رواية امتلكني بالاجبار الفصل العشرون
مريم صحيت بهدوء و اتحولت ملامحها لغضب لما شافت ادهم قاعد قصادها ببرود .
مريم قامت بضيق./فين كاميليا.
ادهم بهدوء./في المدرسة . هتكون فين .
مريم اتنهدت بغضب ./مش ناوي تخلص التمثيلية دي بقي .
ادهم /تمثيلية ايه.
مريم بغضب./كل اللي احنا فيه و الي عايشينه ده تمثيلية.
ادهم ببرود ./حبيبتي انتي تعبانه لما تبقي كويسه نبقي نتكلم .
مريم /و انا عمري ما هكون كويسه طول ما انا معاك يا ادهم .
ادهم /و انا طلاق مش هطلق و لو مش عايزه تصدقيني بمزاجك هتصدقيني بالعافيه يا مريم .
مريم حطت ايديها علي دماغها بتعب و قلة حيلة./يا ادهم المشكله مش اني اصدق أو لا . المشكله اني مش عايزاك يا ادهم . مش عايزه أفضل معاك . مش قادره اصدق كلمة بحبك اللي انت بتقولها عشان توهمني بيها . لو انت فعلا اتغيرت ليه عايز تجبرني علي حاجه غصب عني يا ادهم .
ادهم بصلها بهدوء و سحبها تقعد جمبه./يعني افهم من كده يا مريم . أن الموضوع ده لو مكنتيش عرفتيه أو كان معايا دليل يخليكي تصدقيني . كنتي هتبقي علي نفس الموقف ده .
مريم بصتله بتوتر و متكلمتش.
ادهم ابتسم بخبث./خلينا نعمل اتفاق . هنعتبر مفيش حاجه حصلت و لا كانك سمعتي و لا عرفتي حاجه. بس انا بنفسي يا مريم هدور علي الدليل اللي يخليني برئ قدامك . في المقابل مسمعكيش بتقولي عايزه تتطلقي تاني .
مريم بصتله بضيق./بس انا مش عايزه الاتفاق ده .
ادهم ابتسم بهدوء ./ لو انا مش واثق من اللي بقوله مش هتفق معاكي و لا هقولك كل ده . بس انا يهمني ثقتك فيا يا مريم.انا مش عايز ارجعك خطوه لوره تاني .
مريم بصتله بهدوء و سكتت.
_______________________________
اسر حرك أيده علي شعر ابنه بحزن و ضيق.
Flash back .
اسر/لا مستحيل انا دلوقتي متجوز و نسيتها و هي اكيد نسيتني.
ناديه /انا متاكده أن نور لسه بتحبك . و متنساش أن انت محتاج الفلوس اكتر من اي حاجه عشان تعمل العمليه لابنك .
اسر/انا اه محتاج الفلوس بس لا . ليه اعمل فيها كده ذنبها اي تفضل مخدوعه فيا .
ناديه /ذنبها مريم . انا لا يهمني نور و لا غيرها . انا يهمني مريم . و محدش هيعرف يجيب اخبارها غير لما يقرب من نور. و معتقدش أن نور ممكن تثق في حد اكتر منك .
اسر غمض عينه بضيق .
ناديه/ابنك محتاج العمليه . و انت كمان محتاج تشوفه سليم و زي اي طفل . انت ملحقتش تفرح بيه .
اسر هز رأسه بيأس.
ناديه بخبث./الفلوس اهي . تقدر تعمله العمليه من بكره . و تعمل اللي اتفقنا عليه في اسرع وقت . .............
اسر فاق علي لمسة ايد جوري .
جوري بهدوء./في ايه يا حبيبي بقالي ساعه بصحي فيك انت روحت فين .
اسر /سرحت شويه معلش .
جوري قعدت قدامه بهدوء ./مالك يا اسر في حاجه تعباك .
اسر حط أيده على خدها بحب ./لا انا كويس يا حبيبتي بس مضغوط شويه في الشغل.
جوري/طب يلا قوم خد شاور علي بال ما احضرلك الغداء.
اسر ابتسم بهدوء و هو بيبص علي ابنه بهدوء./حاسس أنه بقي احسن.
جوري /بقي كويس اوي يا اسر . من ساعة العمليه و حياته بقت طبيعيه . كنت خايفه يروح مني يا اسر .
