رواية ترويض الشياطين الفصل الثاني بقلم ميار زاهر
حليمه كانت ماشيه في الحاره وهي ماسكه شنط الخضار
وفجاه لقط عربيه بتلزق فيها ووقعت علي الارض
والعربيه دي الي كان فيها راغب
راغب وقف بسرعه وقال: داحنا لسه بنقول يا هادي والاقي نفسي خبطت في حد
ونزل بسرعه وشاف حليمه وهي واقعه علي الارض
راغب كان لسه هينطق ويعتذرلها
ولكن لقا نافوره اتفتحت في وشوا
حليمه: جرا ايه يا راجل هو انت بتسوق في بيتكوا ما تسوق عدل بدل مانت عمال تخبط في الناس كده
راغب: علفكره انا كنت هعتذرلك واقولك اني مكنتش اقصد وبعدين انا مالي ما الحاره هي الي ضيقه
حليمه: الحاره برضوا ولا عربيتك ده ايه كل العربيه دي ايه جايبها منين دي انا اول مره اشوف الحجم ده
راغب وهو بيخمس في وشها: الله واكبر في عينيكي الحسودين يا شيخه
حليمه: اتنيل وانا هحسدم علي ايه وانت مبتعرفش تسوق اصلا الله يسامحك يا شيخ عمودي الفقري اتكسر
راغب: اتكسر ايه ده هي خبطه خفيفه
حليمه: خبطه خفيفه دي خبطه خفيفه طب اللهي يارب تتخبط زي خبطتي واكتر كمان
وقبل اما يرد عليها راغب
جت عليهم تغريد وتقي
تقي: انتي كويسه يا حليمه الواد حموكشا بتاع الكبده طلع وقالنا ان في حد خبطك انا قولت اكيد انتي كويسه وبسبع ترواح
حليمه: اه ياختي كويسه وبعدين انتي بتحسدي امك علي عمرها اللهي تنشكي في عمرك يا بعيده
تغريد: انتي زي القشطه بالمهلبيه يا حلول اهو قومي بس بدل مانتي عامله زي قرع البصل الي في نص الشارع
حليمه: انا قرع بصل يا بنت بطني طب خودي
وقلعت الشبشب ورمته في وشها
تغريد: احلي تمسيه عليكي خودي الشبشب بتاعك البسيه تاني يا حجه استري نفسك يا بنتي بدل مالي رايح والي جاي يشوف وش رجلك
حليمه قامت وقالت: هاتي جتك الهم
وكل ده كان قدام راغب الي مصدوم من طريقتهم بس في نفس الوقت كان هيموت ويضحك
تغريد قالت لراغب: حضرتك ابقي خد بالك وانت ماشي
حليمه: حضرتتتتك
تغريد: ده شكلوا قد ابويا يا حلول مش هينفع اقول اكتر من كده
حليمه: شاطره يا بت تربيتيييي يلا بقا غوري من وشي جتك الهم
تغريد: تشكري يا ست الحبايب
تقي راحت لراغب وقالتله: انا حساك مستغرب ملي بيحصل ده وشكلك كمان مش من هنا انت شكلك نضيف كده وابن نااس
تغريد: طب انا ماشيه بقا يلا سلاموز
وقبل اما تمشي وقفها راغب وقال: معلش بس اني بتدخل بس...
