رواية ورطة زواج الفصل الاول بقلم لبنى عباس ( نجمة الشمال )
في غرفة مظلمة لا يوجد بها أي ضوء سوي شعاع بسيط يدخل من تحت الباب غرفة مليئة بالاشياء و لكن إذا دققت النظر ستجد أن هناك شخص معلق بسلاسل على الحائط لا يعلم ماذا حدث حتى يكون بهذا الوضع
اتفتح الباب فجأه سمع صوت أحدهم فرفع وجهه لكي يرى القادم ربما هو من جعله بهذا الوضع
- ايه اللي عملته دا ي موكوس ي بن موكوسة
قالت هذة الجملة والدته بتهزيق بعد ما رأته معلق على الحائط وصدم بشدة حين رآها ولكن اردف بسخرية فهو يظنها من خياله
راجي وهو معلق اردف بابتسامه سمجة :
- تسلميلي ي موكوسة اقصد ي ماما
ماجدة بغضب وهي تضربه على كتفه :
- اتريق اتريق تستاهل اللي هيحصل ليك والله
راجي بصدمة ما أحس بالضربة على كتفه :
- انتي موجودة قدامي فعلا يعني مش بتخيل
ماجدة بتريقة :
- ايوة موجودة حد قالك اني شبح
راجي بتساول :
- ايه اللي هيحصل ليا وانتي بتعمل ايه هنا
الام بتشفي :
- لما يجي صاحب الشأن هو اللي يقولك
راجي بغضب وقد بدا يغضب وهو يحاول تحرير يديه وقال بتوعد :
- ناديلي على ريتال او ريم يجوا يفكوني طيب علشان اول ما همسكهم اديهم علقة على المقلب السخيف دا.
الام بضحك :
- بس لا ريتال ولا ريم اللي عملوا كدا ي عين امك
وبعد قليل فتح الباب ودخل منه والده
ماجدة بتساول وهي تسأل زوجها بعد ما دخل :
- اتكلمت معاهم
راجي بتعجب صدمة مماثلة لصدمته الأولى :
- أنت بتعمل ايه
واردف بتساؤل واستغراب لما يحدث :
- وازاي بتدخلوا كدا ولا كأننا في البيت
تجاهل بشير ولده ونظر الي زوجته واردف بجدية:
- اتكلمت ايوة ولسه مصمين على رأيهم
ماجدة بابتسامه وفرحة :
- طيب كويس والله علشان نخلص
بشير بعد ما رأي ابتسامتها :
- مبسوطة طبعا ما هي جاتك على الطبطاب دي
الام وهي ترفع كتفيها للأعلى وتردف بسعادة :
- ومبقاش مبسوطه ليه ..... من عيلة كويسة ومخلص كل حاجه علشان ميبقاش عندها حجة دلوقتي
راجي بغيظ وهو يرى انهم يتجاهلوه ويتحدثون كأنه ليس موجود معهم :
- مش ملاحظين ان واحد متكتف موجود معاكم وسامع كل كلمة منكم
والده بسخرية :
- ما انت هتعرف في الاخر مستعجلش على رزقك
راجي بسخرية :
- متكتف ويقولي مستعجلش على رزقي ايه الوقعة دي بس ي رب
راجي هو ينظر إلى والديه ويرى السعادة في عيونهم قال بغيظ :
- ليه حاسس انكم فرحانين فيا
بشير بضحك :
- احنا مش فرحانين خالص خالص
ثم خرجوا وتركوه وحيدا
راجي بحسرة :
- دا لو لقوني على معبد يهودي مش هيعملوا كدا
( معلش ي بني استحمل 😂😂)
عاد راجي الي ضيقه وتذكر يوم أمس حين رجع من سفره
فلاش باك
في قرية ريفية صغيرة على أطراف الجبل
أتى شاب وهو يحمل شنطته على يديه وكل من يراه يسلم عليه فهو معروف عند الجميع ومحبوب لديهم أيضا ووصل راجي إلى بيته بعد طريق طويل سيرا على الأقدام فالطريق الي القرية ضيق ولا تستطيع اي عربية العبور نظر راجي الي بيته باشتياق فهو غاب منذ خمسة شهور بسبب عمله في العمالة ويعود إلى قريته في اجازة صغيرة
رفع راجي يديه وطرق على باب بيته وثوان قليلة وفتح الباب من قبل اخته الصغيرة التي صدمت بعودة راجي فهو أتى دون أن يخبرهم أراد أن يجعل مفاجأة لهم
ريم بصدمة وهي لا تصدق أن أمامه بالفعل :
- راجي
راجي بابتسامه وهو يزيل شنطته من على اكتافه بعد ما دخل البيت :
- السلام عليكم
ريم بسعادة وهي تحتضنه بحب :
