رواية تاجر النساء الفصل الحادي عشر بقلم حنان احمد ماهر
عده خمس سنين وهو بيحاول يهرب خمس سنين والغل
كل يوم بيذيد فى قلبه لغايط ما جت الفرصة
النهاردة هيطلع للنور حاجه واحده بس كانت هادفة
طول السنين اللى فاتت وهو الانتقام من زينب
اللى كانت السبب فى راميته فى السجن اللى اتحكم
عليه أنه يعيش فيه 25سنه
وأمينه اللى جبتله العار وهربت يوم فرحها
خمس سنين بيحاول الخلاص من زنزانته لغايط ما
جت الفرصة لما زارو شخص فى يوم وعرض
عليه يهربه وفى المقابل يسلم ليه أمينه وياخد
تارة منها
ابن عم يسر اللى كل يوم يحلم أنه قتل أمينه واخد تارة
منها ورايح قلبه وقلب عمه ومرات عمه من نار
ايده مش هتطفى غير لما يقتلها
اتفق مع سواق عربيه القمامه السجن أنه هيحط منصور
فى شوال ويغطيه بالزباله
ويحطه فى العربيه وسط اكياس الزبالة وفى المقابل
هياخد ربع مليون جنيه
وجه اليوم اللى المتفق عليه مع منصور كان من مهامه
اخراج قمامه السجن مع اتنين من المساجين
بص للسواق وشاور ليه على الشوال اللى هيدخل فيه
وتفق مع الاتنين المساجين أنهم يغطو بالزباله ويقفله
الشوال عليه كويس
وبالفعل اتنفذ اللى أمرهم بيه وحطوه فى العربيه طلع
العسكري فوق القمامه وبدأ يخبط بسلاحه عليها
احتياطي من حظ منصور أن العسكرى ماحسش بوجودة
وخرجت العربية من السجن وسط تنهيده من السواق
بالراحه و صل المكان المتفق عليه ونزل من العربية
وطلع على الصدوق الخالفى للعربيه وفتح
الشوال اللى فيه منصور
اخد منصور نفس عميق كان حاسس أنه خلاص هيموت
من رائحه الزباله بص لقى ابن عم يسر بلال
بلال بضيق . ادينى نفذت وعدى ليك وخرجتك من السجن
دورك تنفذ وعدك وتجبلى بت اختك تحت رجلى
على شان أشفى غليلى منها واخلص عليها واريح
بت عمى فى تربتها
منصور بغل . متقلقش يابلال هطربج الدنيا وهجبهالك لاجل
مغاسل عارى واشفى غليلى
وعند أمينه بقلق . طمنى يادكتور ماما عمله إيه
الدكتور . الحمدلله بقت احسن الظاهر فى حاجه ضيقتها
خلت الضغط وطى مرة واحدة سبب ليها الاغماء
بلاش تعرضوها لاى حاجه تضيقها والف سلامه عليها
عن اذنك
دخلت أمينه لعايده وعنيها كلها دموع قربت منها
وترمت في وحضنها . الف حمد لله على سلامتك يا ماما
كده تخوفينى عليكى انتى مش عارفه انى ممكن اموت
فيها لو سمحتى ماتخوفنيش تانى أنا قلبى
كان هايقف من قلق والخوف عليكى
بدلتها عايده الحضن وطبتبط عليها . بعد الشر عليكى
ياحبيبتي متخافيش أنا بقيت كويس الحمد لله
أمينه . ماخفش ازى ياماما أنا ما ليش غيرك فى الدنيا
دى انتى العوض اللي ربنا بعته لى من غيرك ماعرفش
كان ممكن يحصل ليه ايه
عايدة بحب وحنان . بالعكس ياامينه انتى اللى ربنا عوضنى بيكى بعد ما عم كريم خاطفه وسافر
أمينه . ماما هو حضرتك لما سمعتى اسم الدكتور بتاعى
تعبتى واغمى عليكى هو انتى شكه أنه ممكن
يكون كريم إبنك
عايدة بدموع . هو ياامينه هو كريم ابنى أخيراً رجع
ومسكت اديها بتوسل على شان خطرى ياامينه
خدينى عنده عايزة أشوفه واملى عينى منه وحشنى
اوى نفسى إخده فى حضنى واشبع منه
أمينه بحزن على عايدة . اوعدك ياماما انى هرجعه لحضنك
من تانى
تانى يوم فى الجامعة دخل كريم قاعه المحاضرات وعينه
كانت بدور على أمينه ما لقيهاش حس بالضيق واستغرب
إحساسه بس تجاهله
فضلت أمينه جمب عايدة تاخد بالها منها وترعيها وغابت
من الجامعة لمدة تلات ايام
أما كريم فاستغرب من غياب أمينه وبعد ما خلص
المحاضره والكل بدأ يخرج ومن وسطهم حبيبه
وقفها كريم . آنسه حبيبه دقيقه لو سمحتى
التفتت حبيبه وبصتله باستغراب أيوه يادكتور فى
حاجه
كريم بتوتر . بصراحه أصل أنا استغربت غياب صاحبتك
بقلها كام يوم مابتحضرش سكشن هى كويسه
حبيبه. تقصد أمينه هز كريم رأسه بنعم
اصل ولدتها تعبانه وهى قاعده جانبها بترعيها لأنه ماعندهاش غيرها فى البيت
كريم بتوتر . لا ألف سلامة عليها طيب لو ممكن تدينى
رقمها اطمن على ولدتها
حبيبه . ها مش عارفه أصل يعني أمينه مش بتدى
أرقامها لشباب ولو ادته لحضرتك ممكن تزعل منى
كريم بضيق . تمام ياانسه حبيبه بلغيها ان فى اختبار
بكرة وماينفاعش ماتحضرش وسبها ومشى
حبيبه بيبرتمه . ما له ده اضايق كده ليه هو حد
دس له على طرف
ركب كريم عربيته وسرح وبيكلم نفسه . مالك ياكريم
ايه اللى ضيقك كده غريبه اول مرة تتشد لوحده كده
وعند أمينه كانت فى غرفتها بتذاكر لقت تليفونها بيرن
برقم حبيبه . بيبه عمله إيه مش قولتى هتعدى عليه
ياندله
حبيبه . حقك عليه يامونى ماما طلبت منى حاجات
اقضيها لها وكملت بهزار صحيح الدكتور المزي سال عليك
امينه باستغراب . دكتور مين اللي سال عليا
حبيبه. الدكتور كريم سال عليك وسالني ما بتجيش ليه قلت له ان عشان مامتك تعبانه فطلب مني رقمك فانا ما رضيتش قلت له امينه ما بتديش ارقامها لشباب فتضايق وقال لي في بكره اختبار ولو ما جتيش هتبقى مشكله
أمينه . تمام يا حبيبه أنا كنت كده كده رايحه الكليه بكره
وقفلت معاها
أمينه فى نفسها ياترى بتسأل عليا ليه ياكريم و............
