 |
رواية أنثوفيليا الفصل الثاني بقلم يارا حسين
سلسلة متلازمات مد'مره
الحكاية الاولى"أنثوفيليا"
الكاتبه: يارا حسين
الفصل الثاني(متلازمة الضلالي The astray )
_____________________________♡♡♡
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّار.
رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ.
اللهُمَّ إنك عفوٌ تُحب العفو فاعفُ عنَّا.
اللهُمَّ يَا مُقَلِّبَ الْقُلُوبِ ثَبِّتْ قُلُوبنا عَلَى دِينِك.
رَبِّ لَا تَذَرْنِي فَرْدًا وَأَنتَ خَيْرُ الْوَارِثِين.
اللهم إِنَّا نَسأَلُك العافِيَةَ والسلامة والفوز بِالجَنَّة والنَّجاةَ مِنَ النَّار.
__________________________♡♡♡
فردت الام بابتسامه صفراء قائله:
_احنا الشرف لينا والله، وطبعًا محدش ميعرفش دكتور "سديم" ربنا يحفظه ليك يارب ومبدأيًا احنا موافقين
نظرت "خلود" لها بسخط وكره بينما لاحظت "لُبنى" نظرات "خلود" فقالت:
_طب نسيب الولاد يتكلموا شويه دي رؤيه شرعيه وممكن كريم يقعد معاهم كمان
امأت الام وذهبوا إلى الجزء الاخر من الصاله الواسعه وبقى "كريم" معهك ولكنه وضع السامعه الخاصه به في اذنه
_إزيك يا "خلود" عامله ايه
قالها هو بابتسامه هادئه اما هي فكنت تتكلم مع نفسه بدون صوت وتفكير ماذا ستفعل وماذا ستقول وتفكر بما سيحدث بتلك المقابله فنظر هو باستغراب واضح حتى افاقت هي وقالت:
_هو انت جاي تتقدم ليه، انا مش موافقه عليك
صُدم هو من ردها هذا وشعر بالحزن ولكنه لم يظهر هذا فقال:
_طب ممكن تهدي كدا وتدي للعلاقة اللي مبدأتش حتى فرصه، ليه مش موافقه انا ك شاب جيت اتقدم ونال الرفض ليا حق اعرف ليه رفضتيني، عشان لو فيا عيب اصلحه
نظرت له بتعمق وتفكير وعقلها لا يتوقف عن التفكير في اي شيء فقالت بكل صراحه ووضوح:
_ما دي المشكله أنك معندكش عيوب، انت... انت دكتور وما شاء الله ناجح ومحترم وكويس وسوي نفسيًا، فانا مش هنفعك انت تستحق حد احسن مني
شعر بالغربه من كلامها ولكن روح الطبيب التي بداخله شكت بشيء ما فقال بتوجس وارتياب:
_هو إنتِ عندك body dysmorphic disorder؟!
لم تفهم ما يقصده فهتفت بضيق:
_مش فاهمه هو ايه دا
_دا نوع من الامراض النفسيه بيخلي صاحبها يشوف نفسه مشوه ومعيوب مفيش فيه مميزات
_مش عارفه خُلاصة الكلام انا مش بفكر في الجواز ومش هفكر فيه غير لما ابقا سويه نفسيًا
تضايق من هذا فهو حقًا يُريدها ان تكون حلاله فقال:
_طب بصي نعمل اتفاق صغير وهو اننا نتخطب، وانا اعالجك بما اني طبيب نفسي وبعدها نتجوز.
فصاحت بهِ في غضب وقالت:
_انا مش مجنونه عشان تعالجني، انا عندي شوية مشاكل نفسيه بس غير اني مش متقبله صنف الرجاله دا، وبعدين انا لو هتعالج مش هتعالج عندك فتعرف كل حاجه عني وتذلني بيهم
_بس انا مش كدا يا "خلود" انا مش بأذي غريب عني ما بالك بقا بالقريب هأذيه، غير ان اسرار العميل بتاعي مش بتطلع برا.
عقلها يرفض بشده ما يقوله فاردفت بنبرة حاده:
_لأ برضو انا مش موافقه
ظل يفكر بسرعه وهو حائر ولا يستطيع فعل شيء او قول شيء حتى خطرت بباله فكره:
_طب بصي يا ستِ في حل تاني وهو اخويا، انتِ اكيد عارفه ان ليا اخ تؤام بس هو متجوز فمستقر بعيد عننا وهو برضو طبيب نفسي ايه رايك تخليه يساعدك.
فكره لما تخطر على بالها ففكرت كثيرا ثم هتفت بضيق قائله:
_ماشي موافقه
_علي الجواز ولا الدكتور؟!