وقبل اما يكمل كلامه قاطعته تغريد وقالت: معلش؟ تعرف ان حضرتك اول واحد تقول معلش اني بتدخل احنا عندنا الي بيتدخل بيتدخل بالغصب يااه ده حضرتك محترم اوي المهم كمل
راغب: هو انتي شغاله ظابط؟
تغريد: ايوا معاك الرائد تغريد مصطفي اكفأ رائد في المهمات والداخليه وده مش غرور ده ثقه والثقه في الله حلوه
راغب: طب انتي ايه الي خلاكي تشتغلي ظابط يعني؟
تغريد: حضرتك شايف احوال البلاد اليومين دول مش لاقيه حد يشكمها انا جيت بقا عشان اشكمها وانا يا هماا
راغب اعجب جدا بشخصيتها واسلوبها وبص علي تقي الي كانت واقفه مع مامتها وتقريبا كانوا بيتخانقوا
تغريد: حضرتك عايز تسال عن حاجه تانيه
راغب: لا اتفضلي
ومشيت تغريد
اما راغب وقف يسمع الحوار الي مابين تقي وحليمه
حليمه: يا بت قولتلك الساكرين معملش حاجه وشي زي مااهو
تقي: يا ماما مانا بقولك ده النوع النتن اما لو عايزه بقي تجيبي سانسكرين حلو ويخلي بشرتك زي مانتي بتحبي يبقي تجيبي النوع النضيف ابو 250 جنيه
حليمه بشهقه: هيييي 250 اما يركبوكي تريليون عفريت يا بعيده هو انا يوم ما اضيع فلوسي هضيعها علي الساكرين لا ياحبيبتي وغوري بقا من قدامي لا عايزه ساكرين ولا غيرو
تقي: اغور فين طيب ما هو الواحد لو لاقيلوا شغلانه كان طفش من البيت الفقري ده
حليمه: اتنيلي ياختي هو انتي نافعه في حاجه
تقي: علفكره انا خريجه كليه محترمه جداا
حليمه كانت لسه هتتكلم ولاكن سبقها راغب وقال: معلش علي المقاطعه بس انا عندي ليكي شغل
حليمه: يا تري زباله ولا خدامه
راغب: لا موظفه في شركه الزيناتي
في الوقت ده حليمه وقعت منها الشنط وبصت لراغب بصدمه وقالت: المعفنه دي تبقي موظفه هناك
تقي: ومالها المعفنه يا حليمه
حليمه: دول اول ما يشوفوا خلقتها هيطردوها وبعدين انت هتوظفها ازاي يعني كنت سكرتير المدير ولا سكرتير المدير ولا السكرتير الشخصي بتاع صاحب الشركه ولا...
راغب بماقطعه: هوظفها بما اني صاحب الشركه معاكي راغب الزيناتي
حليمه: هييييي
تقي: يلهوي بقا انت راغب الزيناتي الي بتيجي في التلفزيونات
راغب: الله ينور عليكي
تقي: انا برضوا كنت بقول انك مش من هنا وبعدين ايه اللي جابك الحته المعفنه دي
راغب: يا محااسن الصدف هما بيقولولك قلبي دليلي وانا بقولك كرشي دليلي اصل نفسي هفتني علي قولقاس وجيت هنا عشان اجبها اكمن الحجات حلوه هنا وشوفتي بقا ربنا حطني في طريقكوا
تقي: شوفتي بنتشك يا ماما الي كنتي بتتريقي عليها دلوقتي هتبقا موظفه في شركه الزيناتي صحيح الدنيا دواره
حليمه: لولولولولوي مبروك ياا بنت بطني
تقي: طب وانا هشتغل من امتي بقاا؟
راغب: من بكره لو تحبي تعالي وهاتي ورقك
تقي: بس كده من عونيا تشكرا ياا راغب بيه
حليمه: وانا بقا مسامحه عشان اديت لبنتي الوظيفه الحلوه دي
تشكر
راغب: الا صحيح انتي اسمك ايه؟
تقي: انا تقي
حليمه: وانا حليمه
تقي: علفكره هو كان بيقولي انا
حليمه: لا انا يا بنت بطني
تقي: لا انا
وقبل اما تتكلم حليمه راغب قال: خلاص خلاص انا بقول عليكوا انتوا الاتنين كده حلو
تقي: اه كده عين العقل
راغب: مستنيكي بكره يا تقي
تقي: هتلاقنيي عندك بكره الساعه 8 الصبح ولا اني مبعملهاش بس اشطا يلا كلوا يهونن عشان الوظيفه
