 |
رواية عشقت كبريائي فهد ومليكة الجزء الثاني (عناد الحب والكبرياء) الفصل الثاني عشر بقلم دودو محمد
اشرقت شمس صباح يوم جديد بنورها الساطع فى سماء عروس البحر
لتبدء مليكه بفتح عيونها بصت لاقت نفسها نايمه فى حضن فهد ضحكت ضحكه خفيفه ومشت ايديها على وش فهد
فهد :- حس بأيد مليكه فتح عينه وقال صباح الخير يا عمرى
مليكه :- صباح النور
فهد :- اول مره النهارده اعرف انام علشان رجعتى لحضنى
مليكه :- وانا حاسه بسعاده كبيره اوى وشعور بالراحه علشان فتحت عينى على وشك بجد اليوم اللى مش بشوفك فيه بحس أن هو مش محسوب من عمرى
فهد :- ضمها ليه وبسها فى راسها وقال ربنا يخليكى ليا وميحرمنيش منك ابدآ يارب
مليكه :- هنزل الشغل معاك النهارده وهقابل مى هناك
فهد :- يا سلام ده انا شركتى هتنور بوجودك فيها
مليكه :- منوره بيك يا حبى المهم هتشغلنى ايه بقى
فهد :- امممم هتشتغلى معاونه ليا
مليكه :- بأستغراب اللى هو ايه
فهد :- يعنى يا ستى هتقعدى معايه فى المكتب وبدل ما ابص فى التليفون على صورتك كل ما توحشينى ابص ليكى على الحقيقه قدامى
مليكه :- لا والله تصدق انك غلس وضربته على صدره
فهد :- ههههههههههههه خلاص خلاص
مليكه :- لا بجد هتشغلنى ايه ومى هتشتغل ايه
فهد :- انتى عايزه تشتغلى ايه بس اهم حاجه تكونى جنبى علطول
مليكه :- امممم مش عارفه يا فهد انتو عندكم ايه فاضى وبعدين انا الشهاده بتاعتى محاسبه وانتو عندكم مدير حسابات
فهد :- بصى هتشتغلى سكرتيره خاصه
مليكه :- بمعنى
فهد :- يعنى سهر اتجوزت وقعدت من الشغل وجت واحده بس مش هأمن ليها على أسرار الشغل هى هخليها ترتب مواعيد ومقابلات وحاجات سطحيه
وانتى بقى تخلى بالك من الأوراق المهمه والصفقات للشركه
مليكه :- طيب ومى
فهد :- هخلى باسم يشغلها معاه مساعده ليه
مليكه :- امممم ماشى ولسه هتقوم
فهد :- شدها وقال رايحه فين
مليكه :- هدخل الحمام اخد شاور علشان منتأخرش
فهد :- لسه بدرى
مليكه :- فهمت اللى فهد عايزه وقالت انسا
فهد :- ببرأه ليه يا لوكه عايزه اعوض الأيام اللى كنتى بعيده عنى فيها
مليكه :- هههههههه بلاش شغل الأطفال ده وقوم يلا
فهد :- بقيتى قاسيه اوى على فكره
مليكه :- ماشى قوم بقى
فهد :- قام وقف وقال ربنا على المفترى يا مفتريه ودخل الحمام
مليكه :- ههههههههههه عسل ابن اللذينه
فهد :- فتح باب الحمام وقال وانتى قمر يا بنت اللذينه وقفل الباب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند اسر ومها
صحيت مها وهى فى حضن اسر فتحت عينيها وطفست راسها فى حضن اسر اكتر واخدت نفس طويل وطلعته
اسر :- فتح عينه وضحك وقال بتعملى ايه
مها :- بحاول احتفظ بريحتك اكتر وقت ممكن بعوض الايام اللى كنت بعيد عنى فيهم
اسر :- ضحك وبسها فى راسها وقال مجنونه بس بعشقك
مها :- انا بقى بموت فيك وبعشقك وبهواك ومجنونه بيك
اسر :- ضحك وسكت
مها :- ايه ده سكت ليه
