 |
رواية امتلكني بالاجبار الفصل الخامس والعشرون بقلم ملك عبد المنعم
مريم بصتلها بحزن و هي بترد علي التليفون./ايوه يا معتز .
معتز بخوف./مريم . ادهم اضرب عليه نار و في المستشفي .
مريم حطت ايديها علي وشها بدموع./ ازاي يا معتز ازاي .
معتز بجمود./ في عربيه هتيجي تاخدك و تجيبك المستشفي .
اماني بصت عليها بشك ./مريم في ايه.
مريم بخوف و دموع./ادهم اضرب عليه نار . انا لازم اروح المستشفى دلوقتي .
اماني ./ طب اهدي هيكون كويس متقلقيش . انا معايا عربيتي تعالي هوصلك .
مريم حركت رأسها بدموع و مشيو .
_______________________________
نصار بغضب. /ازاي يضرب عليه نار .
نوران بشك ./هو مش انت اللي عملت كده يا بابا.
نصار بغضب ./لا مستحيل اعمل كده . انا انتقم من ادهم بخسارة شركه او فلوس . بس اقتله لا مستحيل اعمل كده.
نوران بتفكير ./ تفتكر مين عمل كده يا بابا.
نصار بحزن. /مش عارف . معرفش مين ممكن يحاول يعمل كده في ادهم .
نوران قربت علي ابوها بخبث ./بابا هو انت زعلان علي ادهم.
نصار بحزن./ادهم ده تربيتي يا نوران . انا عيشت معاه اكتر من أبوه. يمكن غلط في حقك و حقي. بس ده من ريحة عبدالله الله يرحمه عمري ما افكر اقتله في يوم من الايام .
نوران بضيق./لا يا بابا . مش ده ادهم اللي ضيع شرفي زمان و خلاني اتحرم منك السنتين اللي فاتو . ادهم لو بيحبك زي ما بتحبه مكنتش عمل فيا كده .
نصار بص عليها بحزن و هو بين نارين .
________________________________
اماني بصت علي مريم بهدوء ./مريم متنسيش تعملي اللي اتفقنا عليه . مينفعش اي حد يعرف اني جيتلك . و انا هكلمك عشان اطمن عليكي.
مريم هزت راسها بدموع و نزلت .
اماني رجعت دماغها بتعب ./كده انا عملت اللي عليا . دلوقتي جه الدور احمي نفسي و ابني.
مريم سألت علي مكان ادهم و طلعت . و اتفجأت بوجود نور و كاميليا .
مريم حضنت كاميليا بدموع . و بصت علي معتز./ادهم ماله . ايه حصل .
معتز بضيق./ كل اللي اعرفه ان ادهم كان في القاهره و اضرب عليه نار . و ناس جابوه علي هنا و كلموني من تليفونه .
نور حضنت مريم ./مريم اهدي شويه.
مريم بدموع./هو فين .
نور ./في العمليات لسه مطلعش . بس متقلقيش الدكتور هيخرج و يطمنا.
مريم حضنت نور بدموع و هي ماسكه في ايد كاميليا .
بعد شويه الدكتور خرج .
معتز جري عنده . /في ايه يا دكتور . ادهم عامل ايه .
الدكتور ./الرصاصه كانت في كتفه و الحمدلله قدرنا نطلعها. بس بقي عندنا مشكله . هو نزف دم كتير في المستشفى و فصيله دمه مش موجوده هنا . إحنا دورنا في المستشفى كلها بس ملقناش غير كيس واحد .
معتز مسح على وشه بضيق./فصيله دمه ايه يا دكتور و انا هكلم كل المستشفيات .
الدكتور./ فصيله دمه ab .
مريم جريت عنده بدموع. /انا نفس الفصيله .
الدكتور./طيب كويس اوي . اتفضلي معايا عشان نقدر ننقذ حالته في اسرع وقت.
الدكتور خد مريم و مشيو.
معتز لـ نور ./خليكي انتي مع مريم و انا هفضل مع ادهم عشان لو حصل حاجه .