اسر حضنها بحب ./متخفيش يا حبيبتي. طول ما انا موجود مش هخلي حاجه تحصلكم ابدا .
جوري ابتسمت بحب و هي بتدخل في حضنه اكتر .
________________________________
ادهم/انا مش عارف ايه لزمتها تروحي الشركه انهارده و انتي لسه تعبانه .
مريم/انا مش تعبانه يا ادهم . و انت كده كده رايح الشركه يبقي خدني معاك .
ادهم اتنهد بضيق منها و خدها و مشيو .
في العربيه.....
ادهم/بفكر نسافر انا و انتي يومين تاني .
مريم بلعت ريقها بتوتر./لا مش دلوقتي خلينا هنا احسن .
ادهم بعدم تركيز. /ماشي .
مريم سكتت شويه و اتكلمت لما لقت ادهم مش مركز مع صوت تليفونه./ادهم تليفونك بيرن . ادهم في ايه .
ادهم بهدوء./في عربيه ورانا يا مريم من ساعة ما طلعنا من الفيلا.
مريم بصت علي المرايا بهدوء./عربية ايه و مين دول .
ادهم بصلها بضيق و غير طريقه بالعربيه.و اتكلم بغضب./لسه ماشيين ورانا مين دول .
مريم بصوت عالي ./ حاسب يا ادهم حا...
قطع صوتها صوت ضرب النار اللي جه من العربيه اللي جمبهم.
ادهم بعصبية./انزلي تحت يا مريم بسرعه .
وووو..
__________________________________
نور مسحت دموعها بهدوء قبل ما تنزل من عربيتها..
نور دخلت الشركه بهدوء و هي بتسال على ادهم .
معتز بص عليها من بعيد بتذكر. معتز لنفسه ./هي مش دي قريبة مريم . ايه اللي جابها هنا .
معتز راح عندها بهدوء ./ انتي بتسالي على ادهم .
نور ./ايوه عايزاه في حاجه ضروري .
معتز/انتي ممكن تستنيه في مكتبي هو قدامه نص ساعة و بيجي .
نور حركت رأسها بهدوء و مشت معاه .
معتز قعد و هو بيبص عليها بتقييم./هو حصل حاجه .
نور /حاجة ايه.
معتز بتوتر./اصل مستغرب وجودك هنا . قولت يمكن حصل حاجه تخص مريم أو اختها .
نور بهدوء./لا محصلش حاجه.
معتز بص عليها بضيق من نفسه و سكت.
__________________________________
ادهم وقف عربيته قدام الفيلا بتعب . و هو بيبص علي مريم بهدوء .
ادهم./بقيتي احسن دلوقتي.
مريم حركت رأسها بتوتر ./بس مين دول . و ليه ضربه علينا نار و اختفه .
ادهم/عشان هو ده هدفهم من الاول . انزلي دلوقتي و انا هروح الشركه اخلص كام حاجه و اجي .
مريم بصت عليه بهدوء و نزلت .
_________________________________
نوران/انا بقول كفايه عليهم كده . جه الدور علي المفاجأة الأكبر .
علي / ادهم مش هيسكت يا نوران . خلينا بعيد احسن .
نوران بخبث./ادهم لازم يسكت . و لو هو مش خايف على خسارة روحه . هيخاف على مراته .
علي بقلق./ بلاش تلعبي علي الكارت ده يا نوران . ادهم مش سهل .
نوران بضيق./خلاص يا علي . قولتلك متخفش. احنا دلوقتي معانا الفلوس و الرجاله و بقينا اقوي منه .
علي ابتسم بتوتر .
_________________________________
ادهم دخل مكتبه بتعب .
معتز دخل وراه./في ايه يا ادهم تليفونك مقفول لي.
ادهم/مفيش يا معتز ممكن يكون فصل شحن .
معتز بشك/مالك انت تعبان .
ادهم اتنهد بهدوء./................ .
معتز بخضه./مين ممكن يتجرأ و يضرب نار عليكم بالطريقه دي .
ادهم بتعب ./معرفش يا معتز . عايزك تزودلي الحراصه علي الفيلا .
معتز /حاضر بس انت لازم تعمل محضر .
ادهم بتفكير./هشوف يا معتز .
معتز بتذكر./اه صح كنت هنسي نور قريبة مريم هنا بقالها شويه و كانت عايزاك.
ادهم بشك./عايزاني في ايه.
معتز /معرفش ادخلها .
