رواي عذابي وقدري الفصل الثالث بقلم ارسلان جاف
عليكم داده لان ما عدكم تفاعل القصه تنزل بين يوم ويوم من الكه تفاعل جيد لا ذاك الوكت انزلها بشكل يومي وتدللون لا تنسون لايك والكومنت حبايب حته احنه هم ما ننساكم
روان… .
لبست وكملت وتمكيجت نزلت جوه حتى اخلي
الاغراض بالجنطة الي ماما كلتلي عليهم
قبل لا انساهم شيخلصني من نبع الحنان…
فتت للمطبخ فتحت الكاونتر لكيتهم وخليتهم
بالجنطة…
بابا… كال يله كملتوا الناس ينتظرونه بالباب
ماما… ابو هيثم بس البس عباتي واجي . ..
طلعنه وشفت واحد طويل يخبل شكله ومرتب
شعره اسود وملامحة حلوة ورجولية صاار بوجهي
استحيت ودنكت…
شكيت بي هوه…
لان جان هم لابس ملابس لون اسود بنطرون
وقميص ..
صعدنه بسيارتنا اني وبابا وماما واخواتي
رونق ورقية…
واخواني علي وهيثم ضلوا بالبيت…
لان بابا مقبل نروح وحدنه خاف نتاخر لليل ..
وعمو سلمان هم راح ويانه… بسيارته
واحنه كاعدين بالسيارة…
رونق… ولج وران شوفي نسيبي طالع يخبل
بقيت طريق كله افكر بي…
بالبداية جنت مشايفته ولا مهتمة بي
بس من شفتة كلبي رفله ..وافكر بي …
وطريق من الحلة لنجف طويل…
اعرفكم بنفسي اسمي علاء عمري 23 سنة
من بغداد كملت سادس اعدادي وبطلت مداومت
كلية رغم معدلي جان كلش زين ..
بس مريت بظروف كلش صعبة جبرتني
اترك الدراسة…
شكلي / اسمر ،وشعري اسود وطولي 179 وعندي عضلات ..
والعب حديد واشتغل بمحل ملابس وجنت دائما
اهتم بمظهري…
اني اكبر من روان بخمس سنوات…
امي اتوفت من جان عمري 9 سنوات وابوية اتزوج وعايش ويه ابوية وزوجته…
جنت اتمنى امي ويايه بكل خطوه بحياتي بكل شي… ..واكول ياريت
امي ويايه موجوده ..
حتى من قررت اتزوج جنت اتمنى هي تختارها
الي وتزفني…
بس الموت كان اسرع واخذها مني ..
عندي 6 اخوان 2 متزوجين ..
علي اخوية من امي وابوية متزوج وطالع بيت
وحده وعنده 4 اطفال 3 بنات ولد واحد…
وعندي 5 خوات من امي وابوية…
ومن مرت ابوية عندي 5 اخوان و4 خوات
كرار متزوج وعنده 2 بنات…
وامير وحسن وعباس قاسم بعدهم ممتزوجين…
ههههه دختو موووو الولد حجي متولي ..
وقراري بالزواج بسبب اختي الجبيره وفاء
بيوم واني راجع من الشغل ..
خابرتني اختي الجبيره وفاء وكالت تعال اريدك بشغله
رحت عليها…
كالت علاوي… طبعا بالبيت يصيحوني علاوي
لكيتلك وحدة… تخليها على الجرح يطيب
ومو بس هاي بنت ناس ومتربية وخوش بنية ومؤدبة واني اعرف اهلها خوش ناس وخالتها
صديقتي وعشره عمر…
وليوم حجيتلك ويه اهلها بدون علمك… شنو رايك…
كتلها والله يااخيتي … زين سويتي… اني لازم اتزوج واخلص من الي اني بي…
مليت من كد مااشتغل لمرت ابوية واخوتي واخواني…
عبالك اني مخلفهم وناسيهم…
وفوك كل هذا مرت ابوج معاجبها وتعاملني
بطريقة مو حلوة حتى الدراسة عفتها علمود
اعيش اخوتي لان ابوية اتمرض…
علاء ..شكالوا…
هههه هاا اشوفك مستعجل علاوي
هااا لا بسس اسال…
كالووو… هما يردون خبرررر…
مر اسبوع واجتي وفاء وكالت يوم الجمعة اتفقت
وياهم نروح لبيت لبنية حتى تشوفها وتشوفك
لان اهل روان طلبوا احنه نشوفها وروان تشوفني
وماطول عليكم السالفة…
كلشي بهالدنيا قسمة ونصيب ..
