رواية عشقت الليندا الفصل الرابع عشر بقلم إيمان خالد
أصعـ ـب أن يُزرَع الحب في قلوبٍ قاسـ ـية لا تعرف الرحمة، وأن تعيش الروح في جسد مثقل بالأ*لم والخضوع. عشقٌ لم يعرف السكـ*ـينة يومًا، وكأن الحياة قررت أن تكون معر*كتها أبدية، تُقا*تل فيها كي تثبت أنها قادرة على الوقوف رغم الانكسـ*ـار. بين ظلال القهـ*ـر ونور الأمل، يبقى السؤال: هل ستأتي اللحظة التي تتحرر فيها من قيودها، أم سيظل صر*اخ قلبها المكتوم يبحث عن مستمع في عالم أصم؟"
🌾🌹🌾🌹🌾
(فــــــــــــي المنيــــــــــــا)
**في المساء دخلت صافي غرفة زهرة لترىٰ زهرة تجلس علىٰ السرير وعشق جالسة علىٰ الأرض تستعد للنوم.
صافي: زهرة حبيبتي جيت أطمئن عليكِ.
زهرة: حبيبتي يا ماما أنا كويسة ياقلبي، ماما بقالك فترة مش عملتلك قهوه تحبي أعملك؟!
صافي: حبيبة قلب ماما ياريت ياروحي أنا حتىٰ مصد*عة أوي.
زهرة: من عنيا ادخلي أنتِ الأوضة بتاعتك وأحلىٰ فنجان قهوة هيكون عندك.
صافي: وأنتِ يابت اعملي حسابك تصحي بدري، سيدك نادر جاي من برة كل الأكل اللي بيحبه يتعمل.
عشق: حاضر.
**ذهبت صافي لغرفتها وقامت زهرة بإدخال القهوه لها، ثم قامت بعمل فشار وقهوة لها ولعشق ودخلت بهم الغرفة...
زهرة: قومي يا أختي خدي مني..
عشق: أنتِ عاملة فرح يا زهرة...!!
زهرة: لقيت نفسي جعانة قولت أعملك معايا، متخفيش غسلت الأطباق اللي اتبهدلت مني.
عشق: كدا آكُل وأنا في السليم يا سطااااا..
زهرة: بعينك استني أقفل الباب أقبل ما ماما تيجي.
عشق: تمام ...
زهرة: قومي يابت قومي اقعدي علىٰ السرير.
**بعد استجابة عشق لها بالجلوس علىٰ السرير بدأت زهرة حديثها بتساؤل قائلة...
زهرة: تفتكري شكل نادر اتغير؟!
عشق: أنتِ هبلة يا زهرة شكله هيتغير إزاي ربنا يهديكي، دا سافر من ٣ سنين بس يكمل دبلومة ودكتوراة هناك.
زهرة: أخويا وحشني أوي يا عشق.
عشق: ربنا يديمكم في حياة بعض.
زهرة: ويخليكي ليا ياقلبي، يلا بقىٰ نآكل الفشار.
عشق: أنا هشرب القهوة وهنام.
زهره: خا*يفة عليكِ من القهوة دي أنتِ يعتبر مش بتآكلي كويس كدا هتتعبي.
عشق: ياقلبي متقلـ ــقيش، يعني شيفاني رايحة أمو*ت؟ وحتىٰ لو، والله ساعتها هيبقىٰ راحة ليا علىٰ الأقل هبقىٰ في حضن ماما.
زهرة: اهدي يابت قلبتيها نكد كدا ليه.
عشق(ببكـ ـاء): بالله عليكِ يا زهرة لو حصل لي حاجة وصيتي ليكِ تخليهم يد*فنوني جنب ماما.
زهرة: في إيه يا عشق اهدي، حصل إيه لكل دا؟!!
عشق: قلبي اتقبـ ـض مرة واحدة.
زهرة: استهدي بالله ياروحي، ومتخافيش مفيش حاجة هتحصل بإذن ﷲ، يلا تعالي اشربي القهوة..
عشق: حاضر، زهرة ينفع أنام في حضنك النهارده؟؟
زهرة: مش بعرف أنام في حضن حد، غصب عني وﷲ..
