 |
رواية امتلكني بالاجبار الفصل السابع والعشرون بقلم ملك عبد المنعم
مريم كانت واقفه في المطبخ سرحانه . بس ابتسمت مره واحده و هي بتحط ايديها علي شفايفها . مريم هزت دماغها برفض . مريم لنفسها./لا يا مريم لا . ده ادهم انتي نسيتي عمل اي .
مريم اتنهدت بتعب و كملت اللي بتعمله .
_________________________________
نوران كانت قاعده قدام اوضة الكشف و هي بتبص علي باباها بدموع . عكس علي اللي كانت ملامحه خاليه من التعبير . لحد ما طلع الدكتور و قطع سكوتهم.
نوران جريت عليه و اتكلمت بدموع./بابا . بابا عامل ايه.
الدكتور بأسف./جتله سكته قلبيه . بس هو دخل في غيبوبة. احنا عملنا اللي علينا عشان ننقذ حياته . املنا الوحيد أنه يفوق من الغيبوبه .
علي بتوتر ./طب و هو هيفوق امتي.
الدكتور./الغيبوبه ملهاش وقت معين . ممكن ايام و ممكن اسابيع . و في ناس بتفضل بالسنين . بس متقلقوش احنا هنعمل اللي علينا و الباقي علي ربنا عن اذنكم .
سبهم الدكتور و نوران بصت لـ علي بغضب . /انت السبب . انت سبب كل حاجه وحشه و سبب كل المصايب .
علي قرب من ودنها بهمس ./ جحودك و كرهك و انانيتك هما السبب . و لو اتكلمتي تاني انا مستعد ابلغ عنك و اسلمك للقسم بقضيه محاول قتل ليلي النصار و انا معايا الدليل يا نوران .
نوران بصتله بحقد و دخلت تشوف باباها.
علي بص عليهم بسخريه./العد التنازلي ابتدي . واحده وره واحد لحد ما يتصفي عليا انا وريث عيلة السيوفي.
________________________________
مريم حطت الاكل قصاد ادهم بهدوء ./يلا عشان تاكل . ميعاد الدواء التاني قرب.
ادهم بص علي دراعه بسخريه ./اكيد مش هعرف اكل بيه .
مريم بضيق./ما أنت حركته من شويه .
ادهم ابتسم بهدوء لما فهم أنها خايفه تقرب ./عشان كده واقفه بعيد عني .
مريم بتوتر ./لا مش واقفه بعيد و لا حاجه.
ادهم بخبث./يبقي قربي .
مريم اتنهدت بضيق و قربت منه بهدوء و ابتدت تأكله . لحد ما تليفون ادهم رن و شاورلها تسكت .
ادهم بهدوء . / في حاجه .. ادهم كمل بضيق .. طيب ماشي هبعت عربيه تجيبها و انتي تقدري تاخدي اجازه لحد ما ترجع .
ادهم قفل التليفون و بص علي مريم بهدوء اللي مفكرتش تسأله كان بيكلم مين .
ادهم اتنهد بهدوء ./ماما تعبانه شويه . هتيجي تقعد معانا كام يوم .
مريم ابتسمت بهدوء . / متقلقش انا هخلي بالي منها كويس .
ادهم اتنهد بضيق في نفسه ./انا قلقان عليكي منها يا مريم .
ادهم بضيق ./لا . يعني انتي مش مطلوب منك تعملي كده . هي بس هتفضل هنا كام يوم و ترجع بيتها تاني .
مريم باستغراب./بس دي مامتك و بيتك هو بيتها .
ادهم غمض عينه بضيق ./ مريم انا مش عايز كلام كتير . و لو احسن خليكي بعيد عنها .....كمل بتحذير.....اوعي تقربي منها يا مريم أو تتكلمي معاها. خلي معاملتك معاها بحدود . داده عاليه هي اللي هتعملها كل حاجه .
مريم هزت راسها بعدم فهم و متكلمتش .
__________________________________
نور رمت تليفونها بضيق . /و انا مالي انا زعل و لا مزعلش . ما هو اللي طريقته اوفر اوي .
نور هزت راسها بتعب . /بس انا شكلي عكيت الدنيا اوي . هتصرف ازاي دلوقتي .
كاميليا دخلت عليها بفرحه . /جيت اسلم عليكي قبل ما امشي .
نور ابتسمت بخبث ./عشان كده طايره من الفرحه انك هترجعي عند مريم تاني و تمشي من عندي .
