رواية امتلكني بالاجبار الجزء الثاني الفصل الحادي عشر
ادهم بصلها بعدم فهم ./يعني ايه .
مريم بصتله بدموع ./طلقني يا ادهم .
ادهم بصدمه ./لا اكيد انتي بتهزري .
مريم غمضت عينيها بوجع . ادهم سحبها من دراعها بغضب ./انتي ايه . عايزه ايه بالضبط اسهل حاجه عندك الطلاق . كل مشكله تقولي طلقني. اسهل حاجه عندك انك تبعدي عني يا مريم . ليه تهدي كل اللي بينا عشان مشكله نقدر نحلها . ليه عايزه تعملي كده يا مريم فهميني .
مريم بدموع ./انت ليه مش حاسس بالوجع اللي انت عملتهولي . انا لما كنت بحس اني عايزه اطمن كنت بدخل في حضنك . لما كنت بخاف كنت بدخل في حضنك عشان احس بـ امان . بس انا دلوقتي بقيت محتاجه اهرب من حضنك . لمستك ليا بتخوفني .
ادهم اتنهد بهدوء ./و انا مش هطلق يا مريم . هسيبك تهدي كام يوم و نتكلم بعدين .
و سابها و مشي . مريم بصت عليه بقرف و رمت المخده بغضب علي الارض .
_______________________________________
.....بغضب ./انتي غبيه ازاي تسبيه يمشي .
نوران بضيق ./معرفش ايه اللى مشاه . هو اتوتر كده و مشي بسرعه .
بسخرية ./يمكن معجبتيهوش .
نوران بغضب ./بصو بقي انا عملت و لبست كل اللي انتو قولته عليه ..يا اما البرشام في حاجه غلط . يا ام....
.......بهدوء ./يا اما مقدرش يقرب منك .
نوران بضيق ./في حاجه غلط اكيد في حاجه غلط .
.....بهدوء ./حاولي تروحي عندهم البيت بـ اي طريقه . و اعرفي لو هيسافره او هيروحه مكان .
.... باستغراب ./اشمعنا .
...../ادهم مش غبي و اكيد هيجرب يوديها لـ دكاتره تاني . و الموضوع ده لو اتعرف هنموت كلنا .
نوران بغضب ./ دخلتوني في حوارات انا مليش دخل بيها . و انتي عشمتيني أن ادهم هيكون ليا و خلتيني اتقرب منهم زي ما طلبتي . و مفيش حاجه حصلت .
.....ببرود/اهدي كده يا حبيبتي . كلنا في الهواء سواء .و بعدين احنا لسه بنبدا . و بعدين اللي يخليكي تضحي بنفسك و شرفك عشانه . يخليكي تصبري شويه .
نوران اتنهدت بضيق و سكتت .
_________________________________________
تاني يوم ..
مريم كانت واقفه في المطبخ بشرود . عز دخل عندها ببراءة ./مامي . مامي .
مريم بصت عليه بهدوء ./ايه يا عز .
عز مسك ايديها بهدوء ./ يلا نطلع الجنينه .
مريم ابتسمت بهدوء و سحبت ايديها ./هخلص اللي في أيدي و اجي حاضر .
عز مسك ايديها بضيق ./لا يلا .
مريم غمضت عينيها بضيق ./شويه يا عز و هاجي .
عز بص عليها بدموع و مشي . مريم قفلت الحنفيه بشرود و هي مضايقه من نفسها عشان زعلته .
مريم طلعت وراه بهدوء و ابتسمت بهدوء لما شافته قاعد في الجنينه لوحده .
مريم شالته بسرعه و هي بتضحك ./مش هتلعبني معاك و لا ايه .
عز بص عليها بزعل طفولي مصتنع . مريم ابتسمت بهدوء ./خلاص انا اسفه ممكن متزعلش بقي و تلعبني معاك .
عز ضحك ببراءة و جري منها . مريم ابتسمت بهدوء و جرت وراه و هي بتضحك .