نور حركت رأسها بقلق و خدت كاميليا و مشيت.
الدكتور بص علي مريم بقلق./انتي متاكده انك كويسه.
مريم بدوخه ./ايوه . هو ادهم هيفوق امتي.
الدكتور ./مفيش داعي للقلق . هو دلوقتي في العنايه المركزه لحد ما يعدي ٢٤ ساعه . بس هو حالته مستقره متقلقيش .
مريم هزت راسها بدموع و مشت .
نور بصت عليها بشك ./مريم خليكي ارتاحي شويه انتي باين عليكي دايخه .
مريم هزت راسها برفض./لا يلا نطلع . ادهم لو فاق لازم يلاقيني معاه .
كاميليا بصت عليها ببراءة ./هو انا كده هروح معاكم.
مريم ابتسمت بدموع و هي بتهز راسها .
بس وقفت و هي حاسه بدوخه و فقدت الوعي .
____________________________
ابتسم بخبث و هو بيبص علي التليفون./مكنتش نفسي اعمل فيك كده . بس انت خدتها غصب عنها . و اتجوزتها كمان و معيشها معاك غصب . كده انتقامي منك انتقامين . انا اسف يا حياتي اكيد لو انا كنت موجود مكنتش كل ده هيحصلك . بس انا جيت عشان اخد حقك .
بعدها عمل مكالمه و رد علي التليفون بهدوء . /ايه اللي حصل .
/لسه عايش .
بغضب/انت غبي . انا مش قايلك تقتله . تخلص عليه ازاي لسه عايش .
/معرفش انا روحت سألت الممرضه قالتلي عايش . و كمان مراته هنا .
رمي التليفون بغضب ./غبي غبي . بس متقلقش يا ادهم . لو انت فلدت من ايدي اول مره . اوعدك المره الجايه هعملها انا بنفسي عشان أتأكد من روحك و هي بتطلع قدام عيني .
___________________________________
مريم فتحت عينيها بتعب و الدكتور بيديها الحقنه ./ ادهم . نور فين ادهم.
نور بقلق ./مريم انتي كويسه .
الدكتور ./هي داخت من كمية الدم اللي سحبناها . بس هي حاليا كويسه . عن اذنكم .
معتز ./ مريم لو لسه تعبانه خليكي مرتاحه . إحنا مع ادهم متقلقيش.
مريم اتعدلت بتعب ./لا انا كويسه . انا عايزه ادخل لادهم .
نور قربت عليها ./هاتي ايدك عشان متدوخيش تاني.
مريم حركت رأسها بهدوء. و مشيو .
بعد شويه مريم كانت قاعده جمب ادهم و بتحرك أيديها علي وشه بدموع . مريم مسكت أيده و غمضت عينيها بتعب و هي بتفتكر كلام اماني .
بعد شويه ادهم حرك أيده و هو بيفتح عينه بتعب و اتكلم بهمس./مريم . انتي هنا .
مريم مسحت دموعها./ادهم انت كويس .
ادهم هز راسه بتعب ./مريم انا معملتش كده . معملتش اللي هي قا..
مريم قاطعته بهدوء./مش مهم يا ادهم . نتكلم بعدين . المهم انت كويس.
ادهم اتعدل بتعب .
مريم ./ محتاج حاجه اعملهالك .
ادهم ./لا شكرا .
مريم بتوتر ./معتز بره هروح اناديه عشان يطمن عليك .
ادهم مسك ايديها برفض ./ خليكي يا مريم . مفيش داعي تهربي مني هنا .
مريم بصتله بهدوء./بس انا مش عايزه اهرب منك يا ادهم . انا عايزه اكون معاك .
ادهم ابتسم عليها بهدوء./ قربي يا مريم.
مريم قربت منه بهدوء . و هو سحبها لحضنه بحب . مريم غمضت عينيها بدموع و هي بترفع ايديها تحضنه .
________________________________
نور اتنهدت بهدوء و هي شيفاهم من بعيد . نور لنفسها./كان عنده حق . يارب تكوني مبسوطه يا مريم .
