رواية أرض الخناجر الفصل الثلاثون بقلم ايلول
لا اكدر اضمهن
لا افضفضهن
لاميت
ولاخلصان من عدهن
انه جروحي
سوالف بيت!
ماكدر اطلعهن...
══━━━━✥◈✥━━━━═
-شدراه تركصين هجع
جــويريه:: مغمضه عيني وگلبي يدك حييل احس كلامه يتردد بعقلي اكثر من مره رفع وجهه شويه بس حتى يباوع لوجهي وبقى مدنك عليَّ وعيونه تراقب ملامحي، نفسي ثگل وهوه منتظر جوابي، رجع گال بصوت أشبهه بالهمس
-لا تجذبين عليَّ!
رفع وجهه اكثر والخنجر بعده بأيده باوع عليه يفر بيه دموعي تنزل بلا صوت، گبل بدقايق چنت اتمنى الموت وهسه خفت خفت انذبح بلا ذنب، دار عينه الي يحجي بهدوء
-لا تگليلي ما يدري واضح يدري من المشغله، سولفيلي، سألتج گبل وگلتي بس كاض ايدج هممم ؟ احجي يله سولفي لا تخافين.
حجه وحرك إبهامه على ايدي رمشت ونزلن دموعي الچانن مغرگات جفني همست بصوت مخنوگ
-تصدگني؟
- اصدگج من تحجين الحقيقه لان لو جذبتي اعارفج.
باوعلي عيونه حمر منتظرني احجي واني صوتي گوه يطلع گد ما مختنگه وكارهه روحـــي حجيت بغصه احجي كلمه واسكت يله احجي الثانيه حتى ما اغلط.
-قبل...من يوديني..ابوي يمهم..اني واخته نركص...وهوه شافنه..آني واخته...شافنه من...من الشباك.
گـــلبي احسه يتكسر وي كل كلمه،غمض عينه وزفر نفس، عاف ايدي، ممدده على الچربايه وهو كاعد على طرف الچربايه بصفي دنك لازم الخنجر بأثنين اديه يگلب بيه مناه ومناه والخنجر يلمع گد ما حاد، جريت نفس بشهگه وزفرته بخوف دموعي يتسابقن همست والبجي خانگني
-راح تذب حني؟
دار عليَّ واني شفايفي يرجفن واشهك بخوف حرك راسه بهدوء لا، مد ايده اللي بيها الخنجر خلاه على الميز بقوه نز جسمي بفزه من صوت طگة الخنجر بخشب الميز، باوعلي ومد أديه اثنينهن على وجهي بأبهامات اديه عدل حواجبي غمضت بخوف وهوه يعدل بحواجي ساكت اصابعه حارات مسح جوه عيوني يحجي ببرود
-ما اذب حج، اذب حهم.
اشلع عيونه الحطهن عليج واكطعه وصل لو اموتن ما اخليه يضل يشتم الهوه، بهالخنجر انبش عيونه واطلعهن من مچانهن.
فاتحه عيني اسمعله وأرجف كمل كلامه سكت وباوع لعيوني گال بأستهزاء صــيهد::وابوچ!
بلعت ريك بخوف سحبت ايدي لوجهي امسح دموعي
-ابوي؟
هز راسه اي ووگف
صــيهد:: انا كتاله.
فتحت عيني حيل اهز راسي لا وهوه عينه بعيني ردّدت مخنوگه
-لاا، لاا.
خزرني بغضب
-اششش.
-ابويه .. لا.. اطفال اطفال عنده لا، اخواني، اخواني يضيعون بدونه.
بچيت اشهگ مد ايده سد حلكي بچفه ورجع كعد بطرف الچربايه
-اششش،اموتج لو دافعتيله.
وبأثنين اديه چلبت بأيده ابجي واجر بيها من حلكي نزلتها خلاها على رگبتي اشهگ مختنگه ودموعي مغوشه عيوني
-خط... اخواني..خطيه.
ضغط على رگبتي ونتر بغضب
صــيهد: محد خطيه غيرررج.
كحيت مختنگه وخر ايده ووگف مبتعد
صــيهد:: امشي يم رغد.
گمت من الچربايه ارجف واجر بالعبايه البسها امسح دموعي وهوه منطيني ظهره مدنك يدور بالجراره مال الميز مشيت من يمه بسرعة طلعت وجسمي يهتز ما اشوف گدامي الحد ما لمتني رغد بحضنها بخوف تحجي
رغد :: يممه شبيج جــويريه عاينيلي ياهو وياج صــيهد ؟
رفعت راسي تمسح بدموعي واني اهز راسي لا لاا وبس سمعت جده حجت صعدت فوگ بسرعة اضم روحـــي بفراشي وأسدّ اذني حتى مايوصلني صوتهم، وما اطلع من فراشي الحد ما تجي مــاسه.
"""
ريـــمه :: اصعب شي عشته زعل اهلي من عدي، ابويه ما يحاجيني، اخواني حتى مايعاينون لوجهي، سجاد الوحيد يحجي وياي ويوميه يسألني
سجاد:: الولد زعلانين من عدج؟
سكتت مدنگه اثنينا واكفين بالمطبخ اسويلهم اكل هوه وعبود الساعة ب١٢ بالليل، اجه يمي مد ايده يشيل وجهي
-شبيج حبيبتي؟
رجفن شفايفي ونزلن دموعي احجي مختنگه
-مايحجون وياي.
سجاد:: ليش؟ سولفيلي حتى احاجيهم.
مسحت دموعي ما اريد احجي رفعت اكتافي ما ادري مد ايده على خدي عاينت لوجهه
-لا تبچين خيولون انا احجي وياج.
يحجيها مبتسم واني امسح بعيوني درت للطباخ طفيت تاوة الطماطه خليتها بصينيه وياها كلاصين چاي وخبز شالها سجاد يعاينلي مشه وصل للباب ودار علي
سجاد:: خاب شبيج؟ لا تضلين ضايجة وعلي هسه حتى ما اگدر اكل.
درت للسنك اغسل وجهي واحاجيه
-لا والله هاي راح اصعد انامن يم هجوره.
ضل واكف لمن غسلت وجهي ودرت عليه مقهور
سجاد:: فـــدوه لوجهج لا تنقهرين.
ابتسمتله على اعصابي
-يله يله روح برد الچاي.
ضحك ومشه، بس دار وجهه جرن دموعي جريت نفس بشهگه اتنفس بس مختنگه احس شكد ما اسحب نفس اضل مختنگه، مسحت عيوني وصعدت فوگ هجوره نايمه ودفتر الرسم يمها جريته من جوه ايدها اريد اسد الدفتر وجذبتني رسمتها اول مره ترسم هيج بحيث من الملامح عرفتهم راسمه روحها بين اخواني سجاد وسليم وسلطان بس ما راسمه مرتضى لان دوم يطگها علمود جهاله.
أبتسمت فرحانه متطوره وبدأ رسمها ينفهم سديت الدفتر ورحت لفراشي تمددت بس فاتحه عيني ما ادري بروحي ليمت نمت كعدتني هاجر الصبح خايفه
-شكو؟
كعدت على حيلي اسمع صوت الاء هذا گمت بساع نزلت وهاجر وراي، سلطان گاعد بالمطبخ هوه وسليم يتريگون وهيه فوگ رأسه تصيح واني مافاهمه شي طبت امي جانت بالحوش هم تحجي اثاريهن يتعاركن بيناتهن والولد ياكلون ساكتين اعاين بوجوهم هم مافاهمه على شنو العركه واحس امي حطت أيدها بظهري ودفعتني حيل للطباخ تصيح
ميلاد:: صبيي چاي الاخوتج، خايسات نسوان جايفه ادور على المواعين وهيه مكدستهن جوه جربايتها الوصخه.
حطيت كلاصات الچاي اريد اصبلهم والاء تصيح
الاء:: مرره حامل الله اكبر حاامل شترديني اغسل واجلف.
سلطان:: ما كافي؟ من صباحيات الله ما كاااافي؟ يمه تردين فلوس بمچان مواعينج؟ انا اطيج بس اسكتي اسكتي رحمه لاهلج.
هستوها امي تحجي ومالحكت من الاء صاحت بصوت عالي
الاء:: تطيهااا فلووووس يااااا غير اسوي فلك، تريد تطيها بمچان ما تطيني وانه مره وراي ولاده.
خزرها سلطان يحاجيها بهدوء
سلطان:: سدي حلكج امشي الغرفتج.
حطيت الچاي گدامهم سلطان اخذه وسليم گام بداه بالسنگ غسل الكلاص وصب الروحه هوه اعاينله والغصه تصعد وتنزل ببلعومي، وامي والاء بعدهنّ يتعاركن
ميلاد:: مابيه خير كون بيه خير جا حش رجليج بس انا ما مخلفه زلمه ساكتلهاااا ساكتلهاااا سلطان يسمع وساكت.
وسلطان مدنك ياكل مايرد لا على امي ولا على الاء وهيه صاحت
الاء::ياهو يطگني اناااا ياهو يمد ايده عليَّ بعدها امه ماجايبته اليطگني عمي ولحسين غير اخلي اخوتي يودونه الج مگطع.
وامي تردها وهيه ترد اعاين السلطان مدنك وسليم يمسح وجهه شويه شويه يفقد اعصابه، الاء متطمنه سلطان ما يطگها لان مره وحده كتلها من انخطف بريا وراها تندم حييل، وبعد شكد ماسوت شكد ماحجت ابد ماطكاها يغلس منها ويطلع من البيت وهسه ضلت تصيح
-زلمه هوه ويطگنيييي.