_لأ علي الدكتور
نفخ اهو بنفاذ الصبر ثم قال:
_يعني بقالي ساعتين بتكلم معاكِ وفي الاخر برضو اللي في دماغك هو هو، أديني فرصه وصدقيني مش هتندمي
_هصلي استخاره وارد عليك
حتى جاءوا وتكلمت والدة "سديم" بهدوء:
_ها اتفقتوا ولا ايه
فقال "سديم" بعدما نظر لها وفوجدها خائفه:
_انا هصلي استخاره وطلبت من الانسه "خلود" انها تصلي هي كمان واللي في الخير يقدمه ربنا.
مرت اسبوع كامل حتى جاء الرد ووافقت "خلود" وقاموا خُطبه صغيره فكان هو مرتاح البال وسعيد اما هي فلم يرحمها عقلها ابدًا
وبعد الخطبه بيومين اعطها عنوان عيادة اخيه كانت متردده بأن تذهب ولكن عزمت علي امرها وقررت الذاهب
بعدما وصلت إلى العياده التي كانت الوانها رائعه وهادئه، ثم انتظرت دورها وما ان جاء فدخلت الى الطبيب فوجدته يشبه "سديم" كثيرا ولكن الفرق انه يرتدي نظاره طبيه
جلست هي ولم تتكلم باي شيء حتى قرر ان يتكلم هو ويقول:
_ اتفضلي يا انسه "خلود" قوليلي حابه تتكلمي عن ايه او حابه نبدا مين، حابه نتكلم من زمان ولا من دلوقتي ولا من النص ولا من ايه
_لأ حابه امشي، انا مش عارفه انا جيت هنا ليه، انا مش مجنونه عشان اجي هنا
نظر لها بهدوء ثم اردف بعمليه وقال:
_المريض النفسي مش مجنون، لأ هو حد كتم في قلبه او حد ظلمه او تعبه نفسيًا فوصله للنتيجه دي
_أن ليه حاسه اني سمعت الجمله دي قبل كدا
فكر قليلًا ثم قال:
_يمكن لأنك متصابه بمتلازمة (ديجافو Deja vu)
لم تفهم ما معنى الاسم فاردفت بحيرة:
_مش عارفه بس اللي اعرفه اني عندي اعراض متلازمة "جوسكا" لكن المتلازمه اللي قولت عليها دي انا معرفش عنها حاجه.
أبتسم بهدوء وتفهم وبداء بشرح ما هي متلازمة (ديجافو Deja vu) فقال:
_متلازمة ديجافو (Déjà Vu) هي ظاهرة نفسية بتحصل لما الشخص يحس إنه عاش لحظة معينة في الماضي، رغم إنه عارف إنها بتحصل لأول مرة. الظاهرة دي شائعة وبتحصل لناس كتير، ايه بقا أسباب متلازمة ديجافو
_اولًا اضطراب في الذاكرة، يمكن يكون في خلل في عملية تخزين واسترجاع الذكريات في الدماغ.
او نشاط غير طبيعي في الدماغ: بعض الدراسات بتقول إن متلازمة ديجافو ممكن تكون نتيجة لنشاط غير طبيعي في مناطق معينة في الدماغ، زي الفص الصدغي.
وممكن يكون بسبب التوتر والقلق: بعض الناس ممكن يعانوا من متلازمة ديجافو نتيجة للتوتر أو القلق.
فهمت ما قاله هو فسألته بحيره وقالت
_طب هي ايه اعراض المتلازمه دي
ابتسم علي سؤالها هذا وقال:
_أعراض متلازمة ديجافو
- الشعور إنك عشت لحظة معينة في الماضي.
- الشعور بالارتباك والدهشة.
- ممكن يصاحبها أعراض تانية زي الدوار أو الغثيان.
علمت ان ما يقوله هذا صحيحه فهي تشعر بكل ما قاله
_ طب هي، هي ليها علاج
_في حاجات بيكون ليها علاج وحاجات مش بيكون ليها علاج بس متلازمة ديجافو، مفيش علاج محدد ليها، بس ممكن تساعد بعض الاستراتيجيات في التغلب على الأعراض، زي، الاسترخاء او التحدث مع دكتور النفسي.
