رواية كوميديا سوداء الفصل الثالث عشر بقلم ليل ادم
احمد : (بعد ما فات شهر من وجودي في المستشفى بدأت تكوين صداقات جميله جدا مع الأطباء و خصوصاً دفعتي بس علاقتي مع الدكتور خالد مش بتتغير من سئ الي سئ يا سئ مفيش مره بل ريقي بكلمه حلوه مهما اعمل على طول شايف اني مش دكتور كويس حتا مع كل محاولات الدكتور علي اللي بقا اكتر من اخ وجميله اللي بقيت صديقه مقربه جدا لي و ساره اخت استاذه ريهام مديره المستشفى)
باب مكتب احمد بيخبط
الدكتور علي: اي يابني ما ترد
احمد : معلش كنت سرحان شويه
الدكتور علي: لو سرحان في مشروع المخلل بتاعك هخنقك بأيدي
احمد : لا لا مش وقته خالص الوقتي
الدكتور علي: طب قوم في اجتماع مهم
احمد : أي ده معقول حضرتك جاي علشان تقولي احضر أجتماع معاكم جديده دي
الدكتور علي: لا ما مش أنا اللي عايزك هيا ناقصه فضائح دي ريهام هيا اللي طلبت وجودك
احمد : عندها بعد نظر والله
الدكتور علي: امشي هتفرسني
بعد دخول احمد و دكتور علي
استاذه ريهام: كده كل دكاتره المستشفى موجوده تقدر تتكلم يا دكتور خالد
دكتور خالد: طبعاً انتوا عارفين أن في مسابقة بندخل فيها كل سنه وهيا أن كل مستشفى بتتبنا حاله من التصنيف التالت في أمراض القلب والأوعية الدموية و بتكون الحاله دي غير قادرة علي مصاريف العلاج في اخدنا قرار أن الحاله هتكون تحت قيادة الدكتور علي ومساعده و الدكتوره جميله
الدكتور علي: دي اول مره ادخل المسابقة دي تحت اسم المستشفى
احمد : أن شالله تكون اولمبيات طوكيو
دكتور علي: اسكت انت الوقتي
استاذه ريهام: يعني حضرتك مبسوط ولا زعلان من اختيارك
احمد : لا طبعاً مبسوط جدا
استاذه ريهام: احمد هطلعك بره
احمد : لا بقا ما حضرتك بتبصي عليا وانتي بتتكلمي وبعدين محددتيش اسم
استاذه ريهام: ما الدكتور علي قاعد جمبك اسكت بقا
الدكتور علي: طبعاً مبسوط كفايه اني هساعد حاله لا تملك القدرة على نفقة العلاج
استاذه ريهام: حد عنده اي سؤال
احمد : ( رفع ايده )
استاذه ريهام: افففف اتفضل
احمد : بالتوفيق
الدكتور خالد: دا انت عيل فصيل
احمد : شكرا على كلامك الحلو وأنا داخل مسابقه ارفع راسكم فيها شكرا
الدكتور خالد: بلا وكسه كل واحد على شغله يا اساتذه
بعد الخروج من قاعه الاجتماعات
جميله: مالك يا دكتور علي مش مبسوط ليه
الدكتور علي: خالد ليه حط اسمي واسم الطقم بتاعي في المسابقة ما كل سنه بيكون محتكر المسابقة ل نفسه مش مطمن ليه
احمد : و قلقان من اي ما استاذه ريهام كانت موجودة ومتهيئلي أن استاذه ريهام مش هتقبل ب اي حاجه تضر المستشفى قبل ما تضر اسمنا
الدكتور علي: معاك بس خالد يقبل يعمل اي حاجه انت متعرفش خالد ودماغه
جميله: عندك حق بس أنا عندي وجهه نظر تانيه خالص
الدكتور علي: اي هيا
جميله: ممكن تكون استاذه ريهام ضغطت على الدكتور خالد ندخل احنا مكانه خصوصاً أن احمد المساعد بتاعك ومتنساش أن احمد وجوده معانا ( وسكتت)
الدكتور علي: كملي كلامك يا جميله احمد فعلاً وجوده معانا فارق جدا
جميله: أتمنا كلامي ميكونش ضايق حضرتك
الدكتور علي: لا طبعاً أنا لحد الوقتي عند كلامي احمد لو عرف قيمه نفسه والعلم اللي عنده محدش يعرف يقف قصاده
في جانب آخر
احمد : احلا تلاته قهوه بمناسبة المسابقه اللي أنا مش فاهم منها حاجه
الدكتور علي: (بص ل جميله) مش بقولك
جميله: (مبتسمه ) اكبر بقا كده وركز معانا
احمد : انتوا قلقانين من اي اعتبروها حاله جت الطوارئ انتو مكبرين الموضوع اوي
الدكتور علي: على فكره حالات المسابقة دي بتكون مقطوع فيها الأمل بنسبه ٧٠ في المئه بعدين دي أمراض قلب يعني الغلطة ب حياه انسان
