رواية امتلكني بالاجبار الفصل الثامن عشر
جومانه /معرفش هو ق..
دخل جلال و قاطعها ./انا يا ادهم بيه.
ادهم شاول ل جومانه تطلع . و قرب مريم منه بهدوء.
ادهم/ خير في حاجه.
جلال/اه فيه . انا جاي اخد كاميليا. اظن انا ابوها و أولي بيها.
مريم بغضب./هو انت اب...
ادهم قاطعها ببرود./اهدي يا مريم. هو جاي عشان ياخد مصلحته اللي فاكر أنه هيخدها من وره كاميليا.
جلال ابتسم بخبث./طب كويس أننا فاهمين بعض .
ادهم بسخرية./طلباتك ايه .
جلال/نص مليون جنيه .
ادهم بضيق./حاضر هتخدهم بس تيجي بكره الفيلا . عشان تمضي تنازل عن حضانة كاميليا. عشان مضمنش لعبتك القذره دي .
جلال بتوتر./ماشي .
ادهم قرب منه بهدوء مخيف ./لحظة ما تاخد الفلوس و تمشي مش عايزك تظهر في حياتنا تاني . عشان وقتها هخليك تشوف ادهم تاني خالص .
جلال حرك راسه بخوف و سابه و مشي.
مريم قعدت على الكنبه و حطت دماغها بين ايديها بدموع .
ادهم قعد جمبها بهدوء./ ممكن اعرف بتعيطي ليه .
مريم /مش قادره افهم أن ممكن اب يبيع بنته عادي كده . مش عارفه لو كنا فضلنا عايشين معاه كان ممكن مصيرنا يكون ايه.
ادهم بحب./مريم انا وعدتك أن مش هخليه ياخد اختك مهما حصل . عايزك تكوني واثقه فيا و اني مش هسمح لأي حاجه تحصلكم طول ما انا موجود .
ادهم سحب مريم لحضنه بهدوء.
مريم بدموع./ قبل ما ماما تموت وصة بابا يتجوز خالتي. و وصتها علينا عشان كانت خايفه علينا من معاملة بابا لينا و كانت فاكره أن خالتي هتغيره . فجأة لقيت كل حاجه بتتغير . خالتي بقت نسخه من بابا . او يمكن ماما اللي مكنتش واخده بالها من شرها . لما تميت ١٨ سنه خلتني أمضي تنازل عن ورثي بالعافيه . و لما كبرت و قدرت اهرب و اعيش لوحدي انا و اختي. مبقاش بابا بيظهر قدامي غير لما يعوز فلوس و كان بيهددني يا اما ياخد فلوس يا اما ياخد كاميليا.
ادهم غمض عينه بخنقه . و هو بيشدد من حضنه ليها .
ادهم خرجها من حضنه و مسك وشها بين ايديه./بس انا دلوقتي معاكي . مريم انا عارف اني اللي عملته غلط انا معترف بكده . انا بوعدك أني هعمل كل اللي اقدر عليه عشان اصلح اللي عملته. و مش هخلي اي حاجه تأذيكي تاني يا مريم .
ادهم مسح دموعها بأيده بهدوء./كفايه عياط بقي . عشان بتحلوي اكتر و انا بضعف قصاد عيونك .
مريم نزلت راسها و ابتسمت بكسوف .
ادهم رفع رأسها و بصلها بهدوء . و ميل باسها بشغف و هو مثبت وشها بايديه . مريم غمضت عينيها بضعف .
مريم بعدت ادهم بتوتر./ادهم .احنا في المكتب .
ادهم بعد بضيق ./روحي يا مريم شوفي شغلك .
___________________________
تاني يوم....
ادهم سحب الورقه بخبث بعد ما جلال مضي .
جلال بطمع./فين الفلوس .
ادهم /هاتي شنطة الفلوس يا مريم .
جلال خدها و فتحها و بص بصدمه./دول خمسين ألف بس. احنا متفقناش على كده .
ادهم ضحك بسخرية./ و هو انت فاكر أن انا و انت ممكن نتفق. خد الفلوس و شوف هتعمل ايه و ابعد عن طريقي عشان متتاذيش مني.
جلال بغضب./ماشي . بس انا مش هسكت و هتشوفي يا مريم هعمل ايه .
و سبهم و مشي .
مريم خدت الورقه بفرحه./مكنتش متوقعه انك ذكي بالطريقة دي . خليته يشوف الفلوس كلها و يمضي و بعدها اديته اللي انت عايزه .
ادهم ابتسم بهدوء./مبسوطه يا مريم.
مريم دخلت في حضنه بفرحه و دون وعي./اوي اوي يا ادهم . شكرا اوي .
ادهم بص عليها بحب و حضنها.
______________________________
فات اسبوع من غير اي احداث .
_______________________________
ناديه بصدمه./هددها عشان يتجوزها.
الشخص./ايوه والله . ده حتي من ساعة ما اتجوزت منزلتش الشغل خالص . و كمان قفل الجرنال اللي هي كانت شغاله فيه .
ناديه بضيق./انت مجبتليش اللي انا عايزاه . ما هو ده مش معناه أنه بينتقم منها . ادهم مش اي حد و كان ممكن ينتقم منها بأي طريقه . في حاجه غلط اكيد .
الشخص./ معتقدش أن في حاجه غير كده . و انا كمان لما شوفتها مكنتش عايزه تمشي من عند خالتها . كان باين من عينيها أنها خايفه من حاجه .
ناديه/ ماشي . خليك مكمل زي ما اتفقنا . و ركز على اللي حوالين نور يا أسر . انا يهمني اخبار مريم اللي تعرفها من نور انت فاهم .
اسر حرك دماغه بهدوء و سبها و مشي .
