رواية امتلكني بالاجبار الفصل الواحد والعشرون
معتز بص على ادهم اللي كان سرحان .
معتز بسخريه./مش معقول هتفضل هنا كمان سرحان فيها .
ادهم بهدوء./اول مره احس اني خايف علي حد كده . اوقات ببقي نفسي أبعدها عني عشان مخليهاش في طريقي اللي كله قرف و مشاكل . بس انا نفسي مش عارف ابعد عنها ساعه واحده يا معتز .
معتز /لدرجة أنك حاكم عليها تكمل حتي و انت عارف انها كانت عايزه تتطلق . و فضلت الموت بس متكونتش معاك يا ادهم .
ادهم بضيق./بس هي دلوقتي بتحبني . هي بتشوفني علي حقيقتي . هي قالتلي أن هي مطمنه معايا .
معتز بسخريه./و ليه متقولش أن هي بتحاول تتأقلم علي حياتها الجديده اللي انت دخلتها فيها من غير موافقتها.
ادهم بغضب./انت عايز توصل لايه يا معتز . ليه عايزني أبعدها عني .
معتز بهدوء./ انا مش عايز اي حاجه من كده . عايزك تخليها تحبك و معاك بإرادتها مش عشان انت فرضت عليها كده . ادهم انت مش هتكسب قلبها و انت جابرها علي كل حاجه . وريها حياتك القديمه و سيبها تختار .
ادهم اتنهد بهدوء و هو بيرد علي التليفون.
ادهم./ايوه يا عاليه حصل حاجه .
عاليه بقلق./ مريم هانم مجتش لحد دلوقتي. و حاولنا نكلمها انا و كاميليا كتير مردتش .
ادهم وقف بخضه./ انا ساعه و هكون عندك يمكن تكون راحت عند خالتها .
عاليه /حاضر .
معتز /في اي يا ادهم
ادهم مشي بسرعه و هو بيتكلم./مريم مروحتش البيت لحد دلوقتي.
___________________________________
جلال رمي الحشيش قدام ناديه بخبث./فكراني مش عارف الاعيبك يا ناديه.
ناديه بلعت ريقها بتوتر./ألاعيب ايه . و ايه البتاع ده .
جلال قرف من وشها بهدوء مخيف ./ده البتاع اللي حطتيهولي عشان اتمسك بيه . حبيت اعرفك اني عرفت أن انتي و ابنك وره سرقة الحاجه بس انا ساكت عشان مش عايز ائذيكي بس صدقيني لو انتي حاولتي تعملي الاعيبك معايا دي تاني هقتلك يا ناديه .
ناديه بغضب./بدل ما أنت عمال تهددني في الرايحه و الجايه . روح اتشطر علي بنتك اللي مش عارف تطول منها حاجه . و في الاخر جوزها ضحك عليك بشوية ملاليم .
جلال مسك دقنها بغضب./تاني مره ملكيش دعوة بحاجة متخصكيش يا ناديه . عشان انا لغاية دلوقتى ساكت عليكي .بس انا مش هفضل ساكت كتير .
جلال سبها بغضب و مشي و هي بصتله بشر و هي بتتوعدله في سرها.
_________________________________
ادهم وقف قدام شقة فاطمه بهدوء و هو بيرن الجرس .
فاطمه فتحت الباب بهدوء. و قالت بفرحه./كاميليا وحشتيني.
فاطمه حضنتها بحب . و هي بتبص على ادهم./اومال مريم فين .
ادهم بهدوء./انا و مريم هنسافر يومين . و انا عارف ان كاميليا بتحبك و بتحب نور قولت اجيبها هنا عشان مدرستها.
نور طلعت من اوضتها بشك و هي بتبص على ادهم./هو في اي يا ماما.
فاطمه بفرحه ./ادهم و مريم هيسافره يومين و كاميليا هتقعد معانا .
كاميليا بصت على ادهم بدموع./بس مريم قالتلي انها هتيجي معايا التمرين. هي كدبت عليا .
