رواية دمعه عين الجزء الثانى وحرب المافيا الفصل الخامس عشر 15 بقلم شيماء طارق

عين وسليم جهزوا الاكل وقعدوا على الترابيزه تاني وعين كانت بتوكل سليم في بقه وسليم بدا ياكلها وهم الاثنين كانوا بيبصوا في عين بعض وكان  عينيهم هي اللي بتتكلم لكن جه اللي قطع هذه اللحظه الرومانسيه 

تولين /الف مبروك يا عين 

عين/الله يبارك فيك يا حبيبتي 

تولين/ هو فين زين يا ابيه سليم

سليم /في الشغل يا تولين في حاجه 

تولين بيزعل /ما فيش برن عليه من امبارح ومش بيرد عليا انا قلقانه عليه قوي 

سليم/ ما اتصلتيش بعز ليه اكيد كان وصله بيكي 

تولين /ما تيا كلمت عز وما ردش عليها برده 

سليم بمواساه/ ما تقلقيش انا هكلمهم واعرف لك ايه الموضوع بالظبط وليه مش بيردوا عليكم واطمنك عليهم 

تولين /ميرسي يا ابيه سليم

سليم /على ايه يا قمر

تولين /معلش بقى جيت قطعت عليكم 

سليم بزعل مصطنع/ ما انتي على طول كده ايه الجديد 

تولين /ماشي يا ابيه الله يسامحك

عين عصبيه/لا يا حبيبتي ما فيش حاجه  تعالي اقعدي معانا ما تزعليش من سليم هو بيهزر معاكي

سليم/ تقعد فين روحي يا ماما اتكل على الله 

تولين بزعل /انا كده كده ماشيه انا اصلا مش طايقه اقعد مع حد انا قلقانه قوي على على زين قصدي عز وزين يعني 

سليم بمكر/ لا ما هو واضح قوي ان انتى قلقانه على عز تمام انا هعرف لك الاخبار ايه وهكلمك 

تولين بهدوء عكس العاده

تولين/ تمام يا ابيه متشكره 

مشيت تولين وكانت قلقانه جدا وبدات من جواها تميل لزين لان كان واضح ان قلقها كان قلق حد عاشق خايف على الشخص اللي بيحبه 

عين /ممكن تقوللي بقى ايه اللي حصل معاك النهارده وايه اخرك كده على الحفله وعايزه اعرف سبب اختفائك ايه يلا بقى بسرعه

سليم /وده بقى نسميه استجواب ولا ايه بالظبط يا مدام سليم بدران

عين/ كويس اللي انت عارف ان انا مدام سليم بدران يعني لازما سليم بيه بدران يعرف المدام بكل حاجه ما يسيبهاش كده زي الطور في البرسيم 

سليم/ لا يا قلبي وانا اقدر اقول عليكي طور انتى احلى منه بكتير 

عين /كده يا سليم ماشي انا هوريك بقى

سابت عين سليم وكانت ماشيه ومتعصبه جدا لانه كان بيتريق علينا

سليم /راحه فين يا بنتي

عين/ هروح اقعد مع ماما وجدو وبقيت العيله 

سليم /وهتقدري تسيبيني لوحدي

عين /انت اللي عملت في نفسك كده 

سليم/ انا خايف عليكي من الحسد خايف عيونهم تحسدك  

عين /ما احنا بنعرف نتكلم اهو امال ايه شغل الترابش اللي انت كنت عامله من شويه ده

سليم / ده شكل واحده داخله كليه طب نفسي اعرف جبت المجموعه ده ازاي

عين / وزاره التربيه والتعليم انا صعبت عليها فنجحوني 

سليم/عقبال اما صعب عليكي وتحن عليا يا قمر

عين/انا برده لاحن ماشي يا سليم 

سليم حب يغير الموضوع

سليم /انا عايزك تدرسي وتكوني مجتهده ده اكثر حاجه هتفرحني بس  وتجيبي مجموع كويس وبقيتي متفوقه هعمل لك مفاجاه انتي ما كنتيش متخيلاها 

