ياروح قلبي ورفع وشها ليه وباسها بحب وتابع انا اتكلمت معاها بكل ادب واحترام وهي زي اختي مش اكتر وبما انك بتغيري من خيالك فاكيد اضايقتي وانا طلما اضايقتي يبقي لازم اقدر مشاعرك واقولك حقك عليا ومتزعليش وباس جبينها بعمق
بااااك
ففضلت تعيط وتابعت وتابعت انا مبقتش عارفه ايه اللي بيحصل والله مابقيت عارفه يعني انا هنا فكراه حسام وهو اصلا مش حسام انا حقيقي تعبت يارب وعيطت وتابعت تعبت اوي ومبقتش عارفه انا عايزه ايه اصلا ودفنت وشها في المخده وهي بتعيط لحد ماغلبها النوم وبعد ساعتين الباب اتفتح براحه وكان سيف اللي دخل وراح قعد جنبها ومسح اثر دموعها وباس راسها بعمق بعدين مشى ايديه بحزن علي خدها الوارم من ضربه فتنهد بوجع ووطي باسها فيه كذا بوسه متتاليه برقه وغمض عينيه بوجع وهو ساند جبينه على جبينها وهمس ربنا يسامحك على اللي عملتيه فينا يا امنيه حقيقي ربنا يسامحك
بعدين قام وغطاها كويس وباس راسها وخرج
——-
تاني يوم الصبح احمد وشهد كانوا قاعدين في بلكونه شقه منصور مستنين الاكل يتحضر وبيتكلموا
شهد بضحك مبهزرش بجد انت ليه فاكرني بهزر
احمد برفعه حاجب لان مفيش حاجه عندنا اسمها غربه للبنات وانتي عارفه كده كويس
شهد نفخت بضيق وتابعت وانا مش عايزة اخد شهادتي من هنا نفسي اخدها من جامعه عين شمس او المنصوره علشان احسن بكتير ماتساعدني انجح واحقق هدفي كامل يا احمد بالله عليك واقنع يونس معايا
احمد بحده هو يونس راجل وانا لمؤاخذه يعني ولا ايه ??
شهد بضحك يحبيبي مقصدش كده يالهوي عليك بجد
احمد بحده شهد بالله عليكي انا مريض قلب مخفتش على فكره لاسلوبك ليل نهار ده
شهد خافت وتابعت لالا خلاص انا اسفه نكمل كلام بعدين
احمد بحده مفيهاش بعدين غربه لوحدك لا والف لاا ومش هقتنع مهما قولتي
شهد بحب طب ينفع لما نتجوز ننقل اكمل هناك لان كده كده احنا مش هنستنى اخلص الطب حوارته كتيير ونفسه طويل فانا عارفه اننا هنتجوز وانا بدرس
احمد بحده انا هتنيل اغور الامارات مش قاعدلك علطول وده واضح خلال الفتره اللي فاتت كنت اسافر اسبوعين وارجع وهكذا بس بعد كده هتبقى مده اطول ومش هأمن تبقي في بلد غريبه لوحدك في غيابي
شهد نفخت بضيق وتابعت خلاص يا احمد خلاااص مش عايزه حاجه يباااي منكم انتوا الاتنين نفس الكلام
احمد بحده طب ماتتنفخيش بدل ما اهزقك قسما بالله واديكي قلم يلزقك في الحيط
شهد بصتله بضيق وسكتت وبصت للشارع
احمد تنهد بعمق وتابع انا مسافر الاسبوع الجاي والمره دي هقعد شهر
شهد بصتله بصدمه وتابعت هو انت لحقت ??
احمد بتنهيده انا مفروض افضل هناك اكتر من كده بس انا عمال رايح جاي علشانك والله
شهد ابتسمت بوجع وتابعت عادي ايه الجديد يعني مانا مفروض اتعودت محصلش حاجه يا احمد ولا يهمك
احمد مسك ايديها باسها بحب وتابع حقك على عيني بس والله غصب عني
شهد دموعها نزلت بصمت وهي بتبتسم وتابعت عارفه والله تروح وتيجي بلسلامه
احمد مسح دموعها وقربها باس جبينها وتابع الله يسلمك يحبيبي بس مش عايز اشوف دموعك لاي سبب بالله عليكي وبلنسبه لشقتنا انا لما اسافر اتفقتلك مع المهندسه سما هتخلص مشروع شغاله عليه وهتبدا تعملك باقي الحاجات اللي انتي عايزاها
شهد بحده هو انا مش قولتلك ابعتلي رقمها وسبنا احنا نتواصل مع بعض
احمد تنهد بعمق وتابع هبعتهولك حاضر بس مش ناويه تبطلي اسلوبك ده انا تعبت وجبت اخري
شهد بضيق والله وانا مغلطش خطيبي ومش عايزاه يكلم بنات مفيهاش اي عيب
احمد بحده نفسي تثقي فياا شويه منا مش هنعزل في الحياه لوحدي ومعايا زمايلي في الشركه بنات وبنضطر نتواصل بس محترم غيابك وقولتلك انك ماليه عيني شهد انا بجد سكت كتير ومره مع مره هتقفل من اسلوبك ده وهبطل اتكلم معاكي باريحيه لانك مجرد مابتسمعي سيره اي واحده من جنس حواء بتتحولي
