رواية امتلكني بالاجبار الفصل السابع عشر
ادهم فتح الباب بهدوء و اتحولت عيونه لصدمه ./نصار السيوفي.
نصار بعد ادهم عن الباب بهدوء و دخل./اول ما عرفت انك رجعت من السفر قولت لازم اجي اباركلك بنفسي .
ادهم بصله بغضب./ايه فكرك بيا بعد السنين دي . انت مش بنتك ماتت و ارتحنا من شرها .
نصار /انتحرت يا ادهم انتحرت .
ادهم /انتحرت اتحرقت انا مالي. انت ايه اللي جايبك بيتي .
مريم نزلت في الوقت ده بهدوء.
نصار ابتسم بخبث./مريم مش كده .
مريم بأستغراب./حضرتك تعرفني.
نصار/و هو في حد دلوقتي ميعرفش مين مريم جلال مرات ادهم بيه . عموماً الف مبروك .
مريم سلمت عليه بتوتر ./الله يبارك في حضرتك .
نصار لادهم بخبث./مش تعرف مراتك انا مين .
ادهم بصله بضيق ./نصار السيوفي يا مريم صاحب شركات السيوفي.
مريم ابتسمت بهدوء./ايوه اعرفها طبعا .
نصار /بس اكيد متعرفيش أننا و جوزك كنا شركاء من كام سنه بس..
ادهم قاطعه بهدوء./مريم هاتيلنا قهوة .
مريم حركت راسها بتوتر و مشيت.
نصار/كويس أنها مشت . انا الصراحه كنت ناوي اكمل و اقولها كل حاجه.
ادهم ضغط على سنانه بغضب./حياتي اللي حاولت تدمرها زمان انت و بنتك مش هسمحلك تدمرها تاني يا نصار .
نصار /بنتي اللي انتحرت بسببك.
ادهم بغضب./قولتلك ميت مره انا مليش دعوه بانتحارها مليش دعوه بيها و لا بأي حاجه تخصك انت و هي . نصار انا متاكد انك ظهرت في حياتي الفترة دي لسبب بس انا مش هسمحلك يا نصار .
نصار اتحرك و مشي ناحية الباب ./ مش معقول يا ادهم تكون فاكر . اني ساكت السنين اللي فاتت دي عشان صدقت انك مظلوم.و مش عايزك تفتكر اني ممكن انسي أو اسكت عن اللي حصل زمان .
و سابه و مشي.
و ادهم طلع اوضته بغضب و عصبيه.
مريم طلعت وراه و بصت عليه بقلق./ادهم في حاجه.
ادهم بصلها بضيق./لا مفيش.
مريم /طب انت كويس.
ادهم /اه اه انا لازم اروح الشركه دلوقتي .
مريم بصتله بهدوء و متكلمتش.
_______________________
اماني كلمت علي في التليفون بزهق .
علي بضيق./في ايه كل شويه رن رن عايزه ايه .
اماني/في أن أنت بقالك اسبوع مش بتكلمني و لا حتي طلبت تشوفني .
علي/مشغول يا اماني عندي شغل كتير .
اماني/عندك شغل كتير و لا شغلك معايا خلص .
علي بضيق/اماني انا مش فاضي للصداع ده لما اعوز اشوفك هكلمك سلام.
اماني قفلت التليفون بغضب. /اكيد مش هخسر كل حاجه. و لا هخليك تتهني يا علي و اللي خليتني اعمله مع مريم هعمله معاك . اكيد وراك حاجه مخلياك عايز تنتقم من ادهم نصار . و ادهم نصار هيكون الكارت الجديد.
نهت كلامها و هي بتبص على انعكاسها في المرايا بخبث.
________________________
معتز بلع ريقه بتوتر./جالك البيت ازاي.
ادهم بغضب./معرفش يا معتز . معرفش ازاي اتجرأ أنه يعمل كده.
معتز/تفتكر جاي ينتقم لبنته . متنساش أنها انتحرت بسببك .
ادهم /انا مليش دعوه ببنته يا معتز . قولتلك ميت مره انا كنت في وعي و فاكر كل حاجه حصلت اليوم ده . و انا مليش دعوه و لا بيه و لا بعيلته كلها.
معتز/و انت هتعمل ايه .
