رواية تحت التهديد الفصل العاشر بقلم ليل ادم
الامين محمد: عم طارق زياره
عم طارق: مين
الامين محمد: طب تعالي طب وهتعرف مالك يا عم طارق
خرج عم طارق مع الأمين محمد من الحجز
الامين محمد: ( وقف مره واحده ولف ل عم طارق) أنا لو جبت الف عقل على عقلي مش مصدق انك تعمل كده اتكلم قولي لا علشان خاطر ربنا هتجنن ياجدع
عم طارق: (طبطب ع كتف الأمين محمد مبتسم ) لا أنا ياعم محمد متتعبش نفسك وتفكر
الامين محمد: مين اللي يهمك اوي كده علشان تشيل حاجه زاي دي بداله أنا هسكت بس ولا أنا ولا اصغر طفل في اخر الدايره مقتنع انك تعمل كده خلي بالك انت حميت واحد ب واحد كل اهل المنطقة بتتحاما في فكر ياعم طارق فكر في كل الناس اللي هتاكل بعضها بره فكر في كل واحد مش عارف ياخد حقه ربنا جعلك سبب تجيب حقه الوقتي هيروح فين
عم طارق: ربنا هيجعل ليه سلطان لحد ما ياخد حقه ياعم محمد
الامين محمد: محمد بيه جاي ليك زياره مستنيك في مكتب سامح بيه ادخل ياعم طارق (وفتح باب المكتب)
محمد بيه: (أول ما شاف عم طارق خده بالحضن) اي ياجبل مالك
عم طارق: استراحه بسيطة بس يا محمد بيه
سامح بيه: اه فعلاً استراحه أد ١٥ سنه كده (وبيضحك)
عم طارق: اضحك كتير يا سامح بيه اضحك من قلبك بس تملي حط في دماغك وانت بتضحك انك لسه مشيلتش نعشي على كتفك واعرف اني حجزت اخر عشرين سنة من عمري ليك مش خسارة فيك
محمد بيه: القسم اللي عمل فيك كده ياعم طارق
سامح بيه: عيب عليك يا محمد بيه انت راجل شرطه عيب تقول علينا كده
محمد بيه: عم طارق أنت كان في ايدك اكتر من كده وعمرك ما فكرت في الموضوع أنا متأكد انها مش منك اتكلم بلاش تشيل ليله مش بتاعتك مش عايز تتكلم أنكر قول أنها مش حاجتك إنما تعترف ليه وهيا مش بتاعتك
عم طارق: علشان أنا عايز استريح من العالم شويه يا محمد بيه انا تعبت من بره واللي بيحصل بره وناس بره اللي زاي يا محمد بيه ملوش عيش في الدنيا يا اكون ظالم يا أكون ضعيف وفي حالي إنما قوي واقف مع الكل ميعجبش الناس دي علشان كده أنا حبيت ارتاح وخلي الناس كلها تقول طارق بتاع مخدرات وظالم مش عايز أما أطلع من هنا حد يفوت قصاد بيتي ولا على حق ولا على باطل
محمد بيه: وانت فاكر الناس كده خلاص اقتنعت لا تعالي شوف بنفسك (وشد عم طارق من أيده تجاه شباك المكتب علشان يشوف الناس اللي وقفه قصاد القسم عايزه تعرف عم طارق هيعمل اي)
عم طارق: عايز ارجع الحجز
سامح بيه: يا امين تعالي خد عم طارق بعد اذنك يا محمد بيه الزيارة انتهت
محمد بيه : ( خرج من مكتب سامح بيه غضبان من تصرفات سامح بيه جدآ)
في جانب آخر
علاء: أنا عملت اللي طلبته مني ودخلت راجل ملوش ذنب في قضيه يا عالم هيطلع منها ولا لأ جاي الوقتي تقولي هفكر أن كنت اكمل مع عزه ولا لأ انت دخلتني القصه دي غصب عني علشان أدتني عهد انك تجوزني عزه لو عملت كده
الأب: أنا عايز اعرف انت اذاي عايزني اجوزك وحده ابوها تاجر مخدرات انت مجنون
علاء: لا يا خالد بيه عم طارق مش تاجر مخدرات أنا اللي خليته تاجر مخدرات بسببك وخلي بالك أنا مش هسيب عزه هتجوزها حتى لو انت رفضت
الأب: اطلع بره قبل ما غضبي يطولك بره
غادر علاء المنزل وكان مستاء جدا من تهرب والده عن الاتفاق معاه
في جانب آخر كانت عائشة وعزه في منزل الاسكندريه معندهمش علم بما وصل ليه عم طارق
وكان خالد بيه مقرر أنه يروح يقابل عائشه وبنتها ل إلغاء الإتفاق بينه وبين أهل عزه خصوصاً بعد ما اتضح أن عم طارق تاجر مخدرات
ولما وصل الي المنزل كانت ست عائشه في الانتظار
عائشه: بس غريبه الزيارة دي يا خالد بيه
خالد بيه: أنا حبيت اجي اتكلم معاكي خصوصاً بعد اللي حصل علشان بصراحه مينفعش علاء ابني يتجوز واحده ابوها تاجر مخدرات انتي يرضيكي تضري مستقبل علاء يا عزه
عزه : ( في صدمه ) هو بيقول اي هو مين اللي تاجر مخدرات
عائشه: انت بتقول اي
خالد بيه: بقول الحقيقه هو أنا بكدب انتي عايزه تعرفيني انك مش عارفه أن طارق مقبوض عليه في جريمه تجاره المخدرات