عشق: لا يا حبيبتي ولا يهمك..
**ومن ثمّ وضعت الفنجان وقامت بضبط المنبه لتحاول النوم...
______بقلمي ايمي خالد ________
(عنـــــــــــــد أحمــــــــــــــــــد)
**في الصالون بعد تناولهم الطعام
أميرة: عملتلكم قهوة إنما إيه..
أحمد: تسلم إيدك يا قلبي.
أميرة: عرفتوا حاجة عن بنت ياسمين؟؟
آسر: لأ، يا ماما لسه بندور عليها وإن شاء ﷲ نلاقيها.
أميرة: إن شاء ﷲ تلاقوها في أقرب وقت.
أحمد: رحيم هتفضل تيجي الشركة يوم وعشرة لأ ولا إيه نظامك؟؟
رحيم: لا يا بابا أنا معاكم من بكرة إن شاء ﷲ.
أميرة(بخو*ف): قلبي اتقبـ*ـض أوي ربنا يستر.
أحمد: متخافيش إن شاء ﷲ خير.
أميرة: يارب خير.
آسر: أما أنا اتعرفت علىٰ ظابط النهارده إنما حكاية.
رحيم: مين دا و عرفته إزاي؟!
آسر: هقولك...
**وحكىٰ لهم ماحدث معه....
أميرة: ههههههه دا رحيم ابني بس متنكر.
رحيم: لأ، أنا مفيش مني اتنين.
أحمد: أنت هتقول لي لو كان في منك اتنين البلد كانت و*لعت.
رحيم (بضحك): تسلم يا كبير، يلا تصبحوا علىٰ خير.
الجميع: وأنت بخير وذهب الجميع للنوم..
______بقلمي ايمي خالد ________
(فـــــــــــي الملجـــــــــأ)
**هلَّ الصباح بنوره حيث دخلت أبرار وقامت بفتح شباك الغرفة لتجد ليندا وچوري قد انتهوا من تجهيز أنفسهم للخروج..
أبرار: أزغرط!! أول مرة تصحوا لوحدكم النهارده عيد ولا إيه....!!
ليندا(بحماس): النهارده أول يوم تدريب لينا أنا فرحانة أوي.
چوري: وأنا كمان فرحانة، هنساعد في تخفيف أ*لم المرضىٰ
أبرار: ربنا يوفقكم يارب، يلا علشان تفطروا قبل ماتمشوا.
ليندا: يا ماما مش جعانين كدا هنتأخر.
أبرار: والله ما أنتم خارجين غير لما تفطروا الأول.
چوري: ماشي هنفطر يابيرو حاجة تاني....!!
أبرار: لأ، يلا الفطار جاهز.
**بعد الانتهاء من الفطار...
ليندا: يلا نمشي بقىٰ ياچوري هنتأخر.
أبرار: أنا مش عارفة أنتِ مستعجلة ليه وأنا قلـ*ـقانة عليكم والله.
ليندا: متقلـ*ـقيش علينا يا ماما.
چوري: هنبدأ الساعة تسعة ونخلص الساعة خمسة إن شاء ﷲ وهنيجي علطول.
أبرار: ماشي يا حبيبتي أنا هستناكم ترنوا عليا تطمنوني كل شوية.
ليندا وجوري: لا اله الا ﷲ
أبرار: محمد رسول ﷲ، يارب طمن قلبي عليهم .
**خرجت أبرار خلفهم لتودعهم..
ماجدة: عاوزاكي تفرحي بيهم أوي لإنهم مش هيطولوا هنا..
أبرار: أقسم بالله لو عملتي لوحدة فيهم حاجة لتكون نهايتك علىٰ إيدي.
ماجدة: هههههه لأ، كله بالقا*نون ياروحي، بعد إذنك.
أبرار: يارب عدي الأيام دي علىٰ خير، وأنتِ يا ماجدة وربي لو لمستي شعرو من بناتي ما هيوقف لك حد غيري.
______بقلمي ايمي خالد ________
(فــــــــي انجلتــــــــــــرا)
**في إحدىٰ العيادات....
Ibrahim: Hello.
Secretary: Hello, sir.
