 |
رواية عشقت كبريائي فهد ومليكة الجزء الثاني (عناد الحب والكبرياء) الفصل الرابع عشر بقلم دودو محمد
فى فيلا فارس المنشاوى
فارس تعب من كتر ما دخل الحمام نام على السرير وهو بيتوعد لجومانه برد المقلب فيها
فى اوضت جومانه كانت قعده بتأنب نفسها وقالت
جومانه :- شكلى تقلت المقلب عليه اوى حرام شكله تعب جدآ وبعدين سكتت شويه وقالت بس احسن يستاهل اكتر من كده علشان هو بنأدم معندهوش دم وبعدين سكتت شويه وقالت بس انا بهدلته خالص وشكله تعب علشان مش ظاهر فى الفيلا ط.ط.طب اروح ابص عليه ليكون محتاج حاجه وسكتت شويه وقالت ايكش يولع انا شغله تفكيرى بى ليه مالك يا جومانه دى مش طبيعتك تفكرى فى حد كتير كده وبعدين قالت لالالا مش بفكر فيه ولا حاجه هو صعب عليا بس علشان اللى عملته فيه مش شويه وبعدين قالت ومن امته وهو بيصعب عليكى ردت على نفسها وقالت ليه معنديش قلب قالت لنفسها ومن امته قلبك المتحكم فيكى ردت على نفسها وقالت يووووه هو مش تحقيق واحد وعملت فيه مقلب وصعب عليا علشان تقلت عليه مفهاش حاجه دى قالت لنفسها الحب ضعف وانتى طول عمرك قويه والراجل لما بيشوف واحده بتحبه بيفضل وراها لحد ما ياخد اللى هو عايزه منها وبعد كده يزهق منها ويكسرها ويرميها رميت الكلاب ردت على نفسها وقالت قوام خلتيها حب وعملتى حكايه وروايه واحد صعب عليا وخلاص هوف بقى انا شكلى اتجنيت بكلم نفسى احسن حاجه أفضى دماغى وانام وقامت طفت النور ونامت على السرير وراحت فى نوم عميييق
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
كانت مليكه نايمه فى حضن فهد وقالت
مليكه :- فهد
فهد :- نعم
مليكه :- اوعى تبعد عنى وتسبنى
فهد :- بأستغراب ليه بتقولى كده
مليكه :- علشان البت اللى اسمها دعاء دى مش سهله وانا خايفه تخدك منى
فهد :- يا بنتى انتى ايه فى دماغك دى يا مليكه احنا مش صغيرين ومعانا ولدين وبنت هما كل حياتنا وربنا كرمنى بأحلى واجمل زوجه فى الدنيا دى ومش حرمنى من حاجه يبقى ليه هبص لبره
مليكه :- ايه مش صغيرين دى لاء يا خويه انا لسه فى عز شبابى
فهد :- هههههههه طبعآ وزى القمر وكل سنه تمر من عمرك بتزيدك حلاوه
مليكه :- انا مجنونه بحبك يا فهد نفسى اخبيك ومخليش حد يشوفك ولا يكلمك غيرى عايزه اصرخ بعلو صوتى واقول انا بحبه وبغير عليه من نسمة الهوا اللى بتلمسه
فهد :- وانا بعشقك وعينى دى مش بتشوف غيرك لأنك انتى المعنى الحقيقى للزوجه المتكامله فيكى كل حاجه بتمناها وكل الستات الموجوده دى متسواش رمش واحد من عيونك يا مليكه انتى اسمك بيوصفنى ويوصفك مليكة حياتى كلها قلبى وروحى وعمرى عيونك بحر بيسحرنى روموشك سيف بيقتلنى شفايفك لزتى وحضنك متعتى انتى بلد متكمله ليا يا مليكه مميزه بكلامك وحركاتك وضحك وهزارك انتى صعب يكون في حد زيك فى الدنيا دى
مليكه :- ضحكة وقالت بحبك بحبك بحبك اووووووووى يا فهد وحطت راسها على صدر فهد وغمضت عينيها بسعاده
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى بيت عبد الرحمن
فى اوضت مى
كانت قعده حزينه فى اوضتها وبتفكر فى الحال اللى وصلت ليه وفى كلام باسم عليها انها كانت فرفوشه وبتحب الهزار وأصبحت واحده جد مجرده من المشاعر والأحاسيس دموعها نزلت منها لما افتكرت اللى كان مازن بيعملوا معاها وكلامه ليها وإهانته وفى الوقت ده رن تليفونها بتبص لاقته رقم مازن رمت التليفون على السرير وقالت
مى :- ابعد عنى بقى حرام عليك يا شيخ سبنى الم الجرح اللى فى قلبى منك سبنى اجمع كرامتى اللى راحت على ايديك سبنى اعيش على أمل ارجع مى بتاعة زمان كفايه بقى تعبت اقسم بالله تعبت
