رواية كوميديا سوداء الفصل الثانى بقلم ليل ادم
دكتور خالد: ( مع والد الطفلة) انتوا وخدين البنت علي فين أنا لسه مشفتش التحاليل و الإشاعات اللي طلبتها
والد الطفلة: لا الدكتور أحمد قال إنها تمام والموضوع كان شويه سخونيه وراح ل حاله وبعد ما المحلول ينتهي أقدر أخد بنتي و امشي و البنت فعلاً بقيت كويسه تمام أنا شاكر ل جهود حضرتك
الدكتور خالد: يعني الدكتور أحمد قالك كده
الأب: اه اه
الدكتور خالد: تمام تقدر تمشي
الأب: شكراً ل حضرتك بعد اذنك
الدكتور خالد: العفو سميره
سميره: نعم يا دكتور
الدكتور خالد: ابعتي الدكتور أحمد على مكتبي
سميره : حاضر (وفعلاً راحت تنده الدكتور أحمد )
احمد : خير اي تاني
سميره : الدكتور خالد عايزك وشايط
احمد : شايط يعني اي زعلان يعني
سميره : روح على مكتبه اعرف بنفسك
بعد وصول احمد مكتب الدكتور خالد
الدكتور خالد: ادخل
احمد : سميره قالتلي
الدكتور خالد: اه اقعد اقعد
احمد : اقعد اقعد شكلي عامل كارثه خير
الدكتور خالد: انت قولت ل والد الطفله أن بنته سليمه ويقدر ياخدها ويمشي حصل
احمد : اه فعلاً حصل
الدكتور خالد: وعرفت منين حضرتك أنها كويسه مش المفروض في تحاليل واشاعات نعرف سبب المشكله
احمد : أصل السبب معروف حاجه طارقه يعني مش محتاج واكيد حضرتك عارف برضوه أن تشخيصي صح مش كده
خالد : اه طب اسمع يا احمد لو حضرتك فاكر انك جايه اول دفعه و من القاهره علشان تعرفنا شغلنا تبقا مش هطول معانا
احمد : لا طبعا مش ده قصدي
الدكتور خالد: وأنا مش عايز اعرف قصدك كل اللي عايزه منك تفتكر انك دكتور تحت التدريب وان اللي قصادك نائب مدير المستشفى دكتور خالد عبد الجواد حذاري تراجع ورايا كلمه واحده اللي اقوله تعمله مش اكتر منه ولا اقل اسمع انك لغيت برشامه واحده طلبت من مريض ياخدها هتشوف مني وش مش هيعجبك
احمد : ده بجد
خالد: انت شايف اي
احمد : شايفه بجد
خالد: اتفضل
خرج احمد من مكتب خالد وكان قلقان منه جدا ومره وحده حط مريض ايده علي كتف احمد
احمد : خضتني ياعم انت في اي
المريض: أنا عايز اعرف لما بشرب كتامين قلبي بيوجعني ليه
احمد : انت بتتكلم كده ليه هو حضرتك مسطول
المريض: اه مسطول هو أنا مش مسجل
احمد : معرفش
المريض : اه مسجل
احمد : تمام تبقا مسجل عايز مني اي بقا سيبني اشوف شغلي
المريض: عايز اعرف لما بشرب كيتامين قلبي بيوجعني ليه
احمد : ياعم منا معرفش ليه وربنا
المريض : يمكن انا قلبي ضعيف
احمد : يمكن
المريض: اععععععععع (وخبط دماغه في الحيطه كذا مره لحد ما فقد الذاكره لف وشه) أنا مش فاكر حاااااااااجه أنا فين
احمد :(اتفظع من شكل المريض )
اعععععععع يخربيتك سيب البلتوه هموت في ايدك
المريض : أنا مش فاكرك أنا فقدت الذاكرة
احمد : ياعم أنا أول مرة اشوفك هتفتكرني اذاي
المريض: أنا مين
احمد : تعالي بس معايا هعملك اللي انت عايزه سبني يخربيتك هموت
المريض: (دخل مكتب احمد وقعد قصاده بدأ احمد يكشف عليه )
احمد : يخربيتك شكلك فقدت الذاكره بجد هات التذكره دي
المريض: ااااااااااااااااه يامصبتي السوده يا اني ياما فقدت الذاكره يا سروجي
احمد : سروجي مين
المريض: مين
احمد : اه انت بدات (وكتب في التذكره تشخيص المريض فقدان مؤقت في الذاكره وحط الورقه قصاد المريض وبدأ في تهدئه المريض واقنعه أن في حل
وفجأة وقع القلم من ايد احمد على الأرض
المريض: (خليك انت انا هجيبه) نزل يجيبه المريض القلم من علي الارض نسي هو كان نازل ليه افتكر نفسه كا بيصلي راح ساجد على الأرض)
