رواية تحت التهديد الفصل الحادى عشر بقلم ليل ادم
وبعد وصول علاء مع عائشه و عزه الي القسم وخروج عم طارق من الحجز ل زيارتهم
علاء: ممكن تسبوني ادخل ل عم طارق لوحدي
عائشه: لي تاني يا علاء انت ناوي على غدر تاني
علاء: مهما كان اللي في دماغي لا يمكن هيكون أشد من اللي حصل بس أنا عايز اقعد مع طارق من فضلكم
عزه : سيبي علاء يا ماما متقلقيش من حاجه كده كده عمرها ما هتخرب اكتر من كده
عائشه: تعالي نطلع بره يا عزه
كان عم طارق دخل المكتب في نفس الوقت
عم طارق: رايحه فين يا عائشه
عائشه: ادخل يا طارق أسمع علاء عنده كلام مهم
عم طارق: اهم من اللي عمله يا عائشه
عائشه: (بصدمة) انت عارف أن علاء هو اللي عمل فيك كده يا طارق وساكت
عم طارق: وطي صوتك علشان بنتك
عائشه: عرفت كل حاجه يا طارق علاء اعترف بكل حاجه
عم طارق: فين هنا قال ل حد في القسم
عائشه: لا في البيت عندنا
عم طارق: أنا مش عايز حد يتكلم في الموضوع ده وانتي وقفه بعيد ليه تعالي جمبي هنا
عزه : مش عارفه اقولك اي حقك عليا انا اسفه
عم طارق: هششش مش عايزك تتكلمي انتي كان عندك حق في كلامك بس علشان أبوكي عمره ما يعمل حاجه توطي راسك مزعلتش منك (وضم عزه وعائشه في حضنه)
عزه: ربنا يخليك لينا يا حبيبي يارب
عم طارق: ويخليكم ليا يا حبيبتي خليكم هنا (وفتح باب المكتب ودخل ل علاء)
علاء: حقك عليا يا
عم طارق: هشششش اهدا بعد اذنك يا سامح بيه عايز علاء في موضوع شخصي
سامح بيه: اه ماشي (وخرج من المكتب)
عم طارق: اسمع أنا عارف انك عامل كده غصب عنك أنا عايز اعرف كلمتين بس مين اللي داس عليك تعملها
علاء: بابا واللي قاله يعمل كده منير بيه مأمور القسم هنا
عم طارق: بس مش عايز اعرف اكتر من كده الموضوع ده يتقفل خالص خد عائشه وعزه وارجع البيت
علاء : هتعمل اي
عم طارق: مش شغلك اللي جاي يكون احسن متعرفش عنه حاجه
علاء : مسامحني يا عم طارق
عم طارق: مش وقته يا علاء ياله اعمل اللي قولتلك عليه واللي حصل ده محدش يسمع بي انت فاهم
علاء: حاضر والله مش هتكلم
عم طارق: تمام ياله على البيت
بعد خروج علاء
سامح بيه: اي ياعم طارق خلاص ينفع ادخل مكتبي
عم طارق: طبعاً يا سامح بيه (وخرج من المكتب الي الحجز مع الأمين محمد )
الامين خالد: عم طارق
عم طارق: عاش من شافك يا عم خالد
الامين خالد: هتشوفني كتير ما انت عندي في مكاني
عم طارق: لا ولسانه طويل وبيعرف يقول
الامين خالد: عايز اقولك حاجه مهما يا عم طارق
عم طارق: مش اهم من اللي عايز اقولك عليه (وذق الامين محمد وقفش الامين خالد من رقبته وبدأ يضرب في بكل غل محدش عارف يمسك عم طارق وكان الأمين خالد بينزف دم بشده لحد ما أتلم الامناء وعساكر القسم قفشت عم طارق بعيد عن الأمين خالد )
سامح بيه: انت فاكر نفسك في الشارع
عم طارق: لا فاكر نفسي في القسم وكل ما عيني هتجيبك يا خالد هقطعك أنت حر
سامح بيه: خده انفرادي
الامين محمد: تحت امرك يا سامح بيه امشي معايا ياعم طارق
عم طارق: (بصوت واطي) تسلم يا عم محمد
الامين محمد: هو أنا يعني ياعم طارق هسيبه يقف يتكلم معاك كده عيب عليك
عم طارق: طول عمري بقول عليك انت ومحمد بيه انضف اتنين هنا
الامين محمد: معلش بقا هتدخلي الانفرادي بس لو احتجت حاجه أنا رايح جاي عليك مش هسيبك
عم طارق: أنا محتاج حاجه وحده ياعم محمد معلش
الامين محمد: عايز اي يا عم طارق
عم طارق: عايز اطلع من تحت ايدك علشان أنا هخرج من هنا مش عايزك تضر بسببي
الامين محمد: لا لا لا مش هينفع يا طارق كده غلط
عم طارق: خليها بعيد عنك
