رواية عشقت كبريائي فهد ومليكة الجزء الثاني (عناد الحب والكبرياء) الفصل الثالث عشر
وصلت مى وهى متوتره دخلت الشركه سألت على مكتب فهد وراحت عنده وطلبت من السكرتيره تبلغه بوجدها دخلت دعاء المكتب وقالت
دعاء:- بدلع استاذ فهد فى واحده اسمها مى عايزه تدخل لحضرتك
فهد :- لسه هيتكلم
مليكه :- بغيظ بعد كده لو محتاجه حاجه او عايزه تقولى حاجه تقوليها ليا انا
دعاء :- بصت لفهد
فهد :- الكلام اللى هى تقولك عليه هو اللى يمشى
دعاء :- حاضر يا فندم
مليكه :- واتفضلى يلا ودخليها بسرعه
دعاء:- حاضر وخرجت وهى متغاظه من مليكه ودخلت مى
فهد :- تعالى يا مى عامله ايه
مى :- تمام الحمدالله انت اخبارك ايه
فهد :- الحمدالله كويس بس اختك مطلعه عينى
مى :- هههههههه بتدلع عليك ربنا يخليكم لبعض
مليكه :- قامت سلمت عليها وقالت معلش يا ميوش تعبتك وسبت العيال معاكى
مى :- لاء ولا يهمك اصلا العيال كلهم كانو بيلعبو مع بعض فى الاوضه ومتعبنيش خالص
فهد :- تمام نتكلم بقى فى الشغل
مى :- اوك
فهد :- انتى هتشتغلى مساعده مع باسم اللى هو مدير الشركه طبعآ انتى تعرفيه
مى :- على ما اعتقد شوفته مره او اتنين
فهد :- تمام هو بقى هيفهمك طبيعة الشغل هنا وان شاءالله هترتاحو مع بعض
مى :- أن شاءالله
فهد :- مسك التليفون ولسه هيطلب السكرتيره
مليكه :- جريت ومسكت التليفون وقالت عنك انا هقولها تبعت باسم
فهد :- اتغاظ من مليكه وقال الوضع ده مش هينفع معايا كتير بلاش تندمينى أن نزلتك معايه الشغل
مليكه :- طلبت من السكرتيره تبلغ باسم يجى يكلم فهد وقفلت معاها وبصت لفهد وقالت هيفضل الوضع كده لحد ما تمشى البت دى
فهد :- مليكه
مى :- يا جماعه اهدو وبصت لفهد وقالت معلش هى غيرانه عليك والغيره دليل المحبه
فهد :- يا مى البنت معملتش حاجه اصلا اختك اللى مش طيقها من ساعة ما جت
مليكه :- كل ده ومعملتش حاجه دى حطه كيلو بدره على وشها ولبسها ده بتاع كبريهات مش شركه محترمه
وبعدين لما بتتكلم معاك بتقعد تتمايص وتدلع كده ومش بتبقى على بعضها وانت بقى عجبك الوضع
باسم :- دخل وقال فى ايه صوتكم عالى
فهد :- مفيش يا باسم
باسم :- ههههههههههههه
الكل استغرب من ضحك باسم
مليكه :- بتضحك على ايه يا باسم
باسم :- هههههههه اصل الموقف ده فكرنى بيكم ايام زمان لما كنتو متمرده وهو متكبر كانت صوت خنقاتكم بتوصل لاول الشارع
فهد :- والله انت فايق ورايق
باسم :- اللى فيكم فيكم
مى :- بجديه طيب ممكن نركز فى الشغل بقى
باسم :- بص لمى وقال انا اسف مأخدش بالى منك اذيك يا مى
مى :- الحمدالله بس ياريت بلاش حذف الألقاب يعنى انا مدام مى وحضرتك استاذ باسم
باسم :- اتكسف وقال احم مفيش مشكله
فهد :- زى ما فهمتك يا باسم مضى مى على العقد وفهمها الشغل بقى
باسم :- تمام وبص لمى وقال اتفضلى يا مدام مى
مى :- شكرآ ومشيت مى مع باسم ومليكه بصت بغيظ لفهد وقعدت على مكتبها وفهد نفس الحكايه
مليكه :- قعدت تخبط بالقلم على المكتب
فهد :- ممكن تسكتى علشان اعرف اركز فى الشغل
مليكه :- انا حره
فهد :- بلاش عند يا مليكه
مليكه :- مش بعاند
فهد :- بص فى الساعه وقال وقت الغدا اتفضلى قدامى
مليكه :- مش عايزه
فهد :- انتى فى ايه مالك بالظبط
مليكه:- ولا حاجه بقولك مش عايزه
فهد :- ماشى يا مليكه براحتك وخرج من المكتب
