رواية دمعه عين الجزء الثانى وحرب المافيا الفصل التاسع عشر والاخير بقلم شيماء طارق
سليم كان قاعد قلقان على فاطمه وكان بيفكر هيعمل ايه علشان ترجع له زي الاول في الوقت ده وصل نور ومنار المستشفى وفضلوا قاعدين مع العيله وبعد كده
سليم طلب من الدكتور ان هو يدخل يشوف فاطمه وفعلا دخل العنايه المركزه قعد سليم على الكرسي جنب فاطمه وكان متردد في اللي هيقوله بس هو ما قدمهوش حل غير كده
سليم/فاطمه تعرفي واحنا صغيرين كان الكل بيفضل يقوللي دي عمتك بس انا ما كنتش مقتنع بكده كنت شايف ان انتى اختي ولحد دلوقتي انا ما عنديش اغلى منك يا حته من قلبي وعلشان خاطرك انا ممكن اعمل اي حاجه في الدنيا حتى لو ضد مبادئي تعرفي ان انا هقف ضد عز وزين وههرب عبد الرحمن علشان خاطرك انا اعمل اي حاجه يا فاطمه بس عايزك تقومي وترجعي زي الاول وانا حجزتلك طياره خاصه انتى وعبد الرحمن علشان تسافروا بره مصر وتتجوزوا وتعيشوا مع بعض وحجزت لعبد الرحمن في مستشفى علشان يتعالج بس انتى قومي وطمنيني عليكي😥
فاطمه بدات تفتح عينيها وكانت سامعه كل كلمه قالها سليم
فاطمه بتعب ودموع/ انت عملت عشاني ده كله يا سليم
سليم بزعل وندم /انا ما كنتش اتمنى اشوفك وانتي كده انتي غاليه عندي قوي ما اقدرش اشوفك وانتي بتروحي مني علشان خاطرك انا ممكن اعمل اي حاجه
فاطمه/ بس انت بتكره عبد الرحمن ازاي تكون السبب ان هو يهرب
سليم/ علشان خاطرك اعمل اي حاجه
يا فاطمه
فاطمه/ بس انت كنت عايز تاخد حق ريم يا سليم
سليم /حق ريم عند ربنا وانا راضي بحكمه بس ما اقدرش اشوفك وانتي بتموتي قدامي انا ما قدرتش انقذ ريم بس هقدر انقذك انتي
فاطمه ببكاء /ربنا يخليك ليا ما يحرمنيش منك يا سندي
سليم بحزن ممتزج ببكاء /اجمدي بقى كده ويلا بقى علشان هتسافري بكره فاطمه بسرعه دي
سليم/ احنا ما عندناش وقت وكمان عبد الرحمن لو زعيم المافيا مسكوا قبل ما احنا ما نهربه هيتقتل
فاطمه بخوف/ يعني ايه عبد الرحمن دلوقتي في خطر
سليم/ ما تخافيش يا فاطمه انا عامل عليه حراسه مشدده وكمان عز معاه وزين كمان
فاطمه/ ربنا يستر انا خايفه قوي
سليم /ما تخافيش طول ما انا معاكي يا طماطم
سليم اخذ فاطمه في حضنه وفضل يطبطب عليها وكان خايف عليها جدا وكان قلقان مين اللي هيعمله وبعد كده
خرج سليم من عند فاطمه وكان حزين جدا