ادهم /مش هعمل حاجه. خلينا نشوف هو هيعمل ايه . المهم عايزك تزود حراسه علي الفيلا بتاعتي . و تخلي بالك من الشغل الفترة الجايه كويس اوي . محدش عارف ايه ممكن يحصل بعد ما هو رجع تاني .
معتز/حاضر
___________________________
ناديه بضيق./ما تروح تشوف بنتك و جوزها يمكن تعرف تلحق نفسك قبل ما الناس يخلصه عليك.
جلال بغضب./كله بسببك انتي السبب انتي اللي دخلتيني الشغل ده.
ناديه/لا يا حبيبي مش انا السبب . طمعك و حبك للفلوس هو السبب .و دلوقتي مفيش وقت نعرف مين فينا السبب.
جلال اتنهد بضيق.
ناديه بخبث/انت لو روحتلهم هينفذولك اللي انت عايزه . و هتنقذ نفسك و تبتدي شغل من جديد .
جلال/و افرضي مرديش يديني فلوس اعمل ايه وقتها .
ناديه/وقتها نبقي نرفع قضيه أنهم خاطفين بنتك و مش راضيين يدوهالك و وقتها هيخافه و يدفعه و اكتر من اللي انت عايزه كمان .
______________________________
كاميليا حضنت مريم بحب./مش هينفع تيجي معايا التمرين انهارده.
مريم حركت ايديها على شعرها بحنان ./معلش يا حبيبتي انا اسفه . بس وعد مني التمرين الجاي هاجي معاكي .
كاميليا باستها على خدها./اتفقنا .
مريم /طب يل..
ادهم قاطعهم و هو بيحضن كاميليا./رايحه فين يا كوكي .
كاميليا/عندي تمرين سباحه يا عمو .
ادهم ابتسملها بهدوء./ عمو فتحي بيزعلك و لا بيسليكي في الطريق .
كاميليا بتفكير./لا لا بيسليني .
ادهم /طيب يلا هو مستنيكي بره .
كاميليا/ماشي باي
كاميليا حضنت مريم بسرعه و مشت.
ادهم سحب مريم من ايديها بهدوء./وحشتيني اوي الكام ساعه دول .
مريم ابتسمت بهدوء./عشان كده كنت بتزعقلي قبل ما تمشي .
ادهم ببراءة./مكنتش اقصد خالص .
مريم / هو الراجل اللي جه الصبح ده صاحبك .
ادهم /لا ليه.
مريم /اصل هو شكله كبير و استغربت أنه جاي عشان يباركلك قولت يمكن صاحبك .
ادهم اتنهد بهدوء./كنا شركاء بس مش اكتر .....و قربها ليه بخبث....و بعدين جوزك اصغر رجل اعمال في الشرق الأوسط كله .
مريم/ده غرور و لا ثقة بالنفس .
ادهم بخبث./لا غرور . عشان انتي مراتي .
مريم فركت اييديها بتوتر .
و ادهم ابتسم بهدوء على كسوفها . و ميل بهدوء عشان يبوسها. بس هي حطت ايديها على صدره و لفت وشها الناحيه التانيه. و قالت بتوتر./مش عايزه .
ادهم اتنهد بهدوء و حرك أيده على شعرها./روحي اجهزي يا مريم عشان هخدك مشوار .
_______________________
مريم بلعت ريقها بتوتر و هي شايفه ادهم وقف بعربيته قصاد فيلا صغيره.
ادهم /يلا انزلي .
مريم نزلت بهدوء و ادهم سحبها من ايديها وراه .
ادهم وقف بهدوء قدام الممرضه./ ساعدي ماما و نزليها و عرفيها اني هنا .
الممرضه حركت رأسها بهدوء و مشت .
فات دقايق و نزلت واحده على كرسي متحرك .
قعد نزل لمستواها و قعد قدامها بهدوء./وعدتك المره اللي فاتت اني اجيب مراتي معايا عشان تشوفيها .
ادهم سحب مريم من ايديها بهدوء و وقفها جمبه./مريم مراتي يا ماما .
مريم ابتسمت بهدوء عكس الخوف اللي جواها.
الست بصتلهم بضيق و متكلمتش .
ادهم بص لمريم و هو مبتسم./مش هتعرف تسلم عليكي يا مريم . اصلها مبتتكلمش .
مريم بصتله بعدم فهم .
ادهم قعد قدامها./قدر ربنا و نصيبها و كل واحد بياخد جزائه .
ادهم وقف و خد مريم و مشي .