وبنفس اللحظة ســليم شمر عليها كلاص الچاي طك بالحايط صار فلاش ووگف يصيح بعصبية
ســليم :: لنعل ابووج لا ابو الخلفج چلبه بت الچلب، اخلي دمج بطولج واذا اخوتج زلام خل يطلعون وراج ابسط بجثثهم للچلاب يا ما متربايه لو زلم جا عرفوا يربونج.
يصيح بحرگه وهيه ما تسكت تغلط وهذا يريد يطگها متسودن ،سلطان گام غسل اخذ سبحته ووگف بباب المطبخ يفر بيها صاح على ســليم
سلطان:: تروح لو لا؟
وسليم يرجف من الحرگه غسل وطلع وياه، شلت المواعين أغسلهن والاء لمن تعبـــت من الحجي مشت الغرفتها ردت امي طبت للمطبخ تغلط عليَّّ وتحجي، غسلت المواعين وشلتهن مسحت الكاونتر وسويت ريوك الهاجر وامي فوگ راسي تحجي ردتها بس تسكت خنگتني اكثر من ما آنيّ مختنگة.
للظهر سويت الغدا وهيه ردت تعاركت وي فرح مرت مرتضى ومرتضى تسودن ضلّ يصيح
-بس خل يكمل بيتي واطلع.
وامي تحجي وتردهم، وتدعي على بيتهم يحترك گبل ما يكمل، وره بيتنا سووا دچه ونزلوا بلوك حتى يبنيله بيت ويطلع ابوي گاله اطلع لآن هجوره تلعب وي جهاله وهوه مايريدها تلعب وياهم وبعده هستوهم يبنون حتى للنص ما واصل.
گمت من المطبخ اريد اصعد فوك ضلت تصيح ماتصعدين رجعت للسنك غسلت. وادور اي شي اشتغله الهي نفسي بلكي تخف الخنگه من صدري وهيه اذا فاتت من يمي لازم تطگني لو تكرصني وتغلط غمضت عيني وهيه كارصتني من زندي بغضب تنتر
ميلاد:: ارد اچوويج ارررد؟
ضليت ساكته دفعتني من ايدي ومشت كعدت بالگاع اكح وأتنفس بقوة كل حيلي اسحب نفس واضل مختنگه، لوره الغدا طب ســليم وانه وهاجر كاعدين بالمطبخ هيه ترسم وانه اعاينلها.
دار عيونه للطباخ مبين جوعان ما حاجيته طب يغسل گمت حميت الغدا وصبيت خليت الصينيه على الطباخ متانيه اشوفه وين يكعد حتى اخذها اله طب وراه سلطان باس هجوره وانه ولا چنه يشوفني، يشاقيها ويشوف رسمها ويضحك وياها، طلع ســليم من الحمام واجه يمهم يجرون دفتر الرسم منها ويضحكون.
شلت الصينيه مال الغدا خلّيتها يمهم سلطان غسل بالسنگ وكعد يم الصينيه يريد يتغدا بس ســليم ما أهتم دفعها وگام هوه للطباخ يصب غدا اعاينلهم ووصلة المسح بأيدي ضاغطه عليها بقوة عيوني حرگني گد ما فاتحتهم حيل اقاوم بيهم حتى ما ابجي.
افر بعيوني من ســليم السلطان اللي ضل كاعد ساكت ويحاچي هجوره يضيّع السآلفه شصار بگلبي احس نار تچويني وخنگه سدت الهوه عن ريتي كحيت واكض ببلعومي وسليم ما مهتم عباله اجذب الحد ما طحت عيوني مغوشه واشهك ما اسمعهم بس احس بأديهم كاضتني عيوني غصب عني تگلبن والشهگه شگت گـــلبي طحت بين اديهم ماحاسه بشي.
ما فتحت عيني الا على صوت سليم وايده التمسح على وجهي اعاين الروحي على سديه والمغذي معلك فوگ راسي وسليم كاعد بالگاع على ركبه گدامي وسلطان واكف ببا الردهه كاض البرده ويعاينلي، درت عيوني السليم كض بأيدي مختنك
ســليم:: ريـــمه خويه.
اعاين لوجهه ودموعي بلا صوت تنزل مد ايده يمسحهن
ســليم :: لا تبجين يا بعد روحـــي شبيج حاچيني نقهرتي مني؟
يحجي بقهر حركت راسي لا، مد ايده يعدّل بحجابي من طب الدكتور حتى سلطان اجه يمي يجر العبايه يغطي رجليَّ لان بلا جواريب والدكتور يحجي وياهم ويعاين للمغذي راح سلطان وياه حتى يكتبله راجيتة علاج وسليم ضل يمي متاني المغذي يكضي دك تلفونه
ســليم :: ها سجاد، أي بالطوارئ.. وينك؟
دار وجهه ومشه شال البرده يعاين طبوا سجاد وهجوره اجتني تركض وتبجي ضمت وجها بصدري
-هاجر عاينــي عليَّ مابيه شي لا تخافين.
شلت راسها امسح بدموعها وسجاد ميت من آلقهر لمن كضه المغذي كعدت فلته ســليم من ايدي واجه سلطان، بأيده راجيتة العلاج مد ايده الي يساعدني اگوم مشيت بينهم طلعنه من الطوارئ سلطان عاين بالراجيته وفتح عينه بصدمة گبل ما نصعد بالسيارة اطاها السليم وسليم قراها بصوت عالي
-المعالج النفسي؟
حجاها وشگگ الورقة شمرها بالگاع يغلط على الدكتور ويحجي بحرگه
-مسودنه هيه مثلاً واخذها لدكتور نفسي؟
سلطان:: اشش اصعد يله.
صعدنه ليوره آني وهجوره سجاد راح وحده والولد صعدوا گدام، چان الشارع ازدحام من المواكب اعاين من الجامه صوت القصائد الحسينية، العالم اللي لابسه اسود وبين مسافة ومسافة فاتحين موكب يوزعون،تحركت من ســليم نزل الجامه عاينلي بالمرايه ساكت ضليت اعاين واسمع بتركيز صوت اللطميات وگفنه بأزدحام وچان گدامنه موكب صغير اطفال اثنين واكفن لابسين اسود وحجيه چبيره مسويه منقله بيها جمر ومخدره الچاي والنومي بصرة ومن يجي احد ياخذ منهم الضحكه تترس وجهم مشغلين لطمية والطفل يردد وياها
البنيه الصغيره عاينت الوجهي مبتسمه بادلتها الابتسامه أشرتلي على استكان الچاي "تردين؟ هزيت رأسي لا ودرت عيني للولد من طبگوا السيارة على صفحة ونزل ســليم بخطوات سريعة عبر السايد الثآني يركض طب لمحل عاينت السلطان اسأله
-وين راح؟
سلطان:: يجيبلج جواريب، حتى ننزلجن شويه غاد بالحديقة وره هذا الموكب.
حجاها وأشر على نفس الموكب الچنت اعاينله ورد گال
سلطان:: رنـــه شايفتنا من شلناج وضاله تبجي.
-ياا سوده عليَّ صدك؟
-والله خابرني طــروادة يگلي شني اختك ماتت شو اختي نصبت فاتحة.
ابتسمت ساكته وهوه يحجيها بضحك ويعاينلي بالمراية دك تلفونه وضحك گبل مايرد گال
-راح تسودن طــروادة علمودج.
حجاها ورد فاتح السماعة واسمع طــروادة يگله
طــروادة :: اكلك تضحك عليَّ انتَ انا بالطوارئ وينكم؟ هاي راح تموت خل تشوف اختكم.
-هههه طلعنه ولك.
-رديتوا للقرية؟
-لا راح انزلهن بالحديقة يم موكب شويه شسمه الدكتور يگول نفسيتهن زهگانه.
-هاا خوش
حجاها واسمع صوت رنـــه يمه تبجي وتگله
-خاف جذابين ماتت.
طــروادة ؛؛ لا اله الا الله
وهو يحجي وياه أجه سليم اطاني الجواريب وعاين السلطان يريد يعرفه ويامن يحجي
سلطان:: هههه اكلك تعال جيبها يمهن، گدامك احنا ماكو عشر دقايق بالحديقة البالجزره الوسطيه.
يحجون وانه لبست الجواريب سد التلفون سلطان ونزلت وياهم كاضه هاجر من ايدها عبرنه الشارع كعدنه انه وهاجر على المصطبات ســليم واكف گدامنا، يعاين للشارع بين السيارات
وسلطان راح للموكب منطينه صينيه صغيرة وبيها اربع استكاين نومي بصرة انطانه وهوه وسليم ضلوا واكفين گدامنه لمن شافوا سيارة مــيثم جاي بيها طــروادة ورنه يمه، بينا وبينهم شارع.
هستوه صف السيارة الولد يعاينون عليه نزلت رنـــه واجت تركض بلا ما تعاين للشارع الولد مشوا عليها بساع وطرواده غطه وجهه وهيه تركض وعبايتها طايره وراها عبرت الشاررع ومن بين ســليم وسلطان فاتت بخوف شبگتني وسليم يهمس بغضب
-الوووادم منااه رررريمه.
جريت ايدها مني بخوف وطرواده إجه بعصبية وهيه من كل گلبها خايفه لمن وصل يمنه طــروادة گالها
-شلون تركضين هيج رنـــه بله اندعمتي.
اعاين لوجهه ودموعي بلا صوت تنزل مد ايده يمسحهن
ســليم :: لا تبجين يا بعد روحـــي شبيج حاچيني نقهرتي مني؟
يحجي بقهر حركت راسي لا، مد ايده يعدّل بحجابي من طب الدكتور حتى سلطان اجه يمي يجر العبايه يغطي رجليَّ لان بلا جواريب والدكتور يحجي وياهم ويعاين للمغذي راح سلطان وياه حتى يكتبله راجيتة علاج وسليم ضل يمي متاني المغذي يكضي دك تلفونه
ســليم :: ها سجاد، أي بالطوارئ.. وينك؟
دار وجهه ومشه شال البرده يعاين طبوا سجاد وهجوره اجتني تركض وتبجي ضمت وجها بصدري
-هاجر عاينــي عليَّ مابيه شي لا تخافين.
