 |
رواية امتلكني بالاجبار الفصل الواحد والثلاثون بقلم ملك عبد المنعم
ادهم فضل صاحي طول الليل . مريم فتحت عينيها بتعب و اتحركت بنوم . ادهم بص علي حركتها بهدوء و حرك أيده علي شعرها بحب ./صباح الخير يا حبيبتي .
مريم دخلت في حضنه بتعب ./صباح النور . انت لسه منمتش .
ادهم هز راسه بنفي ./ معرفتش انام .
مريم رفعت وشها ليه ./ليه مالك . تعبان .
ادهم ابتسم علي برائتها بهدوء ./لا يا ستي مش تعبان بس فضلت باصص علي كل حركه منك و انتي نايمه لدرجة اني محستش بالوقت .
مريم نزلت راسها بكسوف . ادهم حرك أيده علي شعرها ./للأسف انا لازم اسيبك و اروح الشركه . بس مش هتاخر عليكي ساعتين و هرجعلك تاني .
مريم هزت راسها بهدوء . و هو سابها و دخل الحمام . مريم حطت ايديها علي بطنها بتعب ./ انا تعبت من الوجع ده . خايفه اعمل التحاليل اكون حامل ساعتها مش عارفه هفرح و لا هزعل . بس ابتسمت بحب لما تخيلت أن ممكن يكون في حته منها و من ادهم جواها . يا تري خوفها و لا فرحتها بحب ادهم ليها . اللي هيكسب ؟ .
مريم بصت علي تليفونها بهدوء . و بصت علي ادهم اللي خرج يلبس بهدوء .
مريم ./ممكن توصلني انا و كاميليا عند خالتي .
ادهم هز راسه بهدوء./قومي اجهزي و هعدي عليكم لما اخلص شغل .
مريم هزت راسها بهدوء و قامت تدخل الحمام و هي بتفتكر مسدج نور .
_____________________________________
نور بصت علي تليفونها بتوتر بس قفلته لما زهقت من رن معتز . نور ابتسمت بكسوف. نور لـ نفسها ./انتي عارفه يا نور أنه معملش كده . و لا انا بدور علي اي حجه عشان ابعد . بس لا هو انا مش بحبه . بس برتاح و انا معاه . حطت دماغها بين أيديها بتعب ... لازم تعرفي يا نور . يا اما تبعدي . يا اما تقربي .
.. معتز بص علي التليفون بضيق و حدفه بغضب . و طلع من المكتب بسرعه و راح عند مكتب جومانه و وقف قصادها بغضب . جومانه رفعت عينيها بتوتر .
معتز بغضب ./تلمي حاجتك و مشوفش وشك في الشركه دي تاني .
جومانه بلعت ريقها بخوف ./طب ممكن نتكل..
معتز قاطعها بغضب . /انا دلوقتي بكلمك بالأدب . معاكي نص ساعة لو ممشتيش همشيكي بفضيحه وسط الشركه كلها .
ادهم وقف عندهم ببرود ./في ايه يا معتز .
معتز بضيق ./ في اني مش عايزها تكون هنا . و لو شوفتها قدامي انا ممكن اقتلها يا ادهم .
جومانه بخوف . /يا مستر ادهم انا ..
ادهم قاطعها ببرود./هو مش قالك امشي . اتفضلي خدي حاجتك و امشي . تعالي يا معتز معايا .
معتز دخل هو و ادهم المكتب . و جومانه قعدت علي الكرسي بدموع و هي بتلم حاجتها .
ادهم فضل باصص علي معتز بهدوء .
ادهم ./ايه اللي حصل .
معتز بصله بطرف عينه و حكاله اللي حصل .
ادهم بص عليه بضيق ./ شوفت اخر قلة ادبك مع البنات و السهر عمل ايه .
معتز اتكلم بعصبية ./ادهم انا مش عايز حكم و لا نصايح . اللي حصل حصل انا عايز اصلح ده .
ادهم رجع دماغه لوره ببرود ./صلحه .
معتز بضيق ./بقولك مبتردش علي تليفوني و قفلت تليفونها .
ادهم بهدوء ./روحلها البيت .
معتز حرك أيده علي دماغه بتفكير ./ تفتكر ممكن تكون فهمت غلط .
ادهم ضحك بسخرية ./واحده دخلت لقت واحده في حضن واحد هتفهمك ايه .
معتز اتنهد بضيق و رجع دماغه لوره بتعب .
____________________________________
اماني دخلت عند نوران بضيق .
اماني بصت عليها بهدوء./ الاسبوع قرب يخلص و مفيش اي حاجه حصلت من اللي اتفقنا عليها .