راغب ابتسملهم وركب العربيه
راغب: لا بجد حقيقي مجانين بس شكلهم ولاد ناس اوي وطيبين كده
وعند تقي طلعت هي وحليمه الشقه
تقي: بت يا تمااره زغرطي يابت اختك هتبقي موظفه في شركه راغب الزيناتي
تماره: انتي؟
تقي: اه انا ومالها اناااا يا تمووره
تماره: اصل دي مش اشكال شركه نضيفه بصراحه
تقي: اه يا جزمه مااشي بكره تشوفي تقي مصطفي بقت عامله ازاي
تماره: بقت زباله هههههههه
تقي: ابو خفه دمك يا شيخه ماماا انا عايزه اطفح انا داخله اوضتي
ودخلت تقي اوضتها
حليمه: هي بتزعق في وشي
تماره:اه وكمان بتتكلم معاكي اكنك خدامه وبتقولك عايزه اطفح
حليمه: هيييي اللهي يطفحك عفريت يا بعيده طب وحيات امك مانا عملالك اكل
تقى من ورا الباب: شكرا يا ست الكل انا هنزل اجبلي كيس اندومي من ابو خمسه جنيه انا مش عارفه بجد ايه الحجات الي غليت دي
تماره: وهاتيلي كيس معاكي يا بت يا تقي
تقي: ده عندها عارفه امك الي واقفه جمبك دي عندهاااا
نسيبهم في مشااكلهم ونروح عند راغب الي كان قاعد مش مبطل تفكير في حليمه وولادها هو اعحب بتربيتهم وبشخصيتهم وكان بيتمني لو اولاده زيهم
وفجاه خطرت علي بالواا فكره مجنونه
راغب: لا لا اكيد مش هعمل كده
وسكت وقال بعديها : طب وليه لا انا مش هعمل حاجه حرام يعني
وفضل يفكر كتير لحد اما زهق وقرر انو يقوم ينام
وتاني يوم عند تقي صحيت بكل نشاط الساعه سبعه وقامت اتوضت وصلت ولبست احلي حاجه عندها
وراحت لاوضه مامتها وقالت: حليمه حلول انا مااشيهه
حليمه قامت وقالت: ايه يا بت كل النشاط ده دانا لما باجي اصحيكي الساعه 11 عشان تجيبيلي طلبات بشد في شعري منك
تقي: معلش بقا يا حلول يلا بااي
حليمه: خلي بالك من نفسك
تقي: من عنيا وايدي ورجلي الخمسه يلا باي
ومشيت تقي
حليمه: الخمسه؟دي عندها حول ولا ايه يلا اما اكمل نوم
ونامت حليمه
وعند تقي فضلت ماشيه في الحاره لحد اما طلعت علي الطريق وركبت باص وطلعت 5 جنيه عشان تديها للسواق
السواق: ده ايه ده لمو اخذه
تقي: ده عسل حطوا عليك عشان يزود خفه دمك جرا ايه يا راجل هيكون ايه يعني شاي بلبن ما هي فلوس اهي
السواق: مانا عارف انهاا فلوس بس ايه خمسه جنيه دي
تقي: مش عاجبينك طب خلاص خود اهو خمسه جنيه ونص مش خساره فيك
السواق: خمسه جنيه ونص ايه بس انا عايز 15 جنيه
تقي: هييي خ... 15 جنيهه ليهه كنت راحه دبي
السواق: لا يا ظريفه بس المكان الي انتي رايحاه حته نضيفه ومسافته بعيده واقل حاجه 15 جنيه
تقي: مكان نضيف بيستحمي كل يوم يعني ولا ايه ما هو مكان زي اي مكان وبقولك ايه هما خمسه جنيه ونص ونص ايه هما خمسه جنيه بس كمان ومفيش غيرهم
وقبل اما يتكلم السواق كانت تقي وصلت
تقي: استني عندكك
السواق. وقف بسرعه
وتقي حطت الخمسه جنيه في ايده ونزلت
السواق: ابله استني يا ابله مينفعش كده
تقي سابته ومردتش عليه ووقفت قدام الشركه وهي فرحاننه
تقي: هييحح استعنا علي الشقا بالله
ودخلت تقي و طلعت فوق خالص وكانت لسه هتدخل مكتب راغب ولاكن في واحده وقفتها وكانت السكرتيره وقالتلها: انتي راحه فين
تقي: راحه عند خالتك هكون راحه فين يعني داخله لراغب بيه
السكرتيره: بس انتي مخدتيش معاد