عين / مكافاه ايه قوللي بسرعه 

سليم/ مش هقول لك دلوقتي خلي كل حاجه تيجي في وقتها

عين /انا متحمسه جدا يا سليم على اول يوم هروح في الجامعه وفي نفس الوقت خايفه 

سليم بعصبيه /خايفه وانا معاكي انتي مش شايفاني راجل ولا ايه

عين والله ما قصدي انا بس من كتر المشاكل اللي حصلت حواليا بقيت اخاف من اقل حاجه 

سليم بحب /ما تخافيش طول ما انا معاكي يا قلبي سليم انا عارف ان انتي لسه صغيره والظروف اللي  مريتي بيها كانت صعبه بس انا عارف اللي حبيبتي بطله رغم الظروف اللي كانت عايشاها  ورغم ده كله هتكون اجمل واحسن دكتوره في مصر كلها 

عين بفرحه مختلطه بدموع /تعرف انا اكثر حاجه محمساني تشجيعك ليا يا زوجي العزيز 

سليم بابتسامه

سليم/انا اول مره اسمعها منك على فكره 

عين بحب/ ومش هتبقى اخر مره

قرب سليم من العين حط ايديه على وسطها 

سليم/تعرفي ان انتى جميله قوي يا عيني 

عين بكسوف /سليم نزل ايدك كده غلط في ناس كثيره في الحفله واكيد شايفين اللي انت بتعمله

سليم /ما فيش حد ليه عندي حاجه وكمان انتي مراتي يعني ما فيش كسوف 

عين /خلاص بقى كفايه تعالى نشوف بقيه العيله علشان احنا ما قعدناش معاهم خالص النهارده ايه بالمناسبه هي فين فاطمه 

سليم بزعل /فاطمه في اوضتها 

عين /انا حاسه ان في حاجه 

سليم /موضوع كان قديم والحمد لله اتقفل 

عين احكيلي يا سليم لو مش هيضايقك

سليم /بعد الحفله هحكيلك كل حاجه يلا دلوقتي علشان ما حدش ياخد باله وكمان تقريبا كده الضيوف بداوا يمشوا تعالي نروح شويه ونقف معاهم علشان ما يقولوش اللي احنا سيبنا الحفله 

عين/والله انا بقول كده من بدري بس انت اللي ما كنتش عايز تقعد معاهم 

سليم /معلش يا ستي حقك عليا يلا بينا 

سليم اخد عين روح وقفوا مع المعازيم شويه وبعد كده 

الجد /هي فاطمه فين يا سليم؟

سليم /في اوضتها يا جدو

الجد باستغراب /هي ليه ما نزلتش تحضر معانا الحفله

سليم /ما فيش هي كان عندها صداع شويه وحضرتك عارف جو الحفلات بيبقى دوشه

الجد بعدم اقتناع /تمام انا ابقى اطلع اطمن عليها بنفسي 

سليم /سيبها ترتاح شويه يا جدو واكيد اما تقوم الصبح هتكون كويسه 

الجد بقلق وعدم ارتياح

الجد /قلبي مش هيرتاح غير اما اطمن عليها 

سليم /ربنا يبارك لنا فيك يا جدو ويخليك لينا يا حبيبي

الجد بابتسامه /ويخليك لنا يا سليم انت سند العيله وضهرها 

سليم ابتسامه /يا رب يا جدي نفضل على طول مع بعض ايد واحده

نور قام من على كرسي وكان ساند على منار وراح عند سليم وعين

نور /الف مبروك يا عين على النجاح 

عين/ الله يبارك في حضرتك

نور/ احنا منتظرين الشهاده الكبيره بقى ان شاء الله 

عين /ان شاء الله يا رب ادعوالي بس 

منار /بندعيلك على طول يا حبيبتي وان شاء الله على طول في نجاح

عين /امين يا رب

يسرا /انا فخوره بيكي يا حبيبتي 

عين /انا متشكره جدا يا ماما انا مش عارفه لو ما كنتوش جنبي وبتدعموني كده اكيد ما كنتش وصلت لحلمي انتم السبب الاساسي في نجاحي انتم احلى حاجه حصلت في حياتي 

