 |
رواية امتلكني بالاجبار الجزء الثاني الفصل الرابع عشر بقلم ملك عبد المنعم
ادهم جري علي الدكتور بسرعه . / عامله ايه يا دكتور .
أماني قربت منهم بدموع .
الدكتور بأسف ./ انا اسف بس الجنين مستحملش الخبطه و حصل اجهاض .
ادهم بصدمه ./هي كانت حامل.
الدكتور باستغراب ./كانت حامل في الشهر التالت .
ادهم فاق بسرعه ./طب و مريم . مريم عامله ايه .
الدكتور بتوتر ./المخ رافض الاستجابة . للأسف دخلت في غيبوبه .
ادهم بغضب ./يعني ايه يعني ايه يا دكتور .
الدكتور بهدوء ./استاذ ادهم لو سمحت اهدي . المدام جتلنا متأخر و الخبطه كانت جامده الجنين و الرحم مستحملوهاش . احنا عملنالها تنضيف رحم و عالجنا الكدمات . بس المدام مش مستجيبه خالص و مستسلمه لـ اللي هي فيه .
اماني بدموع ./ طب هتفوق امتي .
الدكتور بهدوء ./ محدش يعرف . كله متوقف علي سرعة استجاباها بس الواضح أنها مستسلمة خالص . ادعولها .
و مشي و سبهم .
ادهم غمض عينه بغضب و خبط بايده علي الحيطه بدموع ./انا السبب انا . ليه يا مريم ليه مشيتي ليه .
اماني بصت عليه بعياط و قربت منه . / ادخلها يا ادهم . مريم بتحبك لو حست بوجودك هتفوق يا ادهم .
ادهم بصلها بدموع ./كنتي شيفاني بدور عليها في كل مكان و عارفه مكانها و مقولتليش . ليه خبيتي عليا .
اماني دموعها نزلت بوجع ./كنت فاكره يومين و هترجع مكنتش اعرف ان كل ده هيحصل .
ادهم بدموع ./كنتي عارفه انها حامل .
اماني نزلت راسها بدموع ./كانت هتنزله . مكنتش عايزاه .
ادهم غمض عينه بوجع ./عايز اعرف ايه اللي حصل .
اماني بدموع ./عرفت انها حامل لما رجعت . حاولت تروح للدكتوره بس كلمتها بطريقة غريبه و رفضت تعملها العمليه . مكنتش في دكتور راضي يعملها العمليه . الدكتور الوحيد اللي وافق كان محددلها الميعاد بكره . لحد ما حصل اللي حصل .
ادهم غمض عينه بضيق ./ليه معرفتنيش انها حامل .
اماني رفعت وشها بدموع ./الدكتوره قالتلها انك كنت بتديها برشام منع الحمل من غير ما تعرف . خافت منك و خافت تاذيها و انا خوفت عليها .
ادهم افتكر كلام الدكتور و مسح دموعه بسرعه و نزل للدكتور تحت .
الدكتور بص عليه بهدوء لما ادهم فتح الباب بغضب .
الدكتور بهدوء ./في حاجه يا استاذ ادهم .
ادهم قرب منه و هو بياخد نفسه بالعافيه ./مريم .مريم عندها ورم في الرحم .
الدكتور باستغراب ./ مش فاهم حضرتك .
ادهم بغضب ./مريم عندها ورم في الرحم .
الدكتور بهدوء ./مرات حضرتك معندهاش حاجه . لو كان عندها حاجه كان استحاله يحصل حمل .
ادهم هز راسه برفض ./يعني ايه . انا كنت بديها الدواء بنفسي .
الدكتور باستغراب ./حضرتك معاك الدواء اللي بتاخده أو صور لـ التحاليل بتاعتها .
ادهم طلع صور التحاليل و الدواء من التليفون .
الدكتور بص علي التحاليا باستغراب و بص علي الدواء بصدمه ./مستحيل .
ادهم بصله بقلق .
الدكتور بص لـ ادهم بغضب ./انت كنت بتديها الادويه دي .
ادهم هز راسه بتوتر ./ في دكتور قالي أن عنده ورم و عملنا تحاليل و اشاعات كتير . كنت بديها الد...
الدكتور بغضب ./انت كنت بتديها تلت انواع منع حمل من أخطر أنواع البرشام . برشام زي ده بـ استشارة طبيب . انا ممكن بحاجه زي كده احولك للتحقيق . في نوع منهم بيدمر الرحم .
