رواية امتلكني بالاجبار الفصل السادس والعشرون
تاني يوم كان ادهم روح البيت هو و مريم .
مريم قعدت جمبه بمرح./الدواء يا ادهم بيه .
ادهم ابتسم عليها بهدوء و خد منها الدواء .
مريم خدت منه الكوبايه ./اسيبك تنام شويه .
ادهم برفض./لا خليكي . انا عايزك جمبي .
مريم حركت رأسها بكسوف .
ادهم حرك أيده علي وشها بهدوء./اول مره احس انك معايا بارادتك مش خوف مني .
مريم هزت كتفها بقلة حيلة./عملت زي ما انت قولتلي . شوفت ادهم الجديد اللي مأذنيش و اللي بيحاول عشاني . جايز حياتنا تتغير بالفرصة دي .
ادهم ابتسم بحزن./هتتغير يا مريم . اوعدك هغيرلك حياتك و اعوضك عن كل حاجه .
مريم ابتسمت بهدوء ./ارتاح انت دلوقتي و كل حاجه هتتحل بعدين .
________________________________
فات اربع ايام من غير أي أحداث جديده . مريم كانت بتعتني بـ ادهم دايما . و معتز اللي بيتحجج عشان يقابل نور و بيستغل اي فرصه تخليه يشوفها . أما الباقي هنعرف احداثهم و نهايتهم من الأجزاء الجايه .
________________________________
نوران ابتسمت بخبث و هي بتقفل تليفونها ./خليك يا ادهم لف و دور كتير . مهما حاولت مش هتعرف توصل . و حتي لو وصلت هتكون انت اللي قربت نهايتك بايدك.
______________________________
مريم بصت علي ادهم بضيق و هي بتبعد أيده عن وسطها./خد الدواء يا ادهم و بطل حركاتك دي .
ادهم بص عليها بخبث ./ حركات ايه هو انا عملت حاجه .
مريم نفخت بضيق ./اه عملت و لو مبطلتش انا مش هديك دواء و لا هعملك حاجه .
ادهم بص عليها بهدوء و سحبها مره واحده بغضب وقعت فوقيه . مريم شهقت بخضه و هي بتسند ايديها علي صدره بخوف ./ادهم دراعك .
ادهم ابتسم بخبث./كرري كده اللي قولتيه .
مريم رفعت عينيها بضيق لما فهمت تصرفه./ادهم ابعد بقي .
ادهم حرك رأسه بنفي . مريم نفخت بضيق و هي بتتحرك بغضب بين أيديه .
ادهم ضغط علي وسطها بغضب./اثبتي بقي .
مريم بصتله بضيق و رفعت صباعها قدام وشه ./انت كده بتتعدي حدودك معايا .
ادهم اتكلم قدام شفايفها بهمس./طب عرفيني كده ايه الحدود اللي بين الراجل و مراته .
مريم غمضت عينيها بتوتر . و ادهم ابتسم علي تأثيره عليها . ادهم ميل باسها بشغف . مريم فتحت عينيها بصدمه بس غمضتها و هي بترفع ايديها و بتغرزها في شعره . ادهم الحركه دي جننته و ضغط علي وسطها بغضب . مريم فتحت عينيها بوعي و بعدته بكسوف . /ادهم . انت تعبان .
ادهم بعد و هو بياخد نفسه بالعافيه ./يعني لو مكنتش تعبان كان هيبقي عادي يا مريم .
مريم بصتله بتوتر و دموع . ادهم سبها بضيق ./امشي يا مريم .
مريم وقفت تبص عليه بدموع . ادهم بغضب ./مريم امشي عشان صدقيني لو ممشتيش هعمل حاجه تخوفك مني اكتر .
مريم بصت عليه بكسوف و مشت .
ادهم حرك أيده علي شعره بتعب . /في ايه مش قادر تصبر عليها شويه . ده انا مصدقت بقت تتعامل معايا من غير ما تخاف .
ادهم غمض عيونه بضيق من نفسه .
______________________________
نور اتنهدت بضيق و هي شايفه معتز واقف قدام البيت .
نور قربت بضيق . معتز ابتسم بهدوء./صباح الخير.
نور بضيق ./هو في ايه كل يوم أنزل الاقيك كده . و كل مره حجه شكل يا تري عايز ايه المره دي . هو ادهم باعتك عشان تكون ضلي في كل مكان اروحه .
معتز بإحراج./انا مقصدش كده و لا ادهم ليه علاقه بالموضوع. انا بس كنت فاكر أننا صحاب .
نور ابتسمت بسخرية./هو عشان جمعنا كام موقف و كام مقابله هنبقي صحاب . و حتي لو صحاب ده يديك الحق انك تجيلي كل يوم و تروح معايا مكان ما اروح .
معتز ابتسم بضيق./انتي عندك حق . الظاهر اني فهمت غلط . اعتبري محصلش حاجه و لا كأني كنت في حياتك . و انا اسف لو عملتلك أي إزعاج عن اذنك.
معتز ركب عربيته بضيق و حزن و مشي . نور بصت علي اثره بضيق و هي بتعاتب نفسها .
________________________________
نوران دخلت اوضة علي بضيق .
نوران وقفت قدامه بغضب./انت بتتهرب مني ليه هو احنا مش في بينا اتفاق .
علي بضيق./عايزه اي يا نوران . اللي انتي قولتي عليه بنفزه عايزه ايه تاني.
نوران بغضب ./عايزاك تعرف انت مين و متنساش نفسك و لما ارن عليك ترد انا بكلمه مني ممكن ادخلك السجن .
علي مسكها من دراعها بغضب./ما تفوقي لنفسك يا نوران . و اعرف مين اللي يدخل مين السجن . ده انا اتفقت معاكي نحط لادهم منوم عشان تطلعي تعملي التمثيليه الحقيره بتاعتك دي . و كمان جبت لابوكي جثه غير جثتك عشان يصدق انك انتحرتي و موتي . ده غير الحادثه اللي عملتيها لام ادهم و الصفقات اللي بتخربيهاله .
نوران بعصبية./انت بتهددني يا علي . انت مش معاك و لا دليل واحد علي اللي بتقوله . و لو فكرت تقول حاجه هقول أنك كداب و ساعتها بابا هيرميك بره و مش بعيد يدخلك الشحن كمان .
علي بسخرية ./لا يا حبيبتي متقلقيش . انا معايا فلاشه عليها كل كلمه قولتيها بلسانك كل الحاجات اللي عملتيها و اللي لسه هتعمليها معايا . يبقي اهدي علي نفسك و تعرفي مين اللي يهدد مين .
نوران بعصبية ./انت واطي و انا غلطانه اني وثقت في واحد زيك .
علي بسخرية ./ ما طبيعي اكون واطي . ده انا معاشرك يا نوران يا بنت عمي .
علي و نوران بعده بخضه بعد ما سمعو صوت جامد بره .
نوران بلعت ريقها بتوتر و هي بتقرب من الباب .
نوران فتحت الباب بصدمه. /علي الحق بابا .
وووو ...