نوران اتنهدت بضيق ./انتي مش شايفه الظروف اللي احنا فيها . بابا في غيبوبه و محدش عارف هيفوق امتي . و علي متحكم في كل حاجه و اي جنيه بسحبه بيحقق معايا ليه و مش ليه .
اماني بصت عليها بهدوء ./والله اللي خلاكي عايشه سنتين لوحدك و بتصرفي علي نفسك . اكيد مخليكي معاكي فلوس تكفي اللي اتفقنا عليه و زياده . نوران انا مش هبله . انتي لو عايزه تنقذي نفسك و حياتك بجد هتعملي المستحيل.
نوران اتنهدت بخوف ./طب اديني يومين زياده احاول اظبط الدنيا.
اماني ابتسمت بهدوء. / ماشي يا نوران . بس بعد اليومين دول مفيش تاني .
اماني سبتها و مشت . نوران بصت علي أثرها بضيق و ابتدت تفكر هتعمل ايه .
________________________________
عند نور .
مريم كانت وصلت هي و كاميليا و فات وقت عليهم كتير من ضحك و هزار و وقت لطيف .
مريم بصت علي نور بملل من كلامها بعد ما تاهت من أفكارها .
مريم بضيق ./نور ده مش وقت تفكير . يا اما توافقي عليه . يا اما تبعدي خالص يا نور . مطلاما انتي متاكده أن هو معملش كده و أن البنت كانت قاصده .
نور ربعت ايديها بضيق ./ معتز كويس و كل حاجه . انا خايفه اكون مش معجبه بيه هو شخصيا . يعني ممكن يكون عاجبني اهتمامه بيا .بس..
مريم بصت عليه بحزن و اتنهدت بهدوء./ليه سبتي اسر يا نور . مع ان انا و انتي عارفين كنتو بتحبه بعض قد ايه . ده وقت لما سافر انتي مكنتيش مبطله عياط .
نور بصت عليها بتوتر ./انا و اسر مكنتاش متفهمين . يمكن الحب حاجه و لما كملنا لقينا حاجه تانيه عكس ما كنا متخيلين .
مريم هزت راسها بتعب ./انا شايفه انك ترجعي تتعاملي عادي . و ترجعي شغلك كمان . و شوفي هو هيعمل ايه .
نور هزت راسها و ابتسمت بهدوء . مريم ابتسمت عليها بتعب .
نور مسكت ايديها بحنان ./طب و انتي .
مريم هزت راسها باستغراب./مالي .
نور ./ادهم عامل معاكي ايه . شايفه حياتك بقت احسن و لا لسه مش عايزه تكملي معاه .
مريم ابتسمت بهدوء ./ادهم عملي حاجات كتير حلوه يا نور . يمكن اللي حصل كان حاجه وحشه بالنسبه لي . بس اللي بيحصل و اللي عمله معايا قادر يخليني اشوف ادهم صح . و بعدين متقلقيش عليا انا بعرف اتصرف .
نور ابتسمت عليها بهدوء .
مريم قامت بتعب . / هروح اشوف خالتي و كاميليا .
نور هزت راسها بهدوء . بس بصت علي مريم بقلق لما مريم وقفت بدوخة قدام السرير . نور بقلق./مريم انتي كويسه .
مريم غمضت عينيها ب0تعب ./ اه كويسه متقل...
سكتت مريم لما اغم عليها . نور صرخت بخضه و جريت عندها . فاطمه دخلت علي صوت نور و قعدت بخضه جمب مريم ./في ايه يا نور .مالها مريم.
نور بقلق ./كانت كويسه والله يا ماما . خليكي معاها فوقيها و انا هنزل اجيب دكتور بسرعه .
كاميليا حضنت نور بدموع . /مريم مالها يا نور .
نور طبطبت عليها بحنان . /كويسه متخفيش .
و سبتهم و نزلت . فاطمه فضلت تحاول تفوق في مريم بخضه عليها .
____________________________________
علي دخل الاوضه و بص علي اماني بقرف و قعد قصادها بضيق .
علي بسخرية ./مش كفايه كده .
اماني بصتله بهدوء./كفايه ايه .
علي ./يعني تنزلي اللي في بطنك و كل واحد يروح لحاله.
اماني حطت ايديها علي بطنها بخوف ./لا مش هنزله يا علي.
علي بغضب ./انا مش عايزه و مش هتعرف بيه . و لولا عمي مكنتش حطيتك في المكان اللي انتي فيه دلوقتي. و عمي خلاص بين الحياة و الموت و انا مش طايقك اكتر من كده.
اماني بسخريه ./خلاص طلقني .
علي بقرف ./انا مش عايزك اصلا . بس مش عايز اسيب جزء مني معاكي و لا عايز يكون ليا ابن منك .
اماني نزلت راسها بدموع . علي رفع راسها بغضب ./تشوفي حل بنفسك الموضوع ده . و لو منزلتيهوش هموته بايدي ده لو اتولد اصلا يا اماني .
