رواية أرض الخناجر الفصل الواحد والثلاثون بقلم ايلول
أكرههم كره بس الله يعرف بيه
واگل للروح أحقدي وبالحقد زيدي
ولو لحم البشر ماينوكل مكروه
اكل من لحمهم لو وگع بيدي
══━━━━✥◈✥━
طــروادة :: الله.
ريـــمه :: سمعت صوته وشهكت بخوف وصدمه روحي راحت طاح الخنجر من ايدي ومن خوفي اهتزيت كلي رجليَّ بعد ما ثبتن اريد بس شي اكض بيه تخرذلت نگلب الدرام وهوه بس يريد يكضني مالحك عليَّ، طحت عليه ومن اديه للگاع وهوه مچلب بيه ويردد
ريـــمه :: سمعت صوته وشهكت بخوف وصدمه روحي راحت طاح الخنجر من ايدي ومن خوفي اهتزيت كلي رجليَّ بعد ما ثبتن اريد بس شي اكض بيه تخرذلت نگلب الدرام وهوه بس يريد يكضني مالحك عليَّ، طحت عليه ومن اديه للگاع وهوه مچلب بيه ويردد
-الله الله
كضته الي ماخلتني اتعور حيل بس انه ارجف كلي مثل المسودنه، وهوه كاض اديه اثنينهن من المعاصم يريدني اگوم
-تعورتي ريـــمه تعورتي؟
3
ارجف واهز راسي لا بس مالي حيل اوكف على رجليَّ وهوه يسحب بيه على غفله رخت ايده اعاين لعيونه صافن وره ظهري على الگاع فتح عينه حيل عاف اديه ووگف عدل عيونه مانشالن منّ الخنجر وانه روحـــي حسيتها تحترك تمنيت يرجع بيه الزمن شسوي شحجي هسه شحجيي
مسحت عيوني بأيدي الترجف وهوه من الخنجر دار عيونه الي بلع ريك يريد يحجي مايگدر نزلن دموعي وصوت نفسي عالي گال وصوته مخنوگ
-ريـــمه!!
طــروادة :: گراب خنجر ابوي منين جبتيه؟؟؟؟
چلبت بأيده ابجي اريد افلت ايدي منه ماعندي شي احجي گـــلبي يدك حيل وروحي رايحه صيح بصوت عالي والشر يتطافر من عيونه
-احجيييي.
5
-لگيته لگيته.
6
صيحت ابجي وهوه مايشوف گدامه الخنجر بأيد وكاض زندي بأيد جراني للبيت صيحت حيل بس اريد افلت روحـــي منه وارجع لبيتنا
-هدددددني.
5
كعدت بالگاع سحلني سحل للغرفه دفعني وسد الباب يرجف شال ايده وعيونه دم يلهث وگوه يحجي
طــروادة :: شوفي ووولج اذبحج وما تطلعين مناه اذا ما تگليلي گراب خنجر ابوي منين جبتيه احجييي احجييي؟
-عد ابووووج؟
صيح بغضب ، هزيت راسي لاا
64
-لاااا، ببيت جدي.
29
احجي بلا ما افكر اي شي يبري ابوي فتح عينه حيل حط اديه على راسه والخنجر بين اصابعه افتر گدامي بغصب يردد
-جذااابه ريـــمه جذااابه.
67
-اسمعني حباب اسمعني.
64
حجيتها واجاني بغضب رجعت ليوره خايفه دفعني على الحايط حيل مايشوف شي گدامه وسد حلكي بقوة خازرني وعيونه حمر
92
-شسمعع؟ شسمعع؟
4
مچلبه بچفه بأثنين اديه ابجي اريد بس أنزل ايده من حلگي وهوه ضاغط على حلكي بقوة وغضب ما مهتم لا للحلال ولا للحرام ولا اي شي ثاني ماكو شي واكف بعيونه بهاللحظة عده استعداد يذبحني گد ماشفت الحقد والغضب بعيونه حسيته مستعد كلشي يسوي.
91
دفعني حيل ابتعد يصيح
-عد ابووج چان عد ابوج.
84
صيحت حيل
-لاااا لاااا.
48
-والله عده اخذه من ابوي وخلاه سنين متعذب.
70
-لاااا لاااا يم بيت جدي لگيته صددگني يم بيت جدددي
ابجي واحجي بصوت يرجف ضحك يعاين للخنجر يرجف ويحجي
45
-ابوچ سبب عذاب ابوي ريـــمه ابوج.
91
-لااااا.
17
-ابوچ كسر ظهر ابوي.
لطمت على رجليَّ اصيح
-لاا لاااا مو ابوي.
2
شال راسه من الخنجر يعاينلي وسمع صوت سيارة وگفت عدل امسح بدموعي روحـــي مفرفحة اعاينله شراح يسوي وهوه مركز وي صوّت السيارة هزيت راسي لا
2
-لا طــروادة لااا.
23
بردن قميصه مسح عيونه ومشه كاض الخنجر بأيده ركضت وراه
-اوووكف اووكف احجيلك احجيلك.
32
چلبت بيه اصيح وهوه ما مهتم دفعني وفتح باب الحوش عاين للسيارة الاجت ورد دار للحوش وره الباب توثيه جراها بأيده ركضتله ارجف
-بروح اهلك بررروح اهلك احلفك احلفك.
چلبت بيه أرجف وأصيح وهوه ولا يمه دفعني وطلع صيح بصوت يرج
طــروادة :: شاكرررر.
26
ركضت وراه ما اشوف دربي من الدموع وابوي چان رايح البيتنا ومن شافه وكف ر اركض بكل حيلي واتعثر وابوي فتح عينه مصدوم بيه عبرت طــروادة ووگفت گدام ابوي فاتحة اديه اثنينهن احميه اصيح بروح محترگة
35
-معلللليه معللليه هوه معليه.
162
وهوه نار ومشتعله دفعني بقوة عن ابوي طحت على وجهي بالگاع وابوي يصيح مافاهم شي درت بساع اريد اگوم مالحكت طــروادة شال التوثية وطك ابوي بقوة على رجلية صرخت وگمت اركض وابوي طاح بلگاع يصيح ويتلوه.
شبگته متسودنه
-ياااابه يابه.
289
طــروادة :: گراب خنجر ابوي شيسوي عددددك؟
اصرخ واكض بيه وهوه ميت من الوجع ومن ايدي احس انسحلت منه دفعني حيل ورد طك ابوي على رجليه اصرخ بكل صوتي وارد اركض احط اديه على رجلين ابوي بس اريد احميه دفعني من جديد وشال التوثية يريد يطكه رديت بساع حطيت اديه على رجلين ابوي وي الطگه شهگت احس روحي صعدت السابع سما نكثت ايدي حيل وهوه عبالك مو طــروادة ابوي يصيح وهوه كل ما جاله يطكه اقوة
162
-عوووووفه كتلك عوووفه معليه معليه
28
-وخرررري وخرررري اطكج.
25
صيح يرجف وابوي منتهي يتلوى بالگاع، مغطيته بأديه وجسمي أصرخ وابجي شال ايده ليفوك يصيح
24
طــروادة :: احجي احجييي گراب خنجره شيسوي عدددك؟ شلون اخذته منه؟ هااااه؟
يصيح وانه افر اديه فوگ رجلين ابوي بس اريد احميهن منه وهوه من بين اديه رد طگاه على رجليَّه صرخت بكل صوتي ودنك يريد يسحل ابوي دفعته وطكيته اصرخ .
27
وليد:: طرووواده ووولك وولك
94
جراه عمي وليد دفعه لبعيد وجدي بساع طكاه راشدي وهوه تسودن يغلط ويسب وانه افتر على ابوي روحـــي مفرفحه يلوب ميت من الوجع حايره منين اكضه
43
طــروادة :: مووتك على ايدي.
يصيح وعمي وليد كاضه وجدي يجي يم ابوي ويرد يمه شال ايده هم طگاه من جديد دفعه وصاح
-ايددددك.
33
ودنك بغضب شال الخنجر من الگاع ورافعه يرجف ويراويه لجدي وعمي
طــروادة::هذا الطردت ابوي علموده هذاااا؟
عمي وليد يخابر على الولد وجدي خازر طــروادة وهوه يصيح بعصبيه
طــروادة :: عد ابنك عدّ شاكرررر الخنجر الچان حامي ابوي من شرك گرابه عد شاكررر.
50
شاكر:: يا بووويه يا رجليَّ يا بوووويه.
155
شعلان:: شني هالحجي ولك شاكر.
