رواية تحت التهديد الفصل الثانى عشر بقلم ليل ادم
خالد بيه: منير اللي سمعته ده بجد
منير بيه: للأسف يا خالد بيه هرب
خالد بيه: علاء ابني لو حصله حاجه مش هتبقا حلوه يا منير كله في كفه وعلاء ابني في كفه تانيه
منير بيه: أنا مش ساكت يا خالد أنا مش بعمل حاجه أنا وكل رجاله القسم إلا أننا بندور على طارق منصور
خالد بيه: يعني اي
(وفجأة ظهر عم طارق ومعاه سلاح ناري و رعد في منزل خالد بيه وأشار ل خالد بيه بالسكوت ) اقفل
خالد بيه: ( من الصدمه التليفون وقع منه )
منير بيه: الو الو خالد يا خالد مش وقت كل واحد فينا يدور لوحده احنا لازم نجتمع طارق منصور مش سهل
طارق منصور: جدع انت كده وانا بأكد عليك اني مش سهل
منير بيه: طارق اوعا تعمل حاجه تروح فيها في داهيه أنا هعملك اللي انت عايزه
عم طارق: هو انت لما تضغط على صاحبك أنه يستغل ابنه خطيب بنتي يحط في بيتي مخدرات كده أنا متأذتش
منير بيه: هتتحل هغير البودره بأي حاجة ايكش أحط سحلب مكانها انت مش ليك تطلع منها هطلعك
عم طارق: لا السحلب ده تشربه بعد ما تقعد مع عيالك وانت لبس الروب بتاعك ومخبي ركبك من البرد سلام يامحترم (وقفل السكه في وشه )
خالد بيه: طارق انت عايز تعمل اي
عم طارق: اقعد يا خالد بيه خليها تمشي حلوه
في جانب آخر
سامح بيه: منير بيه مصيبه
منير بيه: اي تاني
سامح بيه: سيد غنام جاي يقولي كيس البودره بتاعه وهو اللي حطه في بيت طارق منصور
منير بيه: بالعكس دي كده مصلحه نزله الحجز وتعالي حالا
سامح بيه: في اي
منير بيه: طارق منصور في بيت خالد بيه هيقتله حالا
سامح بيه: انت بتقول اي
منير بيه: طارق يموت مش عايز ارجع بيه رجوع طارق قصاد رقبه كل واحد فينا احنا التلاته
سامح بيه: اي بس خلاني امشي وراك ودتني في داهيه
منير بيه: مش وقته لازم نوصل بأسرع وقت
في جانب آخر
عم طارق: تفتكر أنا سايبك فيك الروح لحد الوقتي ليه
خالد بيه: علشان بتحسبها بالعقل اهدا يا طارق أنت عارف انك لو عملت اي حاجه تضرني أنا هبقا شهيد قصاد البلد كلها إنما أنت هتطلع حرامي
طارق منصور: تفتكر واحد زاي طارق منصور يفرق معاه كلامك الخايب ده
خالد بيه: فكني يا طارق وخليها تمشي معاك حلوه ومنير بيه قالك حلها اي
طارق منصور: حل منير بيه بتاعك مش كفايه عندي عايز حاجه احسن
خالد بيه: يعني القتل هو الحل بالنسبه ليك
طارق منصور: ممكن ميبقاش حل بس أنا مش حابب اسمع عنكم في يوم اعمل اي طيب
خالد بيه: مش هتكسب حاجه
وفجأة طلع رعد وكان ينبح بصوت عالي جدا
عم طارق: وادي منير بيه وصل
خالد بيه: انت عايز اي اللي في دماغك مش هينجي حد فينا
عم طارق: (لف وقف ورا خالد بيه وحط سلاحه في رأس خالد بيه وكان رعد وقف جمب عم طارق منتظر منه الإشارة)
وفجأة انكسر باب المنزل ودخل منه قوه من القسم ومعاهم منير بيه وسامح بيه
منير بيه: طارق ابعد سلاحك لو قتلته حتي مش هتخرج من هنا انت كده كده وقعت يا طارق
عم طارق: أسمعها ب ودني قصاد الجميع وكده كده كلكم طبخينها مع بعض
خالد بيه: عايز تسمع اي
عم طارق: كيس البودره مين فيكم اللي اقنع التاني يحطه في بيتي