راحت عليه
عين/ عين مالك يا سليم فاطمه كويسه
سليم /الحمد لله بقت احسن
عين/ انا شايفاك متضايق قوي في حاجه حصلت تاني
سليم راح مطبطب على كتف عين وبعد كده سابها وخرج من المستشفى نور كان مستغرب جدا راح ورا سليم علشان يشوف هو في ايه
سليم كان خارج من المستشفى
نور /سليم انت رايح فين
سليم/ ما فيش مخنوق شويه فقلت اتمشى
نور /طب يا عم استنى خدني معاك
سليم /خليك انت يا نور انت لسه تعبان
نور /يا عم ده انا زي الوحش
سليم ابتسامه حزن/ ماشي يا اخويا يلا ماشي
سليم ونور مشيوا مع بعض
نور / مش هتقولي بقى في ايه ؟
سليم /ما فيش حاجه
نور /هو انا مش عارفك يعني يا ابني ده احنا اصحاب من واحنا في اللفه
سليم /ما تبطل كدب بقى ده انت اكبر مني بسنه
نور /ماشي يا عم اكبر منك اكبر منك قل لي بقى ايه اللي مزعلك دلوقتي بتبقى رخم وانت مكشر
سليم/ انا اخذت قرار وانا عارف ان هو غلط بس غصب عني يا نور
نور هو ايه القرار اللي انت اخذته وهو غلطه من امتى و انت بتعمل حاجه غلط
سليم/ علشان خاطر فاطمه هعمل الغلط وانا عارف ان هو غلط
نور /احكيلي طيب يا سليم ايه اللي حصل
سليم /انا قررت اني اهرب عبد الرحمن من السجن
نور /يا نهار اسود انت اتهبلت يا سليم
سليم/ وطي صوتك يا نور اسمعني انا هعمل كده علشان خاطر فاطمه فاطمه هتضيع مني لو ما عملتش كده
نور بس الموضوع ده لو اتعرف انت هتروح في داهيه
سليم / الموضوع ده ما فيش حد هيعرفه غير انا وانت وفاطمه عز وزين ما ينفعش يعرفوا باي حاجه
نور /وهتهربوا ازاي بقى يا عم الفتوه
سليم /حسن ملافظك يا نور وافهمني انا بعمل ده كله علشان خاطر فاطمه وانت عارف فاطمه بالنسبه لي ايه
نور بعصبيه /انا فاهم يا سليم بس غيري مش هيفهم
سليم ا/نا ما يهمنيش حد
نور /طب عرفني هتعمل ايه
سليم /اول حاجه لازما اساعد عز وزين ان هم يقبضوا على الزعيم علشان نقفل القضيه وطبعا الزعيم عايز عبد الرحمن باي طريقه علشان ينتقم منه لان عبد الرحمن اعترف بكل حاجه وده طبعا ما كانش المفروض يحصل كده بوظ شغله وشغل ناس كثيره قوي فهم عايزين يصفوه باي طريقه
نور /يا نهار ابيض وبعدين بقى هنعمل ايه في الموضوع ده
سليم/ انا عامل حسابي على كل حاجه وعارف انا ههرب عبد الرحمن ازاي وكمان عارف ازاي اخلي زعيم المافيا يقع وهو اللي يتحبس ويتحكم عليه.