58
شاكر:: يا شامل يا خووويه تعال وشوف ابنك يطكني شامل آبنك يطگني.
481
طــروادة :: لا تستعجل انا اوديك الشامل وغاد عود كله ابنك طگني واخذ حگگ مني
307
شعلان:: انطم واحچي عدل لا اكسر فچوچك شنهي انتَ وتطك شاكر شفهمت ومنين جبت گراب الخنجر.
49
ريـــمه :: مسحت وجهه ابوي ارجف وهوه روحه رايحه يلوع ويگلي انكسرت رجلي أنكسرت وجدي وطرواده يتعاركون وانه بس اريد اعين ابوي واگومه من الگاع ما اگدر خليت راسي على صدره ابجي.
57
صيح جدي
شعلان::گلي ياهو اطاك گراب الخنجر وخلني أكسر ظهره منين جابه.
66
وطرواده يضحك بقهر والخنجر بأيده يرجف من العصبيه
طــروادة:: ههههه هسه تأكدت انتَ بأرادتك ظلمت ابوي لا علمود الخنجر ولا علمود گرابه وكفت ضده حرمته من بيتك ومن امه واخته لان انتَ باطل وهوه على حگ، هذا الگراب وطلع من بيت شاكر شتريد اكثر شتررريد؟
81
صيح يتراجف وجدي بعوجيته يريد يطگه وطرواده يدفعه وعمي وليد واكف بينهم درت وجهي ارجف على صوت السيارة ونزلوا ســليم وصيهد يركضون ســليم بس شافني وشاف حال ابوي ركض على طــروادة متسودن طگاه وطرواده عبالك چان متاني واحد يطلع حرگت گلبه بيه بكل حيله طك ســليم وصيهد يحيز بينهم دفع ســليم حيل يصيح
صــيهد:: كاااافي
وسليم يرجف متسودن ويصيح
ســليم:: وووولك اوكف ضدهم وياك على حگ على باطل انا ويااااك كتلك بس لا تمد ايدك على ابووي طــروادة شگتلك انا؟؟؟
168
هوه يصيح وطرواده نار يريد ياكلهم يتراجف وبس يريد يوصل ســليم صيح بحرگه
طــروادة :: سد حلكك سددد حلكك واسأل ابوك گراب خنجر ابوي الضايع من سنين شيسوي عده؟
20
داروا ســليم وصيهد اثنينهم على ابوي وهوه يتلوى منتهي وصيح
شاكر:: ولك يا گراب يا خنجر شمالك انتَ تسودنت؟؟؟
يا شامل يا خويه.
وجر الجفيه على وجهه يبجي
2
شعلان:: ولك احجي منين جبّت الگراب ياهو الچان ضامه اطننني اسمه احجي ولك احجيي.
طــروادة :: ابوك ينكر وانا شفته بأيده طلع من بيتكم والگراب بأيد
حجه ودار عيونه الي بقهر وسليم دار الابوي خازره وابوي لطم على راسه يصيح
شاكر:: بويه هلااه، يا خويه يا شامل عاين ابنك بيش تاهمني ولك طــروادة ووولك انا عمك انا تذب جذبك عليَّ احلف احلف بروح ابوك شفت گراب الخنجر بأيدي احلف.
وبنفس اللحظة صاحوا سليم وصيهد بنفس الصوت
-طــروادة مايجذذذب.
3
وجدي هد عليهم يريد يطگهم بالسبحة اللي بأيده وصيهد يدفعه بغضب مايخليه يطكه صاح وليد
وليد:: احلف دامك تگول شفته بأيده احلف بروح ابوك وخلنه نعرف الحك وين، لو انتم ضامين الگراب وهسه طلعتوه حتى تخربون بينه.
37
طــروادة :: انا ما اجذب وگراب الخنجر چان عد شاكر تصدك ما تصدك هاي ضلت يمك بس شاكر عاين وروح ابوي ما اعديهاا الك الوعك مثل ما لوعت ابوي.
40
وجدي غلط عليه يهد يريد يطگه وصيهد يدفعه مسح وجهه من وره صــيهد شمر الخنجر على جدي حيييل طك بصدر جدي وطاح بالگاع شال ايده يحجي بصوت عالي.
40
طــروادة :: هذا الخنجر وگرابه رد الك، ما اريدنه، بيتي خالي من خناجرك واذا بيك زود طلعني من القرية.
يحجي وجدي خازره بغضب وهوه ما معترف گاله
طــروادة :: تخترع تقاليد وقوانين من يمك يا عشيرة التمشي بنفس تقاليدك؟ والله اليضيع خنجره ينطرد!
ولك من أسولف سالفتك الجاهل يضحك عليها، عاين شعلان اذا ابوي رضى يحتمي من شرك بخنجر انا ما ارضى، صبرت كلّ هالسنين والخنجر معلك ببيتي
مو خوف منك بس حتى الگه گرابه واشمره بوجهك.
هذا انا كهلان بن شامل مالي غرض بخناجر شعلان وبيتي ما يطبله اي خنجر، ولبيه زود خل يطرني من گيعاني.
39
شعلان:: دنك شيل الخنجر من الگاع وامشي علگه بمچانه لا اكسر ظهرك.
162
مشه طــروادة وصيهد كاضه وگف گدام جدي مبتسم ووجهه احمر گد ما گلبه محترك، جدي رافع راسه يعاينله بغضب دنكت اعاين لرجلين طــروادة حط رجله على الخنجر سحگه وضل يحرك رجله عليه وعينه بعين جدي
55
طــروادة :: خناجرك ماتطب بيتي، ما يحميني من شرّك خنجر، كهلان اناا.
34
جدي حط السبحه والعوجيه بأيد وشال ايده الثانيه طگاه راشدي وصيهد دفعه متسودن
34
شعلان:: ما اخليك هناه لو ما علگت الخنجر.
2
وهد جدي من جديد يتراجف ويريد يطكه وصيهد يدفعه ويصيح متسودن طــروادة شال التوثية مالته شمرها بالبيت ودار وجهه راح السيارة صــيهد وجدي يصيح وراه
شعلان:: ضل اللي خنجر يمك يجي يومه وينام بگلبك.
26
وطرواده ما مهتم فر سيارة صــيهد وراح تعارك صــيهد وياهم وسليم دنك كض رجلين ابوي صيح وعمي وليد گاله
وليد:: هاي رجله مكسورة.
52
سنده ســليم يوگفه وخزرني
-طبي للبيت ارد وعلمج.
-ارروح وياك.
خزرني بغضب ودفع ايدي من ايد ابوي حطاه بالسيارة وصعد هوه وعمي وليد مشّوا للمستشفى وصيهد وجدي يتعاركون مشيت للبيت ارجف.
70
غسلت وجهي وگعدت على حيلي لامه رجليَّه الصدريّ ابجي احس كلشي تراكم على گـــلبي صدمة وره صدمة اجر نفس بشهگة روحـــي رايحه.
""""
23
رنـــه :: كاعدين بين النسوان نعاين للتشابيه، النسوان بجهه والزلم بجهه وبالنص الميدان اللي يمثلون بيه، بعّده المقتل ماكاضي ومره گالت
-خاله هذا الفرخ يصيح عليجن.
40
درنه انه وعفراء نعاين حسين جاينه من وره ويأشر تعالن گمتله انا عبرت من بين النسوان وصلت يمه
-هاه شني.
2
-عبود يگول بساع ردن للبيت صارت عركه
3
-يممه ويامن؟
-ما ادري گال بساع خل يجن بريا واكفلج غاد يردجن بسيارة مــيثم.
احجي بخوف وهيه روحها راحت مشينه وره حسين گـــلبي كله يم طــروادة، لمحت بريا من بعيد واكف على صفحة ومطينه ظهره مشيت بساع غلبت عــفراء
-بريا
التفتلي وگفت گدامه احاجيه
-ويامن العركه؟
عاينلي ساكت مضيگ عيونه من الشمس
-طــروادة بيه شي؟
دنك هز رأسه لا وصلت عفراء يمنه گالتله
-ياهو المتعارك طــروادة
بريا:: لا خويه بس هوه خابر عبود گاله جيبه
مشه گدامنه مسافه نمشي لمن نوصل للسيارات لحگته مشيت بصفه وعفراء والجهال ورانه، عاينلي ورد عاين للدرب
-گول الصدك
-برياا.
دار عيونه الي گوه فاتحهن
بريا:: اسكتي رنـــه اسكتي.
15
-حاجيني بس گلي ولحسين طــروادة مابيه شي.
