رواية سلمتك قلبي الفصل الثالث 3 بقلم نوران احمد

زين بخوف  : ي يا جدي حد يلحقني يا جماعه وحاول ينادي ما حدش كان بيسمعه 

ضحكت رحاب وهي واقفه في البلكونه  وبدات تقول

رحاب :  يا عيني يا عيني يا عيني على الولا معلش يا اختي قلبي عندك هتضطري تباتي النهارده في الشارع اه اصل ما قلتلكيش اصل جدو عارف ان انت ما جيتش لحد دلوقتي وعقابك انك هتبات بره لا وايه بقى ده الكلاب بره البيت كثير جدا فانت محبوس هتضطر تنام بقى عندك  بس ما تقلقش هبقى ارمي لك مخده عشان تعرف تنام احفظ الجمايل دي بقا 

زين بغضب :  ماشي انت اللي وراها يا رحاب صح وربنا لاوريكي اصبري عليا بس  بس ازاي الكلاب كتير حوالين البيت علي غير العاده 

رحاب : اه اصل انا ما قولتش ليك اصل احنا اتغدينا وطبعا انت عارف انت تاخرت على الغداء فنصيبك اكيد ادتم ما حضرتش الغداء فراح عليك فقلت اما ارميه حوالين البيت الاكل يمكن يمكن الناس الغلبانه او حتى القطط الغلبانه او الكلاب الغلبانه تاكل ما كانش قصدي حاجه خالص خالص

زين بغضب : كنت عارف كنت عارف انه بسببك يا وش الفساد وربنا تيجي لي الفرصه بس لاجيبك من قفاكي واحط وشك كده امسح بيكي الكابينيه 

رحاب : اه معلش كان غيرك اشطر معلش انا داخله انام تصبح على خير يا زيزو 

زين : لالالا رحاب متسيبينيش متستهبليش مهما كان اللي بينا متعمليش كدا انزلي بت طب انا مش عارف اتحرك كل ما اتحرك بيزومو عليا 

الصبح بدري

صحيت رحاب علي صوت  الجد : ايوه يا جدو حاضر هقوم اعمل الفطار اهو 

عبد الحميد : لا يا حبيبتي انا عملت الفطار تعالي افطري واحكيلي ليه عملتي فيه كدا وسبب كرهك انزلي علي ما افتح الباب للحيوان اللي بره ده 

نزلت رحاب قعدت علي السفره ودخل زين وهو باين عليه التعب الشديد وهدومه متقطعه بصلهم بلوم ومشي

بصت له رحاب بقلق وفي نفس الوقت بضيق وقالت رحاب :  هتوصلني النهارده ولا اخذ تاكسي 

بص لها زين بضيق وقال : هوصلك يا رحاب هوصلك

رحاب : زين هو انت بخير ليه حاسه ان وشك غريب هو انت ليه ما بتردش عليا انت زعلان مني يا زين

 كان سرحان وكان باين عليه التعب وحطت ايدها على جبينه ولقيت حرارته مرتفعه 

رحاب : زين انت تعبان لازم تروح تنام انا انا مش عايزه حد يوصلني انا هقدر اروح لوحدي ممكن لو سمحت تروح لدكتور او او روح مستشفى روح اي حاجه او بص روح ارتاح في البيت انا هعرف اروح لوحدي هعرف اجي واروح لوحدي ممكن تروح لو سمحت

زين : متعمليش نفسك قلقانه عليا انا كويس هروح اغير واجي اوصلك مشي 

عبد الحميد  : الواد اتنفخ خالص عملتي فيه اي يا مصيبه انتي معقول اللي عمله زمان يستاهل ده 

رحاب بحزن : وجعني اوي زمان هو اه قلقانه عليه بس مبقتش احبه ابدا ويستاهل كل اللي بيحصله خليه يسترجل شويه 

نزل زين : يلا قدامي 

ركبت معاه العربيه وطول الطريق ساكت وقف وقال : انتي وصلتي اتفضلي هتخلصي محاضراتك امتى 

رحاب بتوتر : انت انت مش كويس عشان تيجي تاخدني ارتاح انا هاجي لوحدي 

زين بضيق  :  هتخلصي محاضراتك امتى

رحاب :  زين هو انت بجد زعلان مني 

زين بغضب وصوت عالي : سمعت انا قلت ايه

رحاب بخوف :  هخلص الساعه 4:00 

زين : تمام اتفضلي ومشي

 نزلت حور وهي حاسه بالذنب والضيق انها عملت كده فيه عدي الوقت وخلصت رحاب اخر محاضره وكان زميلها حسن بيكلمها 