فاطمه و نور بصو على كاميليا بشك .
ادهم قعد قدامها ببراءة./لا هي مكدبتش عليكي . هي كانت هتيجي بس عشان شغلها كتير معرفتش تيجي و قالتلي اوصلك لنور. و لما ترجع هتصالحك و تروح معاكي اتفقنا.
كاميليا ابتسمت ./اتفقنا .
فاطمه بهدوء./خلي بالكم من نفسكم و قول لمريم تبقي تطمني كل شويه .
ادهم بهدوء./حاضر عن اذنكم .
و سابهم و مشي .
نور فضلت تبص عليه بشك و هي متاكده أن حصل حاجه.
__________________________________
بعد وقت كتير .
مريم حطت ايديها على دماغها بدوخه و هي بتفتح عيونها تدريجياً . قامت و هي مش عارفه جت امتي هنا. و مفيش حد غيرها في الفيلا . فضلت تدور كتير لحد ما قعدت علي الارض بتعب . لحد ما الباب اتفتح علي خطواته . مريم بصت عليه بعدم فهم . بس دخلت لحضنه بخوف و هي بتقول./ادهم . انا بعمل ايه هنا .
ادهم حضنها بهدوء و خدها و قعده./انا اسف اني عملت كده . بس مكنتش في طريقه غير كده يا مريم.
مريم بصت حواليها بهدوء ./انا مش فاهمه حاجه. ليه جبتني هنا . و ايه اللي حصل على الطريق . و كاميليا يا ادهم كاميليا فين .
ادهم اتنهد بهدوء./مريم انتي في اسكندريه. و كاميليا عند نور متقلقيش انا وصلتها بنفسي .
مريم بضيق ./ادهم انا ايه جابني هنا . و ليه كل ده .
ادهم اتنهد بهدوء./عشان مفيش مكان اقدر اطمن عليكي فيه غير هنا يا مريم . محدش يقدر يعملك حاجه و انتي هنا .
مريم وقفت قدامه بغضب./ يعني كلامك معناه ان حياتي و حياة اختي ممكن تكون في خطر بسببك .
ادهم اتنهد بضيق./مريم افهمي بقي . انا مش مستعد اعرضك للخطر حتي لو ثانيه واحده. و عشان كده جبتك هنا .
مريم بصت حواليها بضيق./بس انا مش هينفع افضل هنا كتير .
ادهم سحبها جمبه بهدوء./مش كتير . و هخليكي تكلمي نور و كاميليا تتطمني عليهم . بس ياريت متقلقيهمش .
مريم حركت رأسها بهدوء.
ادهم سحبها لحضنه بضيق ./مكنتش عارف اطمن غير لما اشوفك و اعرف انك بقيتي في امان يا مريم . دلوقتي انا محتاج انام و انا مطمن انك معايا .
مريم ابتسمت بهدوء و هي بتدخل في حضنه .
________________________________
ناديه بضيق./بتلعب عليا انا يا اسر . و يا تري هتعمل ايه لو هي عرفت حقيقتك.
اسر ببرود./انا مبقاش هممني حاجه . قد اني أخرج من التمثيليه دي. انا مبقتش قادر اكدب عليها اكتر من كده .
ناديه بغضب/مش بمزاجك يحبيبي ده غصب عنك . انت قابض تمن كل اللي بتعمله ده . و انت مشوفتش مني غير وش كويس لحد دلوقتي. بلاش انا يا اسر بلاش.
اسر بسخريه./لا انا شوفتك على حقيقتك . و متحاوليش تقربي مني أو من حياتي تاني . عشان وقتها انا اللي هاذيكي .
______________________________________
مريم فاقت من النوم بهدوء و هي مش لاقيه ادهم جمبها لحد ما وقعت عينيها علي الورقه اللي سيبها ادهم .
"انا رايح مشوار و مش هأخر عليكي . مردتش اصحيكي عشان مقلقكيش . كل حاجتك هتلاقيها موجوده."
مريم قفلت الورق بضيق و هي بتقول لنفسها./مش كفايه حابسني . كمان سايبني لوحدي و رايح يشوف مشاويره .