3
وصل يم السيارة فتح الباب اللي ضليت واكفه لمن وصلت عفراء وصعدنا مشه للقرية ساكت ومن عفراء تسأله يگلها
بريا:: ماكو شي خويه.
نزلنا على شارع القرية گال حسين
-هذا طــروادة ورانه.
افتريت بساع اعاين، سيارة صــيهد ورانه لمن وصلنه نزل طــروادة وي نزلتنا جدي وعمي ومرتضى وبيت غانم واكفين يم المضيف، طرواده أشر طبن جوه مشينا للبيت اخذت شمس من ايد عفراء وهيه ضلت واكفه بالحوش، وديتها لفراشها وطلعت يمها
-شصاير عفره؟
احاجيها وهيه عيونه معلگه فوگ باب الهول تعاين بصمة وهمست
-خنجرنه وينه؟
ووي حچايتها گب الصياح وصوتهم العالي، كضيت گـــلبي بأيدي خايفه، مافاهمين شي غلط ومسبه ومن بينهم كلهم اسمع صوت طــروادة يصيح
طــروادة :: خنجر ببيتي ما اعلگ واذا انتَ زلمه اطردني.
وعفراء حاطه ايدها على گلبها واكفين يم باب الحوش وهمه صياحهم يزيد ما ينقص لمن سمعنه صوت طــروادة والولد يم الباب طبينا جوه بساع وركضت لشباج المطبخ اعاين جابوه بريا وصيهد كاضينه وهوه نار ومشتعله بأيدهم متسودن. دفعه صــيهد للبيت وصيح
صــيهد:: اسكتتت.
طــروادة؛: والله وروح ابوي لو تتكاتل زلم ما احط خنحر ببيتي، وما اطلع مناه لو يموووت.
صــيهد:: هوه قندره خنجر علگه على النعال وفضت راحت.
طــروادة :: لو مدري شيصر، هذا انتَ العزيز لو يكتلونك گدام عيني هم ما اعلگه.
صــيهد :: لا يا خايس يا طايح الحظ
بريا::انتَ منين جبت الگراب مال الخنجر؟
طــروادة:: من الشفيه شاكر.
رنـــه :: درت لعفراء بصدمة وهيه من شباج الهول تعاين عليهم طــروادة وصيهد اثنينهم اعصاب اجه عمي وليد يصيح على صــيهد وبريا تعالوا ويتراجف ويصيح،
-محد يوصله بعد حاله حال الغريب مو من عدنا.
طــروادة :: هوه انا طول عمــري غريب بينكم ضلت على هاي.
وبريا وصيهد اثنينهم ما مهتمين وعمي يهدّد بيهم اطرد واعاقب وبعد ما تشوفون القرية، طــروادة گام على حيله صاح
1
-عليمن تطردونهم هااك اخذهم.
حجاها ودفع صــيهد وبريا يطلعهم من الحوش وصيهد متخبل يدفع بأيده ويصيح
صــيهد:: اكل تبن وخر.
وطرواده ما مهتم دفعهم طلعهم من الحوش وصاح بوجهم
-يابه لا توصلوني انا ما اريدنكم!
سد الباب بوجهم وصيهد يغلط عليه ويدك بالباب، كعد طــروادة وره الباب حاط اديه على راسه ومدنك مشتله عفراء وكفت تعاينله وهوه ضل على گعدته وره الباب مناه لمن صــيهد راح.
وگف طــروادة ومشه للحوض دنك غسل وجهه وراسه بماي بارد عفراء اخذتله الخاولي ومشت تحجي وياه بهدوء
-بارده مو زين عليك!
حطت الخاولي على راسه تنشفه وهوه غمض عينه ورجع فتح يعاينلها حجه مختنگ
طــروادة:: گراب خنجر ابوي چان عد شاكر.
وعفراء تنشف راسه ساكته كضاها من ايدها عاكد حاجبه
-چنتِ تدرين؟
هزت راسها اي
عــفراء:: أبوي گالي.
-ليش ما گلتي؟
-لان ابوي وصاني ما احجي وگال لو اطلع الگراب من جيب شاكر گدام ابوي هم شاكر ينكر وابوي يصدگه.
دفع ايد عفراء واجه طب لغرفة أمي وابوي مشيت وراه يعاين للبوفيه مال امي گال
-تعالن.
مشينه وراه أنا وعفراء طبينه للغرفه أشر على الخانات گال
-افتحنهن.
عــفراء::ليش؟
-اريد اشوفن اكو بعد خنجر ضال عد اهلي حتى هم اشمره بوجهه.
صار سنين مافاتحين خانات اهلي مشت عــفراء تدور المفتاح ضامته بالمواعين بقوري قديم طلعته وگعدت بالگاع يم البوفيه فتحت خانة امي وانه كعدت بصفها وطرواده واكف يمنه يعاين
صاير عليهن تراب الهدوم مسفطات وعلى صفحة غراضها البومات مال صور مسفطات واحد فوك الثاني، ومكحلة عرب
وديرم خربان وعلب بخور ومسك، والشيله ام الليرات الچانت تشدها على راسها والليرات ينزلن على كصتها، وبرگع وجهه كله ليرات، ومعاضدها بعلبتهن ضالات.
شهگت عفراء بصوت مخنوگ گالت
-يا يمه.
نزلن دموعي سكته وهيه تبجي ومدت ايدها ترجف على أغراض امي تحسر طــروادة وكعد بنصنا جرانه الصدره حاضنه
طــروادة :: اشش كافي، عفره خويه شني السالفه، رنـــه عاينــي
شال وجهي يمسح دموعي ودار العفره مسح دموعها
-دوري بين الهدوم اكو لازم اكو بعد خنجر ليش گالي بيتك مايخلى من خناجري.
دورت عفراء بين الهدوم وطلعتهن تنكثهن، وانه جريت الالبومات اخذتهن واخذت اغراضها مسحتهن وكضيتهن بأيدي اعاينلهن مبتسمه اتخيلها شلون استخدمتهن، طــروادة فتح خانة ابوي ودور مالگه شي دارت علي عفراء
-عفره عادي اخليهم عدي هذن؟
-خاف تضيعيهن؟
-لا والله ولا اضيعهن واديرن بالي عليهن.
جرت شيلة امي ام الليرات تريد تضمها اخذتها منها
-لا اريدن البسها. -بكيفج.
عــفراء:: ريـــمه چابتلك گراب الخنجر؟
فتحت عيني بصدمة مركزه وياهم تحسر طــروادة وهوه يگلها.
-طبيت للبيت لگيتها حاطه الخنجر بالگراب وتريد تعلگه واحد موديها من وحدها ما ادري، بس فد وحده تجذب اكلها جان عد ابوج تگلي لا من بيت جدي زوج انا؟ قشمر وتضحك عليّ؟ ابوها لو كاتل بشر هم تبريه!
شهكت عــفراء تطك على رجليها وتگله
-دروا بيها هيه الجايبته؟
ضحك طــروادة مستهزئ وگالها
طــروادة :: الحچي على طرف لساني وسكتت من ضلّت تبجي.
-يمه فـــدوه اروحنلك همزين ماحچيت يموتونها والله.
-ادري آدري ما تشوفيني ضليت مثل بلاع الموس لا بيه اگلهم هيه الجابته ولا بيه اسكت، ابوها فهم وعرف ما اگدر اكولن ريمه الجابته الي خاصه من اجه سليم، شاكر ضل يصيح وينكر وشفته عده استعداد يحط السالفة براسها ويطلع منها، تحملت حچيه السم الخاطر ما يطگونها.
عــفراء:: سوده عليَّ احتارت هالريمه بين شر اهلها وبينه، تلگاها لگته ورادت ترده النه بدون ما وأحد يشوفها.
-بس تجذب عفره تجذب وانا اموتن من تعاين بعيوني وتجذب.
-جا غير تخاف على اهلها، طــروادة والله يا ريـــمه مثل النسمه بس امرها مو بأيدها.
رنـــه :: سكتوا اثنينهم فتحت الباب عاينولي گالها
-هاي هيه انتهت سالفة الخنجر خل يمشي سوادينه على غيرنه.
حجاها وطلع كعدت يم عفراء اسألها
-اكلج هيه كل العشاير عدها هيج خناجر؟
-والله گرميده هالشعلان.
ll
عــفراء:: چا راح اگلج شي بس وعلي لو حجيتيه اشك حلگج.
-انه احجي امداني كون احجي بس سولفيلي.