Ibrahim: Can I book an examination for my wife?
Secretary: Of course, in whose name, sir?
Ibrahim: In the name of Mona Ibrahim.
Secretary: Well sir, rest a bit.
Ibrahim: I want an urgent examination because I have many tasks.
Secretary: Urgent examination needs a lot of money.
Ibrahim: No problem.
Secretary: I will tell the doctor.
And after a while...
Secretary: Please, madam, for an examination.
Doctor: Hello.... What are you suffering from?
Mona: I want to confirm pregnancy.
Doctor: Enter the examination room.
.....after 5 minutes .....
Doctor: Congratulations, there is a pregnancy. It is necessary to take care of complete rest and eat healthy food. There are also some medications that must be taken care of until we finish the first months of pregnancy.
Ibrahim with pleasure: Of course, Doctor, thank you.
الترجمة:
إبراهيم: مرحبا.
السكرتيرة: مرحبا سيدي.
إبراهيم: هل يمكنني حجز فحص لزوجتي؟
السكرتير: بالطبع، باسم من يا سيدي؟
إبراهيم: باسم منى إبراهيم.
السكرتير: حسنا سيدي استرح قليلاً.
إبراهيم: أريد فحص عاجل لأن لدي مهام كثيرة.
السكرتير: الفحص العاجل يحتاج إلى أموال كثيرة.
إبراهيم: لا مشكلة.
السكرتيرة: سأخبر الطبيب.
وبعد وقت قليل...
السكرتيرة: تفضلي سيدتي لإجراء بالفحص.
الدكتور: أهلا....ماذا تعاني؟
منى: أريد التأكد من الحمل.
الدكتور: ادخلي غرفة الفحص.
.....بعد 5 دقائق .....
الدكتور: مبروك هناك حمل، من الضروري الاهتمام بالراحة الكاملة وتناول الغذاء الصحي، كما أن هناك بعض الأدوية التي يجب الاهتمام بها حتىٰ ننتهي من الأشهر الأولىٰ من الحمل.
إبراهيم بكل سرور :طبعا يا دكتور شكراً.
_____بقلمي ايمي خالد ________
(فــــــــــــي المنيـــــــــــــا)
**استيقظت عشق من نومها سريعاً، وبدأت في ترتيب البيت بالكامل حتىٰ لا تعا*قبها(صافي)، حيث أنها انتهت منه وقت أذان الظهر، ومن ثمّ أسرعت إلىٰ المطبخ وقامت بإحضار الطعام لـنادر بكل حب لأنها تعتبره أخوها بالرغم من إنها زوجة أبيه،
(بعد مرور فترة محدودة من الوقت)
**انتهت عشق من تجهيز الطعام والحلويات الشهية، ولفت الطعام في فويل حتى يظل ساخنا بنفس المذاالجيد، بعد انتهاؤها، أتت بأدوات التنظيف لتقوم بترويق ومسح المطبخ،
**أخيراً أنهت عشق عملها كاملاً ثم جلست علىٰ الكرسي المجاور لها لتستريح قليلاً...
عشق: آه يااااااني يا ضهري إيه الشغل دا الحمدلله إن الواحد خلص، اتقطـ*ـم ضهري والله، و زهرة الـKـلب نايمة علىٰ السرير، طب لما تصحالي الند*لة دي.
**دخلت صافي في هذا الوقت لتطمئن أن كل شئ علىٰ ما يرام، لترىٰ عشق جالسة بشعرها المفرود علىٰ الكرسي، لتنظر إليها بكل غيـ*ـظ وحقـ*ـد...
صافي: قومي فز.ي من مكانك أنتِ قاعدة كدا ليه؟، وإيه شعرك اللي سيباه سايح دا وﷲ لأحر*ق قلبك عليه عشان تبقي تفرديه قدامي أووي..
عشق(بخو*ف): مش قصدي أفرده وﷲ، هو اتفرد غصب عني من كتر الحركة اللي بعملها وأنا بشتغل، بالله ما تيجي جنبه..
**لتتحرك صافي تجاه عشق، ثم تصفعـ*ـها علىٰ وجهها بقو.ة
، حيث قامت بجذبها بعد ذلك من شعرها بعنـ*ـف، وأتت بالمقـ*ـص التي يوجد بالمطبخ كي تقـ*ـص شعر عشق.