مليكه :- افتكرت السكرتيره وممكن تروح تاكل مع فهد قامت تجرى من على المكتب وخرجت وكان فهد وقف مع دعاء ولسه هيمشوه
مليكه :- طلعت تجرى ومسكت فى دراع فهد
فهد :- اتفاجئ بيها وقرب منها وقال مش قولتى مليش نفس
مليكه :- جعانه فيها حاجه دى
فهد :- هههههههه مجنونه
مليكه :- بصت بغيظ لدعاء ومسكت فى دراع فهد اكتر
فهد :- قرب من راسها وبسها وقال اعقلى يا مجنونه انا بحبك انتى ومفيش واحده تملا عينى غيرك ومشيو راحو على المطعم ياكلو
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر ومها
خلصت مها كل اللى وراها وجهزت اكل لأسر وغطته وحطت شموع وطلعت لبست فستان احمر قصير وحطت ميكاب رقيق وحطت روج احمر ورفعت شعرها لفوق ونزلت منه خصلتين ورشة برفانها ومسكت التليفون واتصلت على امها
فايزه :- السلام عليكم
مها :- وعليكم السلام
فايزه :- عامله ايه يا حبيبتى
مها :- مبسوطه اوى يا ماما اسر سامحنى ورجع معايه زى الاول
فايزه:- طيب يا حبيبتى ربنا يسعدكم يارب حافظى على جوزك واسمعى كلامه وبلاش تزعليه اسر بيحبك يا مها وانتى بتحبيه متخليش المشاكل تسيطر على حياتكم خلى حياتكم حب وسعاده وهنا وما بنكم المودة والرحمة يابنتى
مها :- حاضر يا ماما معلش لو الولاد تعبينك
فايزه :- لا حرام مش بيعملوا حاجه قعدين فى الاوضه يلعبو مع بعض
مها :- ماشى يا ماما ربنا يخليكى لينا
وقفلت مع امها وقعدت تنتظر اسر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة فريد المنشاوى
فى مكتب باسم
كان قاعد مع مى وبيعرفها الشغل
باسم :- رجع لواره وقال خلاص كفايه انا فصلت مش جعانه
مى :- لاء شكرآ
باسم :- على فكره ده وقت الغدا وكلهم نزلو تعالى احنا كمان ننزل
مى :- شكرآ مش عايزه لو حضرتك جعان اتفضل انت وانا هستنا هنا
باسم :- لاء خلاص مش عايز
مى :- براحتك
باسم :- ممكن سؤال
مى :- اتفضل
باسم :- انتى ليه عصبيه اوى كده حتى المرات اللى شوفتك فيها عصبيه
مى :- والله حضرتك دى شخصيتى لو مش حابب الشغل معايا ممكن تبلغ فهد ينقلنى مكان تانى
باسم :- مش قصدى والله بس انا كنت اعرف من مليكه انك شخصيه مرحه وفى نفس الوقت مستهترا بس اللى انا شايفه غير كده خالص جد زياده عن اللزوم
مى :- لا الشخصيه دى كانت زمان لكن دلوقتى اختلف وياريت حضرتك نتكلم فى الشغل بس بلاش التدخلات فى حياتنا الشخصيه
باسم :- احم اه طبعآ انا اسف
مى :- تمام نبدأ الشغل
باسم :- اوك نبدأ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى مكتب فارس
كان قاعد ومش مركز فى الشغل اخد تليفونه ومفاتيحه ونزل ركب عربيته وراح الفيلا عنده
وصل الفيلا ونزل من العربيه وبص على شباك اوضت جومانه وبعدين راح عند الباب وفتحه ودخل بص على جومانه ملقهاش موجوده طلع عند باب اوضتها وخبط على الباب مره واتنين وتلاته بس ملاقاش رد قال
فارس :- وهو بيخبط على الباب جومانه افتحى الباب بدل ما اكسره جومانه لو مفتحتيش هكسر الباب اخر مره بقولهالك بس مسمعش صوت راح جاب نسخه المفتاح اللى معاه وفتح الباب بس ملاقاش حد اتخض بس لسه هيطلع من الاوضه باب الحمام اتفتح وخرجت جومانه منه وهى حطه الباشكير على جسمها
جومانه :- اتصدمت لما شافت فارس واقف
فارس :- اول ما شاف جومانه بالمنظر ده بلع ريقه بالعافيه وقعد يبص عليها