تقي: انا خدت معاد منه هو شخصيا وادخلي حته اساليه وقوليليه تقي
السكرتيره خبطت علي الباب ودخلت لراغب وقالت: حضرتك يا فندم في واحده بره وبتقول اسمها تقي وانها واخده معاد من حضرتك
راغب: اه اه دخليها بسرعه
السكرتيره: تمام يا فندم وطلعت السكرتيره وقالت لتقي انها تدخل
تقي: شوفتي كلامي طلع صح اهو ووسعي من وشي بالمكياج الي انتي حطاها دي الي فقعتلي عيني
ودخلت تقي عند راغب
تقي: السلام عليكم يا راغب بيه ازيك وازي امك
راغب: وعليكم السلام.. نعم انتي قولتي ايه امي؟
تقي: يوه يقطعني دي امك اكيد ميته لمو اخذه المهم اتفضل ورقي اهو راغب مسك ورقها وفضل يبص عليه شويه وبعدين قال
راغب: تمام انتي خلاص اتعينتي موظفه هنا في الشركه
تقي فضلت تتنطط وقالت: يحيي العدل دانا هزل البت تماره بكره يشوفوا تقي هاانم
راغب ضحك عليها وقال: ههههه ماشي يا ستي المهم تحبي تبداي من دلوقتي
تقي: اوي اوي
راغب: خلاص تمام
ونادي راغب علي السكرتيره
واول ما دخلت قالت راغب: وديها للمكتب الي تحت وقوللها علي نظام الشغل
السكرتيره: تمام يا فندم اتفضلي معايا
تقي: يزيد فضلك يا حبيبتي
وراحت تقي معاها والسكرتيره ورتها المكتب الي هيبقي بتاعها وعرفتها نظام الشغل ومشيت
تقي: يا حلاوه ياا ولااد دي شكل الدنيا هتفتح في وشي
جت علي تقي بنت زميلتها وكان اسمها حور
وقالت: انتي بقا زميلتنا الجديده صح
تقي: صح يا باشا
حور: اهلا بيكي يا اوختشي
تقي: قلبي يا قلبي
حور: بصي احنا في البريك بنقعد انا وشلتي مع بعض هبقا اجي اغدك وتقعدي معانا اشطا
تقي: اشطات عليكي
حور ابتسمتلها وراحت علي مكتبها
تقي: استعنا علي الشقا بالله
وبدات تقي تشتغل
ونروح عند زين كان واقف ورا شجره في مكان مهجور وماسك المسدس بتاعه
واول ما سمع صوت خطوات جهز نفسه للمعركه وفجاه سمع صوت ضرب نار كتير اوي لف وشوا وبدا يضرب وصوب رصاص علي كل الي وقف قدامه وبعد اما خلص مشي كام خطوه ولقا صاحبه بيتعارك راح وبدا يتعارك معاه
وواحد من الي بيتعارك مع زين قال: انت في كل مره تهزم جيشي وانا لا اقبل هذا وسوف اتعارك معك بنفسي
زين: اريني ايها اللطيف ولا تحزن من سيخسر في النهايه
الراجل بصلوا بغضب وبدا يضربوا بكل غضب ولكن زين كان بيصد كل الضربات بمهاره شديده وكعبله وضرب رصاصه علي رجله
زين بضله وضحك وقال: هههههه انظر من خسر في النهايه هو انت
وبص لياسر وقال: هات الجيش يلا
الراجل كان مرمي علي الارض وعمال يتوجع بالم شديد وقال: لن اتركك يا زين
زين: ههههه هل انت تفكر مثلا انك ستخرج من جحيم السجن انت من الممكن أن تاخذ فيها اعدام باعمالك القذره هذه
الراجل قال: ههههه انت تفكر انها انتهت علي هذا لاا يا عزيزي يوجد شئ اقوي مني بكثير
زين بسخريه : ومن هو مثلا
الراجل: لن اقول لك مع مرور الزمن ستتفاجئ به
زين: لا اظن انهوا سيهزمني فا انا زين الزيناتي
الراجل ابتسمله بخبث وقال: سنرى
زين: إن رأيت بعد قليل الوداع يا جاكسون
وجت فرقه الجيش وخدوه
ياسر: الله عليك يا عم زين
زين ابتسمله وقال: اخيرا المهمه خلصت ده بابا هيموت ويشوفني اما الحق بقا اجهز حاجتي عشان امشي
وراح زين عشان يجهز حاجته ويمشي