__________________________________
ادهم قعد قدام أمه بهدوء مخيف./تعرفي اني فرحان و انا شايفك كده . شايفك ندمانه و مش عارفه تتاسفي. شايفك نفسك ترجعي الماضي .تعرفي ايه اول حاجه خلتني احب مريم . انها مش شبهك . تعرفي أن هي رفضاني لحد دلوقتي و مش هممها فلوسي و شهرتي و حياة الاميرات اللي هتعيشها ....كمل بسخريه ..... مش شبهك يا ليلي هانم . كان نفسي تكون شبهك عشان اقدر اكرها . بس للأسف انتي اللي طلعتي ملكيش شبيه . او يمكن هي اللي مميزه ......كمل بحزن......تعرفي أن هي ممكن تروح مني بسبب الماضي اللي اتفرض عليا . كان نفسي اقدر أبعدها و اخليها في امان . بس هي احتلت كل حاجه فيا من غير ما تاخد بالها .......كمل بسخريه و دموع .......تعرفي أن هي أضيقت مني عشان معاملتي معاكي . اصلها متعرفكيش يا ليلي هانم . اومال لو عرفت انتي عملتي فيا ايه . ...... كمل بهيستيرية......بس متقلقيش هي مش شبهك . هي لا يمكن تكون زيك .
ليلي بصتله بدموع و سكتت.
ادهم بص عليها بسخرية و هو بيمسح دموعه و سبها و مشي.
__________________________________
نصار بص علي نفسه في المرايا بحزن . لحد ما الخدامه خطبت عليه و قطعت تفكيره ./في واحده عايزه حضرتك تحت .
نصار حرك رأسه بهدوء و نزل بس حط أيده علي وشه بصدمه لما البنت لفتله و شاف.....وووو
___________________________________
ادهم حرك أيده علي شعر مريم اللي نايمه بهدوء . /انتي مش زيها يا مريم . انتي بريئه . و برائتك دي مكنتش المفروض تكون في طريقي. بس انتي اللي ظهرتي و مينفعش تبعدي تاني يا مريم .
مريم اتكلم بنوم./انت بتكلم نفسك .
ادهم ابتسم عليها بحب./اصحي يلا انا سيبتك و جيت و انتي لسه نايمه .
مريم قعدت قدامه بنوم./ما انا قاعده مش لاقيه حاجه اعملها و تعبت و نمت .
ادهم طلع التليفون بخبث./يعني مش عايزه تطمني علي كاميليا.
مريم مسكت التليفون بفرحه . /لا عايزه.
خدت التليفون و كلمت نور .
نور بفرحه./اخيرا اتصلتي،،اكيد نستينا طبعا .
مريم بتوتر./لا . بس كنت تعبانه و لسه صاحيه.
نور /مش مهم كل ده . طمنيني عليكي عامله ايه .
مريم /انا كويسه . و انتي عامله ايه و كاميليا.
نور /كاميليا جت من المدرسة و نامت اول ما تصحي هخليها تكلمك.
مريم بضيق ./ماشي يا نور اول ما تصحي تكلمني علي طول .
نور ./حاضر بس انتي خدي بالك من نفسك .
مريم /حاضر و انتي كمان .
نور /مريم . خدي بالك من ادهم . هو بيحبك بجد. خلي بالكم من بعض.
مريم ابتسمت و بصت علي ادهم . /حاضر .
و قفلت التليفون.
ادهم حرك أيده علي وشها بهدوء./اطمنتي دلوقتي.
مريم حركت رأسها بهدوء.
ادهم بمرح./طب مش هنفطر بقي.
مريم بتمثيل النوم./لا انا عايزه انام .
ادهم بصلها بضيق. بس ابتسم لما لقاها بتدخل في حضنه.
ادهم بخبث ./لو هتنامي كده انا موافق .
مريم ابتسمت بهدوء و سكتت.
ادهم حرك أيده علي شعرها بحب و نامو.
وووو