شهد دموعها نزلت وتابعت مش قولتلك هتتعب وهتزهق وعملت فيها بطل من ابطال الروايات قولتلي لا عمري ما ازهق منك وتنهدت بعمق وتابعت تمام يا احمد تمام
احمد نفخ بضيق وتابع قولت كده وعند كلامي بس مينفعش طول الوقت تحسسيني انك بتشكي فياا واتعصب وتابع انا لو عايز اعمل حاجه غلط هعمل ومش هتشوفيني فبطلي تحسسني انك قافله عليا بلاسلوب ده واديني بسافر لوحدي يعني اقدر جدا اعيش حياتي ومش كلام وبس ..بس انا قولتلك بحبك وبتقي الله واتغيرت فبلاش تعصبي ام الواحد بقى
عايده دخلت وتابعت بصدمه بس بس صوتكم جايب لاخر الدنيا ليه في ايه
شهد بدموع مفيش حاجه يا ماما وطلعت من البلكونه ومن شقه الرفاعي كلها فنفخ احمد بعصبيه وضرب ايديه جامد على السور
فتابعت عايده بخوف مالكم يا احمد حصل ايه بتزعق للبت ليه
احمد بحده انا اتخنقت وجبت اخري ودي مبقيتش عيشه بصرااحه
عايده بصدمه يا ابني حصل ايه طيب فهمني
احمد بضيق محصلش ياما محصلش خلافات عاادي زي كل مره ايه الجديد يعني عن اذنك انا نازل لان في حاجات طلبتها للشقه جايه دلوقتي ونزل وسابها فتنهدت عايده وتابعت ربنا يهديكم يا احمد والله ما عارفه اقول ايه
————
عند يونس ونور
نور صحيت بصت لقيت الساعه 8 ونص فبصت على يونس لقيته نايم فابتسمت بحب وباست خده ووطت جابت الروب بتاعها من الارض وقامت دخلت الحمام تاخد شاور ونص ساعه كان المنبه رن ويونس صحي فتابع وهو بيقفله وبيفتح عينيه بتثاقل نور .. يا نور
نور من جوه: ايه يحبيبي باخد شاور
يونس اتاوب وتابع خلاص يقلبي كنت بشوفك فينك واتعدل قعد على السرير وحط دراعه ورا رقبته ومسك فونه يرد على المسدجات وشويه ونور خرجت وهي لابسه بورنص قصير وبتنشف شعرها بفوطه
فتابع يونس بضحك يابت .. يابت ده شعر يتنشف كده غرقتي الدنيا مفروض تخرجي من الحمام لافه شعرك كويس … طويل وخرب الدنيا
نور قعدت على كرسي التسريحه وتابعت بضحك معلش خليها عليك تعالى قبل ماتدخل تاخد شاور نشفلي شعري بالله عليك يا يونس
يونس لا اتحايلي عليا شويه
نور بصتله وتابعت بضحك يا يونس علشان خاطري
يونس بضحك الله منا بقولك اتحايلي شويه
نور بصتله بحب وتابعت وحياتي يحبيبي ممكن ??
يونس بضحك ضعفت بصراحه وقام وقف مسك الاستشوار وفضل ينشف شعرها وتابع عليكي واحده حبيبي قسما بالله ماتنزلني من البيت
نور فضلت تضحك وتابعت علشان تعرف غلاوتك بس
يونس وهو بينشف شعرها تابع بحب المهم لما تحسيها مش لما تقوليها
نور بصتله في المرايه بحب وتابعت وانت مين قالك مش حساها
يونس بابتسامه عارف انك بتحبيني بس انا اقصد الحب اللي ..
نور بمقاطعه لا منا فاهمه قصدك على فكره
يونس خلص تنشيف شعرها وتابع بمعني ?? ومسك مشط يسرح شعرها
ولما خلص نور قامت وقفت وتابعت اصل انا اكتشفت ان مش اي حد بتحبه هيقدر يطمنك بس اي حد هيطمنك مليون في الميه هتحبه وانا مشوفتش الامان غير وانا معاك يا يونس
يونس فرح جدا من كلامها وخدها في حضنه وضمها ليه بعمق وتنهد بارتياح وتابع وانا مستعد افضل امانك العمر كله ويارب تكوني متاكده من مشاعرك
نور بصتله بحب وتابعت متاكده من مشاعري طبعا وهي مين هبله متحبش يونس الرفاعي وبعدين هو انت فاكرني بسمحلك تقربلي وبحضرلك فطارك بنفسي ولما بتتعب بسهر جنبك علشان عسليه عيوونك ولا ايه ?? لا طبعاا ما انت حبيبي
يونس ابتسم بفرح وسند جبينه على جبينها وتابع نور عين حبيبك والله وابتسم بخبث وتابع والشهاده لله باخد بالي انك بتحبيني اصل المسائل دي لو مفيهاش حب هتبقى متعقده حبتين
نور فتحت عينيها وشقهت بتفاجئ وفضلت تضحك وتابعت بس بس بتقول ايه اخرس خالص يخربيتك
يونس فضل يضحك وتابع ببدي اعجابي بيكي يحبيبتي حصل ايه بس
نور بضحك لا اخرس خالص متبديش باعجابك ولا تنطق ورايحه تمشي شد وسطها ليه وتابع بحب رايحه فين يا مزتي
نور بحب البس ياقلب وروح مزتك وباست خده ورايحه تمشي فشدها تاني وتابع بضحك طب هو ينفع جوزك يصحى ومتقوليلهوش صباح الخير ??