معتز بص عليها بتوتر ./انا تعبتك معايا انا اسف .
نور ./لا مفيش تعب . انا اكيد مكنتش هسيب مريم لوحدها و كان لازم اكون معاها.
معتز هز رأسه بهدوء./طب يلا ندخلهم عشان اروحكو .
نور هزت راسها بهدوء و مشيت معاه .
________________________________
اماني دخلت الاوضه و هي بتبص حواليها بخوف . حطت ايديها علي قلبها لما دخلت اوضتها و قالت ./الحمدلله مفيش حد خالص هنا .
اماني طلعت الفلاشه من شنطتها./النسخه التانيه لازم تكون معايا . للأسف يا علي دوري في حياتك لسه مخلصش لسه حقي و حق ظلمك ليا .
اماني ابتسمت بخبث . بس اتخضت بخوف لما سمعت صوت الباب . اماني خبت الفلاشه و حاولت تهدي نفسها و فتحت الباب و هي بتبص عليه بضيق .
علي دخل وراها و قفل الباب ./كنتي فين انهارده .
اماني ببرود./كنت عند واحده صحبتي .
علي بهدوء./اتمني تعقلي . عشان الكام شهر اللي نفضلهم مع بعض يخلصه من غير اذيه لحد . انتي فهماني طبعا.
اماني بصت عليه بخوف و هي بتحاول تهدي نفسها.
_________________________________
الدكتور كشف علي ادهم و ابتسم بهدوء ./لا دلوقتي حالتك كويسه خالص . و ممكن كمان تخرج من بكره لو عايز . بس اهم حاجه راحه و متعملش حركه كتير عشان دراعك لسه محتاج وقت.
ادهم هز رأسه بهدوء./ ياريت يا دكتور يكتبولي علي تصريح بسرعه .
مريم بقلق./بلاش يا ادهم . خلينا بكره كمان لما نطمن عليك.
معتز اتكلم بهدوء ./انا رأي كده بردك خليك هنا و الدكاترة حواليك عشان لو حصل حاجه.
ادهم بضيق ./لا مش هقدر انا عايز امشي بكره و لو ينفع انهارده كمان.
الدكتور./ خلاص انا هكتبلك علي خروج . بس اهم حاجه الراحه و الادويه في مواعيدها . و الحركه ممنوع الحركه يا ادهم بيه.
الدكتور سابهم و مشي .
معتز ابتسم بمرح ./الحركه يا ادهم اوعي الحركه .
ادهم ضحك عليه بهدوء .
معتز ./انا لازم امشي عشان اوصل نور و كاميليا معايا من الصبح . و هجيلك تاني .
ادهم اتنهد بهدوء./عملت ايه مع المستشفي.
معتز ./متقلقش حذرتهم محدش يبلغ البوليس عشان مندخلش في سين و جيم . و الواد اللي عملها ده صدقني هجيبه لو تحت الارض .
ادهم هز راسه بضيق . و معتز خد نور و مشيو .
مريم قعدت على الكرسي اللي قصاد ادهم بهدوء .
ادهم اتنهد بهدوء ./معتز قالي انك اتبرعتيلي بدم كتير و تعبتي .
مريم هزت راسها بهدوء.
ادهم ./ليه يا مريم . مع ان كان في ايدك تسبيني و متنقذنيش .
مريم حطت ايديها علي أيده بتوتر ./ عشان انا معنديش حد غيرك . قولتلي انك هتحاول تثبتلي انك معملتش كده صح .
ادهم بلهفة ./اه يا مريم. صدقيني والله انا معملتش كده . انا هفضل وراهم لحد ما اعرف الحقيقه .
مريم ابتسمت بهدوء./خلاص ارتاح دلوقتي و نكمل بعدين و انا جمبك لو عوزت حاجه .
ادهم ابتسم عليها بهدوء و هو بيغمض عينه باطمئنان أنها خلاص مش هتسيبه....ووو