كاميليا هزت راسها ببراءة./انا بحبكم انتو الاتنين هقعد عندها شويه و هجيلك تاني عشان متزعليش .
نور حضنتها بحب ./و انا هاجي كل شويه عشان اطمن عليكي اتفقنا .
كاميليا هزت راسها بحب و فرحه و سبتها و مشت .
________________________________
فات اربع ايام من غير أي أحداث جديده . ادهم كان اتعافي و ابتدي يرجع لحياته العاديه بس خوفه علي مريم من ليلي كان مخليه علي طول في البيت . و كان مخلي التعامل بيتهم بحدود و قدامه و ده اللي كانت مستغرباه مريم بس مردتش تتكلم معاه تاني . نور كانت طول الفترة دي بتفكر هتعمل ايه و تصلح اللي هتعمله ازاي .
_________________________________
مريم فتحت باب اوضة ليلي بهدوء و دخلت .
مريم ابتسمت بهدوء و وقفت قدامها ./انا حضرت الفطار يلا عشان نفطر سواء . اصل ادهم نزل بدري و انا مش بحب افطر لوحدي.
ليلي بصتلها بضيق و لفت الكرسي بتاعها بعيد . مريم بصت عليها بعدم فهم . بس فهمت انها مش حابه تفطر معاها .
مريم قربت منها بهدوء ./طب تحبي اخليهم يطلعولك الفطار هنا .
ليلي مردتش عليها . مريم اتنهدت بضيق و مشت .
___________________________________
نور وقفت قدام مكتب معتز و هي بتاخد نفسها بصعوبه و قربت عشان تدخل بس معتز كان سبقها و فتح الباب . نور بصتله بتوتر . عكس معتز اللي ابتسم لما شفها.
معتز ./نور . تعالي ادخلي .
نور دخلت معاه بتوتر و قعدت قصاده.
معتز بهدوء./ايه المفاجأة الحلوه دي .
نور ابتسمت بضيق من نفسها ./انا جايه اعتذرلك عن طريقتي في اخر مره .
معتز ابتسم بهدوء./لا عادي محصلش حاجه.و بعدين انتي عندك حق مش المفروض أتدخل في حياتك .
نور ابتسمت بهدوء./انا مكنتش اقصد ده وقتها . بس احنا ممكن نكون صحاب عادي زي ما كنا .
معتز ابتسم بحب . /اكيد هو انا اطول يعني .
نور ابتسمت بتوتر .
معتز /مطلاما اتصلحنا يبقي نروح نتغدي سواء .
نور بهدوء./ ماشي معنديش مانع بس ممكن يوم تاني عشان انا كنت رايحه لمريم .
معتز بتفكير./خلاص يبقي هوصلك و نتفق علي يوم نعوض فيه.
نور حركت رأسها و ابتسمت بهدوء .
________________________________
علي طلع الورق من الخزنه بغضب . /مش هنا بردك مش هنا .
اماني دخلت الاوضه بتوتر ./بتدور علي حاجه .
علي بغضب ./و انتي مالك انتي بدور و لا مبدورش .
اماني بصت عليه بهدوء و متكلمتش .
علي وقف قصاد الدولاب بتفكير لنفسه ./هتكون راحت فين . معقول اكون شايلها في الشقه . معقول تكون معاها....
علي قطع تفكيره بغضب و هو بيسحبها من شعرها بغضب ./فين الفلاشه سرقتها ودتيها فين .
اماني بتوتر ./فلاشة اي انا معرفش حاجه.
علي بغضب./انتي هتستعبطي . الفلاشة اللي كان عليها حاجتي . محدش بيدخل الاوضه دي غيري انا و انتي . و انا بشيلها هنا و لو مش هنا يبقي في الشقه اللي انتي بردك كنتي بتكوني فيها .
اماني بدموع و خوف ./انا والله معرفش بتتكلم عن ايه .
علي زقها بضيق./لو عرفت أن انتي اللي وخداها هقتلك والله العظيم هقتلك .
و سبها و مشي .
اماني حطت ايديها علي وشها بدموع و هي بتفتكر اللي حصل.
Flash back .
مريم قامت ترد علي التليفون . اماني بصت عليها بهدوء و خبت الفلاشه جوه شنطة مريم . اماني رجعت مكانها بهدوء و هي بتبص علي مريم بقلق . اماني لنفسها ./خلاص يا اماني انتي بتعملي الصح .