نور بضحك يسلام ده يا اجمل صباح الخير على العيون العسلي دي
يونس بضحك لالا بردو غبيه ومش هنتفق مع بعض ووطى باسها بحب فحطت ايديها حوالين رقبته فقربته منها اكتر وسند جبينه على جبينها وتابع بهمس بموت فيكي بجد
نور بحب وانا اكتر ..وبصتله وتابعت عارف لاقيت حتت اغنيه على التيك توك بتوصف حبك لياا حرفياا بس بكل امانه قولي انت عمرك حبيت قبلي
يونس بضحك حبيت قبلك !! هو انا لو حبيت قبلك واحده كبيره وعاقله هاجي في الحب التاني هعيل يا نور
نور برفعه حاجب تعيل ??
يونس بضحك ساعتها يعني وبصلها باعجاب من فوق لتحت وتابع انما دلوقتي العيله كبرت وبقيت غزال
نور بضحك طب بتوترني بنظراتك دي ليه طيب
يونس فضل يضحك وتابع ماحقك تتوتري ماهي وراها بيحصل حاجات كتير فعلا .. اعمل ايه فيكي بقى اللي هيمشي وراكي مش هيشوف الشارع
نور فضلت تضحك وتابعت يونس علشان خاطري اتلم وسبني اقولك الاغنيه
يونس بضحك قولي يعمري
نور حطت ايديها حوالين رقبته وتابعت بحب وصوت رائع : انا بدايه بدايتك .. انا بقيه حكايتك .. انا العمر اللي جايلك وانا العمر اللي فايتك .. مين يجي يااخد مكااني ؟؟ وانت لمين غير عشااني .. ده انا كتير من حنااني سيبتك تاخد كفاايتك ..انا حب سنييين كتييره ياحبيبي وانت عاارف .. انا الاولى والاخييره مش معرفه م المعاارف
انا اللي جواياا ليك بدل الشوق الف شووق .. وانا الطيبه اللي مش هتلاقي من بعديها طيبه ..ولوحدي انا اللي ليااا فيك كل الحقووق .. مانا شريكه حياتك والصاحبه وكمان الحبيبه .. واانا وبس الوحييده والمعلومه الاكييده انا القصص القدييمه وانا القصص الجديده .. انا كلامك سكااتك انا حروف اغنياتك ..ومن يومي في حياااتك انا الجمله المفيده
ووقفت علي اطراف وصوابعها ولفت ايديها حوالين رقبته وحضنته فيونس ضمها ليه اكتر وتابع بحب واعجاب ازاي في اغنيه عرفت توصف حبي ليكي اوي كده ايه الحلاوه والجمال ده انتي فعلا حب سنين كتيره والاولي والاخيره والقصص والقديمه والقصص الجديده وربنا ميحرمنيش منك ابدا يارب ياست البنات
نور بحب ولا منك ينور عيون ست البنات
يونس بصلها بهيام وتابع ده الكلام احلو اوي بقى
نور بضحك مش وقتك خالص هاا وبصت للساعه
يونس وجه وشها ليه وتابع بحب خليكي معايا انا كبري دماغك من الوقت
نور بضحك يا يونس بطل دلع بجد هنتاخر عليهم
يونس حط ايديه على وسطها وتابع بحب بذمتك انا ولا تنزلي تحت
نور حطت ايديها حوالين رقبته وتابعت بحب انت طبعا يا غالي وهي دي فيها كلاام
يونس بابتسامه طب ما انتي معايا علي الخط اهو ليه التقل
نور فضلت تضحك وتابعت ماهو انت اهم من اي حد اه بس يلا ننزل دلوقتي بالله عليك
يونس بضحك لا انسي الكلام ده وشدها ليه وباسها بحب وفونه رن فاتنفضوا وبعدوا عن بعض
فتابع يونس بضيق ياشيخه ده ينعل ابوه الفون في الارض
نور فضلت تضحك وتابعت احسن والله تستاهل علشان مش وقته دلع روح شوف مين بقى
يونس بضحك متتحركيش راجعلك
نور بضحك انسى ده الجو تلج وماصدقت خدت الشاور مش هاخده تاني فا لم نفسك شويه يعمري
يونس بضحك معلش هدفيلك انا الحمام قبل ماتدخلي ومسك فونه لقاه صاحبه
نور بضحك يونس بجد اتلم المفروض ننزلهم من بدري فبصلها بيشاور تسكت ورد ودخل البلكونه ونور بصت عليه واتاكدت انه مش واخد باله وفتحت الدولاب خدت تيست ودخلت الحمام تجربه ودقايق ووقفت بتوتر مستنيه النتيجه
واتعمل خط واحد فنفخت بضيق ورمته بعصبيه على الارض ودموعها نزلت بحزن فتابع يونس بتنهيده من وراها طب واخرت اللي انتي بتعمليه ده ايه طيب ??
