رواية دمعه عين الجزء الثانى وحرب المافيا الفصل العاشر بقلم شيماء طارق
سليم /انا كتبت كل حاجه باسم عين بتاريخ مسبق واتنازلت عن املاكي انا لنديم شكري وطبعا بعد ما اتنازلت عن الشركات وكل ما املك لعين مافضل ليش الا العربيه هي الحاجه الوحيده اللي ملكي
نور/ يا ابن الذين عملتها ازاي دي
سليم /عشان تعرف بس ان صاحبك ما فيش حد يقدر يضحك عليه ولحد ما اعرف مين المجهول ده انا مش هستريح
سليم/طب انت ما عرفتش اي معلومات عنه
سليم/ كل اللي انا ان هو حد عايز ينتقم مني انا وجدي
نور /وايه سبب العداوه دي يا سليم انا اللي اعرفه ان كل الناس بتحب عائله البدرون عدوتك مع ناس معينه وهم معروفين بس يجي حد جديد دي مشكله
سليم /المشكله ان انا مش فاكر اي حاجه حصلت مع اي رجل اعمال او كره من اي حد انا لحد دلوقتي كل حاجه قدامي عليها علامه استفهام
نور /وعز ما اعرفش اي حاجه
سليم/ الفريق بتاعه شغال على اكمل وجه بس المجهول ده حد ذكي بما فيه كفايه
نور/ اي مجرم مهما كان ذكي هيسيب اي حاجه وراه هيدل على شخصيته
سليم/ اكيد بس كنت عايز اسالك على حاجه
نور/ في حاجه حصلت تاني ولا ايه
سليم /لا بس كان في واحد اسمه عبد الرحمن مدبولي كان عامل مشاكل مع جدي وكان رافع قضيه على عيله البدران وكان بيقول فيها ان عيله البدران اجهضت مراته بدون علم
نور/ عبد الرحمن مدبولي
عبد الرحمن ده شخص كويس جدا ومحترم جدا يا سليم
سليم بقلق/ انت تعرف عبد الرحمن ده يا نور؟
نور/ مش قوي بس اللي انا اعرفه ان هو كان معايا في نفس الدفعه انا وهو كنا في كليه واحده وكان معروف ان هو انسان محترم وملتزم وكان حياته كلها للعلم بس وكان مفروض بعد ما يتخرج يتعين معيد بسبب لانه كان بيجيب اعلى الدرجات بس انت عارف ان احنا عايشين في بلد مليانه بالكوسه ابن الدكتور هو اللي تعين معيد وبعد كده ما اعرفش عنه اي حاجه
سليم /تمام قوي انا هكلم زين وعز يعرفوا لي كل حاجه عن عبد الرحمن ده
نور /انت شاكك في عبد الرحمن
سليم/ انا لازم بعد كل اللي حصل معايا لازم اشك في اي حاجه يا نور وكمان المجهول بيقول لي ان اللي كان سبب وفاه مراتي واحد من عيلتي يعني ريم ماتت بسبب حد من عيلتي انا عقلي مشتت
نور /ده بيوقعنا في بعض يا سليم هو عايز يشوفنا واحنا بنتخانق مع بعض عايز يشوفنا اعداء
سليم /هو ده فعلا اللي انا عايز ان هو يشوفنا ان احنا اعداء
نور /وهتستفيد ايه يا سليم لما توصل له المعلومه دي
سليم /علشان احسسه ان هو نجح وانه هدفه بدا يتحقق نور ربنا معاك يا صاحبي صح كنت عايز اسالك عن حاجه
سليم /اتفضل؟
نور/ انت ما تعرفش حاجه عن نعيمه
سليم/ الغريبه ان هي اختفت خالص وما عرفناش عنها اي حاجه
نور /ربنا يستر اكيد بتدبر نصيبه جديد
سليم/ انا جاهز لاي حاجه وربنا يستر وما تقلقش يا عم طول ما ربنا معانا وكلنا ايد واحده ما فيش حد هيقدر علينا هنقدر نحارب اي حد وما فيش حد هيقدر يقف قصادنا