عــفراء:: گبل من چنت بگد زهره شوفي السالفة گد ما مأثرة بيه صغيرة ومانسيتها، چنه ننام بالحوش اهلي چانوا مسوين چرباية من طين ومن عصر امي تفرشها وتبني الگبه.
-ااي والله اتذكر هم انه لحگت عليها.
عــفراء:: اي چنه انه وطرواده صغار ننام وياهم لان نخاف طــروادة ينام من وكت وانه اضل اقاوم ما انام حتى أسمع سوالفهم ابوي چان لوتي يشعل ضوه بعيونه يشوف ياهو گاعد چم مره كضاني، بس مره محترك گلبه ما انتبه يحجي وي امي على الخناجر گالها هوه ابوي كتل ابوه علمود الخناجر عده استعداد احنا ولده هم يكتلنه.
-اي بس محد يدري بهاي السالفة غير ابوي وانه سمعتها صدفة ومدري شمالني حچيتلج احسج راح تخلينها على كل لسان.
-لا ولا احجي بس يمه والله وگفتي گـــلبي شلون يكتل ابوه شلون يگدر.
احجي بخوف مصدومه من جدي گالت عفراء ووجها معصور
-داچة بخنجر.
l
-صخام الصخم وجهك يا شعلان، اكلج يصير احجي بس الطرواده؟
l
حجيتها وهيه عضت ايدها تصيح
عــفراء:: ولحسين اگطعج شمالني حجيت شماالني.
گمت من يمها خايفه تكتلني طبيت للغرفة رجعت طلعت غراض امي مبتسمه اعاينلهن اجت وراي شديت الشيله على راسي والليرات يتدلدلن على كصتي
-عفره حلوه؟ اشبهه امي؟
-اي بس مو الگاج لابستها ترى مديلها قديم هيه حتى امي وره ماصرنه عدها احنا بطلت تلبسها
ضحكت عفتها درت على باقي غراض امي اخذت المكحله لونها نحاسي من جوه مدببه ومن فوگ مثل التاج فتحتها لگيتها متروسه كحل
-الله عفره بيها كحل خربان هذا؟
اجت يمي اخذتها من ايدي گالت
-لا كحل عرب مايخرب.
اخذتها من ايدها ووگفت يم المراية اريد احط منها مارضت
-شبيج بنفسي اجربها احب سوالف امي.
-مو اليوم رنـــه اليوم العاشر عوفي الكحل جربيها غير مره.
اقتنعت بحچيها رديتها لمچانها والشيله غسلتها من التراب وشريتها، طب طــروادة الغزفته بعده ما مرتاح يدور خنجر ببيتنا وانا الادري ياخنجر يقصد جدي بس نسيته
"""
دنگت ساكته گـــلبي يدك حيل جراني من زندي
-ريـــمه الج ايد بالصار؟
عاينت الوجهه ودموعي تجري هزيت راسي لا دار وجهه على صوت السيارة ومشئ بساع نزلوا ابوي ساندينه اثنينهم طببوا للبيت مشيت وراهم امسح بدموعي گعدوه بالهول جبت لهم المخدات يحطهم ورا ظهره ومخدة جوه رجله جاي اعدل برجله على المخده وسليم كض إيدي افتح عينه على وسعها اصابعي مورمات حيل صاح
-شبيهاا ايدج؟
وسلطان جراها بسرعة كض العظام يريد يشوف خاف مكسورات صرخت روحـــي رايحه وهمه يصيحون شبيها ايدج توني اريد اكلهم طحت وابوي صاح
شاكر:: طــروادة الچلب طگاها شلون رادت تحميني.
حجيتها ابجي كض بأيدي جريتها منه ومشيت اركض عبايتي على الدرج لبستها وامي تغلط وتجر بيه دفعتها وطلعت ارجف ركضت لبيتهم سليم وطرواده واحد خانگ الثاني بالحوش وسلطان بينّهم وعفراء تحجي وياهم وتصيح.
چلبت بأيد ســليم أبجي
-موو هوه ســليم ســليم.
فكاهم سلطان وهوه تسودن شلون اجيت وراهم وطرواده يصيح
-ولك احجييي عدل انا اطگ اختك؟؟؟
l
وسليم يرجف جر ايدي حيل يراويها اله ويصيح
ســليم:: ووولك حچايه لو حجينه وي رنـــه تتسودن وانتَ تطك رررريمه.
وطرواده يعاين بأيدي مصدوم ما يدري بروحه طاكني
ريـــمه :: ســليم والله ما يدري والقران ما يدري انه حطيت اديه على رجلين ابوي وهوه ما منتبه.
عــفراء:: ترا ما يدري بيها لو متقصد يطگها الك حگ تحجي وتحاسب بس وروح ابوي ما يدري هوه تحمل حچي عمي حتى....
ماكملت حچيها خزرها طــروادة وسليم مدنك واكف گدامها يحترمها حيل لان اكبر منه گالها
ســليم:: خويه انتِ ما ترضين بالباطل شوفي افعال طــروادة احنا نوگف بوجه أهلنه الخاطر عيونه ولج والله ريـــمه عزيزة گـــلبي اطگها بس علموده وهوه ما يوگف بعينه خاطر احد، ندري ابونه غلط ابونه باطل بس مو من حگگ تطگه چا شني احنا مو زلم ونسكت على طگة ابونه هم لو انا غلطان گليلي؟
عــفراء:: زلم ونعم منكم، بس چا شني طــروادة مو زلمه ويسكت على الظلم ابوه؟ انتَ وطرواده اثنينكم على حگ.
طــروادة :: ســليم وروح ابوي ما ادري بروحي طاگها ولا شايف ايدها.
عــفراء:: ابد وروح آبوي هم واحد غيريّ يآخذهآ.
ريـــمه :: مسحت دموعي احاجيها
-مابيهن شي ما مكسورات لباجر يخف الورم ما أريد اروح.
احجي مختنگه مارضوا وسليم ما يرضى اروحن وياهم وعفراء حلفت الا همه يأخذوني للمستشفى، مشيت وي سلطان للسيارة واجوا ورانا طــروادة وعفراء وسليم رد للبيت روحه بخشمه، وعلى اعصابة مايگدر يگول العفراء لا.
صعد طــروادة يم سلطان وعفراء يمي كضت ايدي تعاينبها صايره حمره ومورمه حييل واصبعي من حوه ازرك الدم محتبس بيه
-توجعج حيل؟
عاينت بوجها هزيت راسي اي امسح دموعي بردن العبايه گال طــروادة
طــروادة :: سلطان وعلي ما ادري بيها.
-هيه وسليم عبالهم متقصد اطكها.
ريـــمه :: مسحت دموعي مصدومه واحچي بحرگه
-انه گلت متقصد انه؟ ليمت حجيت موو گتله ما يدررري انتَ شبييييك؟
سلطان:: رررريمه.
-ما تشووفه شگاعد يحجي؟
خزرني سلطان بالمراية وطرواده ساكت جرتني عفراء لحضنها تمسح بدموعي لمن وصلنه للمستشفى نزلنه وهمه يمشون گدامه حولونه على الاشعه كعدنا وانه دايخة كوه فاتحه عيني كاعدين إنه وعفراء شال البرده طــروادة عاينلي مسحت دموعي ودرت عيني منه تحسر گال العفراء
-حتى باندج ماعدهم راح سلطان يشتري من بره.
طــروادة :: هسه يجيبونه.
كض ايدي يعاين بيها ويضغط على مفاصل الاصبع روحي تفرفح من الوجع، اجه طرواده يمي وگف، يعاينله عاف ايدي وفتح ابره جريت ايدي الصدري بخوف گال
-لازم اطلع الدم المحتبس.
-لا ما اريد هوه يروح.
-بس اصبع واحد هذا ورم دموي لازم افتحه
عاينت الطرواده بخوف اريده يحجي ويمنعه عاين بعيوني بحيره گاله
طــروادة:: غير لازم تخدير جا شني هيج؟
-مايحتاج تخدير والله ثواني هنه انتَ بس كضلي ايدها.
دار طــروادة يعاينلي مسحت دموعي اهمس بخنگ
-آموت والله.
سكتت خايفه حيل ودموعي تجري جر ايدي وكاضها من المعصم فوگ العبايه بأيد وحده انطاني ظهره حتى ما اشوفن، وايده الثانيه يم ايدي الزينه، ماحسيت ببزة الابرة بس من عصر اصيعي روحـــي فرفحت چلبت بأيد طــروادة كل حيلي اريد اصررخ وكاتمه صوتي والدكتور يضغط على اصبعي بقوة من حلاة روحـــي ملخت ايد طــروادة بأظافري ابجي ما اگدر اكتم صوتي اكثر أريد اصررخ .