من بعيد ادهم كان بيبص عليهم بهدوء و هو شايف أن اللي حصل بيتكرر . و ان هي بتهرب من اللي جواها معاهم زي ما كانت بتعمل زمان . ادهم اتنهد بضيق و هو مش عارف هيعمل ايه .
بعد شويه مريم طلعت اوضتها بضيق و قعدت علي السرير بحزن و هي حاطه دماغها بين أيديها بتعب . ادهم طلع بص عليها بشك ./انتي كويسه يا مريم .
مريم بصتله بضيق ./ حاجه متخصكش.
ادهم افتكر كلام الدكتور و أن الأعراض ممكن تظهر عليها الفترة دي . ادهم اتنهد بهدوء ./مريم احنا مش هنفضل طول عمرنا زعلانين و كل ده مش هيستمر . خلينا نتكلم و نتفاهم .
مريم بسخرية ./فعلا مش هيستمر .
ادهم قرب منها بهدوء و نزل لمستواها ./مريم احنا مش عيال صغيره . و في بينا بيت و عيال . معقول تحسي اني ممكن ائذيكي في يوم من الايام .
مريم بصتله بتوتر و متكلمتش ..ادهم ابتسم بهدوء و مسك ايديها بس مريم سحبتها بسرعه و رجعت لوره و جسمها بيترعش . ادهم افتكر اللي حصل و أن ده خارج إرادتها . ادهم بهدوء ./ مريم خلينا نروح لـ دكتور عشان...
مريم قاطعته بخوف ./هقوله ايه . هقوله رجعت اخاف من اكتر حد حبيتو في حياتي و اذاني . هقوله جوزي خدني بالغصب . هقوله ايه يا ادهم .
ادهم غمض عينه و فتحها بوجع ./ ليه مش قادره تفهمي أننا فعلا مكنتش في وعي .
مريم بسخرية ./ لو انت مكنتش في وعيك تبقي مشكله اكبر يا ادهم ..مريم كملت بدموع . انا عارفه اني مهما عملت مش هطلقني . بس علي الاقل سبني لوحدي يا ادهم . متخليش اي حاجه تجمعنا ..
ادهم وقف بغضب ./انتي فاهمه انتي بتتطلبي ايه . مفيش عندك تفاهم خالص ..مش قادره تفتكريلي اي حاجه حلوه بينا . انتي ضعيفه يا مريم ضعيفه عشان كده ضعفك متحكم فيكي و مخلي جسمك يترعش كل ما المسك .
مريم بصتله بدموع . /دي تاني مره تعايرني يا ادهم . انا لو كنت ضعيفه فـ ده عشان كنت بقوي بيك و بطمن معاك . بس انت متستهلش يا ادهم ..في كل خناقه بينا لازم تعايرني بحاجه خارج إرادتي . بتستغل نقطه ضعفي عشان تحسسني بضعفي و اني مليش حد .
ادهم غمض عينه بغضب و خبط بايده علي الحيطه بعصبيه و مشي . مريم بصت علي اثره بشرود و دموعها بتنزل في صمت .
_________________________________________
فات اسبوع و مفيش اي جديد . و ادهم اللي بعيد عن مريم خالص عشان ميضيقهاش ..و مريم لسه عند رأيها بس ادهم رافض يطلقها .
مريم كانت قاعده هي و نوران .
نوران كانت قاعده بتوتر عشان حاسه ان خلاص هيبتدو يشكو فيها . عكس مريم اللي مكنتش مركزه معاها و بتحاول تشغل نفسها معاها و مع الاولاد و خلاص .
نوران بهدوء ./انا حسيت اني ممكن اكون عملت مشكله بينك و بين ادهم اخر مره .
مريم هزت راسها برفض و ابتسمت بهدوء ./ لا مفيش اي حاجه حصلت انا عارفه ان في بينكم شغل و انا اللي اسفه عشان مشيت بسرعه من غير ما اسلم عليكي .
نوران ابتسمت بهدوء و كملت بخبث ./اصلي استغربت لما ادهم جه و طلب من بابا اني مدخلش في شغلهم . قولت يمكن حصل بينكم حاجه بسببي .