نهاية الـFlash back .
___________________________________
كاميليا حضنت نور ./وحشتيني اوي.
نور بحب ./و انتي كمان اوي . عملتي ايه في المدرسة.
كاميليا بمرح ./لا متقلقيش عليا خالص .
مريم بضيق . /و انا فين حضني.
كاميليا حضنتها بفرحه ./اهو حضن كبير اوي .
مريم ضحكت عليها بحب ./ احلي حضن في حياتي . بس انتي شكلك نستيني .
كاميليا ببراءة ./انا علي طول معاكي . بس نور بتيجي شويه و تمشي يبقي احضنها شويه عشان متزعلش صح .
نور و مريم ضحكه عليها بحب .
مريم هزت راسها بحب ./ ايوه صح . بس يلا ا غيري هدومك و انزلي عشان تقعدي معايا انا و نور.
كاميليا هزت راسها ببراءة و مشت .
نور بهدوء./كاميليا مبسوطه اوي .
مريم هزت راسها بهدوء. / اوي و لما ادهم بيكون معاها بشوفها بتضحك من قلبها. ساعات بحس انها بتتعامل معانا كأننا عيلتها مش اختها. و هو كمان بيعاملها بكل براءة بحس اني شايفه حد تاني غير ادهم .
نور هزت راسها بخبث ./تقريبا انا من ساعة ما جيت و انتي مش بتتكلمي غير علي ادهم.
مريم بكسوف ./مش عارفه يا نور . اوقات بحس أنه كويس اوي . بس كل حاجه حلوه بيعملها بتضيع في ثانيه مجرد ما افتكر اتجوزنا ازاي .
نور بهدوء./مريم انتي لازم تشوفي الحلو اللي بيعملوا معاكي. هو كان ممكن يعمل عكس كل ده بس هو بيحبك فعلا و الدليل معاملته معاكي و مع كاميليا. انا شايفه لمعة عيونه كل ما يبص عليكي .
مريم هزت كتفها بقلة حيلة./مش هتفرق يا نور انا اتحكم عليا اكون هنا طول عمري .يمكن ادهم زي ما بتقولي بيحبني . بس انا محتاجه وقت عشان اصدق ده .
نور هزت راسها بهدوء و هي بتفكر في معتز .
______________________________
ادهم طلع علي اوضته بهدوء و بص علي مريم اللي كانت نايمه . ادهم قرب عندها و حرك أيده علي وشها بحب . /هتعملي فيا ايه تاني يا مريم .
ادهم باسها من راسها بحب و دخل الحمام .
بعد شويه مريم فتحت عينيها بتعب بس شهقت بخوف لما شافت ليلي مقربه عليها و هي ماسكه السكينه في ايديها . مريم حطت ايديها علي بوقها بخوف و رجعت لوره./انتي. انتي بتمشي. انتي بتعملي ايه .
ليلي قرب منها بهدوء مخيف./هقتلك . هقتلك.
مريم صرخت بخوف ./ادهم ادهم .
ادهم طلع علي صوت مريم و اتصدم من اللي شافه .
ادهم قرب علي ليلي بغضب./بتعملي ايه سيبي السكينه .
ليلي حركت السكينه قصاد وش مريم بابتسامه مخيفه./هقتلها . و هقتل قلبك عليها .
ادهم بغضب ./ابعدي بقولك .
ليلي بصت علي مريم و هي بتضحك بسخريه و ادهم استغل ده و زقها و سحب مريم اللي كانت بتترعش بخوف في حضنه .
ادهم بخوف ./اهدي اهدي خلاص.
مريم بخوف./ كانت هتقت... مريم صرخت بخوف.....حاسب يا ادهم .
ادهم بص وراه لقي ليلي مقربه منه بغضب و السكينه في ايديها . ادهم خد السكينه منها بغضب . و بعدها عنه بغضب.
ادهم بعصبية ./انتي واحده مجنونه ايه اللي بتعمليه ده.
مريم بصت على ايد ادهم اللي كلها دم ./كانت عايزه تقتلك. ادهم يلا نمشي من هنا يلا .
ادهم بغضب لـ ليلي ./انتي بتعملي كده ليه . عايزه تقتليني ليه . هو في أم تعمل كده . ردي عليا ليه بتعملي كده .
ليلي بصتلهم بحقد و غضب . /مش ابني . انت مش ابني.
