رواية كوميديا سوداء الفصل العاشر بقلم ليل ادم
احمد : يا مدام خلي ابنك يسيب القلم هو في اي
الأم: افتح بوقك يا حمودي سيب القلم للدكتور عيب كده
احمد : هو اي اللي عيب افتح بوقك ياض سيب القلم
الولد : لأ
احمد : انت تربيه وسخه تصدق
الأم: (بتضحك )
احمد : بتضحكي على اي هو أنا بمدح في اي الهبل ده
باب العياده بيتفتح
ساره : لو سمحت يا دكتور هو دكتور علي فين
احمد : في جيبي يا هانم
ياض سيب القلم
ساره: اي في جيبك دي متتكلم كويس
احمد : أنا مش متربي ياست الله يكرمك اخفي من وشي السعادي
ساره : لا انت زودتها اوي انت المفروض دكتور محترم شغال في مستشفى محترمه ازاي تكلم الناس كده
احمد : شي الله يا مستشفى يا محترمه ياوليه يا لئيمه انتي بطلي ضحك خلي ابنك يسيب القلم
ساره: وليه و لئيمه لا انت مجنون والله ما هسيبك
احمد : اه روحي ارميلي قشر موز على الأرض علشان اتزحلق
ساره: تمام ماشي
باب العياده بيتفتح
الدكتور علي: ساره بتعملي اي هنا
ساره: أنا اتهزئت هنا اوي يا دكتور علي بعد اذنك
احمد : ياض سيب القلم شكلها طلعت بنته يتخرب بيت امك زاي ما خربت بيتي وانتي حسي على دمك بطلي ضحك
الدكتور علي: (خرج ورا ساره يعرف في اي)
في جانب آخر
الأم: طب قولي ابني عايز علاج اي ولا ابني عايز اي
احمد : ابنك عايز يتربا والقلم مش عايزه خدي ابنك بره ياله كملي ضحك في الشارع كتك الارف
الأم: يا حلوته وهو متعصب
احمد : ياله يا چورچينا الله يكرمك
ميكروفون المستشفى اشتغل : نرجو من الدكتور أحمد راشد التوجه إلى مكتب استاذه ريهام حلمي
نرجو من الدكتور أحمد راشد التوجه إلى مكتب الاستاذه ريهام حلمي
احمد : يعني من يوم ما جيت مسمعتش صوت الميكروفون ده ويوم ما اسمعه يكون اسمي أنا
جميله: اي ده خير عملت اي
احمد : وربنا ما اعرف حاجه أنا أول مره اعرف ان في ميكرفون عندكم هنا
جميله: لا واي مكتب ريهام مره واحده شكلك عامل مصيبه
احمد : هو أنا عايز ابيع مخلل من شويه
وراح احمد مكتب استاذه ريهام
ريهام : ادخل
احمد : تحت أمر حضرتك
ساره : يا سلام محترم اوي الوقتي
احمد : (أول ما شاف ساره عرف هو في مكتب استاذه ريهام ليه ) ينهار اسود مينفعش تخلص معايا من غير حوارات
استاذه ريهام: انت عملت اي مع ساره
احمد : ولا شوفتها
ساره: والله كداب
ريهام: احمد انت مش بتكدب قول اللي حصل
احمد : اه قصدك اني بقولها في جيبي لما قالتلي فين الدكتور علي
ساره : هو انت قولت دي بس
احمد : لا مش فاكر الباقي بقا بصراحه
ريهام: يعني ينفع دي كانت جايه عايزه تسلم على الدكتور علي تخليها تطلع بتعيط كده
احمد : لا مينفعش أنا غلطان
ريهام: عندك النهارده نبطشيه علشان اللي حصل ده
احمد : مينفعش النهارده بالذات لو ينفع خليها بكره
ريهام : هو طلب شخصي دا جزا ولازم تنفذه
احمد : خلاص ماشي يا استاذه ريهام
ساره: خلاص معلش يا ريهام أنا مسامحه خلاص
ريهام: أنا مش عليكي انتي أنا علشان الاستاذ ياخد باله بعد كده من تصرفاته
احمد : (بص ل ساره) خلاص خلاص هما هنا كلهم محدش يتقدر عليه إلا احمد أصلا
ريهام: استنا هنا اقعد أنا مش بكلمك
احمد : اهو قعدت
ريهام: يعني اي محدش بيتقدر عليه إلا احمد دي