شلت راسها امسح بدموعها وسجاد ميت من آلقهر لمن كضه المغذي كعدت فلته ســليم من ايدي واجه سلطان، بأيده راجيتة العلاج مد ايده الي يساعدني اگوم مشيت بينهم طلعنه من الطوارئ سلطان عاين بالراجيته وفتح عينه بصدمة گبل ما نصعد بالسيارة اطاها السليم وسليم قراها بصوت عالي
-المعالج النفسي؟
حجاها وشگگ الورقة شمرها بالگاع يغلط على الدكتور ويحجي بحرگه
-مسودنه هيه مثلاً واخذها لدكتور نفسي؟
سلطان:: اشش اصعد يله.
صعدنه ليوره آني وهجوره سجاد راح وحده والولد صعدوا گدام، چان الشارع ازدحام من المواكب اعاين من الجامه صوت القصائد الحسينية، العالم اللي لابسه اسود وبين مسافة ومسافة فاتحين موكب يوزعون،تحركت من ســليم نزل الجامه عاينلي بالمرايه ساكت ضليت اعاين واسمع بتركيز صوت اللطميات وگفنه بأزدحام وچان گدامنه موكب صغير اطفال اثنين واكفن لابسين اسود وحجيه چبيره مسويه منقله بيها جمر ومخدره الچاي والنومي بصرة ومن يجي احد ياخذ منهم الضحكه تترس وجهم مشغلين لطمية والطفل يردد وياها
البنيه الصغيره عاينت الوجهي مبتسمه بادلتها الابتسامه أشرتلي على استكان الچاي "تردين؟ هزيت رأسي لا ودرت عيني للولد من طبگوا السيارة على صفحة ونزل ســليم بخطوات سريعة عبر السايد الثآني يركض طب لمحل عاينت السلطان اسأله
-وين راح؟
سلطان:: يجيبلج جواريب، حتى ننزلجن شويه غاد بالحديقة وره هذا الموكب.
حجاها وأشر على نفس الموكب الچنت اعاينله ورد گال
سلطان:: رنـــه شايفتنا من شلناج وضاله تبجي.
-ياا سوده عليَّ صدك؟
-والله خابرني طــروادة يگلي شني اختك ماتت شو اختي نصبت فاتحة.
ابتسمت ساكته وهوه يحجيها بضحك ويعاينلي بالمراية دك تلفونه وضحك گبل مايرد گال
-راح تسودن طــروادة علمودج.
حجاها ورد فاتح السماعة واسمع طــروادة يگله
طــروادة :: اكلك تضحك عليَّ انتَ انا بالطوارئ وينكم؟ هاي راح تموت خل تشوف اختكم.
-هههه طلعنه ولك.
-رديتوا للقرية؟
-لا راح انزلهن بالحديقة يم موكب شويه شسمه الدكتور يگول نفسيتهن زهگانه.
-هاا خوش
حجاها واسمع صوت رنـــه يمه تبجي وتگله
-خاف جذابين ماتت.
طــروادة ؛؛ لا اله الا الله
وهو يحجي وياه أجه سليم اطاني الجواريب وعاين السلطان يريد يعرفه ويامن يحجي
سلطان:: هههه اكلك تعال جيبها يمهن، گدامك احنا ماكو عشر دقايق بالحديقة البالجزره الوسطيه.
يحجون وانه لبست الجواريب سد التلفون سلطان ونزلت وياهم كاضه هاجر من ايدها عبرنه الشارع كعدنه انه وهاجر على المصطبات ســليم واكف گدامنا، يعاين للشارع بين السيارات
وسلطان راح للموكب منطينه صينيه صغيرة وبيها اربع استكاين نومي بصرة انطانه وهوه وسليم ضلوا واكفين گدامنه لمن شافوا سيارة مــيثم جاي بيها طــروادة ورنه يمه، بينا وبينهم شارع.
هستوه صف السيارة الولد يعاينون عليه نزلت رنـــه واجت تركض بلا ما تعاين للشارع الولد مشوا عليها بساع وطرواده غطه وجهه وهيه تركض وعبايتها طايره وراها عبرت الشاررع ومن بين ســليم وسلطان فاتت بخوف شبگتني وسليم يهمس بغضب
-الوووادم منااه رررريمه.
جريت ايدها مني بخوف وطرواده إجه بعصبية وهيه من كل گلبها خايفه لمن وصل يمنه طــروادة گالها
-شلون تركضين هيج رنـــه بله اندعمتي.
سكتت تعاينلي وترد تعاينلي حاجوه الولد دار وجهه يسولف وياهم ابتسمت احاجيها
-شبيج؟
رنـــه :: متت من آلخوف عليج شفتهم شايلينج شلون الميته.
-هسه جا اندعمتي انتِ ومتي
سكتت قريت الخوف بعيونها كاضه بأيدي وتمسح عليها والولد واكفين گدامنه يسولفون بينهم مدري شعجب خلونه هيّج كاعدين مشه سلطان للموكب اخذ الاستكاين العدنا وجاب اثنين جديدات لطرواده ورنه شويه واجت البنيه اللي اشرتلي مساع بگد زهره وجها ابيض يخبل وملبسينها دشداشة سوده ومكتوب عليها يا رقية وحجاب اميره اسود طالعه تخبل تعاين علينه لمن صحنالها اجت يمنه وهاجر مكيفه عليها
درت راسي اعاين للولد واركز بحچيهم صارت عيني بعين طــروادة دار عيونه بساع مره يعاين لسليم ومره لسلطان وبكل مره يدور بيها من واحد الواحد احس عيونه تجي عليَّ گالهم
طــروادة :: على اساس اليوم نروّح للموكب انا وميثم وگلنه نجبر صــيهد نأخذه ويانه بس بعد السلطانه گلبت الدنيا خلتني ما اندل دربي منين.
سلطان:: هههه غير صاحبتها، يابه لحد يحاچي رنـــه تروح تمد لسانها علينه هنا وتشهرنه.
ابتسمت اعاين لرنه وهيه رافعه حاجبها تعاين عليهم ما راضيه يحجون عليها، گاله ســليم
ســليم :: صــيهد ما گاعد تره يوميه ببغداد
تحسر طــروادة بقهر ويحجي همس مايرينه نسمع
-ادري بيه عل گـــلبي .
سلطان:: ماجاي يداوم مو؟
طــروادة:: لا النوب الانذارات تتراگع امس حتى انا دگوني نذار بس بلكن مــيثم يرد لشغله بالكليه عاد جماعته هواي تصير عدّنا واسطه
ســليم::شعلان يخليه؟
-والله ما ادري گال احاجيه لان همه يردونه بس يرجع لوظيفته.
ريـــمه ::درت عيني لرنه تسألني لان ناسيه
رنـــه:: هوه مــيثم چان شيشتغل؟
-داوم سنة بالكليه وكعد موظف وجدي گاله بطل.
-أمداني كون يرجع.
سكتت اعاين للولد ســليم دك تلفونه وبس شاف الأسم ابتعد يكح جاوب بعيد عنه حتى ما انسمعه منطينه ظهره، وسلطان اخذ الاستكاين يريد يوديهن ضل بس طــروادة واكف گدامنه راحت يمه هاجر مدتله ايدها ضحك گالها
-صرتي چبيره بعد ما اگدر اكض ايدج
-هاجر تعاي
همست بصوت تعبان اجتني وهوه دار عينه عليَّ ورجع دار وجهه طلع من جيبه ككو وصاح الهاجر انطاه الها يحاجيها
طــروادة :: اموت عليج انا، لا تضوجين من عدي اضل اخوج حتى لو ما اكض ايدج لان حرام مو صح؟ نضل اخوه؟
هزت راسها مبتسمه ااي رجعت كعدت يمّنا والبنيه بنت أهل الموكب تحجّي وياها وهاجر بس تهز راسها مره لا ومره اي
اجه سلطان وكف يم طــروادة وسليم بعده يخابر و رنـــه بس سمعت القصيدة المشتغلة گالت الطرواده
-طرواده چم مره گتلك احفظ هاي القصيده حتى تقراها الي ما تحفظها لان انا احبها؟
ابتسم ساكت لمن اجه سليم گال السلطان
-روحوا وي طــروادة وانا خل اروحن للمعامل جدك يريد أجيب الفلوس.
اتفقوا وگمنه عبرنه وي الولد ســليم راح واحنا صعدنا وي طــرواده بس طلع من الازدحام شغل اللطميه الرنه وقره وياها صوته حيل حلو، سلطان طفه المسجل وگاله
-عيدها عيدها بس بصوتك
ضحك طــروادة يقراها وأعاين الايده على الستيرن يحركها وي كلمات القصيده من يقراها
طــروادة:: اخذ روحي ونظر عيني لابو السجاد وديني يسجلني.
عبير رابه اشتمه واريد بدفتر الخدمه.. يسجلني.
اجيت وگلبي ملهوف اريد العالم تشوف..يسجلني
روايات المشي كثرة المشى خطوة أخذ أجره
الف حجه الف عمره ... زرعت الشوگ بدروبي
اجيت اركض يمحبوبي ازورك وأمسح ذنوبي
مشيت أيام وليالي لجل عيناك يالغالي
ولا غيرك شغل بالي .... يسجلني.
ريـــمه :: رد شغل المسجل لان ماحافظها كامله الشوارع جانت ازدحام خاصه العصر من تطلع المواكب، ردينه للقرية هستونه نزلنه وطبيبنه للبيت لگينه الاء تصرخ عدهاا ولاده سلطان رد اخذها هوه وامي وراح.