نور/ انت دماغك دي سم يا راجل
سليم /صاحبك مش سهله ما فيش حد هيقدر يغلبنا ان شاء الله
نور /ربنا معاك وانا واثق فيك يا سليم بس هتعمل ايه مع العيله لان فاطمه مفروض كده ان هي تسافر
سليم /انا دلوقتي هكلمهم كلهم واقول لهم ان يروحوا وطبعا هياخد فاطمه معايا وهقول لجدو اللي فاطمه لازما تسافر امريكا علشان تستلم الشغل من بابا وكمان انا حاجز لها في مستشفى هناك علشان حالتها النفسيه تتحسن اكتر
نور /تفتكر هيقتنعه
فاطمه/ هتقنعهم
نور بقلق/ يا مسهل
سليم/ يلا بقى علشان ندخل علشان نطمن على فاطمه وبعد كده
لازما امشي علشان اجهز كل حاجه مش عايز اي غلطه علشان لو حصلت اي غلطه اروح في داهيه
نور/ ربنا يستر يا سليم انا خايف من الموضوع ده قوي
سليم/ ومن امتى بنخاف يا نور جمد قلبك شويه
نور/ طب يلا عشان ندخل بقى و ربنا يسترها
دخل نور وسليم وكانت عين قاعده على الكرسي قلقانه على سليم واول ما جاء راحت عليه
عين بخوف وقلق/في حاجه في حد زعلك
سليم راح واخد عين في حضنه وطبطب عليها
سليم/ لا يا حبيبتي ما فيش حاجه انا بس خايف شويه على فاطمه
عين/ الدكتور لسه مطمنا عليها وبيقول اللي هي بقت كويسه جدا
سليم/ الحمد لله يا حبيبتي ما تخافيش انا كويس وكل حاجه هتكون بخير
عين/ يا رب
سليم /جدو عامل ايه دلوقتي
عز /لسه داخل عنده دلوقتي الدكتور بيقول كويس بس هو اداله مهدئ علشان الضغط بتاعه مش متظبط فالدكتور دلوقتي معلق له سيروم هيخلص وبعدها جدو ان شاء الله هبقى كويس
سليم/ ان شاء الله
زين كان بيتكلم في التليفون وكان متعصب جدا
زين/ عز لو سمحت يلا بسرعه احنا لازما نمشي
عز /في ايه في حاجه حصلت ولا ايه
زين/ حاولي ههرب عبد الرحمن دلوقتي ولازما نروح علشان نعرف ايه اللي حصل
عز /يعني قدروا يسيطروا على الموقف ولا لا
زين/ ما تقلقش ما يقدروش يهربوه لانهم كانوا فاكرين ان هو محبوس بس انت عارف مكانه ما فيش حد يعرفه غيرنا
عز/ تمام يلا بينا
سليم/ لو في حاجه حصلت او في اي مشكله عرفني يا عز انت وزين
زين/ خلي بالك انت بس من اللي عندك وانا وعز هنروح نشوف الموضوع ده ولو في حاجه هنكلمك
عز /خلي بالك من جدو وفاطمه
سليم بقلق/حاضر يبقى طمني بس عليكم !
عز/تمام
في الجهاز الامن
"""""""""""""""""""
عز و زين دخلوا وكانوا باين عليهم جدا الخوف والقلق دخلوا مكتب القائد بتاعهم
زين وعز /تمام يا فندم
القائد بعصبيه/ كنتم فين لحد دلوقتي كان في هجوم على المقر وحضراتكم مش موجودين
عز باحراج/عمتي كانت مريضه شويه وفي المستشفى وجدي حامد بدران في المستشفى دلوقتي حضرتك ممكن تتاكد بنفسك
القائد/يا حضره الظابط الحياه الخاصه حاجه وشغلك حاجه تانيه يعني ما ينفعش الاهمال اللي انتم وصلتوا له ده
عز بغيظ/ كان غصب عني والله يعني انا اكيد مش هكون متعمد ان انا اقصر في شغلي
زين / يا فندم احنا عملنا شغلنا على اكمل وجه وكمان احنا لو مش عاملين شغلنا اكيد كانوا وصلوا لعبد الرحمن او عرفوا مكانه بس احنا عاملين احتياطاتنا علشان احنا مش صغيرين
