رواي عذابي وقدري الفصل الثاني بقلم ارسلان جاف
مانسويها بين يوم ويوم اريد تفاعلكم يلوج… .
روان صعدنه بالسياره اريد اخلص ..
من هالنماذج كل ساعه واحد طالعلي بسالفه
تعبت من حجي عماتي ومن نظرات ابن عمي الي
وفوك كل هذا القهر تخربط تفكيري بحجايه
صديقه خالتي…
وصلنه للبيت .. وكبل صعدت لغرفتي ماصدك
بدلت ونمت حتى ارتاح…
تبهذلت بهاليومين… طبعا بيومها بقينه اليوم كله
نايمين من التعب ..
وثاني يوم صادف الاحد دوووام رجعت لحياتي
طبيعيه واني افكر معقوله بابا راح يوافق بدون
مياخذ رائيي…
بعدها نسيت الموضوع والتهيت بدراستي…
بعد اسبوع من رجعتنه من بيت جدي…
رجعت من المدرسه وتغديت… ردت اصعد لغرفتي
انام شويه وارتاح حتى ابدي اقرا…
ماما… صاحتني… روان
هااا ماما…
ماما… تعالي… اخذتني ورحنه لغرفه ماما
ماما… كالت تعالي اكعدي… كعدت…
واني ولا بالي تفتح لموضوع…
روان… اتفضلي ماما
شوفي بنتي المرة خوش مره وخالتج تحمد
بيها وجيران خالتج من اسنين …
وتكول الولد من عائلة زينة… .
طبعا خالتي وفاء متزوجه بغداد يم بيت جدي
وامي وابويه هم من بغداد بس بسبب شغل ابويه
احنه انتقلنه للحله ..
واحنه مادايمين الج ياماما…
وانتي بالاول والاخير راح تزوجين خوما تبقين
اذا مو اليوم باجر فكري بنتي… على راحتج
كمت من يم امي واني دموع بعيني
وصعدت لغرفتي… ابجي واشهك
واحس نفسي ضعيفه… شنو ميريدوني
يريدون يخلصون مني ويزوجوني…
فاتت رونق…
شبيج روان تبجين .. مابيه شي روحي من يمي
طلعت…
للمغرب… نزلت اساعد ماما بتحضير العشه
ورحت فرشت السفره بالكاع وكعدنه كلنه
ماما صاحت بابا على العشه…
بابا… اول مكعد على العشه بعده مكايل بسم الله
كال بنتي روان…
نعم بابا ..
بنتي انتي لازم بيوم تزوجين وتروحين لبيتج
واني اريد اشوف احفادي
واني وامج مادايمين
الكم باجر او عكبه نموت واخواتج واخوانج
راح يتزوجون محد دايم لاحد وهاي فرصه الج…
روان… بابا ودراستي ومستقبلي وتعبي
بابا… بنتي دراستج ومستقبلج ويه زوجج
واطفالج…
سكتت
وكمت حتى متعشيت وصعدت لغرفتي ..
افكر بالموضوع…
اجتي رونق ورايه… وكعدت يمي
اي عيني راح تزوجين… واني راح اعنس
روان… انجبي ولي من يمي وشمرت عليها المخده
رونق… ولج شبيج يكولون الزواج حلووو
يحضي…
اذا متريدي ارفضي واني اخذه بلكي رادوني الي
روان… اي حبيبتي لعد الف مبروك عليج…
بقيت افكر بالموضوع مرات اكول هم كلامهم صح
ومرات اكول لا اخاف من الزواج… مسؤليه ..
كعدت الصبح… بدلت ونزلت حتى متريكت
بقيت افكررر… رحت للمدرسة…
وخلص دوووام ورجعت للبيت ماتغديت وصعدت كبل لغرفتي…
اندكت الباب… فتحت الباب بابا…
بابا… شونج بنتي… ليش مااتغديتي ويانه
روان… بابا والله تعبانه دراسه وامتحانات
واريد اقرا و اجيب درجات .....