زهرة(بخو*ف ور*عب): إيه يا ماما صوتك عالي كدا ليه؟؟
**لترىٰ(صافي) تمسك بيدها اليُمنىٰ المقـ*ـص وتجذب شعر عشق بقوة بيدها اليُسرىٰ...
**أسرعت زهرة حتىٰ تساعد عشق من قبضة يد(صافي) ، حيث تو*جعت عشق حين تركت (صافي ) شعرها..
زهرة (بخبث): خلاص ياماما سيبيهالي وأنا هقـ ـص لها شعرها وأنتِ عرفاني يا ماما هجيبلك شعرها تحت جزمتك، دا معاش ولا كان اللي يز*عل (صافي) حبيبة قلبي.
صافي (بفرحة): ربنا يخليكي ليا يا قلب صافي أنتِ.
زهرة (بعـ*ـنف وهي توجه الكلام لعشق): قومي يلا يابت قدامي علىٰ الأوضة...
**سارت عشق أمام زهرة بصمت حتىٰ دخلت الغرفة وفي لحظة دخول زهرة الغرفة أغلقت ورائها الباب بإحكام، لتنظر لها عشق بعتاب و حزن وهي تقول بكل أسف...
عشق: أنتِ هتعملي إيه يا زهرة؟!! بالله عليكي ماتعملي كدا علشان خاطري.
**لتنهال زهرة ضحكاً حين رأتها بهذه الحالة ثم قالت لها....
زهرة: أنتِ عاملة زي الكتكوت المبلول كدا ليه؟!
عشق: ____________.
زهرة: أنتِ مجنو*نة ولا خيالك قالك إني هعمل فيكِ حاجة زي كدا؟! ، يابت دا أنا لو ليا أخت مكنتش حبتها زيك كدا.
عشق(بغـ ـيظ): إيه بت اللي طلعالي بيها دي المفروض تقوليلي يا مامي..
زهرة(بضحك): مامي إيه دا أنا أكبر منك ولا أنتِ ناسية قال مامي قال(لتكمل بجدية) يلا عشان نخلص من شعرك دا مش كنتِ عايزاني أساويلك أطراف شعرك أهي جت الفرصة عشان أساويهولك..
**بمجرد إنتهاء زهرة من تصفيف شعر عشق..
عشق: يابنت الإيه أنتِ عملتي كدا إزاي دا اللي يشوف شعري يقول إنه مقصوص كاريه بس يا ناصحة فين الشعر اللي قصتيه و هتوريه لأمك؟؟
زهرة: تصدقي طول عمرك هتفضلي غبـ*ـية ومش فاهمة حاجة هو أنا مش لسه قا*صة من شعرك وأخدت من البروكة اللي علىٰ شعرك شعر منها لأنها كانت طويله وغير كدا نفس لون شعرك، وأهو قص*ـتهولك أهو يعني اللي يشوفها يقول إن اللي اتقـ ـص شعرك..
صافي(من الخارج): إيه يا زهرة دا كله و مخلصتيش؟!
زهرة: لأ لأ يا ماما أنا خلصت أهو.
**بعد ذلك ضر*بت زهرة عشق بخفة..
زهرة: عيـ ـطي يا موكوسة مشفهومش وهما بيقـ ـصوا لبعض، يشوفهم وهما بيلبسوا البروكة.
**لتعم ضحكاتهم الهادئة أركان الغرفة، حيث قامت عشق بإحتضان زهرة بحب.
عشق: ربنا يخليكِ ليا ياحبيبتي.
زهرة(بضحك): إيه التلزيق دا أنتِ ما بتصدقي تحضني حد أنا ميحضنيش غير قرة عيني وبس.
صافي(من الخارج): يااازهرة.
**فتحت زهرة الباب ودخلت صافي.
** ملأت الفرحة قلب صافي وعينيها ترىٰ ببهجة وشما*تة شعر عشق المُلقىٰ علىٰ الأرض.
صافي (بتكبر): قومي يلا روقي المز*بلة دي عشان سيدك نادر قدامه خمس دقايق ويوصل.
