رواية امتلكني بالاجبار الجزء الثاني الفصل التاسع عشر
ادهم صحي علي صوت عز و مريم حواليه . و ابتسم بهدوء لما شافهم بيلعبو مع بعض زي زمان . /صباح الخير .
مريم ابتسمت بهدوء ./صباح النور .
و رجعت تكمل لعب مع عز تاني . ادهم سحب هدومه من الدولاب بهدوء .و ميل باس عز بحب ./صباح الخير يا صغير .
عز ابتسم بهدوء و رجع بص لـ مريم . ادهم بخبث ./هي مامي وحشاك للدرجادي .
مريم ابتسمت بهدوء ./روح شوف هتعمل ايه و سبنا نكمل لعب . عشان المكعبات لو وقعت مش هقوم من جمب عز انهارده .
ادهم ابتسم بخبث ./ ما ابو عز ليه حق عليكي و لا اي .
مريم ابتسمت بكسوف و كملت لعب مع عز . ادهم دخل الحمام و اتنهد بهدوء لما حس أن كل حاجه ممكن ترجع طبيعيه تاني .
بعد شويه مريم ابتسمت ببراءة لـ عز ./ممكن تقول لـ داده عاليه تحضر الفطار علي بال ما انزل انا و بابي .
عز ضحك ببراءة و اتكلم و هو بيجري ./حاضر .
مريم ابتسمت عليه بهدوء و وقفت تعدل شعرها . ادهم خرج و ابتسم بهدوء و قرب منها بحب . مريم ابتسمت بخفه و بصتله ./قولت لـ عز يخلي عاليه تحضرلنا الفطار .
ادهم هز رأسه بهدوء . و حضنها من ضهرها بحب ./ كنتي وحشاني اوي يا مريم . كنت عايش من غير حياة من غيرك . انا من غيرك و لا حاجه يا مريم انتي فاهمه . اوعي تمشي و تسبيني تاني يا مريم اوعي .
مريم بصت علي انعكاسهم في المرايا و هزت راسها بدموع . ادهم لفها ليه بحب ./اللي حصل ده كان اختبار صعب علينا احنا الاتنين . بس انا مش هسمح انك تبعدي عني تاني يا مريم . و لا هسمح أن حد يبعدنا عن بعض تاني .
مريم ابتسمت وسط دموعها و دخلت في حضنه ./انا كمان كنت محتجالك اوي يا ادهم . بس خوفت . انت عارف ان خوفي دايما بيتغلب عليا . خوفت من رعشة جسمي منك . خوفت من كلام الدكاتره . خوفت لما عرفت اني حامل تاذيني . غصب عني يا ادهم . كل حاجه حواليا مكنتش بتقول غير كده .
ادهم مسك وشها بين أيديه بندم./انا كمان خوفت . خوفت عليكي تضيعي مني . كنت خايف اخسرك . خوفي خلاني اعمل المستحيل عشان بس انتي متعرفيش و في نفس الوقت اكون بعمل الصح . مفكرتش في اي حاجه غير فيكي . انا يمكن غلطت . بس من خوفي عليكي يا مريم .
مريم اتنهدت بتعب و دخلت في حضنه ./خلاص يا ادهم خلينا ننسي اللي حصل انا تعبت اوي .
مريم كانت بتحاول متهتمش لـ جسمها اللي كان بيترعش . ادهم حضنها بحب و هو حاسس برعشة جسمها بين أيديه . ادهم اتنهد بتعب ./مريم انتي لسه خاي...
مريم قاطعته بهدوء و هي بتغمض عينيها جامد ./مش هخاف من حاجه تاني طول ما انا معاك . مش عايزه غير وجودك معايا يا ادهم .
ادهم ابتسم بحب و فهم أن ده خارج إرادتها و أنها بتحاول تتغلب عليه . /خلينا ننزل عشان لو اتاخرنا دقيقه كمان استاذ عز هينطلنا هنا .