القائد/ انا ما قلتش الصغيرين يا حضره الظابط مش عايز اي تقصير منكم ثاني
عز /يا فندم اكيد احنا مش قصدنا نقصر بس كان غصب عني انا وزين ان احنا نكون مش موجودين في الوقت ده لان احنا قعدنا يومين في التحقيق غير عملنا احتياطاتنا وكل اللازم علشان ما حدش يعرف مكان عبد الرحمن
القائد تمام يا حضره الظابط انتم من اكثر الظباط عندي اللي فى الجهاز المجتهدين علشان كده شديت عليكم وانا بعتبركم زي ولادي تفضلوا وبعد كده مش عايز تقصير من اي حد فيكم انا هكتفي دلوقتي بلفت نظركم اتفضلوا
عز وزين /تمام يا فندم
عز بعصبيه /عاجبك كده شفت بيكلمني ازاي
زين /معلش يا عز انت عارف ان الهجوم كان مفاجئ بس الحمد لله اللي احنا كنا عاملين احتياطاتنا
زين /فعلا عندك حق
زين /يلا دلوقتي نخلص شغلنا علشان لازما نروح المستشفى علشان نطمن على حامد بيه ومدام فاطمه
عز/ تمام يلا بينا
زين وعز فضلوا يشتغلوا طول الليل تقريبا لحد نص الليل
تعالوا نروح في المستشفى عند فاطمه
سليم اتفق مع فاطمه على كل حاجه وبعد كده كلم الدكتور علشان فاطمه تخرج من المستشفى
وبعد كده راح اوضه جدو علشان يطمن عليه
سليم /حمد لله على السلامه يا جدو
الجد/ الله يسلمك يا ابني فاطمه عامله ايه دلوقتي
سليم /الحمد لله بقت كويسه
الجد/ بتعب كويسه بجد ولا بتكذبوا عليا
سليم /واحنا نقدر برده نكدب عليك يا حامد بيه
الجد /حامد بيه ماشي يا سليم يعني هي كويسه
سليم / والله يا جدو كويسه
الجد/ ماشي يا سليم احنا عايزين نرجع القصر
سليم/ انا بجهز بس الاوراق المستشفى وكلها ساعتين وهنخرج من هنا
الجد ماشي انا عايزه اروح اشوف فاطمه
سليم /حاضر يا جدو بس شويه كده علشان انت لسه تعبان
الجد بعصبيه/ قلت انا عايز اشوف فاطمه دلوقتي
سليم/ حاضر اتفضل
سند سليم جدو وخدوا على اوضه فاطمه
فاطمه كانت قاعده على السرير بتفكر في حياتها واللي هيحصل فيها وان ممكن فعلا سليم يوفي بوعده ويخليها تهرب هي وعبد الرحمن كانت خايفه لا تكون بتحلم وتقوم من الحلم ده وتلاقي كل حاجه سراب بس كان باين عليها ان هي اتحسنت عن الاول وبقيت احسن كتير
دخل الجد على فاطمه الاوضه
الجد/ عامله ايه يا فاطمه
فاطمه بخجل من نفسها /الحمد لله يا بابا حضرتك عامل ايه
الجد/ انتي عايزه تموتيني يا بنتي ليه بتعملي فيا كده ليه
فاطمه بخجل /انا اسفه يا بابا انا مش عارفه انا عملت كده ازاي
الجد/ انا ربيتك على كده يا فاطمه عايزه تخسري دنيتك واخرتك يا بنتي
فاطمه بخجل وحزن/ انا اسفه بس عقلي ما كانش فيا في الوقت ده حقك عليا يا حبيبي
الجد /بزعل تمام انا مش زعلان منك استغفر ربك وادعي لربنا يسامحك على اللي انتي عملتيه ربنا غفور رحيم واكيد هيغفر لك
فاطمه بندم/ يا رب يا بابا انا خايفه قوي ان ربنا ما يسامحنيش على اللي انا عملته
الجد /ربنا غفور رحيم يا بنتي واكيد هيغفر لك خليكى مع ربنا واكيد ربنا هيقف معاكي اوعى تضعفي تاني يا فاطمه انت قويه مع الله وربنا هيكون معاكي في كل حاجه بس خليكي عندك ثقه في ربنا
فاطمه/ بالثقه ونعمه بالله
