رواية البريئة و القاسي الفصل الاول بقلم اسماعيل موسى
انت هتتجوز سهى بنت عمك جابر يا رعد
مستحيل يا بابا، انا حزين على عمى جابر زيك واكتر
لكن جواز لا
انا رعد وريث ادم بيه السلامونى صاحب اكبر شركات الاستيراد والتصدير فى البلد كلها اتجوز واحده جايه من تحت البهايم؟
بص السلامونى لابنه رغد بغضب ، انت هتكسر كلامى يا رعد ؟
مش كده يا والدى لكن انا مش هقدر ادمر حياتى ومستقبلى
واتجوز واحده عمرى ما قابلتها ولا شفتها وكمان من الصعيد
ادم السلامونى رفع ايده بعنف ، لو متجوزتش سهى لا انت ابنى ولا اعرفك
مع رفضى وأصرار والدى صوتنا ارتفع ووالدى صفعنى على وشى
والدتى خرجت تجرى من غرفتها، بعدتنى عن والدى وطلبت منه يهدى
الخدم اتجمعو على صوت زعيق والدى
والدة رعد، اهدى يا آدم مش كده
السلامونى بزعيق ، هيتجوز سهى ورجله فوق دماغه!
صرخ رعد بابا احنا فى القرن الواحد وعشرين الكلام دا انتهى خلاص
السلامونى بغضب اكبر ، اسكت يا كلب، انت، انت مش ابنى
صرخت والدة رعد وهى بتبكى اسكت يا رعد
خلاص يا آدم رعد هيعمل إلى انت عايزه
مرآة السلامونى عارفه انه مريض قلب وخايقه يحصله حاجه
رعد، ادينى وقت افكر شويه يابابا؟
السلامونى مفيش تفكير بكره الصبح هنسافر الصعيد، الكلام خلص
دخلت رعد غرفته منهار، ازاي يحصل معايا كده، انا الى طول عمرى مصاحب أجمل بنات
اخرتها أقع فى واحده معاشره البهايم واجوزها؟
ولع سيجاره فى البلكونه وقرر اول ما ينامو هيسيب الشقه وهيقعد فى الفيلا فى اسكندريه ومش هيرجع تانى
وهو بيدخن السيجاره والدته صرخت، رعد الحق ابوك __
بسرعه خدو السلامونى على المشفى ولحقوه الحمد لله قبل ما تحصله حاجه
رعد حس بالذنب وقرر يطاوع والده كده وكده هو يعرف يتخلص من البنت دى باى طريقه
الصبح رغم مرض السلامونى أصر انهم يسافرو الصعيد
ركبو العرببه إلى مشيت بيهم بين حقول خضراء وابنيه متفرقه
فضل رعد باصص على الخضره وجماعات النساء التى تحمل حزم البرسيم وتجر الاغنام
الأطفال التى تتقافز فى الترعه المحاذيه للقطار حتى وصلو القريه
اول ما وصلو استقبلهم مرآة عمه، ست كبيره لابسه عبايه سوده وضعيفه
رحبت بيهم ووصلت رعد على غرفته
السلامونى قعد مع مرآة اخوه وكان واضح عليه المرض
اعتذر لمراة آخوه انه مقصر فى حقها، دخل فى الموضوع على طول
انا عايز اجوز سهى لرعد يا بدريه، الولد ماشى على حل شعره وانا مريض وممكن اموت فى اى لحظه
عايز اجوزه واحده شديده تكون سنده بعد موتى وتحافظ على شركاتى واموالى
يا بدريه انا فى صراعات كبيره جدا ورعد مش حاسس بحاجه كل إلى شايفه قصور وشركات
مش حاسس بالناس إلى بتحاربنى
لازم يجوز سهى عشان اكون مطمن عليه
السلامونى وهو بيسعل فيه حاجه كمان، انا مش عايزه يشوف سهيله
دلوقتى، هيجوزها من غير ما يشوفها عاوزها تكون صارمه معاه وشديده
بدريه مش هيشوفها ازاى بس يا آدم بيه؟
خليها تلبس نقاب او اى حاجه، الولد ده لازم يتربى وانا هعرف اربيه ازاى
______
قعد رعد فى غرفه قديمه لكن نضيفه يحرق سجاير ويندب حظه
الليله دى كانت أطول ليله فى حياته، رفض يخرج للعشي ونام لغاية الصبح
الصبح سمعت خبط على باب غرفته، من على السرير قال مين؟
كان فيه صوت واطى وسمع انا سهى الفطار جاهز
صرخ من مكانه، مش عايز افطر ولا نيله، متخبطيش على الاوضه تانى
سمع كلمة حاضر والخطوات بعدت عن الغرفه
توقع والده يجى غرفته ويعاتبه او يلومه لكن مفيش حاجه حصلت
الساعه ١١ خرج من غرفته، البيت كان فاضي مفيش حد فيه
فتح الباب ووقف قدامه يدخن سيجاره
واهو واقف مرت آمامه بنتين لون بشرتهم خمرى وجمالهم مش اوى
لكن كانو لابسين حلو
قال فى نفسه ياربى بقى دى أخرتى؟ بعد البنات المزز اخدواحده زى كده؟
كان فيه ناس جره حيوانات ورايحه الحقول
ناس تانيه ماشيه فى الشارع، فيه حركه بسيطه داخل شوارع القريه
حس انه مخنوق اوى واستغرب ان والده مظهرش لحد دلوقتى
رعد السلامونى هيجوز واحده هبله عايشه بين الناس دى؟
طاب ازاى هتخرج معاي وتقابل صحابى؟
انا كل إلى اعرفهم مطبقه راقيه جدا
دى هتبقى مصيبه، انا ممكن اقتلها قبل ما اسمح بكده