ادهم حرك رأسه بهدوء و معتز مشي .
نور قعدت قدام ادهم بهدوء . /في موضوع مهم يخص مريم لازم تعرفه .
ادهم بصلها بتركيز ./موضوع ايه .
__________________________________
اماني بفرحه./الفلاشه دي ممكن تنقذ حياتي و حياة ابني . مفيش غير ادهم هو اللي هيقدرها . ادهم اقوي من علي بكتير . و اكيد علي خلاني اعمل كده عشان في حاجه بينهم. يبقي ادهم هو الإنقاذ الوحيد لحياتي و حياة ابني .
اماني حطت ايديها علي بطنها بدموع./انا غلطت كتير يحبيب ماما . بس هحاول اصلح اللي عملته عشان احافظ عليك .
__________________________________
مريم كانت واقفه في المطبخ بشرود . لحد ما حست بأيد ادهم حوالين وسطها .
مريم بصوت خافض./ادهم.
ادهم بحنان./كويسه دلوقتي.
مريم بهدوء ./ايوه و انت كويس .
ادهم دفن رأسه في رقبتها./ايه نزلك المطبخ و انتي تعبانه .
مريم بتوتر ./انا كنت زهقانه و قولت اعملك الغداء انهارده.
ادهم تمتم بضيق و هو بيدخلها لحضنه اكتر.
مريم بكسوف و رعشه./ادهم ابعد شويه .
ادهم بضيق./مش قادر اشوفك خايفه مني يا مريم . انا مش وحش يا مريم عشان تخافي مني .
مريم بتوتر./انا مش خايفه يا ادهم .
ادهم لفها ليه و حرك أيده على وشها بهدوء./يعني الرعشه الي في جسمك دي اول ما بقيت قريب منك مش خوفي مني يا مريم.
مريم نزلت راسها بخوف و توتر.
ادهم بصلها بيأس و رفع وشها ليه ./ انا بقرب منك عشان عايزك تتعودي علي لمستي و حضني . مش عايز اشوف نظرة الخوف اللي في عينك . مريم انتي حتي لما بتحاولي تسيطري علي رعشتك و خوفك مني انا بحس بيكي . عشان خاطري امسحي اي حاجه حصلت زمان يا مريم . اديني الفرصه اللي وعدتيني بيها .
مريم حركت رأسها بهدوء . ادهم سحبها لحضنه بهدوء .
مريم غمضت عينيها ./ادهم انا ببقي مرتاحه و انا كده . بس انا غصب عني صدقني .... كملت بتوتر .......بس انا ببقي مطمنه و انا معاك . بس مش عايزه احس أن انت بتحاول معايا عشان تاخد حقوقك مني .
ادهم ابتسم علي كلامها بحب و خرجها من حضنه ./انا بعمل كده عشان بحبك يا مريم .و عشان عايز اكون قد ثقتك فيا . و اثبتلك اني بني ادم كويس يا مريم مش وحش زي ما انتي كنتي شيفاني .
مريم ابتسمت بهدوء و هي بتدخل في حضنه تاني.
______________________________
فات اسبوعين من غير أي أحداث .
______________________________
ناديه ابتسمت بخبث و هي بتحط حاجه لجلال.
ناديه بخبث./اسفه يا جلال بس مبقاش ليك مكان هنا . سبني اعمل اللي انا عايزاه و اخد حقي اللي سرقته انت و مراتك مني .
_________________________________
عند ادهم و مريم في الشركه .
مريم/ادهم انا عايزه امشي عشان كاميليا عايزاني اروح معاها التمرين .
ادهم بهدوء./ماشي يا مريم السواق هيوديكي عشان انا عندي شغل كتير .
مريم بصت عليه بهدوء./ادهم انت كويس .
ادهم وقف قدامها و هو بيحرك أيده علي شعرها . /ايوه كويس .
مريم ابتسمت بهدوء./هستناك عشان نتعشي سواء .
ادهم حرك أيده علي خدها ./اتمني يكون ده من قلبك .
مريم حركت رأسها بتوتر و مشت .
بعد شويه عند مريم في العربيه.
العربيه وقفت في مكان خالي من الناس .
مريم بصت حواليها بخوف./هو في اي .
مريم صرخت لما لقت باب العربيه بيتفتح و ناس بيضربه السواق . و ثواني و كانت مريم فاقده الوعي وووو....
