رواية امتلكني بالاجبار الجزء الثاني الفصل العاشر
ادهم دخل عند الدكتور و هو بياخد نفسه بالعافيه . الدكتور بص عليه بهدوء ./ اتفضل اقعد عشان نعرف نتكلم .
ادهم قعد و بصله بهدوء عشان يتكلم ./حضرتك قلقتني يا دكتور . في ايه .
الدكتور طلع التحاليل و الاشعه و بصله بـ اسف ./مقدرش اقول ان الموضوع سهل و في أول مراحله . التحاليل و الاشعه مطمنش خالص . و مدام مريم لازم تعمل عمليه بسرعه و احتمال نعمل استئصال للرحم نفسه .
ادهم بصله بعدم فهم و صدمه ./استئصال رحم . ليه هو في ايه يا دكتور أنا مش فاهم حاجه .
الدكتور اتنهد بهدوء ./ الورم متضخم بشكل كبير . محتاجين نعمل عمليه و نحلله و بعدها نقول لو خبيث أو حميد . بس لازم تعمل العمليه و بسرعه عشان الحاله متوصلش لمرحله اصعب .
ادهم غمض عينه بحزن و هو مش عارف يتصرف ازاي . و اتكلم بسرعه ./ طب انا ممكن اخليها تسافر بره . و نشوف دكاتره تانيين يمكن يكون في علاج غير العمليه دي .
الدكتور اتعدل بتوتر . / صدقني ملهاش حل غير كده . انا كل اللي اقدر عليه اني اقدر اكتبلك علاج و ممكن حضرتك تديهولها بطريقتك . بس لازم تعرف بسرعه عشان مينفعش نتأخر علي العمليه اكتر من كده .
ادهم هز راسه بضعف و خد التحاليل و مشي .
_________________________________________
فات يومين من غير اي أحداث جديده .
مريم حضنت ادهم من ضهره بهدوء../مالك يا حبيبي .
ادهم ابتسم بهدوء و لفها ليه بحب ./ شوية مشاكل في الشغل .
مريم ابتسمت بشك ./مشاكل في الشغل تخليك تفضل صاحي طول الليل .
ادهم اتنهد بتعب و باس ايديها بهدوء ./انا كويس يا حبيبتي متشغليش بالك .
مريم اتنهدت بهدوء و بعدت بسرعه ./اماني زمانها جت . هنزل استناها .
ادهم هز راسه بهدوء و متكلمش .
__________________________________________
نوران اتعدلت بغضب ./يعني هعمل ايه .
.../اتصرفي قدامك شهر . شهر واحد يا نوران يا تخلصي عليها . يا تخلصي منها .
نوران بخوف ./ لا متفقناش علي قتل .
...../اومال احنا عمليلك حورات العمليه دي ليه . قدامك شهر واحد يا نوران . عرفتي تخلصي منها يكون كويس . معرفتيش يبقي عمرها و قدر ربنا احنا مالنا .
نوران ./ انتو ليه مش قادرين تفهمو أن ادهم مش شيفني ..ادهم جه عند بابا و كان عنده استعداد يخسر الشركه اللي بينهم عشانها .
..../بلاش نخليه يشوفك .
نوران ./يعني ايه .
...../هنخليها هي اللي تطلب الطلاق . بس تخلي بالك احنا التلاته في مركب واحده يا اما نطلع كلنا يا هنغرق كلنا.
________________________________________
مريم حضنت فريد بمرح ./ كل ده يا رخم متجيش عندي .
اماني ضحكت بهدوء ./قول لـ خالتو متزعليش بقي .
مريم باسته من خده بسرعه و نزلت بهدوء ./ عز تعالي خد فريد و العبو سواء .
عز هز راسه ببراءة و طلعو بره .
اماني ابتسمت عليهم بهدوء ./عامله ايه مع العيال .
مريم ضحكت بتعب ./مش عارفه والله . شويه كده و شويه كده و بحاول اخلي بالي معاهم . بس مش عايزه اقولك صوت عياطهم هما الاتنين ببقي عايزه اصوت منهم .
اماني ضحكت عليها بهدوء ./طولي بالك شويه .