** في أقل من عشرة دقائق انتهت عشق من طلب صافي...
**وحضر نادر ليقوم بإلقاء التحيه علىٰ كل من في المنزل بمرح و سرور بعد عودته من الخارج..
**ومن ثمّ قاموا بإحضار الطعام إلىٰ السفرة، ليبدأوا بتناول الطعام الشهي الذي أحضرته عشق بأجواء مليئة بالفرح والسعادة.
**بعد انتهائهم من تناول الغداء أتت عشق لتُعيد ترتيب غرفة السفرة مرة أُخرىٰ وأخذ الأطباق إلىٰ المطبخ لغسلها، ومن ثمّ ذهبت إلىٰ النوم بعد يوم طويل مليء بالتـ*ـعب والضـ ـغط الجسدي...
**أما عن زهرة، دخلت غرفة نادر لتتحدث معه وتقـ*ـص عليه ما حدث من صافي مع عشق من إها*نة وتهد*يد ليرد عليها نادر بصد*مة...
نادر: هي لسه بتتعامل بالأسلوب دا، مبقاش ينفع السكوت علىٰ الظـ*ـلم دا أكتر من كدا إحنا لازم نشوف حل عشان نخرجها من هنا..
زهرة: وأنا واثقة إنك هتقدر تخرجها من هنا.
نادر: طب يلا قومي يا رغاية واقفلي الباب عايز أنام..
______بقلمي ايمي خالد ________
(فــــــــــي المستشفــــــــــى)
**دخلت چوري وليندا إلىٰ المستشفى في جو مليئ بالفرح..
چوري(بمرح): أنا مش مصدقة إننا هنقابل مرضىٰ حقيقين وهنقدر نساعدهم ونخفف عنهم الو*جع.. ليندا
(بضحك): أنتِ مش مصدقة نفسك ليه؟ أنتِ فاكرة إننا هندخل نلاقي قرن فلفل مكســ*ـور و طمطماية بتنز*ف....!!
چوري(وهي تدعي الجوع واضعة يدها علىٰ بطنها): ياريت دا حتىٰ الواحد جعاااااااان أووووي.
ليندا (بصد*مة): نهار أبيض عليكِ إيه دا..!!
چوري(بتعجب): إيه؟!
ليندا: مش لسه مخلصين سندوتشات من خمس دقايق.!!
چوري(بضحك): هو في إيه يا ليندا أنتِ هتعدي عليا السندوتشات عاااااااا.
ليندا: خلاص بقىٰ إحنا مش في بيتنا لازم نحترم المكان اللي إحنا فيه و كل واحد يشوف شغله.
** ومن ثمّ، ذهب كلاً منهما إلىٰ قسمه الخاص لأداء عمله بإتقان وجهد، حتىٰ انتهىٰ موعد العمل المخصص لهم، وأثناء مرورهم في الطُرقة...
ليندا(بحد*ة): استني يا چوري.
چوري(باستغراب): في إيه!!
ليندا: هو أنا لازم أفكرك بالصلاة؟؟
چوري: أنتِ عارفة إني تعبا*نة، قولت هأخرها شوية، لأني طول النهار واقفة علىٰ رجلي.
ليندا (بحد*ة): أنتِ عارفة لو ماما عرفت إن واحدة مننا أخرت الصلاة هتعمل فينا إيه؟ وتعب إيه اللي بتقولي عنه لو أنتِ مش قد التدريب عرفيني وأنا هقول لماما عشان مش من اتفاقنا إننا نأخر الصلاة و إني أخدك غصب عنك تصلي (بصوت أعلىٰ) افرضي مو*تنا دلوقتي وإحنا بنتسأل عن تأخير الصلاة هنقول إيه؟؟ نقول كنا تعبانيين...
چوري (بد*موع وحز*ن): مش قصدي وأنتِ عارفة، أنا هصلي بعد كدا الوقت بوقته بالله ماتز*علي مني.
ليندا (بحزن): لأ، أنا زعلانة منك و زعلانة منك جامد كمان..