الامين محمد: سامح بيه سابني معاك علشان عارف انك بتعذني محدش هيكون مسؤول عليك هنا غيري
عم طارق: أنا بكره نازل نيابه قبل ما انزل هعمل معاك مشكله و سامح بيه هيقلق عليك هيطلع معايا حرس المحكمه انا مش عايزك انت بالذات تنزل معايا
الامين محمد: مش عارف اقولك اي يا عم طارق بس ليه كل ده ما تعترف وترحم نفسك يا ابني
عم طارق: اللي ورا كل ده اكبر من اني اعترف عليه فهمت يا عم محمد
الامين محمد: يعني مش انت والكيس مش بتاعك
عم طارق: ايوه يا عم محمد مش بتاعي
الامين محمد: يبقا ربنا معاك يا طارق اعمل اللي انت عايزه
عم طارق: تسلم ياراجل يا طيب
في اليوم التالي
سامح بيه: ألو
الامين محمد: مصيبه يا سامح بيه طارق منصور هرب من النيابه
سامح بيه: ( قام وقف من الخضه) ينهار اسود انت بتقول اي
الامين محمد: لسه حالا مكلمني في النيابة
سامح بيه: اقفل اقفل ( وخرج جري على مكتب مأمور القسم)
منير بيه: حد يدخل من غير استئذان كده يا سامح
سامح بيه: طارق منصور هرب
منير بيه: ايه
سامح بيه: هنعمل اي الوقتي احنا في خطر كلنا
منير بيه ( طلع تليفونه)
سامح بيه: بتكلم مين
منير بيه: لازم خالد بيه يعرف أن طارق منصور هرب لازم كل واحد فينا يكون عارف كويس اوي أننا خطر بجد مش تهديد في الهواء
سامح بيه: أنا هاخد قوه من القسم هنزل على بيت طارق منصور
منير بيه: مش هيرجع على بيته يا سامح طارق منصور هيرجع علي حد فينا والله اعلم أن كان عارف أن خالد بيه معانا ولا أنا وأنت شيلنا كل حاجه لوحدنا
سامح بيه: لالالا مفيش الكلام ده احنا في مركب واحده علشان يبقا فاهم بس
منير بيه: روح الوقتي يا سامح سبني اشوف ممكن نعمل اي
وفعلا خد سامح بيه قوه من القسم نزل على بيت عم طارق وكل الاماكن اللي ممكن يكون طارق فيها
في جانب آخر
عم طارق: لسه فيكم الروح يا ولاد غنام
سيد غنام: هموت عايز اشرب انت مش انسان
عم طارق: (فك ايد سيد غنام) اشرب
سيد غنام: انت عايز مننا اي يا طارق
عم طارق: طارق كده حاف
سيد غنام: عايز مننا اي ياعم طارق
عم طارق: هقولك
سيد غنام: قول
عم طارق: أنا وقعت في قصه مش بتاعتي تاخد من خمس ل سبع سنين حتت كيس بودره من اللي بتشتغلوا في عايز حد منكم يروح مكاني الرحله دي جاي منك ولا من اخوك ناجح
ناجح غنام: وأنا اتحبس مكانك ليه
عم طارق: علشان ما تموتش
ناجح غنام: لا اموت احسن
مكملش الكلمه كان عم طارق ضربه بالنار
عم طارق: ها جمبه ولا خمس سنين
سيد غنام: ينهار اسود قتلت الواد يا طارق يا منصور
عم طارق: يبقا جمبه (وشد اجزاء سلاحه)
سيد غنام: لأ هقول هعمل اللي انت عايزه
عم طارق: هتخرج من هنا تشغل دماغك وتروح القسم تقول اني هددتك اني قتلت اخوك انت طبعاً متأكد اني هجيبك من بطن أمك
سيد غنام: ليه كل ده أنا عملت اي
عم طارق: كل اللي أنا في ده بسببك انت والعار اخوك علشان لو كان منكم راجل جدع جالي وش مكنش الفيلم ده كله تم
سيد غنام: انت حبايبك كتير شوف حد غيري وانا هدفع اي فلوس بس حبس لا
عم طارق: (فتح باب المخزن ) ياله يا سيد على القسم الله يهديك قبل ما أخدك صوره جمب ناجح اخوك
خرج سيد غنام من المخزن الي قسم الشرطه وكان عارف كويس جدا أنه لو قال حاجه غير المتفق عليها مع عم طارق هيكون مصيره مصير ناجح غنام اخوه
في الوقت ده كان عم طارق اخد جثه ناجح غنام من المخزن الي مكان آخر خوفاً من أن سامح بيه يضغط على سيد غنام ويعرف منه أي حاجه حصلت في المخزن
في اليوم التالي
صحيت المنطقة كلها على خبر اختفاء رعد من مكانه ولا احد يعلم مكان رعد