وبالليل وره التسعه يله ابوي خابر على سلطان گاله جابت ولد
جان بنفسه يسميه سيف بس الاء مارضت وسمته غيث رغم مره سمعتها گالت ماحب هالاسم بس المهم تعاند سلطان وهوه يسكت يگول ميخالف بالنهايه هيه التعبت بيه حقها، لمن اجوا
شفت الضحكه بوجه سلطان فرحت بكلن تتحسن علاقتهم ويمشون سوا الخاطر هالطفل، وثاني يوم من الصبح اجن امها واخواتها امي تكلهن اخذنها يمجن اذا تردن وهنه يگللها لا يمج تضل هيه تحبج.
وفرح تضحك وتگلهن "حتى عمتي تموت عليها"
""""
مــاسه :: امي حايره بالولد وبجوري وخالتي عبير كلساع مخابرتها تريد تجي تحجي وي اهلي ويقرون الفاتحة مارضت امي گالتلها لمن صــيهد شويه يصير زين، سكتت اخذت تعقيم واللفاف ورحت للمشتمل يم صــيهد، وهـــب كاعد يفتح الفاف من ادين صــيهد وهوه لازك على الجرح نگعهن بماي لمن انشال من الجرح عقمهن وهوه يگله
وهـــب :: ديربالك عليهن خل يطيبن.
-ميخالف.
سكت وهـــب لفاهن اله شلت الماي من يمهم ورجعت اعاينلهم تلفون صــيهد بصفي من دك قريته مكتوب أم محمد بلعت ريك من عرفتها خالتي عبير انطيته التلفون وردت بس أشرد بس هوه أشرلي ضلي رد عليها وحاط ايده على كصته وره ماسلمت عليها ضل ساكت فترة وگالها.
-مو هسه.... خاله انا گلت الامي من تكضي السادس.
حجه وعاينلي مضيك عيونه دنگت بخوف اعصر بأصابعي وهوه ساكت يسمع الخالتي رجع گالها
-الله كريم،... ميخالف الله كريم.. الله وياج.
سد التلفون عافه يمه وعاينلي گال
صــيهد:: عاينــي من الاخير محمد ما يوصل لأظفر مــيثم خوش؟ وانتِ بكيفج انا ما اوگف بوجهج بس العلي اسويه.
دنكت ساكته وطبت امي سمعت حجي صــيهد گالتله
ايمان:: صــيهد يمه لا تدوهنها محمد موظف وبالمدينه وخالتها تحبها وحنينه عليها.
صــيهد:: مــيثم حاچه نعلان وهم باجر يرجع الوظيفته اثنينهم يداومون بالكليه واصلاً مــيثم اعلى من محمد اذا تدورين ماديات!
وامي شهكت مقهوره
ايمان:: ياا يمه صــيهد انه تحاچيني هيج؟ هاي اختك وهذا انتَ مالي غرض بيكم المن ماتريد اطيها.
حجت بقهر وطلعت راحت للبيت مسح وجهه ووهب يحجي عليه لان گال الامي هيج عاينلي گوه على روحه يحجي
-رايده قندره ابن خالتج انتِ؟
دنكت مختنگه وخايفه صاح بنتر
-ما تحجيييين؟
فزيت اعاينله
-بكيفك.
حجيتها صوتي مختنگ والدمعه مچلبه بطرف رمشي أشرلي وهـــب اطلعي مشيت للبيت اركض، صعدت يم البنات جــويريه نايمه وبدور تكتب مسحت دموعي ما رديت عليها من سألتني شبيج، سكتت حضرت هدومي وهدوم جويريه تمددت يمها وأمسح بدموعي حجيت على امي بگلبي سنة صار تگليلي محمد يريدج وخليتني اتعلق وانعجب بيه وهسه تگولين الصيهد اطيها وين ما تريد، احجي وابجي مقهوره من حجيها الحد ما غفيت وفززتني دگة الباب
عاينت للساعة بالخمسة الصبح گمت فتحته صار بوجهي صــيهد عاين للغرفة جوري بفراشها بس فاتحه عينها طب للغرفة
ثنه رجله وكعد گدامها وهيه تعاينله بخوف فتح تلفونه وداره عليها يراويها وهيه تغمض وتفتح تريد تركز بالصورة الحد ما استوعبت فتحت عينها حيل وصرخت مفجوعه سد حلگها بأيده ذب التلفون بصفه وجراها الصدره
تقربت يمهم ارجف خايفه وبدور فزت مافاهمه شي عاينت للتلفون مفتوح على صورة جثة مدمايه فتحت عيني حيل مصدومة الوجهه كله دم واعاين عليه ضام جوري حييل الصدره ويحجي بحرگه
صــيهد:: اشششش اششش حگج هذا حگ شرفي وعرضي الحط أيّده عليهن.
وهيه روحها رايحه تبجي وترجف وخرها من صدره يمسح عيونها ويوخر شعرها من وجها تشهگ گالها
-اذا اشوفنج تبجين عليه اموتج وراه، چلب وفطس ليشش تبچين هاااه ليشش؟
وجوري ترجف وتهتز كلها، وهوه كضاها من زندها بغضب تسودن لان بچت هزاها من زندها يحجي من بين اسنانه
-لا تبچييين!
جريتها من ايده بخوف شابگتها وهمست صوتي مخنوگ
-ما تبچي عليه تبچي من الصوره تخوف.
سكتت ويعاين بغضب وجوري ترجف بأيدي مسح وجهه وضل كاعد يهدي بروحه وجوري مدري شتهمس صوتها مخنوگ ما افهم شتحجي وهوه عاكد حاجبه مركز وياها الحد ما فهمها وگالها.
-ابوج لو لاگيه اي اكتله بس ما لگيته.
وهي تضم روحها الحضني اكثر وتهز راسها لااا، جراها من أيدها وهيه خايفه بس تريد تفلت روحها منه گالها بتهديد
صــيهد:: انا راح اروحن اضل شهر شهرين سنة سنتين عشرة، لو مو ابوچ لو عشريتج كلها توكفلج بالشارع وتگلج تعاي ويانه ما ترحين فهمتي؟ شعلان اذا وگفلج بالشارع وگالج تعاي وياي ماترحين ماترحين وي اي بشر رجلج على رجل مــاسه سمعتييي؟
هزت راسها اي وتجر بروحها من عده عاف ايدها ردت الحضني ضامه وجها حيل وانه اعاينله باستغراب واردد كلامه براسي وين يروح؟ احنا عشاير وناس تكتل ناس مايوم الشرطه تدخلت وحتى لو تدخل هيج بس إجراءات تكفاية شر كلشي ما يسوون ليش هسه يگول رايح وين رايح؟ اسمع صوت هوسه جوه ومافاهمه شي وهوه مد ايده بجيبه طلع فلوس گد ميتين الف خلاهن جوه فراشها ووگف يعاينلي
-ديربالج عليها.
حجاها وطلع صحت وراه خايفه
-صــيهد.
وخرت جوري من حضني ومشيت وراه بخوف اعاينلهم ملتمين بالهول كلهم يحجون ويصيحون عليه وگفت بمچاني ابوي اجاه بساع جراه من ياخته طگه وهوه يگله
صــيهد :: ما اعوفن حگي اذا انتم تسكتكم فلوس انا ماكو شي يسكتني.
وابوي رد يطگ بيه وهوه وجدي يصيحون ويغلطون عليه والتلفونات تدك ربع ساعة ودوريات الشرطه إجت بچيت بخنگ وهوه يعاين الامي الواكفه بباب الغرفة الدموع تارسه عينها بس ما تتنازل وتبجي مشه يمها باسها براسها گالتله
ايمان:: عفيه ابني عفيه بالياخذ حگه روح يمه روح مودع بالله.
دار الجدي گاله
صــيهد:: شعلان حرك الملايين وطلعني بساع ترى كل ما ابطي بالسجن اجرن واحد منكم وياي.
حجاها وجراه وهـــب يگله
-ديربالك تعترف
-بيمن؟
يحجي ببرود ووهب ينشال وينرگع من القهر جراه حيل يصيح
وهـــب ::لا تعترف بالتحقيق انتَ الكتلت ياسر.
صــيهد:: هاه مات؟ الله يرحمه.
يحجي بقمة البرود واحنا محتركين حرگ طلع هوه ووهب ركضت صعدت اعاين من الشباج وابجي واشوف الولد كلهم ملتمين وهادئين عبالك يدرون بكلشي آخذوا صــيهد وراحوا والولد صعدوا بسياراتهم وراحوا وراه رجعت يم جــويريه وهيه تهتز كلها ميته من آلخوف صعدتلها امي تحاجيها وتبجي مسحت وجها تگلها
ايمان:: ابني مثّل شامل عمه على حگه ما يسكت.
جــويريه :: يكت.. يكتل ابوي جهاله جهاله خطيه.
تبجي وتحجي بخنگ امي مسحت وجها تگلها
ايمان:: لا ما يحاچي ابوج هذهو اخذ حگه وكتل هالچلب، لا تبجين هوه رايح ويوصي عليج يمه جــويريه.
مــاسه :: امي تريد جــويريه تسكت وهيه بنفسها ماگادره تكض دموعها نامت جوري على رجل امي عفتها نزلت جوه كعدت على الدرج اسمعلهم ابوي يخابر بصفحة وجدي يخابر بصفحة، جدي يگلهم صــيهد لحد يحقق وياه ولحد يطگه
هلگد اطي وهلكد اودي
ورد خابر ابو جــويريه اسمعه يگله
شعلان:: انتَ واخوتك اجرك للسجن ولك تشتكون على صــيهد.
وهذاك مدري شنو يگله لمن اجاه ابوي وفتح السماعه يله سمعته يگله
-حجي اخوتي محترك گلبهم ما اگدرلهم بس هل تبرّد نارهم وانا أخلّيهم يتنازلون.
