رواية متمرده في جحيمى الفصل الثانى بقلم سندس عمر
جميله بصدمه.. علي!!
علي.. ايوا يا جميله انا علي..!
جميله حضنت علي وهيا بتعيط..
جميله.. انت وحشتني اوي يا علي..
علي.. وانت وحشتيني اكتر يا حبيبتي..
جميله.. انت خرجت ازاي وفين بابا..؟
علي.. هحكيلك علي كل حاجه بس مش دلوقتي انا انا لازم امشي..!
جميله مسكت ايد علي.. لا متسبنيش ونبي يا علي..
علي.. لازم امشي يا جميله البوليس زمانه بيدور عليا لازم اروح اجيب اللي يكشف براءتنا انا وبابا علشان ناخد براء وبابا يخرج من السجن ونتجمع من تاني..!
جميله.. طب قولي هتعمل ايه..!؟
علي.. هجيب تليفون وهرن عليكي بس اهم حاجه تتاكدي ان تليفونك مش متراقب ولو البوليس جالك هنا قولي انك مشوفتنيش والحمدلله ان مفيش كاميرات تاني وانا بكره او بعدو هعدي عليكي وهديكي مبلغ كده ولو الز*فت اللي اسمه زين دا جي هنا اتطردي..!
جميله.. حاضر بس خد بالك من نفسك..
علي.. متقلقيش عليا اقفلي علي نفسك الباب كويس واوعي تقولي لاي حد اني جتلك هنا يلا سلام..
علي قال كده ومسك الشال اللي في ايدو وغطه بيه وشه ومشي و جميله قفلت الباب بخنقه وراحت قعدت علي الكرسي ومسكت تليفونها واتصلت ب رنا صحبتها المقربه.
جميله.. ايه يا رنا عامله ايه..؟!
رنا.. الحمدلله انتِ عامله ايه يا حبيبتي
جميله.. تمام بخير
رنا.. صوتك ماله يا جميله..؟
جميله.. مخنوقه جدا..!
رنا.. علشان علي وعمو مجدي..؟
جميله.. ايوا مخنوقه اوي علشان انا مش عارفه اعيش من غيرهم..!
رنا.. باذن الله يا حبيبتي ربنا هيكشف براءتهم وبعدين مش اللي لعب اللعبه القذ*ره دي زين؟!!
جميله... ايوا..!
رنا.. طب ولي يعمل كده.؟
جميله.. علشان عايز يتجوزني وانا قولتلي لا لما قالي انه هيزعلني علي علي وبابا وانه هيحبسهم افتكرتوا بيقول كده وخلاص بس اكتشفت انه بيتكلم بجد وعمل اللي قال عليه..!
رنا.. طب انزلي قابليني في الكافيه اللي كنا فيه اخر مره..!
جميله.. لي؟؟
رنا.. عايزه اكلم معاكي في موضوع مهم.؟!!
جميله بحزن.. ماشي هقوم البس..
رنا.. وانا كمان هقوم البس وهنزل بس متتاخريش..!
جميله.. حاضر سلام.!
جميله قفلت مع رنا وقامت علشان تلبس وبالفعل لبست ونزلت وكانت رايحه نحيه الكافيه في عربيه جات وقفت قدامها ونزل من تلت رجاله كان شكلهم ضخم اوي رشه علي وشها حاجه وشالوها ودخلوها العربيه..
