رواية كوميديا سوداء الفصل الرابع عشر بقلم ليل ادم
بعد الوصول إلي القسم
ظابط المباحث: اي الدليل على كلامك طيب ياست انتي
اميره : منا بقول ل حضرتك الشاهد كلامه ل جوزي
ظابط المباحث: ما جوزك مش عايز يرد عليكي اعمل أنا اي الوقتي
احمد : يا سيدي الفاضل أنا دكتور محترم والله عيب كده
ظابط المباحث: معلش يا دكتور احمد خلينا نشوف اخر الموضوع ده اي
اميره : أنا مش هتنازل لو عمل اي
ظابط المباحث: ما كده انتوا الاتنين هتدخلوا الحجز لحد ما تتصالحوا
احمد : لالالا أنا مينفعش اقعد هنا انا بكره عندي مسابقه
اميره : مسابقه ليك عين تلعب لعبه عليك بطنك
احمد : يا ستي العب اي أنا عندي شغل بكره مهم انتي مش عايزه تنهي الموضوع ليه
اميره : لما جوزي ينزل يضربك
احمد : اه يضربني طب وربنا ل أقول ل الظابط
اميره : ما تقول
احمد : طب وربنا الست دي بيطلع عندها حد بليل وبتنسا تقفل شباك الاوضه وببقا قاعد معاهم و ليه و ليه اني بشتكي
الظابط: يعني انت فعلاً كلمت جوزها
احمد : لا مكملتش حد ومش هتكلم إلا قصاد المحامي بتاعي
ظابط المباحث: من عيني. وانت بتعمل اي هنا
عم سيد: أنا مليش دعوه أنا غفير ولا اكتر ولا أقل
ظابط المباحث: اطلع بره طيب
عم سيد: حاضر حاضر
ظابط المباحث: يا امين خود الاتنين ع الحجز
احمد : حجز حجز اي انتا بتشد ليه ياعم اصبر بكلم الظابط
الامين : ياعم امشي (وبيشد احمد )
اميره : هاته من قفا أمه اوعى تسيبه
احمد : دا انتي وليه قادره اقسم بالله
اميره : وليه ولولو عليك ساعه وساكته
الامين : يوليه بس سيبي الرجل و ادخلي الحجز
احمد : كتك الارف كنت هموت
الامين : وانت كمان ادخل الحجز
احمد : طب أنا كان عندي
الامين : (قفل الباب ومشي)
احمد : طب كنت اسمع أنا عايز اي انت ياعم ياعم الأمين
كبير الحجز : انت ياض مش عايز صداع
احمد : ياعم هو أنا كلمتك
كبير الحجز: عم
احمد : لا بقولك يا عمو
كبير الحجز: اه بحسب (وبصوت عالي) سردينه انت يا واد يا سردينه
سردينه: خدامك يا معلم
كبير الحجز: شوف الاستاذ معاه اي
سردينه: (قرب من احمد وكان أحمد وقف حاتط ايده في جيبه مستغرب )
سردينه: ايدك يا استاذ
احمد : نعم
سردينه : طلع ايدك يا استاذ خلينا ننجز
احمد : استاذ سردينه من فضلك دا جيبي أنا
سردينه: نهار ابوك اسود انت بتعطل مجرم عن تأديته مهام عمله
احمد : يا استاذ سردينه أنا آسف لو بتدخل بس هو حضرتك شغلك في جيبي
كبير الحجز: (حط ايده على كتف احمد ) كنت عارف انك هتتعبني
احمد : حضرتك انا مش متعب والله دا انا انعم من الفازلين بس استاذ سردينه مريب جدا
كبير الحجز: خلاص هات اشوف أنا
احمد : تشوف اي هو ده مقلب صح
كبير الحجز: (ضرب احمد بالقلم ) اه مقلب طلع اللي في جيبك ياض
احمد : والله ما معايا إلا الف جنيه خدها حلال عليك
سردينه: وجيبك التاني وطلع المحفظه
احمد : والله ابدا
كبير الحجز: (بصوت عالي) نعم
احمد : اتفضل المحفظه و التليفون بس بعد اذنك اعمل مكالمه
سردينه: أسيبه يا معلم
كبير الحجز: سيبه حقه برضوه وابعت حد يشوف مكتوب اي في الكارنيه ده
احمد : دا بتاع الشغل ابوس ايدك ابعد عنه
احمد : الو
الدكتور علي: اي يا احمد
احمد: هو أنا بس كنت معدي جمب القسم ف مش عارف اي حصل بس أنا سليم
الدكتور علي: لما انت سليم بتتصل بيا ليه روح أتخمد
احمد : (بيعيط) منا مش سليم أنا مسجون وسردينه خد مني كل حاجه حتا التليفون وقف مستني اقفل معاك
الدكتور علي: سردينه مين وبتعيط ليه
احمد : تعالي اضمني آخر مرة وعد يا دكتور علي
الدكتور علي: انت في قسم اي
احمد : قسم اي ده يا استاذ سردينه
سردينه: الملاهي
أحمد: قسم الملاهي يا دكتور