شعلان:: اجرنكم من فاتحتكم للسجن ولك تلعب وياي؟ تروحون هسه تگلولهم مو هوه الكاتل ابنه وابنكم عده طلابه وي غير واحد صــيهد لو ما طلع الليله اگلب فاتحتكم فواتح.
وسد السماعه طلع بره الحوش يهدد ومر اليوم مثل السم صــيهد راساً نقلوه لبغداد علمود التحقيق
جــويريه امي گدرت تسكتها والولد يردون يرحون ورّاه البغداد چلبنه الوهب حتى نودي اكل الصيهد لأن ندري بيه مايحب اي شي ،
رغد طبخت وحطته بسفرطاس وانه حطيتله هدوم وسبحه وعطره احضرهن وابجي مختنگه بغرفته اعاين ملازمه وسجلات الكليه اللي ماداوم بيها غير چم يوم جريت ورقه منهن شكيتها كتبت
-انا مــاسه صــيهد حطيتلك كل غراضك ديربالك على روحك احبنك انه وانتَ احسن اخو بهالدنيا.
اكتب ودموعي تجري طبگت الورقه وخليتها وي السبحه بجيب القميص اخذتهن الوهب واكف يم رغد بالمطبخ اطيته الهدوم گال
وهـــب :: عليمن تبجن؟
رغد:: عليك الحسين وهـــب ، صــيهد مايضل بالسجن؟
-لا يابه يا سجن اظن باجر يطلع ماعليه لا دليل ولا شي واهل جــويريه گالولهم مو هو الكتل ابنا احنا نعارف القاتل يكملون تحقيق ويطلعونه شني السآلفة.
اخذ الاغراض من عدنه وطلع من طــروادة دگاله هورن، وعدت اول ليله وجدي كاض گلبه بأيده يخافون صــيهد يسويها ويعترف واذا اعترف همه هم ينجرون وياه بالاخص التحقيق ببغداد مو يمنه ويحلها بواسطاته رغم هم عده واسطات غاد بس تضل مو مثّل اليمنه.
ثاني يوم من الصبح كعدتنا امي وكعدت جــويريه اللي وجها اصفر وحالها حال گالتلها
-اليوم ترحين للمدرسه شني اخذج الواهس ضالّه نايمه كون اگل الصيهد عليج هسه.
تحاجيها وتضحك گوه على روحها بس تريد تغير من نفسية جــويريه، جرتها من ايدها ودفعتها للحمام غسلت واجت يمنه بدلنه ونزّلت ويانه رايحه روحها عبالك طالعه من الموت.
جدي وجده گاعدين بالهول بس شافوها جدي تفل عليها يغلط
شعلان :: لا بارك الله بيج بس الطلايب وراج.
ايمان:: تعالن تريگن يمه.
جريت جــويريه ومشينا للمطبخ يم امي گوه اكلنا ورحنا للمدرسة وديتها الصفها ورجعت لصفي وحده من حفيدات بيت غانم وياي شكد تلغي وشكد تسمعني حجي وانه مغلسه منها بالي كله يم جــويريه وكل ما تصير فرصة اروحلها اشتريلها واكعد يمها أجبرها تاكل، نريد اليوم بس يخلص حتى صــيهد يطلع بس ماصار هيج عده اليوم الثاني وصيهد ما طلع
وباليوم الثالث جان اصعب يوم وكل واحد كاعدله بصفحة يفكر وولدنا ماضل واحد منهم بالقرية كلهم من الصباحيات راحوا البغداد متانين واحد يخابر بگلبنه نار عبرت الوحدة وسمعت تلفون امي دك غمضت عيوني بخوف جــويريه كاعده بصفي على الدرج وسانده راسه عليَّ، سمعت امي گالت بخوف
-ها يمه وهـــب ؟
وسكتت فترة روحـــي راحت بيها فتحت عيني اعاينلها تسمع ودموعها نزلت رجفت شفتي اريد ابجي واعاينلها صاحت
-الف الحمد والشكر الك ربي
سمعتها نزلن دموعي وانه اضــحك وجوري تهمس بصوت مخنوك
-طلع ؟ مــاسه طلعوه؟
هزيت راسي اي وامي بس سدت التلفون كعدت بالگاع تبجي محترك گلبه لان الصبح ميلاد وسعاد كعدلها بالباب يتشمتن بيها ويگللها مايطلع بعد حركن گلبها حيل.
ولا چنهن ساعات عبالك عمر بس نريده يجي كلساع وحده من عدنا صاعده فوگ تعاين للشارع ، ووين للغروب يله وصلوا ركضنه نعاين من شباچ المطبخ بس جــويريه ضلت على الدرج وهمه الولد هوستهم بره الحوش لمن طب للحوش وطلعتله امي توصل لبطن صــيهد وشبگته وهـــب ميت من الضحك وصيهد ما على وجهه ضحكه باس أمي براسها ويحجي وياها بهدوء جدي واگف گدامه گاله
شعلان:: بعد لا تطلع من شوري حتى ما تخيس بلحبوس.
صــيهد:: والله بكيفك بعد بس احسب حساب انا من اطيحن ما اطيح وحدي برأس القائمة انتَ وراك شاكر وابوي واحتمال حتى الولد اجرهم ماعدي مشكلة.
ضحك ابوي وهوه يگله
وليد:: ههههه يتشاقى، حب جدك صــيهد راحت روحه لمن طلعك.
وصيهد يعاين الجدي رافع خشمه وجدي شال ايده
شعلان:: ما اريدنه يحبني.
وطب للديوان صــيهد هز ايده واجه للمطبخ عاين علينا ثلاثتنا اخواته نبجي عكد حاجبه بساع يصيح
صــيهد:: ياهو وياچن؟ ياهو محاچيچن؟
ودار على امي يصيح
-ياهو محاچيهن.
ايمان:: خايب يمه محد يبجن عليك.
وهـــب :: كون انا المسجون جا محد بجه عليَّ
مــاسه :: وهـــب يحجي يضحك واحنا نعاين لصيهد لا هو فتحلنه ايده ولا احنا رحنه لحضنه مشه من يمنه مد ايده على راس رغد ودار عينه الي
-اشش كافي
عاين لبدور
-كافي الكسلانه.
وعبر من يمنه غسل اديه ووجهه دار عينه الي ومن عيونه عرفته عليمن يسأل مشيت يمه گال
-وينها؟
-فوك.
-زينه؟
هزيت راسي اي سكت دار الامي كالها رايح للمشتمل اسبح.
طلع واحنا نسوي بالعشا جــويريه بعد مانزلت وديتله عشاه هوه ووهب للمشتمل اديه بعدهن ماطايبات ويوجعنه بس حطيت الصينيه بينهم كضاني من اذاني
صــيهد:: وولج شلون تكتبيلي رساله كلها عرفت اسم اختي.
چلبت بأيده ووهب يضحك ويقلد
وهـــب :: انا مــاسه انتَ احسن اخو طاحظج مهاجر هوه؟
عاف اذني ابتعدت اعاينلهم لا هم معصبين حتى ابجي ولا هم يضحكون حتى اضــحك گال صــيهد
-لو كاتبه انا اخوك جبار اعرفنج مــاسه.
ضحك وهـــب وصارت طبه قوية وره شباج الغرفة وراها ندك الشباج وصوت طــروادة يگله
طــروادة :: افتحلي الشباچ حبيبي، ما گدرت افارگگ.
ابتسم صــيهد ودار علي يأشر روحـــي بساع طلعت اركض من يمهم .
وهـــب :: طب من الشباج ضحكت شبگ صــيهد حيل
-شني چان مسافر؟
صــيهد:: مالك غرض انتَ.
ضحكت كعدوا ملتمين احنا ناكل بس طــروادة ماياكل شي من بيوتنا گتله
-چا تعال من الباب.
طــروادة :: لا مو انا حالف ما اطبن من الباب.
سكتت اتذكر گبل من صــيهد خرب الشباج وشال حدايدها حتى طــروادة يجي يمه يدرسون للسادس بدون ماشعلان يشوفهم ويقهر طــروادة .
شويه والتموا الولد كلهم بالمشتمل يمنه يردون يغيرون من نفسية صــيهد بس ما گدروا لان بس يدخن وماله خلك روحه تمدد على الچربايه كمنا طلعنه من يمه.
"""
رنـــه :: صايره ما الحگ اخلص دروسي لان اضوجن على طــروادة ما اريدنه يساعدني بالبيت هوه هم مايلحك بين الگيعان وبينّ الكليه وبين صــيهد كل يوم يروحله ضايج عليه.
وانه ادرس حسين وزهره كلمن وحده وادرس وشغل البيت گمت
حتى ما انامن من وكت واتأخر ل١١ يله انامن، عفراء طولت حيل ما اجت بس تخابرنا واحجي وياها من تلفون طــروادة واسأل على شموس، اخر مره خابرت گتلها
-تعالي يمي بليلة الحجه ترى ما اروحن وياهن وحدي.
-ليش روحـــي البيت حمود حجّي وياهن.
-ولا اروحن تعاي يمي انتِ
-يله خوش اذا البنات اخوات منذر ما اجن لان زحمه اذا اجن ما اگدر اعوفنهن.
-يله خوش عفره بوسي شمس خل اروحن انام شويه حتى اكعد من الصبح عدي امتحان وتحاضير هواي باجر
-سوده عليَّ، يله خيه الله وياج بوسيلي حسين وزهره.
سديت منها وديت التلفون الطرواده واكف يم الطباخ ياكل والملزمه بصفه يدرس بيها
-اكعد واكل ليش واكف.
-لا اريد اروحن للگيعان.