احمد :شوف يا دكتور علي والله لو خدنا مريض عنده السل لا مش السل لو بودن واحده هنكسب انت بس تفائل خير أشتري مني
الدكتور علي: أشتريت يا سيدي روحوا شوفوا الطوارئ ياله
احمد : والقهوه
الدكتور علي: خودها في ايدك
احمد : (خد فعلاً القهوه وخرج من المكتب على الطوارئ)
مس غاده: دكتور احمد في حاله بره تعالي بص عليها
الدكتور احمد: ما جميله اهي اشمعنا أنا
مس غاده: المريض راجل وشاب ومعاه شباب كتير يبقا مين أوله
احمد : اكيد أنا اخفي من وشي
وراح فعلاً احمد غرفه الطوارئ
احمد : مساء الخير يا شباب بعد اذنكم واحد بس مع الحاله والباقي بره
واحد من الشباب: هو مين اللي بره ياعم انت
احمد : قطع لسان اللي يقول كده هو حضرتك كنت في الخناقه معاه
المريض: كلنا كنا في الخناقه
احمد : ينهار ابيض دا مفيش واحد منكم سليم انتوا كنتوا بتتخانقو مع القذافي (وبيضحك)
المريض: وعهد الله اقوم أقتله
احمد : هو انتوا كده تتروقو بره وتيجوا هنا عايزين تضربوني
المريض: دا انت متعود بقا
احمد : نام على السرير ياعم نام وحد منكم يروح يجيب خيط تجميل
المريض: مستشفى كبيره عريضه مفيش فيها بكره خيط
احمد : منا مش هخيط بنطلون حضرتك انت متعور في وشك يعني عايز خيط تجميل
واحد من الشباب: خلاص أنا خارج اجيب
احمد : استنا عندي سؤال
المريض: عايز اي
احمد : أنا شايف نفس الجرح في نفس المكان انتوا كنتوا قاعدين جمب بعض و الواد خدكم وهو بيجري ( وبيضحك)
المريض: لا أنا هقوم اقولك حالا الواد عمل اي
احمد : وربنا ما انت قايم أنا بس بسحب منكم التوتر
الدكتور علي: في اي الصوت طالع لحد بره
احمد : مفيش الرجاله كانت بتتخانق مع مكنه خياطه (وبيضحك)
قام الشباب علشان تضرب احمد
الدكتور علي: بس بس اهدوا اطلع بره
احمد : وأنا مالي
الدكتور علي: بقولك اطلع بره
احمد : حاضر طالع (وفتح باب العياده وبص ل الشباب ) بس الواد ايده تقيله اوي بصراحه (وطلع يجري )
الدكتور علي: حقكم عليا دا أصلا مريض نفسي واحنا ممشينه ب علاج معلش أنا هعملكم كل حاجه
في جانب آخر
مس غاده: دكتور احمد
احمد : عايزه اي تاني
مس غاده: دكتوره جميله معاها حاله تعالي علشان طلبت حضرتك معاها
احمد : ماشي جاي
في جانب آخر
جميله: أنا والله شايفه حضرتك كويسه بعدين هو في واحده تعبانه تقف تحط كم المكياچ ده قصاد المرايا جبتي وقت ل ده كله منين
المريضه : أنا مش هقبل كلام حد غير الدكتور الابيضاني ابو شعر سايح ده اللي اسمه احمد
جميله: اهو جاي ل حضرتك
احمد : مساء الخير
جميله: تعالي يا أبيضاني يا ابو شعر سايح كلم
احمد : ( أول ما شاف المريضه فتح بوقه ) ما الطب حلو اهو أما أنا حظي وحش ليه
المريضه: (بدلع ) انت الدكتور أحمد
احمد : أنا بشحمه ولحمه
المريضه: أنا تعبانه اوي
احمد : وأنا كمان وربنا
جميله: نعم
احمد : ااااااا قصدي ألف لا بأس عليكي مالك بس يا
المريضه : قمر
احمد : الله يخليكي
المريضه: لا أنا اسمي قمر
احمد : كنت حاسس والله
جميله: أنا عايزه أخرج وخايفه نطلع من الكشف ده على كشف نساء
احمد : بس يا جميله بس عيب كده
المريضه. : ممكن تكشف عليا يا دكتور احمد
احمد : طبعاً ممكن أما أنا هنا بعمل اي قوليلي بتشتكي من اي
المريضه : ضربات في صدري
احمد : لا ألف سلامه أن شالله أن وانتي لأ
قمر : ( بتضحك بصوت عالي جدا)
احمد : اطلعي بره انتي الوقتي
جميله: احمد أتعدل
احمد : (لبس السماعه وحطها على ضهر المريضه ) قولي اه
المريضه : اااااه
احمد : اه منك انتي اه تاني تاني
المريضه : أي
احمد : ميضرش برضوه اه اي كله واحد اي حاجه تيجي منك حلوه
المريضه: تفتكر هموت
احمد : أنا اللي هموت
المريضه : (بتضحك بصوت عالي جدا)