طب سلطان بخوف عاينلهم واجه يمي گوه صوتي يطلع من بين دموعي
-كاافي راح اموت كافي.
جر ايدي الكاضه بيها ايد طــروادة كضاها بين جفوفه يحاجيني
سلطان:: گضت يابعد روحـــي اشش.
بچيت حيل ضم وجهي بصدره صيحت والدكتور يضغط على اصبعي اقوة متت الف مره بهاللحظه، لمن عاف ايدي وهوه
يگول
-خلصت ليش جبانه انتِ؟
يحجيها مبتسم سلطان يمسح بدموعي وطرواده گاله.
طــروادة :: ما تشتغل عدي بس تأدي واجبك بذمة وضمير ما جاييلك من المريخ احنا حالتها تحتاج تخديرگتلها ثواني وصارلك بالعشر دقايق تمرد بأصبعها روحها راحت.
والدكتور رد يصيح عليه وسلطان بس يريده يسكت تسودن يريد يكتل الدكتور، الدكاتره الموجودين اخذوه وسلطان جر طــروادة يمه يحاچيه
سلطان:: شمالك تسودنت؟
وهوه يحجي بحرگه
-يابه گتله خدر اصبعها يگلي لا ثواني ما يحتاج وصارله عشر دقايق مرد اصبعها مرد صدك جذب هيج هيه.
طبّت دكتوره عقمت اصبعي ولفته تحاجيهم بهدوء اجت عفراء بأيدها اغراض طالعه للصيدلية جايبتهن تعاين ما فاهمه شي
والدكتوره ضمدت اصبع والثاني لفته بباندج وأشرت على العلاج طلعنه من المستشفى احس روحي من الوجع ذبلانه سانده راسي على جتف عفراء ومغمضه عيني مسافة يله فتحت اعاين گدام من رجعنه طــروادة الچان يسوق مو سلطان صارت عيني على ايده اثر اظافري بكل مچان خط دم خفيف.
وصلنه للبيت نزلت وي سلطان مشينا للبيت ابوي نايم وامي متانيتي بغضب وماگدرت تحجي من شافت سلطان وياي
سويت شوربة الابوي من كعد اخذتها ورحت يمه ماحط عيني بعينه كل ما اعاينله اشوفن كسرة عمي شامل واموتن من القهر
كضاني من ايدي جر اصابعي الوجهه باسهن فوگ الضماد
-سوده عليَّ يا بويه.
نزلت أيدي ساكته شلت راسي اعاينله مختنگه
-ليش يابه؟ -شنو؟
-ليش اخذت خنجر عمي شامل مو اخوك هوه شلون تسوي بيه هيج؟
فتح عينه حيل وانه بس اجيبن طاري عمي دموعي تجري گال
شاكر:: انا اخذ گراب خنجر اخوي؟ شبيه تسودنت بسّ يابويه انا وره موتت شامل يله دريت بگراب خنجره عد امج هيه الماخذته وضليت مثل بلاع الموس لابيه ارده ولا بيه اسكت.
يحجي ودموعه جرن شال الچفيه يمسح دموعه وهوه يگلي
شاكر:: انا اعز واحد بأخوتي شامل وردت اموتن وراه يوم المات شلون تظنين بيه انا الاخذ گراب خنجره بويه ريـــمه.
مسحت وجهي مركزه بحچيه وهوه دموعه تجري وعيونه حمر يحجي مختنگ
شاكر:: امج ما گدرتها من يوم الضاع الگراب انا سألتها يابت الناس انتِ ماخذتها حلفت لا وضلت سنين هالسالفة وكل ما اسألها تگلي مو عدي مناه لمن وره سنين شامل مات ولگيت الگراب بغراضها تسودنت كتلتها وطردتها لهلها وضليت محير لا انا الاگدر ارده ولا انا الاگدر اسكت على سوايتها يبويه انا هم بين نارين بين غدرة مرتي الاخوي وبين ضيم گـــلبي .
بلعت ريك اعاين بوجهه تحسرت وگتله
-مو امي جايبه حتى الخنجر وانه خليت الخنجر بالگراب ورحت اريد ارده لمچانه وطرواده شافني.
بنفس اللحظة الحجيت بيها شال ايده عبالي يريد يمسح على راسي بس هوه بكل قوة طگاني راشدي شهگت مصدومه فاتحه عيني حيل وايدي على خدي عبالك بحلم ما مصدگه هوه يطگني
شاكر:: ووولج تلعبين بكيفج انتِ بتّ الچلبه بدال ما تجين تسولفيلي وانا اتصرف ترحين وحدج وتسوين التردينه؟
-طگيتني؟ -گووومي گووومي مناه.
فاتحه عيني حيل واحس جمر يطيح منهن اللحظة تنعاد گدام عيني كلساع والله لو گايلي ما طاگج جا قنعت روحـــي أنه اتخيل ولا اتحمل وجع فكرة هوه يطگني.
گمت من يمه ما اشوف دربي صعدت فوگ حتى فراشي ما أريده حتى فراشي حسيت راح يخنگتي ضميت روحـــي بحضن هاجر ابجي وروحي رايحه وهيه بس تمسح على راسي.
"""
طــروادة :: ما اريد اكرر غلطات ابوي رغم يعرف بشعلان باطل خلاه يتحكم بيه وانا ما اريد امشي على نفس الدرب، على اعصابي مبتعد من الولد ما اريدهم يتحاسبون لو ينطردون للمعامل بسببي.
مشيت للقسم وراي بشوية اجه صــيهد كعد بصفي ما يحاچيني گتله
-شلونك؟ -شعليك؟
سكتت كملنه المحاضرة عافني وطلع مشيت وراه لگيته كاعد وحده كعدت يمه گال
صــيهد:: وخر عني.
-تصاحب؟
-ولا اصاحب ولا اريدنك ولا الي غرض بيك بعد.
-صــيهد ما اريدن تتعاقبون من وراي ولا اريد يطردكم للمعامل ووتعبون.
دار علي بغضب يحجي وانا اعاين للطلاب بس اريده ينصي صوته
صــيهد:: انا اعترف بيهم؟ اوكف بباب الحوش ادكه ما تفتحلي الباب بالحسين النوب اشلعه.
-خوش نصي صوتك، احنا بالجامعة مو بديوان مال فصول.
-ديوان خالتك
طــروادة :: سكتت منه بس احاجيه بعّد يزيد بصوته اجه يمنا بريا وخابرنه مــيثم اجانه مشينه للكافتريا
مــيثم:: شبيه صــيهد؟
-راسب خطيه.
صــيهد :: انچب على اساس درجتك شلونها هم على الحافة ولو بيك خير جا غششتني مو نايم على الورقة.
طــروادة :: يطبك وجع البنيه الوراك گالتلك اغششك ليش ما رض
مــيثم :: ههههه يستحرم ما يحاچي نسوان.
نحجي نريده يضحك بس هوه مطنگر ما عاجبه شي شعلان گال مــيثم
مــيثم :: جنه ولا واحد وفد مره داومنا اربعة بزودي؟
صــيهد:: بزودك؟ چا مو احنا القنعناك ترد لوظيفتك؟
طــروادة :: تنچبون كلكم لو ما انا محد يداوم انعم الله على اختي قنعتني اكمل وانتم وياي.
بريا:: ياهي رنـــه ؟
طــروادة :: عاينتله بحيره بودي احط الگلاص براسه، اخذه مــيثم وراح من يمنه
"""""
مــاسه :: جوري شويه شويه بدت ترجع ويانه وترجع تدرس وتمتحن الامتحانات الفاتتها، صــيهد كل يوم ينشدني عليها بس ولا مره حجه وياها لو شافها، وهيه هم ماتريد تشوفه تكمل شغلها وتختل فوگ، رنـــه وبدور نقلوهن ويانه، بس رنـــه خطها وحدها، صرنه نلتقي هواي بالمدرسة ومن اول يوم هيه ما يلعت بنات غانم گبل گالت
رنـــه :: وعلي اكتلهن.
بــدور :: نكضهن بالحله؟
-انجبن والله غير اگول العفراء عليجن مالنه غرض بيهن.