ادهم قعد علي الكرسي برفض ./مستحيل . انا معملتش كده . مريم كانت تعبانه . انا مكنتش راضي اقولها بس كنت بديها الدواء من وراها . مريم كانت تعبانه يا دكتور صدقني .
ادهم حط دماغه بين أيديه بتعب ./كل التحاليل و الإشاعات كانت بتقول كده . هو قالي أن في برشام منع حمل عشان ميحصلش حمل . بس..
الدكتور قاطعه بسخريه ./يا استاذ ادهم لو بعد الشر عندها حاجه مكنتش هيحصل حمل من غير برشام .
ادهم هز راسه بدموع ./لا مستحيل انا كنت باذيها بايدي . اكيد في حاجه غلط .
الدكتور اتنهد بهدوء ./استاذ ادهم انا مراعي موقف حضرتك . انا هعملها تحاليل و اشاعات تاني عشان اثبت لحضرتك كلامي . بس لازم تشوف الدكتور ده . اللي حصل ده جريمه .
ادهم بصله بتعب و مشي عند مريم .
اماني خرجت من عندها بدموع و فضلت واقفه .
ادهم قرب منها بتعب ./العيال فين .
اماني بدموع ./عندي .
ادهم اتنهد بتعب ./ روحي و انا هفضل معاها .
اماني برفض ./بس..
ادهم بتعب ./ لو سمحت يا اماني .
اماني هزت راسها بدموع و مشت .
ادهم دخل عند مريم بدموع . و قرب منها بتعب . ادهم حرك أيده علي وشها بحب ./عارفه كنتي وحشاني قد ايه . عارفه انا كنت عايش ازاي من غيرك . اليوم اللي ترجعيلي فيه ترجعيلي بـ الحاله دي .
ادهم قعد علي الكرسي قصادها و مسك ايديها بدموع ./ مش عارف الوم عليكي و لا علي نفسي . كنت باذيكي بـ ايدي و انا مش واخد بالي . ليه مشيتي يا مريم ليه . كانت كل حاجه هتبقي كويسه لو فضلتي .
ادهم باس ايديها بدموع ./انا معاكي يا حبيبتي . انا رجعت و مش هسيبك ابدا بس انتي فوقي يا مريم و ارجعيلي . عايزين نكمل اللي بداناه مع بعض .
__________________________________________
تاني يوم .
ادهم صحي بخضه علي ايد نصار . ادهم بص حواليه بهدوء و اتنهد بتعب . نصار بهدوء ./اماني كلمتني و حكتلي علي اللي حصل . مقدرتش اسيبك لوحدك .
ادهم بص علي مريم بدموع ./ ليه بيحصل معانا كل ده . انا مكنتش طالب حاجه من الدنيا غيرها و عيالنا و خلاص . كان عندي استعداد اتنازل عن اي حاجه قصاد سلامتهم .
نصار حرك أيده علي كتفه بحنان ./كل حاجه ربنا كتبهالكم يا ادهم . ادعيلها و هي انشاء الله هتفوق و تبقي كويسه .
ادهم حرك أيده علي ايد مريم بدموع . و باس ايديها بخوف ./انا اسف . انا عارف اني اذيتك كتير بس والله غصب عني . عشان خاطري فوقي يا مريم . فوقي و ارجعيلي تاني انا مش هعرف اكمل حاجه من غيرك .
نصار مسح دموعه بهدوء ./روح شوف عيالك يا ادهم و اطمن عليهم .
ادهم بصله بدموع ./بس مش هقدر اسيبها .
نصار بهدوء ./انا هفضل معاها . مريم دي بنتي و يعلم ربنا انا حصلي ايه لما عرفت اللي حصلها . انشاء الله هتبقي كويسه بس روح اطمن علي عيالك اكيد حالهم وحش من غيرها .
ادهم ابتسم بحزن و مشي .
نصار قعد و بص عليها بحزن . / عارف ان اكيد في حاجه خليتك تمشي من البيت . و عارف ان الحادثه دي مستحيل تكون حادثه عاديه . و لو اللي في دماغي صح انا هجبلك حقك بنفسي ....كمل بدموع .... انا عمري ما شفت ادهم كده . ابني و انا اللي مربيه . يوم وفاة أبوه محستش بضعفه قد ما حسيت بضعفه دلوقتي . انتو الاتنين بتقوي ببعض . عشان خاطر عيالكم متستسلميش .
_______________________________________
ادهم وقف عربيته بهدوء . و رجع دماغه لوره بتعب . ادهم فاق بعد شويه و اتنهد بتعب و نزل .