- وعليكم السلام حمدا لله على السلامة وحشتني ي راجي
راجي بحب فهي أخته الصغيرة ويعتبرها ابنته وينفذ كل رغباتها :
- وانتي كمان يا حبيبتي فين ريتال وابويا وامي
ريم بسعادة :
- ريتال في المطبخ وماما بتصلي جوه هروح اناديها
ذهبت ريم لتنادي واتجه راجي ناحيه المطبخ ووقف على الباب وقال بمغازلة :
- كبرنا واحلوينا وبقينا شاطرين في الطبخ كمان
نظرت ريتال ناحيه الصوت وجدته راجي وركضت عليه لتحتضنه ريتال وكاد ان يقع من اندفاعها عليه
ريتال بعد ما ابتعدت عنه بعتاب :
- ليه متقولش انك جاي ي راجي
راجي بابتسامه :
- حبيت اعمل مفاجأة ليكم
ريتال بسعادة :
- احلى مفاجأة والله
خرجت ماجدة مع ريم وجدته راجي يجلس مع ريتال بعد ما خرجوا من المطبخ اتجه راجي اليه ليقبل يديها ويحتضنها
راجي بفرح :
- وحشتيني ي امي
ماجدة بضيق مصطنع وهي تمسك أذنيه :
- مقولتش ليه انك جاي
راجي بألم وهو يمسك يديها :
- ي جوجو ودني
ماجدة بغضب مصطنع وما زالت ممسكة بإذنه :
- اتكلم
راجي بألم :
- اتكلم ازاي وانتي ماسك ودني ي حجة
ماجدة بغضب :
- يعني أنا ماسكة لسانك و ادي ودنك سيبتها
ثم تركت أذنيه
راجي وهو يفرك أذنيه وقال بألم وغيظ :
- حبيت اعمل مفاجأة ليكم
ثم اردف بصوت منخفض لنفسه :
- بس انا اللي غلطان علشان جيت
ماجدة بسعاده وهي :
- طيب ي حبيبي حمدا لله على السلامة
راجي بخوف :
- والله عندها انفصال بتحول في ثانية
حضنت ماجدة راجي بحب ثم وضعت يديها على وجهه ودققت فيه وقالت بقلق :
شكلك هفتان وخاسس انت مكنتش بتاكل ولا ايه
ريم بمرح وهي تهمس لريتال :
- جملة كل الأمهات المصرية
ريتال وهي تضربها على كتفه بهمس :
اسكتي ماما تسمعك
أجاب راجي بصدق :
- والله باكل
ماجدة بسخط :
- هو الأكل الجاهز دا يتسمى أكل
ثم اردفت بحب
- ادخل اوضتك ي حبيبي ارتاح من السفر وبعد شوية الاكل يجهز
دخل راجي وهو يحمل شنطته الي غرفته
ماجدة وهي تمسك ريم من ملابسها بحدة :
- كنت بتقولي ايه بقى
ريم بخوف :
- مكنتش بقول حاجه
ماجدة :
- مش هعيد كلامي
ريم بخوف وهي تكاد تبكي :
- كنت بقول لريتال ان ماما عندها حق راجي فعلآ هفتان وخاسس مش كدا ي ريتال
وهي تنظر إلى ريتال بعيونها لتنقذها من والدتها
ريتال :
- ايوة ي ماما
ماجدة وهي تقوم من جلستها :
- ماشي هصدقك المرادي اما المرة الجاية هعلقك يلا تعالي ي ريتال نحط اكل لاخوكي على ما يرتاح
وغادروا الي المطبخ أما ريم دخلت الي راجي الراقد على السرير
راجي بمرح فهو سمع محادثتهم من الداخل :
- اتعلقت ولا لاء
ريم بغضب وهي تجلس بجواره :
- اتلم ي راجي
راجي بضيق :
- إيه اتلم دي انتي ناسية ولا ايه أنا أخوكي الكبير
ريم وهي تغمض عين وتفتح أخرى وتردف بمكر :
- والله من امتى الكلام دا
راجي بحزم مصطنع :
من بدري
ريم بخبث :
- أنا مش فاكرة فكرني كدا
ثم مسكت المخدة وبدأت تضربه عليها
راجي بضحك :
- ماشي انت اللي بدأت استحملي بقى
ثم بدأ في ضربها وهي تضربه إلى أن اغرقوا في الضحك
ريم بحب :
- وحشني هزارك وضربك ي وحش
راجي :
- وانتي كمان وحشتيني ووحشني لعبنا
دخلت ماجدة وصدمت من منظر الأوضة ونظرت إلى راجي وريم نظرة كالمجرم الذي قبض عليه بالجرم المشهود
ريم بسرعة وقبل ما تتكلم والدتها :
- من قبل ما تتكلمي هانضف حالا
ثم غادرت ماجدة
راجي باستغراب :
- دي مربية ليكم الرعب ولا ايه
ريم :
- لاء طبعا بس امك عليها نظرة ترعب اللي قدامها وربنا أروح انضف قبل ما تجي وتعلقني
