رواية كوميديا سوداء الفصل الحادى عشر بقلم ليل ادم
احمد : نعم يا دكتور خالد
الدكتور خالد: انعم الله عليك يا حبيبي ادخل في اجتماع جوه
احمد : انت بتقولي كده وبعد ما بدخل بتكون لوحدك وتقعد تبصلي ووشك يحمر وأنا بقلق منك بصراحه
الدكتور خالد: ادخل
احمد : اهو بص عينك كلها غدر ازاي
الدكتور خالد: (بصوت عالي) ااااااااااااادخل
احمد : خلاص وحد الله في اي (وفتح باب المكتب كان فعلاً في اجتماع لكل دكاترة المستشفى)
احمد : لا دا عنده حق المرادي
الدكتور علي: اقعد يا دكتور احمد
احمد : حاضر
الدكتور خالد: شوف التقارير دي و قول رايك في الحاله دي
الدكتور علي: الطفله دي عندها شهرين بس يا دكتور احمد ومن اول ما اتولدت عندها تجمع دموي في الرأس التجمع شكله غريب احنا خايفين يكون ورم في المخ
جميله: أنا بقول أنها ممكن تكون وقعت وقعه كبيره عملت التجمع ده خصوصاً أنها لما اتولدت مكنش في حاجه غريبه بس بعد تلات ايام بدأ يظهر التجمع الدموي ده
الدكتور خالد: صعب اوي يا جميله لأن طفله في العمر ده لو وقعت وقعه زاي دي كانت ماتت فيها
باقي الدكاترة متفقين أنه ورم ومحتاج التعامل معاه من دلوقتي
احمد : صعب جدا يكون ورم
الدكتور علي: احنا عارفين أن التحاليل كلها سليمه ومفيش اي حاجه تظهر تضرر الدم من الورم بس انت شايف الاشاعات فيها ورم في الدماغ صح ولا
احمد : اه في ورم بس مش ورم خبيث صعب جدا
الدكتور خالد: عندك حاجه قولها يا احمد احنا بناخد كل الآراء
احمد : أصل أنا خايف اتكلم تضحكوا عليا مع اني صح
الدكتور علي: اتكلم يا دكتور احمد
احمد : دا ولا ورم ولا اي حاجه خالص ده مجرد تجمع دموي
الدكتور خالد: ايوه بس سببه اي
احمد : الشفاط
جميله: شفاط اي
الدكتور خالد: شفاط الولاده صح
احمد : بالظبط
الدكتور علي: فعلاً مطرح ضغطت الشفاط على رأس الطفله تعمل التجمع الدموي ده
جميله: طب شهرين مش كفايه التجمع ده يحصل لي تصريف
الدكتور علي: ما الطفله مخدتش حاجه تعمل تصريف أصلا يا جميله
الدكتور خالد: برافو عليك يا احمد
احمد : دكتور خالد علشان ابقا قولت للكل ينفع مس غاده تضحك عليا
الدكتور علي: بس بس مش وقته خالص والله يا احمد
الدكتور خالد:: في اي ماله ومال مس غاده
احمد : بتضحك عليا كل يوم في التعيين
الدكتور خالد: تعيين
احمد : اه تعيين
الدكتور خالد: دكتور احمد بعد اذنك بره
احمد : خدت مصلحتك مني كده صح
الدكتور خالد: بتقول اي
احمد : بعد اذنكم
الدكتور خالد: دكتور دماغه ذريه بس بره الطب مفيش عقل عنده
في جانب آخر
ساره: احمد هو الدكتور علي فين مش موجود
احمد : اه عنده اجتماع مع الدكتور خالد
ساره: مس غاده اهي
احمد : اه استني بقا علشان أنا متغاظ منها
مس غاده: مساء الخير
احمد : مساء الخير على اللي تاكل مال النبي وتقول عليه مهلبيه
مس غاده: اي ده في اي
احمد : بتضحكي عليا وتقوليلي التعيين طعميه
وفجأة باب العياده اتفتح دخل منه ناس كتير ومعاهم امين شرطه
احمد : اي ده في اي
الامين : حادثه دخل في عمود نور بالعربيه بتاعته
احمد ؛ (بدأ يكشف عليه وخرج الجميع بره بس للاسف كان الراجل مات خرج احمد وكان متأثر جدآ)
احمد : مين فيكم من أهله
الامين : مفيش حد دول الناس اللي كانت في الشارع وقتها خير يا دكتور
احمد : البقاء لله الله يرحمه
الامين : لا إله الا الله الله يرحمه ويغفر له يارب بعد اذنك
احمد : انت رايح فين دي غرفه إنعاش
الامين : الله عايز اخد بصماته
احمد : ليه خير
الامين : عنده قضيه يا استاذ
احمد : قضيه اي الراجل مات
الامين : الله ما قولنا الله يرحمه بس هو كسر عمود أعمله اي
احمد : طب انت عايز اي بجد
الامين : دخلني كده أخلص ورقي وبعدين يحلها ربنا
احمد : اتفضل ادخل علشان تصدق أنه مات بجد
الامين : اي يعني مات هو الموت الوقتي بقا عذر
احمد : لا طبعا مش عذر قوم ياعم الميت ابصم على المحضر علشان تبقا ميت عليك محضر خلي الأمين يبقا مرتاح
دخل الأمين بصم الميت على صوره المحضر وخرج من الغرفه
احمد : أهله فين بقا ولا انت خدت مصلحتك منه وخلاص
الامين : لا هنروح نجيب أهله علشان تستلم ابنهم ويدفعوا تمن العمود اللي انكسر هيا سايبه ولا سايبه
احمد : صحيح ما لو سبنا كل واحد بيموت يكسر عمود مش هنخلص هو يموت والشارع يبقا ضلمه أنا فخور بيك يا امين انت فعلاً عندك ضمير
الامين : بعد اذنك
احمد : عبال ما ابصمك بأيدي يا ظفر
ساره: بس ل يسمعك
احمد : أنا أول مره اشوف ميت يبصم على محضر
مس غاده: لا ما لازم يبصم مش كسر عمود
احمد : أما انتي اعمل فيكي اي اقطع ايدك
مس غاده: بعد الشر عليا
احمد : شر بقا يا وليه يا لئيمه تنشفي بطني كل يوم وانتي بتكلي اكلي وديني ل افضحك في استقبال المستشفى (وفتح باب العياده لقي سروجي في وشه قفل الباب ودخل)
ساره: في اي قفلت الباب أخرج خد حقك
باب العياده اتفتح
سروجي: دكتور هو أنا ليه لما بشرب كيتامين قلبي بيوجعني هو أنا قلبي ضعيف
احمد : ينقطع لساني لو قولتها
سروجي: لا قول وأنا همسك نفسي
احمد : عايز تعرف اي
سروجي: هو أنا قلبي ضعيف
احمد : شكلك كده يا سروجي
سروجي: (لف وشه ل الحيطه وبدأ يخبط رأسه في الحيطه) اععععععععععععع اذاي اذاي اذاي
أحمد: اجري بسرعه قبل ما يفقد الذاكره
ساره: (بتجري ورا احمد ) في اي مش فاهمه حاجه
احمد : اجري ونتفاهم بعدين
