رواية عشقت كبريائي فهد ومليكة الجزء الثاني (عناد الحب والكبرياء) الفصل الحادي عشر
فى فيلا اسر ومها
كانت مها نايمه فى حضن اسر وقالت
مها :- واحشتنى اوى يا اسر بلاش مره تانيه تعقبنى ببعدك عنى علشان ده اصعب عقاب انا عندى الموت ارحم الف مره من اعيش بعيد عن حضنك
اسر :- ضمها ليه وقال بعد الشر عليكى كان لازم اعمل كده علشان تتعلمى من غلطك ده وتفكرى الف مره قبل ما تفكرى تعصينى
مها :- طب بالله عليك كنت عايش عادى كده وانت بعيد عنى ولا كنت بتتعذب زى
اسر:- انا كنت بموت فى اليوم مليون مره من شوقى ليكى انا مستحملتش اعيش لحظه واحده فى الفيلا من غيرك وغير الاولاد
مها :- امال كنت قاعد فين
اسر :- عند امى
مها :- احم وعرفت حاجه
اسر :- لا بس اكيد يعنى فهمت الموضوع لوحدها ايه هيخلينى اسيب الفيلا واقعد عندها غير أن انا زعلان معاكى
مها :- بزعل ماشى
اسر:- رفع وشها ليه وقال مالك
مها :- ولا حاجه
اسر:- يا سلام امال ليه التكشيره دى
مها :- يا اسر مش بحب حد من عندك يعرف عنى حاجه وانت عارف السبب امك واختك بيكرهونى وما هيصدقه يلاقو حاجه يتكلمو بيها عليا
اسر :- تانى يا مها سبق وقولتلك أن دول اهلى وزى ما بحبك بحبهم وامى مهما تعمل هفضل برضه احبها
مها :- يا اسر مش قصدى حاجه ولا قصدى انكد عليك بس بجد انا لحد دلوقتى لما بفتكر رميتها لينا فى الشارع انا وامى واخواتى ولو مكنتش انت ظهرت لينا الله اعلم كان ايه هيحصلنا
اسر :- انسى يا مها مهما امى عملت معاكى مش هيجى ربع اللى ام فهد عملته فى مليكه ومع ذلك سمحتها وعيشتها معها كمان فى الفيلا وبتراعيها وبتاخد بالها منها ونست اى حاجه عملتها فيها علشان خاطر جوزها وبتحبه ليه انتى متعمليش زيها
مها:- بغيظ وعد منى لما تتشل وتقعد على كرسى متحرك ابقى اجبها تعيش معانا هنا
اسر :- مها ايه اللى انتى بتقوليه ده
مها:- اعملك ايه يا اسر ما انت زهقتنى من الكلام فى الموضوع ده
اسر :- انا اسف ليكى يا هانم ولسه هيقوم
مها :- مسكته من دراعه وقالت رايح فين
اسر :- هاخد شاور عندك مانع
مها :- شدته تانى على السرير ونامت على صدره وقالت انا اسفه يا اسر متزعلش منى واوعدك هفكر فى موضوع امك ماشى
اسر :- مها انتى بقيتى غريبه اوى ومش عارفه عايزه ايه وبقى العند عندك مستحوذ عليكى بطريقه رهيبه ايه غيرك كده وخلاكى بالطريقه دى
مها :- انا متغيرتش يا اسر
اسر :- لا اتغيرتى يا مها بس مش عارف ايه السبب يمكن علشان حبيتك بزياده فده اداكى الثقه الزياده وخلاكى عنديه بالطريقه دى ولا علشان انتى شيفانى أن معنديش شخصيه معاكى ولا دلعى فيكى الزياده مش عارف الصراحه
مها :- بدموع ولا حاجه من دول يا اسر ولو انت بتحبنى بزياده فأنا بعشقك بزياد الزياده بعدك عنى نهايه حياه وقربك منى كل الحياه ضحكتك بتفرحنى زعلك بيموتنى عصبيتك بتموتنى فيكى حنيتك بدوبنى فيك انت الهوا اللى بتنفسه عرفت انت ايه بالنسبه ليا
اسر :- صعبت عليه مها لما شافها بتعيط ضمها لحضنه ومسح بأيده التانيه دموعها وقال كام مره اقولك بلاش دموع علشان دموعك بتموتنى