و سبها و مشي . اماني قعدت بخوف و هي بتحاول تفكر هتعمل ايه .
_______________________________
ادهم رد علي التليفون بهدوء. /الو . طب انا جاي حالا .
ادهم سحب حاجته بسرعه و مشي . وقفه معتز بقلق. /في ايه مالك .
ادهم قاطعه بقلق ./مريم تعبانه شويه و جابولها دكتور .
معتز ./طب است...
ادهم قاطعه و مشي بسرعه . و معتز نزل ركب العربيه و اتحرك وراه .
___________________________________
بعد شويه فاطمه و نور كانو مع مريم و الدكتور جوه . و ادهم كان قاعد بره بقلق و معتز اللي كان بيحاول يهدي نفسه عن نور .
الدكتور كشف عليها و طلع بره . و فاطمه طلعت وراه . ادهم وقف قصاده بقلق ./مالها يا دكتور.
الدكتور بهدوء ./ هي داخت من قلة الاكل و واضح أن جسمها ضعيف جدا . لازم تهتم بنفسها اوي الفترة الجايه خصوصها أنها حامل في الشهر الاول .
ادهم بصله بصدمه و فرحه ./حامل . مريم حامل .
الدكتور ابتسم عليه بهدوء ./واضح انكم متعرفوش . هي حامل في الشهر الاول محتاجه بس تهتم بنفسها شويه و تتابع مع دكتور عشان الحمل . عن اذنكم .
فاطمه قفلت الباب وراه بفرحه . و بصت علي ادهم بفرحه ./مبروك الف مبروك . انا هدخل اطمن عليها .
كاميليا وقف قصاد ادهم ببراءة./يعني مريم في بطنها بيبي .
ادهم ابتسم بحب و هز راسه بهدوء . معتز حط أيده علي كتفه بهدوء./الف مبروك عقبال ما يشرف بالسلامه .
ادهم همس جمب ودنه بخبث ./و عقبالك انت كمان .
مريم فتحت عينيها بتعب . فاطمه قربت عليها بفرحه ./الف مبروك يا حبيبتي .
مريم بصت عليهم و اتعدلت باستغراب. /مبروك علي ايه .
نور قربت منها بحب ./الدكتور قالنا انك حامل و في الشهر الاول .
مريم غمضت عينيها . و اتنهدت بهدوء رغم أنها كانت متوقعه ده .
فاطمه قربت منها بحنان ./انتي ترتاحي خالص و تقعدي معايا لحد ما تولدي .
نور اتكلمت بخبث ./و هو ادهم هيرضي .
فاطمه بضيق. /اومال هخليها عنده . هي محتاجه حد يراعيها و لازم تكون تحت عيني .
مريم ابتسمت عليهم بهدوء .
نور ./طب يلا يا ماما نمشي احنا . عشان أدهم كان هيموت من القلق عليها .
فاطمه ابتسمت عليهم بحب و حضنت مريم و طلعت .
مريم وقفت بتعب و حطت ايديها علي بطنها بهدوء و هي مش عارفه تفرح و لا تزعل .
ادهم دخل و قفل الباب و قرب منها بفرحه . ادهم حضنها من ضهرها و حرك أيده علي بطنها بحب . /مبروك علينا يا حبيبتي .
مريم لفت لادهم بهدوء و هي بتبص في عينيه . /فرحان يا ادهم .
ادهم حرك أيده علي خدها. /طاير من الفرحه دي كلمه قليله . فرحان أن هيكون ليا ابن منك . و فرحان أن البيبي ده ممكن يصلح حاجات كتير اوي يا مريم . و يربطنا ببعض اكتر .
مريم حطت ايديها علي أيده باطمئنان . ادهم حرك أيده علي شفايفها بهدوء و ميل باسها بشغف . مريم غمضت عينيها بهدوء و رفعت ايديها و لفتها حوالين رقبته و بادلته بكسوف .
بعد شويه ادهم بعد عنها بضيق. /بتستغلي اني مش هعرف اعمل حاجه هنا .
مريم هزت راسها بكسوف و استخبت في حضنه . ادهم حضنها بحب./حسابنا لما نروح بيتنا .
_______________________________
نور كانت واقفه بتوتر من نظرات معتز و هي بتحاول تهرب بعيونها بعيد عنه .
فاطمه اتكلمت بهدوء . /هقوم أحضر العشاء .
نور بتوتر ./ خليكي انتي يا ماما .
فاطمه . /لا خليكي عشان لو مريم احتاجت حاجه .
و سبتهم و دخلت .
معتز فضل يبص عليها بتردد لحد ما اتكلم ./طب تعالي قربي عشان نعرف نتكلم .