الجد /انتي اللي كويسه علشان كده ربنا يسهللك طريقك احنا كنا مجرد سبب 

احمد /انا كان طول عمري نفسي في بنت وكنت كل شويه بتخانق مع يسرا وهي تقوللي اني ربنا اداها ولدين وهيجيبوا لها بنتين ما كنتش بصدق الكلام ده بس بعد ما شفتك صدقت ان ممكن فعلا مرات الابن تكون بنت

عين وهي على وشك انها تعيط من فرحتها 

عين/ ربنا يخليك ليا يا بابا وما يحرمنيش منك ابدا والله انتم مش قادرين تقتنعوا ان انا اللي محظوظه مش انتم خالص انا بنت يتيمه نمت قامت تاني يوم لقيت ما عندهاش ام ولا عندها اب ولا عندها عيله ولا عندها حد خالص وبعد كده جه ملاك من السما نقزني من اللي انا كنت فيه يعني انتم اجمل حاجه حصلتلي في حياتي

ابتسم سليم علشان عين وصفيته بالملاك كان فرحان قوي من كلامها وفي نفس الوقت كان قلقان على فاطمه لانها بعد ما اتقبض على عبد الرحمن وتحقق معاه وهو اعترف على كل حاجه هي رفضت ان هي تحضر الحفله وقفلت على نفسها الاوضه وكانت مش عايزه تشوف اي حد وطبعا سيبيه ما رضيش يعرف اي حد من العيله اللي حصل علشان ما يبوظ فرحتهم لكن عمو نروح كان عارف كل حاجه من عز و زين وراح فتح الموضوع مع سليم

نوح/ ايه اخبار التحقيق يا سليم 

سليم باستغراب /انت عرفت منين يا عمي 

نوح/ انا اتصلت بعز وهو حكيلي على كل حاجه هو فعلا عبد الرحمن اتحبس دلوقتي 

سليم /ايوه يا عم اتحبس وفاطمه هي اللي خليته يسلم نفسه

الجد هو طلع عبد الرحمن ورا ده كله يا سليم

 سليم/ للاسف يا جدي طلع شكي كان في محل وعبد الرحمن هو اللي كان بينتقم من عيلتنا علشان ابنه اللي مات واما عرف الحقيقه من فاطمه وافق يسلم نفسه

الجد /وانت ليه ما قلتليش يا سليم 

سليم /ما رضيتش ازعلكم وعلشان ما بوظش الحفله واكيد بعد الحفله كنت هقول لكم 

الجد /ربنا يستر على فاطمه انا خايف عليها قوي لانها كانت متعلقه بعبد الرحمن قوي اكيد هي زعلانه ومكتئبه دلوقتي في اوضتها

سليم/ ما تخافش عليها يا جدو طول ما انا موجود انا هطلع دلوقتي اطمن عليها وما تقلقش هي تكون كويسه لان اللي زي عبد الرحمن ده وبعد كل اللي عمله ما يدبكيش عليه

الجد /فعلا يا ابني عندك حق بس برده كان الغلط الاساسي من عيلتنا 

سليم /والله يا جدي لوما الغلط ده انا كنت خلصت عليه بايدي بس يلا سيبوا القانون هو اللي ياخد مجراه

نوح هو عز ليه ما جاش لحد دلوقتي ولا زين

سليم/ التحقيق واخد معاهم وقت طويل علشان كمان عبد الرحمن احترف على الراس الكبيره وده حد مهم جدا علشان كده مش هيقدر يجي النهارده ربنا يكون في عونهم