مها :- لو حد فينا اتغير يبقى انت يا اسر الاول مكنتش تقدر تبعد عنى ولو للحظه واحده شوف انت بعد عنى قد ايه الاول كنت تحتوينى وتفهمنى غلطى بهدوء دلوقتى بقيت تتعصب عليا وتزعل منى من اقل كلمه انا عايزاك ترجع معايه زى الاول يا اسر
اسر :- بسها فى راسها وقال علشان خاطرى بلاش دموع وبعدين قال خلاص بقى يا بت متبقيش ست مصريه اصيله فى النكد ارجعى يا كيوتى البنت الرقيقه الرومانسيه
مها :- بلؤم بنت انت متأكد
اسر :- فهم قصدها وضحك وقال منحرفه
مها :- فيها ايه مش معاكى يا اسو بدلع على جوزى حبيبى الله
اسر :- بلؤم اممممم طيب ما تيجى نشوف موضوع البنت دى وقرب منها و(سكتت شهرزاد عن الكلام الغير مباح😉😉)
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى
وصل فارس بالعربيه ومعاه جومانه وقفها ونزل منها وبص لجومانه وقال يلا انزلى
جومانه :- بخوف وتوتر م.م.ماشى
فارس :- ضحك وقال مالك قلبتى فار كده
جومانه:- بصت ليه بصت غيظ ومردتش عليه ونزلت من العربيه ومشيت قدامه من غير ولا كلمه
فارس :- وقف قصاد باب الفيلا وفتحها ودخل
جومانه :- حطت رجليها على عتبت الباب وهى متوتره وغمضت عينيها واخدت نفس عميق وبعد كده خرجته براحه
فارس :- ضحك على منظرها وقال انتى بتحضرى عفاريت ولا ايه
جومانه :- فتحت عينيها على صوت ضحكت فارس المستفزه وقالت اللهى جن لما يركبك يا بعيد
فارس :- لاخر مره بقولك لمى لسانك وبلاش تطوليه عليا علشان هتشوفى حاجه مش هتعجبك منى واتفضلى ادخلى مش هنقعد طول الليل على عتبة الباب
جومانه :- دخلت ورزعت الباب وراها وقالت صبرنى ياربى
فارس :- بغمزه مش يلا على الاوضه
جومانه :- بصدمه اوضت ايه دى
فارس :- بلؤم اوضت النوم
جومانه :- نععععععععم ده على جثتى تلمس شعره منى
فارس :- لاء انا لو عايز المس هلمس ومش هتقدرى تقولى نص كلمه لأنك مراتى لكن أنا اللى مش عايز المسك قرفان منك تيجى انتى ايه جنب بنات امريكا وحلاوة بنات امريكا وجسم بنات امريكا و
جومانه :- قطعته بقرف وقالت بس بس ايه القرف اللى بتقوله ده انت بنأدم وقح ومعندكش ذرة ادب
فارس :- هههههههه دى اكتر حاجه البنات كانت تحبها فيا قلة الأدب
جومانه :- بغيظ لو سمحت ملكش دعوه بيا ولا تكلمنى علشان كلامك يا بتاع انت بينرفزنى
فارس :- طب كويس أن بنرفزك عقبال يارب ما تتشلى على أيدى أو يجى السكر ليكى أو الضغط أو
جومانه :- حيلك حيلك بعد الشر عليا أنشالله انت يارب
فارس :- هههههههههه لو حبيتى تولعى فى نفسك عندك البنزين وعندك الولاعه بس بلاش فى الفيلا الله يسترك اصل خساره الفرش يبوظ بسبب واحده زيك وبصلها بصه مستفزه على جسمها وسبها وطلع على السلم وهو بيصفر
جومانه :- اتغاظت منه وهبطت برجليها على الأرض وقالت بنأدم غليظ وبعدين افتكرت أن هو مقالش ليها على الاوضه اللى هتنام فيها طلعت تجرى وراه وقالت ا.ا.انت يا اخ يا بنأدم بس كان دخل الاوضه وقفل الباب وراه راحت عند الباب ومدت ايديها بتردد وخبطت على الباب
فارس :-فتح الباب وقال بغمزه ايه مش قادره على بعدى ولا بتخافى تنامى فى الاوضه لوحدك
جومانه :- لا يا خفيف لا ده ولا ده بس حضرتك نسيت تقولى هنام فى اى اوضه من دول
