رواية امتلكني بالاجبار الفصل التاسع عشر
نور بصت على أثره بشرود بس قاطعها صوت تليفونه لما رن برقم متسجل "حبيبتي".
اسر طلع و هو مبتسم./عايزه حاجه يا حبيبتي .
نور طلعت التليفون بهدوء./في رقم رن عليك .
اسر بلع ريقه بتوتر و خد التليفون./دي ريهام اختي . مش مشكله هبقي اكلمها لما اروح .
نور ابتسمت بشك./ماشي يا حبيبي لما توصل كلمها و سلملي عليها.
اسر باس راسها بهدوء./قريب يا حبيبتي.
__________________________
فات اسبوع من غير اي احداث ...
__________________________
عند ادهم و مريم في المكتب..
مريم وقفت جمب ادهم بهدوء./ادهم انت كويس .
ادهم بتعب./مش عارف يا مريم مش عارف . ايه سبب الخساير دي كلها . و المخزن اللي اتحرق ده كان اكبر مخزن عندي و خسرته كبير اوي.
مريم حطت ايديها على كتفه بتوتر ./ بس انت تقدر تقف على رجلك تاني و تعوض الخساير دي كلها . انت قدرت تعمل حاجات كتير في وقت قصير اوي يا ادهم . اكيد هتعرف تعوض الخساره دي باحسن منها .
ادهم سحبها لحضنه بهدوء./خليكي معايا يا مريم . انا محتاجك .
مريم بصت عليه بتوتر . بس جسمها اترعش لما حست بشفايف ادهم علي رقبتها . مريم بعدته برفض .
ادهم غمض عينه بضيق./مش هينفع يا مريم كل ما اجي اقرب منك تترعشي و تخافي . انتي كده مش بتحاولي تقربي انتي بتبعديني اكتر .
مريم نزلت راسها بتوتر./انا مش قصدي ابعدك بس انا مش قادره يا ادهم.
ادهم اتنهد بضيق./هاتي شنطتك يا مريم عشان هنروح .
مريم حركت راسها بهدوء و مشيو .
_____________________________
علي بزهق./اماني انا مش فاضيلك.خلصي و قولي عايزه ايه .
اماني بصتله بخوف ./انا حامل.
علي بضيق ./حامل . ازاي و بعدين انتي مش بتاخدي البرشام اللى جيبهولك.
اماني بصوت خافض ./ايوه بس والله معرفش حصل ازاي ازاي .
علي بغضب./و المطلوب ايه .
اماني ./يعني ايه يا علي .
علي/يعني انا مش فاضي لجواز دلوقتي و لو انتي عامله الحوار ده كله عشان اجي اتقدم و نتجوز رسمي يبقي بتحلمي .
اماني بسخرية./بحلم. اومال فين بحبك و هتجوزك و كل الحاجات دي .
علي ببرود./كل ده طار يا حبيبتي . مفيش قدامك دلوقتي غير انك تنزلي اللي في بطنك ده . انا مش فاضي للحوارات دي .
اماني بغضب./تصدق انا دلوقتى مش عايزاه اكتر منك . و لا عايزاك انت كمان يا علي .
علي سحبها من شعرها بغضب ./اتعلمي ازاي تتكلمي معايا . عشان أنا برساله واحده لاخوكي و يشوف فيديو من فيديوهاتك و انتي في حضني . هيدفنك و يريحني منك و من اللي في بطنك. بس انا هخليها تيجي منك احسن .
اماني بقهر./يا حيوان بتصورني . دي نتيجة ثقتي فيك . بس انت طلعت زباله.
علي ببرود ./مقبوله منك يا روحي . الاسبوع الجاي في نفس الميعاد تكوني هنا و عامله العمليه. انا مش ناقص صداع .
و سبها و مشي .
اماني بصت على أثره بدموع و هي بتلعن نفسها .
______________________________
ادهم نزل لتحت بضيق بعد ما عاليه بلغته أن نصار تحت .
ادهم وقف قدامه ببرود./ايه تاني .