حسن : رحاب لو سمحتي ممكن اخذ رقمك يعني في شويه حاجات عايزه اسالك عليها ف لو ممكن تقدري تديلي رقمك

 رحاب :  انا اسفه بس انا ما بحبش ده وما بديش لحد رقمي انا اسفه مش هقدر وفجاه ظهر زين خافت رحاب من ملامح وشه لان شكله بجد يخوف وبصيت له بخوف قرب منها  

رحاب بخوف : زين هو هو الموضوع مش زي ما انت فاهم هو بس هو 

ضربه زين بغضب  ومسك ايدها بقوه : مين ده واي اللي موقفك معاه

رحاب بدموع : اهدي بس انا هقولك بس ثانيه واحده بس ممكن لما ندخل العربيه الناس بتتفرج علينا كفايه كدا ما يصحش انت فضحتني 

حسن : هو حضرتك مين على العموم انا زميلها في الكليه وكنت بس بسالها عن شويه حاجات في المحاضره

زين بعصبيه : اه شويه حاجات في المحاضره وسبت الدفعه كلها وجاي تسالها هي هصدق انا بقى الكلام ده  صح الحركات الصايعه دي مش عليا يا حيلتها

رحاب بتوتر  :  هو الموضوع فعلا زي ما هو قال يا حسن انا هحاول اساعدك بعدين عن اذنك 

زين مسك ايدها بغضب : تساعدي مين انتي لو كلمتيه تاني انا هقطع رقبتك انتي فاهمه قدامي وزقها جوه العربيه  وهو ضاغط علي اعصابه  وهي قلقانه  ركبت رزع  زين الباب بقوه  اتخضت وركب ومشي 

رحاب بخوف : يا زين انا بخاف ما تهزرش في الموضوع ده لو سمحت لو سمحت خفف السرعه شويه او وقف او اي حاجه انا انا مش عايزه نزلني 

وقف زين العربيه وهو متعصب وبيقول : مين ده انطقي بسرعه 

رحاب بخوف : قلت لك والله زميلي انت مالك اصلا ملكش دعوه بيا 

زين اتحرك بالعربيه بسرعه كبيره : بقول لك ايه الجو ده ما بحبوش انا قلت كلمه واحده مين ده 

رحاب  بخوف : والله زميلي مش اكثر من كده هو هو ممكن تهدي السرعه شويه يا زين بخاف انا مش شبهك عشان تظن فيا كدا ولا زي الاشكال اللي تعرفها 

زين : كان عايز منك ايه مش هو زميلك مش اكثر من كده كان عايز منك ايه طلب تخرجو 

رحاب بتوتر : كان كان كان عايز رقمي بس عشان يسألني 

وقف زين العربيه فجاه اتخضت رحاب مسك ذراعها جامد وقال

زين : كان ايه يا اختي 

رحاب بخوف : هو هو كان عايز رقمي بس بس انا رفضت قلت لا انا انا ما باخدش ارقام شباب

زين بغضب : حلو اوي الكلام ده هرجع اكسر وشه امه واجي 

رحاب بخوف : زين ما تعمليش مشاكل في الجامعه انا مش ناقصه وجع دماغ انا  انا بعرف اخلي بالي من نفسي كويس 

زين : تعرفي ايه يا روح ماما تعرفي ايه انت مش عارفه تخلي بالك من اي حاجه انت واحده ساذجه ومتخلفه ومش عارفه نوايا اللي حواليك

رحاب بضيق : زين اتكلم معايا باسلوب احسن من كده انا ما بحبش الطريقه دي وبعدين انت مالك اصلا 

زين : اه قبل كده كان ممكن تقولي لي مالك لكن دلوقتي مالي ومالي انت هتبقي مراتي يا استاذه 

رحاب : بس ده مش اكيد انا اصلا مش موافقه ومش هيحصل الكلام ده

زين : اه فعلا رحاب انا هتجوزك سواء وافقتي او رفضتي ولو شفتك واقفه مع واحد ثاني انا هكسر وشك

والا  

الفصل الرابع من هنا