___________________________
مريم صحيت ملقتش ادهم . و عرفت أنه راح الشركه. اتنهدت بهدوء . و وقع عينيها على الظرف اللي اتبعتلها امبارح بليل و معرفتش تفتحه عشان وجود ادهم . مريم اتنهدت بزهق و فتحت الظرف و لقت .....
_______________________________
ادهم خبط على المكتب بغضب./انت فاهم صفقة زي دي خسرتنا قد ايه يا معتز .
معتز بضيق./تفتكر مين ممكن يكون وره كده .
ادهم اتنهد بضيق./مفيش غيره يا معتز.
معتز/طب و هتعمل ايه .
ادهم /معرفش بس اقسم بالله مش هخليه يتهني بيوم واحد بعد النهارده .
معتز/بلاش يا ادهم . بلاش تفتح على نفسك ابواب ما صدقنا أنها اتقفلت .
ادهم /هو اللي بدأ يا معتز . يبقي لازم يعرف مين ادهم نصار .
___________________________
ادهم دخل الاوضه و قعد على الكنبه و رجع دماغه لوره بتعب.
مريم دخلت و حطت الصور قدامه بغضب ./الصور دي حقيقية .
ادهم بص عليها بهدوء و بص على الصور بضيق./جبتي الصور دي منين .
مريم بغضب./يعني الصور حقيقيه .
ادهم اتنهد بهدوء./ايوه حقيقيه يا مريم .عايزه حاجه تاني .
مريم./انت لي بتتكلم كده كأن محصلش حاجه.
ادهم ببرود./قولتلك حقيقيه . فين مشكلتك.
مريم بغضب./لا مفيش مشكله . جوزي متصور مع بنت و هي قاعده على رجله مفيش مشكله خالص يا ادهم بيه .
ادهم بضيق./مريم صوتك ابتدي يعلي . و بعدين مش انتي اللى دايما محسساني اني و لا حاجة في حياتك و كل ما اجي اقرب منك تبعديني . مضايقه ليه دلوقتي.
مريم غمضت عينيها بضيق و هي بتحاول تكتم دموعها./ عشان مش واثقه فيك يا ادهم . كل ما احاول اثق فيك تطلع حاجه تخليني اشوف ادهم اللي هددني و اتجوزني غصب . و انت شايف أن اللي انت بتعمله عادي . لو انت شايف أن ده عادي .يبقي انا مليش لازمه في حياتك يا ادهم . يبقي طل...
ادهم قاطعها بغضب و هو بيسحبها ليه و بيبوسها بغضب .
مريم مقدرتش تمنع دموعها انها تنزل . و رفعت ايديها بتوتر و حاوطت بيها وشه . ادهم ابتسم في نفسه بهدوء.
ادهم بعد و هو بياخد نفسه بالعافيه و بيمسح دموعها بأيديه./الصور دي حقيقية يا مريم. بس من قبل ما اعرفك . والله العظيم من قبل ما اعرفك . و معرفش مين بعتلك الصور او جتلك ازاي و مش عايز اعرف . بس مش عايز اخسر ثقتك فيا يا مريم .
ادهم سحبها لحضنه بهدوء. و مريم غمضت عينيها بتفكير .
___________________________
نوران ضحكت بخبث./مش عارفه ادهم ممكن يعمل ايه بعد اللي هيحصل فيه الفترة الجايه .
علي/ بتفكري في ايه تاني .
نوران/بفكر ازاي ننهي علي ادهم نصار.
علي/ معتقدش أن ادهم بالغباء ده . ادهم ذكي جدا و هيفضل يدور ورانا لحد ما يعرف الحقيقة.
نوران بخبث./تؤتؤ . وراك انت و بابا معلش . انما انا قدامهم ماتت خلاص .
علي ابتسم بخبث./مش اصدق ان نوران البريئه يطلع منها ده كله .
نوران/ ادهم اللي خلاني اعمل كده يوم ما رفضني و قالي أن إحنا مجرد أصحاب. و لما حاولت معاه تاني . انت بغبائك متاكدش أنه شرب العصير اللي فيه المنوم و طلع فاكر كل حاجه حصلت .
علي بضيق./بس متنسيش اني ساعدتك تهربي و جبت لابوكي جثة واحده تاني بعد ما حاولتي تنتحري .
نوران / كان لازم اختفي خالص . كان لازم افضل بعيد عشان انتقم صح .
علي بسخريه ./و عملتي ايه في الاخر . و لا حاجة حصلت و ادهم اتجوز و عايش حياته .
نوران بسخريه./و مين قالك أنه عايش حياته . عايش حياته بعذاب . كفايه حادثة مامته اللي خلتها على كرسي متحرك طول العمر . و خساير الشركه و الصفقات اللي انا بساعدك فيها . و مطلاما هو اتجوز و دخل واحده في حياته . للأسف لازم تتحمل أخطاء جوزها .
علي بخبث./ دماغك سم والله.
___________________________
اسر كان عند نور في بيتها .
اسر /خلاص يا نور بقي حقك عليا.
نور بصتله بطرف عينيها و متكلمتش .
اسر مسك أيديها بهدوء./يا نور انا مش قايلك متكلمنيش و انا في الشغل. انتي لما رنيتي عليا قلقتيني عليكي . و اتعصبت عليكي غصب عني عشان كنت فاكر في حاجه.
نور ابتسمت بهدوء./خلاص مش زعلانه. المره الجايه هسمع كلامك .
اسر ابتسم بهدوء. و قال./طب فين الحمام عشان الحق اغسل ايدي قبل ما انزل.
نور شاورتله عليه و هو ابتسم و مشي .
نور بصت على أثره بشرود بس قاطعها صوت تليفونه لما رن برقم متسجل "حبيبتي".