جومانه:- بتوتر ا.ا.انت ازاى تدخل عليا الاوضه من غير ما تستأذن
فارس :- ها
جومانه :- ل.ل لو سمحت ا.ا.اطلع بره
فارس :- م.م.ماشى وسبها وخرج من الاوضه وقفل الباب وراه وقال هوف هو مال الجو حرر كده ليه ولا انا اللى كنت هروح فيها ولا فى ايه بالظبط اهدا كده يا فارس وبلاش تهور وبص على باب اوضت جومانه وبعدين نزل
جومانه :- لبست هدومها وأدت فرضها وفتحت الباب ونزلت
فارس :- ا.ا.اكلتى
جومانه:- ملكش دعوه وبلاش والنبى دور الراجل المسؤول عن مراتى وبيهتم بيها
فارس :- فى ايه مالك كل ده علشان سألتك سؤال
جومانه :- ايوه وياريت كل واحد يخليه فى حاله وميسألش التانى عن حاجه وياريت تجيب مفتاح الاوضه الاحتياطى اللى عندك علشان مش كل شويه تنط ليا فيها
فارس :- المفتاح اهو اصلآ مش هموت وأشوف وشك وانا لما فتحت عليكى دلوقتى علشان خبط عليكى كتيرولما مردتيش قولت لتكونى موتى أن شاءالله ولا حاجه بس لاقيتك زى القرده و عايشه
جومانه :- بعد الشر عليا انشالله انت يارب واخلص منك بقى وبعدين انا قرده يا نسناس عايش وسط الناس
فارس :- لمى لسانك
جومانه :- انت اللى بدأت
فارس :- انا اقول انتى متقوليش
جومانه :- ليه أن شاءالله بقى سى السيد ولا سى السيد لتكون مفكرنى امينه وهمشى وراك وابخرك واقولك من شر حاسدآ اذا حسد ده انا هدعى عليك بشعر راسى ربنا يوعدك بعين من اللى بتفرق الحجر دى تنشك عين فى عربيتك تتقلب بيك واخلص منك نهائى
فارس :- ايه يا بنتى كمية الغل والغباء والحقد اللى فى قلبك دول ده انتى هتتسخطى من كتر السواد اللى جواكى
جومانه :- مابلاش انت يا ملاك الرحمه يا ابو قلب كبير ده انت مش هتتسخط ده انت هتتلعن أن شاءالله وهتبقى زومبى
فارس :- بما انا زومبى قومى اعملى ليا لقمه اكلها
جومانه :- نعم نعم مين دى اللى تقوم تعملك لقمه أن شاءالله
فارس :- انتى ياعمرى
جومانه :- يتقصف عمرك بدرى أن شاءالله مش هعمل حاجه
فارس :- قام مسكها من درعها وقال انتى جايه تدلعى هنا ولا ايه انتى هنا مش اكتر من خدامه تشوفى طلباتى انجرى يلا
جومانه :- يا سلاااااااااام من عنيا يا سيد الناس
فارس :- مطمنش لطريقة كلامها وبص ليها بأستغراب
جومانه :- نص ساعه والأكل هيكون جاهز
فارس :- احم م.م.ماشى على ما اغير هدومى وسبها ودخل الاوضه
جومانه :- ماشى يا فارس الكلب مبقاش انا جومانه لو مكنتش خليتك تقول حقى برقبتى ودخلت المطبخ وقالت استعنا على الشقا بالله وبدأت تحضر الاكل
وبعد وقت خرج فارس من الاوضه وقال
فارس :- الاكل خلص ولا لسه
جومانه :- الاكل جهز على السفره اهو
فارس :- مش مرتاح لجومانه قال تمام بما أن انا مش مرتحلك هتاكلى من الاكل قبلى
جومانه :- متخفش يعنى مش هحط ليك سم واروح فى داهيه على واحد ميستهلش
فارس :- انا صبرى بدء ينفذ خدى بالك
جومانه :- هات
فارس :- عايزه ايه
جومانه :- بالى ههههههههه عسل
فارس :- بقرف سكر سكر امشى قدامى
وقعد فارس على كرسى السفره وقال
فارس :- اقعدى
جومانه :- طبعآ ميشرفنيش اقعد معاك على سفره واحده بس هاخد من الاكل قدامك علشان تكون مطمن وبدأت تاخد من الاكل تحت نظرات فارس وبعدين قالت أنا كده تمام عن اذنك بقى ومشيت وهى بتضحك بشر