ضليت اعاينله شلون ماعده وكت ويحاول يدرس حتى وهوه ياكل مانمت مشيت طلعت كتبي كملت واجباتي وامتحاني درسته للوحده يله نمت وفزيت على صوت قطرات المطر عاينت للساعة كوه فاتحه عيني بعدني نعسانه هستوها بالخمسه گمت طلعت بساع مطر خفيف والجو برودته حلوه غسلت وصليت طلعت للحوش اعاين الولد مغطين الماطور وطرواده مسوي مثل القمرية للصخلة.
مشيت للتنور حطيت الحطب واعاين شويه شويه المطر يقوة رغم مو ذيج البروده بعده الشتا توّه يوصلنا هستوني شعلت التنور ومطرت حييل غطيته وركضت للبيت فاتحه الباب واعاين وصوت المطر يرشگ وفجأة راحت المطره وضل قطرات خفيفة بس صارت طين وهوسه رديت للتنور شلت الصينيه وشعلته
دخن لان لاحه مطر گوه اشتعل عفّته ومشيت يم گن الدجاج فتحته الهن ولا عبالك مطر هذا المستهتر الديج الابيض گبل طار وصعد على السياج.
كضيتلي عصا أريد ارجعه طفر بره السياج تحلفت بيه صعدت على الگن احاجيه والدنيا تمطر عليَّ وتنوري راح يطفى ساعه تمطر حيل ساعة خفيف وهذا دك الناقصه وطفر بره هو صوجي فتحت الباب الهن.
-تعال لا تحرك گـــلبي اسويك تشريب اصفر.
طار صعد على السياج ونزل بالگاع رجع للگن هستوني اريد انزل ولمحت واحد يمشي على الشارع مدنك ملثم. وضام شي بملابسه ضليت اعاينله من عرفته بريا صارله مده مايحاجيني مرتاحه منه وصل شويه عن بيتنا ولمحني وگف بمچانه فتح الچفيه من وجهه فتح الترواكه اللي لابسها فوگ هدومه وطلع منها بزونه صغيره مبلله تقرب يمي شال راسه يعاينلي وانه بس ودي اخذها من أيده گال بهدوء
-صباح الخير.
ضليت ساكته عاينتله مبلل من المطر ورموشه ملتمات كل مجموعه سوه وجفنه احمر وي لون عيونه الازرك حسيّته عبالك يكسر الخاطر، من ضليت ساكته دنك عاين للبزونه وهيه تنوص
ضامها بهدومه گال
-انا تلعب روحـــي منهن بس لكيتها بالزرع واذا تضل غاد تموت تردينها؟
هزيت راسي اي وهمست
-بس طــروادة ما يرضى لا احاچيك ولا اخذ شي منك
مسح وجهه هز راسه أي گال
-روحـــي راح ادك الباب وخل يطلعلي هوه.
-خوش.
نزلت من گن الدجاج حسيته بيه شي يحجي وياي بتعب ما ادري شبيه طبيت للمطبخ وندك الباب توني اريد امشي اكعد طــروادة وهوه طلع ضليت اعاين من الشباج وكل تركيزي وياهم حتى أسمعهم گاله
بريا:: هاي لگيتها بالگيعان خطيه بس تضل تموت.
طــروادة:: خطيه حطلها حليب بصحن وديها الميثم يعارف شلون يداريها.
بريا:: مو مــيثم نايم هسه تعبان، انتم تحبون الحيوانات اخذها.
سكت طــروادة يعاين لبريا وبريا مدنك والبزونه الصغيره بأيده
اخذها منه گاله.
طــروادة :: اي زهره تحب البزازين.
بريا:: اي، يله خويه اخذ راحتك.
مشه بريا صاح وراه طــروادة
-ضل تريك هنا.
-لا وي مــيثم رايح.
حجاها وراح، كعدت بساع يم صينية العجين طب طــروادة گال
-رنـــه تنورج هفت ماضلت بيه نار.
وانه مدنكه واكله
-شنو هاي البأيدك؟
عاينلي ساكت جابله خاولي وخله البزونه بيه ينشفها لونها اصفر على برتقالي، عفته لان بس اضل يمه راح ابين انا متفقه وي بريا، طلعت للتنور نشلع گـــلبي بالكوه خبزت ورجعن لكيته يحاول يشربها حليب طبيت للمطبخ گتله
-هاي الي جبتها؟
-اممم.
-منين؟
عاينلي وانه احط الخبز بالجدر گال
-سلطان لگاها بالزرع.
-ها حلوه بس.
-اي.
سكت مشيت كعدت حسين وزهره وعبود شلع گـــلبي مايرضى يكعد سحله طــروادة سحل يله كعد تريكتا سوه وهيه يمنه عبالك موجوعة، عفناها بالبيت ومشينا للمدرسه وصلنه حسين وزهره ولنوب المدرستي رحت حجيت وي بــدور ومشيت لصفي اول درّس أمتحنا وثاني درس ادور على دفتري وماكو وهيه ام العربي تفتش على الدفاتر وگفت من دون البنات گتلها
-ست والله كاتبه انه بس ناسيه دفتري بالبيت.
بأيدها عوده من خشب عريضه طكت بيها على الرحله وهيه تگلي
-مدّي ايدج.
ضليت أعصر بأديه عمــري كله ما واصله العوده الأيدي بالمدرسة
-ست بيش احلفلج كاتبه
خزرتني تصيح
-مددددي إيدج.
البنات يعاين كلهنّ وكلهن يخافن منها اكثر وحده عصبيه وما تتحاجه مديت ايدي الها حطت ايدها جوه ايدي ورفعت العوده حيل وغصب عني سحبت ايدي بساع طكت روحها وتسودنت
گلبت الصفّ بالصياح مديت ايدي شالت العوده ليفوك حييل ونزلتها على ايدي احس عظام اصابعي تكسرن شهكت متسودنه وموجوعه وهيه تصيح
-فتحيهاااا بعد.
وانه ضامه آيدي الگلبي وفاتحه عيني حييل ما اريد دموعي تنزل، ايدي كمت احسها تنبض من الوجع وأطرافها تخدرت
مصدومه گـــلبي وگف مدت ايدها علي تريد تجر ايدي جريت روحـــي منها وفلتت جنطتي من الرحله مختنگه وهيه تصيح
- بس تطلعين افصلج.
وگفت بباب الصف دموعي نزلت احجي مختنگه
-لو ما ابوي موصيني احترم المعلم مهما سوه چان عرفت شلون ارد عليج.
شمرت العوده علي طكت بالباب مشيت بساع اريد اطلع من المدرسه ايدي موتتني من الوجع وهيه طلعت وراي تصيح والمديره طلعت من الاداره صاحت عليها
-ست افصليهااا افصليهاا هاي مو مؤدبه.
لبست عبايتي ومشيت الحارس جان فاتح الباب لأم الحانوت طلعت وهمه يصيحون علي امشي وروحي محتركه حرك ايدي حيل توجعني، ضليت ارجف وحلكي ناشف الطريق طويل ينرادلي ساعة الا ربع يله أوصل للبيت وادري بإخوتي مايرضون ارد مشي بس والله ما اضل وهاي المدرسه بعد ما اوصلها لو ابطل.
أمشي بحرگة مدنكه حتى دموعي ما تبين واحس سيارة وصلت يمي خففت وواحد صاح
-تعااااي.
ضليت مدنكه وامشي وگلبي يدك حييل وهيه تمشي وياي
-اوووكفي رأح انزلج.
مشيت ارجف الشارع فارغ وحتى بيوت ما يمي بعيده عن الشارع دنكت للگاع شلت صلابيخ ودرت عليهم والگاه وهـــب خازرني
وهـــب :: مو اصيح عليج اناااا؟
ذييت الصلابيخ من ايدي ومشيت بساع فتحت الباب وصعدت وهوه يحجي عليَّ مسحت دموعي
-شبيج؟
-تعاركت وي المدرسة طكتني. بأيدي حيل عاين.
شلت ايدي اله وجعها حيل قوي عاينلها وغلط على المُدرسة لمن وصلنه للقرية نزلت صاح وراي
-اخذج للمستشفى رنـــه توجعج حيل؟
طبيت بساع للبيت اريد ابجي حيل ولگيت عفراء بوجهي سلمت عليها وانه دموعي مغرگه خدي واحجيلها بحرگه ايدي صارت زرگه ساعة وطرواده اجه من الكليه خايف عليَّ احجيله وابجي واحلف
-بعد لو اموت ما اروحن الهاي المدرسه.
طــروادة:: اانقلج للثانويه وي مرت صــيهد واخته؟
-اي.
كاض ايدي ويمسح عليها وانه بس ابجي مستهضمه گال بحرگه
طــروادة :: والله من راح اشتكى عليها بالتربيه وطيح حظها.
وعفراء مارضت عفراء حتى الكاتل ابونا تسامحه كلّه عدها
"لا ميخالف الله موجود هوه اليحاسب" طــروادة گال وره عشرة محرم انقلج ، سكتت كمت من يمهن عاينت للبزونه ناشفه وشويه شويه تعدل حالها. طبيت للغرفة يم شمس ابوسها واحاجيها شويه وكمت يم الباب اسمع سوالف طــروادة وعفراء احس عدهم اسرار گالها
طــروادة :: سكتت من شفت خيال رنـــه جوه الباب تتصنت بدلت وخابرت صــيهد اجاني اخذته ورحت للگيعان بعده ماله خلك
-نروح العصر للموكب؟
صــيهد:: لا روح انتَ مالك غرض بيه.
-ما اروحن بدونك
سكت كعد على صفحة يدخن كملت شغلي بالگيعان ورديت كعدت يمه احاجيه
-شبيك؟
صــيهد:: اريد اكتل شعلان.
-گول يا الله شني السالفة.
سكت مدنك
-صــيهد السالفه صارت ونحلت وحگگ اخذته كافي بعد .