نور مسحت دموعها بسرعه ولفتله بتوتر وتابعت ايه يحبيبي في ايه
يونس غمض عينيه وتنهد بعمق وتابع هو انا مش قولتلك سيبي الموضوع ده على ربنا يانور
نور بوجع موضوع ايه
يونس راح خدها وخرجوا من الحمام وقعدها على السرير ووطى على ركبته قدامها ومسك ايديها بين ايديه الاتنين وباسها بحب ورفع راسه ليها وتابع هو انتي فكرك اني مش عايز اخلف منك زي مانتي نفسك واكتر ??
نور بدموع عارفه انك بتتمنى ويمكن اكتر مني بكتير بس انا قلقانه اوي يا يونس بجد
يونس بحب قلقانه من ايه يا نور عين يونس انتي عروسه مبقالكيش غير 3 شهور ايه يقلق يابابا ?? ده احنا نتبدي نقلق بعد سنه اقل حاجه
نور بدموع انا كنت تعبانه يا يونس وخفيت وبقالنا كتير علاقتنا طبيعيه وبردو مفيش حمل طب ايه السبب
يونس يابابا مش كل ما هيحصل بينا حاجه تصحي تاني يوم تسحبيلي تيست وتدخلي تجربي مش هيحصل حمل غير في ايام التبويض مهما نعمل والمفروض انك متعلمه وفاهمه
نور بدموع ما انت حسبتها وبردو محصلش
يونس بتنهيده بس مش معناه ابداا ان عندك مشكله ده رزق وبيجي من عند ربنا في معاده وبعدين طول مانتي قاعده منتظره ونفسيتك تعبانه مش هيحصل لان علميا لازم نفسيتك تكون مستقره لانها بتاثر على هرموناتك
نور بدموع اعمل ايه غصب عني خايفه يا يونس والله خايفه
يونس مسح دموعها بايديه وتابع بحب وغلاوتك عندي انتي زي الفل والموضوع مساله وقت مش اكتر واصلا التيست بيبن الحمل متأخر متعتمديش عليه الدم اوضح بس هو في كلا الحالات احنا مش هنستعجل وهنسيبها على ربنا وبالنسبه للشهر ده استني نشوف البريود هتيجي ولالا
نور غمضت بحزن وتابعت بعياط : بالله بتيجي بحس ولا كأن اللي ماتلي ميت
يونس قام خدها في حضنه وفضل يطبطب عليها وتابع نور نور مش كده يحبيبتي اهدي والله انتي زي الفل نحمد ربنا احسن من غيرنا وخفينا وربنا هيكرمنا والله وهتقولي يونس قال اهدي ينورعيني علشان خاطري وحط وشها مابين ايديه وتابع بحب وهو بيمسح دموعها: والله هتحملي وهتبقي اجمل ام في الدنيا كمان وهانت خلاص وهتشوفي بس عشان خاطري كفاياكي عياط دموعك غاليه اوي عليا والله
نور ابتسمت بحزن وتابعت ربنا ميحرمنيش منك ابدا يارب وحضنته وسندت راسها على صدره فباس راسها بعمق وتابع ولا منك يحبيبت عيوني وبصلها وتابع بابتسامه هدخل انا اخد شاور وطالعلك علشان ننزل بما انك عايزنا نفطر معاهم
نور بحب ماما من امبارح مأكده عليا بس لو انت مش عايز تنزل نفطر هنا عادي
يونس بحب لا يعمري ننزل عادي يلا البسي حاجه بقى علشان متتعابيش
نور بحب حاضر
وراحت تغير ويونس راح ياخد شاور
——–
عند عمر وزينب
حسام صحي وفضل يعيط فصحي عمر على صوته وقام اتعدل وشاله من جنبهم وتابع بنوم ايه يحبيبي في ايه مالك ياقلب بابا اهدى بس بس اهدى
زينب صحيت وعنيها انكمشت بضيق وتابعت بنوم بدأنا ياسي حسام
عمر وهو بيتاوب تابع نامي انتي وانا هطلع بيه برا
زينب اتعدلت في قعدتها وتابعت وهي بتتاوب لالا هاته مش هيسكت غير لما يرضع طلما صحي
فعمر باسه واداهولها وبدات ترضعه بلفعل وهي بتتاوب فعمر ابتسم ورجع شعرها ورا ودنها وباس جبينها وتابع بحب حقك عليا
زينب بحب حقي عليك على ايه هو ابنك لوحدك
عمر بتنهيده لا بس لو كان متعود عليا كان سكت وكنت اريحك شويه
زينب بحب حسك وقاعدتك جنبي بتمثل راحه الدنيا كلها في عيني فمتقولش كده وهياخد عليك وهيتعلق بيك بس بردو مش هيبطل عياط لانه جعان مش لانه عايزني
عمر بحب بالله ببقى نفسي اخده في حضني شويه بس من زنه مش بعرف