اسر :- مش قادر اصدق نفسى اللى انا عايشه وبسمعه انتى اللى كنتى بالنسبه ليا نجمه عاليه فى السما وكان صعب المسك معايه وفى حضنى وام اولادى بجد انا اسعد واحد فى الدنيا ده انا بشكر ربنا كل يوم على نعمته وفضله عليا بجوازى منك بحبك يا ام العيال
مها :- بموت فيك يا ابو العيال هههههه
اسر :- بسها فى راسها وقام دخل الحمام اخد شاور واتوضه وخرج لبس هدومه واده فرضه ونزل من الاوضه وقامت مها دخلت الحمام واخدت شاور واتوضت وخرجت لبست هدومها وأدت فرضها ونزلت واتفاجئت وقالت
مها :- واو يا اسر انت اللى حضرت الفطار
اسر :- شايفه ايه مفيش غيرنا فى الفيلا
مها :- جريت عليه واترمت فى حضنه وقالت بعشقك يا اسو
اسر :- ضمها اكتر ليه وقال وانا بموت فيكى يا قلب اسو
مها :- بسته بوسه خفيفه على شفايفه
اسر :- احم انا بقول بلاش الشغل وتعالى نكمل موضوع امبارح ولسه هيقلع الجاكت
مها :- مسكت الجاكت وقالت لالالا هههههههه خلاص اقعد ناكل وامشى
اسر :- اه منكم يا بنات حوا ملكمش حل تعرفو تلعبونا صح
مها :- ههههههههههه احنا غلابه خالص مالص يا اسو
اسر :- انتو غلبانين انتو تعابين تعرفو نقطة ضعف الراجل وتلعبوه عليها صح
مها :- ههههههههههه علشان بندلع عليكم يعنى طيب نعمل ايه لو ادلعنا تقولو مش سهلين ولو نكون جد تقولو أن احنا نكدين ومكشرين علطول ومقرفين امته بقى هترضو باللى بنعملو ليكم
اسر :- مش هسلك معاكى يا قلبى وقف وقال يادوب الحق الشغل علشان متأخرش
مها :- ماشى وبعدين باسته فى خده وقالت متتأخرش عليا بليل انا هسيب العيال كمان النهارده عند ماما وغمزت ليه
اسر :- بت انتى بلاش الشغل ده معايه بدل اقعد ويتحرق الشغل
مها :- ههههههههههه
اسر :- انا اعرف الحمل بيعمل عكس اللي انتى بتعمليه ده
مها :- هههههههههه لا مش معايه انا الكلام ده ده محن ستات يا ابا
اسر :- اتفتح فى الضحك لحد ما عنيه دمعة وقال انتى مشكله والله هههههههههههههههههه وبسها فى راسها ومشى وهو بيضحك راح الشركه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقة عبدالرحمن
صحيت مى وهى دموعها على خدها وافتكرت مكلمة مازن ليها قبل ما تنام وقالت بعصبيه
مى :- بنأدم انانى ومستفز انا بكرهو وبكره كل لحظه عشتها معا بكره جسمى وكل لمسه لمسها ليا بكره نفسى علشان فى يوم من الايام حبيته وفكرته بنأدم يتعاشر زى البنأدمين يارب انا تعبانه اوى ومجرد التفكير فيه بيتعبنى يارب خلاص مش قادره استحمل الالم اللى فى قلبى الانكسار اللى حساه من جوايا الذل والقهر اللى شفتهم على أيده مش قادره انساهم نفسى ارجع تانى مى بتاعة زمان تعبت والله تعبت
وفى الوقت ده الباب خبط
مى:- مسحت دموعها وقالت ادخل
تيلا :- صباح الخير يا ماما
مى :- صباح النور يا حبيبتى
تيلا :- بتقولك تيتا خالتو مليكه اتصلت وبتقولك متتأخريش
مى :- ماشى يا حبيبتى ملبستيش ليه علشان تروحى مدرستك
تيلا :- سكتت
مى :- مالك توتا
تيلا :- ماما مش عايزه اروح المدرسه دى تانى
مى :- تانى يا تيلا