سليم في الوقت ده كان بيكلم عز وزين علشان يطمن عليهم وعلشان يتاكد ان كل حاجه تمام وهم طمنوه وهو بعد كده روح علشان يخلص اجراءات المستشفى
سليم اخذ فاطمه وجدو بقيت العيله وطلع على قصر عائله بدران
والكل كان تعبان حرفيا طلع اوضهم علشان ينام لانهم كانوا مجهدين جدا من ليله امبارح لانهم قضوا طول الليل في المستشفى مع فاطمه وما رضوش يسيبوها خالص ولا يروحوا البيت
سليم طلع فاطمه اوضتها
ويسرا اهتمت بيها وبعد كده
سليم وعين راحوا اوضتهم
والجد راح يرتاح في اوضته
وسليم خرج من القصر وراح مكان مهجور وكان في حد في انتظاره
سليم /اخيرا وافقت ان انت تتعاون معايا بس اتاكد اللي انت عملته ده هو الصح انا عارف ان هو الصح
نديم /بس انا خايف على ابني
ابني دلوقتي في ايديهم يا سليم
سليم/ما تقلقش على ابنك قل لي على المكان بالظبط فين ورجالتي خلال كم ساعه هيكون عندك
نديم/ دخول المكان ده خطر
سليم/ انا جايب ناس مجهزه وهي عارفه هتعمل ايه دي ناس متدربه وعارفين ازاي يدخلوا الاماكن اللي زي دي
نديم /ربنا يسترها
سليم /ان شاء الله
نديم/ انا هعرفك مكان الزعيم وهديك الخريطه بتاعه المكان بس توعدني اللي انا وابني ومراتي هنكون في امان
سليم بجدية /ديه اكيد انا عمري ما نسيت حد وقف جنبي وكان معايا فاكيد مش هنساك يا نديم
نديم/ تعرف اليوم اللي كنا بنكتب فيه عقود الشركه انا كنت عارف ان العقود دي كلها مضروبه
سليم/ ازاي نديم ده
نديم/ انا نديم شكري يعني مش صعب عليا ان انا اعرف حاجه زي دي بس انا كنت عارف ان انت صح علشان كده مشيت معاك في الخطه بتاعتك
سليم بامتنان/شكرا قوي يا نديم لولاك كان محمد دلوقتي راح مننا
نديم/ محمد كان بالنسبه لي طفل صغير ما لهوش ذنب في اي حاجه بس انا دلوقتي عايز الحق ابني هو مع جدو بس جدو ما بيرحمش هو ممكن يقتله هو وامه من غير رحمه
سليم /سيبها عليا ربنا يقدم اللي في خير
نديم/ تمام عبد الرحمن هيخرج امتى بره مصر؟
سليم /هو دلوقتي اكيد خرجوه من المكان اللي كان محبوس فيه وبيجهزوه علشان يركب الطياره !
نديم /شكرا قوي يا سليم انت قلبك نظيف وبجد انسان نقي جدا لانك قدرت تسامح عبد الرحمن وتعفو عنه
سليم/ انا ما سامحتوش بس عفيت عنه علشان خاطر فاطمه لانها هي اغلى حاجه عندي وانا مش مستعد اخسر حد غالي عندي انا خسرت قبل كده ومش عايز اخسرت تاني؟
نديم /ربنا يخليلك عيلتك ويبارك لك فيها؟
سليم/اللهم آمين
سليم ساب نديم ومشي كانت فاطمه في الوقت ده مجهزه نفسها وخدي الشنطتها وخرجت بره القصر في عربيه جت خدتها وديتها المكان اللي هي متفقه مع سليم عليه ورجال اللي سليم بعتهم نجحوا ان هم يهربوا عبد الرحمن كان في طياره مجهزه في انتظار عبد الرحمن وفاطمه وفعلا ركبوا الطياره وانطلقوا الى امريكا
فاطمه كانت فرحانه لانها مع عبد الرحمن واخيرا هيكون معاها وهيتعافى من مرضه وكمان يبداوا حياتهم من اوله وجديد♥️
اما بقى عندي عز و زين عرفوا عن هروب عبد الرحمن بس في الوقت ده جالهم اخباريه عن زعيم المافيا والمقر بتاعه........؟؟؟