نوح /تمام يا سليم لو عايز تروح اوضتك تستريح شويه اتفضل انا واقف هنا في الحفله وجدك وبقيه العيله ما تقلقش انا عارف ان انت كنت امبارح مع زين وعز وهم بيقبضوا على عبد الرحمن واكيد ما نمتش خالص من امبارح 

عين بخوف/انت ما نمتش من امبارح 

سليم/ عادي انا اوقات بطبق باليومين

عين /بعد اذنكم يا جماعه احنا هنطلع دلوقتي علشان سليم يستريح شويه 

سليم /كملي حفلتك يا عين لسه بدري في ناس موجوده هنا في الحفله ما ينفعش نسيبهم ونطلع

نوح /ما تقلقش تقريبا 70% من الناس مشيت يعني الموجودين دلوقتي الناس المقربين بس اتفضل انت على اوضتك استريح شويه 

الجد/ اسمع الكلام يا ابني

سليم/ حاضر

سليم راحوا وعين على الجناح بتاعهم هو في الطريق سمع صوت فاطمه وهي بتعيط في اوضتها

سليم /روحي انتي يا عين وانا هطمن على فاطمه وهاجي وراكي 

عين /اجي معاك 

سليم/ لا انا 10 دقائق وهكون عندك 

عين  /تمام

دخل سليم اوضه فاطمه كانت نايمه على السرير وكانت بتعيط وبتفتكر في  ذكرياتها مع عبد الرحمن وكانت ماسكه اجنده و قلم وورده باين عليها ان هي دبلانه جدا دخل سليم وكان زعلان جدا على حاله فاطمه بس حب يخفف عنها شويه

سليم /عامله ايه دلوقتي يا طمطم

فاطمه بياس /اكيد  مش كويسه 

يا سليم 

سليم /وليه مش كويسه يا فاطمه

فاطمه /انا  طول عمري كنت عايشه على امل ان في يوم من الايام هرجع لعبد الرحمن تاني ده الامل الوحيد اللي انا كنت عايشه على عشانه حاسه ان حياتي ما بلاش ليا قيمه سليم انا خلاص حاسه ان انا ما بقاش ليا وجود انا من غير عبد الرحمن هموت انا بجد بحبه انا مش بحبه بس انا بعشقه 

سليم/ بعد كل اللي عمله يا فاطمه بتقولي كده 

فاطمه/ الحب ما بيفرقش بين وحش وحلو يا سليم 

سليم/ بس احنا عندنا عقل ولازما نفكر في اي حاجه قبل ما نعملها وكمان انتي ممكن تحبي مره ثانيه انا كنت بحب ريم وبعد كده عرفت عين وحبيتها يعني ما فيش مانع ان احنا نحب مره ثانيه

فاطمه/ احنا مش هنضحك على بعض يا سليم انت ما حبتش ريم ريم كانت بالنسبه لك حد مناسب ليك جدا وكمان انت كنت شايف حبها ليك علشان كده اتجوزتها لكن عين موضوعها مختلف 

سليم /دي وجهه نظرك انتي بس ريم هتفضل لحد اخر يوم في عمري ام ابني

فاطمه /انت قلتها ام ابنك انت فعلا لو حبيت ريم يا سليم ما كنتش قدرت ان انت تحب حد غيرها او تتجوز وتبدا حياتك مع بنت تانيه

سليم حب ينهي الكلام في الموضوع ده

سليم/ احنا بنتكلم عنك دلوقتي يا فاطمه انت ناويه على ايه

فاطمه قامت من على السرير وروحت ماسكه ايد سليم بتوسل 

فاطمه/سليم وحياتي عندك لو انا غاليه عندك حققلي امنيتي الاخيره ومش هطلب منك حاجه بعدها علشان خاطري ممكن تحققها لي

سليم / وهي ايه الامنيه دي يا فاطمه ولو حاجه انا هقدر اعملها لك اكيد انا ما عنديش مانع؟؟؟؟