تيلا :- يا ماما المدرسه دى مش حلوه خالص بيبقى فيها ناس مش كويسه انا عايزه اروح المدرسه اللى فيها يوسف علشان ابقى معاه
مى :- مقدرش يا حبيبتى على المصاريف بتاعتها اصبرى لحد ما اشتغل وهنقلك ماشى
تيلا :- بجد يا ماما
مى :- ايوه انا مليش غيرك انتى واختك وهعمل بكل واسعى واعيشكو عيشه كويسه
تيلا :- بستها فى خدها وقالت بحبك اوووى يا ماما
مى :- ضمتها وقالت وانا بموت فيكى يا قلب ماما بس ممكن بقى تلبسى هدومك وتروحى المدرسه دى مؤقتآ
تيلا :- طلعت تجرى وقالت انتى احلى ماما فى الدنيا دى بحالها وخرجت من الاوضه
مى :- بصت عليها بحزن لحد ما خرجت وقالت ربنا يقدرنى واقدر انسيكى اللى ابوكى عمله فيكى يا بنتى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى
فتحت جومانه عينيها واتمطعت وبعد كده استغربت المكان وافتكرت انها في فيلا فارس بصت بعينيها فى الاوضه واتصدمت وقالت
جومانه :- ا.ا.ا.انت دخلت ازاى
فارس :- وهو بيقوم من على الكرسى وبيضحك قال انتى ناسيه انها فيلتى وكل اوضه ليها عندى نسخه تانيه من المفاتيح
جومانه :- نهارك اسود ومنيل وازاى تسمح لنفسك تدخل عليا وانا نايمه كده
فارس :- وهو بيقرب ليها قال الله مش مراتى حبيبتى
جومانه :- حبك برص يا بعيد ربنا يخلصنى منك بقى
فارس :- طق طق طق هو احنا لحقنا يا قلبى طب ده احنا لسه بنقول بسم الله الرحمن الرحيم تقولى امته يخلصك منى طب ينفع يخلصك منى من غير ما اشلك أو اخليك تولع فى نفسك يا برعى
جومانه :- قامت وقالت عااااااااا متقوليش يا برعى
فارس :- ربع ايديه على صدره وضحك وقعد يبص على جسم جومانه من فوق لتحت
جومانه :- انت ساكت ليه وبلاش ضحكتك المستفزه دى
فارس :- مردش عليها وفضل يبص على جسمها
جومانه :- بصت على نفسها واتصدمت وقالت نهار اسود وطلعت تجرى على السرير واتغطت وقالت والله العظيم انت بنأدم وقح وقليل الادب
فارس :- بس جامد الكاش مايوه ده انا شايف أن الهدوم اللى جايبها ليكى طلعت مقاسك وتهبل عليكى
جومانه :- عاااااا غلس اطلع بره
فارس :- وهو بيقرب قال طيب لو مخرجتش هتعملى ايه
جومانه :- يااااادى النيله انت ايه جبله يا اخى اطلع بقى بره
فارس:- راح ليها ولسه هيقعد على السرير جنبها
جومانه :- قامت تجرى وهى حطه الملايه عليها وقالت انت عايز ايه
فارس :- نام على السرير وحط أيده تحت راسه وقال هعوز منك ايه يا برعى
جومانه :- مسكت المخده وراحت عنده وقعدت تضرب فيه بيها وقالت مش عارفه اقولك ايه بصراحه انا خلصت فيك كل الكلام لكن انت معندكش دم الصراحه ومستفز
فارس :- مسكها من ايديها وشدها وقعت فوقيه بص فى عينيها وقال انا كام مره اقولك بلاش لسانك يطول عليه وحذرتك من زعلى صح
جومانه :- اتفاجئت من اللى حصل وكانت مكسوفه وبتحاول تقوم
فارس :- متحاوليش علشان مش هتعرفى تقومى وبدل الوضع وخلها هى من تحت وهو من فوق
جومانه :- ل.ل.لو سمحت مينفعش كده ا.ا.اوعى
فارس :- بص فى عينيها وقال لا
جومانه :- ف.ف.فارس لو سمحت م.م.مينفعش كده