مريم ضحكت بخفه و نزلو .
ادهم كان مبسوط بـ تعامل مريم العادي و انها فعلا عايزه تتخطي كل حاجه .
______________________________________
بليل .
مريم كانت شايله دنيا و بتلعب معاها بحب . ادهم كان فاتح اللاب توب و بيشتغل و بيبص عليهم من وقت للتاني . مريم اتنهدت بحب ./اخيرا نمتي .
ادهم قفل اللاب توب بهدوء ./ما انتو مقضينها ضحك و لعب يبقي هتنام ازاي.
مريم بضيق ./كانت وحشاني يا ادهم في ايه .
ادهم قرب منهم بهدوء ./يا حبيبتي انا مقصدش حاجه انا كنت بهزر . بس عايزك تاخدي كل حاجه بهدوء و واحده واحده عشان متضغطيش علي نفسك انتي انهارده كله مقضياه مع العيال رغم انك لسه تعبانه .
مريم هزت راسها بهدوء./هروح اوديها اوضتها .
ادهم هز رأسه بهدوء و مريم مشت . مريم دخلت اوضتها و حطيتها علي السرير بحرص . و دخلت عند كاميليا و عز اطمنت أنهم نامو . و رجعت اوضتهم و بصت باستغراب لما ملقتش ادهم . بس ادهم دخل وراها و ابتسم بهدوء ./انا قولت اجبلك الدواء و المايه عشان واثق انك نستيهم .
مريم هزت راسها و ابتسمت بتوتر . ادهم قرب منها بهدوء ./تحبي نروح للدكتور امتي .
مريم بصتله بتوتر ./خلينا شويه .
ادهم اتنهد بتعب ./ احنا هنعمل كشف و تحاليل عادي خالص و نطمن عليكي و نشوف ايه اللي المفروض نعمله و لو مش حابه موضوع العمليه نبقي نتكلم فيه بعدين .
مريم هزت راسها بتوتر ./هو اللي حصل ده مش هيمنع الحمل تاني .
ادهم ابتسم بهدوء ./عايزه تخلفي مني تاني يا مريم .
مريم رجعت شعرها وره ودنها بإحراج ./انا بس عايزه اعر..
ادهم قاطعها بهدوء ./متقلقيش الدكتور طمني و قالي أن في حالات كتير كده . و ان اوقات عمق الرحم بيتحسن مع الوقت بالعلاج من غير عمليه .
مريم هزت راسها بهدوء . ادهم أداها الدواء و الكوبايه و ابتسم بهدوء ./يلا خدي عشان متنسيش و انا هاخد شاور و اجيلك .
مريم ابتسمت بهدوء و ادهم دخل الحمام .
مريم بصت علي الدواء و الكوبايه اللي في ايديها بتوتر . و حطيتهم علي التسريحه . و اتنهدت بضيق لـ نفسها. /اهدي يا مريم اهدي . اللي حصل كان غصب عنه يا مريم اهدي .
مريم بصت علي الدواء بغضب و ضيق و سابته و نامت و هي بتاخد نفسها بسرعه .
ادهم طلع و بص عليها بهدوء لقاها نايمه . و بص علي الدواء و الكوبايه اللي زي ما هي . فهم أنها مرديتش تاخده عشان خايفه من اللي حصل . و اتنهد بتعب و فضل يفكر لحد ما راح في النوم.
___________________________________________
تاني يوم .
ادهم صحي علي صوت تليفونه بيرن . اتنهد بتعب و مسك التليفون و استغرب لما لقي نوران بترن عليه . ادهم رد عليها بضيق ./الو يا نوران .
نوران بانهيار ./بابا مات يا ادهم . بابا مات .
ادهم اتعدل بسرعه ./انتي بتقولي ايه انتي كدابه .
نوران فضلت تعيط من غير ما تتكلم . و ادهم حاول يكلمها تاني بس مكنتش بترد ....وووو