عائشه: انت مجنون صح
خالد بيه: طب أنا هسيبك تتأكدي براحتك بس حابب اقول كلمتين انا اتكلمت من غير عنف أو قله ذوق إنما لو عرفت أن بنتك على علاقه ب ابني هتزعلي عليها
عائشه: اطلع بره
خالد بيه: تمام اطلع بره بعد اذنك
عائشه: غور في داهيه
عزه : ماما هو بابا فين هو بيتكلم بجد بابا فعلاً عمل كده
عائشه: ادخلي اوضتك الوقتي يا عزه خليني اشوف المصيبه دي
وفعلاً تأكدت عزه من اهل المنطقة أن طارق في القسم بتهمه حيازة مخدرات وقررت تاخد عزه وترجع القاهره من تاني علشان تكون جمب طارق
وبعد العودة كانت أول زيارة ل عائشه وعزه في القسم ل عم طارق
عم طارق: رجعتي ليه يا عائشه
عائشه: رجعت ليه انت بجد بتسألني رجعت ليه يا طارق
عم طارق: خدي عزه و أبعدي خالص يا عائشه محدش هيرحمكم من بعدي
عائشه: (ضمت طارق) متقولش كده انت معملتش حاجه يا طارق انت متعملش كده
عزه : علشان خاطري أنا قولي أنه مش انت انا هكدب العالم كله وهصدق انك معملتش كده
نظر عم طارق الي عزه بقله حيله وانكسار لما يظهر عليه في حياته
عزه : يعني اي يعني انت اللي دمرت حياتي وضيعت مستقبلي طب ليه ما احنا عايشين والحمد لله دا انا دكتوره اقعد وسط اصحابي اذاي أنا مش ممكن أسامحك ابدأ انت أناني
عائشه: (ضربت عزه بالقلم) اسكتي حسك عينك تقولي كده على ابوكي
عم طارق: بس يا عائشه سيبيها
عزه : قوليله قوليله خالد بيه اللوء قال عننا اي احكيله قالك هعمل اي لو عرف أن ابنه بس اتكلم معايا قوليله أن محدش كسر قلبي غيره بدال ما تضربيني خليه يقول ليه عمل كده
عم طارق: امشي يا عائشه وخدي بنتك ابعدي خالص عن المنطقة ابعدي عن اي مكان يكون في لو راجل واحد يعرف طارق منصور أبعدي خالص يا عائشه
عزه :(ببكاء شديد )حتي اناني في ردك مش عايز تطمن قلبي وتقول مش انت بلاش تعمل خايف علينا انت فكرت في نفسك وبس بلاش تكدب علينا
عم طارق: (ضم عزه من كتفها وبصوت عالي وغضب شديد) اسكتي بقا خلاص مش عايز اسمع كلمه تاني امشي يا عائشه
خدت فعلاً عائشه بنتها ورجعت الي المنزل وكان علاء في انتظار عودتهم
علاء : عزه انتي مش بتردي عليا ليه
عائشه: اسمع أنا علشان قلب بنتي ميتعبش اكتر من كده هسيبك تخرج سليم من هنا إنما خلاص انت من سكه واحنا من سكه
علاء: :(افتكر انهم عرفوا الموضوع) والله غصب عني ابويا ضغط عليا جدا أنا عملت كده علشان بحبك يا عزه وعمري ما حبيت غيرك
عزه : و ابوك كتر خيره جاي يقولي اني لو كلمتك تاني او عرفتك هيأذيني ابوك قطع اي حاجه ما بنا يا علاء
علاء: انتي بتقولي اي ابويا عمل كده
عائشه: لا متستغربش كمان ابوك تجرء علينا علشان طارق مش موجود إنما لو كان موجود مكنش ابوك فكر بس يفتح بوقه
علاء: لا يا عزه أنا مليش دعوه ب كلامه أنا بحبك مش هسيبك مهما كان لو حصل اي انتي فاهمه مش هسيبك
عائشه: امشي يا علاء كفايه لحد كده يابني و ذاي ما قال ابوك مينفعش تحط ايدك يابني في ايد واحده ابوها تاجر مخدرات
علاء: لأ عم طارق مش تاجر مخدرات ابويا هو اللي عمل كده عم طارق ملوش ذنب
عائشه: (مش فاهمه كلام علاء ) امشي يا علاء بقولك
علاء: انتي مش مصدقه ليه بقولك عم طارق برئ الكيس ده بتاعي أنا بابا ضغط عليا احطه عند عم طارق علشان يقبل اني اتجوز عزه وبعد ما عملت اللي قال عليه رجع في كلامه أنا مش عارف اعمل اي حاجه من ساعه ما ضيعت عم طارق
عزه :(بتبكي ب حرقه ) أنا لازم اروح ل بابا الوقتي حالا
عائشه: لازم نروح بعد الكلام ده أنا مش هخلي طارق يشيل مكان ابوك يا علاء
علاء: أنا اللي هتحبس لو روحت معاكم القسم والله ما كنت اقصد اعمل كده في أبوكي يا عزه
عزه: نروح وتحكي كل حاجه قصاد بابا وهو عارف هيعمل اي غير كده مش عايزه اشوف وشك تاني
علاء: اخاف منه اخاف يعمل فيا حاجه
عائشه: أنا متأكدة أن طارق عارف أن انت اللي عملت في كده يا علاء ولو كان عايز يعمل فيك حاجه اقسم بالله ما كان حد قدر يقف قصاد طارق امشي معايا