فارس :- وهو بيقرب ليها قال انا بس اللى اقول ايه ينفع وايه لا ولسه هيبوسها
جومانه :- غيرت اتجاه وشها وقالت مستحيل يحصل
فارس :- اتعصب ووقف وقال مستحيل صح عايزه تبقى زى ما انتى علشان حبيب القلب اللى مستنياه
جومانه :- بغيظ اه حاجه متخصكش
فارس :- قرب عليها وزقها على السرير وحاول يبوسها وقال انا بقى راجل وهعرفك إن كنت انا أحق ولا هو
جومانه :- وهى بتحاول تبعد عنه قالت لالالا ابعد عنى يا فارس ودموعها نزلت منها
فارس :- بعد عنها وقال ماشى يا جومانه خليكى براحتك بس خروج مفيش التليفون هيتاخد منك ابوكى هتكلمى وانا موجود هيتقفل عليكى باب الفيلا علشان مش انا اللى مراته تكون على زمته وبتحب واحد تانى كلكم واحد كلكم خاينين وبصلها بقرف وخرج من الاوضه
جومانه :- بصت على أثره لحد ما اختفه وراحت قفلت الباب بالمفتاح وقعدت وراه وحطت ايديها على بؤقها وقعدت تعيط سمعت صوت عربيه قامت بصت لاقت فارس راكب العربيه ومشى بيها بسرعه جنونيه
راحت على السرير واترمت وقعدت تعيط
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة فريد المنشاوى
وصل فهد ومليكه الشركه بالعربيه ونزلو الاتنين مع بعض ودخلو الشركه وطلعو على المكتب وكانت السكرتيره قعده اول ما شافت فهد قامت بدلع وقالت
دعاء السكرتيره :- بدلع صباح الخير
فهد :- صباح النور يا دعاء باسم وصل
دعاء :- ايوه يا فندم
مليكه :- كانت متغاظه من دعاء وطريقة دلعها على فهد
فهد :- ماشى يا دعاء بلغى باسم أن انا فى المكتب
دعاء :- حاضر يا فندم
فهد :- دخل المكتب وقلع الجاكت وحطه على ضهر الكرسى وقعد وقال تعالى يا قلبى
مليكه :- دخلت وقفلت الباب بغيظ
فهد :- استغرب وقال مالك يا مليكه
مليكه :- بغيظ مين دى بقى
فهد :- اللى بره
مليكه :- ربعت ايديها على صدرها وقالت ايوه
فهد :- دى دعاء السكرتيره الجديده جت مكان سهر ما انا قولتلك يا لوكا
مليكه :- يا سلام قولتلى بس نسيت تقولى انك مشغل حلاوة موسم ايه اللى هى عامله فى نفسها ده وايه اللبس اللي هى لابسه ده وبتدلع عليك كده ليه
فهد :- هى حره يا مليكه تلبس اللى تلبسه وبعدين انا مشوفتهاش بتدلع ولا حاجه عادى يعنى
مليكه :- شكلك عجبك الوضع
فهد :- وقف وراح عندها وقال وضع ايه اللى عجبنى يا مليكه بلاش الغيره الزياده دى انا عينى مش شايفه غيرك اصلا ولو بنات الدنيا اترمت تحت رجليه انا برضه هختارك انتى علشان بحبك انت يا مليكه اقعدى كده واستهدى بالله ومسكها من ايديها وقعدها على الكرسى ورجع هو قعد تانى على كرسى مكتبه
مليكه :- بس برضه البت دى انا مش مرتحلها
فهد :- يعنى عايزه ايه يا مليكه
مليكه :- مشيها وانا هبقى مكانها
فهد :- يا مليكه مش هينفع الشغل هيبقى كتير عليكى لازم حد يساعدك
مليكه :- يا سلاااااام طيب ما كانت سهر شغاله لوحدها
فهد :- علشان سهر كانت معايه من زمان وفاهمه كل حاجه فى الشغل وكانت قادره تخلى بالها من كل تفصيله فى الشغل
مليكه :- خلاص مشيها وعلمنى كل حاجه وهعجبك والله بفهم بسرعه