الدكتور علي: هو في قسم شرطة اسمه الملاهي اي العبط ده
احمد : يا استاذ سردينه حضرتك متأكد أن ده قسم الملاهي
سردينه: لا دا قسم ---------------
احمد : أما اي الملاهي دي
سردينه: احنا بنقول عليه كده لانه فخفخينه خالص
احمد : أنا مالي ما تقول على طول اسم القسم اي
الدكتور علي: اقفل يا احمد أنا سمعته وجاي
احمد : سلام
سردينه: تليفوني بعد اذنك
احمد : مينفعش تخليه معايا شويه
سردينه: انت بتهزر ياض
احمد : وربنا ما اهو راجع اتفضل
كبير الحجز: عملته عند مين ده ياض
احمد : هو اي ده اللي عملته عند مين
كبير الحجز: الكارنيه
احمد : استلمت الكارنيه منين قصدك
كبير الحجز: اه طبعاً دا تحسه حقيقي
احمد : تحسه حقيقي هو أنا مش باين عليا اني دكتور
كبير الحجز: هو صحيح شكلك ابن ناس بس مش لدرجه دكتور يعني
احمد : دكتور والله يا معلم
كبير الحجز: طب تعالي اكشف عليا وخد تليفونك
احمد : وعد
كبير الحجز: عيب
احمد : بس أنا ولا معايا سماعه ولا معايا جهاز ضغط ولا سكر اكشف عليك ب اي
كبير الحجز: يبقا انت مش دكتور
احمد : ياعم دكتور مش ساحر هندي على العموم خلينا واحده واحده بتشتكي من اي
كبير الحجز: من مراتي
احمد : مالها
كبير الحجز: وانت مالك ياض ما تكشف وانت ساكت
باب الحجز أتفتح
الامين : دكتور احمد تعالي
احمد : بعد اذنك يا معلم اشوف مين عايزني واجي أكمل علاجك أن شاء الله اتفقنا
كبير الحجز: أستعوق طيب
احمد : طبعا يا معلم بعد اذنك
الامين : امشي بقا بطل غلبه
في جانب آخر
ظابط المباحث: خلاص يا دكتور طالما أقنعت الست مش هعرف اتكلم اتفضل أمضي هنا وانتي كمان ياست أمضي هنا
اميره : هات
الدكتور علي: اي حاجه تحتاجيها تحت امرك المستشفى كلها تحت امرك
اميره : ربنا ما يحوجني ليكم
باب المكتب بيخبط
احمد : أنا مش هسكت أنا أتهنت
ظابط المباحث: انت لسه عامل قلق
الدكتور علي: اترزع و مسمعش صوتك اي اللي نيلته ده
احمد : أنا تليفوني أتاخد مني مليش دعوه عايزه
ظابط المباحث: مين اللي خده
احمد : استاذ سردينه وخد مني الف جنيه هو أنا داخل السينما علشان ياخد الف جنيه في ساعتين
ظابط المباحث: روح يا امين معلش هات حاجته
بعد ما خرج احمد من الحجز وركب مع الدكتور علي
الدكتور علي: اي اللي عملته ده يا بني ادم
احمد : دا كان حوار منيل الحمد لله جت سليمه
الدكتور علي: نص مشاكلك هتتحل لو بطلت تحط مناخيرك في كل حاجه
احمد : والنص التاني
الدكتور علي: لو فضلت فاكر نصيحتي هيتحل اتفضل أطلع نام كلها كام ساعه ونتقابل
احمد : ماشي إلا صحيح يا دكتور علي لما كنت بكلمك كنت سامع صوت دوشه
الدكتور علي: يابني أنا لسه كنت بقولك اي
احمد : لا لا لا أنا كنت بختبرك بس بشوفك مركز ولا لأ (وبيضحك)
الدكتور علي: المهم تركز انت سلام
احمد : سلام
وفي الصباح كان وصل احمد الي المستشفي علشان يبدأ في استلام الحاله
الدكتور خالد: شايفك متحمس اوي
احمد :جدا جدا جدا أنا حاسس ان النهارده هيكون يوم لطيف جدا
جميله: صباح الخير
الدكتور خالد: صباح النور الدكتور علي فين
جميله: نازل حالا
الدكتور علي: صباح الخير يا خالد
الدكتور خالد: صباح الخير تقدروا تتحركوا ربنا معاكم
الدكتور علي: على بركه الله ياله يا شباب
وفعلاً بدأ الدكتور علي و احمد و جميله التحرك الي مقر استلام الحاله وهناك كانت الحالات بتتوزع بدون تقييم بطريقة عشوائية بعد استلام الحاله تم الرجوع الي المستشفي من تاني ومعاهم الحاله
الدكتور علي: اسمك اي يا حبيبي
الطفل : اسمي على
الدكتور علي: كمان على اسمي
احمد : تعالي بقا قولي يا على بتشتكي من اي
على: (لسه هيتكلم وقع على الأرض فاقد الوعي )
