رواية سلمتك قلبي الفصل الثاني
رحاب : لو جدع اطلع لي شوف لو راجل بقى اطلع لي مش انت عامل لي فيها الجامد الطويل الفظيع قرب كده وشوف انا هعمل فيك ايه اه صح نسيت يا عيني مش هتقدر تقرب ليه لانك اصلا فاشل في انك تعمل اي حاجه مفيده وابسط حاجه مش هتقدر تعملها يلا اطلع لي الشجره يا فاشل
زين بغضب : وربنا يا رحاب وربنا لو شفت وشك او بس تيجي فرصه تيجي فرصه بس واشوفك قدامي هطلع عينك بس اصبري هو انت فاكره يا بت ان انتي تقدري عليا كان غيرك اشطر يا حلوه انا مش فاضيه اصلا
دخل زين وكانت رحاب بتبص عليه من بعيد وهي بتضحك على اللي ممكن تعمله فيه وخصوصا انها عارفه هو بيخاف من ايه دخل زين الفيلا واتكلم مع جدو وفهم منه كل الحكي اللي الجد حكاها مع رحاب وعارف ان تاني يوم هيروحوا على الاسكندريه وانهم هيعيشوا فيها مع بعض في بيت متكون من دورين وان مهمه زين علشان يرجع لحياته الطبيعيه عشان ياخذ الورث انه يصلح الشركه وترجع الشركه تقف على رجليها تاني من اول وجديد وانه يتجوز بنت عمه
زين بضيق : انت بتهزر صح اكيد بتهزر اكيد انا مش هتجوز الغوريلا المتخلفه اللي بره دي جدي انت تعرف ان انا شفت بنات بعدد شعر راسك سوري مخدتش بالي ان مفيش فيها حاجه شعر راسي وكلهم مزز من الدرجه الاولى عايزني في الاخر ارتبط بالنتنه اللي واقفه بره دي يا جدي دي ما بتستحماش غير في السنه مره اكيد انت مش هتعمل فيا كده صح
عبد الحميد بعصبيه : ولد اتكلم كويس لما تيجي تتكلم على بنت عمك ما يصحش الكلام اللي انت بتقوله ده وما تنساش ان هي هتبقى مراتك وهتنقل الجامعه بتاعتها كمان للاسكندريه وانت هتكون مهتم اكيد بيها بانك توصلها وتجيبها وتوديها والهبل اللي بتعمله عند ابوك والسهر مش عندي ولو حصل ما تزعلش من اللي هعمله يا زين اتفضل بره اه بالمناسبه دمك تقيل متحاولش تهزر تاني يا ابن الظريف
عدى اليوم عادي كان زين متضايق من فكره انه ممكن يتجوز رحاب ورحاب فرحانه ان جالها الفرصه انها تادب زين وتعلموا الادب عدي اليوم عادي وكان شنطهم لسه زي ما هي متجهزه وجي ثاني يوم جه الجد معاهم
رحاب : ده مكاني وبحب اقعد هنا ابعد من هنا
زين : طب اي رايك اني مش هركب غير هنا وابقي عرفيني هتخرجيني ازاي
عبد الحميد بغضب : اي شغل العيال والهبل اللي انتم فيه ده زين انت اللي هتسوق اتحرك وركبوا العربيه وسافروا على اسكندريه وقفت العربيه نزلت رحاب
بنبهار وهي بتقول : البيت لا مش صغير البيت كبير ومن دورين وكويس جدا بس هو اه اصغر من الفيلا اللي في البلد بتاعتك يا جدي بس دي كويسه اوي حرفيا خارج توقعاتي
زين بقرف : طبعا واحده كانت عايشه في زريبه لازم تشوف البيت قصر ما انتي بيئه
عبد الحميد بغضب : اخرس مسمعلكش نفس اعتقد ان الورق خلص وانا قدرت انقله واخلص كل الامور اللي ورايا رحاب من بكره هتبداي تروحي الجامعه بتاعتك اما انت فالمفروض من بكره هتبدا تدور ازاي تصلح امور الشركه وتصلح حالك حالك المايل ده ما يعجبنيش وانت عارف هنا انا ممكن اعمل فيك ايه
زين : وهو وكل شويه يقعد يفكرني ان انت حالك ما بيعجبنيش حالك ما بيعجبنيش هو في ايه مش عارف انا العيله دي مالها ومالي
رحاب : بقولك ايه يا ولد. انت ياض. يلا يلا
زين بضيق : بنت مسكها من قفاها وقال اللي مصبرني عليكي الراجل اللي معدي هناك ده لو شفتك كلمتيني انا هنفخك هبلعك ابعدي عني ابعدي عني علشان انا مش طايق اشوف وشك اصلا قدامي
رحاب بضيق داست على رجله جامد وبشنطتها خبطته في دماغه وطلعت تجري على اوضتها
زين بصوت عالي وعصبيه : انت يا زفته وربنا لا وريك ماشي ماشي