فارس :- اممممم ممكن تنامى عندى فى الاوضه لو تحبى
جومانه :- ههههه لا ظريف ولطيف
فارس :- متخفيش انا كنت هنيمك على الأرض والله
جومانه :- ما تخلص فى ليلتك السوده دى فين الاوضه اللى هنام فيها
فارس :- اوه اسف نسيت اخليهم ينضفوه اوضه ليكى وللأسف كلهم اخده اجازه انا ممكن اشاور ليكى على الاوضه اللى هتقعدى فيها بس نضفيها انتى بقى
جومانه :- نععععععععععععم يا روح النونه انضف ايه يا اخويه حد قالك ان انا خدامه
فارس :- براحتك نامى تحت على الكنبه بقى لحد ما الاسبوع ده يخلص ويجو الخدامين ينضفوه ليكى الاوضه دى وشاور ليها على الاوضه اللى جنبوه وبعدين قفل فى وشها باب الاوضه
جومانه :- بغيظ بنأدم قليل الذوق ونزلت تانى تحت ونامت على الكنبه بس مكانتش مريحه قعدت تسب وتلعن فى فارس وبعدين قعدت على الكنبه وبصت على فوق بتوتر وقررت تطلع تنضف الاوضه اللى شاور فارس عليها وتنام فيها طلعت السلم براحه وفتحت الاوضه واتصدمت لما شافت كمية التراب اللى فيها والسرير اللى متغطى بملايه بيضه وعليها كمية تراب فظيعه وقالت يا ابنى ال بقى انت تخلينى انا جومانه عز انضف واشتغل فى البيت
فارس :- من وراها عيب هى الست ليها ايه غير جوزها وبيتها وعيالها أن شاءالله
جومانه:- اتخضت وقالت فى حد يدخل كده مش تخبط يا بنأدم انت خضتنى
فارس :- بأستفزاز سلامتك من الخضه يا برعى
جومانه:- بغيظ متقوليش برعى لو سمحت ومتتكلمش معايه من أصله واتفضل اطلع بره علشان انضف الاوضه
فارس :- عايز الاوضه بتلمع لو عجبنى شغلك هخليكى تنضفى اوضى بالمره وصفر ببؤقه وخرج من الاوضه وقبل ما يقفل الباب بعت ليها بوسه فى الهوا وغمز ليها وقفل الباب وراه
جومانه :- اتغاظت ومسكت تحفه محطوطه فى الاوضه وحدفتها على باب الاوضه
فارس :- فتح الباب وقال لا مش عايزين خساير لو حاجه اتكسرت هدفعك حقها علطول وخرج بسرعه وقفل الباب
جومانه :- بغيظ بارد ومستفز وبارد يارب ياخدك ورجعت بصت تانى على الاوضه بقرف وبدءت تشيل الملايه البيضه من على السرير والتراب جه فى وشها وقعدت تكح ووشها كله بقى تراب قالت بغيظ ده ايه الغلب ده ياربى فى عروسه تنفض يوم جوازها صبرنى ياربى على ما بلتنى
وبدءت فى تنضيف الاوضه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقة عبدالرحمن
مى :- ماما يا ماما
فايزه :- ايوه يا مى
مى :- امال فين مليكه ومها
فايزه :- مها راحت تصالح جوزها ومليكه المفروض تروح خطوبة فارس اخو فهد وترجع ومعرفش مرجعتش ليه وبرن عليها التليفون جرس ومحدش بيرد
مى :- ليكون جوزها عمل ليها حاجه
فايزه :- لا يا بنتى مهما يكون فهد بيحبها ولا ممكن يأذيها
مى :- طيب هجرب انا اتصل بيها
فايزه :- برضه مصممه على اللى فى دماغك تنزلى تشتغلى
مى :- وهى بتتصل على مليكه ايوه يا ماما هنزل اشتغل فيها ايه دى
فايزه :- يا بنتى ربنا يهديكى صلحى امورك مع جوزك وارجعيله مهما يكون الواحده بتحتاج لراجل يكون جوزها ورفيقها فى الحياه
مى :- بضحكت انكسار هههههه رفيقها مازن يكون رفيقى فى الحياه انتى قولى عملى الاسود اللى هو بيخلصه منى قولى اى حاجه وحشه تتوقعيها فى مازن