سكتن اثنينهن وكلمن راحت الصفها ردينا للبيت والعصر كاعدين بالهول اجت ميلاد وابن سلطان بأيدها عاينت الرغد بخوف وهيه كاعده بصف امي تصب چاي وميلاد فرت الطفل علينا واحد واحد وكفت رغد تريد تشرد گالتله
ميلاد:: ودوه مخصوص الج ههههه يريد دلاعه من عمته رغد
وكفت رغد مچانها عيونها انترسن دموع وميلاد حطت غيث بينّ أديها وهي ترجف ابتسمت تعاين لوجهه الطفل ودنگت باسته غمضت عينها وشمته من رگبته بحسره تهمس بصوت مخنوگ
-يا روحـــي، تعال.
طيت للغرفة والطفل بأيدها مشيت وراها لگيتها كاعده بالگاع تبوس بيه وتبجي. عاينتلي بقهر تحجي
رغد:: سيف المفروض اسم اول طفل سيف هيج چنه متف
-اششش كومي رغد لا تخلينها تقهرج هيه جابته بس حتى تنقهرين.
وكفت تمسح بدموعها باست غيث هواي. وفتحت كنتورها اخذت عشرة خلتها بگماطه زفرت نفس تهدي نفسها وطلعت مبتسمه وتحجي بصوت واض
رغد:: وهاي دلاعته الله يجعله من الذرية الصالحه ويتربى بعز امه وابوه، غيوووثي فـــدوه فدووه الهالوجهه.
حجتها تضحك وتبوس بيه گدامهن وميلاد وسعاد نحمس وجهن بقهر گالتله
رغد:: عمه وديه النه دائماً صدك الاء شبيها ما تجي يمنا نتونس نسولف؟
ضمت وجها بأيدها تبجي بحرگه گوه گومتها غسلت وجها وضلت كاعده يمي نزلت يمنه جوري هيه تعبانه ومناه فلاونزه صايره گوه تحجي
جــويريه :: شبيها رغد؟
-مابيها شي رادن يقهرنها بس هيه قهرتهن.
سكتت تعاين بيني وبين رغد گتلها
-كضيتي دراسة الامتحان؟
جــويريه :: لا والله ماجاي افهم وحتى بالملزمه ما موضحين الحل شلون صارر خاف احفظة حفظ خاف تغير الارقام وتضيع عليَّ الدرجة.
رغد:: امتحان رياضيات؟
-اي
-خل صــيهد يدرسج حيل ذكي بيها.
مــاسه :: ضحكت بس جبنه طاري صــيهد هبطت اذا يدرسها شتسوي طبت بــدور وهيه تگلها
-لا ديربالج ترى كله بالراشديات يشرح مره ويطيج سؤال اذا غلطتي بيه يجيج الراشدي طاير اسألي مجرب.
رغد:: جذابه معليج منها هيه كسولي يشرحلها لمن يمل وتشلع گلبه يكتلها هاي من چانت زعطوطه.
جــويريه:: لا هوه اني فهمت بقى شويه بس هسه أصعد ادرسها بعد افهم زين.
مــاسه ::اضــحك خنگ ضلت يمنا شويه وصعدت وميلاد من راحت ، رغد طبت الغرفة امي، جاي احضر العشا وطب صــيهد بأيده ملزمه درت عيني اله مبتسمه حطاها بإيدي
-اسأليني وانا اجاوبج.
تحمحمت ووگفت عدل الملزمه بأيدي السؤال محدد والجواب محدد اقراله السؤال ويجاوبني وحتى اذا طفر كلمة كلمتين من الجواب ما اگله اغلس اخاف اخذ الملزمه من عديّ گال
-كلهن قريتهن صح؟
-اي كلهن عدك امتحان باجر؟
-اي، اكلج شلونها؟ -جوري؟
هز راسه اي ودنك يطوي الملزمه بأيده
-خطيه عدها امتحان رياضيات باجر ومساع ضلت تبجي ماجاي تفهم شي من عده.
شال راسه عاينلي دنكت بسرعة لا يلگفني مجذبة يحط راسي بالسنگ گال.
صــيهد:: خل تجيب كتبها وتجي للمشتمل.
حجاها وطلع صعدت لجويريه اركض فززتها
-يگول بساااع بساااع.
جــويريه :: لميت كتبي من الگاع متخرذله واحاجيها
-منو منو گاله عدي امتحان.
-وولج هوه يدري من وحده
نزلت وي مــاسه گـــلبي يدك حيل جده صارت بوجهي خزرتني ساكته طلعت للمشتمل والكتب بأيدي، دخلت اتلفت مشيت للغرفة دكيت الباب على كيف
-تعاي. -كعدي هناه.
مشيت بخطوات متردده صعدت على الچرباية كعدت متربعه والعبايه نزلتها على رجلي خليت كتاب الرياضيات والدفتر والملزمة گدامي، وهوه باقي بمكانه يباوع لملزمته ويدخن، لمن خلصت الجكاره طفاها وافتر اجه يمي كعد مقابيلي عينه على الكتب ابد ماخله عينه تجي بعيني
صــيهد:: يا موضوع ما فاهمته؟
فتحت الكتاب وأشرتله عليه اخذ الكتاب يمه يباوع بيه بتركيز
مد ايده الي باوعتلها ساكته ماعرفت شنو يريد وهوه مدنك گال
-القلم.
خليته بأيده اخذ الدفتر ضل يكتب ويحل وحده فهم روحه ورجع خلاهن گدامي گال
-عاينــي وركزي.
-اني فاهمه الخطوات الاولى كلها بس الاخيرات والناتج فهمني عليهن.
-اششش.
سكتت اعاين لوجهه وهوه مدنك على الكتاب ضاج لان حجيت
-ركزي!
مسحت وجهي ساكته مركزه وياه شرح الحل بطريقة تختلف عن الملزمه وأسهل حط القلم على الدفتر -فهمتي؟
-اي. -متأكده؟
-اي.
هز راسه خوش ابد ما يباوعلي جر الدفتر كتب سؤال من يمه وخلاه گدامي. -حليه.
حجاها وگام فتح باب الغرفة باوعتله طلع جكاره ووگف يم الباب يدخن، ضلت عيني عليه وهوه داير وجهه لابس ملابس بيت اسود وفوگهم ترواكه رصاصي لان المشتمل بارد وهوه داير وجهه گال بنتر. -حلللي.
دنكت على الدفتر اقرأ السؤال وبديت احله كملت همست
-حليت.
اجه يمي كعد على الچربايه مقابيلي وجر الدفتر من گدامي هوه والقلم يباوع للحل وصل للنص وضل يأشر خطأ خطأ بلعت ريك بخوف اتذكرت كلام بــدور حركت اكتافي ومسحت على زندي بردانه وخايفه يضربني، زفر نفس بحسره
-مو گلتي فهمت؟ -اممم
-وينه الفهمتيه؟ ليش حليتي بطريقة الملزلمة جا شلغيت انا گبل شوية؟
سكتت مرتبكه وهوه حل السؤال خطوه خطوة ويشرح كل خطوه كتب سؤال ثاني ورجعلي الدفتر
-عود هم حلي غلط!
نزل من الچربايه وگف بصفي رفعت راسي اباوعله عيونه مو علي نزع الترواكه خلاها على جتافي دك گـــلبي حيل مرتبكه طبطب على ظهري وابتعد راح كعد يم باب الغرفة يدخن.
حطيت أديه بالردن لبستها ريحتها عطر وجكاير شميتها من يم💚
-حليي الج عشر دقايق.
دنكت على الدفتر حليت ورجعت قريت السؤال خفت اكله كملت لحد ما هوه اجه كعد وباوع للحل يأشر الخطوات صح صح صح الحد الناتج خله عليه خطأ وكتب الناتج الصحيح
-مو مشكلة اذا بس الناتج يطلع عدج خطأ المهم كل الخطوات صح.
هزيت راسي اي الجكاره بعدها بأيده جر اخر نفس منها زفر الدخان بالمسافة البيني وبينه
-شنو عدج بعد ما فاهمته؟
-ماعدي هيه بسّ هاي.
هز رأسه خوش وابتعد رجع يم باب الغرفة لميت كتبي ونزلت من الچربايه لبست العباية ومشيت فتت من گدامه ابد ماخله عينه بعيني ومدري ليش حسيت الموضوع قهرني
وصلت يم باب المشتمل وانتبهت الترواكه مالته بعدني لابستها درت عليه اريد احاجيه لگيته يباوعلي عيونه حمر وبس لمحني درت دنك بسرعة مشيت عليه واني اگول
-نسيتها.
-عوفيها روحـــي.
-لا والله عندي.