احمد : ياعم تقبل الله انت كنت نازل تجيب القلم الله يكرمك
المريض: يعني مكنتش بصلي
احمد : لا اترزع
المريض: ( قعد مكانه شاف ورقه مكتوب عليها اسمه ومكتوب عليها فقدان مؤقت في الذاكره) اعععععععععععععع يا مصبتي السوده يا اني ياما
احمد : (اتخض صوت في وش المريض ) يخربيتك كل شويه تفجعني في اي
المريض: أنا كنت بصوت ليه
احمد : ياعم اسكت اسكت (وفجأة رن تليفون احمد طلع تليفونه)
المريض: (عينه جت على ورقة على المكتب مكتوب فيها اسمه و جمبها فقدان مؤقت في الذاكره اتخض على نفسه ) ااااااااااااااااه يا مصيبتي السوده يا اني ياما فقدت الذاكره يا سروجي
احمد : ياعم حرام عليك هات الورقه دي (وقطع الورقه ) انت خفيت اجري نام ساعتين واول ما تصحا اشرب كيتامين كتير متقلقش انت كويس
المريض: الحمد لله يارب انا كان عندي امل اني هخف على ايدك يا دكتور بس هو أنا كان عندي اي
احمد : (لسه هيقوله فقدان في الذاكرة خاف يصوت في وشه ) لا كنت سخن شويه سلام بقا
المريض: أنا كنت رايح فين
احمد : تشرب كتامين
المريض: انت صح سلام
احمد : أنا مش هنفع هنا يا ابويا ابوس ايدك شوفلي وسطه انقلني (فجأة باب المكتب اتفتح بكل قوه ودخل اسره على الدكتور أحمد )
احمد : اقفل يا ابويا اشوف البزار اللي داخل عليا ولا كأني في مولد الشيخ عباطه اقفل
احمد : ياعم مش تخبط في اي مالكم
الأب: الواد شارب صابون
احمد : يعني اي
الأم: منا قولتلك بلاش المستشفى دي اللي بيدخل هنا بيطلع على ضهره
احمد : ليه جايه دريم لاند علشان يطلع على ضهره
الأب: بقولك شوف الواد الواد بطن بتبرقع من الصابون اكشف عليه ولا اعمل اي حاجه
احمد : روح هات كيس لبن وتعالي
الأب: انت لسه هتفطر يا نهار اسود
احمد : ياعم افطر اي هات كيس لبن ل ابنك هاته من السوبر ماركت بسرعه وانتي اقعدي مع ابنك ما لو مكنتيش مهمله كنتي خدتي بالك من الواد
الواد : هو أنا هموت يا دكتور
احمد : اسأل امك متقرفنيش
الأب: سمعتي يا بنت الكلب كلام الدكتور
الأم : لمها يا حمدي لمها علشان تجيب حقها
احمد : لما يا حمدي شكلها غبيه
الأب: على مين وعهد الله اطلقك هنا
احمد : لالا بلاش مش هحضر معاكم لحد الطلاق كمان
الأم: سيبك منه ده بتاع كلام
الأب: طب انتي طالق
الأم: أنا مين يا حمدي
الأب: انتي يا وليه يا لئيمه يا توكتوك متحرك
الأم: بطلقني أنا يا حمدي
احمد : ياجماعه الواد بطنه بتبرقع
الواد : هو أنا هموت يا دكتور
احمد : ياعم اصبر اشوف امك وحمدي اخريتهم اي قوم ياض هاتلك كيس لبن عبال ما احل القصه دي
الأم: وربنا يا راجل يا قله انت ما هدخلك البيت
احمد : ياعم حمدي انت وقف ورايا ل حد يدخل يفتكرها بتكلميني أنا
الأب: يوليه احنا المشتشفي هديكي ابره أفسيكي
الطفل: هو أنا هموت يا دكتور
احمد : ياض بس يخربيتك هتموت اي انت فاضل ثانيه واحده وتبقا يتيم
باب الغرفه اتفتح
مريض فاقد الذاكرة: دكتور
احمد : كملت عايز اي انت كمان
المريض: أنا عايز اعرف أنا لما بشرب كيتامين قلبي بيوجعني ليه
الأب: خد كيس اللبن
الأم: هتعمل اي يا زفت انت
احمد : ياجدعان وكتاب الله أنا دمعتي قريبه أنا ابن ناس وربنا
المريض: يعني أنا قلبي ضعيف
احمد : ياعم ضعيف امشي بقا
المريض: (ضرب دماغه في الحيطه كذا مره تاني ) ازاي ازاي
احمد : (قام يجري يلحقه قبل ما يفقد الذاكره من تاني ) بس ابوس دماغك كفايه أنا اللي قلبي ضعيف وربنا