فايزه :- يا حبيبتى ربنا يهديكى بصى على مها اختك اهى عملت بكل طريقه ورجعت جوزها ليها انتى محتاجه سند فى الحياه البنات كل ما هيكبرو كل ما هيحتاجو ابوهم
مى :- سند ليه يا ماما ما انتى اهو ربتينا لواحدك ومن غير راجل وبعد موت بابا الله يرحمه رفضى تتجوزى تانى وطلعتينا احسن تربيه ومن غير راجل
فايزه:- يا حبيبتى الوضع يختلف انا جوزى مات مرضتش اجيب ليكم جوز ام خوفت عليكم ده غير طبعآ مفيش راجل يملا عينى بعد ابوكى الله يرحمه
مى :- هههه انا برضه خايفه على بناتى
فايزه :- من ابوهم
مى :- ايوه يا ماما يمكن سعات جوز الام احن على بنات مراته اكتر من مازن ده طلع بنتى معقده نفسيآ من قسوته عليها وقلة اهتمامه بيها والتانيه هو اساسآ ميعرفش حتى شكلها ايه من كتر ما هو مش بيشوفها ده البعد عنه ارحم الف مره من أن ارجع اعيش معاه عن اذنك يا ماما هدخل اكل العيال كلهم علشان جعانين وشكل امهاتهم مش جاين النهارده وسبتها ودخلت
فايزه :- ربنا يصلح حالك ويريح قلبك يا مى يا بنت بطنى ودخلت اوضتها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقة مازن
كان تعبان ونايم على السرير ودرجة حرارته عاليه وكان مش قادر يتحرك وحس أن هو محتاج يكلم مى مسك تليفونه من جنبه وجاب رقم مى واتصل عليها وانتظر الرد
ولكن مى مردتش عليه جرب كذا مره وهى هى. النتيجه مى مكنتش بترد جرب اخر مره وقبل ما يفصل الخط سمع صوت مى
مى :- افندم متصل ليه
مازن :- وهو تعبان وبيتكلم بالعافيه قال مى انا تعبان ومحتاجك جنبى
مى :- تعبان عندك ايه يعنى
مازن :- انفلونزه وسخونيه ومش قادر اتحرك من على السرير بقالى يومين مأكلتش ومش قادر اقوم اعمل اكل
مى :- والمطلوب منى ايه
مازن :- ولا حاجه يا مى كنت محتاج اسمع صوتك بس ولو تتكرمى بس وتيجى تبقى جنبى مش محتاج اكتر من كده
مى :- انت واحد انانى محاولتش تتصل بيا ولا تسأل على بناتك من يوم ما طلقتنى وعلشان عندك شوية انفلونزا مش قادر تتحرك من مكانك اتصلت بيا اجى اساعدك طب ما انا كام مره جالى انفلونزا وكنت بتحايل عليك تشيل بنت من بناتك وتساعدنى وانت كنت بترفض وكنت بقوم وانا تعبانه انضف واغسل واغير واطبخ وأحضر واغسل مواعين واشيل بنتك وانت ولا كنت هنا وجاى دلوقتى تطلب منى المساعده انت ايه يا اخى معندكش دم بنأدم مستفز عايز تاخد الحب والحنان والاهتمام ومتفكرش حتى ترد نصه طول ملكش مصلحه متسألش واول ما تحتاج مصلحه من حد تجرى عليه وتتمسح فيه انت عارف يا مازن انت اكتر بنأدم كرهتو فى الدنيا دى ولو رجع بيا الزمن من تانى هصلح غلطتى وهرفضك وقفلت السكه ورمت التليفون على السرير وقعدت تعيط
مازن :- بص على التليفون بصدمه وقال لدرجاتى يا مى كراهتينى لدرجاتى مبقدش اثر فيكى وبعدين سكت شويه وفكر فى المواقف اللى كانت بتحصل ما بينه وبين مى وكام مره طلبت منه الاهتمام وكام مره حاولت تغير فيه وقد ايه هو كان قاسى معاها ومنعها من أبسط حقوق ليها غمض عنيه وقال غبى غبى مخلتش حاجه الا وعملتها علشان تكرها فيك وجاى دلوقتى تطلب منها تقف جنبك وتساعدك ليها حق ترفض وليها حق تسمعك الكلام اللى قالته ليك بس وعد منى يا مى هرجعك وهعوضك كل اللى فات حط التليفون جنبه وحاول يقوم دخل المطبخ ملاقاش اكل فى التلاجه ومكنش فى حتى طبق نضيف شرب مايه ورجع تانى على السرير ونام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد الدمنهوري