وفى الوقت ده وصل ليها رساله مسكت التليفون وفتحت الرساله وكان مكتوب فيها (مى واحشتينى اوووى الدنيا واحشه من غيرك عارف ان انا مستهلش تفكرى فيا بس علشان خاطر بناتنا ادينى فرصه اصلح اللى فات وارجعك تانى ليا بحبك اوى )
مى :- مصدقتش نفسها لما قرت كلام مازن وضحكت ضحكة انكسار وقالت هه بعد ايه يا مازن بعد ما حطمتنى وكسرت كل حاجه حلوه فيا بعد ما كرهتينى فى الدنيا وكل اللى فيها بعد ما خلتنى أفقد الثقه فيك بعد ايه ولا ايه يا مازن للاسف بكرهك وبكره اسمك وبكره كل حاجه ليها علاقه بيك وحدفة التليفون على الأرض ونامت على السرير تعيط لحد ما نامت من كتر العياط
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا باسم
باسم :- كان قاعد بيفكر فى مى وشخصيتها الجد وعندها وفكر فى أول مره شفها لما كان هيخبطها بالعربيه وقد ايه كانت كلها نشاط وحيويه وورده مفتحه ولما شفها تانى مره فى فرح فهد ومليكه وقد ايه كانت حلوه اوى وهى مغمضه عينيها وبتكلم نفسها وافتكر طريقة كلامها معا دلوقتى وقد ايه بقت شخصيه جد ورغم كده شاف فى عينيها حزن وانكسار مقدرش يفهم ايه سببه
نورهان :- باسم باسم
باسم :- ايوه يا نورهان
نورهان :- مالك يا باسم سرحان فى ايه بقالى ساعه بنادى عليك وانت ولا هنا
باسم :- ها م.م.مفيش بس مأخدش بالى كنتى عايزه ايه
نورهان :- مش هتنام
باسم :- شويه ادخلى انتى نامى
نورهان :- مالك يا باسم انت متغير ليه النهارده
باسم :- ها م.م.مفيش بس فى مشكله فى الشغل بفكر فى حلها
نورهان :- ماشى يا حبيبى ربنا معاك وبسته فى خده وقالت تصبح على خير
باسم :- ضحك ليها وقال وانتى من أهله
ودخلت نورهان تنام وباسم قعد يبص عليها لحد ما اختفت ورجع راسه لواره وغمض عينه وجت صورة مى قصاد عينه فتح عينه وقال
باسم :- ايه الحكايه يا باسم ليه صورتها مش عايزه تروح من قدام عينك وليه شغله تفكيرك اه منكرش أن اعجبت بيها من اول مره شوفتها بس فكرت الجواز كانت بعيده عن دماغى سعتها ولما فكرت فيها وكنت هتكلم عليها لاقتها اتخطبت وهتتجوز وكنت خلاص بطلت افكر فيها واتجوزت نورهان ونستها ايه رجعها تانى دلوقتى بجملها ورقتها وشخصيتها اللى بقت قويه وشغلت تفكيرى من اول وجديد بس مينفعش يا باسم مينفعش هى متجوزه ومعاها اطفال وانت متجوز وعندك بنت بلاش السكه دى يا باسم ومسح بأيده على وشه وقام دخل اوضت النوم ونام جنب نورهان وشدها اخدها فى حضنه وبسها فى راسها ونام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اشرقت شمس صباح يوم جديد بنورها الساطع فى سماء الاسكندريه لتبدء جومانه بفتح عيونها قامت قعدت على السرير وافتكرت اللى عملته فى فارس وضحكة وقالت
جومانه :- ههههههههههه تحححححفه يا بت جومانه ده انتى قمتى بالواجب معاه وزياده بس ده لو شفنى دلوقتى هيولع فيا هههههههههه اموت وأشوف شكله بعد الليله اللى قضاها فى الحمام يا حرررررام هههههههه ده تلاقيه اتصفه يا عين امه ههههههههه وبعدين مسكت بطنها وقالت بس انا جعانه من امبارح مأكلتش حاجه ولو خرجت دلوقتى مش بعيد فارس هو اللى ياكلنى تعملى ايه يا جومانه وبعدين قامت فتحت الباب براحه وبصت تشوف لو فى حد ملاقتش حد اتسحبت وهى ماشيه داست على مكان الزيت اللى حطته لفارس ووقعت وقالت اااااااه اللى عملته فى فارس هيتعمل فيا ولا ايه وبعد صعوبه قامت وقفت ونزلت واحده واحده على السلم وبصت ملاقتش حد نزلت ودخلت على المطبخ وعملت سندوتش وعملت نسكافيه ولسه هتطلع لاقت فارس واقف وحاطط أيده فى جيبه وبيبص ليها المج وقع من ايديها والسندوتش ومسكت السكينه وقالت
جومانه :- ل.ل.لو جيت جنبى هضربك بديه
فارس :- قعد يقرب ليها
جومانه :- ا.ا.انا مجنونه لو قربت اكتر من كده هضربك بالسكينه