خالد بيه: منير هو اللي اقنعني بعد ما قالي انك وقعت القسم ومحدش عارف يتكلم معاك ومبقيتش مكبر حد ولما خدت منه سلاحه ومحمد بيه اللي خده منك
منير بيه: خالد بيه اوعا تنسا أن اللي نفذ كل ده ابنك علاء يعني خوفك من سلاح طارق هيخليك تضيع مستقبل ابنك انت خايف من واحد ميت ميت
عم طارق: عندك حق يا منير بيه أنا كده ميت ميت مفيهاش حاجه لما أخد واحد منكم معايا ( ورفع سلاحه في وش منير بيه)
سامح بيه: عم طارق لا الدم لا مش ده اتفقنا ( وخرج محمد بيه من غرفه نوم خالد بيه نفس المكان اللي دخل منه عم طارق)
محمد بيه: عم طارق سيب السلاح انت ظهرت كل حاجه ووقعتهم ملوش لازمه اسمع كلام سامح بيه
منير بيه: (في صدمه مش مستوعب أنه كان بيتلعب عليه من سامح بيه ومحمد بيه وعم طارق علشان يقع )
سامح بيه: (شد السلاح من ايد منير بيه ووقف قصاده خوفاً من أن طارق يضربه بالنار ) عم طارق لا لحد كده خلاص دول شويه كلاب كفايه عليهم اللي هيحصل فيهم سيب سلاحك
عم طارق: (في دوامه خايف منير بيه يفلت من كل أعماله التخريبيه داخل الدايره وفي نفس الوقت مش عايز يقتله خوفاً على بنته ومراته بعديه انتهز محمد بيه الفرصه وشد السلاح من ايد عم طارق)
محمد بيه: اهدا انت مش محتاج تقتل حد منهم خلاص كل حاجه خلصت
عم طارق: الواد يا محمد بيه انت وعدتني انت وسامح بيه أن علاء مش فيها
سامح بيه: أنا عند وعدي معاك يا عم طارق بس خد رعد ونرجع القسم وهناك نحل كل حاجه
عم طارق: رعد (جه رعد وقف تحت رجل عم طارق ربط عم طارق رعد بالقيود واتحرك على القسم مع الجميع )
بعد الوصول إلى القسم كان منير بيه وخالد بيه كل واحد منهم متكلبش
منير بيه: انت يا سامح طب ليه انا كنت بقول عليك ابني
سامح بيه: علشان انت راجل ظالم ريحتك فاحت القسم كله خراب امناء الشرطه بتوعك ماشيه تلم آتاه من خلق الله اللي يدفع يبيع بودره يبيع حشيش أن شالله يبيع أعضاء بس يدفع رافع شعار الطبق اللي مش هتاكل في تعكره الحاجة الوحيدة اللي نضيفه في الدايره دي هيا طارق منصور علشان كده مش عاجبك علشان كان قاطع عليكم المصلحه للأسف يا منير بيه ولا يشرفني اني اشتغلت معاك ولا يشرفني انك تقول علي نفسك ابويا خده يا امين محمد علي الحجز المحضر يتقفل وبكره ينزل نيابه ومعاه الباشا الكبير اللي دخل ابنه الدكتور في كارثه كبيرة علشان اي علشان شاف أن في حد اكبر منه مينفعش حد يقول قصاده لأ و اه والله انت مصيبتك اكبر من مصيبه منير بيه هو باع ذمته إنما أنت بيعت ابنك خدهم من قصادي
الامين محمد : تحت امرك يا سامح بيه
محمد بيه: وانت يا عم خالد ياما قولتلك احترم مكانتك احترم انك راجل شرطه ماشي غلط مفيش حد في الدايره إلا جالي طلب يعمل فيك شكوه كنت تيجي تعيط وتقولي والله ظلم اقطع الشكوه واقولك عيب فوق انت اكبر من كده بس للأسف انت مفيش اوسخ منك علشان كده تستاهل كل اللي هيحصلك خده معاهم وطلع سيد غنام من الحجز علشان أستجوبه بنفسي بعد اذنك يا سامح بيه
سامح بيه: المكتب مكتبك يا محمد بيه انا نازل حالا علشان وفد الداخلية جه يحقق في الموضوع بنفسه