احمد : لا لا نمسك على العقل الدكتور علي لو دخل هيقطعلي الخلف
المريضه: بعد الشر عليك دا انت حتت قمر يخربيت طعامته
جميله: قومي ياست الكل
أحمد: لسه مخلصتش كشف
جميله: يولع الكشف روح اغسل وشك بدال ما وشك جاب الوان كده وانتي بره بعد اذنك
المريضه: أنا هشتكي ومش هسكت
احمد : حقك ارفعي قضيه عليهم مستشفى قليله الذوق
المريضه: لجل عيونك انت تكرم المستشفى كلها
جميله: يا ابني أمشي يخربيتك في اي وانتي بعد اذنك بره عيب عليكي كده والله
المريضه: بعد اذنك يا دكتور احمد
احمد : أتفضلي ياحتت قشطه شاربه قشطه
المريضه: ( بتضحك بصوت عالي)
احمد: أستر ياللي بتستر
جميله: لا كده كتير اوي وربنا اجيب دكتور علي حالا
احمد : لا على اي بعد اذنك يا قمر فوتي علينا بكره معلش
جميله: بكره لا لحظه واحده بقا (وخرجت من المكتب تنده الدكتور علي)
احمد : بره بسرعه بره
المريضه : مع السلامه يا ملاك الرحمه
احمد : ملاك الرحمه دا انتي قديمه مش اطلعي
باب الغرفه اتفتح
جميله: وكتاب الله اخرج أجيبه بجد
احمد : أنا كده كده خلصت النبطشيه بعد اذنكم سلام
جميله: احمد بكره تكون هنا الساعه سته الصبح علشان نروح نستلم الحاله
احمد : حاله اي
جميله: المسابقة يخربيتك
احمد : اه طبعاً دا انا هنا من النجمه سلام
جميله: سلام يا نجمه
بعد وصول احمد الي المنزل
احمد : عم سيد بعد اذنك يعني عايز رقم الساكن اللي فوق مني
عم سيد (حارس العماره ) : من عيني يا دكتور احمد بس خير لو في حاجه قولي
احمد : لا مفيش هات الرقم عايز أعزمه
على عيد ميلادي اخلص ياعم سيد
عم سيد: لحظه بطلع الرقم اهو اتفضل
احمد : شكراً ( وخد الرقم و طلع على شقته بعد ما دخل البيت طلع تليفونه و كلم الساكن اللي فوقيه )
احمد : الو
الساكن : الو مين معايا
احمد : أنا الدكتور أحمد الساكن اللي تحت منك الدور اللي قبل الأخير
الساكن : خير البيت عندي في حاجه يا دكتور
احمد : لا مفيش بس بعد اذنك يعني أنا كل يوم قاعد في الصوت و الضوء لو سمحت يعني لو ينفع تقفل الشباك ما مش طبيعي اللي بيحصل كل ليله ده
الساكن: انت قصدك اي
احمد : يا لئيم يعني انت مش فاهم ع العموم ياعم أنا مش هحسدك متقلقش بس انت اقفل الشباك علشان ببقا معاكم وحالتي بتبقا صعبه اوي والله
الساكن: انت بتقول اي يا حيوان انت أنا مسافر بقالي سنه
احمد : ياعم ماشي مسافر بقالك سنه حقك محدش يقدر يلومك بس بشويش اقفل الشباك مش طالب منك اكتر من كده
الساكن: ياللي مش بتفهم أنا مسافر
احمد : يا استاذ ربنا يديك الصحه أنا مش ممانع دي مراتك وده حقك هو انت لو قفلت الشباك متعتك هتقل يعني
الساكن : ياعم انت لله افهم أنا بره البلد مش موجود
احمد : نعم
الساكن: دا انا هطلع ---------------------- امك
احمد : يا بيه طلع ---------------- امها هيا أنا. مالي أنا
الساكن : قفل السكه في وش احمد
بدأ احمد يلف حوالين نفسه في الشقه مرعوب بعد أقل من نص ساعة كان في صوت صويت على باب شقه احمد
فتح احمد الباب
احمد : مين
الساكنه : انت يا راجل يا نطع بتتصل تقول ل جوزي اني بخونه
احمد : ينهار أبوه اسود جوزك مين أنا ولا اعرفه أصلا
الساكنه: وديني ما اسيبك غير في القسم دا طعن في الشرف
احمد : يا خالتي وربنا ما قولت حاجه بعدين سيبي القميص عيب كده
عم سيد: في اي ياست اميره في اي يا دكتور احمد
احمد : انت لسه بتسأل الحق التوكتوك اللي جررني ده قبل ما تقتلني
الساكنه: بتكلم جوزي تقوله بخونه أنا هوريك يا عره الدكاترة
احمد : يا خالتي أنا ممعيش تليفون أصلا
عم سيد: اه علشان كده طلبت رقم استاذ صفوت
احمد : يالي يتخرب بيت امك هيا كانت ناقصه
الساكنه : ع القسم قصادي وديني ما اسيبك❤️