فهد :- سكت
مليكه :- قامت وراحت عنده وقعدت على حرف المكتب وقربت ليه اوى وقالت علشان خاطرى يا فهدى مشيها
فهد :- غمض عينيه وقال بلاش كده يا بت
مليكه :- قربت اكتر ليه وقالت ها قولت ايه
فهد :- فتح عينيه وبص على شفايفها وقرب منهم وبسها وبعد وقت بعد عنها وقال يخربيت عقلك حطه فيهم ايه عسل
مليكه :- ها يا فهد هتمشيها
فهد :- طيب اصبرى خليها تساعدك لحد ما أنزل اعلان عن سكرتيره جديده
مليكه :- امممم ماشى بس بسرعه
فهد :- حاضر ولسه هيقرب منها ويبوسها الباب خبط ودخل باسم
مليكه :- اتكسفت ووشها احمر قامت من على المكتب وقعدت تانى على الكرسى
باسم :- ايه ده مليكه عامله ايه
مليكه :- الحمدالله نورهان وبنوتك عاملين ايه
باسم :- تمام بس ايه المفاجئه دى
فهد :- ايه يا ابنى هو انا قدامك هوا
باسم :- اه سورى يا فهد اصل نسيت وجودك بوجود مليكه
فهد :- وحيات امك اترزع
باسم ومليكه :- ههههههههههه
فهد :- بتضحكو تحبو اقوم عليكم انتو الاتنين
باسم :- لالالا على ايه متزعلش نفسك يا دكش احنا مش حمل ضربه منك
فهد :- ايوه كده اتعدل
باسم :- بس بجد ايه سبب وجود مليكه
فهد :- مليكه هتنزل تشتغل معانا فى الشركه هتبقى هى المسؤوله عن الملفات والصفقات المهمه للشركه
باسم :- والله فرحت احسن حاجه عملتوها خلى الشركه تنور تانى زى زمان
فهد :- انا مش عارف ليه حاسس أن اجلك قرب على أيدى
باسم :- يا ابنى مليكه زى اختى افهم بقى
فهد :- المهم مى اخت مليكه جايه كمان تشتغل معانا هنا عايزك تخدها وتبقى المساعده ليك واتفق معاها وخليها تمضى العقد وسلمها الشغل فورآ
باسم :- بس يعنى
فهد :- ايه فى ايه
باسم :- بلاش علشان مليكه متزعلش
مليكه :- لا أتكلم عادى يا باسم
باسم :- اللى انا أعرفه أن اختك مستهتره وده شغل وعايز التزام
مليكه :- لا مى اتغيرت خالص بقت واحده تانيه خالص بقت واحده مسؤوله وملتزمه وهاديه جدآ
باسم :- اختك مى اللى انا قبلتها زمان
مليكه :- ايوه والله انت هتقبلها وهتشوف واحده تانيه خالص
باسم :- سبحان المغير ولا يتغير
مليكه :- يا باسم الدنيا اللى عشتها مى كفيله تغيرها وتبقى فى الحاله اللى هى فيها ربنا يهدى بالها ويسعدها يارب
فهد وباسم :- يارب
باسم :- بص لفهد وقال صح يا فهد الراجل اللى فى المخزن ده ايه ظروفه
فهد :- يااااااه ده انا نسيتوه هخلص شغل وانزله
باسم :- تمام هقوم انا بقى اشوف شغلى وبص لمليكه وقال نورتى الشركه يا مليكه
مليكه :- ميرسى يا باسم
وخرج باسم من المكتب
مليكه :- فهدى
فهد :- اممم شكلى كده مش هعرف اشتغل
مليكه :- لالالا هو سؤال واحد وبعد كده هسكت خالص
فهد :- اسألى
مليكه:- مين الراجل اللى باسم بيقول عليه ده
فهد :- جوز الست اللى قعده فى الشقه
مليكه :- وبيعمل ايه هنا
فهد :- ما انا قولت ليكى قبل كده عايز ينزل مراته فى الشغل الحرام ومش سايبها فى حالها وانا بأدبه وهطلقها منه
مليكه :- امممم طيب هو