نور /اكيد يا صاحبي اتكل على الله انت بقى وروح شوف مراتك وابعتلي منار
سليم /والله العظيم انت عيل رزل ومش هتكبر انا بحاول احترمك عشان انت اكبر مني بس انت مصمم اني اقل منك
نور / بقول لك تحترم نفسك بقى ياض روح ابعتلي منار ملخص بقى
سليم /انا كده كده كنت ماشي عشان طمطم على وصول
نور /فاطمه نزلت مصر
سليم/ ايوه بعد زن كتير طلعت عيني لحد ما وافقت انه تيجي تقعد معانا اسبوع بس يبقى تقابلني لو انا سبتها تمشي
نور/ سيبها براحتها يا سليم
سليم بعصبيه/ وفيها ايه يا نورا ما تقعد وسط عيلتها انا عايز العيله تكون مع بعض عشان اقدر احميها مش عايز اكون مشتت
نور /اهدى يا سليم ان شاء الله خير بس استنى عليها كم يوم وبعد كده فتحها في الموضوع علشان ما تزعلش وتمشي انت عارف فاطمه اما بتتعصب مفيش حد هيقدر يقف قصادنا
سليم /ان شاء الله
نور/ يلا بقى يا عم روح ابعتلي منار
سليم /شكل الموضوع ده ورا ان ؟
نور /مراتي يا عم وبحبها انت مش متجوز روح عيش بقى وسيبني اعيش!
سليم/ دي مراهقه متاخره على فكره مش حب
نور /ما لكش دعوه يا عم يلا اتكل على الله
سليم/ ماشي يا نور
خرج سليم من اوضه وهو مبتسم سليم وقت ما بيكون زعلان قوي متضايق لو قعد 10 دقائق مع نور بينسيها همه اهم حاجه في الحياه هم الاصدقاء مهما كانت الحياه صعبه بيهونوا علينا كثير
دخل سليم الجناح بتاعه كان فاضي وعين مش موجوده
دخل الحمام اخذ شاور وبعد كده خرج لبس هدومه وبرده عين مش موجوده طلع من الاوضه علشان يدور عليها في الوقت ده كانت عين في اوضه محمد ومن فرحتها مش عايزه تسيبه
سليم/ ايه يا مدام هي ايه اللي جابك هنا
عين /محمد واحشني قوي يا سليم مش عايزه اسيبه
سليم/ والله يا اختي يلا يا عين قدامي زي الشاطره كده على اوضتنا يا قمر عشان ما اعملش معاك الغلط هنا
عين/ علشان خاطر يا سليم سيبني هنا النهارده بس
سليم /انت عارفه ان انا ما اقدرش انام وانتي بعيده عني يلا يا عين احسنلك بدل ما اشيلك ادخلك الجناح بتاعنا بالعافيه
عين /لا الطيب احسن اتفضل حضرتك قدامي
مسك سليم عين من ايديها وخدها ودخل الجناح بتاعهم
سليم /اتفضلي يا مدام حلوه قوي بقيتي بتعرفي تنامي في مكان بعيد عني
عين /ايه كلمه مدام اللي انت ماسكلي فيها
سليم /انتي هتنكري ان انتي مدام سليم بدران
عين/ لا طبعا ده شرف ليا يا سليم بيه
سليم/ بطلي نهزر
عين /والله العظيم ما بهزر ده احسن حاجه حصلتلي في حياتي ان انا بقيت حرم سليم بدران احسن راجل في الدنيا كلها حاجه كده جنتل مان وانا عارفه ان البنات كلها بتحسدني عليك
سليم /مش للدرجه دي
عين/ تعالى معايا انت مش شايف نفسك
سليم /رايحه فين يا مجنونه
عين/ هوريك نفسك
سليم /هتوريني نفسي ازاي
عين /تعالى المرايه قدامك اهي انا متجوزه راجل عينيه خضراء وشعره بني حاجه كده قمر ازاي بقى البنات مش هيحسدوني عليك
سليم /انا اللي بحسد نفسي عليك يا قلبي سليم
عين بكسوف /بس بقى عشان بتكسف
سليم / انت بتعاكسيني من الصبح وانا اما اجي اعاكسك تتكسفي وتقلبي لي فراولايه