**ثم تقدمت ليندا خطوتين للأمام تاركة چوري خلفها بد*موع، لترجع مرة أُخرىٰ وهي تقول بحزم....
ليندا : يعني أنتِ خايفة علىٰ زعلي ومش خايفة من غضـ*ـب ربنا؟ ياچوري أنا خايفة عليكِ، عايزة نكون الصحبة اللي نآخد بإيد بعض للجنة ونكون سوا فيها مش عايزة أي حاجة تمنع دخولنا الجنة حتىٰ لو سيـ ـئة صغيرة.
چوري(ببكـ*ـاء): حاضر والله اللي أنتِ عايزاه مني هعمله وياااارب لو خليتك زعلانة مني أمو*ت..
** لتسرع ليندا بإحتضانها في هذه اللحظة قائلة بغضـ ـب....
ليندا: أنتِ اتجننـ*ـتي عشان تدعي علىٰ نفسك، أنتِ عارفة إن أنا من غيرك ولا حاجة، بس لو عملتي كدا تاني؟
چوري(بتسرع): خلاص لو عملتها تاني خا*صميني 3 أيام..
ليندا: تمام لو اتكررت تاني والله ما هكلمك 3 أيام زي ماحكمتي..
**ليقا*طع حديثهما اتجاه الممرضة نحو ليندا قائلة...
الممرضة: دكتورة ليندااا...
ليندا: أفندم..!!
الممرضة: أنا محر*وجة وأنا بطلب من حضرتك الطلب دا.
ليندا (باستغراب): طلب إيه !! لاء اتكلمي عادي في إيه..!!
الممرضة: المفروض أنا الشيفت عليا بالليل النهارده، وزي ما حضرتك شايفة إني حامل و في الشهر الأخير ومركبة كانيولا علشان ضغطي واطي، ممكن تشيلي عني الشفت دا، لإني لو غبت هيتخصم من مرتبي كتير وأنا محتاجة الفلوس أووي عشان الولادة...!!
چوري(بهدوء): للأسف مينفعش من ناحيتين ....
أولاً إن ليندا دكتورة تحت التدريب يعني مش تثبيت أساسي تقدر تتعامل.
غير كدا ماما هتز*عق إننا بتنا بره البيت.
الممرضة: والله الحالة مش مستاهلة خبرة أنا خايفة تعبي يزيد بالليل، بالله عليكِ يا دكتورة أقفي جنبي وساعديني..
ليندا: خلاص أنتي روحي وأنا هشيل الشيفت عنك.
الممرضة: شكراً يا دكتورة.
**وذهبت سريعاً
چوري: إزاي يا ليندا توافقي
أولاً: أنا جعانة أووي.
ثانياً: ماما هتز*عل مننا إحنا حتىٰ معرفنهاش بالتأخير دا...
ليندا: لو علىٰ الأكل الكافتيريا فيها و نطلب من العمال يجيبولنا مش هيعا*رضوا، وإن كان علىٰ ماما أول ما ندخل أوضه التمريض نكلمها نعرفها..
**ومن ثمّ دخلوا غرفة التمريض...
______بقلمي ايمي خالد ________
(فــــي شركـــــــة أحمـــــــــد)
رحيم(بتـ*ـعب): آه يا ضهرك اللي اتكـ*ـسر يارحيم ومبقاش فيك حتة سليمة مكنش يومك يا أخوياا.
أحمد(بضحك): تستاهل مش أنت اللي بتجيلي يوم وتغيب باقي السنة ما أنت لو ملتزم مكنش حصلك حاجة.
رحيم(بضحك): إيه يا أبوحميد إلتزام إيه دا اللي بتتكلم عنه أنت تعرف علىٰ ابنك كدا.
أحمد: إيه أبو حميد دي يا حيو*ان دا أنا من سن أبوك يعني تقولي بابا، قدامك خمس دقايق تكون سخنت العربية عشان نمشي..
رحيم: هو آسر مش هيروح معانا ياحج..؟!!
أحمد: آسر هيخلص مشواره ويقابلنا في البيت.
رحيم: دقيقة والعربية هتكون في إنتظارك.