ورحنه لبيت لبنية واستقبلونه ورحبوا بينة
خوش ناس ..اول ماشفت روان طبت مدنكة قدمت العصير وكعدت ومرفعت راسها ابد حتى اشوفها ماشفتها زين بس ايدها وخشمها ههههه…
واني من شفتها كلت اريدها… بكلبي
ومن طلعنه من عدهم واني اصفن وافكر بيها
معقولة هاي بنية مشافتني ولا رفعت راسها
معقولة اكووو هيج بنات يستحن لهالدرجة. بهذا وكتنه…
ليش جانت مدنكة خاف جكمة .هههه
او يمكن ماقابلة بيه…
سالتني اختي شنوو رايك بيها… كتلها اريدها ..
وبعد كم يوم خابرو اختي وكالووو موافقين ..
اتفضلوا…
ابوها شرط نكطع مهر بالامام علي عليه السلام…
رحنه عليهم حتى مناك نروح للنجف…
وطلعت صارت بوجهي واخيرا شفتها…
صفنت ورجعت دنكت وصعدت بسيارة…
اخذت عقلي… ملامحها حلوه وهادئ…
روان…
وصلنه للنجف وتركنه السيارات بالكراج وبدينة
نمشي للامام مسافة عن الكراج وماكو سيارات
تدخل داخل المدينة القديمة ..
واني كلبي يدك بسرعة ومتوترة وخايفة…
وحسيت بشعور واحساس بداخلي اول مره احسه
شنوو هالاحساس… مااعرف
وصلنه الامام علي عليه السلام وزرنا وصلينة
وطلعنه اكو مكاتب موجودة بداخل مقام
الامام علي عليه السلام…
مسؤل عن عقود الزواج وكطع المهر ..
كال اكعدوا…
كعدنه وجان يحجي ويه بابا وعمو سلمان الشيخ
كعد علاء واني كعدت مقابيلة والتخم الي كعد عليه
علاء كعدو الزلم بابا وعمو سلمان واخوانه
والتخم الي كاعده عليها اني وماما ومرت ابوة
وخواته اثنين 2 وخواتي رونق ورقية…
والبقية بقوا ينتظرون بره…
اول مابدا الشيخ يسال عن الاسماء بعدهه
شكد المهر المتفق عليه حيكون ..
المقدم… والموخررر…
باهالاثناء ماما… اخذت الجنطة مني وفتحت ايدي
وخلت بين اصابيعي حبات هيل وبنصها قطرات
مي ورد وجكليت وفتحت القران…
واني خفت حيل وتوترت… اكثر لان جان كاعد
مقابيلي علاء…
ومااكدر ارفع راسي من الخوف وبده الشيخ يقره
ايات قرانية وبعدهه سالني اذا موافقه او لا
كررها اكثر من مره وامي تندس بيه…
وتكلي شبيج ..كولي اي…
واني بلكوة طلعت مني كلمة نعم صح هي تشوفوها
سهلة بس جانت شكد صعبة بالساني…
لان هاي الكلمة هي الي تحدد مصيري ومستقبلي
وتسعدني…
وهي نفس الكلمة الي راح تحطمني…وتحدد قدري
نعم انت وكيلي… هاي الكلمات الي كلتها ..
كمل الشيخ وكال مبروووك…
وكال لازم تحجون شويه انتي وياه… وطلع
من كال هيج اني متت بدمي .. حسيت حرارة
تطلع من جسمي .. وحمريت من الخجل…
الكل طلعوا وبقيت بس اني وياه…
اجه كعد يمي… واقترب حسيت انفاسه قريبه عليه
وهمس مبروووك…
وبقه يحجي ويسالني واني بس ساكته…
شوية ودخل بابا وكال يله خلي نروح طلعنه
اتعشينه وصعدنه بالسيارات ورشوية ودخل بابا وكال يله خلي نروح طلعنه
اتعشينه وصعدنه بالسيارات ورجعنه للبيت
وهما راحو يباتون يم كرايبهم بغداد ....