احمد : أنا جالي سندوتش جبنه معفن ريحته وحشه وامبارح بطاطس مقلحفه وطعميه وخلي بالك أخرج بقا القي التعيين جاي من المطعم فراخ ولحمه والدنيا هايصه جت على احمد ولازم نحافظ على مال الدوله صح
ريهام: (بتضحك على تعبير وش احمد ) أنا مش فاهمه حاجه اهدا بس كده علشان افهم منك
احمد : احضري الكلام ده يا استاذه بعد اذنك رغم اني مكنتش حابب افضح المستشفى بس معلش هطق
ساره: اتفضل قول
احمد : كل شويه مس غاده تجيلي ترميلي سندوتشات مره واحد جبنه وريحته وحشه وربنا ومره بطاطس وطعميه في تعيين كده في الدنيا لا وبصي بقا
استاذه ريهام: يا ابني هقولك
احمد : لا محدش يتكلم إلا لما أخلص علشان وربنا أنا ابن ناس ودمعتي قريبه
ساره: استني يا ريهام كمل يا دكتور احمد
احمد : افتح باب العياده القي اي مس غاده حطا قصادها صدر أد كده (واشار بأيده) طب بالذمه كل ده صدر فرخه وشوربه ومخلل وأنا أكل بطاطس وطعميه ليه
ريهام: خلصت
احمد : لا والله مش صافي ليكم
ساره: ،(بتضحك) اي ده صحيح يا ريهام
ريهام: دا كده من يوم ما جه بقاله هنا اربع ايام كل نص ساعة مشكله ومن يومين روحت جبته من القسم
احمد : بس بس في اي هتفضحيني
ريهام: لا مش هقول بس افهم بقا انت مشكلتك مع مس غاده بتضحك عليك وتاخد أكلك وتديك مكانه سندوتشات
احمد : اتفوووه عقربه اقسم بالله
ريهام: شوفت بقا
احمد : طب اعمل اي كده
ساره : اتعامل معاها ناشف اعمل زاي ما كل الناس بتتعامل هنا الدكتور دكتور والممرض ممرض
ريهام: لا لا مش هيعرف احمد يعمل كده
احمد : بس بس والنبي بلا مش هعرف
ريهام: يعني اطلع منها
احمد : اه معلش أنا بقا هربيها
ريهام: يعني أتمنا تكون قد كلامك
احمد : بعد اذنك يا استاذه ريهام بعد اذنك يا استاذه معلش اسم حضرتك اي
ساره: اسمي ساره
احمد : صحيح هو حضرتك بنت الدكتور علي
ساره: لا
احمد : الحمد لله كنت مرعوب
ساره: ليه يعني ماله الدكتور علي
احمد : لا مفيش بس هو الراجل جدع معايا مينفعش اعمل كده مع أهل بيته يعني
ريهام: إنما أنا وحشه تعمل معايا كده
احمد : لي هو أنا كنت كلمت حد قريبك قبل كده
ريهام: شهادة لله أول مره
احمد : طيب بقا (لحظه صمت ورفع عينه على ساره ) هو انتي
ريهام: تخيل
احمد : اختك
ريهام: الصغيره
احمد : وعهد الله أنا الماده الخام للحظ الكبيس
ساره: لا خلاص مفيش حاجه
احمد : طب انزلي معايا بقا علشان اصدق
ساره: أنا كده كده نازله ل دكتور علي
احمد : خلاص انزلي معايا بقا
ساره: بعد اذنك يا ريهام
ريهام : اتفضلي خلي بالك منها يا لمض
احمد : لا متقلقيش ( و خرجوا من المكتب) مش عايزك تزعلي مني والله بس انا عصبي خلي بالك المستشفى هنا كلها تعملي الف حساب محدش يقدر يتنفس بصوت عالي قصادي
الدكتور خالد: انت يا ابني انت انت يا زفت احمد
ساره: (وقفه ) احمد كلم الدكتور خالد
احمد : لا والله هو كل الكلام ده كان ليا
ساره: شكله كده
احمد : طب لو بتخافي من الدم اسبقي انتي
ساره: لا مش بخاف
احمد : طب لو يهمك أمر الدكتور خالد أسبقي وأنا جاي
ساره: لا عادي خد راحتك مش بحبه
احمد : طب لو مش عايزه تزعلي عليا و صورتي تتهز في عينك اسبقي انتي
