قصة الذاكرة الفصل الاول بقلم مجهول

# الذاكرة 

صحيت من النوم لاقتني متجوزه ،اتجوزت امتى وازاي مش فاكره ،  ولا فاكره مين الشخص اللي انا عايشه معاه ده ولا فاكره البيت ولا اي حاجه ،احساس غريب ده زي ما تكون اتولدت من اول وجديد ،اول ما صحيت بدأت اسأل اسئله كتيره لشخص كان قدامي انا مين ؟ انا فين ؟ دماغي 

بتوجعني ليه ؟  بدأ يهديني وجبلي كوبايه ميه وشربني وبعدها قالي انه جوزي واننا متجوزين من سنه واني عملت حادثه ووقعت علي دماغي وفقدت الذاكره ،كان احساس غريب انا قدامي شخص بيقول انه جوزي وانا مش فكره هو احنا بنحب بعض اتجوزنا ازاي ايه الذكريات اللي بينا كل الحاجات دي اتمسحت من دماغي  بس هو قالي انه 

هيحكيلي كل حاجه عن حياتنا ،اول مره اتقابلنا كان في الجامعه هو كان قسم وانا كنت قسم تاني لكن شافني بالصدفه وبدأ يحضر  معايا المحاضرات بتاعتي علشان يشوفني فضل يراقبني سنه وبعدها كلمني وحبينا بعض واتخطبنا واتجوزنا ،وحكالي مواقف بينا كانت جميله كنت مبسوطه وانا بسمع كان باين منها ان انا وسليم بنحب بعض جدا واني كنت عايشه  حياه جميله حياه كلها مغامرات وفات شهر وسليم مدلعني ومهنني كان شخص جميل اوي وطيب وحنين كان يرجع من الشغل يكون جايب اكل معاه ناكل 

ويقعد يحكيلي عننا ويوم الاجازه نخرج في اماكن جميله،وشهر يجر شهر وانا مش حاسه بالايام مع سليم حسيت اني بدأت احبه ،لغايت ما في يوم كنا رايحين سوبر ماركت نجيب حاجات 

-سليم انا تعبت من المشي احنا هنجيب اكل  السنه كده مش الشهر 

=انتي رجلي وجعتك يعني ؟

-اه جدا 

=طب اركبي ..اركبي العربيه وهزقك 

-بتهزر لا طبعا الناس 

=تعالي بس مفيش حد اصلا هزقك الممر ده بس 

=ماشي 

*ركبت العربيه وفضل يجري بيا وكنت مبسوطه اوي بعدها لاقيت وحده بتنادي * 

-عليا عليا *وبتجري ناحيتنا* 

يالهوي انا مش مصدقه نفسي انتي وحشتيني جدا *بتحضنها* 

=انا اسفه بس انا ا 

سليم :لو سمحتي ابعدي من هنا *بيتحرك بالعربيه بسرعه * 

-استني بس 

سليم:بقولك ابعدي عننا ابعدي  *بعصبيه وصوت عالي*

ساب الحاجه وخرجنا بسرعه مين دي ؟ و ليه سليم اتوتر كده اول ما شافها ووليه زعقلها بالشكل ده !! كان في اسئله كتيره في دماغي وكنت عايزه اعرف جابتها 

‏