زينب بحب يخلص اكل واقعده معاك شويه وانا جنبكم وواحده وواحده هيتعود ولا تزعل ياعمري
عمر ابتسم بحب وتابع ربنا ميحرمنيش منكم ابدا يارب
زينب بحب ولا منك يحبيبي وبصت للكرتونه اللي في الاوضه وتابعت سرير حسام لسه واصل من يومين فمعلش نفطر وتفوق كده وركبه علشان يبقى جنبنا لاني بنام مقلقه طول ماهو معايا على نفس السرير
عمر شال المفرش وقام وتابع بحب هعملوا دلوقتي
زينب بحب طب استنى نفطر طيب
عمر وهو بيفتح الكرتونه تابع لالا عادي مش حوار يعني هعملوا وتكوني خلصتي رضاعه الواد وصحيح عايز اخد رايك في حاجه
زينب بحب قول يحبيبي
عمر وهو بيقرا الطريقه تابع ادم صاحبي في الجيش عايز اسماء وكلمني وانا قولتله لما اشوفها بس بصراحه انا شايفه ميترفضش فانتي رايك اعمل ايه
زينب رايي اللي انت قولته طبعاا اللي اسماء تختاره هو اللي يحصل مفيهاش نقاش
عمر تنهد بعمق وتابع انا بصراحه عارفها ماشيه ورا قصص الحب والغرام ومستنيه تتعرف علي واحد وانا بصراحه مضمنش اللي تعرفوا ده يبقي ايه فعايز اخليها تقعد معااه واحطها قدام الامر الواقع
زينب بصدمه لا طبعا ياعمر مش معني انها نفسها تحب وتتحب تبقي غلطانه وتخطبلها بلعافيه
عمر بتنهيده زينب انا مقولتش بلعاافيه بس انا اختي متكلمش حد لان لو عملت كده هكسرها تحت رجلي فا ايه الحل غير الصالونات??? فتشوفه يمكن ترتاح
زينب برفعه حاجب اشمعنا انا سيف مكسرنيش تحت رجله ??
عمر بحده زينب متغيريش الكلام انا مكلمتكيش ولا انتي كلمتيني وبعدين انا مش ضد الحب لو الشخص راجل وهيحافظ عليها .. انا ضد الشخص نفسه لان مش اي حد ينفع نرتبط بيه ونثق فيه وانا ربنا يعلم بياا حبيتك بجد وكنت عايزك حلالي بجد انما انا اضمن منين اللي تحبه اسماء ده عايزها بجد ولالا وخصوصا هي بنت بسم الله ما شاء الله من عيون ملونه لشعر طويل ولملامح فهي مطمع لشباب كتير وانا خايف عليها
زينب برفعه حاجب ايه يحبيبي مالها اسماء ??
عمر بحده زينب مش عايز اشتمك انا بتكلم جد دلوقتي
زينب برفعه حاجب وانا رايي قولته طلما رافضه صالونات يبقى لا متجبرهاش وشوفها وهي بردو حره
عمر بتنهيده ماشي انا هتصرف خلاص وبص يكمل السرير
زينب بغيره واتلم ومتعاكسهاش تاني علشان مزعلكش
عمر مش هرد علشان انتي مخك تعبان وانا مش فايق للمجانين
زينب بضحك ماشي ياعمر وبصت لحسام وتابعت تف على بابي علشان مزعل مامي
عمر وهو بيعمل السرير تابع متربيه ومحترمه
زينب بضحك غصب عنك طبعا ولا اتصلك بسيف اقوله بيقول على اختك مش محترمه
عمر بضحك والنبي تسيبي سيف في حاله
زينب بضيق ده والنبي متفكرنيش امنيه حارقه دمي اوي بجد ياعمر
عمر بتنهيده حقها بس هي بردو قلت ادبها شويتين ولسانها طول واخوكي مش هيسكتلها
زينب بضيق ايوه لازم يربيها هو ده الصح
عمر بضحك ده انتي حربايه صح بقى
زينب بضحك مش حكايه كده والله بس فعلا مستفزه اوي وتستاهل
عمر بتنهيده ربنا يهديهم يا بنتي بجد
زينب بتنهيده اللهم امين يارب وبصت لحسام لانه خلص اكل وتابعت يلا تف على بابي يا سوميي
عمر وهو بيخلص السرير تابع طب بذمتك انا اسيبه معاكي وامشي مطمن ازاي اما امه عايزه تتربى من اول وجديد ???
زينب فضلت تضحك وتابعت تعالى بس اقعد جنبي علشان اديهولك واقوم احضر الفطار وابقى ربينا بعدين
عمر زينب بالله عليكي ماهيسكت معايا
زينب بحب تعالى بس
فعمر حط السرير جنبهم وقعد جنبها فدخلت في حضنه ونيمت حسام نصه عليه ونصه عليها وتابعت بحب طبطب عليه ولاعبه
عمر بضحك على اساس ان انا كنت بطفي السجاير تحت باطه مش كده ??