وصل فهد ومليكه الفيلا بالعربيه نزل فهد وفتح الباب اللى من عند مليكه وقال
فهد :- انزلى
مليكه :- لا مش هنزل هنا
فهد :- يا مليكه بلاش عند
مليكه :- برضه لا
فهد :- لا انت بقى اللى عايزه كده شالها ودخل بيها الفيلا
مليكه :- بعصبيه نزلنى يا فهد بقى يوووووه بقى بقولك نزلنى
فهد:- مردش عليها وطلع بيها على اوضت النوم وقفل الباب بالمفتاح ونزلها
مليكه :- ا.ا.انت بتقفل ليه الباب بالمفتاح
فهد :- انتى شايفه ليه
مليكه :- فهد انت عايز منى ايه وايه اللى فى دماغك بالظبط
فهد:- بصلها ومردش عليها وقعد على السرير
مليكه :- بعصبيه بكلمك على فكره ممكن تعبرنى وترد عليا
فهد :- مش لما تتكلمى بهدوء ابقى ارد عليكى
مليكه :- بلاش أسلوب الاستفزاز معايه وياريت تفتح الباب علشان اروح للعيال
فهد :- بهدوء وانا قولت مفيش خروج والعيال انا هبعت اجبهم بكره
مليكه :- يابارد مش عايزاك بكرهك طلقنى بقى
فهد :- بصلها ليها بصه بعصبيه
مليكه :- اول ما شفتها خافت وقالت بصوت متوتر ا.ا.انا لسه مسمحتكش على اللى انت عملته
فهد :- اللى هو ايه
مليكه :- وجودك فى الشقه مع واحده
فهد :- وانا سبق وشرحت ليكى الأسباب
مليكه :- بعصبيه حتى ولو انت عملها علشان تساعدها تتوب كان لازم تقولى ده بيقولك تجنبوا الشبهات وانت روحت رميت نفسك فيها
فهد :- اذا هى جايه تطلب الستر اروح انا افضحها حتى لو ليكى ترضيها انتى وبعدين انا عمرى ما اتخيلت أن هيجى يوم وتشكى فيا ده كانت اكبر صدمه فى حياتى انتى متخيله احساس الواحد ايه لما مراته متكنش بتثق فيه وماشيه وراه تراقبه طب حطى نفسك مكانى لو كنت أنا اللى شكيت فيكى ومشيت وراكى مكنتيش هتزعلى وترفضى تبصى فى وشى انا سبق وحصل موضوع الصور اللى كانت مروه عاملهم ليكى حتى لو مكنتش نانا قالت ليا وشوفتهم مكنتش هشك واحد فى الميه انك بتخنينى عارفه ليه علشان انا بثق فيكى اكتر من نفسى كمان والمفروض تكونى انتى كده بس العكس انتى مش بتثقى فيا نهائى
مليكه :- صعبه على اى واحده تتقبل وجود جوزها فى شقه مع واحده ومع مين اللى كان بيعمل معاها المحرمات فى الاول دى غيره يا فهد ملهاش دعوه بقلة الثقه عمرى ما هكون بحبك ومش بغير عليك ودموعها نزلت منها
فهد :- قام من مكانه وراح وقف قصادها ومسك وشها بين ايديه وبص فى عينيها وقال يا مليكه انا عينى مش بتشوف غيرك انتى وبس ولو جابو ليا ملكات العالم كله برضه شايفك انتى احلى واجمل واحده فى الدنيا دى وشاور على قلبه وقال وده عمره ما يدق لواحده تانيه لأنك انتى اللى مستحوذه على دقاته يا مليكه وعمرى ما اقدر اخد حد تانى فى حضنى لأنك بأختصار المالكه الخاصه لجميع اجزاء جسمى ولا يصلح لاى حد التعدى على ممتلكات خاصه بيكى يا مليكه انتى حوريتى اللى اتمنيت ومازلت اتمنى رضاكى عنى والعيش فى ممتلكاتك الخاصه ومتبعديش عنها تانى يا ملكة قلبى
مليكه :- ...............