صــيهد:: شعده وي بيت غانم؟ صايرين كلش مايتفارگون.
-والله علمي علمك، اول امس يگلي تروحلهم فـــدوه يجي يوم اطردنك من گيعاني واخليهم بمچانك هههه.
ضحك صــيهد يعاينلي عيونه حمر
صــيهد:: الا انا ما اشمن الهوه يله يگدر يطردك.
-لا يحلم يطردني گيعان ابوي لو اموتن ما اعوفنهن.
نحجي واجانه مــيثم توه راد من الدوام گاله صــيهد
-ها الموظف!
كعد يمنا، مــيثم اول ماتخرج داوم بالجامعة موظف بالشؤون وشعلان سواله سالفة خلاه يعوف وظيفته هسه گدر يرجع.
مــيثم :: جايبلكم بشارة
صــيهد:: انتَ تجيبلي بس الانذارات،
مــيثم :: لا ابشرك فصلوك.
طــروادة ::وانتَ كلشي ما سويت؟
-جا انا شني دكتور مثلاً لا يمكم ولا يقسمكم
صــيهد:: اخر جذاب ابو العلاقات حتى العميد عدك علاقة بيه رجعني انا زلمه أريد اداوم
مــيثم :: ههههههه اتشاقه وياك بس لا تغيب بعد صدّك حرامات.
طــروادة :: گمنا ثلاثتنا من شفنه جدي وبيت غانم يم گيعاني مشينه يمهم واكفين على النهر ويخططون منين يگطعون ماي گالهم صــيهد
-هيج گيعان طــروادة تضل بلا ماي.
شعلان:: ياهي مالتنه ؟
ضحكت اعاينله
طــروادة :: بكيفك جيب حفار شفل شتجيب جيب ارميه وروح ابوي وفنه لوصل وسد الماي.
""""
رنـــه :: رد طــروادة للبيت. محترك حرك متعارك وي جدي ويحلف كل يمين اذا سد الشط يكتله وعفراء تهدي بيه رايحه روحها واليقهر عمي شاكر ماله غرض ومحد يمه اجه يتهدد بالباب طلعله طــروادة وهوه يصيح
شاكر:: شني بكيفك ماكو حفار يوصل؟
طــروادة :: سد حلكك وامشي رد منين ما اجيت.
وهوه هد على طــروادة يريد يطگه طــروادة دفعه يصيح
-والله لو ما عيون الولد توگف گبالي الا هاي ايدك اعلگها برگبتك.
وشاكر يغلط ويسب ويصيح
-اذا ماطردتك معتب.
-يلللله امشي مناه.
وطب طــروادة يفور من القهر وعفراء تحاجيه بهدوء غسل وجهه مقهور گتله
-خل نشتري بيت بعيد ونطلع مناه.
عاينلي خازرني
طــروادة :: وروح ابوي ما اطلع من گاعي لو على كص رگبتي.
حجاها وطب للبيت درت عيني العفراء احاجيها
-خاف صدك يطردونه هذول؟
عــفراء:: لا ما يگدرون شعلان يخاف من العشيرة يحبون طــروادة ومايرضون يطرده وهوه ما مسوي شي.
سكتت بحيره، وره العشا الولد ذبحوا خرفان حتى يطبخون ويوزعون باجر بالتشابيه .
ام صــيهد ودت علينا علمود الحجه گنالها مانروح وضلينه انه وعفراء وزهره بالبيت وكلساع اطلع للحوش اعاين على الولد شلون ملتمين ويطبخون. هالمره ولا واحد منهم راح يمثل بالتشابيه.
القزانات تفور وهمه يسولفون بينهم وجابوا طاري غيث ابن سلطان راح للبيت جابه واجه يمهم وهمه واحد واحد يبوسونه ويحطوله فلوس وسلطان يضمهن بجيبه ويگلهم شكراً عمو وصل يم صــيهد گاله
صــيهد:: خل يبوس ايدي واطيه خمسه وعشرين.
سلطان:: والله صــيهد اول ما يبدي يفهم اخليه يتفل عليك لأسباب خاصه.
ضحكوا كلهم بس هوه صــيهد ماضحك كاعد على الكرسي يعاينلهم من يضحكون اضــحك ومن يسولفون اركز بسوالفهم.
دنكت بساع من لمحني بريا بعد ماشلت راسي وعاينت خاف طــروادة هم يشوفني ويحجي عليَّ رديت يم عفراء.
ريـــمه :: ضليت يم الاء مارحت للحجه وي امي وهيه اخذت هاجر وراحت، طب سلطان اخذت غيث من ايده طلع فلوس من جيبه گال
-اطيهن الامه گليلها هذن من الولد.
بست غيث واخذتهن من ايده گال
-جا ليش مارحتي وياهن؟
-ضليت يم الاء وهم مالي خلك.
-ترحين يم بنات عمي شامل؟
سكتت اريد اگله لا خاف طــروادة حاجّي العفراء الصار وشلون اخلي عينيّ بعينها طلعت الاء أخذت ابنها من ايدي گالت
-تردين ترحين روحـــي لا تسوين روحج حنينه وضاله علمودي.
سلطان:: البسي عباتج وتعاي.
صعدت فوگ جبت عبايتي ونزلت بساع طلعنه من الحوش اسمع هوسة الولد عاينتلهم يطبخون بالساحة اللي بوسط بيوتنا، مشيت وي سلطان. وصلنه لحوش بيت عمي شامل سلطان بس فتح الباب شاف هاسكي سد الباب وعاين الطرواده اجه بساع طب گدامنه اخذ هاسكي ربطه گال سلطان
-طبي جوه يمهن.
مشيت دكيت باب الهول وفتحته على كيف كاعدات بالهول وشمس بنصهن خجلانه من عفراء بس هيه بساع صاحت
-هلاااا.
ووگفت باوستني هيه ورنه كعدت يمهن واخذت شمس بحضني ابوسها واحاجيها گالت
عــفراء:: شعجب مارايحه وياهن؟
-ضليت ويَ الاء النوب هيه مارادتني اجيت يمجن.
عــفراء:: زين تسوين والله.
ريـــمه :: سولفنه شويه ومشغلين قرايات بالتلفرون شويه وعفراء صاحت على رنـــه
- حطيلنه فراش بالحوش الولد كاعد يقرون نكعد نسمعهم.
گمت وي رنـــه فرشنه حصيره واجت عفراء يمنه زهره طلعت يمهم واحنا مركزين وياهم بالبداية چانوا مشغلين قرايات ويلطمون وياها وراها طفوها وگالوا الطرواده الا انتَ تقرأ ووهب يگله
وهـــب:: انا كل محرم اريدك تقرأ مآل عملة كربلاء احبها.
وعله صوتهم بين اللي يريدها وبين اللي يريد جديده الحد ما اتفقوا وقراها الهم صوته وهو يقرأ حيل حلو عالي وبيه بحه وعفراء تردّد وياه من اول ما بدأ يقرأ
-والله وشسويتي بيه آه يعملة كربله
ﭼنت هيبه بزود اخوتي و عدهم انه مدلله
وين ﭼـانت هاي اليه و الـﮕلب بيها ابتلى
يا شهر عاشور عـذراً لو كلتلك لا هله
و الحزن مر على زينب يا بشر يتحمله.
ريـــمه :: اسمعله وبالي يم عفراء خاف تفتح موضوع الگيعان وما ادري بشنو ارد عليها ضلينه كاعدين للساعة ب٢ دك الباب سلطان گمت يمه گال
-تجين لو تردين تضلين يمهن؟
-امي اجت؟
-اي
-اجي تضل تحجي عليَّ.
حجيتها ودرت على صوت عفراء
عــفراء:: لا ريـــمه ضلي يمنا للصبح وروحي هوه ياهو ينام الليلة.
-خاف تنامن واضل وحدي؟
رنـــه :: ماننام راح يصير الصبح.
درت اريد احاجي سلطان واسمع صوت طــروادة بصفه گاله
طــروادة:: عوفها يم البنات انا اوصلها لو اخابرك.
وسلطان يعاينلي متانيي احجي ضليت ساكته صاحت رنـــه
رنـــه :: طــروادة اريد من الطبخ جوعانه.
-اطيني صحن.
رجعت كعدت يم عفراء ورنه راحت تركض للمطبخ جابتله جدر مدته اله من الحوش گاله
طــروادة :: هذا شنو؟ احطه براسج هسه؟ گتلج صحن.
-هوه صحن بس عده كرش يله كثرلي لحم.
ضحك وراح شويه ورجع دك الباب اطاه الها وهيه صبت بصينيه وكعدنا ناكل عــفراء سألتني على جــويريه كتلها ماشايفتها، طبت غسلت واخذت زهره وشمس جوه تنومهن وبعد ما اجت مشينا يمها لگيناها نايمه ضلينه بس انه ورنه مره نكعد بالغرفه مرّه بالمطبخ مره نطلع بالحوش يم الحديقة، وضلت كاعده وياي للأربعة فرشتلنا بالغرفة يم عفراء گالت
رنـــه :: انه مانعسانه بس هيج احط راسي على المخده.
هزيت راسي خوش كاعده على الفراش مقابيلها نسولف بس درت وجهي اعاين الشمس لان مانايمه ورديت عاين الرنه لگيتها فاتحه حلگها
-رنـــه.
دغيتها بأيدها
-رنـــه لا تخلني وحدي بس خل اخوانج يجون يرجعوني البيتنا ونامي.
وهيه ولا تحركت شلت شمس من يم عفراء خليتها بالكريكوت مالتها واحجي وياها
-ما تنامين انتِ؟
بستها ريحتها تخبل وتضحك خليتها بحضني لعبتها وبس طلع صوتها فزت عفراء حاطه ايدها على گلبها
عفراء::. عبالي مدري شبيها
-هههه نامي انه يمها.