وعند تقي كانت قاعده في البريك مع الشله الي اتعرفت عليها من خلال حور
تقي: دانتوا طلعتوا عسلات اوي وانت يا واد يا حازم دمك زي السم
حازم: تشكري يا برقوق
تقي: يخربيت القابك اجدع
حازم: امال ادلعك بايه يعني حور بندلعها رورو واسماء بندلعها سوسو او سماسيمو ويوسف بندلعه يويو انتي بقا ايه اهلك بيدلعوكي ايه
تقي: بيدلعوني ايه يا عم وبعدين مين الي قالك اصلا انهم بينادوني باسمي دول بينادوني بي يا حيوانه يا بت يا جزمه
حازم: ايوا يعني انتي لقبك ايه برضوا جزمه يعني
تقي: جزمه ايه يا جزمه انت بس ناديني بي تقتوق
حازم: ماشي يا ست تقتوق
ونسيبهم ونروح عند تماره الي كانت واقفه بتتحيل علي مامتها عشان تنزل لجارتهم الجديده
تماره: يا ماما ليه بس مش موافقه
حليمه: اولا هتنزلي تعملي ايه ثانيا هي معندهاش غير ابنها ريان هتقعدي مع مين
تماره: اصل... اصل يا ماما انا هقولك انا بحب اساعدها وهي برضوا لسه جايه هنا جديده الواجب عليا اني اساعدها
حليمه بشهقه: نعم ياختي وانتي كنتي بتساعدي امك اما تساعدي الغريب
تماره: اوعدك اول ما اجي من عندها هعملك الشقه كلها
حليمه: امم وعد
تماره: اه وعد لا تقلقي
حليمه: ماشي استني
وراحت حليمه جابت طبق فيه اكل وقالت: خودي ده معاكي اديهولها
تماره: من عنياا يلا سلاام
تماره كانت لسه هتمشي ولاكن وقفتها حليمه وقالت: ااستني عندك انتي متشيكه اوي كده ليه
تماره: ها لا عادي يا ماما لازم انزل نضيفه يعني هو انا مش بنت ولا ايه
حليمه: اصلي مستغربه اول مره تبقي نضيفه اوي كده
تماره: عادي يعني يا ماما ما هو لازم وانا نازله ابقا حلوه يعني
حليمه: مااشي
تماره نزلت بسرعه علي تحت وهي مبتسمه وخبطت علي الباب والي فتحلها كان ريان
تماره في نفسها: يخربيت عيونك يا جدع عيون دي ولا لينسز
ريان: اهلا يا تماره عامله ايه
تماره: احم الحمدلله انت عامل ايه
ريان: الحمدلله بخير عاوزه حاجه
تماره: ها.... اه خد الطبق ده وانا هدخل اساعد طنط
ريان: شكرا يا تماره اتفضلي
تماره: يخربيت كلمه تماره منك
ودخلت تماره عند سناء مامت ريان
سناء: ايه ده تماره عامله ايه يا حبيبتي
تماره: الحمدلله حضرتك عامله ايه
وجه عليهم في الوقت ده ريان وقال: اتفضلي يا امي مامت تماره بعتت ده
سناء: ليه كده بس تعبتوا نفسكوا
تماره: ولا تعب ولا حاجه يا سينوو
سناء: قلب سينو يا نااس
تماره: ها بقا اساعدك في ايه
سناء: لا يا قلبي خلاص انا خلصت بصي بقا انا عامله حته رز بلبن ايه هتاكلي رجليكي وراها استنيني بس بره شويه وانا جايالك بالتقيل
تماره: ايوا بقا دلعينا يا سوسو
وطلعت تماره بره ولقت ريان قاعد بيذاكر راحت قعدت معاه
وقالت: ربنا معاك يا عم ريان
ريان: ومعاكي الا صحيح انتي في سنه كام
تماره: انا اهو هبتدي اولي ثانوي
ريان: ربنا معاكي
تماره: انت نفسك تطلع ايه
ريان: انا نفسي ابقا مهندس شاطر اوي وكل الناس تحترمني بسبب شطارتي في شغلي
تماره: ياعم هتعديها باذن الله دانت حتي دحيح ايه الدح ده يا عم دانت خرمت الكتاب من كتر المذاكره
ريان في اللحظه دي انفجر في الضحك وقال: ههههه الله واكبر في عينك دي يا شيخه
تماره: اصل بصراحه انا اول مره اشوف حد بيذاكر كده
ريان: ليه اعتقد انك عندك اخوات اكبر منك