_________________________
علي حرك أيده على شعرها بهدوء./في ايه يا حبيبتي مش انا قايلك اني مشغول اليومين دول .
اماني بضيق./مشغول لدرجة أنك مش عارف تكلمني و لا تطمن عليا .
علي /ما انا اول ما لقيت فرصه اني اكلمك و اشوفك بعتلك علي طول اهو .
اماني /انا ابتديت اتخنق من جوازنا اللي في السر ده .
علي اتنهد بضيق./طب و هنعمل ايه بس يا حبيبتي. قولتلك لحد ما اضبط شغلي و حياتي . و عمي عامل معايا مشاكل اليومين دول .
اماني بصتله بعدم اقتناع./ماشي يا علي .
علي وقف بخبث./ انا هدخل اخد شاور علي بال ما تعمليلي العشا بايديكي الحلوين دول .
و سبها و مشي.
اماني بغضب./ما هو اكيد مش هطلع من اللعبه دي خسرانه . لا لاز...
اماني شافت حاجه واقعه جمب جاكيت علي و قالت لنفسها./اكيد هتنفعني .
_____________________________
ادهم قعد جمب مريم بهدوء./مالك . في حاجه مضيقاكي .
مريم بصتله بضيق./اه في حاجات كتير مضيقاني . ليه كنت بتتعامل مع مامتك كده و ليه مقولتليش أننا رايحين عندها.
ادهم اتنهد بضيق./مريم انتي طلبتي تشوفي اهلي و انا مش فاضلي حد غير ماما . و عملتلك اللي انتي طلبتيه .
مريم/انا اللي مش مصدقاه ازاي بتتعامل مع مامتك بالطريقه دي . و ازاي تجرح مشاعرها بالشكل ده يا ادهم .
ادهم بصلها بهدوء ./مريم حبيبتي دي دفاتر قديمه مش مستعد افتحها و لا احكي عنها . و لو عايزه تنسي المشوار ده يكون احسن . انا لو عملت كده و خليتك تشوفيها ده عشان انتي طلبتي كده .
مريم اتنهدت بهدوء./ادهم دي مامتك انت فاهم . و كمان هي تعبانه و المفروض تكون جنبها مش تجرح مشاعرها بالشكل ده .
ادهم بضيق/حاضر يا مريم . المره الجايه هبقي اتعامل كويس.
مريم بصتله بهدوء و متكلمتش.
________________________
تاني يوم ادهم خد مريم معاه الشركه.
معتز /ادهم الملف اهو .
معتز بص علي مريم بابتسامة./ انا اسف معرفش ان انتي موجوده .
مريم بهدوء./و لا يهمك .
معتز./يارب تكوني مبسوطه في الشغل معانا .
مريم بصت على ادهم ./بحاول لسه .
معتز بمرح./لا تحاولي ايه بس . هو احنا نطول تبقي معانا .
ادهم بص على معتز بتحذير . و مريم ابتسمت بهدوء .
معتز بضيق./اكيد ادهم معاكي في البيت بنفس الريأكشن ده .
مريم ضحكت بهدوء./يعني ساعات و ساعات .
معتز/الله يكون في عونك والله .
مريم ابتسمت بقلة حيلة و هي بتبص على ادهم. و معتز سبهم و مشي.
ادهم سحب مريم بهدوء و قربها ليه بخبث./ قصدك اني بفضل مكشر في البيت .
مريم بهدوء./ ما انا قولت مش علي طول.
ادهم /اممم. ما هو كله يرجعلك في الاخر .
مريم بعدم فهم/ازاي .
أدهم/يعني لما بتعملي فيها مش مهتميه و تعندي قصادي بتخليني اتعصب و اضايق ...و كمل بخبث.... بس طبعا لما بتكوني هاديه و مطيعه بتخليني عايز حاجه تانيه .
مريم ابتسمت بكسوف و بعدت./طب يلا بقي كمل شغلك.
ادهم سحبها تاني بهدوء./انا عارف انك محتاجه وقت بس مش عايز احس اني بتعب معاكي علي الفاضي يا مريم .
مريم بصتله بهدوء . و سكتت .
بس دخلت جومانه و قطعتهم./مستر ادهم في واحد عايز حضرتك .
ادهم بهدوء/واحد مين .
جومانه /معرفش هو ق..
دخل جلال و قاطعها ./انا يا ادهم بيه.
ووووو....