حطت راسها على المخده مغمضه وتگلي
-ممم كاعده انه كاعده.
ضحكت وهيه تشخر ضليت العب وي شمس فتحت الگماط منها تمغطت براحه وبس احاجيها تضحك وتهرول تخبل، درت عينيّ العفراء تتفزز، اخذت شمس لفيتها بغطاها وطلعت للحوش اكعد يم الشجرة الاحبها چان عمو شامل مسويلنه بيها مرجوحه ويلعبنه بيها.
كعدت وهيه بحضني واشكيلها على امهاوخالتها لان غدرني ونامن، ضلينه برا الشمس طلعت والعصافير بدت تطير على الشجر وسلطان الهسه ماجايني حتى اخوي غدار.
درت عيني للباب من انفتح طب طــروادة بس ما منتبهلي عدّلت العبايه على جتافي نبح عليه هاسكي يفتر داير ماداير السلسله مالته شال وجّهه لمحني دنگت اعاين لوجهه شمس حسيت بيه من اجه يمي گال.
-ها نامن وخلنج؟
عاينت لوجهه مبتسم يعاين لوجهه شمس گتله
-اي غدارات.
-مثلج.
حجاها وحط عينه بعيني خزرته وهوه مركز ببطن عيني گـــلبي دك حيل من حجايته عبالك وجع مدفون بگلبي وما أريده يوصله
گال
طــروادة :: چنت متاني تجين تذبحيني چا وين تهديداتج؟
دنگت عيني احرك شمس بين أديه زفرت نفس بحسره
-راحن.
-وين؟
شلت راسي اله لاف الچفيه على رگبته وشعره متجعد نازل على گصته حركت اجتافي ما ادري ضحك بهدوء ودار وجهه لبعيد يتأمل الشمس وهيه تبين اكثر رجع عاينلي گال
- انا اعتذر ريـــمه.
عاينت لعيونه حسيته يحچيها من كل گلبه تحسر وكمل كلامه يعاينلي ويرد يبعد عيونه عني
طــروادة :: انا خابرت سلطان لان ادري بيه هادئ ما توصل وياه يمد أيده عليج، بس ســليم اجه وراه من وحده ترى وروح ابوي طگتهم الج وجعن گـــلبي شكد ما اكرهج ما بودي اخوج يطگج.
دنكت گـــلبي يدك حيل وشمس تتمغط بأيدي وهوه يحجي بهدوء
طــروادة:: على كل حال انا اعتذر لان سببت مشكلة بينج وبين ســليم.
-بس اني توسلت بيك ما تخابرهم.
حجيتها مدنكه ومن سكت عاينتله ضحك بطرف شفته
-توسلتي؟ قصدج هددتي، بكلّ الاحوال انا اخابرهم لان ما اگدر احاسبج همه اخوتج وانتِ مسؤليتهم خل يكون بعلمج اي شي تسوينه احجيه الهم لان هذا اللآزم يصير.
سكتت هوه تنرفز حجه بعصبيه مسح وجهه ورد عاينلي گتله
-بس اني ترددت ماردت احرك گاعك چنت صابه نفط على روحـــي ردت احرك روحـــي مو گاعك.
اتسعت فتحة عينه وتفاحة ادم تصعد وتنزل ببلعومه صافن بوجهي بحيره گال
طرواده ::عمي احرگي الگاع ولا تفكرين هيج صدك جذب.
حجاها وهز ايده ابتسمت
-ما ادري چنت مثل المخبله عبالك مو اني لا تلومني اني عقلي ناقص اكو اجزاء منه مفقوده ومرات هم افقد واتصرف بلا وعي.
احجي مبتسمه اتشاقى بس هوه صفن بحيره يعاينلي غمض عيونه على غفله وحرك شفايفه مدري شنو يقرأ گتله
-ها راح تسحرني؟
فتح عينه ابتسم هز راسه لا وگفت وشمس بأيدي گتله
-خابر سلطان يجي ياخذني
-ودي شمس وتعاي انا اوديج.
سكتت مشيت للبيت خليتها بالكريكوت مالتها فزت عفراء گتلها
-انا راح آروح عفراء
-اجوا عليج؟
-لا اكلج هوه هذا بيتنا دقيقة عنكم بس همه مكبرين السالفة.
ضحكت تعدل بفراش شمس گالت
-ا گوم اوديج؟
-لا هذا اخوج موجود.
رجعت راسها للمخده وتغطت مغمضه وگالت
-مو الگاكم واحد حارگ الثاني.
طلعت من يمها لگيته كاعد بباب الحوش التفت بس شافني مشّه گدامي ساكت وكف يم باب حوشنه وفتت من گدامه طبيت للحوش وسديت الباب على كيف حتى امي ماتفز وتحجي علي مشيت على اطراف اصابعي أريد اصعد فوگ بس وصلت للدرج امي وابوي غرفتهم بصفه واسمع صوتهم دگ گـــلبي بخوف من سمعتها تنتر على ابوي وتگله
-اخذ الخنجر من بيتهم وخل ينطرد
-ابوي مايطرده بس علمود الخنجر.
-اليوم اخذ الخنجر وباجر طيحه بسالفة شوي شوي ينطرد.
فتحت عيني بصدمة شجاي يحجون يطردون منو گالها
-يصير خير انت مالج غرض انا اعارف شسوي.
-لا شني مالي غرض والله اسودنهم.
-صارلج سنين تصيحين اسودنهم تالي سودنتينا آحنا.
وانه مركزه بسوالفهم حيل وگلبي يدكّ بقوة وكل ظني يحجون على عمي وليد لمن امي گالتله
-انا طــروادة لو اذبحنه مايبرد گـــلبي .
سمعتها ومن حسيتهم راح يطلعون صعدت فوگ گـــلبي نار ورجعت افكر بسالفة گراب الخنجر اللي بكنتور ابوي وهزيت راسي لا
-مو نفسه گراب خنجر عمي شامل مستحيل مو هوه ما يسويها ابوي ما يسويها.
غمضت عيني والافكار براسي عركه، فززتني ايد امي كعدتني گالت
-يله خل نروح للتشابيه.
-ما اروحن.
-ليش؟كلها رايحه المن ضاله هناه؟ والاء راح تروح الاهلها.
-ما اروح مابيه حيل عوفيني.
غمتني على كصتي وكامت، درت عيني الهاجر تبدل وتأشرلي ليش ما ترحين
-نعسانه مانايمه من البارحه روحـــي انتِ ضلي كاعده يم رنـــه وعفراء.
هزت رأسها خوش ومشت كمت وراهم ابوي گالها اجي وراجن وراح والولد اخذوا قزانات الطبخ بالبيكم ضل بيتنا فارغ سجاد وده مرت سلطان الاهلها رديت نمت الحد الساعة بالتسعه كعدت محد ببيتنا حتى ابوي رايح
تريكت وعقلي مابطل تفكير
واقنع نفسي الگراب اللي بكنتور ابوي مو نفسه
الخنجر اسود والگراب ذهبي لا مو هوه مو هوه انه مشتبهه
التفكير اكل عقلي ما گدرت بعد گمت لبست عبايتي وطلعت من بيتنا امشي واتلفت لان ادري جدي وعمي وليد ما يرحون فتحت باب الحوش مال بيت عمي شامل اريد اشوف تصميم الخنجر وارجع اشوف الگراب البكنتور ابوي نفسه مال خنجرهم لو لا.
بس فتحت الباب وشلت راسي فتحت عيني بصدمة من مالگيت الخنجر معلك.
دگ گـــلبي حيل وهاسكي مربوط بالحوش ينبح عليَّ ثگل نفسي ورجعت لبيتنا اركض وارجف طبيت الغرفة اهلي فتحت كنتور ابوي اجر بهدومه حيل وانكث بيهم بأول دشاديش نكثتهن طاح الخنجر بالگاع.
مسحت عيوني ودنگت شلته بأيد ترجف احس گـــلبي يدك بأذني زفرت نفس ونزلن دموعي بكسرة وادعي
-يارب الگراب مو النفس الخنجر.
مسحت دموعي ورجعت ادور بالكنتور على الگراب ادور واتمنى ما الگاه ما اريد اشوفن ابوي مو زين هوه بعيني احسن انسان ما اريد شي يشوهه هالصوره، غمضت عيني گـــلبي يدك حييل واني مخليه ايدي بين الهدوم ادور وكضيت الگراب جريته من بين الهدوم وگمت بخطوات ترجف.
شلت الخنجر من الچرباية وجرن دموعي بحرگه نفسه نفسسه گراب هالخنجر، خليت الخنجر بالگراب وكعدت على حيلي ضامه الخنجر الگلبي وابجي ابجي بحرگه وانه اتذكر حجي عمي شامل من جان جدي يتعارك وياه وانه اگله عمو ليش ضيعت الخنجر وخليته مايريدك يكعدني على رجّله ويگلي
-عزيز الجاس گـــلبي.
چان ابوي العزيز الهدم عمي شامل وخله جدي يحقد عليه ويطرده.
مسحت دموعي وگمت سفطت الهدوم رجعتهن المچانهن اخذت الخنجر وطلعت من بيتنا البيت عمي شامل طبيت للحوش گـــلبي يدك حيل جريت درام حطيته يم الباب وصعدت عليه اريد ارجع الخنجر اعلگه بمچانه هوه والگراب وما اگول ما اگول چان عد ابوي ولا اجيب طاري ما أخلي احد يعرف
رافعه ايدي حيل وما واصله شلت رجليَّه على اطراف اصابعي والدرام يتحرك هستوني اوصل للبسمار وشهكت من حسيت الدرام راح ينگلب وبنفس اللحظة انكض الدرام ورجليه
طــروادة :: الله
شكرا لزيارتكم عالم روايات سكيرهوم