بابا… كال حضري نفسج باجر الولد واهله راح يجون علمود تشوفينه ويشوفج وراها…
- انتي قرري… موافقه او لا
روان بس بابا…
-بنتي اني انطيت احجايه للناس وعيب
اكون مو كد حجايتي وارجع بكلامي باجر جمعة ولولد واهله راح يجون تشوفيهم ويشوفونج وانتي بكيفج بعد
احنه منجبرج…
اكعدي وياه وشوفي وبراحتج القرار بعد الج…
ومو تخجلين مني لا هالشي مو حرام من حقج ..وراح
- ظليت بغرفتي حتى على العشه منزلت ولا تعشيت
ماما… كل شويه وتجي ها بنتي شبيج
واني اكلها ماما مبيه شي ..
اني بالنسبه الي جان لموضوع محرج لان اني
بطبعي جنت كلش خجولة…
ثاني يوم…
واجه يوم الجمعة… ..
كعدت للصبح علئ هوسه الي بيتنه واني شايله هم اليوم…
شيخلصه…
وكلت بس لا اجوي… نزلت جوه واشوف اخواتي
رونق ورقية يركصون … وماما مخبوصه
ينظفون البيت ويرتبون… رحت اتريكت وبعد
مخلصت كمت انظف وياهم…
وجهزنه كلشي اني وماما…
صارت لساعه 10…
ماما… روان بنتي عوفي الي بيدج وروحي سبحي
وجهزي نفسج…
روان… صااارر ماما… صعدت فوك اخذت ملابس
ورحت سبحت وطلعت صعدت فتت لغرفتي
وفتحت الكنتور اشوف شنو راح البس طلعت
تنورة سوده بف وقميص ماروني بي نقاط سوده
ونسقت وياه شال ماروني…
وجذاء اسود… وخليت كحل ومسكاره ومكياج خفيف…
كعدت افكر شلون شكله ودراستي اخاف التهي وياه وارسب واعوف الدراسة .…
فاتت ماما… هااا ماما جهزتي نفسج…
اي… ماما
وراحت… بقيت كاعده بغرفتي
ياربي هاي اخر سنة الي… واريد اكمل واطلع معدل
اسمعت صوت بابا جوه ..يمكن اجوي…
واندكت باب الغرفه… رونق… روان ماما تكول
خلي تنزل الناس اجوي… كتلها اي جايه…
كمت ونزلت جوه…
طلعت سلمت عليهم واني خجلانه جانت جايه
صديقة خالتي وحدة وياهه ولولد يباوع عليه…
كمت ورحت للمطبخ…
رونق… هااا ولج شفتي شلونه ولج يخبل… شفتي
فات اخويه علي… روان ابوية يكول خلي تجيب
شربت وتقدمه… كتله اي جايه وطلع
رونق… صبت العصير وخلته بالصينية…
رونق روان… روان…
هااا… وين صافنه… روان
روان اخذتها منها وفتت للاستقبال…
وقدمت العصير وكعدت يم ماما وراسي مارفعته
جنت كلش خجلانه… ماشفته بس شفت القميص
الاسود ويه بنطرون الاسود الابسه…
وراهه كالوا احنه نترخص… وطلعوا…
اجوي خواتي رونق ورقية ..
ورنق… ولج شفتي شنو هذا يخبل نيالج عليه…
اني صعدت لغرفتي بدلت ملابسي…
حتى خجلت انزل اتغده وياهم…
اجتي ماما… وكالت هااا بنتي شكلتي ..
شفتي الولد… روان… لا ماما اخجلت اباوع عليه
ماما… امدااج غمتني 👐
تبقين فاهيه وفطيرة… لعد عليش اجه غير تشوفي
روان… والله ماما خجلت ماكدرت ارفع راسي
واني ماكسسر كلامكم… انتووو شنو تشوفون
اني موافقة…
ماما ..دمعت عينها وحضنتني يمه مبروك
عليج ربي يسعدج طوول عمرج ..
فاتت رونق… هاي شنو عيني الام وبنتها متحاضنات…
واني شنو بنت البطة السوده لا حضن ولا بوسة
ماما ..كلتلها تعالي…
واني شنو بنت البطة السوده لا حضن ولا بوسة
ماما ..كلتلها تعالي…
رونق… اخ… ماما لا ضربيني علئ راسي…
ماما ..اسكتي ام لسان…
ماما… كالت راح اكول لابوج انتي موافقة…
وطلعت…
رونق… هلا هلا الله راح يصير عدنه عرس 💃💃💃 واني اخت العروس ..