تماره: اه عندي الاولي كانت عايزه شرطه ودخلتها والتانيه ملقتلهاش شغلانه بس الحمدلله لقت شغلانه امبارح في شركه راغب الزيناتي يعني من الاخر كلنا لينا طموحات غريبه يعني مش مذاكره وخلاص عشان نجيب مجموع حلو لا احنا ماشيين بمدا صلي وادعي وذاكرلك شويه وربنا هيوفقك باذن الله
ريان: هههههههه بجد انتوا مسخره اوي
تماره: تسلم يا باشاا
ريان: طب انتي بقا نفسك تخشي ايه؟
تماره: بص هو انا كنت في الاول مش عارفه ايه طموحي او مكانش عندي طموح اصلا لاني كنت انسانه بلا طموح بس حاسه كده اني عايزه اشتغل مدرسه
ريان: طب دي حاجه حلوه ربنا يوفقك يارب
تماره: ويوفقك انا هدعيلك في صلاه الضهر وصلاه العصر وصلاه المغرب وصلاه العشا وصلاه الفجر وصلاه قيام الليل وصلاه....
وقبل اما تكمل كلامها قاطعها ريان وهو بيقول: ايهه هتدعيلي في كل ده
تماره: انا ادعيلك في كل مكان وكل حته يا قلب القلب
ريان: نعم؟
تماره: لا لا متاخدش في بالك اني عيله هبله
ريان ضحك عليها
وعند راغب كان قاعد علي مكتبه بيفكر في الموضوع بتاع امبارح وقال: اممم تغريد لزين لايقين علي بعض اوي وانا حاسس ان تغريد هتشيله كل الكلام الي ملوش لازمه في دماغوا وتقي لاسر هي تربيه بقا بنفسها
وسكت شويه وقال: خلاص انا هعمل الخطه دي مفيش حل تاني
وقام راغب وطلع من مكتبه وراح لتقي والي كانت لسه هتمشي
ولاكن وقفها راغب وقال: تقي استني انا هوصلك
تقي: لا لا ملوش لزوم
راغب: تعالي بس انا حتي عايز اكلم مامتك في موضوع كده فا هاجي معاكي
تقي استغربت وقالت في نفسها: موضوع ايه ده
وقالتله: تمام
وراحت معاه وركبوا العربيه وبعد نص ساعه كانوا وصلوا للحاره
راغب: يلا انزلي
تقي نزلت وراغب نزل وراها وطلعوا شقتها
وفتحت الباب تماره وقالت باستغراب: مين ده يابت يا تقي
تقي: ده راغب بيه
تماره: هييي انت راغب بيه اهلا وسهلا بيك
راغب: انتي بقا اختهم الصغيره
تماره: انا اه اصغر واحده بس مش صغيره انا عمري 15 سنه
راغب: العمر كله ليكي
وجت عليهم حليمه وقالت: راغب بيه
راغب: اولا بعتذرلك اني جيت من غير معاد كده بس انا عايزك في موضوع مهم اوي ومش هينفع هنا
حليمه: ليه يعني
راغب قال بصوت واطي: الموضوع مش هينفع يعرفوه وهتعرفي سببه لما تعرفي الموضوع
حليمه: طب هتقولي الموضوع فين يعني
راغب: هنروح علي اي كافيه او اي مطعم ومتخافيش مني انتي اكيد عارفه اخلاقي كويس
حليمه مكانتش معترضه لانها فعلا عمرها ما سمعت عنه كلمه وحشه
حليمه: خلاص تمام انا جايه معاك
وقالت لتقي: بت يا تقي راغب بيه عايزني في موضوع مش هتاخر سلام
ومشيت معاه حليمه
تقي بصت لتماره وقالت: بت يا تماره تفتكري عايزها في ايه
تماره: هيكون عايزها في ايه يعني اكيد عشان يطلب ايديها
تقي: لا لا اكيد لا
تماره: وليه لا يختي
وفي الوقت ده سمعوا صوت باب الشقه بيتفتح وكانت تغريد وصلت وجت عليهم وقالت باستغراب: ايه فين امكوا مش سامعه صوتها يعني
تماره: هو انتي مشوفتيهاش وانتي تحت
تغريد: ايه ده هي نزلت
تقي: اه لا ونزلت مع مين مع راغب الزيناتي قالها ان هو عايزها في موضوع مهم ومش هينفع هنا وراحوا علي كافيه
تغريد بصتلها بشك وقالت: يمكنن....