الأب: اللبن يا دكتور الواد بطن بتبرقع
المريض: ينهار اسود أنا مش فاكر حاجه
احمد: اعععععععععععععععع اطلعوا بره يا مجانين يولاد الكلب
الأم: يادكتور الغبره شوف الواد
احمد : خد ابنك الحمام شربه اللبن ده هيرجع خده وامشي
المريض: أنا مش فاكرك انت مين
احمد : ياعم وربنا ولا أنا فاكرك روح الحمام مع الناس دي انت أصلا جاي معاهم
المريض: بجد
احمد : اه روح هتلاقي الراجل اللي هناك ده معاه كيتامين
المريض : ( خرج من المكتب جري ورا ابو الطفل )
احمد : لا وربنا ده عقاب كده الموضوع زاد ( وخرج من مكتبه ماشي في طرقه المستشفى يكلم نفسه سمع صوت واحد بيتكلم في التليفون و بيطلب من حد فلوس ضروري لأن ابنه محتاج تحاليل مهمه جدا)
احمد : مساء الخير ممكن اساعدك لو في حاجه
الأب: ابني والله يا دكتور مطلوب منه التحاليل دي والدكتور قالي الحاله خطر وأنا مش معايا فلوس والله
احمد: طب ممكن اشوف ابنك ولو محتاج تحاليل بجد ضروري هساعد معاك
الأب : الله يكرمك يارب تعالي اتفضل جوه في الاوضه دي
احمد : ماله بس ما ذاي الفل اهو اسمك اي
الطفل : حسن
احمد : عندك كام سنه يا حسن
حسن : تسع ثنين
احمد : سنين ولا ثنين سنانك كلها ضايعه كده ارفع الفلانه دي كده (وبدأ يكشف علي الطفل)
الأب: خير يا دكتور
احمد : وريني كده التذكره بتاعتك
الأب: اتفضل
احمد : (شاف اسم دكتور خالد أتصدم خصوصاً أنه تأكد أن الطفل سليم مش محتاج اي حاجه غير علاج في المنزل)
الأب: دكتور من فضلك رد عليا ابني ماله
احمد : (بلقلقه في الحديث) اعمله التحاليل
الأب: (بدأ يقلق على ابنه ويبكي المشهد كان صعب على احمد وقرر يصارح الأب)
احمد : بقولك اي
الأب: قول يا دكتور
احمد : فلوس تحاليل ابنك اهي والله ما بهزر بس اللي هقولك عليه ده يريح ضميري قصاد ربنا
الأب : قول
احمد : ابنك مش محتاج إلا مضاد حيوي هكتبلك اسمه في ورقه وخد ابنك وامشي من هنا
الأب: اذاي والدكتور الكبير اللي قالي ابنك حالته صعبه
احمد : تمام الفلوس اهي والعلاج اهو اللي يريحك اعمله بس أنا كده رضيت ضميري
الأب: (بص ل وش الدكتور أحمد ) شكلك محترم وابن ناس أنا هسمع كلامك هات اسم العلاج
احمد : اتفضل بس خلي بالك لو حد عرف الموضوع ده انا هتعلق على باب الإستقبال بالشورت الداخلي ومش بعيد كمان اتعلق بلبوس الله يكرمك اوعا تتكلم مع حد وتجيب اسمي
الأب: لا والله كتر خيرك كفايه انك طمنتني على ابني الله يخربيته الدكتور اللي كان قبلك قال كلام عقلي طار ع الواد ربنا يبارك فيك يا دكتور ومتقلقش سرك في بير ملهوش قرار
الدكتور: ( خالد بيفتح الباب شاف احمد جوه الاوضه مع الطفل ) انت بتعمل اي هنا
احمد : أنا أنا مش بعمل أنا كنت بشرب الواد صابون قصدي لبن
الأب: امسك يا دكتور مش عايزين منك كشف ربنا يخلي الدكتور أحمد
احمد : يا صلاه النبي
الدكتور خالد: (بكل غلا بص ل احمد )
احمد : هفهمك
الدكتور خالد: تعالي معايا عند المديره
احمد : (بص ل ابو الطفل ) الله يخربيتك ويخربيت ابنك هو ده اللي سر الهي تولع
الدكتور خالد: (بصوت عالي) دكتور احمد
احمد : جاي اهو ( وراح جري ورا الدكتور خالد وراح معاه مكتب المديرة كانت مش موجوده في مكتبها)
الدكتور خالد: مس غاده فين استاذه ريهام
مس غاده: استاذه ريهام والدكتور علي والكل في غرفه الجراحة العامة في حاله خطر هناك اوي
احمد: ابوس راسك خليها بعدين بتقولك كلهم هناك بلاها فضيحه
الدكتور خالد: أنا هعرفك اذاي تخرج المرضا من المستشفى بمزاجك امشي معايا وانت ساكت