مريم بصت باستغراب أن ادهم مقلهاش حاجه زي كده . و ابتسمت بسرعه ./ ممكن تسالي السؤال ده لـ ادهم مش ليا . انا مليش دخل بـ شغل ادهم و لا بفهم فيه الصراحه .
نوران ابتسمت بتصنع . ادهم نزل بخبث و حس انها فرصه يقرب من مريم عشان عارف انها هتتكسف تبعده . ادهم نزل بسرعه و قرب منهم بهدوء ./صباح الخير . نوران ابتسمت بهدوء ./صباح النور .
ادهم سحب مريم من وسطها لحضنه بحب و باس خدها بهدوء ./صباح الخير يا حبيبتي .
مريم غمضت عينيها بضيق و هي بتحاول تكتم دموعها و قالت بتوتر ./ صباح النور .
مريم حاولت تبعد بس ادهم كان رافض رغم أنه حاسس برعشة جسمها اللي كانت بتحاول تسيطر عليها . نوران بصت عليهم بتوتر . ادهم بهدوء ./كنت سامعكم بتجيبه في سيرة الشغل ..في حاجه .
نوران بصت بتوتر . مريم بهدوء ./ نوران كانت فاكره أننا طلبت منك متخليهاش تشتغل معاك .
نوران بتوتر ./لا انا مقصدش انا كنت خايفه يكون حصل مشكله بسببي .
ادهم ابتسم بهدوء ./معتقدش أن ممكن تحصل مشكله بينا بسببك او بسبب اي حاجه .... و حرك أيده علي شعر مريم بهدوء .... مريم حبيبتي عارفه انا بحبها قد ايه مش كده يا مريم .
مريم اتنهدت بغضب ..و اتكلمت بهدوء ./ كده طبعا .
نوران ابتسمت بتصنع ./انا همشي انا عشان ورايا كام مشوار كده .
مريم هزت راسها بهدوء عشان تبعد عن ادهم ..نوران مشت بضيق و هي مضايقه من وجودهم مع بعض .
مريم بعدت عن ادهم بسرعه و هي بتاخد نفسها بالعافيه . ادهم قرب منها بتوتر ..بس مريم رجعت لوره بخوف ./انت كنت قاصد تقربني منك و استغليت أنها موجوده عشان تعمل حركاتك دي .
ادهم بص عليها بهدوء و سحبها من وسطها لحضنه بخبث ./ اه كنت قاصد ..و هستغل اي فرصه تخليكي في حضني يا مريم .
مريم نزلت راسها بدموع و جسمها بيترعش من لمسته ./ابعد يا ادهم انا خايفه ..
ادهم كان شايف أنه لازم يضغط عليها .. بس مكنتش قادر يشوفها بالمنظر ده و الخوف مسيطر عليها . ادهم بعد أيده بسرعه ./و اخرتها يا مريم . هنفضل كده لحد امتي .
مريم نزلت راسها بدموع . و متكلمتش . أدهم بص عليها بهدوء و مشي .
_________________________________________
ادهم رجع بليل بعد ما مريم كانت نامت . ادهم دخل عندها بهدوء و ابتسم بهدوء لما شافها نايمه . و قرب من السرير بهدوء عشان متصحاش . ادهم نام جمبها و هو مركز مع ملامحها بحب . ادهم بقي بيلعب في شعرها بهدوء لحد ما عينه وقعت علي العلامات اللي علي دراعها . اتنهد بضيق من نفسه و هو مش فاهم ازاي كان قادر يكون قاسي معاها كده .
مريم اتقلبت بنوم و كان باين علي حركتها أنها بتحلم . أدهم بص عليها باستغراب لحد ما خد باله أنها بتعيط و بتترعش و هي نايمه . ادهم حرك أيده علي وشها بقلق ./ مريم مريم . انتي كويسه .
مريم مكنتش حاسه بـ اي حاجه حواليها و دموعها بتنزل بخوف . ادهم حاول يصحيها بهدوء عشان قلق من منظرها . بس وقف بصدمه لما اتكلمت بدموع ./انا خايفه . خايفه يا ماما اوي .