نصار بهدوء./ قولت اجي اشوفك و انت مكسور.
ادهم ضحك بسخرية ./ لسه يا نصار لسه متولدش اللي يكسر ادهم النصراوي . حتي انت برغم أن انت فاكر أني السبب في حسرة بنتك و شايف في عينك الكسره اللي مليش ذنب فيها . بس متقدرش تكسرني و اللي يضيع اقدر اعوض بداله الف .
نصار بغضب./متفكرش اني ساكت عشان خايف منك او من الكلمتين دول . لا يا ادهم انا ساكت عشان حقي اخده الضعف . و لو فاكر أن بالكلمتين دول ممكن اتعاطف معاك تبقي غلطان . انا مبسوط بنظرة الخوف اللي بتداريها بكلامك ده .
ادهم /ابعد عني يا نصار . انت لحد دلوقتي مشوفتش مني غير الحلو بس . بعد كده مش هتشوف مني غير كل شر .
نصار /اوعدك يا ادهم . وعد مني هخليك تيجي تترجاني . عشان اسامحك و حيات الحب اللي حبتهولك زي ابني و انت مكنتش قده . و حياة بنتي اللي اغتصبتها و خليتها تنتحر بسببك . هدفعك حق كل العذاب و القهر اللي خلتني اشوفه بسببك.
ادهم بعصبية ./انا معملتش كده و لا كان ليا علاقه ببنتك . هي اللي كانت بتقرب مني و انا اللي ببعدها.
نصار بسخرية./عشان كده اغتصبتها .
ادهم بعصبية/بقولك انا مقربتش من ... ادهم كمل بتوتر.... مريم.
نصار بص وراه شاف مريم دموعها مغرقه وشها.
مريم اتكلمت بخوف ./هي مين دي اللي ادهم اغتصبها .
ادهم وقف قدامها بغضب./لا يا مريم انا معملتش كده والله معملتش كده .
مريم بدموع ./اللي يهدد واحدة عشان تتجوزه أو يقتل اختها ممكن يعمل اي حاجه.
نصار بعد ادهم بهدوء ./ انا و ابو ادهم كنا أصح...
ادهم اتكلم بغضب ./بس أخرج بره حياتي بقي . انا مليش دعوه ببنتك و ملمستهاش. اطلع بره بقي و ابعد عن حياتي .
نصار بسخرية./عمري يا ادهم عمري ما هبعد عنك غير لما اخد حق بنتي اللي انتحرت بسببك .
و سابه و مشي .
مريم بصتله بدموع و طلعت اوضتها و هو طلع وراها .
ادهم ./مريم خلينا نتكلم و افهمك كل حاجه.
مريم بغضب./مش عايزه اتكلم يا ادهم مش عايزه . هتعمل ايه تاني اكتر من اللي عملته . كفايه عليك ظلم و افتري . هيكون في ايه تاني اكتر من اللي سمعته .
ادهم /والله ما لمستها و لا عملت اللي قالت عليه . و لا ليا ذنب في موتها يا مريم .
مريم بدموع./دخلتني حياتك غصب عني . و مبقاش ينفع اخرج منها عشان انت حكمت عليا بكده . و يا اما اكمل معاك و انا مش طايقه اشوفك قدامي. يا اما اعمل زيها و انتحر و اخلص من سجنك .
ادهم قرب منها بهدوء يحاول يحضنها . بس هي بعدته بخوف ./متقربش يا ادهم اوعي تقرب أو تحاول تلمسني .
ادهم خبط أيده على الحيطه بغضب./ليه مش عايزه تصدقيني والله العظيم ده اللي حصل . والله ما لمستها يا مريم و لا قربت منها.
مريم بدموع./عشان ده مش جديد عليك . مش جديد عليك تأذي و تجرح الناس يا ادهم . الله اعلم عملت ايه تاني .
ادهم سحبها من ايديها بالعافيه./والله ما لمست و لا قربت منها و لا حبيت حد غيرك يا مريم .