______بقلمي ايمي خالد ________
(فــــــــي منــــــــزل يوســـــــف)
**قام يوسف بالاتصال علىٰ آسر، وبعد رد آسر عليه أسرع يوسف بالتحدث قائلاً..
يوسف: إزيك يسطااااااااا..
آسر: وطي صوتك يا حيو*ااااان.
يوسف(بغمزة): يعني متدلعش عليك يا بيبي.
آسر(بضحك): أقسم بالله لو ما اتعدلت لآجي أعدلك.
يوسف(متصنع الخو*ف): خلااص يا باشا إحنا مش قدك ولا قد عضلاتك دي (ثم يُكمِل بدلع) يعني مش من حقي أتصل وأطمئن عليك.
آسر: أستغفر ﷲ العظيم، ابعد عني ياريمبوو ابعد عني يا مسهوك .
يوسف: خسارة فيك كارت الفكة اللي شحنته مخصوص علشان أطمن عليك..
آسر(بتريقة): كارت فكة يا معفـ*ـن، آه ما أنت ملكش غير في السهوكة تصدق هسجلك عندي بالمسهوگ.
يوسف: دا أنا ليا الشرف إن الباشا يسجلني عنده.
آسر(بجدية): إحنا زي ما اتفقنا، غو*ر من وشي حالاً بقىٰ.
يوسف(بضحك): كدا كدا هغو*ر .
**ثم يُسرع بإغلاق المكالمة في وجه آسر..
نور: مش أنا قولتلك متصاحبش حد من البلد دي.
يوسف: بس آسر شخصية محترمة ياماما، وبعدين مش هينفع نعيش في الدنيا لوحدنا لازم نتعامل مع كل اللي حوالينا علشان نقدر نكمل حياتنا.
نور: وﷲ يا ابني أنا خايفة عليك.
يوسف: أنا عارف إنك خايفة عليا يا مزة بس استني استني أنتِ كل يوم بتحلوي كدا ليه.
نور: إيه يا مزة دي ما راحت عليا بقىٰ خلاص.
يوسف(بمرح): إيه راحت عليكي دي متقوليش كدا يا نور يا قمراية أنتِ دا اللي يشوفك يقول إنك أختي الصغيرة.
نور : ربنا يفرح قلبك زي ما بتفرح قلبي كدا ويبعد عنك الشـ*ـر و الصحبه السو*ء.
يوسف: إيه الدعوة الحلوة دي يا ست الكل ربنا يديمك ليا (ثم يُكمل ضاحكاً) يلا بقىٰ نتغدا أحسن الواحد جاع و عصافير بطنه بتصفر علىٰ الأخر..
نور (بضحك): أما أنت عليك كلام غريب بشكل يلا يا تاعب قلبي..
يوسف: وأنتِ في حد يقدر يتعب قلبك يا بطل..
**ثم يذهبوا لتناول الطعام في مرح.
______بقلمي ايمي خالد ________
(فـــــــــــي الملجـــــــــــــأ)
ماجدة: والله يا أبرار لأبعدهم عنك صبرك عليا..
**لتقوم في هذا الوقت بالاتصال السريع رئيس إدارة الملجأ ويُدعىٰ...
عزت: أهلاً بيكِ يا مدام ماجدة عامله إيه ؟!
ماجدة: الحمدلله، المهم عندي بنتين خلاص كملوا الـ ١٨ سنة..
عزت: إزاي الكلام دا المفروض ينتقلوا لمؤسّسة تانية..!!
ماجدة: أبرار ممكن ترفض الكلام دا...!!
عزت: مفيش حد فوق القا*نون وقواعد المؤسسة هينتقلوا رسمي أو يتجوزوا مفيش غير كدا.
ماجدة: حلوة حكاية العرسان دي ممكن دا الاختيار الأحلىٰ، بس بيشتغلوا إيه وسنهم أد إيه؟؟
عزت: واحد سباك والتاني نجار.
ماجدة: بجد أبهرتني ولو الموضوع دا تم ليك اللي تطلبه.
عزت: شكلك بتحبيهم أوي.
ماجدة: أوي اتوصىٰ بيهم بقىٰ.
عزت: كام يوم وهبدأ في الإجراءات القا*نونية إما يتجوزوا أو ينتقلوا لمؤسسة تانية.