ادهم غمض عينه بضيق و أتأكد أن مهما عدي عمرها ما هتقدر تتخطي اللي حصلها . ادهم خدها في حضنه بندم و حرك أيده علي شعرها ./ششش. انا معاكي يا مريم اهدي .
مريم سكتت في حضنه بدون وعي و جسمها ابتدي يهدي .
___________________________________________
فات يومين من غير احداث جديده . و ادهم ابتدي يحاول يفكر في صحتها الاول و ازاي يقولها .
ادهم صحي بهدوء . و بص حواليه ملقاش مريم موجوده . ادهم اتنهد بتعب . و طلع يشوفها بره . ادهم دخل اوضة عز بهدوء بس استغرب لما ملقاش حد . و دخل اوضة كاميليا و مكنتش في حد . ادهم نزل بسرعه تحت عند عاليه . ادهم بسرعه ./ فين مريم و الاولاد مفيش حد فوق ليه .
عاليه باستغراب ./انا هنا من بدري و مفيش حد نزل من فوق .
ادهم طلع فوق بسرعه و سحب تليفونه و رن علي مريم بتوتر .
تليفون مريم رن في الاوضه . ادهم مشي وره الصوت بهدوء لحد ما لقاه و شاف الورق اللي تحتيه . ادهم فتح الورقه بتوتر . ( قولتلك اني عارفه أن مهما حصل مش هطلقني يا ادهم . وصلتني اني اهرب منك و من ريحتك اللي بقت بتخنقني و حضنك اللي بقي يخوفني . كنت بحاول يا ادهم بس مكنتش بشوف غير ادهم اللي شوفته ليلة اللي حصل. انا عارفه اول حاجه هتيجي في دماغك ايه . زي ما كل مره كنت بتعايرني بمشاكلي . انا اسفه يا ادهم اني هحرمك من ولادك . بس انت مفكرتش قبل ما تعمل فيا اللي عملته و لا فكرت قبل ما تعايرني في كل مشكله . انا حبيتك اوي حبيتك اكتر من نفسي . بس انت عندك حق خوفي منك سيطر عليا بس انت السبب يا ادهم .)
ادهم قعد علي السرير بصدمه و دموعه بتنزل في صمت . و اتكلم بحزن . /ليه يا مريم ليه تعملي كده ليه .
ادهم طلع تليفونه بسرعه . و عمل كام مكالمة و نزل .
_________________________________________
مريم دخلت شقتها بهدوء عشان عارفه ان ادهم مستحيل يفتكر الشقه دي . مريم بصت بهدوء لـ كاميليا ./اوضتك القديمه زي ما هي هنحتاج نظبط الاوضه التالته عشان عز .
كاميليا بصت بهدوء علي الشقه ./كل حاجه زي ما هي .
مريم ابتسمت بسخرية و افتكرت اخر مره كانت فيها هنا . كاميليا بصت لها بهدوء ./مريم هو احنا مش هنرجع عند ادهم تاني .
مريم غمضت عينيها بوجع و مشت بسرعه ./معرفش . هاتي عز ورايا عشان هينام معايا .
مريم دخلت اوضتها بهدوء . و نزلت دنيا علي السرير بحرص . و خدت عز من كاميليا و نيمته جمبها بهدوء .
كاميليا بصت عليها بتوتر ./ مريم هو احنا كده هربانين .
مريم بتوتر ./ليه بتقولي كده .
كاميليا بهدوء ./خلتينا نمشي بليل من غير ما ادهم يعرف . يبقي اكيد هربانين .
مريم بهدوء ./لا احنا مش هربانين من حد . هنعيش حياتنا عادي كمان زي زمان .
كاميليا هزت راسها بهدوء و مشت . مريم قفلت الباب بضيق . و قعدت علي الكرسي بدموع و دفنت وشها بين أيديها بعياط ./ليه يا ادهم خليتني اعمل كده . خليتني تايهة و مش عارفه ايه هيكون مسيري و مسير عيالنا .
مريم بصت علي عز و دنيا بدموع . و هي مش عارفه هتعمل ايه الفترة الجايه .