فارس :- اطمن ومد أيده اخد معلقه وطلعها وقال يا بنت ال حطه الملح بزياده فيه قصد ماشى يا جومانه ومد أيده على صنف تانى واكل منه بس كان حلو مفهوش حاجه قال طيب اهى عملت خير ومد أيده على صنف تالت واكل منه ومره واحده شرق وكان هيموت من كتر الشطه مد أيده علشان يشرب الميه ولسه بيحطها فى بؤقه طلعها تانى كانت حطه فيها خل قال يابنت ال مد ايده ياخد شويه من العصير كانت حطاه جنبه وشرب وخرجه من بؤقه كانت حطه فيه ملح قال والله ما انا سيبك يا جومانه
وطلع يجرى ولسه هيروح يخبط على الباب اتزحلق وقع قال ااااااااه ولسه هيقوم وقع تانى بيمد أيده لاقها حطه ليه زيت اتغاظ اكتر من جومانه وبعد وقت طويل عرف يقوم من مكانه وخبط على الباب وقال ودينى ما انا سيبك
جومانه :- هههههههه تعيش وتاخد غيرها
فارس :- هكسر الباب
جومانه :- اسلوب طولك يا سيد الرجال الاول هههههههههه
فارس :- يا بنت ال بقى انتى تعملى فيا كده يا مصديه يا معفنه
جومانه :- ههههههههه قول كمان يا سيد الناس كل ده حلاوة روح مش اكتر
فارس :- خبط على الباب بعصبيه وقال عاااااااااااااااا هوريكى
جومانه :- طيب خلى بالك تزروط الدنيا علشان كمان 30 ثانيه هتعوز تدخل الحمام اصل نسيت اقولك حطيت ليك ملين فى الاكل ههههههههههههههههه
فارس :- ماشى هوريكى يا جو وقطع الكلام وطلع يجرى على الحمام
جومانه :- روحت فين يا سيد الناس هههههههههههه برافو عليكى يا جوجو ده انا بروايه ومحدش يقدر عليا
فارس :- لسه هيطلع من الحمام رجع تانى
جومانه :- ايوا بقى سمعنى كمان وكمان ههههههههههههه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر
وصل اسر الفيلا ودخل بس ملاقاش مها استغرب وطلع الاوضه اول ما فتح الباب جريت عليه مها وقالت
مها :- وهى حطه درعها حوالين رقبت اسر قالت واحشتنى
اسر :- انبهر بجمالها وقال انا بقى كنت هتجن عليكى ومش عارف اركز فى الشغل من كتر التفكير فيكى
مها :- اممممم بجد
اسر :- بس ايه الجمال ده
مها :- وهى بتمشى ايديها على زارير القميص بتاعه قالت يعنى اعجب
اسر :- ده انت تعجب الباشا يا باشا
مها :- طيب يلا ناكل
اسر :- لا اكل ايه يستنا لكن أنا مش هستنا وشلها وحطها على السرير
مها :- هتعمل ايه يا مجنون
اسر :- وهو بيفتح زراير القميص قال هو انتى خليتى عندى عقل
مها :- هههههههههه
اسر :- بتضحكى ده انتى هتموتى يا سوسو وقرب منها و(😉😉 سورى يا سناجل اتفضلو اشربو شاى 😂😂😂)
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة فريد المنشاوى
خلص فهد شغل وبص لمليكه وقال
فهد :- خلصتى يا قلبى
مليكه :- وهى بتدعك رقبتها قالت اممم خلاص مش قادره رقبتى وجعتنى
فهد :- قام وراح عندها وقرب منها وقرب شفايفه لرقبتها وبسها وقال طب وكده لسه بتوجعك
مليكه :- اممم لسه شويه
فهد :- ضحك وقرب منها تانى وبسها فى رقبتها وقال ايه لسه بتوجعك
مليكه :- لاء خفت خلاص
فهد :- اممممم طيب فى حاجه تانى بتوجعك
مليكه :- فهد بلاش قلة ادب
فهد :- ليه ظلمانى انا قصدى شريف
مليكه :- والله
فهد :- تحبى اثبت ليكى حسن النيه
مليكه :- اممم ازاى
فهد :- قرب منها وبسها من شفايفها بوسه رقيقه وبعد عنها وبص فى عينيها وقال اهو شوفتى بلاش سوء النيه بتاعتك دى
مليكه :- هههههههه ماشى يا مظلوم يا برئ
فهد :- طيب مفيش اى حاجه منك بقى
مليكه :- فهد احنا فى المكتب فى الشركه انت ناسى