اماني فتحت الباب بهدوء . ادهم اتكلم بتعب ./انا كنت جاي اطمن علي الاولاد .
اماني هزت راسها بهدوء . ادهم دخل بسرعه و عينه بتدور عليهم . لحد ما عز جري عليه و حضنه بفرحه ./بابي .
ادهم ابتسم بوجع و رفعه لحضنه بحب ./وحشتني اوي يا عز وحشتني اوي .
عز خرج من حضنه بفرحه ./دنيا نامت .
اماني وقفت بهدوء . /كاميليا قاعده مع دنيا في الاوضه دي .
ادهم بص مكان ما شاورت و هز راسه بهدوء و مشي .
ادهم فتح الباب بهدوء و هو لسه شايل عز . كاميليا جريت عليه بفرحه . ادهم حضنها بحنان و كتم دموعه بصعوبة . كاميليا خرجت من حضنه بسرعه ./هي مريم مجتش معاك ليه .
ادهم حرك أيده علي شعرها بتوتر ./مريم هتتاخر في السفر شويه و قالتلي اجي عشان اكون معاكم .
كاميليا رجعت لوره بشك ./ازاي و احنا ماشيين من وراك ..و مريم بنفسها قالتلي أن هي مش هتاخر غير يومين بس .
ادهم نزل عز بتوتر و اتكلم بسرعه ./ و مين قال إنكم ماشيين من ورايا .
كاميليا بسخرية ./تصرفات مريم كلها كانت بتقول كده . مشينا بليل و انت نايم . و فضلنا شهر و نص قاعدين لوحدنا . عياطها و زعلها و عصبيتها لما حد كان بيسالها عنك .
ادهم اتنهد بتعب ./كاميليا انا دلوقتي بتكلم مع بنتي الكبيره اللي عايزها تكون فهماني اكتر من اي حد . يمكن انا و مريم كان في بينا مشاكل خليتها تبعد فترة . بس ده مش معناه انك هربانين مني أو ماشيين من ورايا . و الدليل اني هي كلمتني
و خلتني اجيلكم عشان اكون معاكم .
كاميليا بدموع ./طب هترجع امتي .
ادهم اتنهد بوجع ./مقالتليش . بس هترجع قريب انشاء الله .
كاميليا . /انا عايزه اكلمها و تليفونها مقفول من امبارح .
ادهم ابتسم بتعب ./ هحاول اخليكي تكلميها بس الشغل عندها كتير اوي . اوقات الشبكه مبتكونتش حلوه او ممكن تكون مشغوله شويه عشان شغلها الجديد .
كاميليا هزت راسها بعد اقتناع .
ادهم قرب بتوتر من سرير دنيا . و ابتسم بدموع و شالها بحب .ادهم فضل يبص عليها بدموع و باسها بحب و نزلها تاني . عز بص لـ ادهم بدموع ./هتمشي .
ادهم شاله لحضنه بحب ./انا اسف بس هرجعلكم تاني .
ادهم قرب من كاميليا بهدوء ./كاميليا خلي بالك من نفسك و من اخواتك . و انا هكون عندكم دايما . عايز مريم لما ترجع تلاقي كل حاجه زي ما هي .
كاميليا ابتسمت و هزت راسها بهدوء .
عز لف أيده حوالين رقبة ادهم بدموع ./متمشيش .
ادهم حضنه بوجع ./هاجيلك كل شويه .
عز هز راسه بدموع . ادهم باس راسه بحب و نزله بهدوء .
ادهم خرج بره و هو بيدعي مريم تفوق و الفترة دي تعدي علي خير .
اماني وقفت قدامه بتوتر ./مقولتلهمش ليه .
ادهم ابتسم بسخرية ./مقدرتش . هقول لمين فيهم . هقول لـ كاميليا اللي ملهاش حد غير مريم . و لا هقول لـ عز اللي لسه ميعرفش حاجه في الدنيا .
اماني بهدوء ./ انا عايزه اجي اشوفها .
ادهم اتنهد بتعب ./خليكي انتي مع الاولاد عشان ميحسوش بحاجه . و معلش هتعبك معانا الفترة دي بس...
اماني قاطعته بهدوء ./متقولش كده مريم دي زي اختي ..و انتو وقفتو جمبي كتير قبل كده . كل حاجه هتكون كويسه . و انا هخلي بالي منهم لحد ما هي تفوق بالسلامه .
ادهم ابتسم بتعب و مشي .اماني فضلت تبص عليه بحزن و هي مضايقه علي اللي بيحصلهم .