فهد :- مليكه لا انا اقدر اعيش من غيرك ولا انتى تقدرى تعيشى من غيرى احنا اتخلقنا لبعض يا مليكه
مليكه :- بصت فى عنيه ودموعها نزلت منها ومره واحده اترمت فى حضنه وقالت بدموع انا صعبان عليا انك مجرد ما طلبت منك الطلاق طلقتينى وبكل سهولا وكنت عايش حياتك ومفكرتش حتى تسأل عليا انتظرت مكلمتك كتير بس كنت كل يوم بنام دموعى على خدى لما احس انك نستنى ومش بتفكر حتى تسمع صوتى
فهد :- مسك ايديها وشدها وقعد على السرير وقعد مليكه على رجله وبص فى عينيها وقال مين قالك ان انا نسيتك انا كنت بتعذب زيك واكتر مكنتش عارف اعيش حياتى اشوف شغلى ده انا حتى قطعت اكلى فى الفيلا من يوم ما انتى مشيتى منها أما سبب أن طلقتك علطول لو كنت رفض كنت انتى هتعتبريها عند منى وكانت المشاكل هتكبر اكتر بالذات انك عنيده ومتمرده وسعتها كنا هندخل فى طريق مسدود وهو هو نفس الطريقه الطلاق فأنا اخترت الطريق الأسهل اطلقك بهدوء لحد ما الاوضاع تهدى شويه
مليكه :- طيب ومسيرها ايه معاك
فهد :- مين
مليكه :- البنت اللى قاعده فى الشقه
فهد :- اااااه قصدك سحر
مليكه :- ايآ كان اسمها ده شئ ميخصنيش
فهد :- ههههههههه خلاص خلاص أهدى شوفى انتى عايزه ايه بس قبل ما تقولى رأيك عايز اقولك أن معاها طفلين بنت وولد ومعندهاش حد تقعد عندهم فكرى بقلبك ومشاعرك قبل دماغك
مليكه :- اممممم بص لو هتقعد فى الشقه تقعد بس انت رجلك ما تروحش هناك تانى فاهم
فهد :- انت تأمر يا فندم بس معلومه صغيره خالص الست دى مش معاها فلوس وانا اللى كنت بشترى ليهم كل حاجه
مليكه :- اممم خلاص انا هروح اوديها أو السواق لكن انت لا
فهد :- طيب ايه انتى عجبتك القعده على رجليه
مليكه :- اتكسفت ووشها احمر ولسه هتقوم
فهد:- شدها وقعدها تانى ومسك خدودها وقال كانو واحشنى اوى الخدود التفاح دول لما بتتكسفى
مليكه :- احم ممكن اقوم
فهد :- رجع خصله من شعرها وراه ودنها وقال لا خليكى كده
مليكه :- احم ط.ط.طب قولت ايه على موضوع الشغل
فهد :- وهو بيرجع شعرها لواره من على كتفها قال عايزه تشتغلى تنزلى معايه الشركه لكن شغل بره لا
مليكه :- بس كنا هنشتغل انا ومى مع بعض
فهد :- وايه المشكله قولى لمى تنزل تشتغل معانا
مليكه :- بجد
فهد :- لا بهزر
مليكه :- فههههد
فهد :- عيون فهد وقلب فهد من جوه
مليكه :- احم ا.ا.انا هقوم اطمن على العيال بالتليفون وأبلغ مى
فهد :- بأستغراب هى مى عندك امك
مليكه :- ايوه مازن طلقها
فهد :- بصدمه ايه ليه طيب
مليكه :- مى تعبت معاه ياما وفى الاخر طلبت منه الطلاق وطلقها
فهد :- ربنا يكرمها بواحد يسعدها أن شاءالله
مليكه :- يارب ومسكت التليفون تتصل
فهد :- مليكه
مليكه :- اممم
فهد :- بغمزه متتأخريش عليا
مليكه :- اتكسفت وغيرت اتجاه وشها وبصت لمكان تانى
فهد :- ضحك على كسوفها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى
جومانه خلصت الاوضه واترمت على السرير وقالت
جومانه :- ياااااااااختى ضهرى مش حاسه بيه منك لله يا فارس يا ابن ام فارس اشوف فيك يوم يا ظالم ااااه يا عضمك اللى اتكسر يا جومانه