فهد :- طيب بوسه تصبيره لحد ما نوصل الفيلا
مليكه :- هههههههه والله مجنون
فهد :- مجنون بيكى
مليكه :- قربت منه وبسته بوسه خفيفه على شفايفه ولسه هتبعد
فهد :- شدها اكتر ليه وطول البوسه وعمقها بس فجأه الباب اتفتح
مليكه :- اتكسفت وبعدت عن فهد
دعاء :- احم انا اسفه حضرتك بس انا خبط وحضرتك مسمعتش
مليكه :- بعد كده لما متسمعيش حد يقولك ادخولى يبقى تمشى ومتدخليش فاهمه
دعاء :- حاضر
مليكه :- جايه ليه
دعاء:- احم ا.ا.انا خلصت الشغل حضراتكم مشين ولا لاء علشان اعرف ان كنت هقعد ولا امشى
مليكه :- بعد كده مفيش سهر امشى فى معاد الانصراف
دعاء :- حاضر عن اذنكم وخرجت وقفلت الباب
فهد :- مليكه خفى شويه على البت
مليكه :- بعصبيه وانت مالك زعلان عليها ليه ها
فهد :- يا دين النبى يا بنتى افهمى انا اقسم بالله مش شايف غيرك يعنى مش دى اللى هبصلها
مليكه :- بس هى عينيها منك انا ست وافهم ده اكتر منك والواحده لو حطت عينيها على واحد بتعرف تشد انتباه ليها بأى طريقه وانا مستحيل اسيبك ليها يا فهد
فهد :- هههههههههههههه والله العظيم انتى جننتينى فى يوم واحد فى الشركه امال بقيت الايام هنعمل ايه
مليكه :- مش هترتاح غير لما تمشى عروسة المولد دى
فهد :- شدها فى حضنه وقال ربنا يهديكى يا بنتى
مليكه :- خرجت من حضنه وقالت ليه شيفنى مجنونه وبشد فى شعرى قدامك
فهد :- هههههه خلاص يا ستى يهدينى انا ويلا نمشى بقى
مليكه :- مشيت قدامه من غير ولا كلمه
فهد :- خبط على أيده وضحك وقال صبرنى ياربى
ونزلو وركبو العربيه وبعد شويه مليكه قالت
مليكه :- يا نهارى نسينا مى نروحه معانا
فهد :- ما هو من جنانك
مليكه :- ياسلام يا اخويه طيب والعمل
فهد :- هتصل بباسم يوصلها
ومسك تليفونه واتصل على باسم
باسم :- ايوه يا فهد
فهد :- انتو فى الشركه ولا روحتو
باسم :- لا لسه فى الشركه ليه
فهد :- ماشى وصل مى معاك بالعربيه
باسم :- لشقتها
فهد:- لاء لشقة امها
باسم :- تمام ماشى
فهد :- شكرآ يا باسم سلام
وقفل مع باسم وبص لمليكه وقال باسم هيوصلها
مليكه :- ماشى
وكمل فهد سواقه على الفيلا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة فريد المنشاوى
مكتب باسم
باسم:- مدام مى يلا علشان اوصلك
مى :- وتوصلنى ليه أن شاءالله
باسم :- لان فهد اتصل عليا وقلى كده
مى :- اه أوامر لاء شكرآ يا استاذ باسم انا هركب تاكسى اتفضل حضرتك
باسم :- مش حكاية اوامر ولا حاجه بس حتى لو مكنش فهد اتصل وطلب منى كده انا كنت هعمل كده من نفسى علشان خاطر اختك مليكه بعتبرها اختى
مى :- برضه شكرآ مش محتاجه مساعده من حد
باسم :- على فكره دماغك ناشفه جدآ
مى :- شكرآ عن اذنك واخدت شنتطها ومشيت
باسم :- لاء انا لا شوفت ولا هشوف واحده زيها ومشى ركب عربيته ووقف قصادها وقال لو سمحتى اركبى بلاش وقفتك فى الشارع
مى :- وانا قولتلك لاء
باسم :- على فكره مينفعش اللى انتى بتعمليه ده
مى :- والله انا حره عن اذنك ووقفت تاكسى وركبته ومشيت
باسم :- قعد يبص على التاكسى لحد ما اختفى وقال عناديه جدآ بس لما عقلت احلوت اكتر من الاول وبعدين انتبه لنفسه وقال ايه اللى انت بتقوله ده يا باسم متنساش انك متجوز ومعاك بنت وشغل العربيه وراح على الفيلا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