مريم بدموع./كفايه كدب يا ادهم بقي كفايه. مفيش حاجه تاني ممكن تبرر اللي انت عملته معايا و مع غيري .
ادهم./لا فيه اني بحبك و اني و حياة غلاوتك يا مريم . والله العظيم ما لمستها و لا قربت منها . انا كنت نايم في يوم و صحيت لقيتها نايمه جمبي و بتوهمني أن حصل بينا حاجه . بس انا كنت فاكر كل اللي حصل اليوم ده . انا دخلت الفيلا لوحدي و مكنتش في حد معايا فيها . والله العظيم ما عملت حاجه يا مريم .
مريم بدموع./مش قادره اصدقك يا ادهم .
ادهم /لا لازم تصدقيني يا مريم. انتي بالذات لازم تصدقيني .
ادهم سحبها لحضنه رغم اعتراضها .
ادهم /مش هسمح لحد يدمر حياتي زي ما ادمرت زمان . انتي حياتي يا مريم و مش هسمح لأي حاجه تبعدك أو تخوفك مني .
ادهم بص على مريم اللي اغم عليها في حضنه و شالها و حطها على السرير و كلم الدكتور ...
________________________________
اسر/بقولك كانت هتشك فيا . انا هخرج بره اللعبه دي انا مليش دعوه.
ناديه بغضب ./و الفلوس اللي خدتها و الاتفاق اللي بينا .
اسر/هرجعلك الفلوس و كل اللي خدته بس خرجيني من كل ده انا مليش دعوه ب نور من النهارده.
ناديه/مش علي مزاجك . انت لو معملتش اللي اتفقنا عليه انا هقول لمراتك و نور علي كل حاجه. و وريني بقي هتعمل معاهم ايه .
اسر /انتي ازاي مقرفه كده .
ناديه /ماشي هعديها . تروح تقابل نور انهارده و شوية حب على شوية رومانسيه. مش هيخلوها تفتكر و لا تشك فيك لحظه حتي .
اسر بصلها بضيق و سبها و مشي .
ناديه/كده مش فاضل غير جلال . مبقاش ليه دور في الحكايه دي و بقي يبوظهالي اكتر .
________________________________
الدكتور /ضغطها عالي شويه . انا اديتها حقنه مهدئه هتخليها نايمه ساعتين او تلاته . و لازم تخلي بالك من اكلها عشان ضعيفه خالص . و بلاش اي انفعال أو اي حاجه ممكن تضيقها .
ادهم حرك راسه بهدوء./عاليه هتوصلك لتحت يا دكتور .
و الدكتور مشي .
ادهم بص عليها بحزن و حرك أيده على شعرها بهدوء ./ياريتني كنت عرفتك في وقت تاني يا مريم . كان ممكن حياتنا تكون احسن . عارف ان ملكيش ذنب في كل ده بس انا كمان مليش ذنب . مش هقدر اخليكي تبعدي عني يا مريم مش هقدر .
___________________________________
علي / هتفضلي عامله فيها ميته كده لحد امتي .
نوران/لحد ما ادهم ينتهي خالص . عشان اشوفه و هو مكسور قدامي .
علي/تفتكري ادهم لو عرف انك عايشه ممكن يعمل ايه .
نوران ضحكت بخبث./و لا هيعمل حاجه هنفكره بالتمثيليه القديمه و شويه تمثيليات جديده . و اكيد مراته مش هتقبل بالوضع ده .
علي/ما يمكن تصدقه .
نوران/معتقدش بعد الصور اللي بابي حبيبي بعتهالها تكون لسه بتثق فيه . لازم كله ييجي وره بعضه عشان متلحقش تصدقه لحظه واحده.
علي /اتعلمتي فين الشر ده كله .
نوران/منك يا حياتي .
علي/ده انا اللي بتعلم منك يا بنت عمي .
نوران/بابا مش مفروض يصدق ادهم حتي لو لحظه واحده. بابا طيب يا ادهم و ممكن يحن لايام زمان .
علي بخبث./من الناحيه دي اطمني خالص . ابوكي كره اللي اسمه ادهم ده نهائي .