زينب فضلت تضحك وتابعت اخلص يا عمر بجد
عمر بضحك حاضر هريحك وفضل يطبطب عليه فتابعت زينب بضحك سومي ده با با وبتنطقها بتقطع فبصلها فتابعت بضحك سمعتني ده با با اسمه ايه ?? با با
عمر فضل يضحك وتابع ياشيخه اتنيلي علي عينك انتي واهلك اما هو معرفش ينطق ماما هينطق بابا
زينب فضلت تضحك وتابعت في عيال بتعمل كده والله بس مش دلوقتي اه بس انا بحاول اعرفكم بلغه الاطفال
عمر فضل يضحك وتابع زينب اخرسي خالص متحاوليش انتي شويه شويه هتقوليلي انزل هاتله لعبه وحاجات حلوه وتعالى راضيه
زينب بضحك طب تصدق فكره حلوه
عمر بضحك اه انتي عبيطه بقى
زينب بضحك لا طبعا بس انا الام وانا اللي برضعه فلما تجيب الحاجات الحلوه دي وانا اكلها يبقى كأنه هو كمان فرح لانه بيستمد غذائه مني فاهم ???
عمر بضحك لا مش فاهم لان ده هبد علمي اول مره اسمع بيه طبعا من اختراع زينب الرفاعي مش كده
زينب فضلت تضحك وتابعت اه بصراحه بس ايه خساره فيا يا موري
عمر فضل يضحك وتابع قبل موري كنت هقولك مال الدنيا كله فداكي وتحت رجلك بعد موري اه خساره
زينب فضلت تضحك وتابعت ما انت موري صح غلطت في ايه انا الله وباست خده
عمر بضحك مابلاش علشان هتزعلي والواد صاحي
زينب فضلت تضحك وتابعت ما انت مفروض تحترم نفسك علشان الواد صاحي
عمر بضحك لا عادي ده ابني مش حد غريب ورايح يبوسها
فزينب قامت بسرعه وتابعت بضحك انا رايحه اعمل الفطار لم نفسك هاا
عمر بضحك مااشي مااشي وقاال هو بيغمز بس مسيرك يا ملوخيه تيجي تحت المخرطه
زينب فضلت تضحك وتابعت ولا عمرك هتتربى
عمر بضحك هو اللي يعرفك يعرف تربيه
زينب بضحك والله قليل ادب فعلا مش بظلمك وخرجت
فضحك عمر وتابع بصوت مسموع زينب هتصل باسماء تفطر معانا واحشاني فاعملي حسابها
زينب حااضر
وبص عمر لحسام لقاه نام على صدره فباس راسه وفضل يطبطب عليه ويبوس في راسه وهو بيمشي ايديه على ضهره وتابع بهمس وحب يارب ميحرمني منك ابدا واشوفك احسن واحد في الدنيا يا قلب باابا
———
عند امنيه وسيف كانت صحيت بقالها شويه وتعبانه ومصدعه جدا بسبب العياط وواقفه تحضر الفطار وسيف بيتكلم في البلكونه
فتابعت امنيه وهي بتاخد حته من البيض بلمعلقه : سيف
سيف مكانش سامعها فنفخت بضيق وطلعت من المطبخ وتابعت سييف
سيف بصلها وهو بيتكلم وشاور بمعني عايزه ايه ??
امنيه وقفت قدام البلكونه ومدت ايديها وتابعت دوق كده حلو علشان انا قرفانه منه ومش هاكله
سيف قرب كل منها وتابع بايديه تمام وكمل فونه وتابع يابااشا منا قولتله كده من الاول اصلا
ومشيت امنيه تكمل الفطار وسابته يكمل مكالمته وهي تعبانه جدا ومش طايقه نفسها وبتسرح كتير من الزعل والحيره والوجع اللي هي فيه ودموعها نزلت فمسحتهم ومسكت الستربس تحمره ونفخت بقوه وتابعت يارب صبرني لان انا حقيقي تعبت اوي يارب وبتحط القطع وبتسرح فانزلت جزء من صابعها في الزيت فصرخت بالم شديد ورمت اللي في ايديها وسيف سمع صوتها وجيه جري وتابع بخوف اييه في ايه ماالك
امنيه بعياط والم شديد : ايدي يا سيف ايدي اتحرقت وانا بحمر ستربس
سيف بعصبيه وانتي دمااغ اهلك فين ماتركزيي في اللي بتعمليه بتحطي صبااعك في الزييت
امنيه بعياط ووجع تعبانه ومخنوقه ومخدتش بالي والله
صعبت عليه جدا فحضنها جامد وفضل يطبطب عليها وهي بتعيط في حضنه فتابع : يا امنيه حرام عليكي طلما تعبانه قوليلي يحبيبتي ومكنتيش تعملي حاااجه وكنت هعمل انا حرام عليكي نفسك كدده
امنيه بعياط ووجع : بجد مش قاادره
سيف نفخ بتوتر وتابع استني طيب في ميبو هنا هجيبه وجايلك ودخل اوضتهم جاب المرهم وطلع خدها قعدها في الصالون وقعد قدامها على ركبته ومسك المرهم وبدا يحط منه وهي بتعيط وانهاارت عياط اكتر لما لمس حرقها
فتابع بخوف حقك عليا .. حقك عليا مقصدش وبقى يحطلها برفق وهي بتعيط جامد وموجوعه وتابعت مش قادره ياسيف حاسه بناار
سيف بخوف معلش يحبيبتي استحملي هحطلك واحده واحده اهو والله
وامنيه فضلت تبصله بحب ودموعها بتنزل وهي شايفه قلقه عليها وسيف خلص دهن المرهم وقام قعد جنبها وخدها في حضنه وفضل يطبطب عليها وتابع بس بس اهدي الحمدلله جات على قد كده
امنيه بدموع واجعااني اوي بجد
سيف بتنهيده طبيعي يابابا ده زيت مغلي بس المرهم هيهدي الدنيا دلوقتي حقك عليا انا وباس راسها بعمق وفضل يطبطب عليها وتابع هقوم اكمل الفطار خليكي وطلما تعبانه متدخليش المطبخ تاني
امنيه بصتله ودموعها نزلت ومسكت ايده تمنعه وتابعت سيف
سيف غمض عينيه وتنهد بعمق وتابع مش قادر لاي كلام من فضلك
امنيه بدموع يعني انت كده مرتاح ??