تماره: شوفتي اهي اختك اهي بتفكر في نفس تفكيري
تقي:طب هنشوف لما تيجي
وفي مطعم فخم كان قاعد راغب وحليمه
حليمه: يا حلاوه ايه المطعم النضيف ده
راغب: ههههه طب تطلبي ايه
حليمه: عايزه كوبابيه شاي كده حلوه
راغب: للاسف هنا مفيش شاي
حليمه: يووه بقا ايه المطعم الرزل ده خلاص هاتلي قهوه
راغب نَدَى علي الجرسون وقاله: هاتلي اتنين قهوه لو سمحت
الجرسون: حاضر يا راغب ببيه
حليمه: يااه دانت معروف بقا في كل حته
راغب ابتسملها وقال: بصي مبدأياً كده انا عندي ولدين زين عنده 30 سنه رائد في المهمات وده كاره فكره الجواز مش بيطيق يسمع اسمها ولا حتي بيحب يقعد مع بنات كتير وابني التاني اسر عنده 26 سنه المفروض ان هو يكون معايا في الشركه ولاكن هو بايظ علي الاخر مقضيها شرب وسهر وقرف من ده ومش عايز يتعدل ابداّ وامهم ماتت بقالها اكتر من عشر سنين وانا نفسي اعدلهم بس مش عارف بس من ساعت ما شفت بناتك وشوفت انتي قد ايه مربياهم تربيه صحيحه قررت قرار واتمني انك توافقي عليه
حليمه: وايه هو
راغب: بصي انا قررت اني اخلي بناتك يربوهم ويعلموهم الادب تغريد تخلي زين يشيل اي معلومه في دماغوو وحشه عن الستات وتقي تربي اسر علي راحتها وتخليه عدل وعشان نعرف نعمل كل ده ومنغضبش ربنا في اي حاجه انا هتجوزك وهنخلي زين يتجوز تغريد وتقي تتجوز اسر
حليمه: الله يهديهم يارب بس انا مبحبش اجبر بناتي علي حاجه
راغب: ايوه طبعا وانا كمان مش هكون حابب اننا نجبرهم علي حاجه بس ده هيبقي فتره مؤقته لحد اما يتعدلوا وبعدين يطلقوهم ها قولتي ايه
حليمه بتفكير: امممم ماشي انا هعمل كده عشان اساعدك عشان بصراحه صعبت عليا بس هقول للبنات ايه
راغب: بصي اول حاجه تقوللهم انك هتتجوزيني بعد كده هتقوللهم انك هتجوزيهم لولادي وهتقوللهم فتره مؤقته لانهم مش متربين وهما هيربوهم وبعد كده هيتطلقوا لما يربوهم
حليمه: خلاص اتفقنا
راغب: واه هتيجوا تعيشوا معانا في الفيلا
حليمه: فيلااا ياههه فيلا مره واحده يا قادر
راغب ضحك عليها وبعد كده قاموا وراغب روح حليمه وبعدين روح هو واول ما وصل لقا زين وجمبيه اسر
جري عليه بسرعه وحضنه وقال: وحشتني اوي يا بني
زين: وحضرتك اكتر يا بابا ايه كنت فين
راغب: اقعد وانا هقولك
اسر: طب وايه وانا مليش في الحضن ده
راغب: مانت علطول قدام وشي وبعدين انا زعلان منك
اسر: انا اقدر ازعل الجميل برضوا
راغب: طب اقعد يلا عشان هقولكوا علي خبر
زين: خير يا بابا
راغب: انا هتجوز...
اسر وقف بصدمه و.....
شكرا لزيارتكم عالم روايات سكيرهوم