خليت كتبي بالگاع والعبايه فوگاهن احجي
-عندي هواي اني.
-اخذيها گتلج.
هستوني انزل الردن ولزمني من زندي بقوة شهگت بخوف لازمه بأيده باوعلي بغضب عيونه حمر
-گتلج اخذيها وروحي ليش تعاندين؟
-مو اعاند بس لان مالتك هيه شسوي بيها.
-روحـــي من اريدها انا اخذها.
عبير:: والله هوه گال بس خلي نروح نحجي بيها ونقرأ فاتحة ورره محرم يعقدون.
مــاسه :: مدنگه اطكطك بأصابعي ارجف اجت رغد گالت الامي صــيهد برا يريدج روحـــي راحت گمت وراها اسمعلهم من وره باب المطبخ متسودن ويحجي بغضب
صــيهد:: ظهره افصمه يشهد الحسين.
ايمان::شمااالك ولك شمالك دوم مفشلني گدامهن.
صــيهد:: گتلج من تطلع من السادس لو لاا يمه تلعين عليَّ انتِ؟؟
يحجي بغضب ويرجف اجاه وهـــب
وهـــب:: يابه خبصتنا ابوك وشعلان ما راضين اصلا
مشه صــيهد وي وهـــب مسحت وجهي ارجف خايفه واجت امي هم مقهوره رجعت كعدت يمهن وخاله عبير تسولف وي جده ومدري شلون قنعتها وجده طلعت وودت على جدي حاجته بالحوش، وانه روحـــي رايحه وگلبي يدك حيل ضلوا بالساعتين يله قروا الفاتحة وصيهد شرط وگالهم حتى عقد ماكو مناه لمن تكمل سادس ما اريدنها تلتهي، وهمه رضوا بكلشي.
طبوا صــيهد ووهب سلموا على خاله عبير وهيه تضحك وتسولف وياهم جرت جنطتها وطلعت منها تلفون بالباكيت گالت الصيهد
-صــيهد انا گايله اول ما احاجيكم على مــاسه اجيبلها تلفون.
-لا خاله عود من تصير چنتكم مو هسه.
-لا وعلي هيج تزعلني وهسه الف عبايتي واطلع.
دنك صــيهد يفور وطلع بدون ما يحاجيها ووهب هم شويه وطلع، خلت التلفون بأيدي وجرت تلفونها صورتنا أني وياها أبتسمت فرحانه وهم خايفه، بس طلعوا بــدور جرت التلفون من ايدي وصعدت تركض ركضت وراها
-جيبيه.
بــدور:: صار عدها تلفون أم الوصخ؟
كعدت يم جوري فتحنه وخلنه على الشحن وانه اكل بأظافري خاف صــيهد يحاجيني، بس ل١٢وهوه ما مودي عليَّ، غلست ودعيت بلكي ابد ما يحاچيني، البنات نامن وانه اخذت التلفون اباوع بيه عدنا نت بس ما اعرف رمزه دك بأيدي وفزيت مخروعه من قريت الاسم محمد، فتحت عيني مصدومة وساده سماعة الصوت بأيدي ارجف
بس انگطع الاتصال اخذته ونزلت اركض طبيت الغرفة وهـــب بساع غطه هدوم ندى اليمه وعاينلي عيونه حمر
-هاه شبيج؟
بلعت ريك خايفه ورد التلفون دگ بأيدي همست مختنگه
-والله مارديت، صــيهد اذا شاف يذبحني.
احجي وارجف وكف مافاهم اجاني. -شكو؟
اخذ التلفون من ايدي عاين للأسم انگطع الاتصال عاين علي يسأل
وهـــب:: رديتي عليه؟
-لا والله وغلات صــيهد ما رديت.
هز راسه خوش ورجع التلفون دك كعد على الچرباية فتح خط والسماعة، وكفت يمه بخوف گاله
وهـــب :: الوو.
حجاها وهذاك سكت، رجع گاله
-ها محمد؟ -هلا وهـــب شلونك.
-بخير، شني مضيع رقمي؟
-ههه لا الوالده رادت تحاجي مــاسه.
-محمد اليوم بدينا واليوم انهي كلشي لا تضل تلعب اختي ما يوصل صوتك لاذنها مناه لمن تصير على ذمتك واذا ما ماعاجبك هالحجي تلكه الف وحّده غيرها خوش خويه؟
محمد:: حقك عليَّ انا اعتذر.
-واذا التلفون حايبينه علمود المخابره تعالوا اخذوه ماله داعي.
-لا يابه شني السالفه ماتعرفني انتَ وهـــب ؟
مــاسه :: حجه وياه وهـــب بنتر سد التلفون وطلع الشريحة كسرها وخلالي شريحة من يمه گال
-جبتها مره علمود بطه ومالحكت اجيبلها تلفون ممنوع تطين رقمج الاحد.
هزيت راسي خوش وهوه من يمه خلالي رمز النت گال
-لا تلتهين بالتلفون وتسهرين ترا هاي اخذت الرمز يمي اراقبج شكد تسهرين يضل يمي.
-لا والله راح اروح انام.
سكت اخذت التلفون وصعدت بسرعة لفيت راسي ونمت.
رنـــه :: عفراء حيل خايفه من سكوت جدي خايفه على طــروادة من عده، ضلت يمنا اربعة أيام وراحت لعيالها وهالمره حتى طــروادة چلب بشمس يگلها
-خاف عوفيها متونسين عليها
-رنـــه ماتلحك والله تتعب.
أخذتها وراحت وللعصر طــروادة راح وي مــيثم للمدينة بعدهم يدورون سيارة.
وانه ضليت وي حسين وزهره ندرس سوه لحد ما كضيت گمت غسلت هدوم وشريتهن رجعت للغرفة بعده بنفسي الكحل اخذت المكحله ووگفت كدام المراية حطيت منها ترست عيوني ترس واسأل حسين وزهره
-حلوه اشبهه صور امي؟
حسين:: چنج حصيني.
زهره:: تحبلللللين تموتتتتتتين
غميت حسين وبست زهره وكعدت يمها هم كحلتها وحسين كتلته الغيره كعد بباب الغرفة يعيب علينه، وكفت يم المراية لبست شال وشديت الشيله ام الليرات على راسي والليرات نزلن على كصتي شايفه صوره الامي هيج واقلدها، صاح حسين
حسين:: چنچن گنافذ
-شبيج حسونه شبيج تردين احطلج كحل؟
جر النعال من يمه شمره علي طگني بوجهي ركضت وراه والنعال بأيدي
-ابوووو الوصخ.
أركض واصيح شرد مالحكت بيه طلع بره الحوش ركضت لگن الدجاج صعدت عليه
-اكضك خلي يجي عبود اذا ما سولفتله
حسين:: خاب اخافن منج من عبود انا؟ اعترف بيكم.
-الكسلان ياهو امس موكفينه يم سطل الزباله؟
دنك للگاع لم حجار ويشمر عليَّ دنكت اضم روحـــي بالسياج واغلط عليه گالي
حسين:: بس تغلطين عليَّ اضل اصيح بعلو صوتي. رنـــه بيها گمل؟
-انه بيه گمل؟ -اي
-انچب تروح فـــدوه لشعري .
-ووعلي اصيح.
سكتت خازرته متسودنه ومتحلفه بيه مشه لبعيد يفتر وانه افور اريد بس اكضه واعضه مثل عضات عفراء ما اجه للبيت، نزلت رحت يم زهره لكيتها شاده شيله على راسها ومعلكه بالشيله على كصتها تراچي، فلتت تلفون عبود من الشحن وطلعنه انه وياها للحديقة صورنه النوب صعدتها على الصخلة صورتها وحطيت وجهي يم وجهه الصخله صورت الحد ما انترس التلفون رجعته على الشحن
اخذت البزونه وطلعنه بالحوش وهيه تخاف من الحوش اربعة وعشرين ساعة خاتله گوه جاي اعودها عليَّ، عفتها بأيد زهره وصعدت على گن الدجاج اريد اشوف حسين وين راح لمحته يلعب وي ابن مرتضى جوه النبگه، عفته ودرت عيني اعاين مناه ومناه شفت بريا وضليت اعاينله.
طلع من بيتهم ملثم يريد يروح للگيعان عبر من يمي وما حاچاني
-بريا.
