رواية كوميديا سوداء الفصل الثانى عشر بقلم ليل ادم
سروجي: دكتور هو أنا ليه لما بشرب كيتامين قلبي بيوجعني هو أنا قلبي ضعيف
احمد : ينقطع لساني لو قولتها
ساره: ماله ده هو مجنون
احمد : بس اسكتي مجنون اي دا سيد العاقلين امشي يا سروجي روح ربنا يكرمك وتقدر تشرب المحيط
سروجي: طب ريحني وقولي مين الجمل اللي جمبك دي
احمد : انتي عايز تعرف الجمل ولا تعرف موضوع الكيتامين
سروجي: عايز اعرف الاتنين
ساره : انده الأمن ياخده يا دكتور احمد دا مجنون
سروجي: دكتور هو انت دكتور
احمد : اللي تشوفه
سروجي: يبقا أنا قلبي ضعيف (وبدأ يضرب دماغه في الحيطه لحد ما فقد الوعي )
ساره: ينهار اسود دا مات
احمد : انتي بتجري رايحه فين ايدك معايا الله يخربيتك كان لازم تسخنيه
ساره: أنا مالي حد قاله يموت نفسه
احمد : سروجي يا سروجي انت مصمم تموت في عيادتي ليه الله يحرقك
سروجي: (فتح عينه وبص ل دكتور احمد) صباح الخير
احمد : صباح الفل قوم بقا امشي
سروجي: هو أنا مش في البيت
احمد : لا انت في البيت عندي قوم بقا علشان امي هتضربنا ياله
دكتور علي: في اي اي بيحصل هنا اي الدوشه دي
احمد : لا مفيش حاجه خالص يا دكتور علي
سروجي: ابوك ده
احمد : اه اه ابويا قوم بقا
ساره: دكتور علي اطلب الأمن دا واحد مجنون
سروجي: هيا قصدها على مين
دكتور علي: عليك طبعاً قوم اطلع بره
سروجي: ينهار البشر كله اسود سروجي بيتطرد من بيتك وانت وقف تتفرج وانا بقول عليك صاحبي دا انا هقطع وشك
الدكتور علي: صاحبك ده يا دكتور احمد
احمد : وكتاب الله ولا اعرفه
سروجي: كمان بتستعر مني (وفجأة دخل الأمن علشان ياخد سروجي)
سروجي: بتسلمني دا انت هتشوف ايام اسود من البالطو بتاعك ده
احمد: كتك البلا في عينك البالطو ابيض أصلا
بعد خروج سروجي مع الأمن
ساره : مش ممكن اي ده هو في كده
الدكتور علي: لا دا كده ولا اي حاجه كمان روح يا دكتور احمد شوف الناس اللي في الاستقبال بره
احمد : حاضر بس وحيات عيالك كل شويه تعالي طل عليا طله لحسن أنا معاكم هنا تحت التهديد وكتاب الله
الدكتور علي: اخرج دا انت مصيبه
بعد خروج احمد الي الإستقبال كان في تلات مرضا في الاستقبال اول ما خرج الجميع جري عليه
احمد : هدوء بس معلش ممكن من فضلك تسيب البالطو منا وقف معاك اهو
المريض: رجلي وجعاني
احمد : ما انت وقف عليها زاي الفل اهو سيب البالطو هعملك مساچ لو عايز بس سيب البالطو
المريض التاني : دكتور عايزك على جمب
احمد : نعم
المريض: بقولك على جمب
احمد : طب خليك انت ع جمب للآخر وريني رجلك ياحج
المريض: (بيقلع البنطلون احمد مسك ايده )
احمد : بتعمل اي ياحج في حريم وقف انتوا عندكم القلع سهل اوي ليه كده هو احنا في جمصه هتنط في البحر
المريض: مش قولت وريني رجلك
احمد : ايوه تقوم قالع دا انت عجيب
المريض: والله ما في اعجب منك
احمد : بقولك اي يا حج انت مشكلتك مع العظام الباب اللي في الوش هناك ده اجري روح اقلع هناك اول ما تدخل اقلع على طول
المريض: طب ما تتنيل تقول من الأول
احمد : معلش أنا راجل متعب روح ياحج روح
المريض التاني: دكتور
احمد : ياعم انت عايزني على جمب خليك لما اشوف الست دي الأول بتشتكي من اي يا امي
المريضه: مش شايفه ب عيني -------
احمد : لا يا امي انتي عايزه تكشفي عيون
ابن المريضه : يا دكتور اصبر أسمع
احمد : في اي تاني
المريضه: دماغي مصدعه جامد اوي بسبب
احمد : اه ما ضعف النظر يعمل كده قومي يا حجه اكشفي نظر
ابن المريضه : ياعم يخربيت امك اسمع للآخر انت في اي
احمد : ياعم وربنا عيب كده أنا دكتور محترم
وسط الحديث دخلت وحده حدفت ابنها في ايد احمد
احمد : خضتيني يخربيتك في اي
الأم: الحق بنتي بلعت زماره
احمد : ينهار اسود زماره (وبدأ يقلب البنت على بطنها ويضغط عليها وكانت البنت بتعمل اصوت بالزماره )
المريض: دكتور مفيش حد جوه يشوف رجلي بقالي نص ساعة قالع محدش جالي
احمد : ياحج احترم سنك اي نص ساعة قالع محدش جالي دي
الأم: سيبك منه البت بتموت بسببك
احمد : نعم يا اختي هو انتي تسيبي البت تبلع زماره وتيجي تلبسيني الليله لا دا انا مجنون (وفجأة نزلت الزماره من بوق البنت)
الأم: (بلهفه شدت البنت) كفايه عصر في بطن البت انت مبتحسش حرام عليك
احمد : شوف الوليه
ابن المريضه: ياعم امي ضغطها عالي تعالي شوفها
احمد : امك مش صريحة عماله تقولي مش شايفه ودماغي تقيله ما تقول ضغطي عالي على طول
ابن المريضه: وانت متعرفش لوحدك ليه
المريض: يا دكتور شوف رجلي هيجيلي برد بقالي ساعه قالع
احمد : ياعم البس واقعد عيب عليك وربنا
الدكتور علي: في اي
احمد : هو انت عامل زاي البوليس بيجي متأخر دائما ليه ما تشوف البلوه اللي أنا فيها
الدكتور علي: سيب الست دي معايا شوف الراجل ده انت قالع ليه كده يا حج
احمد : تعالي انت بقا عايز اعرف اي سر شويبس اللي عايزني في على جمب
المريض: طب تعالي
احمد: اكتر من كده يبقا هنحضن بعض ما تنطق مالك
المريض: مكسوف اقولك يا دكتور
احمد : لا قول وبعدين انت بتعيط ليه متتكلم قلقتني
المريض: كنت بهزر مع واحد صاحبي لقيته طلع ازازه بنج ورش عليا وانا خايف اوي
احمد : ياعم ما انت وقف قصادي كويس اهو خايف من اي
المريض: أصله مرشش عليا أنا
احمد: أما رش فين
المريض: (بص على الجزء اللي تحت و بيعيط)
احمد : لا عيط براحتك كده كده خربت علي دماغه