فهد :- قطعها وقال مليكه انتى قولتى سؤال واحد ومش مبطله أسأله عايز اشوف الشغل اللي ورايا
مليكه :- طيب انا هقعد فين وهشتغل امته
فهد :- شاور على المكتب بتاعها القديم وقال مكتبك القديم زى ما هو والشغل عندك الملفات هنا على الرف خديهم وشوفيهم واعرفى الصفقات اللى احنا قدمنا فيها ايه وسبينى بقى اشوف شغلى
مليكه :- بصت ليه بغيظ وقالت هوف غلس وقامت اخدت الملفات وقعدت على المكتب وبدأت تشتغل
فهد :- كل شويه يبص عليها ويبتسم ويكمل شغله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى مكتب فارس
وصل فارس وهو متعصب ودخل مكتبه وقعد على الكرسى وقعد يهز فى الكرسى بعصبيه فى دخلت باسم ليه
باسم :- صباح الخير
فارس :- صباح النور
باسم :- بأستغراب مالك وايه نزلك الشغل يوم صباحيتك كده
فارس :- مفيش هقعد فى البيت اعمل ايه
باسم :- دى شكلها عاده عند عيلة المنشاوى اخوك فهد برضه نزل الشغل يوم صباحيته وقال نفس الكلمه اقسم بالله ونفس تكشيرة الوش
فارس :- باسم مش فايق ليك دلوقتى
باسم :- ما هو ده اللى بسأل فيه مش فايق ليه هو انت لحقت
فارس :- هقولك ايه يا باسم
باسم :- قول اللى خنقك اتكلم وطلع اللى جواك
فارس :- قام وقف ومشى وقف قصاد الشباك وقال مش لما انا افهم الاول اللى جوايا ابقى اقولك عليه
باسم :- جومانه
فارس :- سكت
باسم :- انا افهمك يا فارس انت بدأت تحس بحاجه فى قلبك لجومانه وبما انك مش عايز تعيد التجربه اللى فاتت بتعذب نفسك وبتعذب معاك جومانه
فارس :- يا باسم اللى انا شوفته مع مروه مكنش شويه واتعذبت كتير بعد ما سافرت امريكا وابويا مات من غير ما اشوفه بسبب إن كنت بعيد عنهم علشان انسا مروه
باسم :- بس انت لو مكنتش حسيت بحاجه اتجاه جومانه مكنتش استعجلت وكتبت الكتاب
فارس :- لا انا اتجوزتها علشان اعرف اعذبها براحتى
باسم :- دى الحجه اللى بتضحك على نفسك بيها وبتقنع نفسك بيها بس عينيك بتقول غير كده
فارس :- باسم جومانه مش بتحبينى جومانه بتكرهنى جدآ وقلبها مع حد غيرى وجوزها منى مجرد عند وتحدى مش اكتر
باسم :- بذمتك انت مصدق الكلام اللى بتقوله ده اول حاجه مفيش بنت بتتجوز بدافع العند ولا التحدى مفيش واحده هتقبل بلقب مطلقه لمجرد عند اوتحدى وثانيآ لو واحده بتحب واحد وبيحبها مستحيل هتقبل اسمها يتكتب على اسم راجل تانى غير اللى بتحبه ولا اللى بيحبها هيقبل أن حبيبته تنام فى بيت راجل تانى غيره
فارس :- بس هى اللى قالت ليا كده
باسم :- جومانه عناديه وقالت كده علشان تغيظك وتحاول تبعدك عنها علشان هى من النوع اللى بتخاف على قلبها من الحب اوى رغم اللى انا شوفته فى عينيها غير كده شوفت الاعجاب بيك هى بدأت تحس بحاجه فى قلبها ليك بس بتحاول تمنع ده بس صدقنى الحب مدام دخل القلوب صعب حد فيكم يعرف يخرجو هيزيد كل يوم اكتر من اللى قبله أما انتو هتعذبو نفسكم على الفاضى وفى الاخر مش هيكون ليكم غير بعض وسابه وخرج
فارس :- ياريت الكلام بالسهوله دى يا باسم وبص من الشباك وسرح فى كلام باسم
