رواية امتلكني بالاجبار الجزء الثاني الفصل الثالث عشر
مريم بصت علي نفسها في المرايا بتعب و حركت ايديها علي بطنها بهدوء . و اتنهدت بتعب و قعدت علي السرير بدموع و هي بتفكر هتعمل ايه .
_________________________________________
تاني يوم ...
نوران بصدمه ./حامل . ازاي يا علي ازاي .
علي بسخريه ./زي الناس يا نوران .
ليلي بغضب ./و البرشام اللي الدكتور كاتبه . معقول يكون ادهم مكنتش بيديهولها .
علي بهدوء ./معتقدش .
نوران بضيق ./كده ممكن ترجع لـ ادهم .
علي بهدوء ./معتقدش . عايزه تعمل عمليه و تنزله .
نوران بفرحه ./طب كده كويس ده معناه أن هي مش هترجع لـ ادهم .
علي ضحك بهدوء ./ و ممكن الدكتوره تعرف ادهم .
ليلي بضيق ./ و الحل ايه .
علي بهدوء ./متخفوش . كل حاجه مترتبه . اهم حاجه ميوصلهاش الفترة دي . و انتي خلي بالك الفترة دي .
نوران هزت راسها بتوتر .
_________________________________________
مريم دخلت عند الدكتورة بهدوء . الدكتوره وقفت بسرعه ./ مدام مريم انا مش هقدر اكمل حالتك .
مريم وقفت باستغراب ./في ايه .
الدكتوره بضيق ./ حضرتك ممكن تشوفي اي دكتور غيري و يعملك اللي انتي عايزاه .
مريم بتوتر ./يا دكتوره بس...
الدكتوره قعدت بهدوء ./مدام مريم انا قولت اللي عندي .
مريم بصت عليها بعدم فهم و مشت .
________________________________________
ادهم بص قدامه بشرود . و رجع بص علي صورة عز بدموع .
نصار دخل عنده بهدوء و قعد قصاده ./مش كفايه كده يا ادهم .
ادهم بصله بسخرية ./كفايه و انا مش عارف مراتي و عيالي فين .
نصار بهدوء ./ادهم مراتك مشت بإرادتها مش مخطوفه . و مريم كبيره و عاقله و اكيد هتخلي بالها من عيالها . و هترجع اكيد .
ادهم ميل راسه بحزن ./مريم هربانه مني ..يعني مش هترجع تاني .
نصار بهدوء ./ هترجع والله هترجع . بس انت مينفعش تفضل كده . و سايب شغلك و حياتك . علي الاقل انزل الشركه .
ادهم رجع دماغه لوره بتعب .
________________________________________
بعد شهر ..
مريم رجعت من بره بتعب . و حطت ايديها علي بطنها بهدوء ./ انا اسفه بس صدقني مفيش حل غير كده .
مريم دخلت و قعدت قصاد كاميليا بهدوء . / نايمين .
كاميليا هزت راسها بهدوء ./اه و الناني مشت بعد ما نامو .
مريم بهدوء ./انتو هتروحو بكره عند اماني هتفضلو يومين كده .
كاميليا باستغراب ./ليه . و انتي هتروحي فين .
مريم بتوتر ./هسافر يومين و هرجع بسرعه انشاء الله . المهم انتي البسي عشان هنمشي كمان شويه .
مريم دخلت اوضتها بهدوء و هي خايفه . بعد ما الدكتور قالها أن العمليه هتكون صعبه عليها خصوصا انها في الشهر التالت . مريم اتنهدت بتعب و جهزت شنطة عز و دنيا .
________________________________________
نوران دخلت عند ادهم المكتب بهدوء . و قعدت قصاده ./عامل ايه .
ادهم ابتسم بتصنع و هو مركز مع الورق ./كويس .
نوران بتوتر ./بس باين عليك مش كويس خالص .
ادهم ساب الورق بتعب ./بحاول يا نوران .
نوران قربت باندفاع من صورة مريم اللي قدامه ./طول ما الصورة قدامك مش هتعرف تركز .. المفروض تشي....
ادهم مسك ايديها بغضب قبل ما تشيل الصوره ./ما تحاوليش تعملي كده تاني يا نوران . مريم في قلبي و عقلي علي طول . و لو عقلك صورلك حاجه تاني و مخليكي تجيلي كل شويه يبقي عايشه في حلم يا نوران .
نوران بعدت ايديها بتوتر ./في ايه يا ادهم . انا بس مش عايزاك تتعب اكتر من كده و تركز في شغلك.
ادهم ابتسم بسخرية و سحب مفاتيحه ./انا همشي يا نوران و ياريت تفضلي فاكره كلامي .
_______________________________________
اماني بتوتر ./خلاص هتروحي بكره .
مريم هزت راسها بخوف ./الدكتور قالي أن في تحاليل اعملها انهارده و اروحله بكره .
اماني ./ ما تفكري تاني يا مريم .
مريم ابتسمت بحزن ./خلاص يا اماني مفيش حل غير كده .
اماني بهدوء ./طب انا هلبس و اجي معاكي .
مريم برفض ./لا خليكي انتي مع العيال انا مش هتاخر .
و سبتها و مشت . اماني فضلت تدعي أنها تغير رأيها و متعملش العمليه .
_______________________________________
نوران بغضب ./بقالنا شهر يا علي في نفس المكان . و لا هي راضيه تنزل اللي في بطنها و لا هو راضي يشيلها من دماغه .
ليلي بضيق ./نوران عندها حق . و انت مش راضي تقولنا ناوي علي ايه .
علي بهدوء ./ مريم لو نزلت اللي في بطنها مش هنستفاد حاجه . احنا عارفين أن مهما حصل و مهما عدي وقت ادهم مش هيشيلها من دماغه .
نوران بضيق ./و الحل .
علي ببرود ./هنبعدها احنا عنه خالص .
ليلي بعدم فهم ./ازاي .
علي بضيق ./من غير ازاي . ادهم مفيش حاجه هتوجعه و تكسره غير لما يتقهر عليها و لما يعرف كمان أنها كانت حامل . وقتها هنكون خدنا حقنا تالت و متلت و نوران تجيب الورق و تاخده و تشبع بيه . و احنا ناخد حقنا .
نوران برفض ./اوعي تكون عايز ت..
علي قاطعها ببرود ./عندك حل تاني . انتي بنفسك شايفه أنه مش قادر يشيلها من دماغه . و انتي مش هتعرفي تدخلي قلبه غير لما هي تختفي للابد يا نوران .
ليلي ابتسمت ببرود ./علي عنده حق .
نوران قعدت بهدوء ./طب ما هو ممكن يعرف .
علي هز راسه برفض . /كل حاجه مترتبه يا نوران .
___________________________________________
بليل .
ادهم رد علي التليفون بتعب ./ايه يا اماني..
اماني بعياط ./مريم عملت حادثه و في المستشفي .
ادهم قام بسرعه ./حادثة ايه يا اماني انتي فين .
اماني قالتله العنوان و ادهم نزل بسرعه .
ادهم وصل المستشفي و فضل يدور عليهم لحد ما شاف اماني .
ادهم قرب منها بسرعه ./في ايه يا اماني ايه اللي حصل .
اماني بدموع ./عربيه خبطتها و كلموني من تليفونها قالولي أنهم جبوها علي هنا و بقالها كتير جوه .
ادهم قرب من الاوضه بسرعه و هو بيحاول يشوف اي حاجه . ادهم غمض عينه بقلق ./يارب تكون بخير يارب .
وووو