مريم ابتسمت بهدوء ./بحاول اهو . انتي قوليلي عامله ايه في الشغل الجديد .
اماني اتنهدت بهدوء ./ كويسه اوي . و عمو نصار مش سيبني خالص في موضوع الشغل ده . بياخد مني فريد و يسبني انا اشتغل .
مريم ابتسمت بهدوء ./ربنا يسعدك يا حبيبتي .
اماني اتنهدت بهدوء . /عرفتي أن نوران طلعت .
مريم ضحكت بهدوء ./اه اكيد عرفت .
اماني باستغراب ./مالك .
مريم بهدوء ./هحكيلك .
__________________________________________
مصطفي بغضب ./لا انت قولتلي أن الموضوع كله تمثيليه . انما عمليه و بتاع انا مش هعرف .
..../بقولك ايه احنا هنديله وقته شهر . لو مجتش من عندهم خلاص نصيبها كده .
مصطفي بغضب ./ازاي طيب و انا هعمل كده ازاي .
....../عادي يعني . جرعة بنج زياده . مستحملتش العمليه اي حاجه يعني .
مصطفي بضيق ./و افرض راح لـ دكتور تاني .
..../متقلقش لو حصل احنا هنعرف . و انا من ناحيتي مش هخليك تدخلها عمليات و خليه يطلقها قبل ما تدخل العمليات. بس لو محصلش يبقي نصيبها بقي .
_________________________________________
اماني بعصبيه ./نوران دي حربايه و اكيد وراها حاجه .
مريم هزت راسها برفض ./لا معتقدش ..قعدتها في السجن علمتها بردك .
اماني بسخرية ./مش مع دي . والله يا مريم دي ممكن تعمل اي حاجه متتخيليهاش عشان توصل لـ اللي هي عايزاه .
مريم بصت قدامها بشرود .
اماني بهدوء ./خلي بالك علي نفسك يا مريم . نوران مش سهله .
مريم هزت راسها بهدوء و ابتسمت و هي بتغير الموضوع ./تعالي نطلع نشوف العيال عملو ايه .
اماني ابتسمت بهدوء و طلعو .
________________________________________
ادهم كان قاعد عند نصار بيشتغلو .
نوران بصت عليهم بخبث و هي بتفتكر المفروض تعمل ايه .
نوران دخلت المطبخ بهدوء و شافت الخدامه و هي بتعمل القهوه . نوران قربت منها بهدوء ./ممكن تطلعي انتي و انا هوديها .
الخدامه هزت راسها بهدوء و طلعت . و نوران بصت عليهم بره بهدوء و رجعت تاخد القهوة تاني . و دخلت عندهم بهدوء .
نوران ابتسمت بهدوء و هي بتحط القهوة ./القهوة يا بابا عشان تعرفو تركزه .
ادهم كان مركز في الورق بدون اهتمام . نصار سحب القهوة بنوم ./ شكرا يا نوران جت في وقتها .
ادهم سحب قهوته من غير ما يتكلم . نوران اتنهدت بضيق و طلعت . و ابتسمت بخبث بعد ما اتاكدت أنه شرب القهوة .
بعد شويه ..
نصار قفل الورق بتعب ./كفايه كده خلينا نكمل يوم تاني .
ادهم مسك دماغه بتعب ./انا بقول كده بردك .
ادهم وقف و سند أيده بدوخه .نصار باستغراب ./انت كويس .
ادهم هز راسه بهدوء ./اه كويس .
و سابه و مشي . و نصار طلع اوضته .
نوران فضلت تبص عليه بخبث و طلعت وراه بسرعه . نوران ./ادهم ادهم .
ادهم بص علي لبسها بتوتر ./ايه يا نوران في حاجه .
نوران قربت خطوه ./كنت عايزه اتاسف عن اخر مره عشان حسيت أن ممكن اعملك مشاكل مع مريم .
ادهم هز راسه برفض و هو بيحاول يبعد عينه ./لا مفيش حاجه حصلت .
نوران قربت بخبث ./انت كويس يا ادهم .
ادهم رجع لوره و مشي بسرعه ./اه كويس اه .