عين / انت رخم قوي على فكره
سليم /يا بنتي احترميني شويه راعي فرق السن اللي بينا
عين /على فكره لو قلت كده تاني انا هزعل منك
سليم /وده حاجه هنقدر نخبيها يا عين مع الوقت كله هيعرف ان الفرق بيننا كبير جدا والناس هتفضل تضايقك وانتي لما تكوني عندك 22 سنه 23 سنه هتبقى عايزه شاب في سنك مش راجل عجوز تعرفي ياعين لو اتجوزت وانا صغير شويه كنت جبت بنوته في سنك كده😞
عين /بس انت في نظري اجمل واحلى راجل في الدنيا كلها انا بحبك قوي ما اقدرش استغنى عنك وكمان انا مش شايفاك كبير انا حاسه ان ما فيش فرق بينا بالله عليك شيل الحاجز ده يا سليم
سليم حط ايده على خدها
سليم/ وانا بعشقك يا قلبي سليم انتي احلى حاجه حصلتلي في حياتي انتي العوض اللي ربنا بعتهلي بس خوفي عليكي هو اللي مخلي الحاجز ده موجود يا عين انا بحبك وبخاف عليكي لدرجه ان انا بخاف عليكي من نفسي
عين /على فكره الكلمه دي بتاعتي انت احلى حاجه في حياتي انت عوض ربنا ليا وربنا يخليك ليا وما يحرمنيش منك يا احلى حاجه في حياتي حاول تشيل الخوف ده من قلبك علشان نقدر نكمل مع بعض سليم انا ممكن اموت لو انت بعدت عني
سليم/ الله احلى دعوه سمعتها ربنا يخليك ليا يا بنت قلبي
عين مسكت ايد سليم
عين /ايه بنت قلبك دي على فكره انا بزعل قوي اما بتحسسني بفرق السن اللي بينا يا سليم انا عايزه اشيل الحاجز اللي بينا ده انا بحبك وانت بتحبني لو سمحت يا سليم بلاش البعد اللي انت عامله ده انت بعيد عني قوي انا عايزه اقرب منك على فكره انت جوزي وانا مراتك ما ينفعش طريقتك دي
سليم مسك ايد عين وبص في عينيها
سليم/ بنت قلبي محمد اجباري هتعرفي معناهم علشان تعرفي بس اني انتي لسه صغيره وقدامك الدنيا ممكن في يوم من الايام تندمي ان انتى اتجوزت حد اكبر منك في السن انت لسه مش فاهمه معنى كلامي ها عين بكره تكبري وتفهمي وتاخدي قرارك بنفسك
عين/ عمري مهندم والله انا بحبك وبلاش كلمه سن مراهقه اللي انا ما عشتهوش ومش عايز اعيشه انا كل حياتي هتبقى معاك انت منجدي وحبيبي انت كل حاجه في حياتي انت انت الملاك اللي ربنا بعته لي علشان ينقذني من اللي انا كنت فيه انت حبيب روحي
اقترب سليم من عين وحط ايديه على وشها اخذ شفتاها في قبله عميقه عبر فيها على مدى حب لها واشتياقه لها تبادلت عين القبله
عيب كده يا جماعه نسيبهم لوحديهم
شويه فاء سليم في اخر لحظه
سليم /انا اسف او يا عين انا خلفت بوعدي
عين حطت ايديها على وش سليم
عين /يا حبيبي انا مراتك افهم بقى
سليم /مش قبل ما تكوني اكبر دكتوره اطفال في مصر كلها
عين /سبع سنين بحالهم حرام عليك يا سليم
سليم /لو تفوقتي في الدراسه هنزل من مده شويه
عين /حاضر من عيني على فكره نتيجه الثانويه هتظهر بكره
سليم /بجد بالتوفيق يا قلبي وانا واثق فيك
عين/ ان شاء الله
باب الاوضه خبط سليم مين
الخدامه/ فاطمه هانم جت وبتسال على حضرتك
سليم/ تمام روحي انتي وانا هاجي وراكي