_طب هي خطيره
_متلازمة ديجافو عادةً مش بتكون خطيرة، بس لو كانت بتسبب قلق أو بتأثر على الحياة اليومية، فلازم تتكلمي مع الدكتور النفسي عشان يحدد الأسباب والعلاج المناسب ليكِ
اصبحت تائهه وشارده ولا تعلم ماذا تفعل فقالت:
_انا خايفه يكون عندي حاجات تانيه، انا.... انا محتاجه مساعده
_وانا موجود هنا عشان اساعدك، "سديم" موصيني عليك جامد
ابتسمت قليلًا ولكن القلق والتفكير لا يتركها أبدًا فقالت
_أنا هحكي اللي هقدر عليه
امأ لها بصمت فهو لا يُريد ان يُعارضها ابدًا فبدات هي
_بابا مات وانا عندي تسع سنين واخويا "كريم" كان عنده سنتين، خدنا معاش من شغله، غير إيجار المحل بتاعه برضو، وكبرنا بس كنت بلاحظ دايمًا اهتمام ماما بـ "كريم" انا مش بكرهه بس انا كنت محتاجه شوية أهتمام زيه بس انا مكنتش بلاقي كدا، لو تعبت او نجحت او اي شيء لدرجة أني لما دخلت ثانوي كان بتخليني اشتغل في فترة الاجازة عشان مصاريف المدرسه والفلوس اللي كانت بتيجي من المعاش او إيجار المحل كله كان بيروح لـ "كريم"
_كنت دايمًا بقعد أكلم نفسي واخطط اعمل ايه لغيت لما بقيت عادة عندي مبقاش عندي صحاب ودايمًا متعصبه ومضايقه، ببص للأمهات التانيين وبقعد اعيط، لغيت لما دخلت جامعه اللي انا مش حباها عشان ما تتكلفش فلوس كتير لأني مش هقدر ادفعها خلتني أجهز نفسي لوحدي، دايمًا بتغصبني علي حاجات انا مش عاوزها دايمًا تايهه وحسه بالعجز
كان يستمع لها بدقه ويحاول ان يسيطر علي مشاعره فقال:
_طب ليه مقعدتيش تتكلمي معاها
_انا بخاف من الموجهه مش قادره اقول ان افعالها غير مقبوله لأنها مش بتتفاهم غير بضرب وأنا حقيقي تعبت، كل مرا كانت بتغصبني علي حاجه اعملها لغيت لما خلتني اوافق علي عريس كدا وطلع واحد قذر وسبب ليا مشاكل كتير، كنت اتمنى ساعتها اني القيها واقفه جنبي بس هي طلعتني انا السبب واني وحشه، عمرها ما قالت ليا إنتِ جميله إنتِ مميز لأ دي كانت بتسم بدني بكلام وِحش اوي
_لغيت لما بقيت بكره نفسي وبكره الرجاله وبكره كُل حاجه
توقفت عن الكلام وهي تمسح دموعها كأنها طفلة صغيره لا تقدر علي التعامل مع أي شيء فأردف هو بعد صمت كثير:
_بصي يا "خلود" إحنا مش هنقدر نحكم علي مامتك غير لما نسمع منها، فخلينا فيكِ إنتِ إحنا عاوزين نشوف "خلود" الحقيقه، إنتِ لازم تلاقي اللي جواكِ
_انا عاوزه اعرف انا عندي ايه، انا مش عاجبني حالي غير..... غير اني اتخطبت ومش عاوزه أظلمه معايا
اتسعت أبتسمته وبداء بشرح حالته:
_عارفه الطالب اللي بيفضل مراكم المواد لغيت قبل الامتحان بشهر، حالتك نفسه بظبط فضلتي تركمي لغيت لما اتجمعت حواليكِ متلازمات، والفكره ان المتلازمات دي نادره وقليل لما بتحصل حتى زي متلازمة (جوسكا، والضلالي، وديجافو) غير بعد المشاكل التانيه زي، body dysmorphic disorder، ودا مرض نفسي مش هاين بس بعيد عن المشاكل دي كلها هنقدر ونحلها ونعمل جاهدين أنها مترجعش تاني
حَزنت هي علي حالها وقالت:
_طب هنبداء إزاي؟
_اول حاجه نبداء نعالج متلازمة (جوسكا Josca) هي ملهاش علاج معين او نظام، بس هنحاول علي قد ما نقدر، مثلًا لو حصلت مشكله مش تقعدي تتوقعي الاسوء او الابشع او تتخطي هتعملي أيه، هتسيب كُل حاجه لوقتها مثلًا عندك تاسك شغل هتسلميه بعد تلات شهور متقعديش تتخيلي الفاشل او تقنعي نفسك انه صعب لأ هنخد الأموار ببساطه
أما هي فاردفت بهدوء قائله
_طب هحاول رغم اني بحس أن دماغي جوها حرب مش راضيه تتطفى خالص
_هتقدري اقنعي نفسك ان كُله هيجي بمشيئة ربنا مش بتفكيرنا احنا.
_هتعامل مع خطيبي إزاي
___________________________♡♡♡