ماجدة: تبقىٰ خدمتني وزي ماقولتلك ليك اللي عايزه.
عزت: تمام يا مدام ماجد عايز منك صوره بأوراق تخص ميلادهم وبيانات تانية عنهم علشان ننجز في الموضوع.
ماجدة: تمام الأوراق هتكون عندك في أقرب وقت.
عزت: تمام .
**أغلقت المكالمة، لتضحك بشـ*ـر وهي تقول....
ماجدة: يلا يا أبرار علشان تعرفي مين فينا اللي بينفذ كلمته قال ماما أبرار قال هههههههههه.
______بقلمي ايمي خالد ________
(فـــــــي غرفـــــــــة نــــــــــــادر)
**كان يفكر في مساعدة عشق دون أن يعلم أحد..
نادر (بداخله): لقيتها، يبقىٰ أنزل القاهرة وأشتري شقة هناك، واليوم اللي هقدر أخرجها من هنا أوديها علىٰ هناك علطول، بس هتقدر تخرجها إزاي ياواد يا ناااادر امممم..؟؟
** ليسمع صوت د.قات الباب..
نادر: أدخل.
صافي: لسه صاحي يا حبيبي.
نادر: آه يا ماما صاحي بفكر في حاجة.
صافي: بتفكر في إيه يا حبيبي ينفع تقولي؟!
نادر: بفكر أنزل القاهرة أخلص ملفات هناك.
صافي: إشمعنا القاهرة أبوك ممكن يبعت حد يخلصلك اللي أنت عايزه...؟!
نادر: ياماما لازم أخلص كل حاجة بإيدي حتىٰ فكرت أخد زهرة معايا وعشق علشان تخدمنا هناك لحد ما أخلص.
صافي: تاخد أختك آه، إنما الز*فته عشق لأ دي ممكن تهر*ب منك.
نادر: مفكرتش إنها ممكن تهر*ب، لأن مفيش ليها حد تروحله ولو راحت لأبوها هيجيبها هنا من تاني..
صافي: لأ يا نادر البت دي سيرتها تحر*ق الد*م.
نادر: هي مضـ*ـيقاكِ في حاجة يا ماما؟؟
صافي: هي تقدر دا أنا أجيب رأسها تحت رجلي، بت غبـ ـية كل حاجة تعيط وبتنام أكتر من ما بتشتغل.
نادر: لأ يا ماما شدي عليها شوية لتشوف نفسها علينا.
صافي: هوريها كل اللي فات كوم واللي جاي كوم تاني.
نادر: و أنا كمان هخليها تكر*ه نفسها بس أنتِ تبقي مبسوطة ياقلبي.
صافي: اعمل اللي أنت عايزه، وتبقىٰ تتكلم وأنا أوريها، المهم عايزين نفرح بيك.
نادر: تفرحي بيا إزاي ..!!
صافي: تتجوز وتملىٰ البيت بعيالك.
نادر: أول لما أطمن علىٰ زهرة، أوعدك هتجوز بعدها وكمان هخليكي أنتِ اللي تختاريها.
صافي: أنا هختارلك ست البنات وبكرة تقول ماما قالت.
نادر: و أنا متأكد من كدا يا حبيبتي.
صافي: يلا تصبح علىٰ خير.
نادر: وأنتِ من أهل الخير والسعادة.
**بعد خرج صافي عاد نادر للتحدث مع نفسه قائلاً..
نادر: سامحيني يا عشق لازم أتعامل معاكِ و*حش لحد ماتتأكد إني بكر*هك، ساعتها هقدر أخرجك من هنا، ومفيش قدامي حل غير دا..
**لينام نادر من كثرة التفكير..
______بقلمي ايمي خالد ________
عند آسر داخل العربية...
آسر: والله لأعرفك يا يوسف إزاي تقفل السكة في وشي (وضحك).
**فجأة في عربية آسر...
**أصبحت سرعة العربية في تزايد مستمر مع عدم قدرته التحكم بها، حاول استعمال الفرامل لكن دون جدوىٰ، ليُسرع بالقول...
آسر: أشهد أن لا إله إلا ﷲ وأن محمداً رسول ﷲ