عين/ هي دي عمتك اللي كانت مسافره
سليم /ايوه انا اتصلت بيها علشان خفت عليها ليحصل لها اي حاجه علشان انتي شفت المشاكل اللي بتحصل في العيله فحبيت تكون العيله كلها متجمعه ما فيش حد غايب عنهم
عين/ انا قابلتها قبل كده اول ما اتجوزنا
سليم/ اه هي كانت لسه موجوده علشان فتره الاجازه وبعد كده بتسافر تاني عشان بتباشر الشركه بتاعتنا في امريكا
عين /يلا طيب عشان نروح نشوفها
سليم/ يلا يا قلبي
_________________________
نزل سليم وعين تحت
سليم خد فاطمه في حضنه
سليم /وحشتيني يا طمطم
فاطمه / الندل وصل يا جماعه
سليم/ ايه اللي حصل انا عملت حاجه
فاطمه /واحد اسمه سليم عمل خطوبته من غير ما يقول لعمته
سليم /انا افتكرت اني في حاجه يا طمطم ده انا بقول لك وحشتيني يا بنتي
فاطمه/ ولا وحشتيني ولا بتاع انت ما بتسالش عليا وكمان رايح تقول لي اللي بابا تعبان قوي وحالته صعبه وخليتني جيت من امريكا في 24 ساعه وبابا ما شاء الله صحته زي الفل يعني حضرتك بتكذب عليا انا ربيتك على كده
سليم /ربيتي مين يا بنتي على فكره احنا الفرق بيننا هي سنه واحده
الجد /خلاص يا فاطمه ما تزعليش يا حبيبتي هو كان عايز يشوفك عشان انتي وحشتينا تعالي بقى اقعدي وريحي شويه جهزوا الغداء يا بنات علشان فاطمه اكيد جايه تعبانه واكيد جعانه
فاطمه/ ومين سمعك يا بابا هموت من الجوع والله خلصوني بقى علشان انا ثلاث ايام بالظبط وهسافر
سليم/ احنا كنا متفقين على اسبوع فمش عايز كلام كثير خلص الكلام يا فاطمه
فاطمه /انت بتزعقلي قدام مراتك والله لاوريك
سليم /اهدي شويه عشان برستيجي قدام العيله وكمان انا الراجل لسه متجوز جديد مش هتبوظي برستيجي قدام مراتي
فاطمه /انت اللي عايز تبوظ برستيجك اهدى كده علشان انت عارف اما بزعل ببقى وحشه
سليم/ اهدي يا طمطم انت الكبيره
فاطمه/ اوعى كده من وشها عشان اسلم على البنوته القمر اللي وراك دي
سليم /اتفضلي حضرتك
عين/ ازاي حضرتك يا طنط فاطمه
فاطمه /طنط مين يا حبيبتي قولي لي طمطم على طول
عين/ حاضر
فاطمه/ تعالى في لحم اخوك يا فوزي
عين بابتسامه/ حاضر
سليم/ هي دي فاطمه اللي متعودين عليها عايزك تفضلي طول عمرك تضحكي يا طمطم مش عايز زعل خالص
فاطمه/ طول ما انت معايا عمري ما هشوف الزعل انت صديقي مش ابن اخويا
سليم /طب تعالي بقى استريحي
كان سليم وبيشاور لها على الكرسي اللي جنبه
فاطمه/ لا انا هطلع اوضتي اخذ شاور وانزل لكم
يسرا/ انتى ما سلمتيش عليا يا فاطمه
فاطمه /حبيبتي يا سوسو تعالي في حضني يا قلبي
سلمت يسرا على فاطمه وبعد كده كانت فاطمه طالعه اوضتها لكن وقفت مكانها اول ما سليم بيقول
سليم/ انا كنت عايز اسالك على حاجه يا جدو
الجد/ اتفضل يا سليم عايز تسال على ايه
سليم/ تعرف واحد اسمه عبد الرحمن مدبولي
فاطمه كانت طالعه السلم اول ما سمعت سليم وقفت مكانها متخشبه ما كانتش قادره تتحرك خالص
فاطمه بخوف وقلق/ وانت تعرفوا عبد الرحمن منين وليه بتسال عليه؟؟؟؟