واجتي حضنتني الف مبروك وبوستني…
روان يوم الالج…
رونق رفعت ايدها وكلت يارررب
اي ادعيلي ادعيلي كثري من هالدعوات
الله يسمع منج ..واحد مثل نسيبي اريد… صاك
روان كفختها…ولج استحي شويه …
ام هيثم… ابو هيثم… روان موافقة على الولد
شكول للناس…
ابو هيثم… والله ياام هيثم خابريهم وكليلهم
هلا بيكم موافقين ..
بس خلي اروح اسال عليهم يله لا تخابريهم هسه
ام هيثم… براحتك…
ثاني يوم… الصبح بابا كال لماما… اني ليوم اروح
لبغداد اشوف امي وارجع …
لاحظت ماما… شاورت بابا… عرفت يريدون
يسئلون على الولد … بقه بابا اربع ايام بغداد طول
وبعد مااجه كال ماما…
- خابريهم وكليلهم موافقين…
وتفقوا يجون يوم الجمعة الجايه…
المشايه الزلم… والنسوان وراح يسوون حفلة
العقد… وكل هذا صاار واني مشايفه الولد
ولا اعرف حتى اسمه … ولا سالت… استحي
اجه يوم الجمعة…… .
حضرنه كولشي ونظفنة البيت وننتظرهم… يجون
دخل اخوية علي… وكال اجوي المشاية…
اني صعدت لغرفتي… باوعت من شباك الغرفه
سيارات هوايه… اندكت الباب…
صحت منووو…
اخويه علي كال اني…
كتله فوت علاوي ..
ابوية يكول خلي تحضر نفسها… العصر تروحون
تكطعون المهر بالامام علي عليه السلام…
كتله ماشي…
والبيت بيومها مكلوب وهوسه…
اتمددت بفراشي… وكلت شنو الي ديصير يعني
راح اتزوج واترك اهلي ومدرستي واعيش بغير
محافظة بعيده عن اهلي…
واني بين افكاري ماحسيت الا على صوت التلفون
دك قطع افكاري… شلته شفت هاي صديقتي
تكتم… فتحت خط…
الوووو…
تكتم .. الووو ولج خبله شلونج
روان… تمام الحمدلله…
انتي شخبارج…
تكتم ولج اني عندي مليوصه
لج الاحد امتحان احياء ومدافتهم شي …
انتي شنو قريتي ..اني راح انجلط كولشي مافتهم
روان… اني ولا بالي الامتحان لان اليوم المشيه والمهر اروح لنجف اكطع مهر…
تكتم… شنووو تكطعين مهر…
ولج اني صديقتج واقرب وحده الج لو جنت هيج
اعتقد وهسه اتكوليلي اكطع مهر ..
ولج متستحين على اساس اني صديقتج معقوله
اني اخر وحده تعرف … .
وولي بعد مااحجي وياج…
روان… تكتم زعلت وسدت الخط بوجهي
اهوووو هاي زعلت شيراضيها هسه خبله واعرفها
باهالاثناء… دخلت ماما لغرفه…
كالت بنتي جهزي نفسج بعد نص ساعة راج يجون الناس
علمود نطلع لنجف الطريق طوويل لنجف…
لان بابا شرط عليهم نكطع المهر هناك…
كمت فتحت الكنتور وحايرة شلبس… لان اني
رايحة لزيارة وهم اكطع مهر…
جنت كلش خايفة ومرتبكة بيومها وكلبي يدك بسرعة…
انفتح باب الغرفة… انداريت شفت ماما
كالت بعدج…
ماما ..لازم تلبسين ابيض اواي لون فاتح
ويكون شي ملابستة قبل او قليل لابسته وقبل لا انسى
خلي بالجنطة مالتج قران صغير وجكليت وهيل
ومي ورد… تلكينهم بالمجر بالمطبخ قبل لا طلعين
كتلها صار ماما… طلعت
اووووف اني وين وماما وين تحجي…
لبست فستان لونه ابيض ومطعم بوردي وبي شغل كلش حلوو وشال وردي
وحذاء وجنطة وردي …
وخليت مسكارة وشويه كحل ومكياج خفيف
ونزلت جوه…
خلي اروح اجيب الاغراض واخليهم بالجنطة قبل لا انساهم…
واذا نسيتهم شيخلصني من نبع الحنان
تبقى تحجي عليه…
شكرا لزيارتكم عالم روايات سكيرهوم