و ركب عربيته بسرعه .
نوران ضربت رجلها في الأرض بغضب ./ازاي ازاي مشي .
و قفلت الروب بتاعها بغضب و دخل البيت .
عند ادهم ....
وصل البيت و هو حاسس أن في حاجه غريبه .
عند مريم . كانت واقفه قدام المرايا بهدوء . ادهم دخل و بص عليها بتعب .مريم ابتسمت بهدوء./اتاخرت اوي أن....
ادهم سحبها ليه بدون وعي ./عايزك .
مريم حطت ايديها علي صدره بتوتر ./في ايه يا ادهم .
ادهم دفن رأسه في رقبتها بتلذذ ./ عايزك يا مريم و دلوقتي .
مريم حاولت تزقه بضيق ./ادهم في ايه انت شارب حاجه ابعد .
ادهم حاوط وسطها بدون وعي ./متحاوليش يا مريم .
مريم بصتله بدموع ./ادهم ابعد عشان خاطري متعملش كده .
ادهم غمض عينه برغبه و ضغط علي وسطها بغضب ./اسكتي خالص يا مريم اسكتي .
ادهم سحبها ليه بغضب و بعدين ...
_________________________________________
تاني يوم .
ادهم فتح عينه و هو مش فاكر اي حاجه و اتعدل بقلق لما شاف مريم دافنه وشها بين أيديها بعياط .
ادهم حرك أيده علي كتفها و هو مش فاهم حاجه ./مريم ان...
مريم رجعت لوره بخوف و جسمها بيترعش . ادهم باستغراب ./مريم في ايه .
مريم بصتله بدموع و سخريه ./في ايه . بعد اللي عملته و بتسال في ايه .
ادهم حاول يقرب أيده منها يهديها بس هي رجعت لوره بتعب و خوف . ادهم بتوتر ./مريم قوليلي ايه اللي حصل انا مش فاهم حاجه .
مريم بعدت الملايه عن جسمها بخوف ./ شوف عملت ايه .
ادهم بص عليها بصدمه و هو مش فاكر اي حاجه ./مري..
مريم قاطعته بدموع ./انت اتعاملت معايا كأني واحده جايبها من الشارع يا ادهم . و خدتني بالعافيه و صاحي عامل فيها مش فاكر اي اللي حصل .
ادهم غمض عينه بضيق و هو بيحاول يفتكر ايه اللي حصل بس مش قادر ./مريم صدقيني انا مش فاكر ايه اللي حصل .
مريم بصت عليه بدموع و سخريه و حاولت تقوم . بس غمضت عينيها بوجع و دموعها بتنزل في صمت . ادهم بص عليها بندم و قرب شالها بهدوء رغم رفضها . مريم بصتله بدموع و متكلمتش . ادهم نزلها في البانيو بهدوء ./هجبلك هدومك .
مريم غمضت عينيها بدموع و متكلمتش . ادهم طلع بره و هو بيبص علي نفسه في المرايا بـ قرف . و مش فاهم ايه اللي حصل و لا عمل كده ازاي .
بعد شويه ادهم بص علي باب الحمام اللي اتفتح و طلعت منه و اثر الدموع على وشها . ادهم قرب منها بقلق ./انتي كويسه .
مريم بصتله بقرف و مشت . ادهم مسك ايديها بندم ./مريم خلينا نتكلم .
مريم بصت علي ايديه بدموع و علي جسمها اللي ابتدي يترعش . ادهم بعد عنها و غمض عينه بضيق من نفسه لما افتكر أنها زمان كانت بتترعش كل ما يقرب منها لما تخاف منه .
مريم نزلت راسها لتحت و دموعها بتنزل في صمت . ادهم بهدوء ./مريم خلينا نتكلم شويه .
مريم بصتله بدموع ./ مش قادره يا ادهم .
ادهم اتنهد بتعب عشان عارف أنه عمل حاجه غلط . و مريم مش هتسامحه بسهوله . ادهم بص عليها بهدوء و شافها و هي بتتحرك بتعب . ادهم شالها و نزلها علي السرير بهدوء ./خليكي هنا و هنزل اجبلك الفطار .