فارس :- قعد يقرب ليها اكتر
جومانه :- وهى بترجع لواره ب.ب.بقولك خليك عندك وضهرها خبط فى الحيطه
فارس :- قرب اكتر ليها وشدها ليه وبسها بوسه طويله
جومانه :- السكينه وقعت منها فى الارض وكانت مسلمه ليه
فارس :- بعد وقت بعد عنها وبص فى عينيها وقال انا كنت مفكر البوسه دى عقاب ليكى بس لاقيت العكس شايفك مستمتعه بيها اوى وحبتيها
جومانه :- كان وشها احمر من الكسوف ومتوتره وبلعت ريقها بالعافيه والكلام وقف فى زورها ومعرفتش تطلعه
فارس :- هههههههههههه شكلك تحفه وقت ما تعوزى اطلبى وانا تحت امرك وغمز ليها وقعد يصفر ببؤقه وخرج من المطبخ وبعدين من الفيلا
جومانه :- كانت وقفه مصدومه من اللى حصل ومصدومه من نفسها اللى اتجوبت معاه ومحاولتش تمنعه وقالت ليه ليه غبيه اديته فرصه يلعب بيكى وبأعصابك وبعدين مشت صوابعها على شفايفها وضحكت تلقائى وقالت ايه حكايتك يا جومانه غمضت عينيها تهدى نفسها وبعدين فتحتهم واخدت نفس عميق وخرجته وبصت على المج المكسور على الأرض وبدءت تنضف الارض
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
فتح فهد عينه وبص على مليكه اللى نايمه فى حضنه بسها فى راسها وقال
فهد :- حبيبتى اصحى يلا
مليكه :- اممم سبنى شويه يا فهد بالله عليك
فهد :- خلاص خليكى نايمه النهارده وانا هنزل الشغل
مليكه :- اول ما سمعت كده قامت نطت وقالت ايه لالالا انا فؤقت خلاص يلا بينا
فهد :- وقف وربع أيده على صدره وقال يلا بينا على فين
مليكه :- على الشركه يلا واقف ليه
فهد :- هههههههههههههههه
مليكه :- بتضحك على ايه يلا هنتأخر
فهد :- وهو مش قادر يمسك نفسه ههههههههههه هتروحى الشركه كده وشاور على جسمها هههههههههه
مليكه :- بصت على جسمها وخبطت على راسها وقالت اخ نسيت ربع ساعه واكون جاهزه ودخلت تجرى على الحمام
فهد :- خبط بايده على بعضيها وضحك وقال مجنونه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقة عبدالرحمن
فتحت مى عينيها على صوت خبط باب اوضتها قامت قعدت وقالت ادخل
فايزه :- صباح الخير يا بنتى
مى :- صباح النور يا ماما
فايزه :- ايه يا حبيبتى راحت عليكى نومه ولا ايه
مى :- هى الساعه كام
فايزه :- 10,30
مى :- يا نهار اسود انا اتأخرت وقامت بسرعه ودخلت الحمام وغسلت وشها واتوضت وخرجت أدت فرضها ولبست هدومها وبصت على الموبيل اللى مرمى على الأرض نزلت اخدته وركبت البطاريه وقالت
مى :- منك الله يا مازن انت السبب فى أن ارمى التليفون والمنبه ميرنش واتأخر وخرجت تجرى من الاوضه وقالت وهى بتلبس الجزمه معلش يا ماما تيلا صحيت وراحت المدرسه ولا لسه
فايزه :- لاصحيت من بدرى وفطرتها قبل ما تمشى وبنتك التانيه صحيت واكلتها وبتلعب مع عيال خالتها جوه فى الاوضه
مى :- معلش يا ماما تعباكى معايه
فايزه :- يا حبيبتى ربنا يصلح حالك يا رب ويريح قلبك
مى :- ويخليكى لينا هروح انا دعواتك بقى ونزلت وقفت تاكسى وراحت على الشركه ونزلت من التاكسى ودخلت تجرى على الشركه وهى داخله خبطت فى باسم
باسم :- ااااه حاسبى وسندها قبل ما توقع
مى :- عدلت نفسها وقالت ش.ش.شكرآ
باسم :- العفو بس مالك داخله بتجرى كده ليه
مى :- راحت عليا نومه واتأخرت على معاد الشركه
باسم :- وايه المشكله يعنى متأخرتيش كتير وبعدين محدش لسه جه ولافهد ولا مليكه
مى :- انا مليش دعوه هما صحاب الشغل وانا شغاله عندهم ولازم احترم معاد الشغل اللى بشتغل فيه
باسم :- مش كده يا مدام مى خدى الحاجه ببساطه وبعدين انا مش زعلان لو اتأخرتى شويه هسد مكانك لحد ما تيجى
مى :- شكرآ لحضرتك بس ياريت كل واحد يهتم بشغله هو بس عن اذنك وسابته ومشيت
باسم :- قعد يبص على مى لحد ما اختفت اخد نفس وخرجه وطلع على مكتبه