سيف بتنهيده اه جداا
ونزل ايديها ودخل المطبخ وهي فضلت تعيط بصمت وحزن ورجعت ضهرها لورا بتعب وغمضت عينيها
وشويه وسيف جيه بلاكل وقعد جنبها ومد ايديه وتابع امسكي
امنيه بتعب ودموع مش قادره ماليش نفس وابعد عني مش طايقه نفسي
سيف بحده انا والله مش قاعد معاكي عاشق جمالك بس علشان اللي في بطنك مش اكتر فاتفضلي كلي عشان الدوا ومد ايديه بالاكل
امنيه دموعها نزلت بحزن وتنهدت بعمق وتابعت كده كده من غير ما تقولي انا عارفه ان اللي في بطني اهم حاجه عندك فسيب الاكل وانا شويه كده هاكل
سيف بحده لا هتاكلي دلوقتي علشان تلحقي تاخدي الدوا وبعدين انتي ايدك محروقه فانا هاكلك اخلصي ومد ايديه
امنيه قربت كالت منه بحزن ومدغت الاكل من غير نفس وفضلت تاكل لحد ماشبعت وخلصوا اكل ودموعها بتنزل فمسح دموعها وتابع كفايه نكد انتي حامل
امنيه بتنهيده اصل واحده في الوضع اللي انا فيه ده مفروض تبقى طايره من الفرح
سيف بحده اومال انا اعمل ايه اما انتي تنكدي مش فاهم مش تحمدي ربك ببص في خلقتك بعد اللي عملتيه
امنيه بعصبيه والله قولتلك طلقني انما متحسسنيش طول الوقت انك بتعمل حسنه بانك سايبني على ذمتك
سيف بحده تولدي بس يا امنيه وورقتك هتكون عندك متستعجليش
امنيه نفخت بضيق وضربت الترابيزه ضربه بغل برجلها فتابع سيف بعصبيه متتنفخيش علشان مهزقكيش
امنيه اتعصبت وتابعت انت االلي .. فسيف قاطعها لما قلب الصينيه بعصبيه شديده وقعت الاطباق اتكسرت وتابع بعصبيه انا مش عاااايز امد ااايدي عليكي وقولتلك لو اتعصبتي ولا صوتك عليي تاني هتشوفي مني وش مش هيعجبك وبضهر ايدي وعلى خلقتك علطول فاخرسي ونقطينا بسكاااتك بقى انتي ايه مبتفصليش ???!!!!
وقام دخل الاوضه وقفل الباب برزع وامنيه فضلت تعيط وبتبص على الاطباق وغمضت عينيها بحزن ودقايق وخرج سيف لابس بنطلون اسود وقميص اسود ومسرح شعره فتابعت امنيه بدموع رايح فين يا سيف
سيف بصلها وتابع برفعه حاجب افندم ??
امنيه قامت وقفت قدامه وتابعت بدموع ايه بقولك رايح فين غلطت ??
سيف بحده اه غلطتي وعلشان اول مره بس هسامحك انما لو اتقررت تاني هتزعلي مني انا محدش يقولي رايح فين ولا جاي منين
امنيه تنهدت بحزن وتابعت اممم وده طبعا من ضمن العقاب مش كده ??
سيف بحده انا مش بعاقب حد ده اسلوبي ودي حياتي وطلما انتي على ذمتي يبقى هتمشي عليها لحد ما نطلق لا اكتر ولا اقل وحاولي بطلي رغي كل شويه معايا واختصريني ومتتحركيش من الشقه اديني قولتها لتااني مره ومشي راح فتح الباب ونزل ورزعه جامد وهي قعدت وفضلت تعيط وزقت الترابيزه بعصبيه وتابعت بعياط جتك الارف على اساس هموت على كلامي معاك مثلا بلا قرف انا اصلا عايزه اطلق وراحت قعدت بتعب وحزن وهي بتعيط
—————-
عند مازن في الكافيه بتاعه الجديد كان قاعد في مكتبه وبيراجع ورق الحسابات وميرا اللي ماسكه الحسابات واقفه قدامه مستنيه يخلص
وهي بنت عندها 25 غير محجبه شعرها متوسط الطول بشرتها بيضه وعينيها واسعه وخضرا وطولها متوسط ومعجبه جدا بمازن بس عارفه انه متجوز ودي حاجه مضيقاها
مازن بتنهيده ده كل ده اتصرف امتى مش فاهم ??