________________________________
نوران بتوتر ./يعني ايه احنا كده من نروح في داهيه .
ليلي بضيق ./دي زي القطط بسبع ارواح .
علي ببرود ./اهدو شويه . و بعدين دي في غيبوبه و لو فاقت هتقول عربيه خبطتني . حادثه بتحصل كل ساعه مش جنايه يعني .
ليلي بغضب ./انت ايه البرود اللي انت فيه ده . ادهم لو عرف أن هي معندهاش حاجه و انك كنت بتخلي الدكتور يديها دواء عشان يدمر الرحم مش هيسكت و هيفضل يدور وره الموضوع .
نوران هزت راسها بتوتر ./صح كلامها صح يا علي .
علي بهدوء ./مفيش اي دليل ورانا غير الدكتور . و الدكتور مش هيودي نفسه في داهيه اكيد . اهدو و خلينا هنشوف هنعمل ايه .
علي بص علي نوران ببرود ./ مش محتاج اقولك أن دي اخر فرصه ليكي . لو مريم فاقت و انتي لسه معملتيش حاجه يبقي تنسي انك تاخدي حق التلت سنين اللي اتحبستيهم و حقك في حبيب القلب.
نوران قعدت بضيق ./انا مش عارفه هقدر اكمل قدامه ازاي . انا حاسه أننا عاملين مصيبه .
علي بهدوء ./لا يا حبيبتي احنا عاملين فعلا ..و قضية شروع في قتل يعني لو اتعرفنا و البت دي ماتت هنموت كلنا و لو اتحبسنا هيكون رحمه لينا من اللي ادهم ممكن يعمله . يبقي خليكي هاديه عشان توترك ده هيجبنا كلنا .
ليلي بهدوء ./انا واثقه أن الورق في البيت . حاولي تتصرفي الفترة الجايه بسرعه . مش عايزين نضيع وقت اكتر من اللي ضاع .
علي هز راسه بهدوء ./سامعه يا نوران .
نوران هزت راسها بضيق .
______________________________________
فات اسبوع و مكنتش فيه اي جديد . ادهم كانت حياته عند مريم و يروح للعيال كل يوم و رافض ينزل شغله .
ادهم مسك ايديها بحب و هو بيلعب في صوابع ايديها بهدوء ./ مش قادر اصدق اني اذيتك اوي كده لدرجة أنك تسبيني و تمشي . انا مكنتش عايش من غيرك يا مريم . مكنتش نفسي نوصل لـ كل ده . بس انتي هتقومي و ترجعيلي صح . انا حاسس بيكي حاسس انك هتبقي كويسه.
ادهم باس ايديها بدموع و ركن دماغه علي ايديها . الممرضه دخلت بهدوء ./استاذ ادهم الدكتور عايز حضرتك .
ادهم هز راسه بهدوء و مسح دموعه و ميل باس راسها بحب و مشي .
الدكتور بصله بهدوء . و طلع التحاليل ./تحاليل مراتك اهي تقدر تروح بيها لـ اي دكتور غيري . هيقولك أن مراتك معندهاش اي حاجه . و حالتها الصحيه كويسه . كل اللي عند مراتك في الرحم بسبب البرشام اللي خدته .
ادهم قعد بصدمه./يعني ايه .
الدكتور بصله بغضب ./يعني اللي حصل ده جريمه . و كان المفروض تاخد راي كذا دكتور تاني قبل ما تديها دواء زي كده . مراتك لو حملها كان كمل بحالتها دي مكنتش هتعيش .
ادهم غمض عينه بوجع ./انا عملت كل ده عشانها كنت خايف عليها والله مكنتش اقصد .
الدكتور اتنهد بهدوء و قعد قصاده ./استاذ ادهم انا عارف ان المرض مش بيفرق بين كبير و صغير . بس ورم الرحم ده بيكون ليه أعراض معينه و بتظهر عليها . و مراتك كانت حامل و خلفت مرتين لو كان عندها حاجه كانت ابسط حاجه بنتها مكنتش هترضي تاكل منها خصوصا أن هي كام شهر .
ادهم ضحك بسخرية ./يعني انا كان بيتلعب بيا .
الدكتور ./ من رأي أن حضرتك ترجع للدكتور و تعرف لي عمل كده . لان اللي عمل كده استغل انك مش هتقدر تفكر غير في علاجها و مش هتركز في الأعراض و ده اكيد حد عارف حضرتك كويس .
ادهم بصله بهدوء و هو بيفتكر كل الأحداث اللي حصلت الفترة اللي فاتت....
وووو...