وكف بمچانه دار عليَّ واجه مدنك وگف گدامي نزل اللثام من وجهه وشال عينه يعاين لعيوني من عين لعين مبتسم وعاين لليرات النازلات على كصتي
-هاي شطالعه؟ -شبيه؟
-مابيج طالعه حلوه
-جا مو چنت تگلي عاب هالوجهه ؟
سكتت ورجعت گتله
-هسه المهم انتَ شبيك هالايام؟
-شبيه؟
رفعت اكتافي ما ادري وجهه حزين عبالك متعارك وي احد مدري جوعان، سألته
-ضايج احسك؟ وشو صاير ما تتعارك وياي؟
ابتسم متحسر عاين لعيوني احس من الشمس تريد تغيب بشرته يصير لونها على برتقالي وعيونه لونهن يصير غامق حييل گال
-مو انتِ تتشكين من عديّ لميثم شلون اتعارك وياج بعد؟
سكتت مسح وجهه گال بحسره
-رنـــه انتِ تغلطين وتموتيني مت القهر دستي كرامتي بنعالج وانا اعديهن بكل مره واگولن صغيرة تكبر وتعقل بس لا كل يوم تزيدين.
-ما غالطه عليك ترى.
l
ضحك ودنك ضجت لان حجيه صح وانه هواي اغلط گتله
- يله عود بعد ما اغلط عليك شتريد هسه؟
-انتَ تحرك گـــلبي. -حقج.
-اسويلك لفة ونتصالح؟
ضحك بصوت عالي ابتسمت متانيه يكضي ضحكته گال
-ياريت حيل جوعان.
-هسه اسويلك.
-اكلج البزونه وينها؟
-هاي اجيبها تشوفها؟
هز راسه اي اطيته البزونه غسلت اديه ورحت للمطبخ بساع مالگيت شي مخلصين مسواك لا طماطه لا خضره عود طــروادة گال اليوم اتسوك، حرت شسويله من لفه، حطيتله شكر بخبزة ولفيتها مشيت صعدت على گن الدجاج اعاينله يلعب وي البزونه وهيه تنوص بأيده شال راسه يعاينلي مبتسم
-شلون تاكل هسه وانتَ كاض البزونه؟
-بس بهاي ايدي كضيتها عادي
مديتله ايدي اللي بيها اللفه
-كضها من جوه لا يتطشر الشكر.
اخذاها وكعد على حيله يضحك
-شبيك؟
سكت مختنگ وكف انطاني البزونه نزلتها بالحوش واحاجيه
-عليمن تضحك؟
ماحاجاني عض اللفه ياكل مبتسم لحد ما كملها گال
-تصالحنا؟
-اي بس انتَ همّ تأدب لا تحاچيني حچي مو حلو ولا تكضكض بيه ترى انه مو صغيرة وافتهم كلشي واعرف خوش؟
راحت ضحكته وكف عدل يعاين لعيوني هز راسه لا
-ما تفهمين.
-لا والله افهم واعارف كلشي خل نسد هاي العركه وبعد ما نحجي بيها لان نرد نتعارك من جديد.
بريا:: هههه شسميتي البزونه؟
-بعدني محتاره
-اسميها انا؟
-لا انه ادورلها اسم على ذوقي، اكلك يله خل انزل وانتَ روح.
ابتسم
بريا:: خوش، رنـــه ليره.
-لا تغلط هاه بدينا؟
- مو غلطه ام الليرات طالعه بدوية مأصله، رنـــه البدوية
-يله عيني الروسي.
-ها رنـــه چا ياهو الگالت بعد ما اغلط؟
نزلت من الگن واحاجيه من وره السياج
-مو غلطه هاي
عافني ومشه خاب روح هوه انه هم صوچي. للغروب اجه طــروادة واخيراً لگه سيارة گال باجر نروح نسوي مكاتبه ونجيبها، اخذت المسواك منه ضميته واجيت يمه مدلي ايده بيها تلفون يضحك.
l
-وعدتج انا.
اخذته منه حيل فرحانه وحتى عشا ماسويتلهم ضليت بس ارسل بصوري من تلفوناتهم عبود سوالنه عشه وهمه ساكتين يردون بس يفتكون من عدي حتى بعد ما اصور بتلفوناتهم.
بالليل طــروادة اخذ الملزمه وراح للگيعان عده سگي وعده امتحان حيل ضايج گتله
-تجي لو تضل غاد؟
طــروادة :: لفيت الجفيه على وجهي احاجيها
-اضل اظن ل٣ ناموا يله مو تسهرين على التلفون.
مشيت للگيعان كعدت يم المكاين ادرس على اللايت وهاسكي يفتر وراي ، ساعة اشوفن الماي وين وصل ساعة اقرأ ل٣ يله رديت للبيت نتسابق انا وهاسكي .
وصلت لباب البيت وانصدم بميثم گاعد يم باب الحوش ضويت على وجهه خايف
-مــيثم شبيك؟
گومته مافاهم شي عبالي متعاركين وي شعلان، وجهه احمر وروحه رايحه، طبينه للبيت عفته بالدوانيه ورحت غسلت رجعت يمه احاجيه
-شبيك؟
مدنك ساكت ويطحن جكاير
-مــيثم حاجيني احد محاجيك؟
هز راسه لا جريت الجكاره من أيده
-احجي عليمن ضايج؟ ليش هيج حالك؟
عاينلي مختنگ وگوه يحجي
مــيثم :: انا كلشي اضمه بگلبي ولا يوم شكيت وحچيت بس هسه احسن بروحي مختنگ اذا ما احجي اموتن.
-أحجي خويه انا يمك واسمعك ليمت ماتريد ليش تضمّ بگلبك؟
مسح وجهه ايده ترجف مستغرب حاله وكل ظني السالفة تخص اهله گال ولغصه خانگته
مــيثم :: انا من سنين عاشگ بت عمي وليد من بعيد لبعيد ومتاني ليمت تكضي السادس واخطبها ويوم الرحت حاجيت صــيهد گالي انه مطيها الابن خالتها
وانا لا بيه واگله اريدنها محد غيري يوصلها ولا بيه انساها اريدن اموتن كهلان .
اسمعله مصدوم دنك ايده على راسه مختنگ وانا ادري البارحة قروا الفاتحة وحجوا بيها الإبن خالتها
-مــيثم ليش ما گتلهم اريدنها ما ارضى تاخذ ابن خالتها؟
ضحك وشال راسه يمسح بوجهه
مــيثم :: البنيه ما تريدني تريد تطلع من القرية آمها گالتلي، گالت ما الگه احسن منك بس هيه الماتريد هيه الهاويه ابن خالتها وتريده شلون اوكف بوجها؟ شلون اخلي الصار بگلبي من وجع يمر بگلبها؟ حاجيني شلون؟
سكتت محتار وهوه روحه رايحه گال
مــيثم :: الله يسعدها ويهنيها اشوفنه محمد وياي بالدوام خوش ولد، بس اذا الله كتبها من نصيبه انا ليش احترك هاا انا ليش احترك؟
حطيت ايدي على جتفه بحيره
-الله يكتبلك الاحسن منها واللي تعوضك الحمدلله على كلّ حال والله ما ادري شحاجيك گـــلبي نمرد.
تمدد بمچانه مغمض عينه ويردد مختنگ
-خلي انامن هناه بيتنا بكل مچان الها أثر.
سكتت منه عاينت العبود نايم بسابع نومه گمت جبت بطانيه الميثم غطيته
-نام نام للصبح تنسى!
فتح عينه خازرني
-آنسى؟ صارلي سنتين يگلي تنسى؟
-يابه بالحسين غير روحـــي طلعت هسه وانتَ تحجيلي والله لو عدي أخت بعمرك الا ازوجها الك.
مــيثم:: شررريف، جا زوج رنـــه لبريا.
-انچب.
-حالك حال صــيهد تموتون على الغريب.
حچاها ولف روّحه بالبطانيه مشيت اريد اروح اسبح وانام وندك باب الحوش فتحته صار بوجهي بريا
-مــيثم عدكم؟
-اي، شتريد منه؟
بريا:: اريد اجي انام يمه غير اخوي.
طب تمدد بصف مــيثم هم شمرت عليه بطانية ورحت، للصبح مالگيتهم رايحين لبيتهم مشيت للگيعان ورديت بساع بدلت ورحت للكليه كملت امتحان وطلعت وي صــيهد ضايج وما حچالي ليش شويه گال
صــيهد:: امشينا نشوف مــيثم
-يله.
تمشّينا للشؤون بعدنا ما واصلين ونشوف عركه بالباب وصايره مكاتل صاح صــيهد
صــيهد:: مــيثم ومحمد
شكرا لزيارتكم عالم روايات سكيرهوم