وفى الوقت ده سمعت صوت ضحكت فارس قامت نطت من على السرير وقالت
جومانه :- بعصبيه انت ازاى تدخل عليا كده متعرفش تخبط على الباب قبل ما تدخل اوض الناس ولا أهلك نسو يعلموك اداب الاستأذان
فارس :- دخل عند جومانه ووقف قصادها وقال كام مره قولتلك لسانك ما يطولش عليا تانى
جومانه :- خافت ورجعت لواره وقالت بتوتر ا.ا انت جاى هنا ليه وعايز ايه
فارس :- وهو بيقرب عليها اكتر جيت اشوفك ليكى فى التنضيف ولا لاء والصراحه الله ينور بس اكتر حاجه شغله بالى ده ولسه هيمد ايديه
جومانه :- بعدت وشها عنه وقالت ل.ل.لو سمحت بس ضهرها اتخبط فى الحيطه قالت بصوت واطى نهار اسود ومنيل هى مال الاوضه ضاقت أوى كده
فارس :- ضحك وقال لا انتى مجنونه راسمى بتكلمى نفسك
جومانه :- ملكش دعوه
فارس :- قرب ليها اكتر وجسمه كان قريب جدآ لجومانه
جومانه :- اتوترت اكتر بقرب فارس ليها طلعت الكلام بالعافيه وقالت ا.ا.ابعد عنى
فارس :- ليه كده الصراحه انا مرتاح كده
جومانه :- فارس ا.ا ابعد شويه بقى
فارس :- قرب من ودنها وقال امسح شنبك يا برعى وبعد عنها وخرج من الاوضه
جومانه :- اتصدمت من كلام فارس وقعدت بصه عليه لحد ما اختفى وبعدين راحت عند المرايا وبصت فيها لاقت التراب عامل شنب ليها اتغاظت اكتر وقالت يا ابن ال ودينى لاوريك ومسحت وشها وراحت عند باب اوضه وخبطت على الباب
فارس :- فتح وقال ايه ده يا برعى حلقت شنبك يعنى
جومانه :- زقته من صدره وقالت انت واحد متخلف ومعندكش دم ولو قولت كلمة برعى دى تانى هولع فيك وكانت بتضربه على صدره وهو بيرجع لواره ومأخدتش بالها انها دخلت اوضت فارس
فارس :- مسك ايديها وكتفها وراه ضهرها وقرب منها وقال انا اقول اللى اقوله واعمل اللى انا عايز اعمله مش هتيجى واحده زيك تمشينى على مزاجها
جومانه :- اوعى بقى سيب ايدى
فارس :- لا وبعدين انتى جايه ليا لحد اوضى برجليكى وعايزانى اسيبك ده انتى ولا بلاش كلام خليه تشوفيه فعل وغمز ليها
جومانه:- اخدت بالها أن هى جوه اوضت فارس وبلعت رقها وقالت ق.ق.قصدك ايه
فارس :- سند ضهرها على الحيطه وقرب عليها وقال يعنى مفيش خروج من اوضى النهارده
جومانه :- نهار اسود ومنيل انت ايه يا ابنى مش بتسيب فرصه الا وتحرق دمى بيها
فارس :- عيب ياروحى ده انا ناوى اخليكى تولعى فى نفسك أن شاءالله بس متقطعيش بس
جومانه :- وهى بتحاول تشد ايديها من أيده قربت منه اوى ووشها بقى قريب من فارس
فارس:- قرب من شفايفها ولسه هيبوسها
جومانه :- ضربته برجليها فى بطنه
فارس:- اتوجع وبعد عنها
جومانه :- طلعت تجرى من اوضه ودخلت اوضتها وقفلت الباب وراها بالمفتاح
فارس :- اتغاظ وراح عند باب اوضتها وخبط عليه بعصبيه وقال افتحى يا جومانه
جومانه :- لا
فارس :- بعصبيه اكبر لو مفتحتيش هكسر الباب
جومانه :- مش هتقدر
فارس :- بلاش العند معايه
جومانه :- يارب تتفرس وتموت وارتاح منك
فارس :- انتى كده بتزودى عقابك معايه
جومانه :- تصبح على خير يا روح الروح هههههههههه
فارس :- بغيظ ماشى يا جومانه هوريكى ومشى على اوضه ونام