ميرا بابتسامه خلال الاسبوع االلي فات وانا كنت ببعت لحضرتك بس مبتشوفش المسدجات خالص
مازن بستغراب ازاي يعني وريني كده
ميرا راحت وقفت قدامه وفتحت فونها وجابلته الشات فبص اتصدم بكميه المسدجات والصوره بتاعته هو وياسمين مش باينه ففهم ان ياسمين عملتلها بلوك فتنهد بعمق وهمس لنفسه”” برده يا ياسمين انا حقيقي تعبت من حركات العيال بتاعتك دي ”” وبص لميرا وتابع ااه المشكله دي فعلا متقرره مش انتي بس اللي قولتيلي خلاص انا هحاول اشوف الواتس عندي مالي همسحه واحمله تاني تعبتك يا ميرا معلش
ميرا بحب وهي بتقرب عليه لا ولا يهمك ده احنا تحت امرك وعيونا ليك هو احنا عندنا كام مازن بيه يعني
مازن اتحرج وقام وقف وتابع ببعض من الحده تسلمي يا ميرا اتفضلي شوفي شغلك
ميرا ابتسمت بضيق وخرجت وارحت مكتبها ورزعت الااوراق بعصبيه عاى المكتب فتابعت علا بضحك يابنتي قولتلك طلعيه من دماغك ده متجوز وبيحب مراته ومن قبل ماتولد مسمي الكافيه باسم ابنهم ومش ده وبس ولسه باقي مشاريعه كلها باسم زين الرفاعي فاهدي كده ومتخربيش على الناس
ميرا بحده انا مش عارفه عجباه فيهاا ايه انا احلى منها 100 مره بجد
علا مبتتحسبش كده وبعدين احلى منها ايه ?? ده مراته بسم الله ما شاء الله حور من الجنه وانتي اه زي القمر بس مننكرش انها معدياكي بكتير هو مش علشان عينك خضرا يعني
ميرا برفعه حاجب انتي بتحرقي دمي يا علا ??
علا رجعت تشوف شغلها وتابعت بحده ولا احرق ولا تحرقي انا هعمل شغلي احسن وياريت حضرتك انتي كمان تعملي شغلك لان انا مش هفضل هنا ومازن بيه عايزني اروح امسك حسابات الاوتيل فاتعلمي مني واخلصي
ميرا بابتسامه مازن بيعزك ماتطلبي منه يخليني سكرتيرته الخاصه بالله عليكي
علا بعصبيه انتي مجنونه عايزاني اساعدك تخربي بيت واحده حامل بقولك ايه يا ميرا اتلمي انا مش عايزه اتكلم علشان مقطعش عيشك لاجل امك المريضه لان علاجها غالي بس كله الا قهر الولايا دي ست زيك
ميرا برفعه حاجب خايفه من ايه يا علا وهو لو بيحبها بجد زي مابتحكي هيتأثر ليه من وجودي بشكل اطول معاه
علا بصتلها وربعت ايديها على المكتب وتابعت بابتسامه تؤ لا مش خايفه ومهما تعملي مش هيتأثر ومش بيحب ولا هيحب الا ياسمين هانم بس انا برده مش هساعدك في حاجه زي كده لاني عارفه نيتك مش خير فريحي نفسك وبلاش عشم
ميرا بحب هنشوف ياستي وفون الاوضه رن فردت علا وتابعت ايوه يا مازن بيه
مازن علا معلش ابعتيلي الفايل اللي قولتلك شيليه امبارح
علا حاضر تحت امرك وقفلت معاه وجابت الفايل ورايحه تقوم شدته ميرا وتابعت بابتسامه انا هوديهوله خليكي مكانك متتعبيش نفسك يا لولو
علا بحده لا انا بحب اتعب نفسي علشان المفروض اني جايه اشتغل وشدت الفايل منها بعصبيه وخرجت وميرا نفخت بضيق
———–
عند سيف كان واقف في الشارع وجات عربيه كبيره جدا سودا وقفت وهو ركب معاهم وغموا عينيه فتابع سيف بتنهيده طب وليه قله الثقه دي ??
احد الرجال معلش يا سيف بيه بس هي دي التعليمات
سيف بتنهيده ومالو مش هتفرق
وبعد ساعات بيوصلوا وبياخدوا سيف وبينزلوا وبيشيلوا الرابطه والرؤيه بتوضح قدامه وبيخشوا بيت كبير اوي وليه ابواب كتير وباب وراه باب لحد ماوصلوا لاوضه كبيره جدا وبابها كبير فتابع احد الرجال بس اتفضل ادخل
سيف هز راسه بتمام وخبط فسمع صوت بيسمحله بلدخول فدخل كانت الاوضه كبيره جدا ومترتبه بذوق عالي جداا كأنها اشبه بلقصر ففضل سيف يبص لكل ركن بستغراب لان المكان حلو جداا وفخم رغم انه وسط الصحرا فتابع حيدر الانصاري بابتسامه نورت يا حضره الظابط