واني افكر شون تجراء وحجة ويايه ..
ومامهتم واني ميته من الخجل… مجنت اكدر احجي… كلمه وحده
وهوة يحجي عادي وعبالك يعرفني…
لليل وصلنه للبيت اول ماطبيت للبيت كبل
صعدت لغرفتي فتحت الكنتور طلعت تراك لون
رصاصي وبي رسمه لولو كاتي من كدام ..
دخلت للحمام سبحت وطلعت مشطت شعري
ونمت جنت كلش تعبانه…
ثاني يوم صارت حفلة… مال العقد
كعدت الصبح ونزلت جوه اتريكت وكملت
ماما ..كالت بنتي حضري نفسج نطلع لسوك
حتى تختارين بدله ..صعدت بدلت ونزلت
ورحنه لسوك اني وماما اختاريت بدلة لون تركوازي
من فوك صدرها مفتوح وبيها شغل كلش حلووو
ومن جوه منفوشه…
واخذت حذاء كعب لون ذهبي… واخذت كم شغلة
كملنة ورجعنه للبيت… وللعصر رحت للصالون
راحت ويايه ماما واختي رونق…
اختاريت مكياج خفيف ولعيون رسمه بالكحل
حتى تبرز جمالها وسويت تسريحة ناصيه
كملنه وماما خابرت على بابا حتى يجي ياخذنه ..
علاء…
وصلنه لبيت روان وجانت بعدها ماجاية من بالصالون دك تلفون عمي ابو هيثم واسمعه يكول
جاهزين راح اجي اخذكم…
كتله عمي اروح اني اجيبهم…
ابو هيثم… روح ابني جيبهم ميخالف بعد هي
صارت مرتك…
روان .. بقينه ننتظر جيه بابا…
اشو ماما دك تلفونها طلعت ورجعت وكالت علاء
راح يجي ياخذنه بابا مخابرها…
اجتي اخته وياه لبست البرنص وطلعنه واول
ماصعدنه… كال نزلوا البرده…
وماما ورونق واخته كاموا يضحكون عليه…
وماتوو ضحك… اخته كالتله…
سلامات علاوي…
شدعوه هيج دوختك روان… وين اكوو بردة
بالسيارة…
وصلنه للبيت لكيت الباب مال لبيت اهلي مفتوح
وسيارات بالباب وهوسه وناس واكفه بالباب
نزلنه من السيارة وطبيت جوه…
لكيت الكل موجودين خالاتي وعماتي وعمامي
واقاربنا وخوات علاء ومرت ابوة…
الكل يركصون ويهلهلون…
واني بالي ليش علاء كال نزلي البردة…
شيقصد كعدت وبعد ساعة كالوا راح يجي العريس
يلبسها الذهب…
اول مدخل صارر كدامي ظليت اباوع عليه
طالع يخبل يمه فديته حبيبي…
جان لابس قاط لون اسود السترة البنطرون والقميص…
ورافع شعره ومحدد لحيته طالع يجنن
اجه كعد بصفي واقترب مني عطره كفخني
وهمس باذني…
يمه فديتها حلالي طالعه تخبل… لج مو حرام هيج تسوين بيه وغمزلي…
لزم ايدي قوي واني مااعرف شصار بيه عبالك
كهرباء كمت امتمت بل حجي وهو يضحك عليه
بعدها لبسني الحلقة جانت كلش حلوه ونازكه
والحلقة محفور بيها حرف A وكلمة احبك…
طبعا الحلقات من اختيارة هوه ..
والذهب ماما واخته .
لبسها الي وكال اوعديني ماتنزعينها طول عمرج
اني اخرسيت ولاكلمة نطقت ولبسته الحلقة
وبعدها لبسني الذهب الكلادة واجتي اخته
لبستني التراجي ..
علاء… بعد مالبستها الكلادة اباوع ركبتها مرمر
همست احبج روان ..
واباوع عليها تتنفس سريع ...
روان من اقترب مني عطرة كفخني وهمس اجبج
روان باذني كلبي صار يدك بسرعه…
ورا شويه طلع…
جانت الحفلة كلش حلوووه… بعدها صعدت بدلت
لبست تراك لون بنفسجي ونمت… من تعب
شكرا لزيارتكم عالم روايات سكيرهوم