عبد الحميد : انت يا حيوان صوتك ميعلاش هنا
رحاب من فوق وهي بتطلع لسانها : يا عيني ههه يا عيني علي الحلو أما تبهدله الايام
زين بعصبية : انا اللي هطلع عين اهلك بس اصبري يا كياده يا ام غل ماشي ماشي هتلعبيها من تحت لتحت هلعبها من تحت لتحت ونبقى نشوف بقى مين اللي هيكسب في الاخر دخل اوضته ورزع الباب وراه
اما رحاب فكانت مبسوطه جدا انها قدرت تحرق دمه
وثاني يوم الصبح الساعه 8 اتجمعوا للفطار
عبد الحميد : زين شوف رحاب امتى هتروح الجامعه عشان تروح توصلها بالعربيه بتاعتي وترجعها وبالمره بص على الشركه وشوف ايه اللي ممكن تغيره المهم ان انا عايز اشوف الشركه دي في خلال سنه اكبر شركه في اسكندريه
زين بنعاس : حاضر يا جدي أن شاء الله يلا يا رحاب اوصلك
رحاب : ربنا يهديك سبحان من اسكت لك حسا يااه قد ايه البيت هادي وبالي رايق وانت اخرس كدا
زين : بقول لك ايه بصي من اولها كده انا ما بحبش وجع الدماغ تمام حوار ان انا ممكن اعجب بيكي مستحيل وعارف انك عمرك ما هتعجبي بيا فمن اولها كده نحل الموضوع بشكل ودي اللي بينا هنخلصه بينا انا وانتي لكن قدام جدك احنا هنبقى كويسين اتفقنا الموضوع اللي انت عملتيه في البلد ده انا مش هنساه وهرده لك بس يجي الوقت المناسب
رحاب : اتفقنا يعني من دلوقتي هتبدا الحرب ما بينا يا ابن عمي نزلت من العربيه ودخلت الجامعه وكانت لسه بتتعرف على كل حاجه حواليها بشكل جديد وتعرفت على اصحاب جديده وبنات جديده وعرفت شله كده بنات واولاد اتعرفت عليهم وعرفت جدولها
أما زين : ايوه يا عم اخيرا وصلت لام المصنع بس شكله محتاج حاجات كتير اوي مش عارف افكر ازاي الزريبه دي تبقا مصنع محترم ويكبر في الوقت القصير ده وانافس بيه الأسواق
ياسر : انا رايي انه لازم تدور على شخص ممتاز في الاستثمار والاقتصاد علشان يساعدك في الموضوع ده
فكر في حد من المعاتيه صحابنا
زين بتفكير : فكره كويسه تمام يا بوب نتقابل بالليل وجمع العيال انا لازم اروح دلوقتي سلام
في الجامعه كانت رحاب واقفه مستنيه واول ما وصل ركبت معاه من غير ولا كلمه وروحها على البيت ودخل ينام
صحي علي بالليل وخرج يسهر مع اصحابه
اول ما دخل النايت كلاب
زين : اخباركم يا فاسدين عارف انكم متضايقين عشان جبتكم من القاهره لسكندريه بس اهو تغيير وعايز اسالكم علي حوار مين فيكم اللي كانو بيطلعوا من الاوائل في الدفعه اصل فتحت شركه وبفكر الم اشكالكم واعينكم معايا ها اي رايكم
في البيت عند رحاب
رحاب بضيق وقلق : فات الوقت والساعه بقت 3:00 الفجر انا قلقانه عليه وفي نفس الوقت بستنه له غلطه عشان اندمه علي كلامه ايوه جتلي فكره
ودخلت اوضه الجد رحاب : جدو جدو جدي يا حج الواد الفاسد ابن ابنك لسه موصلش لحد دلوقتي البيت
عبد الحميد بخضه : في حد يصحي حد كدا قومي من قدامي وطلع قفل الباب والبوابه يبقا يوريني هيدخل ازاي وانتي اوعي تفتحيله انا داخل انام مش عايز دوشه مفهوم
هزت راسها ببراءه ودخل الجد وابتسمت بخبث رحاب : دلوقتي جه شغلي كويس اني جهزت نفسي وحطيت كلاب كثير حوالين البيت لاني عارفه انه عنده فوبيا من الكلاب وقفلت الباب ووقفت في البلكونه مستنيه
دخل زين وهو بيتطوح وحاول يفتح الباب زين : الله انا الي مسطول ولا البوابه اللي مسطوله افتحي بسرعه انا بقوله اهو سمع هوهوه بقولك اي يا بوابه انتي حتي لو قلدتي صوت اي مش عايز كتر كلام افتحي بدل ما اكسرك مفيش فايده طيب ونط من فوق البوابه فاكره انك هتضحكي عليا مش انا يا حبيبتي وفجاه اتلم عليه كل الكلاب وعملو دوريه حواليه والدنيا ضلمه وفجاه