وفعلاً وصل الدكتور خالد و احمد غرفه الجراحة العامة وكان في طاقم من أكبر أطباء المستشفى ومعاهم استاذه ريهام واقفين على حاله شاب اسمه هاني عنده ارتفاع في خلايا الأمراض السرطانية رغم أن فحص الشاب لا يثبت وجود أورام في جسمه وكان الجميع في حاله عجز أمام حاله الشاب
الدكتور علي: دكتور خالد شوف كده التقارير دي وقول رايك
الدكتور خالد: هات
(وبدأ يتابع التقارير وكان أحمد عينه على التقارير متابع معاه )
استاذه ريهام: ها يا دكتور خالد وخلي بالك مفيش اي أورام في جسم هاني
الدكتور خالد: للأسف سرطان في الدم
الدكتور علي: اي ده اذاي مجاش في بالنا فعلاً كل التقارير بتقول كده
احمد : اي الكلام ده لأ طبعاً غلط
كل الدكاتره انتبهوا الي احمد وفي صوت واحد مين ده
احمد: (بص ل الدكتور خالد) سرطان دم خلاص أنا اسف
الدكتور علي: هنهزر ولا اي عندك حاجه قولها
أحمد: لا منا لو اتكلمت هتنفخ الله الغني
استاذه ريهام: اي التهريج ده هتتكلم يا دكتور ولا تطلع بره
الدكتور خالد: (بنظره غلا) اتفضل أتكلم علشان تعرف حجمك
احمد : الوقتي انتوا بتقولوا أن الراجل ده مريض سرطان دم واعرض سرطان الدم لا تنطبق على حجم الكتله العضليه بتاعت الشاب ده شكله رياضي انت بتلعب رياضه
هاني: (منهار من اللي سمعه بس تماسك وارتاح ل احمد ) اه بلعب كوره
احمد : بيحصل معاك صداع دائم عضمك بيتعبك من المجهود أو بتحس انك عايز ترجع لما بتجري أو حتا بتصحا الصبح عندك شد في جميع الأطراف لدرجه الشلل
هاني : لا خالص
احمد : يبقا اذاي سرطان دم بعدين يا دكتور علي شوف تقيم BC طالع تمام يعني لو ده فعلاً مريض سرطان دم التقيم ده هيكون سالب ووقع جدا ومش بعيد يوصل معاه الي فقر دم
الدكتور علي: ايوه برضوه بس تفسير النسبه العاليه في الدم دي اي مصدرها
استاذه ريهام: ايوه فعلاً انا شايفه كلامك قريب من العقل بس أرض الواقع في نسبه خلايا سرطانية عاليه مش كده
الدكتور خالد: أنا شايف انك تروح معهد أورام
احمد : المكملات الغذائيه
الدكتور خالد: نعم
احمد : اه والله في مكملات غذائية محظوره و بترفع الخلايا السرطانية في الدم وكمان بتكون نشطه انت بتاخد برشام مكملات غذائية يا هشام
هشام : اه وموجوده معايا في الشنطه هنا
احمد : هات كده وريني
هاني: اتفضل
احمد : ( طلع من ضمنهم علاج مسؤول عن رفع نسبة الخلايا السرطانية في الدم وممنوع من التداول ) ينصر دينك ياض يا احمد عليه النعمه بطل بطل بطل ولا تقولي بقا شاروخان ولا حتا شاروخ واحد أنا والعياذ بالله
الدكتور خالد: هشششش اسكت وريني لقيت اي
الدكتور علي: (مبتسم ل احمد ) برافو عليك والله يا احمد أنا فاكر أن المكمل ده كنت قريت عنه من فتره أنه خطر ونزل جدول انت بتاخد العلاج ده من امتا
هاني : من شهر
استاذه ريهام: والتعب ظهر عليك من امتا
هاني: من أسبوعين
احمد : ياجماعه وربنا ما عايز حد يشكرني قوم روح يابني انت زاي الفل وبطل تاخد المكمل الغذائي ده
دكتور خالد: (بصوت عالي)برضوه عايز يطلع المريض على مزاجه
احمد : نام تاني اوعا تقوم انت عندك سرطان دم أنا غلطان
استاذه ريهام:(بتضحك) مين المصيبه ده يا دكتور علي
الدكتور علي: ده الدكتور احمد تكليف جديد أول يوم ليه معانا هنا
الدكتور خالد: واخر يوم
احمد : ينهار اسود مش بيحن ولا يلين
استاذه ريهام: دكتور خالد هات معاك دكتور احمد ودكتور علي على مكتبي
احمد : كده رفض وش