انتهى اليوم وذهب راجي للنوم بعد أن قضى راجي اليوم مع أهله في سعادة ومرح
باك
وعاد راجي من شروده على صوت الباب وهو يفتح وهذة المرة دخلت فتاة عليه لا يعرف من هي وحين رفع وجهه ليري وجهها تذكر ان رأها لكن لا يعلم متى واين
الفتاة بغضب :
- بص بسببك حصل ايه
راجي بغضب :
- ايه اللي حصل ومين انتي انا معرفكيش اصلا
الفتاة بردح :
- اه دلوقتي هتمثل انك متعرفيش وأنا اللي بتبلي عليك بالكلام صح
راجي باستغراب :
- امثل انتي ليه محسساني اني ضحكت عليكي وانا معرفش...... انا معرفكيش ولا عمري شوفتك
الفتاة :
- هفكرك.... فاكر البنت اللي عكستها
راجي بتذكر :
- فاكر ايوة بس البنت دي من القاهرة مش من هنا
الفتاة وهي تظهر نفسها له :
- لاء هنا وحظي الأسود اللي خلاني أسافر واقع في وشك
راجي :
- مفهمتش حاجه ايه اللي دخل دا باللي بيحصل ليا
الفتاة :
هتفهم بعدين ي راجي
ثم خرجت مثل ما دخلت
راجي بغضب :
- ايه البلاوي اللي بترمي عليا دي بس وقصدها ايه بفهم بعدين
شرد راجي وهو يتذكر الموقف حين رآها أول مرة
فلاش باك
كان راجي يذهب ليمشي حين رأي فتاة تقف على الكورنيش لوحدها فذهب ناحيتها
راجي بمعاكسة :
- هو القمر بيطلع في النهار وانا معرفش ولا ايه
راجي بمعاكسة وهو يغمز بعيونه :
- مع حضرتك حمدي الوزير اسمك ايه ي قمرررر
الفتاة بغضب وهي تردح وتشوح بيديها :
- اتلم احسنلك إلا اصوت وألم عليك الناس كلها وتروح القسم
راجي بضحك :
- ما تلميني انتي طيب وانا مش هاتكلم ي ابيض انت ي جامد
تحركت الفتاة لتنادي ضابط المرور ووقف راجي أمامها وقال واردف بابتسامه :
- خلاص انا هامشي سلام ي حلو
ثم غادر
باك
وللصدفة غريبة ان تكون هذة الفتاة من قريته فهل حين ركب القطار رآه الحارس الذي كان مع الفتاة فهو راه عندما عاكس هالة ولكن كان بعيد لولا ذلك لكان أعطاه ردا على كلامه ذلك اليوم
________________
تذكر راجي اليوم حين كان مع أهله فجأة يجلس معهم ويضحكون وفجأة طرق الباب بقوة وحين قام ليفتح الباب صدم برجال ما أن رأوا حتى اخذوا بقوة
وتركوه في حالته هذة منذ ذلك وهو مقيد حتى الآن
إلى أن فتح الباب ودخل رجال لم يشعر راجي بهم وفكوا قيده وعاد راجي من شروده حين أحس بوجود اشخاص معه في الغرفة
راجي باستغراب :
- انتوا مين وبتعملوا ايه
فك الرجل يديه راجي الأخرى ثم اخذوه وخرجوا
راجي باستغراب وقد بدأ الخوف يتسرب اليه :
- انتوا خدوني على فين
لم يرد عليه أحدا
وظلوا يمشوا الي ان وصلوا غرفة كبيرة يوجد بها مقاعد كثيرة بجوار بعضها يجلس عليها كثير من الرجال كمجالس العرب يرتدون جلباب صعيدي وشال على اكتافهم يمسكون عصا كبيرة في ايديهم وفي المنتصف يجلس رجل عجوز يبدو ككبير العيلة يضع على راسه عماءة وشال على كتفه ويمسك بسبحة في ايده يسبح بها
الكبير وهو يسمح له بالجلوس بعد ما تركه الرجال : اقعد ي راجي
جلس راجي على الكرسي
عبدالرحمن بجدية :
- انا عرفت من ابوك انك لسه راجع من السفر واكيد مش عارف العادات والتقاليد عندنا حصل
راجي باتفاق :
- انا مهما سافرت اكيد هكون عارف عادات وتقاليد بلدنا
عبدالرحمن بصرامة وجدية :
- تمام ي ولدي اسمعني اي حد بيغلط لازم يتعاقب كل غلطة عليها حساب وانت غلطت
راجي بتساؤل :
- عملت ايه ي حج
عبدالرحمن :
- انت عاكست حفيدتي و عرفنا بما انك غلطت يبقى لازم تكتب عليها وتجوزها