مريم بصتله بسخرية و متكلمتش . ادهم نزل و طلع بعد شويه و قعد جنبها بهدوء . ادهم حاول يأكلها بس مريم زقت ايديه برفض ./مش عايزه .
ادهم اتنهد بتعب ./مريم افطري الاول و نبقي نتكلم بعدين .
مريم زقت الاكل بغضب ./قولتلك مش عايزه يا ادهم هو بالعافيه .
ادهم غمض عينه بضيق و فتحها بغضب و سحبها من دراعها بسرعه ./ كفايه دلع يا مريم .قولتلك كلي و بعدين نتكلم بدل ما اتعامل معاكي بطريقه تانيه .
مريم بصتله بدموع و جسمها كله بيترعش بخوف ./نفس عصبيتك . نفس خوفي منك يا ادهم .
ادهم ساب دراعها بتوتر و هو مش عارف عمل كده ازاي بس هو كان حاسس ان هي بتعند قصاده و خايف عليها . مريم حركت أيديها علي دراعها بوجع و خوف . ادهم بص عليها و علي جسمها اللي بيترعش بخوف . ادهم بص عليها بندم ./انتي خايفه مني يا مريم .
مريم هزت راسها بدموع . ادهم حرك أيده علي شعرها بقلق من منظرها ./ انا اسف . اسف والله بس ان..
مريم قاطعته لما بعدت أيده عنها بخوف ./سبني لوحدي يا ادهم .
ادهم بص عليها برفض . مريم بدموع ./سبني يا ادهم مش قادره اشوفك .
ادهم غمض عينه بضيق و طلع بسرعه و هو بياخد نفسه بالعافيه و بيحاول يفتكر ايه اللي حصل . مريم بصت علي اثره بدموع و نامت و هي بتعيط بوجع .
_________________________________________
ادهم كان شايل دنيا و بيلعب معاها بشرود . كاميليا دخلت عليهم بتوتر . /ادهم هي مريم كويسه .
ادهم هز راسه بهدوء ./هي في اوضتها .
كاميليا ./خبطت عليها كتير و هي مش راضيه تفتح .
ادهم اتنهد بتعب ./طب خلي ندي تيجي تشوف دنيا . و انا هدخلها .
كاميليا هزت راسها بهدوء . و ادهم نزل دنيا علي السرير بحرص . و دخل عند مريم . بص عليها بهدوء لقاها نايمه و اثر دموعها علي خدها . ادهم اتنهد بتعب .و قعد جمبها بندم و هو بيحرك أيده علي وشها بحنان . ادهم باس راسها بهدوء و بعد بسرعه ./ مريم ... مريم ..
مريم فتحت عينيها بتعب . بس اتعدلت بخضه و هي بتزق أيده من علي وشها بخوف . ادهم رجع لوره بصدمه و هو مش متخيل أن ممكن يكون اذاها بالشكل ده . ادهم حاول يتكلم بتوتر ./ مريم انا مكنتش هعمل حاجه انا كنت بصحيكي .
مريم غمضت عينيها بدموع ./ مش طايقه اشم ريحتك يا ادهم . ريحتك بقت تخنقني .
ادهم بندم ./مريم انا والله ما فاكر ايه حصل . و لا فاكر عملت كده ازاي . مريم انا ادهم مستحيل ائذيكي يا مريم .
مريم بدموع ./بس انت اذيتني . زي ما بابا اذاني و اذي ماما .
ادهم غمض عينه بضيق ./انا مش زي حد يا مريم انا بحبك مستحيل ائذيكي افهمي .
مريم صرخت في وشه بدموع ./اومال تسمي اللي حصل ده اييه .
ادهم غمض عينه بوجع عشان مش عارف يقول ايه . مريم ضمت جسمها بخوف ./قولتلك يا ادهم متخوفنيش منك عشان مكرهكش . مكنتش عايزه اهد كل حاجه . بس انا مش هقدر يا ادهم اطمن معاك تاني .
ادهم بصلها بعدم فهم ./يعني ايه .
مريم بصتله بدموع ./طلقني يا ادهم .
وووو...
